<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 203) [гл\ва 33] ТРОПАРИ ВОСКРЕСНЫ, поемии по непорочнах в неделях всего лета, глас 5. Благословен еси Господи, научи мя оправданием твоим. Агг~льский собор удивися, зря тебе в мертвых вменившася, смертную же Спасе, крепость разоривша, и с собою адама воздвигша, и от ада вся свобождша. Благословен еси Господи, научи мя оправданием твоим. Почто мвра с милостивными слезами, _о ученицы, растворяете? блистаяйся во гробе ангел, мироносицам вещаше: видите вы гроб, и уразумейте, Спас бо воскресе от гроба. Благословен еси Господи, научи мя оправданием твоим. Зело рано мироносицы течаху ко гробу твоему рыдающя, но предста к ним ангел, и рече: рыдания время преста, не плачите, воскресение же апостолом рцыте. Благословен еси Господи, научи мя оправданием твоим. Мироносицы жены, с миры пришедша ко гробу твоему Спасе, рыдаху, ангел же к ним рече, глаголя: что с мертвыми живаго помышляете? яко Бог бо воскресе от гроба. Слава, Троичен: Поклонимся отцу, и его Сынови, и святому Духу, святей Троице во едином существе, с серафимы зовуще: свят, свят, свят еси Господи. И ныне, Богородичен: Жизнодавца рождши, греха, Дево, адама избавила еси, радость же еве в печали место подала еси: падшия же от жизни, к сей направи, из тебе воплотивыйся Бог и человек. Аллилуиа, аллилуиа, аллилуиа, слава тебе Боже. [Трижды.]