<::лат> OCR: <::рус> Библиотека святоотеческой литературы <::лат> http://orthlиb.ru <::слав> БОЖЕСТВЕННАЯ ЛИТУРГИА СВЯТАГО АПОСТОЛА ИАКОВА брата Божия и перваго иерарха иерусалимскаго. Владимирова #ацл~и <-> Рим #971 (с. 4) По благословению архиерейскаго синода русской православной церкви заграницей. Все права сохранены за братством преподобнаго Иова. 2-е издание напечатася разрешением джорданвильскаго свято-Троицкаго монастыря в фотолифографии криптоферратския обители в лето #971. (с. 5) Во славу святыя единосущныя и неразделимыя Троицы, Оц~а и Сына и Святаго Духа, благословением архиерейскаго синода русския православныя церкве заграницей и трудами братства преподобнаго иова почаевскаго, и переводчика священноигумена Филиппа, напечатася книга сия БОЖЕСТВЕННАЯ ЛИТУРГИА святаго апостола ИАКОВА брата Божия и перваго иерарха иерусалимскаго, во владимировой на пряшевской руси, в лето от со творения мира #з_ум~з, от рождества по плоти Бога Слова #ацл~и, от крещения же руси 908, индикта 6, месяца иулиа в 27 день, первым тиснением. (с. 6) (с. 7) ЧИН Божественныя литургии святаго славнаго апостола ИАКОВА БРАТА БОЖИЯ и перваго иерарха иерусалимскаго, во святем граде Иерусалиме совершаемыя. Поставляется на среде храма амвон, подобный амвону, на немже стоит архиерей в начале Божественныя литургии святаго Иоанна Златоустаго или Василиа Великаго, и на сем амвоне поставляются един или два аналогиа, зрящя к западу. Аще архиерей литургисает, поставляются седалища на сем амвоне, едино посреди на вышшей степени архиерееви, таже от обою страну, степению ниже, седалища пресвитером, восточнее аналогиа, зряще к западу. (с. 8) Приспевшу времени Божественныя службы приходит хотяй литургисати с хотящими сослужити пресвитеры и диаконы, и во шедше в храм целует святыя иконы, ничтоже глаголя, и входит во святый олтарь. Сотворше поклонение святей трапезе, облачатся вси во вся Священныя одежды, паки ничтоже глаголя, диаконы же препоясуются орари своими и тако пребывают во все время службы. %[Зри%]: Саккос святитель не облачает, но пресвитерский фелонь, и поверх него омофорий великий, егоже не отлагает даже до конца Божественныя службы. Такожде Крест на ся не возлагает, ниже егколпион и митру. Дикирий со трикирием не потребны суть на сей литургии, ниже орлецы, точию пастырский жезл архиереев, и той без плата, сиречь сулка. И полагаются на святей трапезе со святым евангелием по обою страну его книги Божественных писаний: едина книга писаний апостольских, иная книга писаний Пророческих. Егда приуготовятся вси, отходит един от пресвитеров в предложение и приуготовляет (с. 9) святый дискос и святый потир, таже ничтоже глаголя изымает из просфоры агнец и растворяет во святем потире вино водою, якоже обычай есть на литургии Златоустовой или Василиевой творити, точию ничтоже глаголя. И тако скончав приуготовление, не покрыв сосуды, отходит ко святей трапезе. (%[Ведомо буди%], яко аще повелено будет проскомидии быти, зде приличествует совершати ю. Совершается же по обычаю Литургии Златоустовы или Василиевы, точию девятую частицу вземлет иерей в честь святаго славнаго апостола Иакова брата Божия и перваго иерарха иерусалимскаго. Молитву проскомидии: Боже, Боже наш: и отпуст проскомидии не глаголет, сосуды же покрывает по обычаю. Обаче сие нечто новое есть, и в древних хартиах не обретается, сего ради и мы сего во Иерусалиме не прияхом). (с. 10) {икона} (с. 11) Исходят диаконы (или един служай диакон, аще несть иных служащих диакон) из святаго олтаря, и станут по обою страну святых дверей, два два зряще к людем, сиречь, к западу. И станет архиерей (или иерей, аще служит един токмо иерей) пред святою трапезою, сослужащии же пресвитеры окружат ю. И глаголет архиерей (или иерей) тихим гласом, во еже слышану быти сослужащим, молитву сию, стоя пред святою трапезою и зря в востоку: Оскверненна грехми многими, да не презриши мене, Владыко Господи Боже наш. Се бо приступих к Божественному сему и пренебесному твоему таинству, не яко сый достоин, но взирая на твою Благостыню. Глас ти пущаю: Боже, милостив буди ми грешному: согреших на небо и пред тобою, и несмь достоин воззрети (с. 12) на святую твою сию и Духовную трапезу, на нейже единородный твой Сын и Господь наш Иисус Христос, мною грешным и всякою скверною окалянным, тайно предлагается в жертву. Сего ради тебе моление и Благодарение приношу, еже низпослати ми Духа твоего утешителя, укрепляющаго, утверждающаго мя к службе сей, и от тебе возвещенный ми глас неосужденно проповедати людем сподоби, во Христе Иисусе Господе нашем, с нимже Благословен еси со всесвятым, и Благим, и животворящим, и единосущным твоим Духом, ныне, и присно, и во веки веков. И по 385 отверзается завеса и святыя двери, архиерей же (или иерей), стоя пред святою трапезою и зря к востоку возглашает, всем воставшим: Слава Оц~у, и Сыну, и Святому Духу, троичному и единичному свету Божества, (с. 13) сущаго во Троице единичне и разделяемаго нераздельне. Троица бо едина Бог вседержитель, егоже славу небеса поведают, земля же его владычество, и море его державу, и всякая чувственная и умная тварь его величество выну проповедает. Яко тому подобает всякая слава, честь, держава, величие же и великолепие, ныне и присно, и во веки веков. Людие отвещают: Аминь. И глаголет един от сослужащих (аще суть) в слышание всем молитву сию: Благодетелю и Царю веков, и всея твари содетелю, приими приходящую ти чрез Христа твоего церковь твою. Коемуждо полезное исполни, приведи всех в совершение, и достойны ны соделай Благодати оСвящения твоего, совокупляя ны во святую твою соборную и апостольскую (с. 14) Церковь, юже стяжал еси честною кровию единороднаго Сына твоего. Господа же и Спаса нашего Иисуса Христа, с нимже благословен еси и препрославлен со всесвятым, и Благим, и животворящим твоим Духом, ныне и присно, и во веки веков. Людие: Аминь. Диакон став посреди солеи, и зря к людем, возглашает: Господу помолимся. И ничтоже людем отвещавшим, приемлет архиерей (или иерей) кадильницу, и кадит святую трапезу 3-жды с предния (сиречь восточныя) страны, глаголя возгласно молитву сию: Боже, приемый авелевы дары, ноеву и авраамову жертву, аароново и захариино кадило, приими и от рук нас грешных кадило сие в воню Благоухания и во оставление грехов наших и всех (с. 15) людей твоих. Яко Благословен еси, и подобает тебе слава, Оц~у, и Сыну, и Святому Духу, ныне и присно, и во веки веков. Людие отвещают: Аминь. И входят диаконы во святый олтарь малыми дверми. Архиерей же (или иерей) от дает кадильницу. И абие певцы начинают пети со сладкопением настоящий тропарь: Единородный Сыне, и Слове Божий, безсмертен сый, и изволивый Спасения нашего ради воплотитися от святыя Богородицы и присноДевы Марии, непреложно вочеловечивыйся, распныйся же Христе Боже, смертию смерть поправый, един сый святыя Троицы, спрославляемый Оц~у, и Святому Духу, спаси нас. Певаему сему тропарю, дает архиерей единому пресвитеру книгу писаний апостольских иному же книгу писаний Пророческих, сам же прияв в десницу свою жезл, в шуйцу (с. 16) приемлет святое евангелие, и тако творит вход, обходя святую трапезу с южныя страны. Аще един есть иерей служай, дает иерей диакону в десную руку святое евангелие, в шуйцу же книгу писаний апостольских, сам же вземлет писания Пророческая, и держит я у левыя страны персей. И тако творит вход, предыдущим лампадам и диакону предходящу иерееви. Совершается же вход сице: Исходят северными дверми и идут даже до западныя стены храма, аще же возможно есть, исходят и в притвор чрез северную дверь его. Предходят же два диакона со свещами, последуют им два иных диакона с кадильницами, сим последуют един пресвитер с книгою Пророческою, паки же иный с книгою апостольскою, последи же архиерей. И входят в храм великими враты, иже суть на западе храма. Пришедше ко аналогию, иже есть на амвоне среди храма, восходит на него архиерей (или иерей), и полагает книгу на аналогий, таже приемь от диакона (или пресвитера) евангелие и книгу апостольскую, такожде полагает я на аналогий. И (с. 17) идут вси далее даже до степеней солеи, и зде станут, дондеже скончают певцы тропарь: Единородный Сыне. Пресвитеры же и диаконы позади стоят. Егда же скончают певцы пение, глаголет архиерей (или иерей) молитву сию, возгласно, зря к востоку: Боже вседержителю, великоимените Господи, давый нам вход во святое святых пришествием единороднаго твоего Сына, Господа же и Бога, и Спаса нашего Иисуса