<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 96) [гл\ва 17] СЛУЖБА ОБЩА СвященноМученком двема, и многим. Вечера, на Господи воззвах, стихиры, глас 1. Подобен: Всехвальнии Мученцы: Ст~ительскую одежду * светло воистинну украсисте * мучения кровию, * и обоюду светло украсившеся, * со ангелы зиждителю предстасте, * угодницы славнии, * егоже молите, * даровати душам нашим * мир и велию милость. Бг~одухновенныя органы, * воистинну нам явистеся, * возвещающе неизреченная Божия таинства * писания Божественнаго, * идольское безумие обличающе, * всех ко Христу приведосте. * егоже молите, * даровати душам нашим * мир и велию милость. Словом Богоразумия * люди от неведения премудрии, * до конца избависте, * и приведосте Спасены сия * слову возсиявшему, * из отца рожденному Христу Богу нашему: * тому помолитеся, * даровати душам нашим * мир и велию милость. Слава, и ныне, Богородичен: Дв~о всепетая, юже в тебе тайну моисей пророческима виде очима, купину горящу и неопаляему: Божества бо огнь утробу твою чистая, не опали. темже молим тя, яко Матерь Бога нашего, мир испросити мирови и велию милость. КрестоБогородичен: У Креста твоего предстоящи, * слове Божий, * агница и непорочная Мати твоя * рыдающи вопияше: * увы мне, Сыне, * како умираеши на Кресте? * увы мне, свете мой сладкий, * где твоея доброты * ныне зайде зрак, * краснейший паче всех человек? (л. 96 об.) Аще имать самогласен. Слава, глас 8: От временных круг пришедше Богзваннии, седмерицею биеми, и стружеми преходяще, и вси распинаеми за Христа, ни огнь, ни раны, ни оружие, душ ваших разслабиша крепости, и попрали есте бесовскую крепость, СвященноМученцы славнии: тем молите Христа Бога, Спасти души наша. И ныне, Богородичен: Аз, Дево святая Богородице, к покрову твоему прибегаю, вем, яко обрящу тобою Спасение: можеши бо чистая, помощи мне. КрестоБогородичен: Подобен: _О преславнаго чудесе! Тя видящи пригвождаема * на Кресте Иисусе, * и страсти приемлюща волею Владыко, * Дева и Мати твоя, * увы мне, вопияше, * чадо сладкое! раны неправедно како терпиши? * врачу исцеливый человеческое неможение, * и от тли вся избавивый * Благоутробием твоим. Аще ли празднуеши с полиелеем, глаголи Богородичен воскресный: Цр~ь Небесный: Вход. Прокимен дне. Чтения 3, Мученическая, [писаны в конце книги сея]. На стиховне стихиры, глас 4. Подобен: Яко добля: Яко звезды многосветлыя * мысленно возсиявше на Церковней тверди, * всю тварь просвещаете, * тьму прогоняюще подвигом света, * и чудес сияньми: * тем днесь веселящеся, * совершаем светоносную * и святую вашу память, * СвященноМученцы славнии. Стих: Священницы твои облекутся в правду, и Преподобнии твои возрадуются: Апостолом равночестнии, * Священноначальницы бывше, * помысл купноревнительный восприемше, * не убоявшеся безбожия мучительскаго суровства: * но мужески и крепко Спаса проповедавше * (л. 97) претерпесте многоразличныя злобы, * того ради будущая воздания * ныне восприемлете, всемудрии. Стих: Блажен муж бояйся Господа, в заповедех его восхощет зело. Службы приносяще честныя всесильнии, * и жертву непорочную Владыце Христу * всесожжения совершенна * тому принесосте себе страдальчески, * Священноначальницы Блаженнии: * егоже молите, * от тли и бед избавити * верою совершающих * честную память вашу. Слава, глас 4: Мченицы непобедимии, иерарси прехвальнии, и светильницы всемирнии, столпи непоборимии Божественныя Церкве, и степень учений, и наставницы Благочестивых, и потребителие бысте ересей, отцы Богомудреннии, светлии наставницы душ наших, ангелом собеседницы, и Троице поборницы. И ныне, Богородичен: Скверну отмый страстнаго сердца моего, Богородице всепетая, и вся язвы и гноения сего, яже от греха очисти чистая, и ума моего устави непостояние: яко да силу твою и великое заступление величаю окаянный непотребный раб твой. КрестоБогородичен. Подобен: Яко добля: Распинаема видящи, * и в ребра прободаема копием, * пречистая, Христа человеколюбца, * плачущи вопияше: * что сие Сыне мой, * что тебе неБлагодарнии людие