<::лат> OCR: <::рус> Библиотека святоотеческой литературы <::лат> http://orthlиb.ru <::слав> Указ, како подобает глаголати отпусты во Владычни праздники, и Богоматере, и во все лето. Ведомо же да будет тебе о сем, иерею: егда отпуст глаголеши дневный, или на праздник Богородицы, да не имаши глаголати в нем: Христос истинный Бог наш, молитвами пречистыя своея Матере, честнаго и славнаго ея Рождества, или успения, или введения, и иных праздников ея: или святаго иоанна предтечи рождества, или усекновения, и прочих святых памяти или преставления их, или обретения, и пренесения мощей. Но сице глаголи, аще праздник Богородицы, Рождества ея или успения, и прочих: Христос истинный Бог наш, молитвами пречистыя своея Матере, и всех святых, помилует и спасет нас, яко Благ и человеколюбец. Аще же святаго: Христос истинный Бог наш, молитвами пречистыя своея Матере, и святаго апостола, [или святителя, или мученика,] им\рк, и всех святых: и прочее до конца. Понеже не Рождество Богородицы, ниже введение, или успение ея, подвизаем к Богу на молитву, но самую пресвятую Богородицу: такожде, ни памяти, или преставления святых приводим на молитву к Богу, но самех их.