<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 140) [гл\ва 25] СЛУЖБА ОБЩА Священноисповеднику и Преподобноисповеднику. Вечера, на Господи воззвах, стихиры, глас 4. Подобен: Яко добля: Истины водружение, * и веры утверждение, * и догматов предложителя тя знаем, * Благочестия согласника, * чистоты селение, * и приятелище избранное, * Благовоние Духа, * и превеликое сокровище учений, * и основание Христовы Церкве, * Священноявленне Богодухновенне, им\рк. Апостолов преемника, * страдальцев единонравна, * постников единоревнителя восхваляем тя, * и учителей печать, * и Божественное из_ображение, * Христова тайноводителя Богоносе всехвальне, * и Боготочную реку * разумений беззаконников и хульников мысли потопляюща, * премудре, им\рк. Премудрости талант * умножив пребогате, * радости сподобился еси Господа твоего. * испещрен Благодатию * Божественнаго сияния, * и зарею мысленно сияя духовною, * ныне предстоиши деснице жизноносней, * оттуду лучами * всегда облистаемь славне, им\рк. Слава, и ныне, Богородичен. Скверну отмый страстнаго сердца моего, Богородице всепетая, и вся язвы и гноения сего, яже от греха очисти, чистая, и ума моего устави непостояние: яко да силу твою и великое заступление величаю, окаянный и непотребный раб твой. (л. 140 об.) КрестоБогородичен: Распинаема видящи, * и в ребра прободаема копием, * пречистая, Христа человеколюбца, * плачущи вопияше: * что сие Сыне мой, * что тебе неблагодарнии людие воздаша, * вместо яже сотворил еси добрая им, * и тщишися безчадствовати мя вселюбезнейше? * дивлюся Благоутробне, * твоему вольному распятию. Аще имать, самогласен. Слава, глас 6: Излияся Благодать во устнах твоих Преподобне отче, им\рк, и был еси пастырь Христовы Церкве, учя словесныя овцы веровати в Троицу единосущную во едином Божестве. Богородичен: Никтоже притекая к тебе, посрамлен от тебе исходит, пречистая Богородице Дево: но просит Благодати, и приемлет дарование к полезному прошению. КрестоБогородичен: Пречистая, яко виде тебе на Кресте повешена, плачущи вопияше Матерски: Сыне мой и Боже мой, сладчайшее мое чадо, како терпиши страсть поносную? Аще празднуеши с полиелеем, глаголи Богородичен воскресный: Кто тебе не уБлажит: Вход. Прокимен дне. Чтения преподобническая, [писана в конце книги сея.] На стиховне стихиры, глас 8. Подобен: _О преславнаго чудесе! Отче всемудре, им\рк, * Церковь Христову * уяснил еси песньми, * Божественная поя преславне, * действом отче Духа твою цевницу ударяя, * всеподобней Давидове подобяся: * еюже возглашая, * Божественными песньми вся привлекл еси. Стих: Ч\стна пред Господем смерть преподобных его. Отче преславне, им\рк, мирския отступль мятежныя молвы, * ко Христове притекл еси тишине Преподобне, * и видении Божественных деяний, * всебогатыми яве светлостьми, * воистинну обогатился еси, * и верным предал еси, * Боголепным сияя * житием преБлаженне. (л. 141) Стих: Блажен муж бояйся Господа, в заповедех его восхощет зело. Приидите земнороднии, * песньми Священное и честное * Преподобнаго торжество, им\рк, * днесь Благочестно воспоим: * се бо воистинну Божественнаго сияния * сподобися свет прияти. * _о неизреченнаго Благосердия твоего Владыко Господи, * имже мы познахом, * славити тя преБлагаго! Слава, глас 8: Монахов множества, наставника тя почитаем отче наш, им\рк: твоею бо стезею воистинну право ходити познахом, Блажен еси Христу работав, и вражию обличил еси силу, ангелов собеседниче, Преподобных сопричастниче и праведных, с нимиже молися Господеви, помиловатися душам нашим. И ныне, Богородичен воскресн: Безневестная Дево: Аще ли не празднуеши, глаголи сей Богородичен: Аз Дево святая Богородице, к покрову твоему прибегаю: вем, яко обрящу тобою Спасение: можеши бо чистая, помощи мне. КрестоБогородичен: Юница нескверная, юнца видящи на древе пригвождаема волею, рыдающи жалостне, увы мне вопияше, любимейшее чадо! что ти сонм воздаде безблагодатный еврейский, хотя мя обезчадствовати от тебе вселюбезне? Тропарь во уставе. Аще ли несть