воздаша, * вместо яже сотворил еси добрая им, * и тщишися безчадствовати мя вселюбезнейше? * дивлюся, благоутробне, твоему вольному распятию. Тропарь во уставе. Аще ли несть устава, глаголи сей тропарь, глас 4: Бж~е отец наших, творяй присно с нами по твоей кротости, не отстави милость твою от нас: но молитвами их в мире управи живот наш. Слава, и ныне, Богородичен, или КрестоБогородичен. (л. 97 об.) На утрени, на Бог Господь, тропарь тойже. По 1-й кафисме седален, глас 8. Подобен: Премудрости: Пучины премудрости учаще, Духовныя глубины, Троическое едино Божество проповедали есте Преподобнии, исписавше ангельския чины, и тайны тех сияний Богомудрии: тем и нижнее святительство устрояюще, ко единому возведостеся соединению СвященноМученцы. молите Христа Бога, согрешений оставление даровати, чтущим любовию святую память вашу. [Дважды.] Слава, и ныне, Богородичен: Сл~нца облаче разумнаго, Божественнаго света светильниче златокованный, нескверная, неблазная, всенепорочная Владычице, омраченную душу мою ослеплением страстей, безстрастия зарею просвети, молюся, и оскверненое мое сердце омый потоки умиления, покаяния же слезами: и от тимения мя очисти дел моих, да любовию зову ти: Богородице присноДево, моли Христа Бога, прегрешений оставление подати ми, тебе бо имею надежду раб твой. По 2-й кафисме седален, глас 5: Подобен: Собезначальное слово: Апостольским вещанием огласивше свой ум, и упасше Преподобнии верных состав, жертву чисту принесли есте Царю и творцу, воплощшемуся за ны от Девы Богородицы, и воскресшему со славою: егоже пред мучители исповедаша СвященноМученцы. [Дважды.] Слава, и ныне, Богородичен: Теплая предстательнице и непобедимая, упование известное и непостыдное, стено и покрове и пристанище прибегающим к тебе, присноДево чистая, Сына твоего и Бога моли со ангелы, мир дати миру, и Спасение, и велию милость. (л. 98) По Хвалите имя Господне: Припев: Величаем вас СвященноМученцы Христовы, и чтем святую память вашу: вы бо молите за нас Христа Бога нашего. Псалом избранный: Услышите сия вси языцы: По полиелеи седален, глас 1: Подобен: Камени запечатану: Плод Богоразумия возделавше труды своими, из корене безбожия исторгли есте остны учения, и мастию помазавшеся Благодатию, упасли есте люди СвященноМученцы, и законно пострадавше, сугубы почести от Христа сподобистеся, слава давшему вам крепость: слава венчавшему вас: слава дающему вами всем исцеление. [Дважды.] Слава, и ныне, Богородичен: Руце твои Божественнеи, имиже создателя понесла еси Дево пресвятая, воплощшагося Благостию, простерши умоли его, избавити нас от искушений, и страстей, и бед, хвалящих тя любовию, и вопиющих: слава всельшемуся в тя: слава прошедшему из тебе: слава избавльшему нас Рождеством твоим. Таже, степенна, 1-й антифон 4-го гласа. Прокимен: Ч\стна пред Господем смерть Преподобных его: Стих: Что воздам Господеви о всех яже воздаде ми, Всякое дыхание: Ев\глие СвященноМученком, [писано в конце книги сея]. По 50-м _псалме стихира, глас 4, самогласна: Яко столпи суще Церкве Христовы, стены разорили есте неверствия крепко, самобратия Мученцы: тем прежде смерти еретическую бурю разрушисте, молящеся о душах наших. Канон, глас 4. Песнь 1. Ирмос: Моря чермную пучину, невлажными стопами, древний пешешествовав Израиль, Крестообразныма моисеовыма рукама, амаликову силу в пустыни победил есть. (л. 99) Бж~иим светолитием славнии облистаеми, светоносное сие и светлое празднество ваше Благочестно славящих, страстей мглы избавите. Посрамлен бысть нечестивый страдальцы и служители твоими Христе Царю, приложився им и свой тул лукавый испразднив, низложити не возможе тех крепости. Вод животворящих и духовных исполняеми, истаявших зноем лютаго безбожия напоисте, и к воде святей и Спасительней настависте. Богородичен: Разрешися прародительное преступление паче умным Рождеством твоим пречистая, и первый восприяша райский вход, велегласно хвалящии тя. Песнь 3. Ирмос: Веселится о тебе Церковь твоя Христе, зовущи: ты моя крепость Господи, и прибежище и