<::рус> Оцифровка и приведение к грамматическим нормам ЦС-языка: протоиерей Николай Диваков, Людоговский Ф. Б. <::слав> МОЛЕБНОЕ ПЕНИЕ при начатии учения отроков. {Источник: Требник. Рим. 1980} Иерей начинает: Бл~гословен Бог наш: Клир поет: Цр~ю Небесный: Чтец: Трисвятое: и _псалом 33: Благословлю Господа на всякое время: Слава и ныне: Аллилуиа, трижды. И ектениа сия: Миром Господу помолимся. О свышнем мире: О мире всего мира: О святем храме сем: и прочая. О еже низпослати на отроков сих Духа премудрости и разума, и отверзти ум и уста, и просветити сердца их, к приятию наказания добрых учений, Господу помолимся. О еже всадити в сердца их начало премудрости, страх свой Божественный и тем буесть юности отгнати от сердец их, и просветити ум их, еже уклонитися от зла и творити Благое, Господу помолимся. О еже отверзти ум их, еже прияти и разумети и памятствовати вся добрая и душеполезная учения, Господу помолимся. О еже подати им приседящую Престолу его премудрость и всадити ю в сердца их, яко да научит их, что есть Благоугодное пред ним, Господу помолимся. О еже преспети им премудростию и возрастом в славу Божию, Господу помолимся. О еже быти им премудростию и добродетельным житием, и Благостоянием в православней вере, радость и утешение родителем своим, и Церкви православно-кафоличестей утверждение, Господу помолимся. О еже избавитися им и нам от всякия скорби: Заступи, спаси, помилуй, и сохрани их и нас Боже: Пресвятую, пречистую: И возглашает: Яко подобает тебе всякая слава: Посем чтет тропари сия, глас 6: Яко посреде ученииков твоих пришел еси, Спасе, мир дая им, прииди к нам и Спаси нас. Безкнижныя учениики Дух твой святый наказатели яви, Христе Боже, и многовещанным сличием языков прелесть упраздни, яко всесилен. Слава, глас 8: Бл~гословен еси Христе Боже наш, иже премудры ловцы явлей, низпослав им Духа святаго, и теми уловлей вселенную, человеколюбче, слава тебе. И ныне, глас 2: Предстательство Христиан непостыдное, ходатайство ко творцу непреложное, не презри грешных молений гласы, но предвари яко Благая на помощь нас, верно зовущих ти: ускори на молитву, и потщися на умоление, предстательствующи присно Богородице, чтущих тя. Диакон: Вонмем. Иерей: Мир всем. Чтец: И Духови твоему. Диакон: Премудрость, вонмем. Чтец: Прокимен, глас 4: Из уст младенец и ссущих совершил еси хвалу. Стих: Возрадуется сердце мое о Спасении твоем. Посем чтет апостол к ефесеем, [зачало 218:] Братие, не престаю благодаря о вас, поминание о вас творя в молитвах моих, да Бог Господа нашего Иисуса Христа, отец славы, даст вам Духа премудрости и откровения, в познание его, просвещенна очеса сердца вашего, яко уведети вам, кое есть упование звания его, и кое богатство славы достояния его во святых, и кое преспеющее величество силы его в нас верующих по действу державы крепости его: Да возможете разумети преспеющую разум любовь Христову, да исполнится во всяко исполнение Божие. Могущему же паче вся творити по преизбыточествию, ихже просим, или разумеем по силе действуемей в нас: Тому слава в Церкви о Христе Иисусе, во вся роды века веков. Аминь. От марка святаго евангелиа чтение. [зачало 44:] Во время оно, приношаху ко Иисусови дети, да коснется их: ученицы же прещаху приносящим. Видев же Иисус негодова и рече им: оставите детей приходити ко мне и не браните им, тацех бо есть Царствие Божие: аминь глаголю вам: иже аще не приимет Царствия Божия яко отроча, не имать внити в не. И обемь их, возложь руце на них, благословляше их. Лик: Слава тебе Господи, слава тебе. Диакон сугубую ектению до: Еще молимся о богохранимей стране нашей, властех и воинстве: Потом: Еще молимся Господу Богу нашему, о еже призрети милостивно на отроков сих, и ниспослати в сердца, во ум и во уста их Духа премудрости, разума же и Благочестия и страха своего, и просветити их светом своего Благоразумия, и подати им силу и крепость, во еже скоро прияти и спешно навыкнути Божественнаго закона его наказанию, и всему Благому и полезному учению: еже преуспевати им премудростию и разумом, и всеми Благими делы в славу пресвятаго его имене, и даровати им здравие, и долголетны их сотворити к созиданию и славе Церкве своея, рцем вси: Господи, услыши и милостивно помилуй. Лик: Гд\си помилуй, 12. Иерей же возглашает: Услыши ны, Боже, Спасителю наш: Лик: Аминь. Диакон: Гд\су помолимся. Лик: Гд\си помилуй. Иерей со всяким вниманием и умилением чтет молитву сию велегласно: Гд\си Боже и создателю наш, образом своим почтый нас человеки, научивый избранныя твоя яко дивитися внемлющим учению твоему, открывый премудрость младенцем: иже соломона и всех взыскующих премудрости твоей научивый, отверзи сердца, умы и уста рабов твоих сих во еже прияти силу закона твоего: и со успехом познати преподаемая им полезная учения, в славу пресвятаго имене твоего, в пользу и созидание святей твоей Церкви, и разумети Благую и совершенную волю твою. Избави их от всякаго налога вражия, соблюди их в православии и вере, и во всяком Благочестии и чистоте во вся дни живота их, да преуспеют в разуме и во исполнении заповедей твоих: да тако предуготовани прославят пресвятое имя твое, и будут наследницы Царствия твоего. Яко ты еси Бог силен в милости и Благ в крепости, и тебе подобает всякая слава, честь и поклонение, отцу и Сыну и святому Духу, всегда, ныне и присно, и во веки веков, аминь. Диакон: Премудрость. Лик: Честнейшую херувим: И обыкновенный отпуст. Иерей, Благословляя отроки Крестом, глаголет: Благословение Господне на вас, того Благодатию и человеколюбием, всегда, ныне и присно, и во веки веков, аминь. Посем отроцы целуют святый Крест, и иерей кропит их оСвященною водою.