<::лат> OCR: <::рус> Библиотека святоотеческой литературы <::лат> http://orthlиb.ru <::слав> [гл\ва 20] Молитва запрещательная святаго василиа, над страждущими от демонов. Трисвятое. По Оч~е наш: Господи помилуй, 12. Приидите, поклонимся: Таже глаголет молитву сию: Бог богов и Господь господей, огненных чинов творец и безплотных сил хитрец, и Небесных и наднебесных художник, егоже не виде ни един же от человек, ни видети может, егоже убояся вся тварь: разгордевшаго иногда архистратига, и с своею его службою ослушанием отвергшася, свергий на землю, и отступльшия с ним аггелы, бесы злобою бывшия, во тьму глубины преисподния предавый: даждь заклинание мое, о страшном имени твоем совершаемо, грозно быти ему владыце лукавствия, и всем споспешником его, спадшим с ним с вышния светлости, и обрати я на бежание, и заповеждь ему отити оттуду, дабы ктому ничтоже вредно во образех знаменоваемых содеял: но да приимут крепость себе знаменоваемии державную, наступати на змию, и на скорпию, и на всю силу вражию, имже еси повелел. Твое бо поется и величается от всякаго дыхания и славится со страхом пресвятое имя, отца, и Сына, и святаго Духа, ныне и присно, и во веки веков, аминь.