<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 451) Паремии общия святым яже не положены на ряду в книзе сей. [гл\ва 40] Святителю паремии: [Чти и октовриа 5-го святителем петру, але_ксию, ионе, филиппу и ермогену]. 1-я. Притчей чтение. [Главы 3 и 8.] Память Праведнаго с похвалами, и Благословение Господне на главе его. Блажен человек, иже обрете премудрость: и смертен, иже уведе разум. Лучше бо сию куповати, нежели злата и сребра сокровища. Честнейшая же есть камений многоценных, все же честное недостойно ея есть. Долгота бо дней, и лета живота в деснице ея: в шуйце же ея богатство, и слава. от уст ея исходит правда, закон же и милость на языце носит. Послушайте убо мене, _о чада! честная во реку: и Блажен человек, иже пути моя сохранит: исходи бо мои, исходи живота, и уготовляется хотение от Господа. Сего ради молю вас, и предлагаю мой глас сыновом человеческим: яко аз премудрость устроих совет, и разум и смысл аз призвах. Мой совет и утверждение, мой разум, моя же крепость. Аз мене любящия люблю, ищущии же мене обрящут Благодать. Разумейте убо незлобивии коварство, ненаказаннии же прилагайте сердца. Послушайте мене и паки, честная бо реку, и отверзу от устен правая: яко истине поучится гортань мой, мерзки же предо мною устны лживыя. С правдою вси глаголы уст моих: ничтоже в них стропотно, ниже развращенно: Вся права суть разумевающим, (с. 451 об.) и проста обретающим разум. Научу во вас истине, да будет о Господе надежда ваша, и исполнитеся Духа. 2-я. Премудрости соломоновы чтение. [Главы 10, 6 и 9.] Уста Праведнаго каплют премудрость: устне же мужей мудрых ведят Благодать. Уста мудрых поучатся премудрости, правда же избавляет их от смерти. Скончавшуся мужу праведну, не погибнет надежда. Сын во Праведн раждается в живот, и во Благих своих плод правды обымет. Свет Праведным всегда, и от Господа обрящут Благодать и славу. язык мудрых добрая свесть, и в сердце их почиет мудрость. Любит Господь Преподобная сердца, приятни же ему вси непорочнии в пути. Мудрость Господня просвещает лице разумнаго. Постигает бо желающия ю, прежде даже разумети ю: и удобь узрится от любящих ю. Утреневавый к ней не утрудится: и бдяй ея ради, вскоре без печали будет. Яко достойных ея сама обходит ищущи: и во стезях ея является им Благоприемне. Мудрости никогдаже одолеет злоба. Сих ради и рачитель бых доброты ея: и возлюбих ю, и поисках от юности моея: И взысках невесту привести себе, яко всех Владыка возлюби ю. Таибница бо есть Божия хитрости, и обретательница дел его. Труды ея, суть добродетели: целомудрию же и разуму та учит, правде и мужеству, ихже потребнее ничтоже есть к житии человеком. Аще же и многаго искусства желает кто, весть древняя, и быти хотящая разсмотрит: Свесть извития словес, и разрешения гаданий: знамения и чудеса проразумеет, и сбытия времен и лет: и всем советник есть Благ, яко безсмертие есть в ней, и Благославие во общении словес ея. Сего ради беседовах ко Господу, и помолихся ему, и рех от всего сердца моего: Боже отцев, и Господи (с. 452) милости, сотворивый вся словом твоим, и мудростию твоею устроивый человека, да владеет бывшими от тебе тварьми, и да управляет мир в преподобии и правде: Даждь ми твоих Престолов приседящую премудрость, и не отлучи мене от отрок твоих, яко аз раб твой, и сын рабыни твоея. Посли ю с Небес от святаго жилища твоего, и от Престола славы твоея, да сущи со мною научит мя, что Благоугодно есть пред тобою: и наставит мя в разум, и сохранит мя в славе своей. Помышления бо смертных вся боязлива, и погрешительна умышления их. 3-я. Премудрости соломоновы чтение. [Главы 4, 6, 7, 2.] Похваляему Праведнику, возвеселятся людие: Безсмертие бо есть память его, яко от Господа познавается, и от человек: и угодна Господеви душа