<::лат> OCR: <::рус> Библиотека святоотеческой литературы <::лат> http://orthlиb.ru <::слав> Суббота мясопустная, прокимен един, глас 6: Души их во Благих водворятся: Стих: К тебе Господи, воздвигох душу мою, Боже мой. Аллилуиа, глас 6: Блажени, яже избрал и приял еси Господи, и память их в род и род. Стих: Души их во Благих водворятся. Причастен: Блажени, яже избрал и приял еси Господи, и память их в род и род. В неделю мясопустную, на утрени прокимен гласа. На литургии прокимен, глас 3: Велий Господь наш, и велия крепость его, и разума его несть числа. Стих: Хвалите Господа, яко Благ _псалом. Аллилуиа, глас 8: Приидите возрадуемся Господеви, воскликнем Богу спасителю нашему. Стих: Предварим лице его во исповедании. Причастен: Хвалите Господа с Небес: Другий: Радуйтеся праведнии о Господе: Суббота сыропустная, прокимен, глас 4: Восхвалятся преподобнии во славе: Стих: Возношения Божия в гортани их. Аллилуиа, глас 2: Насаждени в дому Господни: Стих: Веселитеся Праведнии о Господе: Причастен: Радуйтеся праведнии: Неделя сыропустная. На утрени прокимен гласа. На литургии прокимен, глас 8: Помолитеся и воздадите Господеви Богу нашему. Стих: Ведом во иудеи Бог, во Израили велие имя его. Аллилуиа, глас 6: Благо есть исповедатися Господеви, и пети имени твоему вышний. Стих: Возвещати заутра милость твою, и истину твою на всяку нощь. Причастен: Хвалите Господа с Небес: В туже неделю вечера прокимен великий, глас 8: Не отврати лица твоего от отрока твоего, яко скорблю, скоро услыши мя: вонми Души моей, и избави ю. Стих: Спасение твое Боже, да приимет мя. Стих: Да узрят нищии и возвеселятся. Стих: Взыщите Бога, и жива будет душа ваша. И паки тойже: Не отврати лица твоего, от отрока твоего яко скорблю, скоро услыши мя: И прочая. В субботу первую поста, на литургии прокимен, глас 7: Возвеселится Праведник о Господе, и уповает на него. Стих: Услыши Боже, глас мой, внегда молити ми ся к тебе. Аллилуиа, глас 4: Праведник яко фини_кс процветет, и яко кедр, иже в ливане умножится. Стих: Насаждени в дому Господни, во дворех Бога нашего процветут. Причастен: В память вечную: Неделя 1 поста. На утрени прокимен гласа. На литургии прокимен и аллилуиа: ищи в декемврии, в неделю святых праоц~: Причастен: Хвалите Господа: Другий: Радуйтеся Праведнии: В туже неделю вечера прокимен великий, глас 8: Дал еси достояние боящимся тебе Господи. Стих: От конец земли к тебе воззвах. Стих: Покрыюся в крове крил твоих. Стих: Яко воспою имени твоему во веки. И паки: Дал еси достояние боящимся тебе Господи. Суббота вторая поста. Прокимен, и аллилуиа, и причастен: дню, и мертвым. Неделя 2 поста. На утрени прокимен гласа. На литургии прокимен, глас 5: Ты Господи, сохраниши ны, и соблюдеши ны от рода сего, и во век. Стих: Спаси мя Господи, яко оскуде Преподобный. И святому григорию прокимен, глас 1: Уста моя возглаголют премудрость, и поучение сердца моего разум. Аллилуиа, гласа. Причастен: Хвалите Господа с Небес: Другий: В память вечную: Суббота 3 поста. Прокимен: дню, и мертвым. Неделя 3 поста. На утрени прокимен гласа. На литургии, вместо трисвятаго: Кресту твоему покланяемся Владыко, и святое воскресение твое славим. Прокимен, глас 6: Спаси Господи, люди твоя, и Благослови достояние твое. Стих: К тебе Господи, воззову, Боже мой, да не премолчиши от мене. Аллилуиа, глас 8: Помяни сонм твой, егоже стяжал еси исперва. Стих: Бог же Царь наш прежде века, содела спасение посреде земли. Причастен: Знаменася на нас: Суббота четвертая поста. Прокимен дню, и за упокой. Неделя 4 поста. На утрени прокимен гласа. На литургии прокимен гласа, и преподобному, глас 8: Восхвалятся преподобнии во славе: Аллилуиа, гласа, и святаго. Стих: Насаждени в дому Господни: Причастен: Хвалите: и В память вечную: Суббота пятая поста. Прокимен: Песнь Богородицы, глас 3: Величит душа моя Господа, и возрадовася Дух мой о Бозе Спасе моем. Стих: Яко призре на смирение рабы своея, се бо от ныне ублажат мя вси роди. Аллилуиа, глас 8: Воскресни Господи, в покой твой: Стих: Помяни Господи Давида и всю кротость его. Причастен: Чашу спасения прииму: Неделя 5 поста. На утрени, прокимен гласа. На литургии, прокимен гласа: И Преподобней, глас 4: Дивен Бог во святых своих, Бог Израилев. Аллилуиа, гласа. Причастен: Хвалите Господа: Другий: В память вечную: Суббота шестая лазарева. Вместо трисвятаго: Елицы во Христа Крестистеся, во Христа облекостеся, аллилуиа. Прокимен, глас 3: Господь просвещение мое, и Спаситель мой, кого убоюся? Стих: Господь защититель живота моего, от кого устрашуся? Аллилуиа, глас 5: Господь воЦарися, в лепоту облечеся. Стих: Ибо утверди вселенную, яже не подвижится. Причастен: Из уст младенец и ссущих совершил еси хвалу. Неделя цветная. На утрени прокимен: Из уст младенец и ссущих совершил еси хвалу. Стих: Господи Господь наш, яко чудно имя твое по всей земли. На литургии, трисвятое: прокимен, глас 4: Благословен грядый во имя Господне, Бог Господь, и явися нам. Стих: Исповедайтеся Господеви, яко Благ, яко в век милость его. Аллилуиа, глас 1: Воспойте Господеви песнь нову, яко дивна сотвори Господь. Стих: Видеша вси концы земли спасение Бога нашего. Причастен: Благословен грядый во имя Господне, Бог Господь, и явися нам. Во святый и великий четверток вечера, прокимен, глас 7: Князи людстии собрашася вкупе на Господа и на Христа его. Стих: Вскую шаташася языцы, и людие поучишася тщетным? Аллилуиа, глас 6: Блажен разумеваяй на нища и убога, в день лют избавит его Господь. Стих: Врази мои реша мне злая, когда умрет, и погибнет имя его? Стих: Ядый хлебы моя, возвеличи на мя запинание. Причастен: Вечери твоея тайныя: Во святый и великий пяток вечера, прокимен, глас 6: Положиша мя в рове преисподнем, в темных и сени смертней. Стих: Господи Боже спасения моего, во дни воззвах, и в нощи пред тобою. Аллилуиа, глас 5: Спаси мя Боже, яко внидоша воды до души моея. Стих: Поношение чаяше душа моя и страсть. Стих: Да помрачатся очи их, еже не видети. Во святую и великую субботу, на утрени, по славословии, прокимен апостола глас 7: Воскресни Господи Боже мой, да вознесется рука твоя, не забуди убогих твоих до конца. Стих: Исповемся тебе Господи, всем сердцем моим, повем вся чудеса твоя. Аллилуиа, глас 5: Да воскреснет Бог, и расточатся врази его, и да бежат от лица его ненавидящии его. Стих: Яко исчезает дым, да исчезнут: яко тает воск от лица огня. Стих: Тако да погибнут грешницы от лица Божия, а праведницы да возвеселятся. На литургии, вместо трисвятаго: Елицы во Христа Крестистеся, во Христа облекостеся: аллилуиа. Прокимен, глас 5: Вся земля да поклонится тебе и поет тебе, да поет же имени твоему, вышний. Стих: Воскликните Господеви вся земля, пойте же имени его. Аллилуиа, и _псалом Давидов не глаголется: но по еже рещи иерею: Мир ти. И абие чтец глаголет вместо аллилуиа, во глас 7: Воскресни Боже, суди земли, яко ты наследиши во всех языцех. И людие паки тожде. И чтец, стих: Бог ста в сонме богов, посреде же боги разсудит. И певец: Воскресни Боже: Стих: Доколе судите неправду, и лица грешников приемлете? Воскресни Боже: Стих: Судите сиру и убогу, смиренна и нища оправдайте. Воскресни Боже: Стих: Измите убога и нища, из руки грешничи избавите его. Воскресни Боже: Стих: Не познаша, ниже уразумеша, во тме ходят. Воскресни Боже: Стих: Да подвижатся вся основания земли. аз рех: бози есте, и сынове вышняго вси: вы же яко человецы умираете, и яко един от князей падаете. И паки: Воскресни Боже, суди земли, яко ты наследиши во всех языцех. Поему же сему, извлачаются иереи и диакони от одежд, и облачаются в белыя. Причастен: Воста яко спя Господь, и воскресе спасаяй нас. Аллилуиа, трижды.