<::лат> OCR: <::рус> Библиотека святоотеческой литературы <::лат> http://orthlиb.ru <::слав> Стихиры и канон всем святым. Глас 6. Подобен: Всю отложивше: Духовнии ветии, ученицы Спасовы, Духу органи бывше верою, разсеяшася в концы земли, честное проповедание православне сеюще: от нихже прозябоша Божественным земледелием и Благодатию Мученк воинства, страсть честную образующа, многообразными раздроблений ранами и огнем, и со дерзновением молятся о душах наших. Огнем воспаляеми Господни любве, огня презреша, и яко Божественное углие возжигаеми честнии Мученцы во Христе, попалиша хврастное лести шатание: зверей же заградиша уста, честным призыванием, и во главы усекаеми, посекоша врага вся ополчения, и кровей проливающе потоки терпеливно, Церковь напоиша верою просвещаему. Со зверьми бравшеся, биеми мечем, ногтьми растерзаеми, руками отемлеми, и мучими твердии Мученцы, и огнем вещественным нещадно палими, и прободаеми, и составы ссецаеми, претерпеша твердейше, упокоение предвидеша будущее, и нетленныя венцы, и славу Христа: емуже со дерзновением молятся о душах наших. Слава, глас 6: Мученк Божественный личе, Церкве основание, Благовестия скончание, вы делом Спасова глаголания исполнисте: вами бо врата адова на Церковь отверзшаяся заключишася, крове вашея литие, идольския жертвы изсуши, заклание ваше породи Церковное исполнение: безплотных удивисте, Богу венценосцы предстоите. егоже непрестанно молите о душах наших. И ныне, Богородичен. Тропарь всем святым, глас 4: Иже во всем мире Мученк твоих, яко багряницею и виссом, кровьми Церковь твоя украсившися, теми вопиет ти, Христе Боже: людем твоим щедроты твоя низпосли, мир жительству твоему даруй, и душам нашим велию милость. Канон поемый к Небесным силам, и ко всем святым молебный. Творение господина иосифа, егоже краестрочие по алфавиту. Глас 8. Песнь 1. Ирмос: Колесницегонителя фараоня погрузи, чудотворяй иногда моисейский жезл, Крестообразно поразив, и разделив море: Израиля же беглеца, пешеходца Спасе, песнь Богови воспевающа. Безначальне слове, Священными моленьми, херувимов, серафимов, властей, Престолов и Божественных сил, ангелов, архангелов же, начал, Господьств, твоя милости богатыя даруй нам, яко человеколюбец. Помози ми Господень Предтече, Христа моля, Пророков собор, апостолов собрание, Мученков воинства, всех Владыку умолите Спасти мя, прегрешеньми многими содержимаго. Жены Божественныя, добре страдальчествовавшия, и постничествовавшия, иерархов собор, Преподобнии и Праведнии, честнии СвященноМученцы, благ вечных получити умолите, верою вас Блажащим. Богородичен: Порабощенный сластьми телесными ум мой, Владычице и Благая едина, весь свободи, и раба истиннейшаго, Благими делы, твоего Сына мя покажи, яко да по долгу славлю тя. Песнь 3. Ирмос: Утверждей в начале Небеса разумом, и землю на водах основавый, на камени мя Христе заповедей твоих утверди: яко несть свят, паче тебе едине человеколюбче. От соблазн вражиих, _о серафими, избавите мя, власти, херувими, молю: Господьства же, начала, и Престоли, и архангели, со ангелы всеми, избавителя умолите. Живота добродетельнаго мне присно, Предтече Христа умоли: Пророцы, и Мученков лицы, апостолов, Священных иерархов, Преподобных же, и СвященноМученков, скончавшихся кровию. Еяже сподобистеся сладосте, и славы непреемныя страдальчествовавшия жены мужественно, и постничествовавшия светло, и врага победившия: сея нам быти в причастии, умолите. Богородичен: БогоБлагодатнейшая чистая, с горними чинми, со всеми мудрыми апостолы, и Мученки Священными, и