его. Возлюбите убо, _о мужие, мудрость, и поживете: восхощите ея, и наказани будете: начало бо ея любы, и соблюдение закона. Почтите премудрость, да во веки Царствуете. Возвещу вам, и не скрыю от вас таин Божиих: Яко той мудрости наставник есть, и мудрых исправитель, и всякому смыслу и делу хитрец. И всем смыслом научит мудрость: есть бо в ней Дух разумен и свят, и сияние света присносущнаго, и образ Благости Божия. Та други Божия и Пророки устрояет: Благолепнейши же есть солнца, и паче всякаго сотворения звезд: свету сосуждаема, обретается первейши. Та угождающих ей от болезней избави, и настави на стези правыя. Даде им разум имети свят, и сохрани я от ловящих, и подвиг крепок подаде им. Да разумеют вси, яко сильнее всего есть Благочестие. И никогдаже преможет злоба мудрости, ниже прейдет злыя обличающи суд. Рекоша же в себе, помысливше неправедно: (с. 452 об.) насильствуем праведному, и не пощадим Преподобства его, ни усрамимся седин старости многолетны. Будет бо нам крепость закон: и уловим праведнаго, яко неугоден нам есть и противится делом нашим, и поносит нам отпадение закона, и обличает нам согрешения наказания нашего. Возвещает нам разум имети Божий, и отрока Господня себе именует. Бысть нам на обличение помышлением нашим, и тяжек нам есть и видимь: яко неподобно иным житие его и изменены стези его. В поругание вменихомся ему, и удаляется от путей наших яко от нечистот, и блажит последняя праведных. Увидим убо, аще словеса его истинна суть, искусим, яже сбываются ему. Руганием и мукою истяжем его, да разумеем кротость его, и искусим беззлобство его: смертию без_образною осудим его, будет бо посещение от словес его. Сия помыслиша, и прельстишася: ослепи бо я злоба их, и не разумеша таин Божиих, и не разсудиша, яко ты еси Бог един, живота имеяй и смерти власть, и Спасаяй во время скорби, и избавляяй от всякаго зла. Щедр и милостив, и дая преподобным своим Благодать, и своею мышцею гордым противляяся. Святителем паремии: [Чти и николаю чудотворцу декемвриа 6-го и маиа 9-го.] 1-я. Притчей чтение: Память Праведнаго с похвалами: [лист 451.] 2-я. Притчей чтение. [Главы 10 и 11.] Уста Праведнаго каплют премудрость, язык же неправеднаго погибнет. Устне мужей Праведных каплют Благодати, уста же нечестивых развращаются. Мерила льстивая мерзость пред Господем: вес же Праведный (с. 453) приятен ему. Идеже аще внидет досаждение: тамо и безчестие: уста же смиренных поучаются премудрости. Совершение правых наставит их, и поползновение отрицающихся упасет их: Не пользуют имения в день ярости, правда же избавит от смерти. Умер Праведный, остави раскаяние: наручна же бывает и посмеятельна нечестивых пагуба. Правда непорочнаго исправляет пути, в нечестие же падает неправда. Правда мужей правых избавит их: безсоветием же пленяются беззаконнии. Скончавшуся мужу Праведну, не погибнет надежда: похвала же нечестивых погибнет. Праведник от лова убегнет, вместо же его предается нечестивый. Во устех нечестивых сеть гражданом, чувство же Праведных Благоспешное. Во Благих Праведных исправится град, и в погибели нечестивых радование: Во Благословении правых возвысится град, усты же нечестивых раскопается. Ругается гражданом лишенный разума, муж же мудрый безмолвие водит. 3-я. Премудрости соломоновы чтение. [Глава 4.] [Чти и святому септемвриа 1-го и октовриа 26.] [Сия и Преподобным третия.] Прв\дник аще постигнет скончатися, в покои будет. Старость бо честна не многолетна: ниже в числе лет исчитается. Седина же есть мудрость человеком, и возраст старости, житие нескверное. Благоугоден Богови быв, возлюблен бысть, и живый посреде грешник, преставлен бысть. Восхищен бысть, да не злоба изменит разума его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале, исполни лета долга: Угодна бо бе Господеви душа его. сего ради потщася от среды лукавствия. Людие же видевше, и не разумевше, ниже положше в помышлении (с. 453 об.) таковое: яко Благодать и милость в Преподобных его, и посещение во избранных его. Преподобным паремии: [Чти и иулиа 10-го Преподобному антонию печерскому.] 