Христа, молим и просим твою благостыню, понеже пристрашни и трепетни есмы, хотяще предстати святому твоему жертвеннику: низпосли на ны. Боже, Благодать твою Благую, и освяти наша души, и телеса, и дуси, и обрати помыслы наши ко Благочестию, да в чистой совести принесем тебе дары, даяния, плоды, во потребление согрешений наших и во умилостивление за вся люди твоя. Благодатию (с. 18) и щедротами, и человеколюбием единороднаго твоего Сына, с нимже благословен еси во веки веков. Людие: Аминь. И входят вси во святый олтарь святыми дверми и станут на своих местах, диаконы же стоят на солее, зряще к западу. Отлагает же архиерей жезл свой. И став един от диакон посреди солеи, глаголет зря к людем диаконства сия: Миром Господу помолимся. Людие: Господи, помилуй. О свышнем мире и Божием человеколюбии, и спасении душ наших, Господу помолимся. Людие: Господи, помилуй. О мире всего мира, и единении всех святых Божиих церквей, Господу помолимся. Людие: Господи, помилуй. (с. 19) О спасении и заступлении святейшаго отца и архиепископа нашего (имя рек), о всем причте и христолюбивых людех, Господу помолимся. Людие: Господи, помилуй. О оставлении грехов, и прощении согрешений наших, еже избавитися нам от всякия скорби, гнева, беды и нужды, и возстания врагов, Господу помолимся. Людие: Господи, помилуй. Пресвятую, пречистую, преславную, благословенную Владычицу нашу Богородицу и приснодеву Марию, святаго Иоанна, славнаго Пророка, предтечу и Крестителя, божественныя и всехвальныя апостолы, славныя Пророки, и добропобедныя мученики, и вся святыя и праведныя помянем, яко да молитвами их и предстательствы вси помиловани будем. Людие: Господи, помилуй. (с. 20) Глаголемым диаконствам, молится архиерей (или иерей) пред святою трапезою тайно сице: Щедре и милостиве, долготерпеливе и многомилостиве и истинне Господи. Призри от святаго жилища твоего и услыши ны молящияся тебе, и избави ны от всякаго искушения диавольскаго же и человеческаго, и не отстави от нас помощь твою, ниже тягчайшаго силы нашея наказания не наведи на ны. Не довольны бо есмы побеждати противная, ты же силен еси, Господи, во еже спасати от всех противлений. Спаси ны, Боже, от бедствий мира сего по благости твоей, яко да вошедше в чистой совести ко святому твоему жертвеннику, блаженную и трисвятую песнь с пренебесными силами неосужденно возслем ти, и благоприятную ти и Божественную совершив (с. 21) службу, сподобимся вечныя жизни. Аминь. И скончавшимся диаконствам, архиерей (или иерей) возглас: Яко свят еси, Господи Боже наш, и во святых обитаеши и почиваеши, и тебе славу и трисвятую песнь возсылаем, Оц~у, и Сыну, и Святому Духу, ныне и присно, и во веки веков. Людие: Аминь. И поют певцы трисвятое обычно: десная страна начинает Святый Боже, таже левый лик: Святый Боже, паки десная страна: Святый Боже. Таже, Слава, и ныне, Святый безсмертный, от леваго лика. И возгласит диакон: Динамис, и поют певцы десныя страны высочайшим гласом: Святый Боже. Сице поется трисвятое и аще архиерей литургисает. Скончавшуся пению трисвятаго, станет архиерей (или иерей) во святых дверех, (с. 22) зря к людем, и знаменует предстоящия, глаголя: Мир всем. Людие отвещают: И Духови твоему. И абие певцы начинают пети косно и со сладкопением Аллилуиа, 3-жды. Архиерей же (или иерей) исходит с сослужащими из святаго олтаря святыми дверми, и идет на среду храма, и восходит на амвон. Архиерей же имеет жезл в шуйце. И сядет святитель на место свое, и повелит сести и пресвитером, диаконы же позади стоят, сиречь, с восточныя страны амвона, по обою страну его, два два, зряще к западу. И приемлет чтец от архиереа благословение, и станет на амвоне пред аналогием, зря к западу. И скончавшейся Аллилуии, возглашает чтец: Чтение от Пророчества Исаиина (или иныя книги). Диакон возглашает: Вонмем. (с. 23) И чтет чтец писания Пророческая. Архиерей же и пресвитеры седяще внимают чтению, такожде и людие. Скончавшуся чтению, паки поется Аллилуиа. Архиерей же (или иерей) глаголет молитву сию тайно: Возсияй в сердцах наших, человеколюбче Господи, разума нетленный свет, и мысленныя наши отверзи очи во евангельских твоих проповеданий разумение: вложи в нас и блаженных твоих заповедей страх, да плотския похоти поправше, духовное жительство пройдем. вся, яже ко благоугождению твоему, и мудрствующе и деюще. И по Аллилуиа, возглашает диакон: Прости, услышим святаго евангелиа. И востают вси, востает и архиерей со пресвитеры. (%[Зри%], яко архиерей седит держа жезл свой. Паки зри: яко в закинфе мирствовати архиерею (или иерею), людем же: и Духови (с. 24) твоему отвещати указуется, обаче во иерусалиме сего не обретохом). Хотяй чести евангелие пресвитер возглашает: Чтение от Иоанна (или инаго евангелиста) святаго евангелиа. Диакон: Вонмем святому чтению. И чтет пресвитер святое евангелие, зря к западу, всем стоящим: (%[Ведомо буди%], яко в закинфе пред возгласом: Вонмем святому чтению, поют певцы: Слава тебе, Господи, слава тебе, и евангелие чтет на амвоне диакон. Во Иерусалиме же сего не прияхом). Исполнившуся чтению, паки поется певцами: Аллилуиа. По сем хотяй чести писания апостольская возглашает: Чтение от иже ко ефесеем послания святаго апостола Павла (или иныя книги апостольския). Диакон: Вонмем. (с. 25) И чтет писания апостольская с того же места. Архиерей же со пресвитеры паки возсядет на месте своем. По чтении паки поется Аллилуиа, по пропетии же сего, поучает архиерей люди, седя на месте своем и держа жезл свой. Аще повелит архиерей, иный кто проповедует. Егда же скончает архиерей (или иерей) поучение свое, востает от места своего вкупе со пресвитеры, и вземлет от аналогиа святое евангелие, имея жезл в шуйце, таже повелит пресвитером взяти прочия книги и входит во святый олтарь святыми дверми, последующим пресвитером. Людие же поют косно: Слава тебе, Господи, слава тебе. И станут вси на своих местах, диаконы же на солее, зряще к западу, якоже стояху в и начале божественныя службы. И полагается святое евангелие на святей трапезе, в горней ея стране, прочия же книги отлагаются. Отлагает архиерей и жезл свой. И глаголет диакон пред святыми дверми, зря к людем, ектению сию: (с. 26) Рцем вси: Господи, помилуй. Людие: Господи, помилуй. Господи вседержителю, пренебесне, Боже отец наших, молимтися, услыши. Людие: Господи, помилуй. О мире всего мира и единении всех святых твоих церквей, помолимся. Людие: Господи, помилуй. О спасении и заступлении святейшаго отца и архиепископа нашего (имя рек) о всем причте и Христолюбивых людех, помолимся. Людие: Господи, помилуй. О еже избавитися нам от всякия скорби, гнева, беды и нужды, пленения, горькия смерти и беззаконий наших, помолимся. Людие: Господи, помилуй. (с. 27) О предстоящих людех, ожидающих от тебе богатыя и великия милости, молим тя, буди благоутробен, и помилуй. Зде архиерей (или иерей) обращся к людем, возгласит знаменуя предстоящия из святых дверей: Спаси, Боже, люди твоя, и благослови достояние твое. Людие: Господи, помилуй. Диакон: Призри на мир твой милостию и щедротами. Людие: Господи, помилуй. Вознеси рог Христианский, силою честнаго и животворящаго креста, молитвою пресвятыя, благословенныя Владычицы нашея Богородицы, предтечи и апостолов твоих, и всех святых твоих, молим тя, многомилостиве Господи, услыши нас, молящихся тебе, и помилуй. Людие: Господи, помилуй, 3-жды. (с. 28) Архиерей (или иерей глаголет тайно, зря к востоку: Боже, огласивый ны божественными и спасительными твоими словесы, просвети души нас грешных к восприятию преждечтеннаго, яко да не токмо слышатели явим себе Духовных речений, но и творцы деяний Благих, содержащия веру нелицемерну, живот незазорен, жительство неукорно, во Христе Иисусе Господе нашем, с нимже благословен еси, со всесвятым, и Благим, и животворящим твоим Духом, ныне, и присно, и во веки веков. Таже, скончавшимся диаконствам возглас: Ты бо еси благовестие и просвещение, Спас и страж душ и телес наших, Боже, и единородный твой Сын, и Дух (с. 29) твой всесвятый ныне и присно, и во веки веков. Людие: Аминь. Таже диакон: Да внемлем усердне: миром Господу помолимся. Людие: Господи, помилуй. О свышнем мире и божием человеколюбии, и спасении душ наших, Господу помолимся. Людие: Господи, помилуй. О мире всего мира, и единении всех святых божиих церквей, Господу помолимся. Людие: Господи, помилуй. О спасении и заступлении святейшаго отца и архиепископа нашего (имя рек), о всем причте и христолюбивых людех, Господу помолимся. Людие: