<::лат> OCR: <::рус> Библиотека святоотеческой литературы <::лат> http://orthlиb.ru <::рус> сохранена орфография оригинала <::слав> БОЖЕСТВЕННАЯ ЛИТУРГИА СВЯТАГО АПОСТОЛА ИАКОВА, БРАТА БОЖИЯ <::рус> София, 1948 <::слав> Входя Архиерей во храм в мантию не облачится, а приим жезл токмо в руку без пануклии (сулка) станет пред святыми дверьми поклонився трижды к востоком глаголя в себе <((>Боже, очисти мя, грешнаго<))>! целует образ Христов и Богородицы? таже и еще трижды поклонився к востоком, покланяется сослужащим и народу, и входит во олтарь южными дверьми. По обычаю поклонився святей трапезе и целовав ю, облачают его диакони ничтоже глаголюще в стихарь, епитрахиль, пояс, нарукавницы, палицу, фелонь и великий омофорий (егоже не снимают до конца литургии) без панагии, митры, орлецов и архиерейских свещников (дикирия и трикирия). Облачаются такожде и вси сослужащии священницы же и диакони во своя си их одежды. Един от священников умыв руки и поклонився трижды пред жертвенником, совершает проскомидию ничтоже глаголя: изрезовает святый Агнец и полагает на дискос? вливает в святую чашу от вина вкупе и воды? таже по обычаю Иерусалимскому сосудов не покрывает, по обычаю же острова Закинфа покрывает я, якоже обычно, кадя первее звездицу и покровы. Аще же изволит предстоятель, может совершити проскомидию обычную по чину Златоустаго, токмо зри частицу девятую в честь и память святаго апостола Иакова, Брата Божия, изяти. По проскомидии святых даров, стоя пред святою трапезою заключеным еще красным дверем глаголет (с. 18) тайно молитву сию Архиерей (аще ли же несть Архиереа, Иерей): Во множестве грехов оскверненнаго да мя не уничижиши, Владыко Господи Боже наш! Се бо приступих к божественному сему и небесному таинству Твоему, не яко достоин сый, но наТвою взирая благостыню испущаюТи глас сей: Боже, милостив буди мне, грешному{<::рус>Лук. 18:13.<::слав>}! Согреших на небо и пред Тобою и несмь достоин{<::рус>Сравни Лук. 15:18 и 21<::слав>} воззрети на священную Твою сию и духовную трапезу, на нейже единородный Твой Сын и Господь наш Иисус Христос мне, грешному и всякою скверною окалянному, тайно предлагается в жертву! Сего ради Тебе молбу и благодарение приношу ниспослати ми Духа Твоего _Утешителя, укрепляюща и утверждающа мя к службе сей и от Тебе возвещенный ми глас неосужденно людем сей провещати сподоби! Во Христе Иисусе, Господе нашем, с Нимже благословен еси со пресвятым, благим, животворящим и единосущным Твоим Духом, ныне и присно и во веки веков, Аминь. По сем диакони отверзают царския двери, исходят на солею и станут одесную и ошуюю царских врат с лицем к народу. Егда же время, кийждо их глаголет диаконства своя став на средине солеи с лицем к народу. Архиерей (или Иерей) стоя пред святою трапезою с лицем к востоком, возглашает: Слава Отцу и Сыну и Святому Духу, троичному и единному свету Божества, единне в Троице сущаго и разделяемаго нераздельне! Троица бо един Бог Вседержитель, Егоже славу поведают небеса, земля же владычество Его, море державу Его и вся чувственная же и умная (с. 19) тварь величество Его проповедует всегда! Яко Тому подобает всякая слава, честь, держава, величие и великолепие, ныне и присно и во веки веков! Людие: Аминь! Архиерей сам глаголет или благословляет Иерея сослужащаго глаголати молитву сию в слышание всем: Благодетелю и Царю веков и твари всякия Содетелю, приими приходящую Ти Христом Твоим церковь Твою! Коемуждо полезное прошение исполни! Приведи всех в совершение и достойны нас соделай благодати освящения Твоего, собирая нас во святую Твою соборную и апостольскую церковь, юже стяжал еси честною кровию единороднаго Твоего Сына, Господа же и Спаса нашего Иисуса Христа, с Нимже благословен еси и препрославлен с пресвятым и благим животворящим Твоим Духом, ныне и присно и во веки веков! Людие: Аминь! Диакон, всегда лицем обращенный к людем, возглашает: Господу помолимся! Людем ничтоже отвещавающим, приим Архиерей (или Иерей) кадило и кадя св. трапезу возглашает зря к востоком молитву сию: Боже, приемый Авелевы дары, Ноеву и Авраамову жертву, Аароново и Захариино кадило, приими и от рук нас грешных кадило сие ввоню благоухания и оставление грехов наших и всех людей Твоих! Яко благословен еси и Тебе подобает слава, Отцу и Сыну и Святому Духу, ныне и присно и во веки веков! Людие: Аминь! (с. 20) Таже входят диакони во святый олтарь малыми дверьми. Архиерей же (или Иерей) отдает кадильницу. И абие певцы начинают со сладкопением пети тропарь: Единородный Сыне... Приим же Архиерей (или Иерей) от святыя трапезы Писания Святая, Пророки и Апостол, и вручив я Иереем или диаконом, предидущим свещеносцем, исходит из олтаря и творит вход, держа сам десною рукою жезл, шуйцею же святое Еваггелие на персех. Обышедше святую трапезу с южныя страны, якоже обычно, исходят северными дверьми и идут даже до западныя стены храма. Таже возвращшеся среднею частию храма ко олтарю и пришедше к аналогию, Архиерей полагает на него Еваггелие, Апостол и Пророки, шедше же станут _у степеней солеи до конца пения? а свещеносцы станут со свещами с обеих стран аналогия лицем друг противу друга до внесения святых Писаний во олтарь. Таже Архиерей (или Иерей) возгласно молится зря к востоком: Боже Вседержителю, великоимените Господи, давый нам вход во святая святых пришествием единороднаго Твоего Сына, Господа же и Бога и Спаса нашего Иисуса Христа, молим и просим Твою благостыню, зане пристрашни есмы и трепетни, хотяще предстати святому Твоему жертвеннику: ниспосли на ны, Боже, благодать Твою благую и освяти наша души и телеса и духи, и измени мудрования наша ко благочестию, яко да в чистей совести принесем Ти дары, даяния, плоды во отвержение наших согрешений и во очищение всех людей Твоих! Благодатию и человеколюбием едироднаго Твоего Сына, с Нимже благословен еси во веки веков! Людие: Аминь! (с. 21) По сем входя в святый олтарь, глаголет тайно молитву Архиерей (или Иерей) приклонь главу: Щедре и милостиве, долготерпеливе и многомилостиве и истинне Господи, призри от святаго жилища Твоего и услыши нас, Твоих рабов, и избави ны от всякаго искушения диаволскаго же и человеческаго! И не отстави от нас твоея помощи, ниже тяжчайшаго паче нашея силы наказания да не наведеши на ны{<::рус>Сравни 1 Корнит 10:13.