<::лат> OCR: <::рус> Библиотека святоотеческой литературы <::лат> http://orthlиb.ru <::слав> [гл\ва 4] Молитва на Рождество Христово, сыном духовным. Владыко Господи Боже вседержителю, егда родился еси от Девы марии в вифлееме иудейстем, трепетно тварь просветися, и в мир возрадовася Рождеству твоему: сотворивый человека по образу твоему и по подобию, и давый ему крещение в покаяние. введый рабы твоя в пречестныя дни сия, к воздержанию страстем, к надежде воскресния: наставляя их на истину твоего Божества, отверзи им сердце и ум, знати тя Сына Божия, вземлющаго грехи всего мира. ты и ныне Владыко человеколюбче приими рабы твоя им\рк, якоже приял еси петра утопающа в мори, и отвергшагося тебе трижды, и плакавшагося горько, и паки прията тобою: приими и ныне Владыко, слезы и воздыхание и покаяние рабов твоих, якоже прият мытарево воздыхание, и блудницу плакавшуюся, и слезами омочившую нозе твои, и власы своими отершую, милости ради. приемый разбойника с собою, на Кресте вопиюща к тебе: помяни мя Господи, егда приидеши во Царствии твоем. и рекий ему: днесь со мною будеши в раи. слышахом глас глаголющий, и волхвом кланяющимся с дары, пастырем свиряющим, и ангелом воспевающим: слава в вышних Богу, и на земли мир, в человецех Благоволение, и ирод мятяшеся, яко Бог плотию явися на Спасение роду человеческому. тя ныне Владыко человеколюбче, вся тварь воспевает глаголющи: Христос раждается, славите: Христос с Небесе, срящите: Христос на земли, возноситеся. ныне ангельстии собори радуются, и Мученичестии лицы веселятся, видевше славное и честное Рождество, да вси достойно похвалим сердцем и устнами. и ныне Благий человеколюбче Господи, приими рабы твоя сия им\рк, кающияся грехов своих, ведомых и неведомых, вольных и невольных: и обычным человеколюбием твоим, приими коленное поклонение и пост рабов твоих им\рк, да скончавше заповеди твоя, и достигше ныне святаго и честнаго Рождества твоего, чисти и без порока будут причастницы пречистаго тела и честныя крове твоея: яко тебе подобает слава со отцем и со святым Духом, ныне и присно, и во веки веков, аминь.