Пророки, умоли, яко да конечное разрешение грехов приимем. Седален, глас 8. Подобен: Премудрости слово: Праотец, отец, патриарх, апостол, и Мученк, Пророков, святителей, и Преподобных твоих, постников и Праведных же, и всякаго имене писаннаго в книзе жизни, святую память совершающе Христе Боже, всех подвизаем на молитву молящеся, умири мир твой теми яко человеколюбец, да вси вопием ти: Боже прославляемый в совете святых твоих, ты еси воистинну прославивый достойно память их. Слава, и ныне, Богородичен: Небесную дверь и ковчег, пресвятую гору, светлый облак воспоим, неопалимую купину, словесный рай, евы воззвание, вселенныя всея великое сокровище, яко Спасение в ней соделася мирови, и оставление древних согрешений. сего ради вопием ей: молися Сыну твоему прегрешений оставление даровати Благочестно покланяющимся всесвятому Рождеству твоему. Песнь 4. Ирмос: Ты моя крепость Господи, ты моя и сила, ты мой Бог, ты мое радование, не оставль недра отча, и нашу нищету посетив. тем с Пророком аввакумом зову ти: силе твоей слава, человеколюбче. Виждь Христе, и да не презриши мя, молюся, грехи всякими содержимаго: но молитвами Священных, всех твоих ангелов, с Мученки, и апостолы твоими, ущедри мя, Спаси, и твоего Царствия наследника мя покажи, яко Благоутробен. Проповедниче Христов Предтече, угасший моего сердца светильник ныне возжзи, светильник солнца умнаго уже бывый: и с Пророки моли, и всеми святыми, в теплом покаянии жизнь прейти ми привременную. Возсияй ми свет покаяния человеколюбче, ходатайствы в преподобии работавших тебе Иисусе, Священных жен, иерархов, и Мученков твоих, проповедников, апостолов, и СвященноМученков, и получити Спасение сподоби. Богородичен: Едина Бога воплотившагося рождшая, всесвятая, того моли, в день страшный вся ны Спасти, и муки избавити, живота вечнаго и света сподобити, и с сими добре служившими. Песнь 5. Ирмос: Вскую мя отринул еси от лица твоего, свете незаходимый, и покрыла мя есть чуждая тьма окаяннаго? но обрати мя, и к свету заповедей твоих пути моя направи, молюся. Умнии тя силы ныне умоляют Благоутробне Господи, власти, Престоли, серафими, Господьства же, ангели со архангелы, и начала: милостив буди людем твоим и Спаси яко Благоутробен. Страннообразно поживый Предтече Блаженне, странна мя сотвори всякаго мучения, Иисуса умоляя человеколюбца, с Пророки Божественными, и апостолы, иерархи, и Мученков святыми воинствы. Твоя иерархи, и СвященноМученки просветивый Господи, и честных жен страдальчествовавших, Божественное сословие возвеличивый, тех молитвами ущедри мя, ведый моя безмерная прегрешения. Богородичен: Всесвятая Дево, слово всесвятое родившая, души моея всякое уныние и печаль отжени, и Благоуспей мой помысл Божественная деяти, да верою и любовию славлю тя. Песнь 6. Ирмос: Очисти мя Спасе, многа во беззакония моя, и из глубины зол возведи молюся: к тебе бо возопих, и услыши мя, Боже Спасения моего. Избавити мя тамо лежащия муки, молите херувими, Престоли, Господьства, ангели, архангели, начала, и силы, Владыку всея твари. Со апостольскими лики, и Мученков воинствы, Предтече, проповедниче Христов, обрести нам милость в час суда, Иисуса умоли человеколюбца Бога нашего. Страдальчествовавших твердо жен, фекла начальница, моли с ними, страстей омрачения, и искушений многообразных избавитися нам. Богородичен: Поем тя вернии, БогоБлагодатнейшая Владычице, препетаго бо Бога плотию родила еси: егоже умоли нескверная, граду и люду твоему в мире спастися. Кондак, глас 8: Яко начатки естества, насадителю