<::слав>}! Мы бо недовольни есмы побеждати сопротивная приключения, Ты же силен еси, Господи, спасати от всех сопротивлений! Спаси ны, Боже, от тяжких мира сего по благости Твоей, яко да вшедше с чистою совестию во святый Твой жертвенник блаженную и трисвятую песнь с небесными силами неосужденно возслем Ти и благоугодную Тебе божественную совершивше службу сподобимся вечныя жизни! Аминь! Вшедшу Архиерею со сослужащими Иерей во святый олтарь, диакон став посреде солеи и зря к людем глаголет ектению: Миром Господу помолимся! Людие: Господи, помилуй! О свышнем мире и Божием человеколюбии и спасении душ наших Господу помолимся! По всяком прошении диакона поют людие: Господи, помилуй! О мире всего мира и соединении всех святых Божиих церквей Господу помолимся! О спасении и заступлении господина нашего блаженнейшаго (имярек), Митрополита Софийскаго и Е_ксарха Болгарскаго (или Высокопреосвященнейшаго Митрополита нашея имярек), всего причта и христолюбивых людей Господу помолимся! (с. 22) Пресвятую, пречистую, преславную, благословенную владычицу нашу Богородицу и приснодеву Марию, святаго Иоанна славнаго пророка, предтечу и крестителя, божественных и всехвальных апостолов, славных пророков и победонсных мучеников, и всех святых и праведных помянем, яко да молитвами их и предстательствы вси помиловани будем! Архиерей (или Иерей): Яко свят еси. Господи Боже наш, и во святых живеши и почиваеши и Тебе славу и трисвятую песнь возсылаем, Отцу и Сыну и Святому Духу, ныне и присно и во веки веков. Людие: Аминь! И абие поют трисвятую песнь трижды по ряду, таже Слава и Ныне, Святый Безсмертный, помилуй нас! И возглашает диакон: Сила! Певцы же поют последнее трисвятое. Тогда Архиерей (или Иерей) став во святых дверех и зря к людем, знаменует их глаголя: Мир всем: Людие: И духови твоему! И абие начинают певцы пети косно: Аллилуиа (трижды)! И исходит Архиерей со сослужащими из олтаря святыми дверьми, в шуйце имый жезл, и идет на средину храма на амвон. И сядет на уготованное ему место, повелит же и пресвитером сести, а диакони станут зад ними с лицем к западом. Чтец приим благословение от Архиереа станет пред аналогием и по скончании пения возглашает: Соборнаго послания Иаковля чтение (или иныя книги). Диакон возглашает: Вонмем! И приим благословение от Архиереа кадит: Архиерей же тайно глаголет молитву каждения: Тебе, исполненному всякаго благовония и радости, Господи Боже наш, от нихже дал еси нам приносим Ти кадило (с. 23) сие. Да вознесется убо, молимся, пред Тобою от убогих наших р_ук во святый и пренебесный Твой жертвенник ввоню благоухания, во оставление грехов наших и во очищение людей Твоих! Благодатию и щедротами и человеколюбием единороднаго Твоего Сына, с Нимже благословен еси со пресвятым и благим и животворящим Твоим Духом, ныне и присно и во веки веков! Аминь! По исполнении Апостола людие: Аллилуиа (трижды)! По сих же возглашает диакон ектению: Рцем вси: Господи, помилуй! Людие: Господи, помилуй! Господи, Вседержителю небесный, Боже отец наших, молим Ти ся услыши! О мире всего мира и соединении всех святых Твоих церквей помолимся! О спасении и заступлении господина нашего блаженнейшаго (имярек), Митрополита Софийскаго и Е_ксарха Болгарскаго (или Высокопреосвященнейшаго Митрополита нашего имярек), всего причта и христолюбивых людей помолимся! О избавитися нам от всякия скорби, гнева, беды и нужды, пленения, горькия смерти и беззаконий наших помолимся! И о предстоящих людех, ожидающих от Тебе великия и богатыя милости, молим Тя _умилосердися и помил_уй! Зде Архиерей (или Иерей) обращься к людем знамен_ует их глаголя: Спаси, Боже, люди Твоя и благослови достояние Твое! Тогда людие: Господи, помилуй! Паки диакон: Посети мир Твой милостию и щедротами! Возвыси рог христианский силою честнаго и животворящаго креста. предстательством пресвятыя благословенныя владычицы (с. 24) нашея Богородицы, Предтечи и апостолов Твоих и всех святых Твоих молим Тя, многомилостиве Господи, _услыши нас, молящихся Тебе, и помил_уй! Людие: Господи, помил_уй! (трижды). Архиерей же (или Иерей) глаголет молитв_у сию тайно: Возсияй в сердцах наших, человеколюбче Господи, ведения нетленный свет и мысленныя наши отверзи очи во еваггельских проповеданий Твоих раз_умение! Вложи нам и блаженных Твоих заповедей страх, да плотския похоти поправше д_уховное жительство пройдем, вся ко благугождению Твоему и мудрств_ующе, и деюще! Возглас: Ты бо еси благовеств_увание и просвещение, Спас и хранитель д_уш и телес наших, Боже, и единородный Твой Сын и Д_ух Твой пресвятый, ныне и присно и во веки веков! Людие: Аминь! Тогда диакон абие возглашает: Прости _услышим святаго Еваггелиа! И востают вси Архиерей же и пресвитери. Хотяй чести Еваггелие пресввтер возглашает: От Иоанна (или инаго) святаго Еваггелиа чтение! Диакон: Вонмем святом_у чтению! По прочтении паки поется Аллилуиа, по пропетии же глаголет Архиерей (или Иерей) пучение народ_у. По пучении людие поют косно: Слава Тебе, Господи, слава Тебе! Архиерей же взем книг_у Еваггелиа в шуйц_у, десницею держа жезл, а пресввтери иныя книги Священных Писаний от аналогия, входят вси во святый олтарь святыми дверьми. И стан_ут вси на своих си местех. Архиерей же (или Иерей) молится тайно зря к востоком: (с. 25) Возгласивый нам, Боже, божественная Твоя и спасительная словеса, просвети души нас, грешных, к восприятию предпрочтенных, яко да не точию слышателем видетися д_уховных речений, но и творцем быти деяний благих{<::рус>Иак. 1:22, Рим. 2:13.<::слав>}, вер_у проходяще нелестн_у, житие непорочно, жительство неповинно во Христе Иисусе, Господе нашем, с Нимже благословен еси и препрославлен со пресвятым и благим и животворящим Твоим Духом, ныне и присно и во веки веков! Аминь! Диакони же ставше на солеи лицем к народ_у, един от них глаголет ектению сию: Внемлем прилежно! Миром Господ_у помолимся! Людие: Господи, помил_уй! О свышнем мире, Божии человеколюбии и спасении д_уш наших Господ_у помолимся! О мире всего мира и соединении всех святых Божиих церквей Господ_у помолимся! О спасении и заст_уплении господина нашего блаженнейшаго (имярек), Митрополита Софийскаго и Е_ксарха Болгарскаго (или Высокопреосвященнейшаго Митрополита нашего имярек), всего причта и христолюбивых людей Господ_у помолимся! О оставлении грехов и прощении согрешений наших и о избавитися нам от всякия скорби, гнева, беды и нужды и востания врагов Господ_у помолимся! День весь совершен, свят, мирен и безгрешен преити вси _у Господа просим! Людие: Подай, Господи! (с. 26) Аггела мирна, верна наставника, хранителя д_уш и телес наших _у Господа просим! Прощения и оставления грехов и прегрешений наших _у Господа просим! Добрых и полезных д_ушам нашим и мира мирови _у Господа просим! Прочее время живота нашего в мире и здравии скончати нам _у Господа просим! Христианския кончины живота нашего, безболезненны и непостыдны, и добраго ответа на страшнем и трепетнем с_удищи Христове просим! Пресвятую, пречист_ую, преславн_ую, благословенн_ую Владычиц_у наш_у Богородиц_у и приснодев_у Марию, святаго Иоанна славнаго пророка предтеч_у и крестителя, божественных и всехвальных апостолов, славных пророков, добропобедных мучеников и всех святых и праведных помянувше, сами себе и др_уг друга и весь живот наш Христу Бог_у предадим! Людие: Тебе, Господи! Архиерей (или Иерей) тайно: Владыко животворче и благих подателя, давый человеком блаженн_ую надежд_у вечныя жизни, Господа нашего Иисуса Христа, сподоби нас, Блаже, во святыни и сию Ти божественн_ую совершити служб_у в наслаждение буд_ущаго блаженства! Архиерей со пресввтеры простирает антиминс, возглашая: Яко да под державою Твоею всегда храними и во свет истины п_утеводими, Тебе слав_у и благодарение возсылаем, Отцу и Сын_у и Святом_у Дух_у, ныне и присно и во веки веков! Людие: Аминь! (с. 27) Диакон: В мире Христове воспоим! Да никто от оглашенных! Да никто от непосвященных! Да никто от немогущих с нами молитися! Познайте др_уг друга! Двери! Прости вси! И входят диакони во святый олтарь малыми дверьми, певцы же начинают косно пети и со сладкопением: Да молчит всякая плоть человеча и да стоит со страхом и трепетом, и ничтоже земное в себе да помышляет! Царь бо царств_ующих и Господь господств_ующих приходит заклатися и датися в снедь верным! Сему певаем_у, приим Архиерей жезл в шуйц_у и кадило в десниц_у кадит святую трапез_у окрест, весь