утверждение. Разжизаеми мысленно утешителевым огнем, погасиша лести лютаго запаления, СвященноМученцы радующеся. Дх~а светом славнии, сущих во тме люте привлекосте к свету Священнаго крещения. Злато искушено огнем мучения явистеся, Мученических страданий святии, имуще запечатление. Богородичен: Избавляющаго человеки от насилия вражия, родила еси сильнаго Бога, пречистая Дево всенепорочная. Седален, глас 3. Подобен: Бж~ественныя веры: Миром помазания освятившеся, пастырие явистеся людем Богомудрым, и яко агнцы чисти пожершеся, принесостеся слову началопастырю пожершемуся яко овчати, Мученцы всехвальнии, и светильницы всемирнии, темже торжествуем всю любовию Божественную память вашу. Слава, и ныне, Богородичен: Прибежище и сила наша Богородице, державная помощь мира, (л. 99 об.) молитвами твоими покрый рабы твоя от всякия нужды, едина Благословенная. КрестоБогородичен: Жезл силы стяжавшии, Крест Сына твоего Богородице, тем низлагаем врагов шатания, любовию тя непрестанно величающе. Песнь 4. Ирмос: Вознесена тя видевши Церковь на Кресте, солнце Праведное, ста в чине своем, достойно взывающи: слава силе твоей Господи. Сщ~енных Мученк лик да поется, святительства Благодатию, и мучением украшаемь, воспевающих с веселием: слава силе твоей Господи. Научени бывше Божественным тайнам, отцы Богоноснии, люди в преподобии и правде воистинну упасосте, и конец Божественный приясте мучением. Украшен быв Божественными апостольскими, и Пророческими даровании, СвященноМученк лик Божественный взывает веселяся: слава силе твоей Господи. Богородичен: Бг~оглаголании оглашаеми Богородице, еже о тебе видяще сбытие, радуйся пренепорочная Дево, тебе зовем, избавленнии Рождеством твоим. Песнь 5. Ирмос: Ты Господи мой, свет в мир пришел еси, свет святый, обращаяй из мрачна неведения верою воспевающия тя. Бж\ственными зарями премудраго проповедания, возсиясте седящим во тме прелестней свет Благодатный. Ныне зряще Христа лицем к лицу, света неизреченнаго наслаждаетеся: тому за ны молитеся. Бж~ия река Христова учения исполншися в вас, заградисте потоки прелестныя, и умы верных тверде напоисте. Богородичен: Едину от всех родов избрав тя Господь, Богородице, из тебе воплотися, обожив человечество. (л. 99 об.) Песнь 6. Ирмос: Пожру ти со гласом хваления Господи, Церковь вопиет ти, от бесовския крове очищшися, ради милости от ребр твоих истекшею кровию. Мужеством и мудростию пожив Господи, святых твоих лик, правдою и молитвою и целомудрием, о тебе ныне радуется. Надеждею вечнаго живота укрепляеми, телесная раздробления веселящеся претерпесте доблии, иже Божественным Пророком святии ревнители. Законы воспитани духовными премудрии, беззаконнующим законы Спасительныя предложисте, и к свету Благоверия сих приведосте. Богородичен: В мертвость от живота совлечен бысть в раи адам, твоим же Дево обезсмертися животворящим Рождеством, пречистая Богоневесто. Кондак во уставе. Аще ли несть устава, глаголи сей кондак, глас 3: Подобен: Дв~а днесь: Яко светильницы незаходимии разумнаго солнца, сошедшеся днесь восхвалим песньми, возсияли бо есте сущим во тьме неразумия, всех созывающе к высоте Благочестия СвященноМученцы. тем вопием вам: радуйтеся постников всех основание. Икос: Иже исперва Божественную доброту, Иисусе животодавче, озари мне: яко да воспою твоя святители, иже по тебе подвигшияся даже до смерти, и вражию силу низложивше крепце, и Богомерзкое нечестие обличивше, Крестною силою утверждшеся Христе, от тебе славу прияша достойно, темже зовем им: радуйтеся постников всех основание. Песнь 7. Ирмос: В пещи авраамстии отроцы персидстей, любовию Благочестия паче, нежели пламенем опаляеми, взываху: Благословен еси в храме славы твоея, Господи. (л. 100) Ст~ительства просвещени миром Богомудрии, Божественною Мученическою кровию, Боголепно обоюду прославляетеся, вопиюще: Благословен еси в храме славы твоея Господи. Управльше якоже во мгновение земная мудрования, яко в корабли пречистыя славы прехвальнии возвышаеми, взываша: Благословен еси в храме славы