<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 150 об.) [гл\ва 27] СЛУЖБА ОБЩА Христа ради юродивым, андрею цареградскому, исидору ростовскому, ма_ксиму и василию московским, и прочим. Вечера, на Господи воззвах, стихиры, глас 8. Подобен: _О преславнаго чудесе! Бл~женне, им\рк, Богомудре, * чистая твоя душа, * правоверным смыслом сияющи, * облистающи добродетелей светлостьми, * озаряет верных исполнение, * бесовскую тьму отгоняющи: * темже яко причастника тя невечерней Благодати, * уБлажаем Благочестно вси, досточудне. Имея душу милостивну, * и чист помысл, и сердце бодро, * веру неблазненну, * и любовь воистинну нелицемерну, * от земли преставился еси к Небесным, * и с лики Праведных водворяешися: * темже тя почитаем Священными песньми, * и Благочестно вси славим, * досточудне, им\рк. Бж~ественными учении укрепляяся, * страсти плотския от души отгнал еси, * и святей Троице селение преочищенное был еси: * тем к Божественней жизни преставился еси, * Богу соблюдающу и ныне * невредимо твое Блаженное тело, * Божественным судом, * имже сам весть, * прославляяй тя яве, им\рк. Слава, глас 1: Како не дивимся житию твоему? или не похвалим Преподобне, им\рк, житие твое равноангельное, помысла целомудренное, и кротости твоея смиренное и молчаливое, милостыни неоскудное, всеми добродетельми украсился еси Блаженне: (л. 151) темже ожидает тебе неизглаголанная радость, и Небесное Царствие. И ныне, Богородичен: Грешных молитвы приемлющи, и скорбящих воздыхания не презирающи, моли от пречистаго чрева твоего Сына твоего, Спастися нам, пресвятая Дево. КрестоБогородичен: Твоего Сына и Владыку древле, яко видела еси на Кресте руце распростерша, и копием ребра ископоваема, Мати чистая рыдающи взывала еси: увы мне, како страждеши, страсти человек отемляй человеколюбче? Аще празднуеши с полиелеем, глаголи Богородичен воскресный: Всемирную славу: Вход Прокимен дне. Паремии Преподобническия, [писаны в конце книги сея]. На стиховне стихиры, глас 2: Подобен: Доме евфрафов: Дом и жилище * Духа пресвятаго, * премудре, им\рк, был еси: * темже и нас домы того соделай, * святую твою память почитающих. Стих: Возвеселится Праведник о Господе, и уповает на него. Житие твое яко солнце * в сердца верных возсия, * чудеса испущая: * темже и нас светом невечерним озари, * всечестную твою память почитающих. Стих: Праведник яко фини_кс процветет, яко кедр иже в ливане умножится. Не престай моляся, им\рк, * о присных твоих рабех, * ихже Духовным твоим житием просветил еси, * да вси честное твое празднество, * веселящеся почитаем. Слава, глас 4: Земный ангел, и Небесный человек явился еси преБлаженне, источник умиления, милости течение, пучина чудес, струя исцелений, им\рк, досточудне, маслина Божия воистинну плодовита, елеем трудов твоих просвещая верно хвалящих (л. 151 об.) тя, и моля человеколюбца, от бед избавити любовию чтущия всечестную память твою. И ныне, Богородичен: Избави нас от нужд наших, Мати Христа Бога, рождшая всех творца, да вси зовем ти: радуйся, едино предстательство душ наших. КрестоБогородичен: Подобен: Яко добля: Распинаема видящи Христа, * пречистая Владычице, * умерщвляюща льстиваго, * яко Владыку плачущи пояше Благоутробнаго, * из нея прошедша, * и долготерпению его дивящися взываше: * чадо мое любезнейшее, * не забуди рабы твоея, не закосни человеколюбче, мое утешение. Аще празднуеши, глаголи догматик: Призри на моления: Тропарь, глас 1. Глас апостола твоего павла услышав глаголющ: мы юроди Христа ради, раб твой Христе Боже, им\рк, юрод бысть на земли тебе ради: темже память его почитающе, тебе молим: Господи, Спаси души наша. Слава, и ныне, Богородичен, или КрестоБогородичен. На утрени, на Бог Господь, тропарь тойже. По 1-й кафисме, седален, глас 5. Подобен: Собезначальное слово: Твердаго адаманта, и столпа непоколебима вражиими прилоги, Богоноснаго, им\рк, песньми почтим: терпением бо воистинну посрамивша сопротивнаго врага, и без вести его