1-я. Премудрости соломоновы чтение. [Глава 3.] [Сия и Пророку 1-я.] Прв\дных души в руце Божией, и не прикоснется их мука: Непщевани быша во очесех безумных умрети, и вменися озлобление исход их: И еже от нас шествие сокрушение, они же суть в мире. Ибо пред лицем человеческим, аще и муку приимут, упование их безсмертия исполнено: И вмале наказани бывше, великими Благодетельствовани будут, яко Бог искуси я: и обрете их достойны себе. Яко злато в горниле искуси их, и яко всеплодие жертвенное прият я. И во время посещения их возсияют: и яко искры по стеблию потекут: Судят языком, и обладают людьми, и воЦарится Господь в них во веки. Надеющиися нань разумеют истину, и вернии в любви пребудут ему. Яко Благодать и милость в Преподобных его, и посещение во избранных его. 2-я. Премудрости соломоновы чтение. [Главы 5 и 6.] [Сия и Пророку 2-я.] Прв\дницы во веки живут, и в Господе мзда их и попечение их у вышняго. Сего ради приимут Царствие Благолепия и венец доброты от руки Господни, зане десницею покрыет я, и мышцею защитит их. Приимет всеоружие рвение свое, и вооружит тварь в месть врагом. Облечется в броня правды, и возложит шлем, суд нелицемерен. Приимет щит непобедимый преподобие: Поострит же напрасный гнев во оружие: споборет же с ним мир на безумныя: Пойдут праволучныя (с. 454) стрелы молниины, и яко от Благокругла лука облаков, на намерение полетят. И от каменометныя ярости исполнь падут грады, вознегодует на них вода морская, реки же потопят я нагло. Сопротив станет им Дух силы и яко вихор развеет их, и опустошит всю землю беззаконие, и злодейство превратит престолы сильных. Слышите убо царие, и разумейте, навыкните судии концев земли. Внушите держащии множества, и гордящиися о народех языков, яко дана есть от Господа держава вам и сила от вышняго. 3-я. Премудрости соломоновы чтение: Прв\дник аще постигнет скончатися: [писана святителем третия, лист 453.] Святым отцем паремии: [Чти и в неделю святых отец.] 1-я. Бытия чтение. [Глава 14.] Слышав аврам, яко пленен бысть лот братаничь его, сочте своих си домочадец, триста и осмьнадесять, и погна во след их даже до дана. И нападе на ня нощию сам, и отроцы его с ним: и порази их, и гони их до ховала, еже есть ошуюю дамаска. И возврати всякаго коня содомскаго, и лота братанича своего возврати, и вся имения его, и жены и люди. Изыде же царь содомский в сретение ему, повнегда вратитися ему от сеча ходоллогоморскаго, и с царьми иже с ним, во удоль савин: сие же бяше поле царево. И мелхиседек царь салимский изнесе хлебы и вино: бяше же Священник Бога вышняго. И Благослови аврама, и рече: Благословен аврам Богом вышним, иже (с. 454 об.) созда небо и землю: и Благословен Бог вышний, иже предаде враги твоя под руки тебе. 2-я. Втораго закона чтение. [Глава 1.] Во днех онех, рече моисей к сыном Израилевым: видите, предах пред лицем вашим землю: вшедше наследуйте землю, юже клятся Господь отцем вашим, аврааму и исааку и иакову дати им, и семени их по них. И рекох к вам во время оно, глаголя: не возмогу един водити вас. Господь Бог наш умножил вы есть, и се есте днесь яко звезды Небесныя множеством. Господь Бог отец наших да приложит вам, яко да будете тысящами сугубо, и да Благословит вас, якоже глагола вам. И взях от вас мужи мудры, и сведомы, и смыслены, и поставих их владети над вами тысященачальники, и стоначальники, и пятдесятоначальники, и десятоначальники, и писмовводители судиям вашим. И заповедах судиям вашим