устава, глаголи сей тропарь, глас 8: Православия наставниче, Благочестия учителю и чистоты, вселенныя светильниче, архиереев Богодухновенное удобрение, им\рк, премудре, ученьми твоими вся просветил еси, цевнице Духовная. моли Христа Бога Спастися душам нашим. Слава, и ныне, Богородичен, или КрестоБогородичен. (л. 141 об.) На утрени, на Бог Господь, тропарь тойже. По 1-й кафисме, седален, глас 4. Подобен: Вознесыйся: Земных и тленных наслаждения, и мира красоты, и пищи временныя небрегл еси, в пустыни житие возлюбил еси: отсюду сподобился еси Мученическому и постническому лику сочетатися. с нимиже моли Спасти рабы твоя. [Дважды.] Слава, и ныне, Богородичен: Чт\сая, всенепорочная и неискусобрачная, едина безлетнаго Сына и слова Божия в лете рождшая: того со святыми и честными апостолы, Мученки и Пророки и Преподобными, молю даровати нам очищение, и велию милость. По 2-й кафисме седален, глас 4: Подобен: Скоро предвари: Хр\сту последовав, мир оставил еси, и плоть покорив воздержанием яве, преБлаженне, им\рк, отонудуже Священия помазание имел еси. ныне же к невещественным преставился еси ликом, моля о всех нас восхваляющих тя. [Дважды.] Слава, и ныне, Богородичен: Едина рождшая творца всех, едина украсившая человечество Рождеством твоим пречистая, избави мя сетей льстиваго велиара: постави мя на камени Христовых хотений, того молящи прилежно, егоже воплотила еси. По Хвалите имя Господне, припев священноисповеднику: Величаем тя святителю отче, им\рк: Псалом: Услышите сия вси языцы: Преподобноисповеднику же припев: УБлажаем тя Преподобне отче, им\рк: Псалом: Терпя потерпех: (л. 142) По полиелеи седален, глас 3: Подобен: Бж~ественныя веры: Бж~ественным Духом просвещен, проповедал еси со дерзновением православия предание, всеблаженне, им\рк, и мучителя беззаконна посрамил еси, в заточения неправедно отсылаемь: отче Преподобне, Христа Бога моли, грехов оставление подати, чтущим любовию святую память твою. [Дважды.] Слава, и ныне, Богородичен: Кийждо идеже Спасается, тамо праведно и притекает: и кое иное таковое прибежище, яко ты Богородице, покрывающее души наша? Степенна, 1-й антифон 4-го гласа. Прокимен: Чт\сна пред Господем смерть Преподобных его. Стих: Что воздам Господеви о всех, яже воздаде ми? Всякое дыхание: Ев\глие, писано в конце книги сея. По 50-м _псалме, стихира, глас 6. Прп\дбне отче, во всю землю изыде вещание исправлений твоих: тем на Небесех обрел еси мзду трудов твоих, демонов погубил еси полки, ангелов постигл еси чины, ихже житию непорочно поревновал еси: дерзновение имея ко Христу Богу, мир испроси душам нашим. Канон, глас 6. Песнь 1. Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим вопияше. Всемысленно тебе Спасе возлюби Священный, им\рк, ко страданию приложився крепко, скорби и болезни и подвиги терпя, дондеже обрете пищу безконечную. Кровными кроплении сланое неверствия море утолил еси: река был еси Христова, напаяя воистинну Церковь присно. (л. 142 об.) Распростертыя подвиги на земли, принесл еси Богу славне, им\рк, и Царствия Небеснаго сподобився венцы прияти, и вечнующий живот нерушимый. Богородичен: Украшена добротою добродетелей, БогоМати честая, Бога истиннаго добродетель зачала еси, нас Божественными добродетельми просветившаго. Песнь 3 Ирмос: Несть свят, якоже ты Господи Боже мой, вознесый рог верных твоих, Блаже, и утвердивый нас на камени исповедания твоего. Ни веждома дремания, ни очима сна вдал еси Преподобне отче, им\рк, дондеже дом явился еси святыя Троицы, и премудрости сокровище, мир обогащая златозарными учении Блаженне. Бж~ественных повелений хранитель быв Богомудре, им\рк, в темницах затворен был еси, отверзая верным затвор учительнаго пути, на широту разума вводящаго. Силою Божественною укрепився, безкрепостную дерзость беззаконных низложил еси, исповеданием твердым, всеСвященный, им\рк, страдальче, яко оружник Божественнаго полка. Богородичен: Премудрость и слово отчее, прежде сый всех век, в последняя лета неизреченно воплотивыйся от неискусобрачныя