твоея Господи. Не неведуще противнаго умышления, всяко мучительное ведение прелестное отразиша славнии СвященноМученцы, поюще: Благословен еси в храме славы твоея Господи. Богородичен: Землю убо мглою, Небо же облаки одеваяй Господь, в плоть мертвенную из кровей твоих Девце, одеяся, во одежду славы безсмертия одевая человеки. Песнь 8. Ирмос: Руце распростер даниил, львов зияния в рове затче: огненную же силу угасиша, добродетелию препоясавшеся, Благочестия рачители отроцы, взывающе: Благословите вся дела Господня Господа. Биеми жилами, и болезньми плотскими, живот нетленный СвященноМученцы исходатаили есте всем служащим мертвым богом, иже, Спасени бывше, с вами присно взывают: Благословите вся дела Господня Господа. Гроздие винограда мысленнаго СвященноМученцы суще, ныне вино источаете исцеления, и веселите сердца всех верою восхваляющих вас, и вопиющих: Благословите вся дела Господня Господа. Сщ~енноМученичестии гроби чудеса источиша вселенней, всезлаго демона привидения лестная сокрушающе, Благолепная же исцеления подают вопиющим: Благословите вся дела Господня Господа. Богородичен: Виден бысть яко человек, из тебе раждаемь пресущный, сугуб естеством пречистая, действы же и хотении, имже уподоблься волею и явлься, емуже поем верою: Благословите вся дела Господня Господа. (л. 100 об.) Песнь 9. Ирмос: Камень нерукосечный, от несекомыя горы тебе Дево, краеугольный отсечеся, Христос, совокупивый разстоящаяся естества. тем веселящеся, тя Богородице величаем. Сщ~енноМученк святых Священную совершающе память, приидите вси велегласно песньми Священными сих почтим, о нас молящихся всещедрому Богу нашему. Словом утешени бывше, вся скверны душ ваших очистивше, и кожныя одежды муками совлекшеся, в прекрасную ризу Спасения облекостеся. Собрашася людие в память страстотерпец святых Благодати восприяти, и доблия СвященноМученки воспети, иже пострадаша мужески, и низложиша злоначальнаго. Богородичен: Носящи на руках Христа, манием носящаго всяческая, сего яко Сына твоего умоли, от вражиих навет избавити мя пречистая, и бездною милости обяти, и Спасти мя. Светилен. Подобен: Жены услышите: Ныне Благонарочит явися нам день, имущий Священных преемник, Священных апостол, и Богоносныя купно проповедники веры, и непобедимыя Мученки: ихже молебную память верно вси совершаем. Богородичен: Совета великаго ангела отча родила еси Христа Царя славы препетая отроковице, егоже Крест СвященноМученцы проповедавше, просветиша языки, и научиша тя Богородицу славити, и покланятися твоему Рождеству. На хвалитех стихиры, глас 4. Подобен: Яко добля: Сщ~енным помазанием, * и Мученическою кровию, * Богу приближишася СвященноМученцы всеславнии, * цвет естественный, * доброта словесная, * премудрости верховники, * правости Богословия, * правило веры, * всесоставное исправление, * и Церквам Благолепие. [Дважды.] (л. 101) Страждущим прославление, * Мученком величание подписующе, * уверистеся Богомудрии, * дерзати доблественно * на различныя муки, * и юзы и темницы, * и телес обнажения, * и вязания, * и студени лютыя, * послежде и на раны и смерть СвященноМученцы. Многообразных ради мучений * совлекшеся умерщвления, * Мученцы славнии, * в нетления ризу облекостеся, * и ныне на Небесех живете, * Божественному Престолу всегда предстояще: * темже верою * всесветлую память вашу празднуем, * раку мощей ваших облобызающе. Слава, глас 8: Во святителех и Мученцех преидосте Преподобнии, вернии явистеся пастырие, и Христову испивше чашу. тем во обоих Благоугодивше Христу, тому молитеся о всех нас с горними слугами, во свете ныне водворяющеся. И ныне, Богородичен: Архангела гавриила глас восприимше рцем: радуйся Мати Божия, яже жизнодавца Христа миру рождшая. КрестоБогородичен: Юница нескверная, юнца видящи на древе пригвождаема волею, рыдающи жалостне, увы мне, вопияше, любимейшее чадо! что ти сонм воздаде неблагодарный еврейский, хотя мя обезчадствовати от тебе вселюбезне? Аще имут Славу на стиховне, глаголи вечерний. И ныне, Богородичен, или КрестоБогородичен.