олтарь, таже святыя иконы, лики и люди по обычаю. По каждении же отложив кадило и жезл, омывает руки во святых дверех пред лицем народа и кропит има народ. Таже целует со пресввтеры святую трапез_у, покланяется мало народ_у и отходят вси в предложение. И дает дискос первому пресвитер_у, чаш_у же втором_у ничтоже глаголя. И исходят вси сосл_ужащии северными дверьми со свещами и кадилы без Архиереа, иже их ожидает во святем олтари. Идет же вход чрез весь храм даже до степеней солеи, диаконом непрестанно кадящим пред святыми дары. И стан_ут вси пред солеею — несый дискос одесную, несый же потир ошуюю, а прочии пресввтери и диакони по обою страну святых дверей. Тогда Архиерей исходит в царския дщери без жезла и кадила и глаголет к нему первый пресввтер тихим гласом: Архиерейство твое да помянет Господь Бог во царствии Своем, всегда, ныне и присно и во веки веков! (с. 28) Архиерей отвещавает: Священство и диаконство ваше да помянет Господь Бог во царствии Своем, всегда, сыне и присно и во веки веков! Таже глаголет молитв_у предложения возгласно, зря из царских дверей к западом: Боже, Боже наш, небесный хлеб, пищ_у всему мир_у, Господа нашего Иисуса Христа, пославый Спаса и избавителя и благодетеля, благословяща и освящающа нас, сам благослови предложение сие (зде Архиерей приемлет от пресвитера дискос и поставляет его на святую трапез_у, таже возвращься молится зря к западом) и приими е в пренебесный Твой жертвенник (зде же приемлет от втораго пресввтера святую чаш_у и поставляет ю на святую трапез_у. И входят сосл_ужащии пресвитери и диакони во святый олтарь святыми дверьми и стан_ут вси на своих си местех. И молится Архиерей пред святою трапезою возгласно зря к востоком). Помяни яко благ и человеколюбец принесших и ихже ради принесоша! И нас неос_ужденны сохрани во священнодействии божественных твоих таин! Яко святися и прославися всечестное и великолепое имя Твое, Отца и Сына и Святаго Духа, ныне и присно и во веки веков! (Зде отлагай покровы, аще с_уть). Людие: Аминь! (Аще Иерей лит_ургисует без Архиереа, каждение творит предстоятель священносл_ужения, целует святую трапез_у со всеми сосл_ужащими, покланяется народ_у и отходят вси предложение, идеже омывают руки священницы же и диакони. Таже предстоятель приемлет дискос, вторый священник святую чаш_у, а диакон кадильницею кадит пред (с. 29) святыми дары. Совершивше вход, якоже предписася, стан_ут вси пред солеею, идеже предстоятель глаголет возгласно молитв_у предложения: <((>Боже, Боже наш<))>. Сказав же <((>и приими е в пренебесный Твой жертвенник<))>, входят вси во святый олтарь и полагают святая на святую трапез_у, а предстоятель глаголют молитв_у до конца). Певцы допевают хер_увимск_ую: Предходят же сему лицы аггельстии со всяким началом и властию, многоочитии хер_увими и шестокрилатии серафими, лица закрывающе и поюще песнь: аллилуиа, аллилуиа аллилуиа! Сему певаем_у, кадит Архиерей (или Иерей) предложенная, тайно глаголя молитв_у сию: Владыко вседержителю, царю славы, Боже, ведый вся прежде бытия их, Сам прибуди нам во святый час сей, призывающим Тя, и избави нас от ст_уда прегрешений! Очисти наш _ум и помышления от скверных страстей и мирския прелести и всякаго диавольскаго действа! И приими от р_ук нас грешных жертв_у сию, якоже приял еси приношение Авелево, Ноево, Аароново, Самуилово и всех святых Твоих, извавляя нас от всякия л_укавыя вещи и спасая, во еже всегда благугождати, покланятися и славити Тебе Отца, и единороднаго Твоего Сына и Духа Твоего пресвятаго, ныне и присно и во веки веков! Приимшее благословение диакони исходят малыми дверьми и стан_ут на солеи лицем к народ_у. Скончавш_уся пению, возглашает Диакон: Премудростию Божиею вонмем! Людие: Вер_ую во единаго Бога Отца и пр. (с. 30) Глаголем_у свмвол_у веры, Архиерей (или Иерей) тайно: Всех Боже и Владыко, достойны нас сотвори часа сего недостойных, Человеколюбче, яко да очистившеся от коварства и лицемерия соединимся др_уг друг_у союзом мира и любве, _утверждаеми Твоего богоразумия освящением единородным Твоим Сыном Христом, с Нимже благословен еси со пресвятым и благим и животворящим Твоим Духом, ныне и во веки! По скончании свмвола веры, диакон: Станем добре! Миром Господ_у помолимся: Архиерей (или Иерей) возглашает: Яко Бог милости, любве, щедрот и человеколюбия еси, и единородный Твой Сын и Д_ух Твой пресвятый, ныне и присно и во веки веков! Людие: Аминь! И знамен_ует Архиерей (или Иерей) люди: Мир всем! Людие: И духови твоему! Диакон: Возлюбим др_уг друга лобзанием святым! И поют певцы со сладкопением: Возлюблю Тя, Господи, крепосте моя! Господь _утверждение мое и прибежище мое и избавитель мой{<::рус>Псал. 17:2-3.<::слав>}! Архиерей и сосл_ужащии пресвитери по чин_у целуют край дискоса и чаши и святыя трапезы, таже архиереову руку и равнии др_уг друга во _уста Такожде диакони целуются на солеи между собою. Таже диакон: Главы наша Господеви приклоним! Людие вельми косно: Тебе, Господи! (с. 31) Архиерей (или Иерей) приклоненною главою молится тайно: Едине милостиве Господи и Боже, прикланяющим своя выи пред святым Твоим жертвенником и ищ_ущим _у Тебе д_уховных даров ниспосли благодать Твою и благослови всех нас всяким благословением д_уховным и неотемлемым, Иже ввышних живый и на смиренныя призираяй! Яко хвально и покланяемо и препрославлено есть всесвятое имя Твое, Отца и Сына и Святаго Духа! Аминь! Диакон обращься ко святей трапезе глаголет к Архиерею (или Иерею) возгласно: Господи, благослови! Архиерей (или Иерей) возглашает: Господь да благословит и сослужит нам и достойны да сотворит предстояния святаго Его жертвенника и пришествия (зде знамен_ует дискос) святаго Его Духа (зде знамен_ует чаш_у) Своею благодатию и человеколюбием всегда, Ныне и присно и во веки веков! Людие вельми косно: Аминь! Сему певаем_у, покланяется Архиерей со сосл_ужащими пресвитеры, глаголя в себе: Слава ввышних Бог_у и на земли мир, в человецех благоволение{<::рус>Лук. 2:14.<::слав>}! (трижды) Господи, _устне мои отверзеши и _уста моя возвестят хвалу Твою{<::рус>Псал. 50:17<::слав>}! (трижды) Да исполнятся _уста моя хваления Твоего, Господи, яко да воспою слав_у Твою, весь день великолепие Твое{<::рус>Сщо 70:8.<::слав>}! (трижды). Таже покланяяся мало сосл_ужащим на обе страны и народ_у, поет вкупе со пресвитеры и диаконы: Возвеличите Господа со мною и вознесем имя Его вкупе{<::рус>Сщо 33:4.<::слав>}! (с. 32) Людие же отвещавают: Д_ух Святый найдет на тя и сила Вышняго осенит тя{<::рус>Лук. 1:35.