<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 90 об.) [гл\ва 16] СЛУЖБА ОБЩА СвященноМученку единому. Вечер, на Господи воззвах, стихиры, глас 1. Подобен: Всехвальнии Мученцы: Бг~омудре Блаженне, им\рк, * очервленьми твоея крове, * Священную твою одежду украсил еси: * от силы бо благочестно в силу, * и от славы в славу Божественную * радуяся прешел еси, * и ныне молися, * даровати душам нашим * мир и велию милость. Жертву первее * Богу принося безкровную, * яко священник законнейший, * Богоглаголиве всечестне, * послежде яко всеплодие * и приятну жертву, * тебе самаго кровию, * яко мученик истиннейший, * Христу принесл еси, егоже моли о поющих тя. Мченик воинства, * Христу отче, привел еси * учении твоими и наказании, * учя и наказуя, * и яве образ Богомудре, тебе самаго предлагая. * с нимиже молися, * даровати душам нашим * мир и велию милость. Слава, и ныне, Богородичен: Прегрешений пучиною обуреваемь, к тихому пристанищу твоея пречистыя мольбы Богородице, прибег, взываю ти: Спаси мя, державную твою простерши десницу рабу твоему, пренепорочная. КрестоБогородичен: У Креста предстоящи Сына и Бога твоего, и долготерпение того смотряющи, глаголаше плачущи Мати честая: увы мне, чадо сладчайшее, что сия страждеши не праведно, слове Божий, да Спасеши человечество? (л. 91) Аще имать самогласен, Слава, глас 6: Сщ~енник законнейший, даже до кончины твоея был еси, Блаженне им\рк: священнодействуя бо Божественная и неизглаголанная таинства, кровь твою излиял еси за Христа Бога, и жертву Благоприятну себе привел еси. тем дерзновение имея к нему, прилежно молися о верою и любовию совершающих твою пречестную память, и почитающим сию избавитися напастей и всяких бед и обстояний. И ныне Богородичен: Бг~а из тебе воплотившагося разумехом, Богородице Дево: того моли о Спасении душ наших. КрестоБогородичен: Видящи тя распинаема, Христе, тебе рождшая, вопияше: что странное еже вижу таинство, Сыне мой? како на древе умираеши плотию повешен, жизни подателю? Аще празднуеши с полиелеем, и ты глаголи Богородичен воскресный: Кто тебе не уБлажит: Вход. Прокимен дне. Чтения 3 святительская, [писаны в конце книги сея]. На стиховне стихиры, самогласны, глас 6. Кровию обагрив твою Священную одежду, вшел еси во святая святых, свят ты быв, им\рк, славне, и яве всегда наслаждаяся обожения, украшаемь и мучением сияя, и ангел показуяся чистейшими причащении. тем тя чтим, и любовию празднуем твое Священнейшее торжество достоБлаженне. Стих: Прв\дник яко фини_кс процветет, яко кедр, иже в ливане, умножится. Железом окован, непреткновенно стезю шествовал еси, Преподобне, к Небесному граду ведущую, честными твоими ранами, им\рк, всемудре, якоже утварию обложен. в негоже вшед яко победитель истиннейший и Мученк непобедимь, и Священнодейственник Священнейший, поеши со ангелы песнопение Божественное чисто: свят, свят, свят, Троице единосущная. (л. 91 об.) Стих: Насаждени в дому Господни, во дворех Бога нашего процветут. Восходный степень Церковь стяжа, Священныя твоя подвиги, СвященноМучениче им\рк, юже и храниши незыблему и ненаветну от волков державных, проповедающую доблести твоя, и величающую твоя страдания, яже за Христа законно пострадал еси Блаженне. Слава, глас 4. В церковь Небесную Священно вшел еси, Священно обливаемь Блаженне, кровию, и Троице предстоиши, богатно сияя оттуду блистании истекающими пребогате. темже днесь, им\рк, твою память светоносную совершающе, чувствия души просвещаем. И ныне, Богородичен: воскресный. Аще ли не празднуеши, глаголи сей Богородичен: Тучами Духа пресвятаго пречистая, мою мысль ороси, яже каплю рождшая Христа, неизчетно безмерная беззакония человеком щедротами измывшую: изсуши источник страстей моих, и потока мя сподоби пищи живыя присно, молитвами твоими. КрестоБогородичен: На Кресте тя яко узре * пригвождена Господи, * агница и Мати твоя дивляшеся, * и что видение сие, взываше, * Сыне возжеленне? * сия ти неверный собор воздаде беззаконный, * иже многих твоих чудес насладивыйся, * но слава