<::рус> источник: Камень веры, Александра Мусорина <::лат> ооо.megalиnk.ru/~amuз <::слав> ПОМЯННИК егоже должно есть монаху или мирянину на всяк день по скончании келейнаго правила, со всяким умилением чести. О живых. Помяни, Господи Иисусе Христе Боже наш, милости и щедроты твоя от века сущия, ихже ради и вочеловечился еси, и распятие и смерть, Спасения ради право в тя верующих, претерпети изволил еси: и воскрес из мертвых, вознеслся еси на Небеса, и седиши одесную Бога отца, и призираеши на смиренныя мольбы всем сердцем призывающих тя: приклони ухо твое, и услыши смиренное моление мене непотребнаго раба твоего, в воню Благоухания Духовнаго, тебе за вся люди твоя приносящаго. И в первых помяни Церковь твою святую, соборную и апостольскую, юже снабдел еси честною твоею кровию, и утверди, и укрепи, и разшири, умножи, умири и непреобориму адовыми враты во веки сохрани: раздирания Церквей утиши, шатания языческая угаси, и ересей востание скоро разори и искорени, и в ничтоже силою святаго твоего Духа обрати. Поклон. Сп~си, Господи, и помилуй Богохранимую страну нашу, власти и воинство ея, да тихое и безмолвное житие поживем в правоверии, и во всяком благочестии и честности. Поклон. Сп~си, Господи, и помилуй великаго господина и отца нашего святейшаго патриарха але_ксия, преоСвященныя митрополиты, архиеп\скопы, и епископы православныя, иереи же и диаконы, и весь причет Церковный, яже поставил еси пасти словесное твое стадо: и молитвами их помилуй, и Спаси мя грешнаго. Поклон. Сп~си, Господи, и помилуй отца моего духовнаго [им\рк], и святыми его молитвами прости моя согрешения. Поклон. Сп~си, Господи, и помилуй родители моя [имена их], братию и сестры и сродники моя по плоти, и вся ближния рода моего и други, и даруй им мирная твоя и премирная Благая. Поклон. Сп~си, Господи, и помилуй во святогорских монастырех, и в российских, и во инех местех живущия и пребывающия отцы, и братию нашу, и сестры, и молитвами их помилуй и мене грешнаго. Поклон. Сп~си, Господи, и помилуй по множеству щедрот твоих вся Священноиноки, иноки же и инокини, и вся в девстве же и Благоговении и постничестве живущия в монастырех, в пустынях, в пещерах, горах, столпех, затворех, разселинах каменных, островех же морских, и на всяком месте Владычествия твоего правоверно живущия, и Благочестно служащия ти, и молящияся тебе. облегчи им тяготу, и утеши их скорбь, и к подвигу от тебе силу и крепость им подаждь: и молитвами их даруй ми оставление грехов. Поклон. Сп~си, Господи, и помилуй старцы и юныя, нищия и сироты и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих тебе ради и веры православныя от язык безбожных, от отступник и от еретиков, сущия рабы твоя: и помяни я, посети, укрепи, утеши, и вскоре силою твоею ослабу, свободу и избаву им подаждь. Поклон. Сп~си, Господи, и помилуй Благотворящия нам, милующия, и питающия нас, давшия нам милостыню, и заповедавшия нам недостойным молитися о них, и упокоевающия нас: и сотвори милость твою с ними, даруя им вся, яже ко Спасению прощения, и вечных Благ восприятия. Поклон. Сп~си, Господи, и помилуй посланныя в службу, путешествующия, отцы и братию нашу, и сестры, и вся православныя Христианы. Поклон. Сп~си, Господи, и помилуй ихже аз безумием моим соблазних, и от пути Спасительнаго отвратих, к делом злым и неподобным приведох: Божественным твоим промыслом, на путь Спасения паки возврати. Поклон. Сп~си, Господи, и помилуй ненавидящия и обидящия мя: и творящия ми пакости, и не остави их погибнути мене ради грешнаго. Поклон. Отступившия от православныя веры, и погибельными ересьми ослепленныя, светом твоего познания просвети, и святей твоей апостольстей соборней Церкви причти. Поклон. Мерзкое и богохульное агарянское царство вскоре испровержи, и правоверным царем предаждь: правоверие же утверди, и воздвигни рог Христианский: и низпосли на нас милости твоя богатая. Поклон. О усопших. Помяни, Господи, от жития сего отшедшия, правоверныя цари и царицы, Благоверныя князи и княгини, святейшия патриархи, преоСвященныя митрополиты, архиеп\скпы и епискпы православныя, во иерейстем же и причте Церковнем и иночестем чине тебе послужившия, и в вечных твоих селениих со святыми упокой. Поклон. Помяни, Господи, души усопших рабов твоих, родителей моих [имена их], и всех сродников по плоти: и прости их вся согрешения вольная и невольная, даруя им Царствие и причастие вечных твоих Благих, и твоея безконечныя и Блаженныя жизни наслаждение. Поклон. Помяни, Господи, и вся в надежди воскресния и жизни вечныя усопшия отцы и братию нашу и сестры, и зде лежащия и повсюду православныя Христианы, и со святыми твоими, идеже присещает свет лица твоего, всели, и нас помилуй, яко Благ и человеколюбец. Аминь. Поклон. Подаждь, Господи, оставление грехов всем прежде отшедшим в вере и надежди воскресния: отцем, братиям и сестрам нашим, и сотвори им вечную память. Трижды.