<::слав>}! Сосл_ужащии пресвитери глаголют ко Архиереови тихим гласом: Помяни и нас, владыко святый! Архиерей же отвещавает: Да помянет вас Господь в царствии небеснем всегда, ныне и присно и во веки веков! Аминь! По сем диакон глаголет ектению зря к людем: Миром Господ_у помолимся! Людие: Господи, помил_уй! Диакон обращься к святей трапезе: Спаси, помил_уй, _ущедри и сохрани нас, Боже, Твоею благодатию! Людие: Господи, помил_уй! О свышнем мире и Божии человеколюбии и спасении д_уш наших Господ_у помолимся! О мире всего мира и соединении всех святых Божиих церквей Господ_у помолимся! О святей вселенстей и апостолстей церкви, яже от конец земли и до конец ея, Господ_у помолимся! О спасении и заст_уплении господина нашего блаженнейшаго (имярек), Митрополита Софийскаго и Е_ксарха Болгарскаго (или Высокопреосвященнейшаго Митрополита нашего имярек), всего клира и христолюбивых людей Господ_у помолимся. О православнем болгарстем народе, правительств_ующем свгклите и христолюбивом воинстве и о яже с небесе помощи и победе Господ_у помолимся! (с. 33) О святем граде Христа Бога нашего, царств_ующем и всяком граде и стране и иже православною верою и Благоговением Божиим живущих в них, о мире и _утверждении их Господ_у помолимся! О плодоносящих и добродеющих во святых Божиих церквах и поминающих _убогия, вдовицы и сироты, странныя и н_уждающияся, и о заповедавших нам помянути их в молитвах Господ_у помолимся! О в старости и немощи сущих, болящих, тр_уждающихся и от д_ухов нечистых ст_ужаемых, о скором от Бога исцелении и спасении их Господ_у помолимся! О в девстве, чистоте и постничестве и в честнем браце пребывающих и о иже в горах, вертепех и пропастех земных подвизающихся преподобных отцех же и братиях Господ_у помолимся! О плавающих, п_утешеств_ующих, странств_ующих христианех и о иже в пленениих и изгнаниих и в темницах и в тяжких работах сущих братиях наших, о мирном возвращении коегождо в домы своя с радостию Господ_у помолимся! О предстоящих и молящихся с нами в сей святый час и на всякое время отцех же и братиях, о тщании, тр_уде и _усердии их Господ_у помолимся! И о всякой д_уши христианстей скорбящей и озлобленней, милости Божия и помощи треб_ующей, и о обращении заблуждших, здравии болящих, свобождении плененных, _упокоении преждепочивших отец и братий Господ_у помолимся! О оставлении грехов и прощении согрешений наших и о избавитися нам от всякия скорби, гнева, беды и нужды, востания языков Господ_у помолимся! (с. 34) Прилежнее о благорастворении воздухов, дождех мирных, росах благих, плодов изобилии, совершеннем плодородии и о венце лета Господ_у помолимся! О еже _услышан_у и благоприятн_у быти молению нашем_у пред Богом и ниспослатися нам богатым милостем и щедротам Его Господ_у помолимся! Пресвятую, пречист_ую, преславн_ую, благословенн_ую владычиц_у наш_у Богородиц_у и приснодев_у Марию, святых и блаженных Иоанна, славнаго пророка предтеч_у и крестителя, Стефана перводиакона и первомученика, Мовсеа, Аарона, Илию, Елисеа, Самуила, Давида, Даниила пророков и всех святых и праведных помянем, яко да молитвами и предстательствы их вси помиловани будем! О предлежащих честных и небесных, неизреченных, несказанных, славных, страшных, _ужасных, божественных дарех и о спасении предстоящаго и приносящаго я честнаго отца нашего и Архиереа (имярек) Господа Бога нашего молим! Людие: Господи, помил_уй! (трижды). Глаголющ_у диакон_у ектению сию, преклонь главу Архиерей (или Иерей) молится тайно сице: Посетивый нас милостию и щедротами, Владыко Господи, и даровавый нам дерзновение смиренным, грешным и недостойным рабом Твоим предстояти святом_у Твоему жертвенник_у и приносити Тебе страшн_ую сию и бескровн_ую жертв_у о наших гресех и людских неведениих, призри на мя, непотребнаго раба Твоего, и истреби моя согрешения благутробием Твоим! Очисти _устне мои и сердце от всякия скверни плоти же и духа! Отими от мене всякое помышление студное и неразумное и _удовли мя силою пресвятаго (с. 35) Твоего Духа в служб_у сию! И приими мя Твоею благостию приближающагося святом_у жертвенник_у и благоволи, Господи, приятным быти приносимым Тебе даром сим нашими р_уками, снисходя моим немощем! И не отвержи мене от лица Твоего{<::рус>Псал. 50:13.<::слав>}, ниже возгн_ушайся моего недостоинства, но помил_уй мя, Боже, по велицей милости Твоей{<::рус>В свременния грцки текст няма <::слав><((>по велицей милости Твоей<))><::рус>? няма го и у руския преводач, Игумена Филипа. Ние сме го доплнили според известния израз на 50 Давидоа псалом, който очевидно молитвата иска да цитира, и според староблгарския превод на св. патриарха Евтимия Трновски, както и според немския превод на Иакововата литургия в <::лат> <((>Виblиоthеk dеr Киrсhеnваtеr<))> <::рус>т. <::лат>В<::рус> на првата серия, стр. 101.<::слав>} и по множеств_у щедрот Твоих очисти, беззакония моя{<::рус>Псал. 50:3<::слав>}, яко да неос_ужденно пришед пред слав_у Твою{<::рус>Сщо 16:15.<::слав>} сподоблюся покрова единороднаго Твоего Сына и озарения пресвятаго Твоего Духа и да не яко раб греха отвержен буд_у, но яко раб Твой да обрящ_у благодать и милость и оставление грехов в нынешнем и буд_ущем веце! Ей, Владыко Вседержителю, всесильне Господи, _услыши моление мое! Ты бо еси вся действ_уяй во всех и _у Тебе вси ищем помощи во всех и заст_упления и единороднаго Твоего Сына и животворящаго Духа, ныне и присно и во веки веков! Боже, Иже многаго ради и неизреченнаго человеколюбия пославый единороднаго Твоего Сына в мир, яко да заблуждшее возвратит овча, не отвратися от нас, грешных, вр_ученных приносити Тебе страшн_ую сию и бескровн_ую жертв_у! Не бо на правды наша _уповающе есмы, но на милость Твою благую, еюже род наш соблюдаеши. И ныне молим и призываем Твою благостыню, яко да не будет во ос_уждение людем Твоим _устроенное нам сие ко спасению (с. 36) таинство, но во очищение грехов, во обновление д_уш и телес, во благугождение Тебе, Бог_у и Отцу{<::рус>На това място свременният грцки текст и руският преводач на Иакововата литургия поставят още една длга молитва която (с някои варианти) стои при првата просителна ектения на Василиевата литургия (<::слав> <((>Господи Боже наш, создавый нас и введый в жизнь сию<))><::рус>) Ние я изпущаме, понеже не я намираме в превода на св. патриарха Евтимия и в немския превод, направени несмнено по древни ркописи? понеже според признанието на Игумена Филипа в Иерусалимската Црква тая се молитва на това място не се чете? понеже в нея много мисли на останалите молитви се повтарят? и понеже служащия архиерей или иерей с нея трудно би успял да прочете положените молитви за времето на великата ектения!<::слав>}. Благодарим Тя, Господи Боже наш, яко дал еси нам дерзновение во вход святых, иже обновил еси нам в п_уть новый и живый завесою плоти Христа Твоего! Сподобльшеся убо внити в место селения славы Твоея, вн_утрь же бывше завесы, и святая святых зрети, припадаем благости Твоей, Владыко: помил_уй нас, зане пристрашни и трепетни есмы хотяще предстати святом_у Твоему жертвенник_у и приносити Тебе страшн_ую сию и бескровн_ую жертв_у о наших гресех и людских неведениих! Ниспосли на ны, Боже, благодать Твою благую и освяти наша души, телеса и духи и измени наша помышления ко благочестию, да чистою совестию принесем Тебе милость, мир, жертв_у хваления. Скончавшимся диаконством, возглашает Архиерей: Милостию и щедротами и человеколюбием единороднаго Твоего Сына, с Нимже благословен еси со пресвятым и благим и животворящим Твоим Духом, ныне и присно и во веки веков! Людие: Аминь! Архиерей знамен_ует людей глаголя: Мир всем! Людие: И духови твоему! (с. 37) Диакон: Станем добре! Станем благоговейне! Станем со страхом Божиим и _умилением! Миром вонмем святом_у возношению Бог_у! Людие: Милость мира, жертв_у хваления! Архиерей тайно молится: И изобразительне облежащая священном_у сему таинств_у покрывала гаданий открыв, явленне нам покажи и мысленная наша очеса необименнаго Твоего света исполни и очистив нищету наш_у от всякия скверны плоти и духа достойны нас сотвори страшнаго сего и _ужаснаго предстояния! Яко преблагутробен и милостив Бог еси и Тебе слав_у возсылаем, Отцу и Сын_у и Святом_у Духу, ныне и присно и во веки веков! Архиерей, мало изшед из олтаря, знамен_ует людей глаголя: Любы Бога и Отца, и благодать Господа и Бога и Спаса нашего Иисуса Христа, и причастие и дар пресвятаго Духа буди со всеми вами{<::рус>Сравни 2 Коринт. 