твари, вселенная приносит ти, Господи, Богоносныя Мученки. тех молитвами в мире глубоце, Церковь твою, жительство твое Богородицею соблюди, многомилостиве. Икос: Иже по всей земли мучившиися, и на Небеса преселившиися, иже страсти Христовы подражавшии, и страсти наша отемлющии, зде днесь собираются, перворожденных показующе Церковь, яко горния образ содержащу, и Христу вопиющу: Бог мой еси ты, Богородицею соблюди мя многомилостиве. Песнь 7. Ирмос: Божия снизхождения огнь устыдеся в вавилоне иногда, сего ради отроцы в пещи, радованною ногою. яко во цветнице ликующе, пояху: Благословен еси Боже отец наших. Света свети втории, перваго суще святии ангели, причастием невещественным и всебогатым уяснистеся. темже зову: ум мой просветите, отемненный присно жития страстьми. Лик Блаженный апостолов молит тя, с Блаженным Предтечею, страстотерпцев и Священных Пророков, иерархов и Преподобных, человеколюбче, презри всех нас согрешения, Благословен еси Боже отец наших. Души моея преложи Христе, болезнь, и сию ущедри, СвященноМученков, иерархов и Преподобных твоих ходатайствы: и да не постыдиши мя, егда имам твоему Престолу предстати: Благословен еси Боже отец наших. Богородичен: Яко Престол огнезрачный, Царя носиши твари: егоже умоли Дево, со Блаженными и Священными женами, Царствия его сподобити мя, песнословяща верно предстательство твое. Песнь 8. Ирмос: Седмерицею пещь халдейский мучитель Богочестивым неистовно разжже, силою же лучшею, Спасены сия видев, творцу и избавителю вопияше: отроцы Благословите, Священницы воспойте, людие превозносите во вся веки. _О херувими огнезрачнии, серафими многоочитии, Престоли, власти, и начала, и ангели, и вси архангели, и Господьства Священная, со Блаженным молите Предтечею, Пророки, апостолы, иерархи, Преподобными, и всеми праведными, нам помиловатися. Дадите нам помощь петре, павле, иакове, и варфоломее, и фомо, и филиппе, андрее, марко с лукою, иоанне друже Христов, симоне, и иудо всеБлаженне, и превелий матфее, одолеваемым искушеньми лестца, и недоумеваемым. Солнечных светлейший бывый сияний стефане, первый страдальцев, с сими моли озаритися всем нам, и греха избежати всякаго мрака, вопиющим Владыце: Священницы Благословите, людие превозносите во вся веки. Богородичен: Последовати мне, всечистая, преподобне пожившим, жительством добродетельным сотвори, враги поражающи нещадно мя оскорбляющия, и к плотским ползущу страстем непрестанно стужающия, да радуяся зову: людие превозносите Христа во веки. Песнь 9. Ирмос: Ужасеся о сем Небо, и земли удивишася концы, яко Бог явися человеком плотски, и чрево твое бысть пространнейшее Небес: тем тя Богородицу, ангелов и человек чиноначалия величают. _О Божественныя власти, и херувими, серафими, Господьства, ангели, Престоли, начала вся, и силы всеславныя, и Священнии архангели, молитву творите к Богу, добре нам пожити, и получити Спасение, и от лютых избавитися. Со всеми Пророки, яко Пророк бывый преизящнший Предтече, Благих всех сподоби и нас озлобленных страстьми, и искушеньми лукаваго присно содержимых, и жития лестьми, яко да вас верою почитаем. Божественная апостолов всеславная двоенадесятице, с Мученки всеми, Священнодейственники, и СвященноМученки, Священными Пророки, и Блаженными: Преподобныя, Праведныя, и твердо страдальчествовавшия жены, о нас молитву человеколюбцу сотворите. Богородичен: Благолюбивая Дево, Благаго моли Сына твоего и Господа, выну озлобленную прилогами душетлителя змия, и изнемогшую мою душу исцелити и Спасти, и всякими уБлажити светоносными восхожденьми.