тебе Матере, Богородицу тя содела. Седален, глас 4. Подобен: Явился еси днесь: Славное солнце, яко денницу на высоте постави тя своей Церкви, верныя просвещая словесы твоими, Небесный таинниче, им\рк, Богомудре отче наш. Слава, и ныне, Богородичен: Чт\сая всенепорочная, и неискусобрачная, едина безлетнаго Сына и слова Божия, в лете рождшая: того со святыми и честными апостолы, Мученки, и Пророки, и Преподобными, моли даровати нам очищение и велию милость. (л. 143) КрестоБогородичен: На Кресте тя воздвижена яко узре пречистая Мати твоя слове Божий, Матерски рыдающи вещаше: что новое и странное Сыне мой, чудо? како жизнь всех приближаешися смерти, оживити хотя умершия, яко милосерд? Песнь 4. Ирмос: Хр\стос моя сила, Бог и Господь, честная Церковь Боголепно поет взывающи, от смысла чиста о Господе празднующи. Копием словесы твоими безбожие пронзил еси, и страдании твоими яко мечем бесовския полки победил еси, ихже злобы избави чтущия тя всехвальне, им\рк. Не жру бесом, ни устрашаюся смерти, ни мук вещей, СвященноМученк, им\рк, взываше: но единаго Бога исповедую в Троице познаваема. Видев Господи твоего смирения преславную высоту, свыше строения тебе слово дарует: имже ересей лютая смиришася возношения, отче. Богородичен: Яко дверь приводящую к Божественному входу, яко рай Божественный, яко мысленное место Священия, яко доброту иаковлю Деву уБлажаем. Песнь 5. Ирмос: Бж~иим светом твоим, Блаже, утренюющих ти души любовию озари, молюся, тя ведети слове Божий, истиннаго Бога, от мрака греховнаго взывающа. Слез твоих течением всемудре отче, им\рк, сластей изсушил еси пучину, и излитием учений твоих ересей потоки Блаженне заградил еси. Цр~ковь был еси вместительна отче, им\рк, Троице воистинну, украшен Благодатию, и озарением честных добродетелей, и учительным смирением. Терпением твоим низложив вся шатания лукаваго, того вреда мя избави, бодра всячески содевая, стезями приводящими к Богу славне, им\рк. (л. 143 об.) Богородичен: Поем, всечистая, из тебе плоть страстную и смертную нас ради приемшаго, и видимо Рождество смешеною неслитною впостасию. Песнь 6. Ирмос: Житейское море, воздвизаемое зря напастей бурею, к тихому пристанищу твоему притек, вопию ти: возведи от тли живот мой, многомилостиве. Светило быв страданий твоих светом просвещая концы, исповедал еси имя Христово пред мучители страстотерпче Господень всехвальне, им\рк. Язык твой яко трость скорописца книжника, воистинну бысть, исповедая разум всечестен, в скрижалех сердец начертаяй отче, им\рк, закона духовнаго. Твоего плавающии поучения стяжавающе тишину, отче Богоглаголиве, пучины треволнения избавляются душевреднаго, и от иных ересей приходящии верою Спасаются. Богородичен: Дх~ святый на тя, честая, девства хранило нашед, содела честное селение всенепорочная Сына вышняго всеБлаженная. Кондак во уставе. Аще ли несть устава, глаголи сей кондак, глас 2: Насладився Богомудре воздержания, и желания плотская ты успил еси, явився верою возращаемь, и яко живота древо райское процвел еси, им\рк, отче Священный. Икос: Отверзи ми устне преСвященне, Богоприятными твоими молитвами, предстоя Богу всеславне Преподобне Мучениче, да воспою Блаженное твое житие, и возглаголю достойно добродетели твоя, яже на земли теплою любовию совершил еси: исповедник бо был еси крепок, воздержание верою исправив, бдение и чистоту возлюбил еси, им\рк, отче Священный. Песнь 7. Ирмос: Росодательну убо пещь содела ангел Преподобным отроком, халдеи же опаляющее веление Божие, мучителя увеща вопити: Благословен еси, Боже отец наших. (л. 144) Яко пресветло житие твое бысть Богомудре пощения ради, тако явися твое страдание твердо: Христа бо прославил еси яве, вопия: Благословен Бог отец наших. Целомудрия чистоты препоясався мужеством, Богоугодный отче, им\рк, и мучения венец светел восприим Благодатию, вопиял еси: Благословен Бог отец наших. Некланяющиися пречистей иконе твоей, Спасе, нечестивии слугу твоего многоранно оскорбляху, присно глаголюща, и вопиюща к