неизглаголанному * сошествию твоему Владыко. Тропарь во уставе. Аще ли несть устава, глаголи сей тропарь, глас 4: И нравом причастник, и престолом наместник апостолом быв, деяние обрел еси Богодухновенне, в видения восход: сего ради слово истины исправляя, и веры ради пострадал еси даже до крове, СвященноМучениче им\рк, моли Христа Бога Спастися душам нашим. Слава, и ныне, Богородичен, или КрестоБогородичен. (л. 92) На утрени, на Бог Господь, тропарь тойже. По 1-й кафисме седален, глас 3. Подобен: Бж~ественныя веры: Морем веры исповедания, прелести угасил еси злославие, обличив идольское безбожие, и всесожжение Божественное быв, чудотворением озаряеши концы отче Преподобне. Христа Бога моли даровати нам велию милость. [Дважды.] Слава, и ныне, Богородичен: Бж~ественная скиния была еси слова, едина пречистая Дево Мати, чистотою ангелы превозшедшая, паче всех мене персть бывша, осквернена плотскими прегрешеньми, очисти молитв твоих Божественными водами, подающи честая, велию милость. По 2-й кафисме седален, глас 4. Подобен: Явился еси днесь: Возсияв якоже солнца заря, блистаеши Преподобне всему миру светло учении твоими Богогласе им\рк, светоносне Мученком похвало. [Дважды.] Слава, и ныне, Богородичен: Пречистеи руце твои Дево Мати, простерши, покрый уповающия на тя, и Сыну твоему зовущия: всем подаждь Христе, милости твоя. По Хвалите имя Господне: Припев: Величаем тя СвященноМучениче, им\рк, и чтем святую память твою: ты бо молиши за нас Христа Бога нашего. Псалом избранный: Услышите сия вси языцы: По полиелеи седален, глас 8. Подобен: Премудрости: Окормляемь силою вседетельною, и ветрилом окриляемь Крестным, легко преплыл еси житейскую бурю, и к Божественным (л. 92 об.) пристанищем воистинну достигл еси, добродетелей куплю многу стяжав, юже Владыце всех принесл еси, и еже Благий рабе, слышал еси, и сим последующая: темже, им\рк, Блаженне, моли Христа Бога, грехов оставление подати, чтущим любовию святую память твою. [Дважды.] Слава, и ныне, Богородичен: В напасти многоплетенныя впад, от враг видимых и невидимых, бурею одержимь безчисленных согрешений моих: и яко к теплому защищению и покрову моему, чистая, к пристанищу притекаю твоея Благости. темже пречистая, из тебе воплощенному безсеменно молися прилежно о всех рабех твоих, непрестанно молящих ти ся, Богородице пречистая, молящи его присно, согрешений оставление даровати, воспевающим достойно славу твою. Степенна, 1-й антифон 4-го гласа. Прокимен: Ч\стна пред Господем смерть Преподобных его. Стих: Что воздам Господеви о всех, яже воздаде ми? Всякое дыхание: Ев\глие СвященноМученку, [писано в конце книги сея]. По 50-м _псалме стихира, глас 4: Сосуд Священ Духа святаго был еси, душу очистив от страстей Священне, отсюду Божественное помазание святое приял еси, святитель ты быв, и наставник людей Богомудрых, и Мученк непобедимь, нас ради страсти претерпевшаго, и безстрастие источившаго, страдальче им\рк. Канон, глас 2. Песнь 1. Ирмос: Грядите людие, поим песнь Христу Богу, раздельшему море, и наставльшему люди, яже изведе из работы египетския: яко прославися. Хр\стовым светолитием просвещаемь, СвященноМучениче славне, им\рк молитвами твоими преБлаженне, омраченную душу мою просвети, яко да воспеваю тя. (л. 93) Просвещением Спасительнаго проповедания, честому сердцу твоему, яко зерцало нескверное отче возсияв, лучи всем испустил еси. Постом твоим страстная играния вся, и воздержанием желание претворил еси, и различными подвиги взялся к безстрастней высоте. Богородичен: Бг~а из тебе воплощшагося свемы, безсеменнаго хотения, сущаго прежде всея твари, и прежде всех век: темже тя сущую Богородицу воспеваем. Песнь 3. Ирмос: Утверди нас в тебе, Господи, древом умерщвей грех, и страх твой всади в сердца нас поющих тя. Всесовершенну жертву живу, себе Христу принесл еси мучением, совестию Мученическою, преди пострадав воздержанием. Житие твое Священно, и слово Божественно, и деяния Божественная, приемля восхождения в сердцы твоем, истиннаго Боговидения, егоже