13:13.<::слав>}. Людие: И со духом твоим! И воздвиг очи свои горе и воздев руце, зря к людем Архиерей возглашает: Горе имеим _ум и сердца! Людие: Имамы ко Господ_у! Архиерей: Благодарим Господа! И сложив крестообразно руце на персех, мало покланяется людем и возвращается ко святей трапезе. (с. 38) Людие поют косно и со сладкопением: Достойно и праведно! (Зри, яко прочих слов: покланятися Отцу... на сей лит_ургии несть!) Вшед во олтарь, преклонь главу, мало простер руце ко святей трапезе и зря к востоком, Архиерей тайно молится сице, творя благодарение: Яко воистин_у достойно есть и праведно, лепо же и должно Тя хвалити, Тя пети, Тебе кланятися, Тя славословити, Тя благодарити, всея твари видимыя же и невидимыя Содетеля, сокровище вечных благ, источника жизни и безсмертия, всех Бога и Владык_у, Егоже поют небеса и небеса небес и вся силы их, солнце же и л_уна и весь звездный лик, земля, море и вся, яже в них, Иер_усалим небесный{<::рус>Евр. 12:22, Апок. 21:2.<::слав>}, собор избранных, церковь первородных, написанных на небесех{<::рус>Евр. 12:23, Апок. 21:27.<::слав>}, дуси праведных и пророков, души мучеников и апостолов, аггели, архаггели, престоли, господствия, начала же и власти и силы страшныя, херувими многоочитии и шестокрылатии серафими, иже двема убо крылома покрывают лица своя, двема ноги и двема летающе взывают др_уг ко друг_у{<::рус>Исаия 6:2-3.<::слав>} непрестанными _усты, немолчными славословленьми{<::рус>Апок. 4:8.<::слав>}. Возглас: Победн_ую песнь велелепныя Твоея славы светлым гласом поюще, вопиюще, славословяще, взывающи и глаголюще: Людие: Свят, свят, свят Господь Саваоф, исполнь небо и земля славы Твоея{<::рус>Исаия 6:3, Апок. 4:8.<::слав>}! Осанна ввышних! Благословен грядый во имя Господне! Осанна ввышних{<::рус>Мат. 21:9, Мар. 11:9-10, Лук. 19:38, Иоан 12:13, Пс. 117:25-26.<::слав>}! (с. 39) Архиерей тайно молится: Свят еси (знамен_ует дискос), Царю веков и всякия святыни Господи и подателю (знамен_ует чаш_у)! Свят и единородный Твой Сын, Господь наш Иисус Христос, Имже вся сотворил еси (знамен_ует обоя)! Свят же и Дух Твой пресвятый, испытуяй всяческая и глубины Твоя, Боже{<::рус>1 Коринт. 2:10.<::слав>} и Отче! Свят еси, всесильне, страшне, блаже, благутробне, состраждаяй наипаче созданию Твоему! Сотворивый от земли человека по образ_у Твоему и подобию и даровавый ему райское наслаждение, преступльша же заповедь Твою и отпавша того не презрел еси, ниже оставил еси, Блаже, но наказал еси его яко благутробный отец, призвал еси его законом, наставил еси его пророки! Последи же самаго единороднаго Твоего Сына, Господа нашего Иисуса Христа, послал еси в мир да Сам пришед Свой обновит и воставит образ! Иже сошед с небес и воплотився от Духа Свята и Марии, святыя Приснодевы и Богородицы, спожив же человеком, вся _устрои ко спасению рода нашего! Хотя же вольн_ую и животворящ_ую крестом смерть безгрешный за нас, грешных, прияти, в нощь, в нюже предаяшеся, паче же Сам Себе предаяше за мирский живот и спасение (зде вземлет Архиерей шуйцею святый хлеб мало подемь и глаголет тайно), приемь хлеб во святыя и пречистыя и безсмертныя Своя руки, воззрев на небо и показав Тебе, Бог_у и Отцу, благодарив, благословив, освятив (знамен_ует святый хлеб, прелагает его в десную рук_у и держит его мало что возвышь), преломив даде святым и блаженным Своим _учеником и апостолом, рек{<::рус>Мат. 26:26, Мар. 14:22, Лук. 22:19, 1 Коринт. 11:23- 24.<::слав>}: (с. 40) Возглас: Приимите, ядите, сие есть тело Мое, еже за вы ломимое и раздаемое во оставление грехов{<::рус>Сщо<::слав>}! Людие: Аминь! Архиерей полагает святый хлеб на дискос, вземлет же шуйцею святую чаш_у мало что подемь, тайно глаголя: Такожде по вечери вземь чаш_у и растворив от вина и воды, воззрев на небо и показав Тебе, Бог_у и Отцу, благодарив, освятив (знамен_ует чаш_у), исполнив Духа Свята, даде святым и блаженным Своих _учеником и апостолом рек: Возглас: Пийте от нея вси, сие есть кровь Моя новаго завета, яже за вы и за многия изливаемая и раздаемая во оставление грехов{<::рус>Мат. 26:27-28, Мар. 14:23-24, Лук. 22:20, 1 Коринт. 11:25.<::слав>}! (И поставляет чаш_у). Людие: Аминь. Архиерей тайно: Сие творите в Мое воспоминание! Елижды во аще ясте хлеб сей и чаш_у сию пиете, смерть Сына Человеческаго возвещаете и воскресение Его исповед_уете, дондеже приидет{<::рус>1 Коринт. 11:25-26, Лук. 22-19.<::слав>}. Зря ко святей трапезе, диакон возглашает светлейшим гласом: Вер_уем и исповед_уем! Людие же поют косно со сладкопением: Смерть Твою Господи, возвещаем и воскресение Твое исповед_уем! Архиерей знамен_ует святый дискос, таже святую чаш_у и преклонь главу, тайно молится: Поминающе убо и мы, грешнии, животворящая Его страдания, спасительный крест и смерть, и погребение, и (с. 41) тридневное из мертвых воскресение, и еже на небеса возшествие, и одесную Тебе, Бога и Отца, седение, и второе славное страшное Его пришествие, егда приидет со славою с_удити живым и мертвым, егда хощет коемуждо отдати по делом его{<::рус>Рим. 2:6.<::слав>} (Пощади нас, Господи Боже!) (трижды) паче же по благутробию Своему, приносим Ти, Владыко, страшн_ую сию и бескровн_ую жертв_у, просяще да не по грехом нашим, ниже по беззаконием нашим воздаси нам, но по Твоей кротости и неизреченном_у Твоему человеколюбию презрев и истребив еже на нас р_укописание{<::рус>Колос. 2:14.<::слав>}, Твоих рабов, дар_уеши нам небесная и вечная дарования, ихже око не виде, и ухо не слыша, и на сердце человек_у не взыдоша, яже _уготова Бог любящим Его{<::рус>1 Коринт. 2:9.<::слав>}, и да не моих ради грехов отринеши людей Твоих, человеколюбче Господи! Таже поет со сосл_ужащими пресвитеры, мало руце воздев: Людие во Твои и церковь Твоя молят Тя! Людие такожде поют в ответ: Помил_уй нас, Господи Боже, Отче Вседержителю! И паки поет Архиерей со сосл_ужащими: Людие бо Твои... И паки народ: Помил_уй нас... Такожде и третие поет Архиерей и отвещавает народ вельми косно, яко да возможет Архиерей изглаголати молитв_у сию тайно: Помилуй нас, Боже Вседержителю! Помил_уй нас, Боже Спасе наш! Помил_уй нас, Боже, по велицей милости Твоей и ниспосли на ны и на предлежащия святыя дары (с. 42) сия Духа Твоего пресвятаго, Господа животворящаго, сопрестольнаго Тебе, Бог_у и Отцу, и единородном_у Твоему Сын_у, соцарственнаго, единосущнаго же и соприсносущнаго. глаголавшаго в законе и пророцех и новом Твоем завете{<::рус>Евр. 1:1-2. <::слав>}, сошедшаго в виде гол_убине на Господа нашего Иисуса Христа во Иордане реце и пребывшаго на Нем{<::рус>Мат. 3:16, Мар. 1:10, Лук. 3:22, Иоан. 1:32.<::слав>}, сошедшаго на святых Твоих апостолов в виде огненных язык в горнице святаго и славнаго Сиона в день святыя Пятьдесятницы{<::рус>Деян. 2:1-4.