сотворивша, и ныне молящася о Спасении душ наших. [Дважды.] (л. 152) Слава, и ныне, Богородичен: Ужасно чудо зачатия, и несказанен образ Рождества, в тебе познася чистая присноДево: ужасает мой ум и удивляет помысл: слава твоя Богородице, всем простреся, во Спасение душ наших. По 2-й кафисме седален, глас 4. Подобен: Скоро предвари: Постом и воздержанием, и на земли леганием, увядил еси плотския страсти: душу же просветил еси, и на Небесех от Христа великое возмездие восприял еси. тем Благоугодил еси Богу, достоин сосуд чудес и по кончине явился еси притекающим к раце мощей твоих, им\рк, преБлаженне, моли Христа Бога, грехов оставление даровати чтущим любовию святую память твою. [Дважды.] Слава, и ныне, Богородичен: Обновила еси честая Божественным Рождеством твоим, истлевшее страстьми земнородных мертвенное существо: и воздвигла еси вся от смерти к жизни нетления. темже тя по долгу Блажим вси Дево препрославленная, якоже прорекла еси. По Хвалите имя Господне: Припев: УБлажаем тя святый праведный, им\рк, и чтем святую память твою: ты бо молиши за нас Христа Бога нашего. Псалом избранный: Бл~жен муж бояйся Господа: По полиелеи седален, глас 4. Подобен: Скоро предвари: Явился еси чуден в терпении твоем, всячески Христу угодил еси, преБлаженне, им\рк, мудрою мыслию утвердил еси душу твою, поработив плотская мудрования Духу, и избрав добрая, еже Бога ради труждатися, мужески глаголал еси: аще и яра зима, но сладок рай: болезненно еже труждатися, но Блаженно восприятие. темже преБлаженне, моли Христа Бога, Спасти души наша. [Дважды.] (л. 152 об.) Слава, и ныне, Богородичен: Тебе величаем Богородице, вопиюще: ты едина Благословенная, из тебе бо неизреченно родися Христос Бог наш. Степенна, 1-й антифон 4-го гласа. Прокимен: Возвеселится Праведник о Господе, и уповает на него. Стих: Услыши Боже глас мой, внегда молити ми ся к тебе. Всякое дыхание: Ев\глие, [писано в конце книги сея.] По 50-м _псалме стихира, глас 8. Человече Божий, им\рк, чудный, ты убо возшед на лествицу добродетелей, по нейже возшел еси к горнему Иерусалиму и тамо узрел еси желаемаго Христа: егоже ради плоть твою изнурил еси, и тело мертвенное на безсмертную жизнь изменил еси. и о нас непрестанно молися, даровати душам нашим мир и велию милость. Канон, глас 4. Песнь 1. Ирмос: Моря чермную пучину, невлажными стопами, древний пешешествовав Израиль, Крестообразныма моисеовыма рукама, амаликову силу в пустыни победил есть. Причастием еже к Богу Преподобне, свет был еси, и к нему отлучився, им\рк, Блаженне, желанием крайним, Благим надеждам своим отче, исполнение приял еси. Желанием еже к Богу распалаемь, мир оставил еси, спутника обрет Христа, отче им\рк, славне: с нимже стезю прошел еси Спасительную радуяся. Обогатитися никакоже истощаемыми возжелев, богатство и славу временную мудре, и пищу мимотекущую, и мирское достояние доблемудренно отринул еси. Богородичен: Красную и избранную и всечестную разумев тя Сын Божий, пренепорочная, Сын твой бысть: сыны сотвори Благодатию Богородице, чтущия тя. (л. 153) Песнь 3. Ирмос: Веселится о тебе Церковь твоя Христе, зовущи: ты моя крепость Господи, и прибежище и утверждение. Усердно к мысленным совлеклся еси деянием побеждая вражия полки, пособием Божественнаго Духа. Ранами и молитвенным воздержанием, и биении Преподобне, страсти мирския отче, им\рк, уязвил еси. Умори врага Блаженный твой Иисусе, им\рк, умерщвления твоего Владыко, живоноснаго радостно возжелев. Богородичен: Избавляющаго человеки преслушания лютаго падения, всему виновнаго честая и всенепорочная, родила еси. Седален, глас 5. Подобен: Собезначальное: Согласием Божественным озаряемь, в пути ведущия к Божественным сиянием ходил еси верно, отче Преподобне, и врагов отбег прилогов, сын света и дне явился еси, им\рк, БогоБлаженне. Слава, и ныне, Богородичен: Мт~и Божия пречистая, граде Христианский, избави люди твоя от бед прилежно зовущия, и противися врагом гордым мысленным, да вопием