получил еси. Управив Богоразумно Преподобне, ум твой, заповедьми Спасовыми, достоин явился еси, и веры поборник ненобедимый. Богородичен: От мертвости ум наш оттрясла еси, рождши сущее безсмертие, и одежду нам изткала еси нетления, Девце, Рождеством твоим. Седален, глас 3: Бж~ественным Духом просвещен, сверепство мучителей, дерзновением пастырским СвященноМучениче велемудренно посрамил еси: и прешед прелести пучину, ко пристанищу Божественному достигл еси отче Преподобне. Христа Бога моли даровати нам велию милость. Слава, и ныне, Богородичен: Кийждо идеже Спасается, тамо праведно и притекает: и кое иное таковое прибежище, яко ты Богородице, покрывающее души наша? (л. 93 об.) КрестоБогородичен: Жезл силы стяжавшии, Крест Сына твоего Богородице, тем низлагаем врагов шатания, любовию тя непрестанно величающе. Песнь 4. Ирмос: Услышах Господи, славное твое смотрение, и прославих человеколюбче непостижимую твою силу. Всесожжение Божественное ты, и чиста жертва принеслся еси Спасу всех, СвященноМучениче премудре. Стадо Христово, Преподобне, наставляя к свету Богоразумия, безбожия тьму отгнал еси. Безбожия глубину рекою твоих потов, отче, яко СвященноМученк изсушил еси. Богородичен: Просвети пречистая, омраченную душу мою светом твоим, яже свет рождшая един впостасный. Песнь 5. Ирмос: Света подателю, и веков творче Господи, во свете твоих повелений настави нас: разве бо тебе иного Бога не знаем. Богатство и славу светлую, и долготу жизни, и живот нетленен, истинная премудрость Христос, тебе дарова Блаженне, яко изрядне того возлюбльшу. Жезлом веры отгоняеши ересей ловитвы, и союзом любве спряг стадо твое, надеждею и верою сохраняеши невредно. Отразив воздержанием пищу, накормил еси душу твою, пищу имея непрестанныя молитвы и поучение, и еже к Богу возносящее смирение. Богородичен: Тя заступницу чистая, и надежду тверду, и державу и покров, и стену стяжахом вси, и в Царство Небесное вводящий мост. Песнь 6. Ирмос: В бездне греховней валяяся, неизследную милосердия твоего призываю бездну: от тли Боже мя возведи. (л. 94) Жертва и жритель быв, пожерл еси себе Богу веры ради: и соблюдаеши безсквернено тому служительства твоего совершение. Умертвился еси, Богоглаголиве, миру всему, единому же Богу жив пребывая, ко Христу преставился еси животом нетленным обогащаемь. Ныне в безконечную славу прешед от земли, окаянную душу мою страстьми, Преподобне, прилежным очищением твоея молитвы уврачуй. Богородичен: Вземлющаго грехи всего мира пречистая, Христа заченши пренепорочная, не престай просящи грехов прощения рабом твоим. Кондак во уставе. Аще ли несть устава, глаголи сей кондак, глас 4: Подобен: Вознесыйся на Крест: Во святителех Благочестно пожив, и мучения путь прошед, идольския угасил еси жертвы, и поборник быв твоему стаду, Богомудре. темже тя почитающе тайно вопием ти: от бед избави ны присно твоими мольбами, отче наш, им\рк. Икос: Верно любовию совокупльшеся в память Священнаго страдальца, и сего песньми восхвалим днесь, яко да Благодати от него насладимся: души бо Спасает от страстей и бед, яко Мученк, и яко верен святитель, и поборник молящих его от души. темже вопием ему: от бед избави ны присно твоими мольбами отче наш, им\рк. Песнь 7. Ирмос: Образу златому на поле деире служиму, трие твои отроцы небрегоша безбожнаго веления, посреде же огня ввержени, орошаеми пояху: Благословен еси Боже отец наших. Премудрости чаша явился еси добродетели исполнена, и созвав проповеданием высокаго жития твоего стадо твое, сие управил еси Богомудре, и с ними отче взываеши: Благословен Бог отец наших. (л. 94 об.) В храмы тамо сущия, в жилище честно достигл еси, со ангелы водворяяся, и с ними отче ликуеши. темже тя чтуще преБлаженне, со дерзновением зовем: Благословен Бог отец наших. Бл~жен еси, и добро ти есть ныне водворившуся, идеже Праведных воинства, идеже Мученическая селения, идеже премудрых апостол лицы вопиют: Благословен Бог отец наших. Богородичен: Ты едина Богу всяческая мудростию создавшему Мати позналася еси