<::слав>}: сего Духа Твоего пресвятаго ниспосли, Владыко, на нас и на предлежащия дары сия, (таже воздев руце) яко да посетив святым и благим и славным Своим пришествием освятит и сотворит хлеб убо сей тело святое Христа (знамен_ует святый хлеб). Диакон, зря сия, глаголет: Аминь! Архиерей: и чаш_у сию кровь честную Христа (знамен_ует святую чаш_у). Диакон: Аминь! Архиерей тайно: Яко да буд_ут всем от них причащающимся во оставление грехов и жизнь вечн_ую! Диакон: Аминь! Архиерей: Во освящение д_уш и телес! Аминь! В плодоношение дел благих! Аминь! Во _утверждение святыя Твоея соборныя и апостольския церкви, юже основал еси на камени веры, яко да врата адова не одолеют ей{<::рус>Мат. 16:18.<::слав>}, избавляя ю от всякия ереси и от соблазна делающих беззаконие{<::рус>Псал. 140:9.<::слав>}, сохраняя ю даже до скончания веков! (Знамен_ует дискос и чаш_у раздельне). Диакон: Аминь! (с. 43) Таже молится Архиерей (или Иерей) мало воздев руце и преклонь главу мерным гласом, во еже слышан_у быти стоящим вне олтаря, людие же подпевают многажды: Помяни, Господи Боже наш! Приносим Ти, Владыко, и о святых Твоих местех, яже прославил еси богоявлением Христа Твоего и посещением пресвятаго Твоего Духа! Наипаче же о святем и славнем Сионе, матери всех церквей, и о яже по всей вселенней святей Твоей соборней и апостольстей церкви: богатыя и ныне дары пресвятаго Твоего Духа подаждь ей, Владыко! Помяни, Господи, и иже в ней святых отцев наших и епископов, иже по всей вселенней православно правящих слово Твоея истины! В первых помяни, Господи Боже наш, преподобнаго отца нашего блаженнейшаго (имярек) Митрополита Софийскаго и Е_ксарха Болгарскаго (или Высокопреосвященнейшаго Митрополита нашего имярек), старость ему честную дар_уй, многолетна его сохрани, пасуща людей Твоих во всяком благочестии и честности! Помяни, Господи, еже зде честное пресвитерство и повсюд_у, еже во Христе диаконство, прочее все сл_ужение, весь церковный чин и во Христе братство наше и всех христолюбивых людей! Помяни, Господи, сопредстоящих нам иереев, служащих в сей святый час пред святым Твоим жертвенником в приношении святыя и бескровныя Твоея жертвы, и даждь им и нам слово во отверзение _уст наших в слав_у и похваление всесвятаго имене Твоего! Помяни, Господи, по множеств_у милости Твоея и мене, смиреннаго и грешнаго и недостойнаго раба Твоего, и посети мя милостию и щедротами, избави же и свободи от гонящих мя, Господи, Господи сил, и не вниди в с_уд с рабом Твоим, и понеже _умножися во мне грех, да (с. 44) преизбыточеств_ует Твоя благодать! Помяни, Господи, и святый Твой жертвенник окр_ужающих диаконов, дар_уй им житие непорочное, чисто их диаконство соблюди и степены добрыя им снищи{<::рус>1 Тимот. 3:13.<::слав>}! Помяни, Господи, святый Бога нашего град, и царств_ующий и всякий град и страну и иже православною верою и благоговением живущих в них, мир и _утверждение их! Помяни, Господи, православный болгарский народ, правительств_ующий свгклит и христолюбивое воинство и яже с небесе помощь и побед_у их! Приими оружие и щит и востани в помощь их{<::рус>Псал. 34:2.<::слав>}, покори им вся воинственныя и варварския языки, исполни их советы, да тихое и безмолвное житие поживем во всяком благочестии и честности{<::рус>1 Тимот. 2:2.<::слав>}! Помяни, Господи, плавающих, п_утешеств_ующих, странств_ующих христиан, иже во узах и темницах, В пленениих и изгнаниих, в р_удах и м_учениих и горьких работах сущих отец же и братий наших, мирное возвращение коегождо их в домы своя! Помяни, Господи, в старости и немощи сущих, болящих, стражд_ущих и от д_ухов нечистых ст_ужаемых, еже _у Тебе, Бога, скорое исцеление и спасение их! Помяни, Господи, всяк_ую душ_у христианскую, скорбящ_ую и обидим_ую, милости и помощи Тебе, Бога, треб_ующ_ую, и обращение заблуждших! Помяни, Господи, в девстве, благоговении и постничестве пребывающих и иже в горах, вертепех и пропастех земных подвизающихся преподобных отец же и братий наших и иже на всяком месте православных соборы и зде во Христе собор наш! Помяни, Господи, тр_уждающихся и сл_ужащих нам отец же и братий наших ради имене Твоего святаго! Помяни, Господи, всех во благое: всех помил_уй, Владыко, всем нам примирися! Умири множества (с. 46) людей Твоих: разсей соблазны, _упраздни брани, _утоли раздоры церквей, еретическая востания вскоре разори! Низложи гордыню язык! Возвыси рог христиан православных! Твой мир и Твою любовь дар_уй нам, Боже Спасе наш, _упование всех концев земли! Помяни, Господи, благорастворение воздухов, дожди мирны, росы благия, плодов гобзование, совершенное плодородие и венец лета благости Твоея! Очи бо всех на Тя _уповают и Ты даеши пищ_у им во благовремении, отверзаеши Ты рук_у Твою и исполняеши всякое животно благоволения{<::рус>Псал. 144:15-16. <::слав>}! Помяни, Господи, плодоносивших и плодоносящих во святых Божиих церквах и поминающих _убогия и заповедавших нам поминати их в молитвах! Еще помянути сподоби, Господи, и иже приношения сия принесших во днешний день на святый Твой жертвенник и о нихже кийждо принесе или в помышлении имать и ныне Тебе прочитоваемых! Помяни, Господи, и наших родителей, сродников и други (имярек, зде поминает, ихже хощет)! Сих всех помяни, Господи, ихже помянухом и ихже не помянухом православных! Воздаждь им вместо земных небесная, вместо тленных нетленная, вместо временных вечная по обетованию Христа Твоего, зане живота и смерти область имаши! Еще помянути сподоби, Владыко, и от века Тебе благугодивших святых отец: патриархов, пророков, апостолов, мучеников, _учителей, преподобных и всякий д_ух праведный в вере совершившийся! Помяни, Господи, архаггельский глас глаголющий: Рад_уйся, благодатная, Господь с Тобою! Благословенна ты в женах{<::рус>Лук. 1:28.<::слав>} и благословен плод чрева твоего{<::рус>Сщо 1:42.<::слав>}, яко Спаса родила еси д_уш наших! (с. 46) Возгласно: Изрядно пресвятую и преблагословенн_ую пречист_ую владычиц_у наш_у Богородиц_у и приснодев_у Марию! И паки поют людие: Помяни, Господи Боже наш! Архиерей же (или Иерей) молится, якоже прежде: Святаго Иоанна, славнаго пророка, предтеч_у и крестителя, святых апостолов, святых пророков и патриархов и праведных, святых мучеников и исповедников! Помяни, Господи Боже, святых отец наших и архиепископов и всяк_ую плоть, ихже помянухом и ихже не помянухом! Тамо их _упокой, во стране живых, в царствии Твоем, в наслаждении рая, в недрех Авраама и Исаака и Иакова, святых отец наших, отнюд_уже отбеже болезнь, печаль и воздыхание, идеже присещает свет лица Божия и просвещает всегда! Наш_у же кончин_у живота христианск_ую и благугодн_ую и безгрешн_ую в мире исправи, Господи, собирая нас под ноги избранных Твоих, егда хощеши и якоже хощеши, точию без постыждения и прегрешений, ради единороднаго Твоего Сына, Господа же и Бога и Спаса нашего Иисуса Христа, Той бо есть един безгрешен явивыйся на земли! Аще Архиерей лит_ургисует, глаголют вси сосл_ужащии Иереи вкупе, аще ли же ни, глаголет сия един сл_ужай Иерей: В первых помяни, Господи, отца и господина нашего, блаженнейшаго (имярек) Митрополита Софийскаго Е_ксарха Болгарскаго (или Высокопреосвященнейшаго Митрополита нашего имярек), егоже дар_уй святей Твоей церкви в мире, цела, честна, здрава, долгоденств_ующа, право правяща слово Твоея истины! Диакон же зря к людем возглашает: (с. 47) И о мире и благостоянии всего мира и святых Божиих церквей, и о нихже кийждо принесе или в помышлении имать, и о предстоящих людех, и о всех и за вся! И абие за сим возглас Архиереа (или Иереа): Даждь и нам, и им яко благ и человеколюбец Владыка! Людие поют: Ослаби, остави, прости, Боже, прегрешения наша вольная же и