<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 200) [гл\ва 32] ОТПУСТИТЕЛЬНИИ ВОСКРЕСНЫ, ОСМИ ГЛАСОВ, с Богородичны, и впакои их, и кондаки. %[Глас 1.%] Тропарь: Камени запечатану от иудей, и воином стрегущим пречистое тело твое, воскресл еси тридневный Спасе, даруяй мирови жизнь. сего ради силы Небесныя вопияху ти жизнодавче: слава воскреснию твоему Христе, слава Царствию твоему. слава смотрению твоему, едине человеколюбче. Богородичен: Гавриилу вещавшу тебе Дево, радуйся, со гласом воплощашеся всех Владыка, в тебе святем кивоте, якоже рече Праведный Давид: явилася еси ширшая Небес, поносивши зиждителя твоего. слава всельшемуся в тя: слава прошедшему из тебе: слава свободившему нас Рождеством твоим. Впакои: Разбойничо покаяние рай окраде, плачь же мироносиц радость возвести, яко воскресл еси Христе Боже, подаяй мирови велию милость. Кондак: Подобен: Егда приидеши: Воскр\сл еси яко Бог из гроба во славе, и мир совоскресил еси, и естество человеческое яко Бога воспевает тя, и смерть исчезе, адам же ликует Владыко: ева ныне от (л. 200 об.) уз избавляема, радуется зовущи: ты еси иже всем подая Христе воскресение. %[Глас 2.%] Тропарь: Егда снизшел еси к смерти животе безсмертный, тогда ад умертвил еси блистанием Божества: егда же и умершия от преисподних воскресил еси, вся силы Небесныя взываху: жизнодавче Христе Боже наш, слава тебе. Богородичен: Вся паче смысла, вся преславная твоя Богородице таинства, чистоте запечатанной, и девству храниму, Мати позналася еси неложна, Бога рождши истиннаго: того моли Спастися душам нашим. Впакои: По страсти шедше во гроб жены, во еже помазати тело твое Христе Боже, видеша ангелы во гробе, и ужасошася: глас бо слышаху от них, яко воскресе Господь, даруяй мирови велию милость. Кондак: Воскр\сл еси от гроба всесильне Спасе: и ад видев чудо ужасеся, и мертвии восташа, тварь же видящи, срадуется тебе, и адам свеселится, и мир Спасе мой, воспевает тя присно. %[Глас 3.%] Тропарь: Да веселятся Небесная, да радуются земная, яко сотвори державу мышцею своею Господь, попра смертию смерть, первенец мертвых бысть: из чрева адова избави нас, и подаде мирови велию милость. Богородичен: Тя ходатайствовавшую Спасение рода нашего, воспеваем Богородице Дево: плотию бо от тебе восприятою Сын твой и Бог (л. 201) наш, Крестом восприим страсть, избави нас от тли, яко человеколюбец. Впакои: Удивляя видением, орошая глаголании, блистаяйся ангел мироносицам глаголаше: что живаго ищете во гробе? воста истощивый гробы: тли пременителя разумейте непременнаго. рцыте Богови: коль страшна дела твоя, яко род спасл еси человеческий. Кондак: Подобен: Дева днесь: Воскр\сл еси днесь из гроба щедре, и нас возвел еси от врат смертных. днесь адам ликует, и радуется ева, вкупе же и пророцы с патриархи воспевают непрестанно Божественную державу власти твоея. %[Глас 4.%] Тропарь: Светлую воскресния проповедь от ангела уведевша Господни ученицы, и прадеднее осуждение отвергше, апостолом хвалящеся глаголаху: испровержеся смерть, воскресе Христос Бог, даруяй мирови велию милость. Богородичен: Еже от века утаеное, и ангелом несведомое таинство, тобою Богородице сущим на земли явися Бог, в неслитном соединении воплощаемь, и Крест волею нас ради восприим: имже воскресив первозданнаго, Спасе от смерти души наша. Впакои: Яже твоего преславнаго востания, предтекшия мироносицы, апостолом проповедаху Христе, воскресл еси яко Бог, подаяй мирови велию милость. Кондак. Подобен: Явился еси днесь: Сп~с и избавитель мой, из гроба яко Бог, воскреси от (л. 201 об.) уз земнородныя: и врата адова сокруши, и яко Владыка воскресе тридневен. %[Глас 5.