Господи, помилуй. (с. 30) О оставлении грехов и прощении прегрешений наших, и о еже избавитися нам от всякия скорби, гнева, беды и нужды, и возстания врагов, Господу помолимся. Людие: Господи, помилуй. День весь совершен, свят, мирен и безгрешен прейти, вси у Господа просим. Людие: Подай, Господи. Ангела мирна, верна наставника, хранителя душ и телес наших, у Господа просим. Людие: Подай, Господи. Прощения и оставления грехов и прегрешений наших, у Господа просим. Людие: Подай, Господи. Добрых и полезных душам нашим, и мира мирови, у Господа просим. Людие: Подай, Господи. (с. 31) Прочее время живота нашего в мире и здравии скончати нам, у Господа просим. Людие: Подай, Господи. Христианския кончины живота нашего, неболезненны и непостыдны, и добраго ответа на страшнем и трепетнем судищи Христове, просим. Людие: Подай, Господи. Пресвятую, пречистую, преславную, благословенную Владычицу нашу Богородицу и приснодеву Марию, святаго Иоанна, славнаго пророка, предтечу и Крестителя, божественныя и всехвальныя ап\столы, славныя Пророки, подвизавшияся, и мученики, и вся святыя и праведныя помянувше, сами себе, и друг друга, и весь живот наш, Христу Богу предадим. Людие: Тебе, Господи, (с. 32) Бываемым диаконствам, молится архиерей (или иерей), пред святою трапезою тайно, зря к востоку: Владыко животворче и благих подателю, давый человеком блаженную надежду жизни вечныя, Господа нашего Иисуса Христа, сподоби ны, Блаже, во освящении и сию ти Божественную совершити службу в наслаждение хотящаго быти блаженства. И простирает с пресвитеры антиминс, скончавшимся же диаконствам возглашает: Яко да под державою твоею всегда храними, и во свет истины путеводими, тебе славу и Благодарение возсылаем, Оц~у, и Сыну, и святому Духу, ныне и присно, и во веки веков. Людие: Аминь. Диакон: Миром воспоим Христу: да никто от оглашенных, да никто от непосвященных, (с. 33) да никто от немогущих молитися с нами: познайте друг друга: Двери. Прости вси. И входят диаконы во святый олтарь малыми дверми. И начинают певцы косно и со сладкопением: Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Господь господствующих приходит заклатися и датися в снедь верным. Певаему сему, приемлет архиерей (или иерей) кадильницу, и кадит святую трапезу окрест, олтарь весь, таже святыя иконы, лики и люди, по обычаю. Архиерей кадит, держа в шуйце жезл свой. %[Аще архиерей литургисает%]: По каждении отлагает архиерей кадильницу и жезл. И исходят царскими дверми диаконы, держаще умывальницу и утиральник, и умывает (с. 34) архиерей руки своя во святых дверех пред лицем народа, таже кропит има народ. После архиереа умывают руки пред лицем народа сослужащии пресвитеры, точию не кропят. Входят же диаконы со умывальницею во олтарь святыми дверми. Таже целует архиерей с сослужащими святую трапезу и мало покланяется народу, и отходит с сослужащими в предложение. И дает архиерей дискос со святым хлебом первому пресвитеру, ничтоже глаголя, чашу же второму пресвитеру. Несет же первый пресвитер дискос при персех своих. И исходят северными дверми предыдущим дискосом со свещами и кадилы, якоже предписася для входа с книгами божественных писаний. Архиерей же со входом не идет, но во святем олтари ожидает. %[Аще литургисает пресвитер%]: По каждении целует иерей святую трапезу, и поклонясь людем, отходит с диаконом в предложение, и умывают зде руце. Таже подает диакону святый дискос, ничтоже глаголя. Диакон же приемлет дискос не (с. 35) на главу, но противу персей держит его. Иерей же вземлет святый потир, и тако творят вход, якоже предписася для входа с книгами божественных писаний, предходящим парамонарием со светильники и кадильницею, еюже кадит парамонарий на несомыя дары. И достигше амвона, иже есть на среде храма, станут иерей со диаконом на нижшей его степени, зряще к западу, и зде помянут, за нихже приносится святая жертва, живыя и умершия. И по сих возглашает диакон: Всех вас да помянет Господь Бог, всегда, ныне и присно, и во веки веков. Людие косно: Аминь. И идут иерей со диаконом ко олтарю, и станут пред степенми солеи, зряще к востоку. И глаголет иерей возгласно молитву предложения (зри по сих): %[Аще архиерей литургисает%]: Идут пресвитеры и диаконы чрез весь храм (с. 36) даже до степеней солеи, диаконом непрестанно кадящим на несомыя дары. И станут вси пред солею, зряще к востоку: пресвитер несый дискос одесную, несый же потир ошуюю, диаконы же со свещами и кадильницами по обою страну святых дверей. Исходит же архиерей из олтаря в царския двери без жезла и кадила, и глаголет первый пресвитер тихим гласом: Архиерейство твое да помянет Господь Бог во царствии своем, всегда, ныне и присно, и во веки веков. Архиерей отвещает: Священство и диаконство ваша да помянет Господь Бог во царствии своем, всегда, ныне и присно, и во веки веков, аминь. Таже глаголет молитву предложения возгласно, зря из царских дверей к западу. Молитва предложения: Боже, Боже наш, небесный хлеб пищу всему миру, Господа нашего Иисуса Христа (с. 37) пославый Спаса и избавителя и благодетеля, благословяща и освящающа нас, сам благослови и предложение сие (Аще архиерей литургисает, приемлет зде архиерей от пресвитера дискос, и поставляет его на святей трапезе, таже возвращься молится зря к западу:) и приими е в пренебесный твой жертвенник. (Зде приемлет от втораго пресвитера святую чашу и поставляет ю на святей трапезе. И входят пресвитеры и диаконы во святый олтарь святыми дверми, и станут на своих си местах. Аще литургисает иерей, входит зде с диаконом во святый олтарь, и поставляют святая на святей трапезе, якоже на литургии Златоустовой творим. Аще покрыты быша сосуды, отлагаются зде все покровы. И молится архиерей (или иерей) пред святою трапезою, зря к востоку, возгласно): Помяни, яко благ и человеколюбец, принесших, и ихже ради принесоша: и нас неосуждены сохрани во священнодействии (с. 38) божественных твоих таин. Яко святися и прославися всечестное и великолепое имя твое, Оц~а, и Сына, и Святаго Духа, ныне и присно, и во веки веков. Людие: Аминь. И паки поют певцы херувимскую песнь: Предходят же сему лицы ангельстии со всяким началом и властию, многоочитии Херувими, и шестокрилатии Серафими, лица закрывающе, и вопиюще песнь: аллилуиа, аллилуиа, аллилуиа. Певаему сему, приемлет архиерей (или иерей) кадило, и кадит предложенная, глаголя молитву сию тайно: Владыко вседержителю, царю славы, ведый вся прежде бытия их, сам прииди к нам во святый час сей призывающим тя, и избави ны от срама греховнаго, очисти наш ум и помышления (с. 39) от нечистых похотей и мирския прелести и всякаго диавольскаго действа, и приими от рук нас грешных фимиам сей, якоже приял еси приношение авелево, и ноево, и аароново, и самуилово, и всех святых твоих, избавляя ны от всякаго деяния лукаваго, и спасая во еже всегда благоугождати, и покланятися, и славити тебе Оц~а, и единороднаго твоего Сына, и Духа твоего всесвятаго, ныне и присно, и во веки веков, аминь. Диаконы, вземше благословение, исходят малыми дверми и станут на солее лицем к людем. Скончавшуся пению возглашает диакон: Премудростию божиею вонмем. И глаголют людие вси мерным гласом вкупе: Верую во единаго Бога Оц~а, вседержителя, творца небу и земли, видимым (с. 40) же всем и невидимым. И во единаго Господа Иисуса Христа, Сына Божия, единороднаго, иже от Оц~а рожденнаго прежде всех век. Света от света. Бога истинна от Бога истинна, рожденна, несотворенна, единосущна Оц~у, имже вся быша. Нас ради человек, и нашего ради спасения сшедшаго с небес, и воплотившагося от Духа Свята, и Марии Девы, и вочеловечшася. Распятаго же за ны при понтийстем Пилате, и страдавша, и погребенна. И воскресшаго в третий день по писанием. И возшедшаго на небеса, и седяща одесную Оц~а. И паки грядущаго со славою судити живым и мертвым, егоже царствию не будет конца. И в Духа Святаго, Господа, животворящаго, иже от Оц~а исходящаго, иже со Оц~ем и Сыном спокланяема и сславима, глаголавшаго пророки. Во едину святую, соборную, и апостольскую церковь. (с. 41) Исповедую едино крещение во оставление грехов. Чаю воскресения мертвых: и жизни будущаго века. Аминь. Глаголему символу веры, молится архиерей (или иерей) тайно: Боже и владыко всех, достойны ны соделай часа сего недостойных, человеколюбче, да очистившеся от всякаго коварства и всякаго лицемерия, соединимся друг другу мира и любве союзом, утверждены твоего боговедения священием, ради единороднаго твоего Сына Христа, с нимже