<::рус> Оцифровка и приведение к грамматическим нормам ЦС-языка: протоиерей Николай Диваков, Людоговский Ф. Б. <::слав> ПОСЛЕДОВАНИЕ о неудобь учащихся {Источник: Требник. Рим. 1980} Последование все: тропари и ектении таяжде, якоже в последовании пред началом учения в школах. По сугубей ектении глаголет священник молитвы над главою отрочате: Гд\си Иисусе Христе Боже наш, вселивыйся в сердца двунадесятих апостолов нелицемерно, благодатию всесвятаго Духа, сошедшаго в виде огненных язык, и сих устне отверзый, и начаша глаголати иными языки: сам Господи Иисусе Христе Боже наш, низпосли того Духа твоего святаго на отроча сие, им\рк: и насади во ушеса сердца его Священная писания, яже рука твоя пречистая на скрижалех начерта законоположнику моисею, ныне и присно, и во веки веков, аминь. Молитва иная. Гд\су помолимся. Гд\си, помилуй. Гд\си, Иисусе Христе Боже наш, вселивыйся и просветивый сердца двадесяти четырех старец и святых твоих учеников и апостолов и евангелистов твоих, иоанна, матфеа, марка и луки, научивый и просветивый святаго первомученика стефана: сам и ныне Господи, просвети сердце раба твоего им\рк, молитвами преблагословенныя Владычицы нашея Богородицы, и приснодевы Марии: силою честнаго и животворящаго Креста: честнаго славнаго Пророка, предтечи и Крестителя иоанна: святых славных и всехвальных апостол, святаго апостола матфиа, святых мученик агапиа, прокопиа и филита, и всех святых: яко ты еси просвещение душ и телес наших, и тебе славу возсылаем со безначальным твоим отцем, и с пресвятым и благим и животворящим твоим Духом, ныне и присно, и во веки веков, аминь. Таже ектениа: Помилуй нас, Боже: И отпуст.