%] Тропарь: Собезначальное слово отцу, и Духови, от Девы рождшееся на Спасение наше, воспоим вернии и поклонимся, яко Благоволи плотию взыти на Крест, и смерть претерпети, и воскресити умершия, славным воскресением своим. Богородичен: Радуйся, двере Господня непроходимая: радуйся стено, и покрове притекающих к тебе: радуйся, необуреваемое пристанище, и неискусобрачная, рождшая плотию творца твоего и Бога: молящи не оскудевай о воспевающих, и кланяющихся Рождеству твоему. Впакои: Агг~льским зраком ум смущающия, и Божественным востанием душею просвещаемыя, мироносицы апостолом Благовествоваху: возвестите во языцех воскресение, Господу содействующу чудесы, подающему нам велию милость. Кондак: Подобен: Собезначальное слово: Ко аду Спасе мой сошел еси, и врата сокрушивый яко всесилен, умерших яко создатель совоскресил еси, и смерти жало сокрушил еси, и адам от клятвы избавлен бысть, человеколюбче. темже вси зовем: Спаси нас Господи. %[Глас 6.%] Тропарь: Агг~льския силы на гробе твоем, и стрегущии омертвеша, и стояше мариа во гробе, ищущи пречистаго тела твоего. пленил еси ад, не искусився от него: сретил еси Деву, даруяй живот. воскресый из мертвых, Господи, слава тебе. (л. 202) Богородичен: Бл~гословенную нарекий твою Матерь, пришел еси на страсть вольным хотением, возсияв на Кресте, взыскати хотя адама, глаголя ангелом: срадуйтеся мне, яко обретеся погибшая драхма. вся мудре устроивый Боже наш, слава тебе. Впакои: Вольною и животворящею твоею смертию Христе, врата адова сокрушив яко Бог, отверзл еси нам древний рай, и воскрес из мертвых, избавил еси от тления живот наш. Кондак: Живоначальною дланию, умершия от мрачных удолий жизнодавец воскресив всех Христос Бог, воскресение подаде человеческому роду: есть бо всех Спаситель, воскресение и живот, и Бог всех. %[Глас 7.%] Тропарь: Разрушил еси Крестом твоим смерть, отверзл еси разбойнику рай, мироносицам плачь преложил еси, и апостолом проповедати повелел еси: яко воскресл еси Христе Боже, даруяй мирови велию милость. Богородичен: Яко нашего воскресния сокровище, на тя надеющияся всепетая, от рова и глубины прегрешений возведи: ты бо повинныя греху спасла еси, рождшая Спасение наше: яже прежде Рождества Дева, и в Рождестве Дева, и по Рождестве паки пребываеши Дева. Впакои: Иже наш зрак восприемый, и претерпевый Крест плотски, Спаси мя воскресением твоим Христе Боже, яко человеколюбец. Кондак: Не ктому держава смертная возможет держати человеки: Христос во сниде сокрушая и разоряя силы ея. связуемь (л. 202 об.) бывает ад, Пророцы согласно радуются: предста, глаголюще, Спас сущим в вере: изыдите вернии в воскресение. %[Глас 8.%] Тропарь: С высоты снизшел еси Благоутробне, погребение приял еси тридневное, да нас свободиши страстей: животе и воскресение наше, Господи, слава тебе. Богородичен: Иже нас ради рождейся: [Лист 130, на обороте.] Впакои: Мироносицы жизнодавца предстоящия гробу, Владыку искаху в мертвых безсмертнаго, и радость Благовещения от ангела приемшия, апостолом возвещаху: яко воскресе Христос Бог, подаяй мирови велию милость. Кондак: Подобен: Яко начатки: Воскр~с из гроба, умершия воздвигл еси, и адама воскресил еси, и ева ликует во твоем воскреснии: и мирстии концы торжествуют, еже из мертвых востанием твоим, многомилостиве.