благословен еси, со пресвятым, и благим, и животворящим твоим Духом, ныне и присно, и во веки веков. И по скончании символа веры, возглашает диакон зря к людем: Станем добре. Миром Господу помолимся. (с. 42) Таже архиерей (или иерей) возглас: Яко Бог милости, любве, щедрот и человеколюбия еси, ты, и единородный твой Сын, и Дух твой всесвятый, ныне и присно, и во веки веков. Людие: Аминь. И знаменует архиерей (или иерей) люди, глаголя: Мир всем. Людие: И Духови твоему. Диакон: Возлюбим друг друга лобзанием святым. И поют певцы со сладкопением: Возлюблю тя, Господи, крепосте моя, Господь утверждение, и прибежище, и избавитель мой. Архиерей же (или иерей) целует край дискоса, таже край чаши и святую трапезу. Подобне творят и сослужащии пресвитеры, (с. 43) таже целуют архиереа в руку, друг же друга в уста, якоже мы во святый день пасхи обыкохом творити. Тожде творят и диаконы, стояще на солее. Скончавшуся пению, возглашает диакон: Главы наша Господеви приклоним. Людие вельми косно: Тебе, Господи. Архиерей же (или иерей), приклонив главу, глаголет молитву сию тайно: Едине Господи и милостиве Боже, приклоншим выи своя пред святым твоим жертвенником, и просящим у тебе Духовныя дары, низпосли Благодать твою благую, и благослови всех нас всяким благословением духовным и неотемлемым, иже в вышних живый и на смиренныя призираяй. Яко хвально, и покланяемо, и препрославлено есть всесвятое имя твое, Оц~а, и Сына, и Святаго Духа. Аминь. (с. 44) Диакон, зря в святыя двери ко святей трапезе глаголет возгласно: Господи, благослови. Архиерей (или иерей) возглас: Господь да благословит ны, и да поспешит нам, и достойны да сотворит ны предстояния святаго своего жертвенника и пришествия (зде знаменует дискос) святаго своего Духа (зде знаменует чашу) своею благодатию и человеколюбием, всегда, ныне и присно, и во веки веков. Людие, вельми косно: Аминь. Певаему сему, покланяется архиерей (или иерей) с сослужащими, глаголя в себе: Слава в вышних Богу, и на земли мир, в человецех благоволение (3-жды). Господи, устне мои отверзеши, и уста моя возвестят хвалу твою (3- жды). Да исполнятся уста моя хваления, Господи, яко (с. 45) да воспою славу твою, весь день великолепие твое (3-жды). И поклоняся мало на обе страны со служащим, поет вкупе с ними благолепно со сладкопением, во глас 5: Возвеличите Господа со мною, и вознесем имя его вкупе. Людие же отвещают в тойже глас: Дух Святый найдет на тя, и сила вышняго осенит тя. %[Аще служит един токмо иерей%] со диаконом, исходит иерей святыми дверми из олтаря на солею, и зря к людем поет сия вкупе с диаконом, таже, отвещавшим людем, мало покланяется и возвращается ко святей трапезе. Егда же поют людие, %[Аще литургисает архиерей%], глаголют сослужащии тихим гласом: Помяни и нас, владыко святый. Архиерей же отвещает такожде: Да помянет вас Господь во царствии своем, (с. 46) всегда, ныне и присно, и во веки веков. Аще пресвитеры %[сослужат иерееви%], глаголют ему: Помяни и нас, владыко, тойже отвещает: Да помянет нас Господь во царствии небеснем, всегда, ныне и присно, и во веки веков. И скончавшуся пению, абие глаголет диакон диаконства сия, зря к людем: Миром Господу помолимся. Людие: Господи, помилуй. Диакон обращься мало в святыя двери: Спаси, помилуй, ущедри и сохрани нас, Боже, твоею благодатию. Людие: Господи, помилуй. Диакон, паки зря к людем: О свышнем мире и божии человеколюбии, и о спасении душ наших, Господу помолимся. Людие: Господи, помилуй. (с. 47) О мире всего мира и единении всех святых Божиих церквей, Господу помолимся. Людие: Господи, помилуй. О святей вселенстей и апостольстей церкви, еже от конец земли даже до конец ея, Господу помолимся. Людие: Господи, помилуй. О спасении и заступлении святейшаго нашего отца и архиепископа (имя рек) всего причта и христолюбивых людей, Господу помолимся. Людие: Господи, помилуй. О благочестивейших и боговенчанных православных царех, всей палате и воинстве их, и о еже с небесе помощи и победе, Господу помолимся. Людие: Господи, помилуй. О святем Христа Бога нашего граде, царствующем граде, всяком граде и стране, и иже в православной вере и (с. 48) благочестии Божии живущих в них, о мире и безмятежии их, Господу помолимся. Людие: Господи, помилуй. О плодоносящих и добродеющих во святых божиих церквах, и поминающих убогия, вдовицы и сироты, странныя и в нужде сущия, и о заповедавших нам, яко да поминаем их в молитвах, Господу помолимся. Людие: Господи, помилуй. О еже в старости и немощи сущих, болящих, труждающихся, и от духов нечистых стужаемых, еже от Бога скором исцелении и спасении их, Господу помолимся. Людие: Господи, помилуй. О еже в девстве и чистоте и подвизе, и в честнем браце пребывающих, и о еже в горах, вертепах и пропастех земных подвизающихся (с. 49) преподобных отцех и братиях, Господу помолимся. Людие: Господи, помилуй. О плавающих, путешествующих, странных христианех, и о еже в пленении и изгнании, и в темницах и в тяжких работах сущих братиях наших, мирном возвращении коегождо в дом свой с радостию, Господу помолимся. Людие: Господи, помилуй. О предстоящих и сомолящихся нам в час сей святый и во всякое время отцех же и братиях, тщании, труде и усердии их, Господу помолимся. Людие: Господи, помилуй. И о всякой души христианстей, скорбящей и озлобленней, милости Божия и помощи требующей, и о обращении заблуждших, здравии болящих, о свобождении плененных, упокоении (с. 50) преждепочивших отец и братий, Господу помолимся. Людие: Господи, помилуй. О оставлении грехов и прощении согрешений наших, и о еже избавити нас от всякия скорби, гнева, беды и нужды, востания язык, Господу помолимся. Людие: Господи, помилуй. Пространнее о благорастворении воздухов, дождех мирных, росах благих, плодов изобилии, совершенном плодородии, и о венце лета, Господу помолимся. Людие: Господи, помилуй. О еже услышану и благоприятну быти молению нашему пред Богом, и низпослатися нам богатым милостем и щедротам его, Господу помолимся. Людие: Господи, помилуй. Пресвятую, пречистую, преславную, благословенную Владычицу нашу Богородицу (с. 51) и приснодеву Марию, святых и блаженных Иоанна славнаго пророка, предтечу и крестителя, Стефана перводиакона и первомученика, Моисеа, Аарона, Илию, Елиссеа, Самуила, Давида, Даниила пророки, и вся святыя и праведныя помянем, яко да молитвами и молении их вси помиловани будем. Людие: Господи, помилуй. О предлежащих честных и пренебесных, неизреченных, пречистых, славных, страшных, ужасных, божественных дарех, и о спасении предстоящаго и приносящаго сия честнаго отца нашего и архиереа (имя рек, или иереа имя рек, аще литургисает иерей), Господа Бога молим. Людие: Господи, помилуй, 3-жды: Глаголющу диакону ектению сию, молится архиерей (или иерей) пред святою трапезою, (с. 52) преклонив главу и мало простер пред собою руце ко святей трапезе, тайно сице: (%[Ведомо буди%], яко в закинфе молитвы сия глаголются от иереа вне олтаря за солеей, среди народа, обаче во Иерусалиме сего не обретохом). Молитва святаго Иакова: Призревый на ны милостию и щедротами, владыко Господи, и даровавый дерзновение нам смиренным и грешным и недостойным рабом твоим предстояти святому твоему жертвеннику и приносити тебе страшную сию и безкровную жертву о наших гресех и о людских неведениих, призри на мя, непотребнаго раба твоего, и изглади моя прегрешения благоутробия ради твоего, и очисти моя уста и сердце от всякия скверны плоти и Духа, и отстави от мене всякий помысл срамный же и неразумный, и удовли мя, силою всесвятаго (с. 53) твоего Духа, в службу сию, и приими мя ради твоея благости, приближающагося святому жертвеннику, и благоволи, Господи, приятным быти приносимым тебе даром сим руками нашими, снисходяще моим немощем, и не отвержи мене от лица твоего, ниже возгнушайся моего недостоинства, но помилуй мя, Боже, и по множеству щедрот твоих презри беззакония моя, яко да неосужденно пришед пред славу твою, сподоблюся покрова единороднаго твоего Сына и озарения всесвятаго твоего Духа, и не яко раб греха отвержен буду, но яко раб твой обрету благодат и милость и оставление грехов, в сем и будущем веце. Ей, Владыко вседержителю, все сильне Господи, услыши моление мое: ты бо еси вся действуяй во всех, и от тебе вси чаем во всех помощи же и заступления, и от единороднаго твоего Сына (с. 54) и животворящаго Духа, ныне и присно, и во веки веков. И молитву сию: Боже, иже многаго ради и неизреченнаго человеколюбия низпославый единороднаго твоего