во время оно, глаголя: разслушайте посреде братий ваших, и судите праведно посреде мужа, и посреде брата его, и посреде пришельца его. Да не познаете лица в суде, малому и великому судиши, и не устыдишися лица человеческа, яко суд Божий есть. 3-я. Втораго закона чтение. [Глава 10.] Во днех онех рече моисей к сыном Израилевым: Се Господа Бога твоего Небо, и Небо Небесе, земля и вся елика суть на ней. Обаче отцы ваша произволи Господь любити я: и избра семя их по них вас паче всех язык, в день сей. И обрежите жестосердие ваше, и выя ваша не ожесточите ктому. Ибо Господь Бог наш, сей Бог богов, и Господь господей: Бог великий, и крепкий, и страшный, иже не дивится лицу, ниже вземлет дар. (с. 455) Творяй суд пришельцу, и сироте и вдове, и любит пришельца, дати ему хлеб и ризу. И возлюбите пришельца, пришельцы бо бесте в земли египетстей. Господа Бога твоего да убоишися, и тому единому послужиши, и к нему прилепишися, и именем его кленешися. Той хвала твоя, и той Бог твой, иже сотвори тебе великая и славная сия, яже видесте очи твои. (с. 455 об.) Во славу святыя, единосущныя, животворящия и неразделимыя Троицы, отца и Сына и святаго Духа: при державе Благочестивейшаго, самодержавнейшаго, великаго Господря нашего, %[императора николая але_ксандровича%] всея россии: при супруге его, Благочестивейшей Господрне, %[императрице але_ксандре феодоровне%]: при матери его, Благочестивейшей Господрне, %[императрице марии феодоровне%]: при наследнике его. Благоверном Господре, цесаревиче и великом князе %[але_ксии николаевиче%]: при Благоверном Господре и великом князе %[михаиле але_ксандровиче%]: при Благоверной Господрне,, великой княгине %[марии павловне%]: при Благоверных Господрех, великих князех %[кирилле%], %[борисе%] и %[андрее владимировичах%]: при Благоверной Господрне, великой княгине %[елисавете феодоровне%]: при Благоверном Господре великом князе %[павле але_ксандровиче%]: при Благоверном Господре, великом князе %[димитрии павловиче%]: при Благоверном Господре, великом князе %[николае константиновиче%]: при Благоверном Господре, великом князе %[константине константиновиче%], и при супруге его, Господрне, великой княгине %[елисавете маврикиевне%]: при Благоверном Господре, великом князе %[димитрии константиновиче%]: при Благоверном Господре, великом князе %[николае николаевиче%]: при Благоверном Господре, великом князе %[петре николаевиче%], и при супруге его, Благоверной Господрне, великой княгине %[милице николаевне%]: при Благоверных Господрех, великих князех: %[николае%] и %[михаиле михайловичах%]: при Благоверном Господре, великом князе %[георгии михайловиче%], и при супруге его, Благоверной Господрне, великой княгине %[марии георгиевне%]: при Благоверном Господре, великом князе %[але_ксандре михайловиче%], и при супруге его, Благоверной Господрне, великой княгине %[_ксении але_ксандровне%]: при Благоверном Господре, великом князе %[сергии михайловиче%]: при Благоверных Господрнях, великих княжнах: %[ольге%], %[татиане%], %[марии%] и (с. 456) %[анастасии николаевнах%]: при Благоверной Господрне, великой княгине %[ольге але_ксандровне%], и при супруге ея: при Благоверной Господрне, великой княгине %[елене владимировне%], и при супруге ея: при Благоверной Господрне, великой княгине %[марии павловне%]: при Благоверных Господрнях: великой княгине %[марии але_ксандровне%]: при королеве еллинов %[ольге константиновне%]: при великой княгине %[анастасии михайловне%]: Благословением святейшаго правительствующаго синода, напечатася книга сия, %[минея праздничная,%] именуемая %[анфологион%], в царствующем великом граде москве, в синодальной типографии, в лето от сотворения мира #з_ук~г, от Рождества же по плоти Бога слова #ацд~_и, индикта 13, месяца декемвриа.