ти: радуйся Благословенная. КрестоБогородичен: Кр\стом Сына твоего БогоБлагодатная, идольская прелесть вся упразднися, и демонская крепость попрася: сего ради вернии по долгу тя присно поем и Благословим, и Богородицу воистинну исповедающе тя величаем. Песнь 4. Ирмос: Вознесена тя видевши Церковь на Кресте, солнце Праведное, ста в чине своем, достойно взывающи: слава силе твоей Господи. Соединився стезе правды, в Богоспасаемый Божественный град вшел еси Преподобне. им\рк, Спасительным сиянием обогатився. Единообразный Преподобне, им\рк, смысл Богоносный видев, Божественными повестьми, и Божественною одеждею одеялся еси. (л. 153 об.) Сердце твое скрижаль очищену, святаго Духа Благодать обретши отче, им\рк, написа совершенно безстрастие, веру и любовь нелицемерную. Богородичен: Седяй на Престоле превознесенне херувимстем, яко Престол тя имея Марие Богоневесто, на руках твоих почи, препрославленный Бог наш. Песнь 5. Ирмос: Ты Господи мой, свет в мир пришел еси, свет святый, обращаяй из мрачна неведения верою воспевающия тя. Пресветлую зарю, им\рк, приим, яко солнце явился еси, и демонскую тьму отгнал еси достославне. Твоим желанием Христе, окрилився всеПреподобный им\рк, желание телесное, якоже изгребие мирское оттрясе. Силою Божественною душу укрепив, в мир вселился еси, опустевая страсти отче Богомудре, им\рк. Богородичен: Речение преста тленное, Дева бо нетленно роди Бога слова, паче естества и слова Дева пребывает. Песнь 6. Ирмос: Пожру ти со гласом хваления Господи, Церковь вопиет ти от бесовския крове очищшися, ради милости от ребр твоих истекшею кровию. Ум твой весь к Богу простирая, непрестанными поучении, плотския любве не пощадел еси, Благих тебе ходатайству, им\рк, присвоение. Ни скверны, ни враски приял еси Блаженне, посреде тебе мира живущу, частыми же паче мольбами твоими очищаеши от душевныя скверны, притекающия к тебе. Ты плотских мудрований вышше имея помысл, не уязвился еси посреде жен обнажаемь: безстрастия бо одеждею, им\рк, одеялся еси. Богородичен: Усты и помыслы и сердцем, пресвятая Богородице, тя проповедуем: тобою Богу примирихомся, отриновеннии преступлением первее праотца. (л. 154) Кондак во уставе. Аще ли несть устава, глаголи сей кондак, глас 8. Вышния красоты желая, нижния сласти телесныя тощно оставил еси, нестяжанием суетнаго мира, ангельское житие проходя, скончався, им\рк, Блаженне: с нимиже Христа Бога моли непрестанно о всех нас. Икос: Како возмогу грешный аз, и скверный душею вкупе и телом, исписати еже во плоти сый, равноангельное житие твое, и преславная чудеса? аще убо мнози премудрии не достигнут исповедати многаго твоего терпения и смирения, и теплыя ко Христу любве, но обаче надеяся на твое беззлобие, _о Блаженне, сице вопию ти: радуйся, пресветлая звездо, от востока добродетелей возсиявшая и вселенную чудесы озарившая. радуйся, возненавидевый родительскую любовь, Христа же единаго, над всеми сущаго Бога, всем сердцем возлюбивый, и тому невозвратным желанием последовал еси. радуйся, яко буйственное и юродственное по апостолу жительство избравый. радуйся, пременивый тленная и нестоящая, надеждею будущих Благих. радуйся, иже древнему иову уподобивыйся терпением. радуйся, страстотерпче Христов непобедимый, но присно побеждаяй диавола твоим смирением. радуйся, иже яко древний он лазарь нищий, ныне почиваеши в лоне авраамли. радуйся, иже по отшествии от мира сего, сущим в бедах и искушениих готов обретаешися предстатель и заступник. радуйся, везде призывающих тя быстро предваряеши. радуйся Богомудре, им\рк. Песнь 7. Ирмос: В пещи авраамстии отроцы персидстей, любовию Благочестия паче, нежели пламенем опаляеми, взываху: Благословен еси в храме славы твоея, Господи. Содержимь Христоподобною, отче, им\рк, Божественною любовию других Спасти, радостно весь сам вопия издался еси: Благословен еси в храме славы твоея Господи. (л. 154 об.) С Небесе тебе поданную отче им\рк, прием пищу, сею препитал еси Благопокорно