Сына в мир, да заблуждшее возвратит овча, не отвратися нас грешных, вручающих ти страшную сию и безкровную жертву: не бо на правды наша уповающи есмы, но на милость твою благую, ею же род наш соблюдаеши. И ныне молимся и просим твою благостыню: да не будет во осуждение людем твоим устроенное нам сие ко спасению таинство, но во оставление грехов, во обновление душ и телес, во благоугождение тебе, Богу и Оц~у. И молитву сию святаго Василиа. %[Ведомо буди%], яко во Иерусалиме сия молитва не глаголется, зане не святаго Иакова, но святаго (с. 55) Василиа есть. Мы же написахом зде сию молитву, понеже в древних хартиах обретается на сем месте. Господи Боже наш, создавый ны и введый в жизнь сию, показавый пути во спасение, даровавый нам небесных таин откровение, ты еси положивый ны в службу сию силою всесвятаго твоего Духа. Благоволи, Владыко, быти нам служителем новаго твоего завета, слугам пречистых твоих таинств, и приими нас, приближающихся святому твоему жертвеннику по множеству милости твоея, да достойны будем приносити тебе дары же и жертвы о своих си и о людских неведениих. И даждь нам, Господи, со всяким страхом и совестию чистою приносити тебе Духовную сию и безкровную жертву, юже приимше во святый и пренебесный и мысленный твой жертвенник, в воню благоухания, возниспосли (с. 56) нам благодать всесвятаго Духа. Ей, Боже, призри на ны и воззри на словесную сию службу нашу и приими ю, якоже приял еси Авелевы дары, Ноевы жертвы, Авраамова всеплодия, Моисеова и Ааронова священства. Самуилова мирная, Давидово покаяние, Захариино кадило, якоже приял еси от рук святых твоих апостол истинную сию службу: сице приими и от рук нас грешных предлежащия дары сия во благости твоей, и даждь быти приношению нашему благоприятну, освященну Духом святым, во искупление наших прегрешений и людских неведений, и во упокоение преждепочивших душ, да и мы грешнии и недостойнии раби твои, сподобльшеся нелицемерно служити святому твоему жертвеннику, приимем мзду верных и мудрых строителей, и обрящем благодать (с. 57) и милость в день страшный воздаяния твоего праведнаго и благаго. Приглаголет же и сие: %[Ведомо буди%], яко в закинфе иерей зде входит во святый олтарь святыми дверми, и чтет молитву сию пред святою трапезою, сего ради молитва сия молитвою завесы, сиречь, внутрь олтаря, именуется. Молитва завесы: Благодарим тя, Господи Боже наш, яко дал еси нам дерзновение во входе святых, егоже обновил еси нам путь новый и живый чрез завесу плоти Христа твоего. Сподобившеся же внити на место селения славы твоея, внутрь же быти завесы, и святая святых зрети, припадаем благостыни твоей, Владыко, помилуй нас: понеже пристрашни и трепетни есмы хотяще предстояти святому твоему жертвеннику, и приносити (с. 58) тебе страшную сию и безкровную жертву о наших согрешениих и о людских неведениих. Ниспосли на ны, Боже, благодать твою благую, и освяти наша души и телеса и дуси, и премени помышления наша ко благочестию, яко да чистою совестию принесем ти милость, мир, жертву хваления. Скончавшимся диаконствам возглас: Милостию и щедротами и человеколюбием единороднаго твоего Сына, с нимже благословен еси, со пресвятым и благим и животворящим твоим Духом, ныне и присно, и во веки веков. Людие: Аминь. И знаменует архиерей (или иерей) люди глаголя: Мир всем. Людие: И духови твоему. (с. 59) Диакон: Станем добре. Станем благочестне. Станем со страхом Божиим и сокрушением. Вонмем: святое возношение в мире Богу: И входят диаконы во святый олтарь малыми дверми, и вземше рипиды, веют святая. Людие: Милость мира, жертву хваления. Архиерей же (или иерей) глаголет молитву сию тайно: И знаменательно одевающия священнодействие сие покровы гаданий открыв, ясно покажи нам, и умная наша очи необыменнаго твоего света исполни, и очистив нищету нашу от всякия скверны плоти и духа, достойны соделай ны страшнаго сего и ужаснаго предстояния, яко преблагоутробен и милостив (с. 60) Бог еси, и тебе славу возсылаем, Оц~у и Сыну, и святому Духу ныне и присно, и во веки веков. Изшед же архиерей или иерей из святых дверий, станет на вышшей степени солеи и возгласит зря к людем, воздвиг десную руку свою: Любы Бога и Оц~а, и благодать Господа и Бога и Спаса нашего Иисуса Христа, и причастие и дар всесвятаго Духа буди со всеми вами. И знаменует люди. Людие: И со духом твоим. Архиерей (или иерей), воздев очи свои горе и воздвиг руце, такожде зря к людем, возглашает: Горе имеим ум и сердца. Людие: Имамы ко Господу. Архиерей или иерей: Благодарим Господа. (с. 61) И сложив крестообразно руце свои на персех, мало покланяется людем, и возвращается ко святей трапезе. Людие поют косно и со сладкопением: Достойно и праведно. %[Зри%], яко прочих слов, сиесть, Покланятися Оц~у, и прочая на сей литургии не поем. Архиерей же или иерей, зря в востоку, преклонив главу, и мало простер пред собою руце ко святей трапезе, молится тайно сице, творя благодарение: Яко воистинну достойно есть и праведно, лепо же и потребно, тя хвалити, тя пети, тебе кланятися, тебе славословити, тебе благодарити всякия твари видимыя и невидимыя содетеля, сокровище вечных благ, источника жизни и безсмертия, всяческих Бога и Владыку, егоже поют небеса и небеса небес, и вся силы их, солнце же и луна, (с. 62) и весь звездный лик, земля, море, и вся яже в них, Иерусалим пренебесный, собор избранных, церковь перворожденных, написанных на небесех, дуси праведных и пророк, души мученик и апостол, ангели, архангели, престолы, Господствия, начала же и власти, и силы страшныя, херувими многоочитии, и шестокрилатии серафими, иже двема крилома покрывают лица своя, двема же ноги, и двема летающе взывают друг ко другу неусыпными усты, немолчными славословеньми: Возгласно: Победную песнь великолепныя твоея славы, светлым гласом поюще, вопиюще, славословяще, взывающе и глаголюще. Людие: Свят, свят, свят Господь саваоф. Исполнь небо и земля славы твоея. Осанна в вышних. Благословен (с. 63) грядый во имя Господне. Осанна в вышних. Певаемей сей песни, молится архиерей или иерей тайно сице: Свят еси (знаменует дискос) царю веков и всякия святыни Господи и подателю (знаменует чашу). Свят и единородный твой Сын, Господь наш Иисус Христос, имже вся сотворил еси (знаменует обоя). Свят же и Дух твой всесвятый, проницаяй всяческая и глубины твоя, Бога и Оц~а. Свят еси всесильне, страшне, блаже, благоутробне, наипаче состраждаяй созданию твоему. Сотворивый от земли человека по образу твоему и подобию, и даровавый ему наслаждение райское, преступивша же заповедь твою и отпадша, сего не презрел еси, ниже оставил еси, блаже, но наказал еси сего яко благоутробный (с. 64) Оц~, призвал еси его чрез закон, наздал еси его чрез пророки, последи же самаго единороднаго твоего Сына, Господа нашего Иисуса Христа низпослал еси в мир, да сам пришед твой обновит и возставит образ. Иже снизшед с небесе и воплощься от Духа свята и Марии святыя приснодевы и Богородицы, споживе же человеком, вся устрои ко спасению рода нашего. Хотяще же вольную и животворящую крестом смерть безгрешен за ны грешныя прияти, в нощь, в нюже предаяшеся, паче же сам себе предаяше за мира живот и спасение (зде вземлет шуйцею с дискоса святый хлеб, и держит его мало подемь, и глаголет тайно (в закинфе же возгласно сие глаголется)): прием хлеб во святыя и пречистыя и безсмертныя своя руки, воззрев на небеса, и показав тебе Богу и Оц~у, благодарив, благословив, освятив, (с. 65) (знаменует святый хлеб, прелагает его в десную руку, и держит крайними персты десныя руки, мало возвышь) преломив, подаде святым и блаженным своим учеником и апостолом рек: Возгласно: Приимите, ядите, сие есть тело мое еже за вы ломимое и предаемое во оставление грехов. И полагает святый хлеб на дискос. Людие: Аминь. Архиерей же (или иерей) вземлет святую чашу и держит ю мало подемь, глаголя тайно (в закинфе сия возгласно глаголются): Такожде по еже вечеряти, прием чашу и растворив от вина и воды, зряще на небеса и показав тебе Богу и Оц~у, и благодарив, освятив (знаменует чашу) исполнив Духа свята, подаде святым и блаженным своим учеником и апостолом, рек: (с. 66) Возгласно: Пийте от нея вси: сия есть кровь моя новаго завета, яже за вы и за многи изливаемая и предаемая во оставление грехов. (Зде поставляет чашу на святую трапезу). Людие: Аминь. Архиерей же тайно: Се творите в мое воспоминание: елижды бо аще ясте хлеб сей и чашу сию пиете, смерть сына человеческаго возвещаете и воскресение его исповедуете, дондеже