тебе: Благословен Бог отец наших. Богородичен: Седяй в недрех родительных неописан пречистая, ныне же от твоих недр произшед седит описан, твоему подобяся образу, за еже Спасти адама, адам быв. Песнь 8. Ирмос: Из пламене Преподобным росу источил еси, и Праведнаго жертву водою попалил еси: вся бо твориши, Христе, токмо еже хотети. тя превозносим во вся веки. Светоносно показался еси, якоже другое солнце, поучение посылая концем, тьму несветящую всякаго греха отимая Блаженне, им\рк, светом покаяния. Струями Божественных учений ограждаемь, река якоже от другаго едема изшел еси, лице земли напояя Богоугодниче, им\рк, и нечестия плевелы потопляя. Украсовался еси всеБлаженне добротою словес твоих, святаго бо Духа явился еси трость, написуя верным Благочестивно разум Божественный, превознося Христа во веки. Богородичен: Ко твоему прибегаю покрову всенепорочная, и заступление ныне животу моему тя предлагаю, яже паче ума Бога слова рождшая: егоже превозносим во веки. Песнь 9. Ирмос: Бг~а человеком невозможно видети, на негоже не смеют чини ангельстии взирати: тобою же, всечистая, явися человеком слово воплощенно, егоже величающе, с Небесными вои тя уБлажаем. (л. 144 об.) Яко свет, яко луна, яко великое солнце, яко молния Христове Церкви возсияв, и верных мысли просветил еси, в невечернем свете вселився, поя трисвятыми гласы Троицу несозданную. Земля святым гробом обогатися, им\рк, и Священным всехвальне твоим телом, и Праведных взыграшася дуси, ангели же, Блаженне, дух твой прияша: с нимиже всех нас поминай поющих тебе. Храм Духа пресвятаго быв, и река вод животных наполняема, и Церкве основание недвижимое, степень православия, струя приснотекущая, Божественнаго покаяния источник достодивный, им\рк. Богородичен: Якоже капля Небесная во твое чрево, Дево, дождь сниде, и изсуши лестная течения, источив нетления и избавления всем человеком, тобою БогоБлагодатная. Светилен. Страдание убо первее добре искусився, второе постом течение Божественное совершив, на Небеса возшел еси, и Христу предстоиши, им\рк, отче Преподобне: за нас молися тепле поющих тя. Богородичен: Радость неизреченную рождши Господа, радости нас Небесныя причастники сотвори, всех тебе почитающих пречистая, и Благодарение от души приносящих тебе: не забуди рабов твоих, Благословенная Марие. На хвалитех стихиры, глас 4. Подобен: Дал еси знамение: Бл~годать Духа, отче им\рк, * тебе возсиявши, * светло просвети тя: * отсюду умалил еси страстей нощь, * и безстрастия день постигл еси, * чисте чистейшему свету совокуплься, * в немже жительствуя * , не забуди Богогласе, * верою поющих Священную твою память. [Дважды.] Бл~годать желанную тебе, * им\рк, нося Небесную, * земных небрегл еси: * сего ради яко безплотен, * страдательное (л. 145) избрал еси житие, * яко присносущныя сладости потока, * Благочестно насладитися хотя Богоприятне, * и слезами Преподобне изсушил еси * мутный источник страстей, * и напоил еси душепищныя класы. * Бл~годать исцелений, им\рк, * от Благодати Божественныя достойно приял еси: * отсюду духов тебе лукавых * низлагается прелесть, * и недуг неудобных тли отбег прешел еси: * источаеши бо Преподобне яко воды Благодатныя твоя струи, от нихже напояеми, * воспеваем память твою. Слава, глас 5. Прп\дбне отче, не дал еси сна твоима очима, ни веждома твоима дремания, дондеже душу и тело от страстей свободил еси, и тебе самаго уготовал еси Духу жилище: пришед бо Христос со отцем, обитель у тебе сотвори, и единосущныя Троицы угодник быв, великопроповедниче отче наш, им\рк, молися о душах наших. И ныне, Богородичен: Бл~жим тя Богородице Дево, и славим тя вернии по долгу, град непоколебимый, стену необоримую, твердую предстательницу, и прибежище душ наших. КрестоБогородичен: Зрящи древле агнца и Сына своего, Дева Мати и всеБлаженная отроковица на Крест воздвижена, вопияше слезящи: увы мне Сыне мой, како умираеши, Бог естеством сый безсмертен? Аще имать на стиховне Славу, глаголи вечерний. И ныне, Богородичен, или КрестоБогородичен.