приемлющия твоя повеления, и долу влекущий грех оставляющия, Блаженне. Последовав отеческим преданием отче, им\рк, мудре, пагубы оригеновы бегати злочестивыя, заповедал еси зовущим: Благословен еси в храме славы твоея Господи. Богородичен: Вышняго оСвященное Божественное селение. радуйся: тобою бо дадеся радость, Богородице зовущим: Благословена ты в женах еси всенепорочная Владычице. Песнь 8. Ирмос: Руце распростер даниил, львов зияния в рове затче: огненную же силу угасиша, добродетелию препоясавшеся, Благочестия рачители отроцы, взывающе: Благословите вся дела Господня Господа. Всесветлая ты был еси звезда, сущия в тине страстей приводя к животу: твориши бо жены нечистыя целомудренно жити, и отгониши лютыя недуги, вопия: Благословите вся дела Господня Господа. Сый цел умом в скрове мудрых чудес Преподобне, многия уловил еси юродствовати Господа ради, ведый наругаемь быти, вопия чистейшею душею им\рк: Благословите вся дела Господня Господа. Совершен един Господь, иже своих славяй по достоянию, износима тя и гробу посылаема Блаженне, ангельскими светлословеньми почитает зовущаго: Благословите вся дела Господня Господа. Богородичен: Избавляяй нас возсия из тебе Господь, Дево чистая, егоже моли Владычице, просветити поющия тя, и обстояния нас избавити вопиющих: Благословите вся дела Господня Господа. Песнь 9. Ирмос: Камень нерукосечный, от несекомыя горы, тебе Дево, краеугольный отсечеся, Христос, совокупивый разстоящаяся естества. тем веселящеся, тя Богородице величаем. (л. 155) Всем сердцем им\рк, Троице усердно предложився, и от нея лучи Благодетельно прием, световиден был еси, и со ангелы ликуеши. Желанием Божественным приединився, и воздержанием просвещаемь, будущих благ в причастии уже быв, им\рк, БогоБлаженне, и в наслаждении. Твоими болезньми и поты приял еси веселие, никакоже конца имущее: в немже питаяйся им\рк, преБлаженне, и нас непрестанно поминай. Богородичен: Сп~си мя рождшая всех избавителя и Благодетеля, разори души моея облаки, света облаче святая Владычице, и сильна соделай на страсти борющия мя. Светилен. Удалився бегая мирских сожительства, Христу над всеми Богу нашему непорочным житием Благоугодил еси: егоже ныне моли о нас рабех твоих, верою празднующих всечестную память твою, Богомудре, им\рк. Богородичен: Мудрость впостасную и слово пресущное, и врача всех порождшая Дево, струпы и язвы души моея исцели лютыя и многовременныя: и страстная утоли сердца моего помышления. На хвалитех стихиры, глас 4. Подобен: Дал еси знамение: Дал еси притчу * терпения и мужества, * преБлагий Господи, * праведнаго, им\рк, и многочудеснаго, * добродетельми и словесы * и делы сияюща, * целомудрием украшаема и кротостию. * тем твое неизреченное строение славим, * Иисусе всесильне, и Спасе душ наших. [Дважды.] Праведен и незлобив, * истинен же и непорочен и верен, * уклоняяся от всякия злобныя вещи, * показался еси им\рк, Блаженне, * просвещен добродетельми, * и Благочестием сияя. * тем тя уБлажаем, * и святое твое и честное днесь празднуем успение, * радующеся, Богомудре. (л. 155 об.) Целомудрием и Благоверием, * яко багряницею многоценною одеявся им\рк, * правдою же и кротостию, * яко Божественным венцем увязлся еси, * со страждущими Христа ради, * Царствовати возжелел еси. * и ныне Царю сил предстоиши, * Иисусу всемилостивому, * и Спасу душ наших. Слава, глас 8: Добродетелей твоих Богомудре, им\рк, исправления уясниша верных сердца: кто бо слыша безмерное твое смирение и терпение, не удивится? еже ко всем кротость и беззлобие, к скорбящим милование, и сущим в бедах скорое поможение, плавающим немятежное пристанище, и путешествующим Благое поспешение, вся Боголепно предвари досточудне. и ныне неувядаемым венцем венчался еси от руки вседержителя Бога: егоже моли Спастися душам нашим. И ныне, Богородичен: Вл\дчце, приими молитвы рабов твоих, и избави нас от всякия нужды и печали. Или КрестоБогородичен. На литургии служба Преподобническая.