неискусобрачная, Дево пречистая. темже ти Благочестно взывающе глаголем: Благословена яже Бога плотию рождши. Песнь 8. Ирмос: В пещь огненную ко отроком еврейским снизшедшаго, и пламень в росу преложшаго Бога, пойте дела яко Господа, и превозносите во вся веки. Сщ~еннодействовав Благочестно Христову службу тайную, словесное овча сам принеслся еси ему жертва приятна и Благоугодна, всесовершаема кровию, преБлаженне. Сщ~енства одежду делы твоими премудре, украсив, явился еси целомудрия ключарь, воздержания пища истинная, молитвы учитель, покаяния наставник, и закон жизни. Предложению время, покаянию плод присно предлагаемь, и смоковница неплодная посечением претит: душе моя, проклятия убойся, восприими же Христа, Благоплодие добродетельное. Богородичен: Не презри, заступнице страшная, гласа раб твоих и от всякия беды и прещения лютаго, Дево святая, всех исхити: преклоняет бо Бога Матерняя молитва твоя. Песнь 9. Ирмос: От Бога Бога слова, неизеченною мудростию, пришедшаго обновити адама, ядию в тление падшаго люте, от святыя Девы неизреченно воплотившагося нас ради, вернии единомудренно песньми величаем. (л. 95) Увядил еси отче, различныя вражия стрелы, огнем воздержания, и чистоты углием, плотскую попалив тину, истинныя тамо сущия светлости преславно сподобился еси. Светоносная твоя, отче, возсиявши память, просвещает души Благоговейно сию совершающих, досточудне, и причастники Божия света явленно сих совершает: юже достойно, Богомудре, песньми величаем. Венец носяща тя, отче, и почесть победы приимша от Божия десницы, и подвиги скончавша, и света исполньшася Божия, верующе вернии ко Христу молебника тепла тя предлагаем. Богородичен: Яко Богородицу тя, Дево и Матерь слова, ходатаицу сущую нам, присносущнаго Божия живота, и правды солнце возсиявшую нам, вернии единомудренно песньми величаем. Светилен. Подобен: Небо звездами: Яко СвященноМученк, вязати и решати имеяй власть, разреши зол моих союз, и к любви Божией причти мя и Царствия причастника, Блаженне, соделай молитвами твоими. Богородичен: Просвети честая, душу мою грехи потемневшую, и вечнующаго мя пламене и мрака избави ходатайством твоим, яко да с веселием хвалю твое величие. На хвалитех стихиры, глас 4. Подобен: Дал еси знамение: Бл~годать духовная, * им\рк, отче тебе возсиявши, * светло просвети тя: * отсюду умали страстную нощь, * и безстрастия день постиже, * чисте честейшему свету совокуплься. * о немже жительствуя, * не забуди Богогласе СвященноМучениче, * верою поющих память твою. [Дважды.] Бл~годать желанную, * СвященноМучениче, им\рк, нося Небесную, * земныя же небрегл еси: * сего ради яко безплотен, * страдальческое избрал еси житие, * яко присносущнаго потока пищи, * Благонасладитися хотя Богоприятне, * и слезами ми (л. 95 об.) изсушил еси, мутный источник страстей, и напоил еси душепищныя класы. Тело преобидел еси * ураняемое биеньми, * и огню приближаемое: * ум бо вперил еси непобедимым желанием, * прекрасною добротою, * Божественнаго рачителя, * егоже сладким уязвився желанием, * Мученков удобрение, святителей украшение, * страдальче, им\рк, ангелов собеседниче. Слава, глас 4: Нов сад якоже маслина, на Божией трапезе положился еси, яко сын ходящих по пути Господню: мучения ради Благослови тя Господь, и узриши Благая вышняго сиона, наслаждаяся Божественнаго радования со всеми святыми, СвященноМучениче, им\рк, достойнопетый: имже общники нас быти мольбами твоими сотвори. И ныне, Богородичен: Бц\де, всех Царице, православных похвало, еретичествующих шатания разори, и лица их посрами, не кланяющихся ниже чтущих пречистая, честный твой образ. КрестоБогородичен: Распинаема видящи, * и в ребра прободаема копием, пречистая, Христа человеколюбца, * плачущи вопияше: * что сие Сыне мой? * что тебе неблагодарнии людие воздаша, * вместо яже сотворил еси добрая им, * и тщишися безчадствовати мя вселюбезнейше? * дивлюся Благоутробне, * твоему вольному распятию. Аще имать, Славу на стиховне, глаголи вечерний. И ныне, Богородичен, или КрестоБогородичен.