<::лат> OCR: <::рус> Библиотека святоотеческой литературы <::лат> http://orthlиb.ru <::слав> Чин благословения колива, сиесть, кутии, или вареныя пшеницы, с медом смешенныя, и различными сладкими овощми украшенныя, и в честь и память Господских праздников, или святых Божиих, в Церковь приносимыя. Принесену бывшу коливу в Церковь: Аще на вечерни, по Ныне отпущаеши: Трисвятое. По Оч~е наш: тропарь. Слава, и ныне: Богородичен, по гласу тропаря святаго. Аще же на литургии по заамвонней молитве, поется тропарь и кондак святаго. Диакон покадив, глаголет: Господу помолимся. Лик: Господи помилуй. Священник став над коливом, глаголет молитву сию: Вся совершивый словом твоим Господи, и повелевый земли многоразличныя прозябати плоды, в наслаждение и пищу нашу: иже семенми три отроки и даниила сущия в вавилоне, сластнопитанных светлшия показавый: сам всеБлагий Царю, и семена сия с различными плоды Благослови, и от них вкушающия освяти, яко в славу твою, и в честь святаго, им\рк, сия предложишася от твоих рабов, и в память во Благочестивой вере скончавшихся. подаждь же Блаже, Благоукрасившим сия, и память совершающим, вся яже ко спасению прошения, и вечных твоих Благ наслаждение: молитвами пречистыя Владычицы нашея Богородицы и присноДевы Марии, и святаго, им\рк, егоже и память совершаем, и всех святых твоих. Яко ты еси Благословляяй и оСвящаяй всяческая Боже наш, и тебе славу возсылаем, безначальному отцу, со единородным твоим Сыном, и пресвятым и Благим и животворящим твоим Духом, ныне и присно, и во веки веков. Лик: Аминь. И аще на вечерни, диакон: Премудрость. Лик: Благослови. Священник: Сый Благословен: и прочая до отпуста. Аще же на литургии, поет лик: Буди имя Господне: трижды, и _псалом: Благословлю Господа на всякое время: Раздав же антидор, творит обычный отпуст литургии. Чин над кутиею в память усопших, на литургии. По заамвонней молитве речется: Трисвятое. Пресвятая Троице: и Оч~е наш: Священник, возглас. Таже тропари: Со духи Праведных: Таже ектениа: Помилуй нас Боже: и прочее. И молитва: Боже Духов: И возглас: Яко ты еси воскресение: и прочая. Сия вся зри в литургии златоустаго. Таже лик: Буди имя Господне: и прочее, и отпуст литургии. Чин над кутиею в память усопших, вечера. По отпусте вечерни, прежде повечерия, начало сотворив иерей, таже речется: Трисвятое. Пресвятая Троице: и по Оч~е наш: Священник, возглас. Таже лик, тропари: Со Духи Праведных: Таже, ектениа: Помилуй нас Боже: и прочая. И молитва: Боже Духов: И возглас: Яко ты еси воскресение: Лик: Аминь. Честнейшую херувим: Господи помилуй, трижды. Благослови. И отпуст.