невольная, яже в ведении и не в ведении! Архиерей: Благодатию и щедротами и человеколюбием Христа Твоего, с Нимже благословен еси и препрославлен с пресвятым и благим и животворящим Твоим Духом, ныне и присно и во веки веков! Людие: Аминь! Архиерей (или Иерей) знамен_ует людей: Мир всем! Людие: И духови твоему! Диакон же изшед северными дверьми и став на обычнем месте солеи с лицем к народ_у, глаголет диаконства сия, ничтоже людем отвещавающим: Паки и паки и вын_у миром Господ_у помолимся! О принесенных и освященных честных, небесных, неизреченных, пречистых, славных, страшных, _ужасных, божественных дарех Господ_у Бог_у нашем_у помолимся! Яко да Господь Бог наш, приемь я во святый и пренебесный, мысленный и д_уховный Свой жертвенник ввоню благухания, возниспослет нам божественн_ую благодать и дар пресвятаго Духа помолимся! Соединение веры и причастие пресвятаго Его и покланяемаго Духа испросивше, сами себе и др_уг друга и весь живот наш Христу Бог_у нашем_у предадим! (с. 48) Людие: Тебе, Господи! Сим глаголемым, Архиерей (или Иерей) тайно молится: Боже и Отче Господа и Бога и Спаса нашего Иисуса Христа, великоимените Господи, блаженное естество, независтная благосте, всяческих Боже и владыко, сый благословен во веки веков, седяй на херувимех и славимый от серафим, Емуже предстоят тысящи тысящ и тмы тем{<::рус>Дан. 7:10.<::слав>} святых аггел и архаггел воинств, принесенныя убо Тебе дары, даяния, плоды ввоню благухания приими, яже освятити и совершити сподобил еси, Блаже, Благодатию Христа Твоего и пресвятаго Твоего Духа! Освяти, Владыко, наша души и телеса и духи и осяжи помышления, и истяжи совести: и иждени от нас всяк_ую мысль л_укав_ую, всякий помысл студный, всяк_ую похоть и помышление срамное, всякое слово неподобное, всяк_ую зависть и с_уемудрие и лицемерие, всяк_ую лж_у, всяк_ую лесть, всякое иск_ушение житейское, всякое любостяжание, всякое тщеславие, всяк_ую злоб_у, всяк_ую ярость, всякий гнев, всякое злопомнение, всяк_ую х_улу, всякое сребролюбие и нерадение, всякое движение плоти же и духа, отч_ужденное воли святыни Твоея! Возглас: И сподоби нас. Владыко, человеколюбче Господи, со дерзновением неос_ужденно чистым сердцем, д_ушею просвещенною, непостыдным лицем, освященныма _устнама смети призывати Тебе, Иже в небесех святаго Бога Отца, и глаголати: Людие: Отче наш, Иже еси на небесех, да святится имя Твое, да приидет царствие Твое, да будет воля Твоя, яко на небеси, и на земли! Хлеб наш насущный даждь нам днесь! И остави нам долги наша, якоже и (с. 49) мы оставляем должником нашим! И не введи нас во иск_ушение, но избави нас от л_укаваго{<::рус>Мат. 6:9-13, Лук. 11:2-4. <::слав>}! Архиерей (или Иерей) молится в себе глаголя: И не введи нас во иск_ушение, Господи, Господи сил, ведый немощь наш_у, но избави нас от л_укаваго и от дел его, и от всякаго озлобления и козней его имене ради Твоего святаго, нареченнаго на нашем смирении! Возглас: Яко Твое есть царство и сила и слава, Отца и Сына и Святаго Духа, ныне и присно и во веки веков! Людие: Аминь! Архиерей (или Иерей): Мир всем! Людие: И духови твоему! Диакон: Главы наша Господеви приклоним! Людие: Тебе, Господи! Архиерей (или Иерей) тайно: Тебе приклонихом раби Твои, Господи, выи наша пред святым Твоим жертвенником, чающе от Тебе богатыя милости! Богат_ую и ныне Благодать Твою и благословение Твое ниспосли нам, Владыко, и освяти наша души и телеса и духи, яко да достойни Будем причастницы и общницы святых Твоих таин во составление грехов и жизнь вечн_ую! Возглас: Ты бо покланяемь и славимь еси, Боже наш, и единородный Твой Сын и Д_ух Твой пресвятый, ныне и присно и во веки веков! Людие: Аминь! Таже знамен_ует Архиерей (или Иерей) святыя дары изшед на солею глаголет к людем благословение сие воздетыми р_уками: (с. 50) Да буд_ут благодать и милости святыя и единосущныя, несозданныя и нераздельныя и покланяемыя Троицы со всеми вами! Людие: И со духом твоим! Диакон зря к людем и воздев десную рук_у глаголет: Со страхом Божиим вонмем! Архиерей (или Иерей) возвышает святый хлеб и глаголет в себе молитв_у сию (бывает же в храме молчание велие, людем приклоншим главы своя, дондеже Архиерей молится): Святый, Иже во святых почиваяй, Господи, освяти нас словом Твоея благодати и наитием пресвятаго Духа Твоего! Ты бо рекл еси, Владыко: Святи судите, яко Аз свят есмь, Господь Бог ваш!{<::рус>Лев. 19:2, Петр. 1:15-16? ср. Мат. 5:48.<::слав>} И еще молитв_у сию: Непостижимый Боже Слове, Отцу и пресвятом_у Духу единосущне, соприсносущне и нераздельне, приими чист_ую песнь во святых Твоих бескровных жертвах с хер_увимы и серафимы и от мене, грешнаго, вопиюща и глаголюща: Возглас: Святая святым! Людие: Един свят един Господь Иисус Христос во слав_у Бога Отца со Святым Духом, Емуже слава во веки веков! Диакон зря к людем: О спасении и заст_уплении блаженнейшаго отца нашего (имярек) Митрополита Софийскаго и Е_ксарха Болгарскаго (или Высокопреосвященнейшаго Митрополита нашего имярек) и о всякой д_уши скорбящей и озлобленней, милости и помощи Божия треб_ующей и о (с. 51) обращении заблуждших, исцелении болящих, избавлении плененных, _упокоении преждепочивших отец же и братий вси прилежно рцем: Господи, помил_уй! Людие: Господи, помил_уй! (12) Глаголющ_у диакон_у сия, Архиерей (или Иерей) преломляет святый хлеб в две части, полагая паки на дискос держим_ую шуйцею часть, держим_ую же десницею еще преломляет в две части, от нихже часть с печатию КА полагает на дискос, а др_угую с печатию ХС влагает во святый потир, глаголя тайно: Соединение пресвятаго тела и честныя крове Господа и Бога и Спаса нашего Иисуса Христа! Присовок_упляет же и еще: Соединишася и освятишася и совершишася святыя дары сия во имя Отца и Сына и Святаго Духа, Емуже слава и держава во веки! Таже преломляет и часть святаго хлеба, на нейже печати ИС и НИ, глаголя: Се агнец Божий, Сын Отечь, вземляй грех мира{<::рус>Иоан 1:29 и 36, Исаия 53:5 и 7.<::слав>}, закланный за живот мира и спасение{<::рус>Пасажт оттук до диаконски взглас <::слав><((>В мире Христове воспоим<))><::рус> гоняма в грцкия текст, който имаме под рка (издание на Александрийската патриаршеска печатница от 1931 година)? няма го и в превода на св. Евтимия Трновски. Обаче всее пак го даваме, защото го намираме не само у игумена Филипа, но и в немския превод (<::лат>Виblиоthеk dеr Киrсhеnвtеr, <::рус>т.<::лат> В <::рус>на првата серия, стр. 116-117, който безспорно сонаправен по най-древните ркописи на Иаковата литургия.<::слав>}! Раздробляет же части ИС, НИ и КА, во еже довольн_у быти всем хотящим причаститися, глаголя: Святая часть Христова, исполнь благодати и истины Отца и Святаго Духа, Емуже слава и держава во веки веков! Скончанн_у бывш_у пению <((> Господи, помил_уй<))> (12), глаголет диакон зря к востоком: Господи, благослови! (с. 52) Архиерей: Господь благословит ны и неос_ужденны сохранит причащением пречистых даров Его, ныне и присно и во веки веков! Людие: Аминь! Диакон паки: Господи, благослови! Архиерей: Господь благословит и сподобит нас непорочными персты взимати разжженный _угль и влагати во _уста верных{<::рус>Исаия 6:6-7.