не приидет. Диакон, зря ко святей трапезе , возглашает светлейшим гласом: Веруем и исповедуем. Людие же поют во глас и со сладкопением и косно: Смерть твою, Господи, возвещаем, и воскресение твое исповедуем. (с. 67) Архиерей же знаменует святый дискос, таже святую чашу и молится тайно преклонив главу: Поминающе убо и мы грешнии животворящия его страдания, спасительный крест, и смерть, и погребение, и тридневное из мертвых воскресение, и еже на небеса восхождения и одесную тебе Бога и Оц~а седение, и еже второе славное, страшное его пришествие, егда приидет со славою судити живыя и мертвыя, егда хощет коемуждо воздати по делом его: Пощади ны, Господи Боже: (трижды), наипаче же по благоутробию своему, приносим ти, Владыко, страшную сию и безкровную жертву, моляще да не по грехом нашим, ниже по беззаконием нашим воздаси нам, но по твоему снисхождению и неизреченному твоему человеколюбию презрев и изгладив еже о нас рукописание тебе (с. 68) молящихся, подаси нам небесная и вечная твоя дарования, ихже око не виде, и ухо не слыша и на сердце человеческое не взыде, яже уготова Бог любящим тя, и не ради моих грехов отринеши люди твоя, человеколюбче Господи. Таже поет со пресвитеры со сладкопением во глас 5, мало воздев руце: Людие бо твои и церковь твоя молят тя. Людие же отвещают такожде, со сладкопением, глас тойже: Помилуй нас, Господи Боже, Оч~е вседержителю. И паки поет архиерей или иерей с сослужащими тожде: Людие твои: и прочая, и паки отвещают людие: Помилуй нас: и прочая, тако да трищи поет архиерей со пресвитеры и трищи отвещают ему людие. Третие же людие поют вельми косно, еже имати время архиереови или иерееви глаголати молитву. (с. 69) Архиерей же, или иерей преклонь главу, молится сице (нецыи глаголют словеса сия возгласно, во Иерусалиме же глаголют тайно): Помилуй нас, Боже вседержителю, помилуй нас Боже, спасителю наш, помилуй нас Боже по велицей милости твоей и низпосли на ны и на предлежащия святыя дары сия Духа твоего всесвятаго (от зде всяко глаголет тайно) Господа животворящаго, сопрестольнаго тебе, Богу и Оц~у и единородному твоему Сыну, соцарственнаго, единосущнаго же и совечнаго, глаголавшаго законом и пророки и новым твоим заветом, сошедшаго в виде голубине на Господа нашего Иисуса Христа во Иордане реце и пребывающаго на нем, сошедшаго на святыя твоя апостолы в виде огненных язык в горнице святаго и славнаго Сиона в день святыя пятидесятницы, сего Духа (с. 70) твоего всесвятаго низпосли, Владыко, на ны и на предлежащия святыя дары сия (таже воздев руце глаголет тайно, в закинфе же, согласно древним хартиам возгласно): да посетив святым и благим и славным своим наитием, освятит и сотворит хлеб убо сей тело святое христово. (И знаменует святый хлеб). Диакон же, зря сия глаголет: Аминь. Архиерей же (или иерей) глаголет (в закинфе возгласно, во Иерусалиме же тайно): И чашу сию кровь честную Христову. (И знаменует чашу). Диакон такожде: Аминь. Архиерей же или иерей обоя не знаменует, но абие глаголет тайно: Да будут всем иже от них причащающимся во оставление грехов и в жизнь вечную. Диакон такожде: Аминь. (с. 71) Архиерей (или иерей) тайно: Во освящение душ и телес, аминь. Во плодоношение дел благих, аминь. Во утверждение святыя твоея соборныя и апостольския церкве, юже основал еси на камени веры, да врата адова не одолеют ей, избавляя ю от всякия ереси и от соблазна делающих беззаконие, сохраняя ю даже до скончания веков. (И знаменует дискос и чашу раздельне). Диакон: Аминь. Таже молится архиерей (или иерей) мало воздев руце преклонь главу, мерным гласом, во еже слышану быти стоящим вне святаго олтаря, людие же припевают многажды во глас 6: Помяни, Господи Боже наш: Молитва: Приносим ти, Владыко, и о святых твоих местех, ихже прославил еси (с. 72) богоявлением Христа твоего и наитием всесвятаго твоего Духа, наипаче же о святем и славнем Сионе, матери всех церквей, и о еже по всей вселенней святей твоей соборней и апостольстей церкви, богатыя дары всесвятаго твоего Духа и ныне подаждь ей, Владыко. Помяни, Господи, и иже в ней святыя отцы наши и епископы, иже во всей вселенней православно правящия слово твоея истины. В первых помяни, Господи Боже наш, преподобнаго отца нашего, святейшаго нашего архиепископа (имя рек), старость ему честную подаждь, многолетна его сохрани, пасуща люди твоя во всяком благочестии и досточестии. Помяни, Господи, еже зде честное пресвитерство и повсюду, еже во Христе диаконство, прочее всякое служение, весь церковный (с. 73) чин и еже во Христе братство наше и вся Христолюбивыя люди. Помяни, Господи, сопредстоящия нам иереи, служащия во святый час сей пред святым твоим жертвенником во еже приносити святую и безкровную твою жертву и даждь им и нам слово во отверзение уст наших, во славу и по хваление всесвятаго имене твоего. Помяни, Господи, по множеству милости твоея, и мене смиреннаго, и грешнаго, и недостойнаго раба твоего, и призри на мя милостию и щедротами, и избави и свободи от гонящих мя, Господи, Господи сил, и не вниди в суд с рабом твоим, и понеже умножися во мне грех, да преизбыточествует твоя благодать. Помяни, Господи, и святый твой жертвенник окружающия диаконы, подаждь им жительство непорочно, чисто служение (с. 74) их сохрани, и на степени лучшия возведи. Помяни, Господи, святый Бога нашего град и царствующий град, и всякий град и страну, и в православней вере и благочестии живущия в них, мир и безмятежие их. Помяни, Господи, благочестивейшия и Христолюбивыя цари, всю палату и воинство их, и еже с небесе помощь и победу их. Коснися оружия, и защити, и востани в помощь их, покори им вся враждебныя и варварския языки. Устрой их советы, яко да мирное и тихое житие поживем во всяком благочестии и досточестии. Помяни, Господи, плавающия, путешествующия, странныя Христианы, во узах и темницах, в пленении и изгнании, в рудах и мучениих, и в горьких работах (с. 75) сущия отцы и братию нашу, мирное возвращение коегождо в дом. Помяни, Господи, в старости и немощи сущия, болящия, дряхлыя и от Духов нечистых стужаемыя, от тебе, Бога скорое исцеление и спасение их. Помяни, Господи, всякую душу Христианскую, скорбящую и умученную, милости и помощи от тебе, Бога требующую, и обращение заблуждших. Помяни, Господи, иже в девстве и соблюдении и подвизе пребывающия, и иже в горах и вертепех и пропастех земных подвизающияся отцы и братию наша, и иже по местом православных соборы, и иже зде во Христе собор наш. Помяни, Господи, труждающияся и служащия нам отцы же и братия наша, ради имене твоего святаго. Помяни, Господи, всех во благое, всех помилуй, Владыко, всех нас примири, (с. 76) умири множество людей твоих, истреби соблазны, упраздни брани, умири разделения церквей, ересей востания скоро утоли, ниспровержи гордыню язык, вознеси рог Христиан православных, твой мир и твою любовь подаждь нам, Боже, Спасителю наш, упование всех концев земли. Помяни, Господи, благорастворение воздухов, дожди мирныя, росы благия, плодов изобилие, совершенное плодородие, и венец лета благости твоея, очи бо всех на тя уповают и ты даеши пищу их во благовремении, отверзаеши ты руку твою, и исполняеши всяко животно благоволения. Помяни, Господи, плодоносившия и плодоносящия во святых божиих церквах и поминающия убогия, и заповедавшия нам еже поминати их в молитвах. (с. 77) Еще сподоби помянути, Господи, и приношения сия принесшия в днешний день на святый твой жертвенник, и о нихже кийждо принесе, или в помышлении имать, и вмале тебе прочтенныя. Помяни, Господи, и родители наша, сродники и други (имя рек, зде поминают кийждо от предстоящих ихже хощет помянути). Сих всех помяни, Господи, ихже помянухом, и ихже не помянухом, православныя. Воздаждь им вместо земных небесная, вместо тленных нетленная, вместо временных вечная, по обетованию Христа твоего, понеже живота и смерти область имаши. Еще помянути сподоби, Владыко, и иже от века тебе благоугодившия по родом, святыя отцы, патриархи, пророки, апостолы, мученики, исповедники, учители, преподобныя, и всякий Дух праведный в вере скончавшийся. (с. 78) Помяни, Господи, архангельский глас глаголющ: радуйся, благодатная, Господь с тобою, благословенна ты в женах, и благословен плод чрева твоего, яко Спаса родила еси душ наших. Возгласно: Изрядно о пресвятей и преблагословенней, пречистей Владычице нашей Богородице и приснодеве Марии. И паки глаголют людие, якоже первее: Помяни, Господи Боже наш. Архиерей же (или иерей) молитву тайно: Святаго