<::слав>} во очищение и обновление д_уш же и телес их, ныне и присно и во веки веков! Людие: Аминь! Архиерей же (или Иерей) обращься к людем возглашает: Вк_усите и видите, яко Христос Господь, раздробляемый и неразделяемый, верным раздаваемый и неиждиваемый во оставление грехов и жизн вечн_ую, ныне и присно и во веки веков! Людие: Аминь! Таже диакон к людем: В мире Христове воспоим! По сем диакони входят во олтар малыми дверьми, людие же поют причастный стих: Вк_усите и видите, яко Христос Господь! Аллилуиа! Зде затворяют царския двери и завес_у ко причащению священносл_ужителей. Стан_ут же сосл_ужащии окрест святыя трапезы благоговейно и внемлют молитве Архиереа пред причащением: Владыко Христе Боже наш, небесный хлебе, пище всего мира, согреших на небо и пред Тобою и несмь достоин причаститися святых и пречистых Твоих (с. 53) таинств. Но Твоею благостию и неизреченным долготерпением достойна мя сотвори и неосужденна и непостыдна причаститися пресвятаго тела и честныя крове во оставление грехов и жизнь вечн_ую! И причащается Архиерей (или Иерей) святаго тела глаголя в себе: Тело Христово! Причастився сам, Архиерей преподает сл_ужащим Иереем и диаконом святое тело, глаголя коемуждо: Тело Христово! А приемляй по обычаю на длани своя отвещавает: Аминь! Таже поемлет Архиерей святую чаш_у с платом и приобщается, глаголя в себе: Кровь Христова чаша жизни! Тожде глаголет приобщая от чаши сосл_ужащих Иереев и диаконов, они же отвещавают: Аминь! ЗРИ, да части святаго тела Христова, яже на дискосе, никакоже по причащении священносл_ужителей в потир вложиши! Скончавш_уся песнопению причастнаго стиха, открывают завес_у и царския врата, диакон же став _у десныя страны святыя трапезы глаголет: Господи, благослови! Архирей (или Иерей) подает чаш_у диакон_у глаголя: Слава Бог_у освятившем_у и освящающем_у всех нас! Диакон же приемля от Архиереа (или Иереа) святую чаш_у, глаголет: Вознесися на небеса, Боже, и по всей земли слава Твоя{<::рус>Псал. 56:6, 107:6.<::слав>}, и царство Твое пребывает во веки веков! Архиерей (или Иерей): Благословенно имя Господа Бога нашего во веки веков{<::рус>Сщо, 71:17, 112:2.<::слав>}! (с. 54) Таже вземлет Архиерей (или Иерей) дискос со святым хлебом, диакон же исходит с чашею во святыя двери и показуя ю людем возглашает: Со страхом Божиим прист_упите! Людие поют: Благословен грядый во имя Господне{<::рус>Псал. 117:26, Мат. 21:9, Мар. 11:9, Лук. 19:38, Иоан. 12:13.<::слав>}! Исполни _уста моя хваления, Господи, и радости исполни _устне мои, яко да воспою слав_у Твою{<::рус>Псал. 70:8, 50:17.<::слав>}! И станет Архиерей с дискосом во дверех, диакон же с чашею пред иконою Божия Матере. Причастницы из мирян (аще с_уть) подходят со смирением и благоговением ко Архиереови прежде, иже коемуждо их глаголет: Тело Христово! и влагает десницею часть святаго тела во _уста, христианин же отвещавает: Аминь! и потребляет восприят_ую частиц_у? по сем подходят к диакон_у, иже глаголет коемуждо их: Кровь Христова чаша жизни! и подает чаш_у им отпити, христианин же отвещавает: Аминь! и причащается от чаши честныя крове Христовы. (В Закинфе же по причащении священносл_ужителей влагают частицы святаго тела Христова в потир и тако причащают мирян лжицею, якоже есть обычай на лит_ургиах Василиа Великаго, Иоанна Златоустаго и преждеосвященных даров). Скончавш_уся причащению, Архиерей (или Иерей) благословляет людей дискосом, глаголя: Спаси, Боже, люди Твоя и благослови достояние Твое! Людие поют: благодарим Тя, Христе Боже наш, яко сподобил еси нас причаститися тела и крове Твоея во оставление грехов и в жизнь вечн_ую! Неос_ужденны нас сохрани, молимся, яко благ и человеколюбец! (с. 55) По причащении людей входят Архиерей же и диакон во святый олтарь и полагают святая на святую трапез_у. Архиерей влагает частицы святаго хлеба (аще с_уть) от дискоса в потир со всяким опасством и приим кадильниц_у кадит святыя тайны, глаголя тайно молитв_у сию: Возвеселил еси нас, Боже, соединением Твоим и Тебе приносим песнь благодарения, плод _устен, исповедающих благодать Твою, с кадилом сим! Да взыдет же пред Тя, Боже, и да не возвратится вотще, но дар_уй нам его ради благухание пресвятаго Твоего Духа, миро пречистое и неотемлемое! Исполни _уста наша хваления и _устне наша радования и сердце радости и веселия во Христе Иисусе Господе нашем, с Нимже благословен еси со пресвятым Твоим Духом, ныне и присно и во веки веков! Един от Иереев вземлет святую чаш_у, диакон же дискос и относят я на святый жертвенник без каждения и ничтоже глаголюще. Таже свивают антиминс и диакон, изшед северными дверьми и став на своем месте на солеи с лицем к народ_у, глаголет: Паки и паки, вын_у миром Господ_у помолимся! Яко да будет нам причащение святынь Его во отгнание всякия л_укавыя вещи, в напутие живота вечнаго, во общение и дар Святаго Духа помолимся! Пресвятую, пречист_ую, преславн_ую, благословенн_ую Владычиц_у наш_у Богородиц_у и приснодев_у Марию со всеми святыми и праведными помянувше, сами себе и др_уг друга и весь живот наш Христу Бог_у предадим! Людие: Тебе, Господи! Сия диакон_у глаголющ_у, Архиерей (или Иерей) стоя пред святою трапезою тайно молится сице: (с. 56) Боже, многаго ради и неизреченнаго благутробия снишедый к немощи раб Твоих и сподобивый нас причаститися сея небесныя трапезы, да не осудиши нас, Владыко, грешных, о причащении пречистых Твоих таин, но сохрани нас, Блаже, во святыни, яко да Достойни бывше пресвятаго Твоего Духа обрящем часть и наследие со всеми святыми от века Тебе благугодившими во свете лица Твоего! Щедротами единороднаго Сына Твоего, Господа же и Спаса нашего Иисуса Христа, с Нимже благословен еси со пресвятым и благим и животворящим Твоим Духом, ныне и присно и во веки веков! Возглас: Яко благословися и святися и прославися всечестное и великолепое святое имя Твое, Отца и Сына и Святаго Духа, ныне и присно и во веки веков! Людие: Аминь! Архиерей (или Иерей) знамен_ует людей: Мир всем! Диакон же абие глаголет: Главы наша Господеви приклоним! Людие: Тебе Господи! Архиерей (или Иерей) глаголет тайно молитв_у: Боже великий и дивный, призри на равы Твоя, яко Тебе выи приклонихом, и простри рук_у Твою державн_ую, исполненн_ую благословении, и благослови люди Твоя и сохрани достояние Твое, яко да присно и всегда славим Тя, единаго живаго и истиннаго Бога нашего, святую и единосущн_ую Троиц_у, Отца и Сына и Святаго Духа! Возглас: Тебе бо подобает и долженств_ует от всех нас всякое славословие, честь, поклонение и благодарения, Отцу и Сын_у и Святом_у Дух_у, ныне и присно и во веки веков! Людие: Аминь! (с. 57) Диакон: С миром Христовым изыдем! Архиерей (или Иерей) изшед из олтаря святыми дверьми и став среди народа, глаголет молитв_у сию зря к востоком: От силы в сил_у шеств_ующе и всю в храме Твоем исполнивше божественн_ую служб_у и ныне молимся Тебе, Господи Боже наш, совершеннаго человеколюбия Твоего сподоби нас! Исправи наш п_уть, _укорени нас в страсе Твоем, всех помил_уй и небеснаго Твоего царствия достойны покажи во Христе Иисусе Господе нашем, с Нимже Тебе подобает слава, честь, держава, купно со пресвятым Духом, ныне и присно и во веки веков! Людие: Аминь! Диакон: Отп_ущаетеся с миром! Архиерей (или Иерей): Благословися Бог, благословляяй и освящаяй нас причащением святых и пречистых Своих таин, ныне и присно и во веки веков! Аминь! И ид_ут людие во своя си, Архиерей же и сосл_ужившии ему совлачаются святых одежд? такожде и диакон по потреблении святых таин, и ид_ут вси во своя си благодаряще Бога. Конец и Бог_у слава!