Иоанна славнаго пророка, предтечу и крестителя, святыя апостолы, святыя пророки и патриархи и праведныя, святыя мученики и исповедники. Помяни, Господи Боже, святыя отцы наша и архиепископы и всякую плоть, юже помянухом и юже не помянухом. Тамо их упокой, во стране живых, во царствии твоем, в наслаждении рая, (с. 79) в недрех Авраама, и Исаака, и Иакова святых отец наших, отнюдуже отбежит болезнь, печаль и воздыхание, идеже присещает свет лица твоего и просвещает выну. Скончание же живота нашего христианское и благоугодное, и безгрешное в мире устрой, Господи, собирая ны под ноги избранных твоих, егда хощеши и како хощеши, едине токмо без стыда и прегрешений, ради единороднаго твоего Сына, Господа же и Бога и Спаса нашего Иисуса Христа, той бо един есть безгрешен явивыйся на земли. Аще архиерей литургисает, глаголют со служащии вси вкупе, аще же несть архиереа, глаголет сия служай иерей: В первых помяни, Господи, отца и патриарха нашего (или епископа, имя рек), егоже даруй святей твоей церкви в (с. 80) мире цела, честна, здрава и долгоденствующа, право правяща слово твоея истины. Диакон глаголет зря к людем, аще и един иерей служит: И о мире и благостоянии всего мира и святых божиих церквей, и о них за нихже кийждо принесе, или в помышлении имать, и о предстоящих людех, и о всех и за вся. Абие архиерей, или иерей возглас: Даждь и нам, и им, яко благий и человеколюбец, Владыко. Людие же вси вкупе глаголют во глас 6: Ослаби, остави, прости, Боже, прегрешения наша, вольная же и невольная, яже в ведении и неведении. Архиерей возглас: Благодатию и щедротами и человеколюбием Христа твоего, с нимже благословен (с. 81) еси и препрославлен со всесвятым и благим и животворящим твоим Духом, ныне и присно, и во веки веков. Людие: Аминь. Архиерей (или иерей) знаменует люди, глаголя: Мир всем. Людие: И духови твоему. Абие диакон, изшед северными дверьми и став на обычнем месте глаголет диаконства сия зря к людем, ничтоже людем отвещающим: Паки и паки, и непрестанно миром Господу помолимся. О принесенных и освященных честных пренебесных, неизреченных, пречистых, славных, страшных, ужасных, божественных дарех, Господу Богу нашему помолимся. (с. 82) Яко да Господь Бог наш, приемь я во святый и пренебесный, мысленный и духовный свой жертвенник, в воню благоухания, возниспослет нам божественную благодать и дар всесвятаго Духа, помолимся. Соединение веры и причастие всесвятаго его и покланяемаго Духа испросивше, сами себе, и друг друга, и весь живот наш Христу Богу нашему предадим. Зде людие отвещают: Тебе Господи, Глаголемым диаконствам сим, молится архиерей (или иерей) тайно: Боже и Оч~е Господа и Бога и Спаса нашего Иисуса Христа, великоимените Господи, блаженное естество, независтная благостыне, всяческих Боже и владыко, сый благословенный во веки веков, седяй на (с. 83) херувимех и прославляемый от серафим, емуже предстоят тысящи тысящ и тьмы тем святых ангел и архагг~л воинства, принесенная убо тебе дары, даяния, приношения, в воню благоухания приими, ихже освятити и совершити сподобил еси, блаже, благодатию Христа твоего и всесвятаго твоего Духа, освяти, Владыко, и наша души, и телеса, и Духи, и прикоснися помышлений, и испытай совести, и отвержи от нас всякое помышление лукавое, всякий помысл срамный, всякую страсть и похоть постыдную, всякое слово неподобное, всякую зависть, и суемудрие, и лицемерие, всяку лжу, всякое лукавство, всякое искушение житейское, всякое любостяжание, всякое тщеславие, всяко зло, всяку ярость, всякий гнев, всякое злопомнение, всякое оклеветание, всякое сребролюбие и нерадение, (с. 84) всякое движение злое плоти же и Духа, чуждое воли святыни твоея. Возглас: И сподоби нас, Владыко человеколюбче Господи, со дерзновением неосужденно чистым сердцем, душею просвещенною, непостыдным лицем, освященными усты смети призывати тебе, иже на небесех святаго Бога Оц~а, и глаголати: И глаголют людие вси вкупе: Оч~е наш, иже еси на небесех, да святится имя твое: да приидет царствие твое: да будет воля твоя, яко на небеси, и на земли. Хлеб наш насущный даждь нам днесь: и остави нам долги наша, якоже и мы оставляем должником нашим, и не введи нас во искушение, но избави нас от лукаваго. Глаголему сему, молится архиерей (или иерей) тайно: (с. 85) И не введи нас во искушение, Господи, Господи сил, ведый немощь нашу, но избави нас от лукаваго и от дел его и от всякаго оскорбления и козни того, ради имене твоего святаго, нареченнаго на нашем смирении. Возглас: Яко твое есть царство, и сила, и слава, Оц~а и Сына и святаго Духа, ныне и присно и во веки веков. Людие: Аминь. Архиерей (или иерей) благословляет люди, глаголя: Мир всем. Людие: И духови твоему. Диакон: Главы наша Господеви приклоним. Людие: Тебе, Господи. Архиерей или иерей тайно молитву: Тебе приклонихом, раби твои, Господи, своя выи, пред святым твоим (с. 86) жертвенником, чающе от тебе богатыя милости, богатую и ныне благодать твою и благословение твое низпосли нам, Владыко, и освяти наша души и телеса и духи, яко да достойны будем причастницы и участницы быти святых твоих таин во оставление грехов и в жизнь вечную. Возглас: Ты бо еси покланяемый и препрославленный Бог наш, и единородный твой Сын, и Дух твой всесвятый, ныне, и присно, и во веки веков. И знаменует архиерей дискос и чашу. Людие же отвещают: Аминь. И изшед архиерей (или иерей) святыми дверьми на солею, глаголет к людем благословение сие, воздвиг руце свои: И да будет благодать и милость святыя и единосущныя, несозданныя, и (с. 87) нераздельныя, и покланяемыя Троицы со всеми вами. Людие: И со духом твоим. И знаменует десною рукою люди, таже возвращается ко святей трапезе. Диакон, зря к людем и воздвиг десную руку свою глаголет: Со страхом божиим вонмем. Архиерей же или иерей, возносит святый хлеб крайними персты своею руку, держит его мало подемь и глаголет молитву сию тайно, бывает же дондеже молится архиерей или иерей, молчание велие во храме, людем приклонившим главы своя. Святе, во святых почиваяй, Господи, освяти ны словом твоея благодати и наитием всесвятаго твоего Духа, ты бо еси рекий, Владыко: святи будите якоже аз свят есмь. Господи Боже наш, непостижиме Боже, Слове, Оц~у и всесвятому Духу единосущне, совечне, нераздельне, (с. 88) приими чистую песнь во святых жертвах твоих безкровных жертвах с херувимы и серафимы и от мене грешнаго, вопиюща и глаголюща: Возгласно: Святая святым. Людие: Един свят, един Господь Иисус Христос, во славу Бога Оц~а со святым Духом, емуже слава во веки веков. Диакон зря к людем: О спасении и заступлении святейшаго отца и архиепископа нашего (имя рек) и о всякой души скорбящей и озлобленней, милости и помощи Божия требующей, и о обращении заблуждших, исцелении болящих, свобождении плененных, упокоении преждепочивших отец же и братий, вси усердно рцем: Господи, помилуй. Людие: Господи, помилуй 12, во глас 6. (с. 89) Егда же глаголет диакон диаконства сия, архиерей или иерей преломляет святый и хлеб, егоже держит обема рукама, на две части первее знаменав его: <::рус> (рис. <::лат> http://orthlиb.ru/оorзhиp/зluzhebnиk/1.gиф) <::слав> Часть, юже держит в шуйце, полагает паки на дискос. Часть же, юже держит в десней руце, паки преломляет на две части, якоже зде из_образихом, держя часть с печатию ХС в десней руце, часть же с печатию КА в шуей, и знаменав паки десною рукою часть ХС, еяже прелагает в шуйцу, полагает десницею во святый потир, глаголя тайно: Соединение пресвятаго тела и честныя крове Господа и Бога и Спаса нашего Иисуса Христа. Соединися и освятися и (с. 90) совершися во имя Оц~а, и Сына, и святаго Духа. Сию часть во святый потир. <::рус> (рис. <::лат> http://orthlиb.ru/оorзhиp/зluzhebnиk/2.gиф) <::слав> Сию паки на дискос. Часть КА полагает на дискосе. Таже преломляет часть, еже бысть первее в шуйце, на нейже печати ИС и НИ суть, глаголя: Се агнец Божий, Сын отечь, вземляй грех мира, закланный за мира живот и спасение. Таже раздробляет рукою части ИС, НИ и КА за еже довольно быти всем хотящим причаститися, глаголя: (с. 91) Част святая Христова, исполнена благодати и истины, Оц~а и Святаго Духа, емуже слава и держава во веки веков. Егда же скончают людие Господи помилуй, глаголет диакон зря в востоку: Господи, благослови. Архиерей (или иерей) воздев руце возглашает: Господь благословит ны и неосужденны соблюдет ны в причащении пречистых его даров, ныне и присно, и во веки веков. Людие: Аминь: Диакон, такожде: Господи, Благослови. Архиерей (или иерей) обычно: Господь благословит и сподобит ны непорочными персты прияти разжженный угль, и вложити во уста верных, во очищение и обновление душ их и телес, ныне и присно, и во веки веков. Людие: Аминь. (с. 92) Архиерей (или иерей), зря к людем, чрез святыя двери возглашает: Вкусите и видите, яко Христос Господь, разделяемый и неразделимый, и верным раздаемый, и неиждиваемый, во оставление грехов, и в жизнь вечную, ныне и присно и во веки веков. Людие: Аминь. Таже диакон к людем: В мире Христове поим. И входят диаконы во святый олтарь малыми дверьми, людие же поют причастен: Вкусите и видите, яко Христос Господь, Аллилуиа. Затворяются же зде царския двери и завеса, дондеже причастятся священнослужителие. Егда же раздроблен будет святый хлеб и диаконы внидут во святый олтарь, станут вси благоговейно окрест святыя (с. 93) трапезы, архиерей же, (или иерей), преклонь главу молится пред святою трапезою сице, во еже слышану быти сослужащими: Молитва прежде святаго причащения: Владыко Христе Боже наш, небесный хлебе, пище всего мира, согреших на небо и пред тобою, и несмь достоин причаститися святых и пречистых твоих таин, но ради благости твоея и неизреченнаго долготерпения, достойна мя сотвори и неосужденна, и непостыдна, причаститися всесвятаго тела и честныя крове во оставление грехов и в жизнь вечную. (Зде в закинфе вливается теплота во святый потир, мы же во иерусалиме сего не прияхом). И причащается архиерей или иерей святаго тела, глаголя в себе: Тело Христово. И егда причастится, архиерей преподает всем иереом и диаконом святое тело, глаголя при коемждо даянии: Тело Христово. (с. 94) И отвещает приемляй часть по обычаю на длани своя, глаголя Аминь. И абие снедает святый хлеб. И егда причастит архиерей сослужащия, приемлет святый потир с платом, якоже обычай есть и причащается по обычаю, глаголя: Кровь Христова, чаша жизни. И приходят иереи и диаконы, и причащает их по обычаю глаголя: Кровь Христова, чаша жизни. И отвещает причащающийся: Аминь. %[Зри%]: да части, яже суть на святем дискосе никакоже по причащении в потир вложиши. Сице бывает причащение, и приемлет архиерей (или иерей), и диаконы теплоту и помывают устне свои, по обычаю: един диакон, хотяй потребляти святая, не приемлет теплоты. Егда же совершится во святем олтаре причащение, и приспеет время причащения мирян, отверзается завеса, и царския двери, и глаголет диакон, став у десныя страны святыя трапезы: Господи, благослови. (с. 95) Архиерей (или иерей) подает чашу диакону глаголя: Слава Богу, освятившему и освящающему всех нас. Диакон, приемля от архиереа или иереа святую чашу: Вознесися на небеса, Боже, и по всей земли слава твоя, и царство твое пребывает во веки веков. Архиерей (или иерей): Благословено имя Господа Бога нашего, во веки веков. Таже вземлет архиерей (или иерей) дискос со святым хлебом. И исходит диакон с чашею во святыя двери, и показуя чашу людем возглашает: Со страхом Божиим, и верою и любовию приступите. Людие поют: Благословен грядый во имя Господне. Исполни уста моя хваления, (с. 96) Господи, и радости исполни устне мои, яко да воспою славу твою. И станет диакон зря к людем у иконы пресвятыя Богородицы, архиерей же (или иерей) с дискосом станет во святых дверех. И аще суть причащающияся миряне, приходят со смирением ко архиерею (или иерею), и той, держя в шуйце дискос со святым хлебом, глаголет: Тело Христово. И отвещает приходяй: Аминь. И влагает архиерей (или иерей) часть святаго хлеба во уста ему, и той снедает ю и приходит к диакону, и глаголет диакон: Кровь Христова, чаша жизни. И отвещает приходяй: Аминь. И дает ему диакон пити из чаши мало. И сице причащаются людие. Аще и православно сие и лепо есть, обаче не обычен есть в дни наши сицевый чин: подобает, глаголет архиепископ закинфский Дионисий, да потребныя части святаго хлеба положит архиерей (или иерей) во святый потир по еже причаститися служащим, и причащает зде люди приходящия, (с. 97) аще будут, тела и крове Христовы вкупе лжицею, якоже ныне обычай православным христианом есть. Егда же скончают причащение, благословляет архиерей (или иерей) дискосом люди глаголя: Спаси, Боже, люди твоя, и благослови достояние твое. Людие: Благодарим тя Христе Боже наш, яко сподобил еси нас причаститися тела и крове твоея во оставление грехов и в жизнь вечную, неосужденны ны сохрани, молимся, яко благ и человеколюбец. И входят архиерей и диакон во святый олтарь и поставляют святая на святей трапезе: архиерей (убо дискос, диакон же святый потир, и влагает архиерей (или иерей) части святаго хлеба во святую чашу и опрятает по обычаю святый дискос, и приемь кадильницу кадит святая, глаголя молитву сию тайно: (с. 98) Возвеселил еси ны, Боже, в единении твоем, и тебе приносим песнь благодарственную плод уст, исповедающе благодать твою, с кадилом сим да взыдет к тебе, Боже, да не возвратится тщи, но подаждь нам его ради благоухание всесвятаго твоего Духа, миро пречистое и неотемлемое исполни уста наша хваления, и устне радования, и сердце радости и веселия, во Христе Иисусе Господе нашем, с нимже благословен еси, со всесвятым твоим Духом, ныне и присно, и во веки веков. И относит святая един от иереев от святыя трапезы на жертвенник ничтоже глаголя, диакон такожде относит дискос, без каждения, антиминс же подобает свити, изшед же северными дверьми станет диакон на своем месте, зря к людем, и глаголет диаконства: Паки и паки, непрестанно миром Господу помолимся. Яко да будет нам (с. 99) причащение святынь его во отвращение всякаго лукаваго деяния, в напутие живота вечнаго, в причащение и дар святаго Духа, помолимся. Пресвятую, пречистую, преславную, благословенную Владычицу нашу Богородицу и приснодеву Марию, со всеми святыми и праведными помянувше, сами себе, и друг друга, и весь живот наш Христу Богу предадим. Людие: Тебе Господи. Глаголемым же диаконствам сим, молится архиерей (или иерей) пред святою трапезою тайно сице: Боже, великаго ради и неизреченнаго благоутробия снизшедый немощи рабов твоих, и сподобивый нас причаститися сея пренебесныя трапезы, не осуди нас, Владыко, грешных о причащении пречистых твоих таин, но сохрани ны, блаже, во освящении, яко да достойны (с. 100) бывше всесвятаго твоего Духа, обрящем част и наследие со всеми святыми, еже от века тебе благоугодившими, во свете лица твоего, щедротами единороднаго твоего Сына, Господа же и Спаса нашего Иисуса Христа, с нимже благословен еси, со всесвятым, и благим, и животворящим твоим Духом, ныне, и присно, и во веки веков. Возглас: Яко благословися и святися и препрославися всечестное и великолепое святое имя твое, Оц~а и Сына и святаго Духа, ныне, и присно, и во веки веков. Людие: Аминь. Архиерей (или иерей) благословляет люди глаголя: Мир всем. Диакон же абие глаголет: Главы наша Господеви приклоним. (с. 101) Людие: Тебе Господи. Архиерей же (или иерей) молитву сию тайно: Боже великий и дивный, призри на рабы твоя, яко тебе приклонихом выи, и простри руку твою державную, исполнену благословений, и благослови люди твоя, и сохрани достояние твое, яко да всегда и непрестанно прославляем тя, единаго живаго и истиннаго Бога нашего, святую и единосущную Троицу, Оц~а и Сына и святаго Духа. Возглас: Тебе бо подобает и долженствует от всех нас всякое славословие, честь, поклонение и благодарение, Оц~у и Сыну, и святому Духу, ныне, и присно, и во веки веков. Людие: Аминь. Диакон: С миром Христовым изыдем. Архиерей же (или иерей) изшед святыми (с. 102) дверьми из олтаря, и став среди народа, глаголет молитву сию, зря к востоку: От силы в силу восходяще, и всю еже в храме твоем исполнив божественную службу, и ныне молимся тебе, Господи Боже наш: совершеннаго человеколюбия сподоби нас, исправи путь наш, укорени нас во страсе твоем, всех помилуй и пренебеснаго царствия твоего достойны покажи, во Христе Иисусе Господе нашем, с нимже подобает тебе слава, честь, держава, вкупе со всесвятым Духом, ныне, и присно, и во веки веков. Диакон к людем: Отпущаетеся в мире. Архиерей или иерей: Благословися Бог, благословляяй и освящаяй нас причащением святых и пречистых его таин, ныне, и присно, и во веки веков. Людие: Аминь. (с. 103) И отходят людие с миром в домы своя, священницы же совлачаются святых одежд, тожде творит и диакон потребив святая, и идут в домы своя благодаряще Бога. Сице совершися божественная литургиа святаго апостола Иакова. Конец и Богу слава. {<::рус>Внесены незначительные правки, исправлены опечатки}