<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 41) [гл\ва 7] СЛУЖБА ОБЩА Пророку единому. Вечер, на Господи воззвах, стихиры, глас 4. Подобен: Званный свыше: Иже зарю Богоначальнейшаго сияния * приим, ума чистотою, * Божественных словес, провозвестник и прознаменатель, * и Пророк Божественный быв, * уста Богодвижимая * явился еси Духа, * яже от него тебе показуемая, проповедуя * и сказуя всем языком * даемое Спасение, * и Царствие Христово, * всечестне им\рк, * егоже моли, Спасти и просветити души наша. Иже Боговидением сияя достойно, * и Пророческим проповеданием, * и Благодатию почествован, Богодохновенне им\рк, * и Божественнаго сподоблен Блаженства, * к преБлагому ныне дерзновением твоим, * и милованием одержимь, * моляся не престай, * о иже верою тя * восхваляющих и чтущих * яко Богоглаголива, и честна и Богоприятна, * от бед избавити, и Спасти души наша. Твоего Пророка им\рк, * яко одушевленна облака, * показал еси, безсмертне, * воду точаща в жизнь воистинну вечную, * послав сего богатно, * и даровав Духа всесвятаго, единосущнаго тебе отцу вседержителю, * и Сыну твоему, * из твоего существа возсиявшему: * имже прорече Спасительное пришествие, * Христа Бога нашего, * и языком всем Спасение провозвести. Слава, и ныне, Богородичен: Яко во глубину многих согрешений впадох, от лености моея, и уныния окаянный и неведения, и отчаянием (л. 41 об.) ныне одержимь есмь, буди ми помощь и очищение, и Спасение, пречестая, и утешение Благопременно подающи ми. тя молю, и тебе мил ся дею, и припадаю, и верою зову ти, да не явлюся до конца льстивому обрадование. КрестоБогородичен: Не рыдай мене, Мати, * зрящи на Кресте повешена * твоего Сына и Бога, * на водах повесившаго землю неодержимо, * и всю тварь создавшаго: * востану бо и прославлюся, * и адова царства сокрушу крепостию, * и погублю того силу * и связанныя избавлю * от злодейства его, * яко Благоутробен, * и отцу моему приведу, * яко человеколюбец. Аще имать самогласен, Слава, глас 6: Пр\ороче, проповедниче Христов, Престола величествия никогдаже отступаеши, и коемуждо болящу присно предстоиши в вышних служя, вселенную Благословляеши, всюду прославляемь, проси очищения душам нашим. И ныне, Богородичен: Архангельски воспоим, вернии, Небесный чертог, и дверь запечатану воистинну. радуйся, еяже ради отрасте нам Спас всех Христос, жизнодавец и Бог: низложи, Владычице, мучители, безбожныя враги наша, рукою твоею, пречестая, упование Христиан. КрестоБогородичен: Видящи тя распинаема, Христе, тебе рождшая, вопияше: что странное еже вижу таинство, Сыне мой, како на древе умираеши плотию повешен, жизни подателю? Аще празднуеши с полиелеем, глаголи Богородичен воскресный, глас 6: Кто тебе не уБлажит: [писан в конце книги сея.] Вход. Прокимен дне. И паремии, [писаны в конце книги сея.] На стиховне стихиры, глас 2. Подобен: Егда от древа: Обрете духовная заря, твоего ума, Пророче им\рк, чистоту (л. 42) сияющую, якоже зерцало, явственно, и мир озари Богоразумия сиянием, блистающую и прообразующую Божественных таин образы: Благодать же всем человеком хотящую податися, пречудне. Стих: Ты иерей во век, по чину мелхиседекову. Уста быв Божия, нечестия делатели яве обличил еси, судом неизбежным тыя осудив, пребогате им\рк, Праведным учением последуя, и Божественным судьбам. темже премудрым твоим глаголом видяще возведение, Блаженне, песньми достойно восхваляем тя. Стих: Моисей и аарон во иереех его. Престолы Владычню предстоя, и неизреченныя и Божественныя славы насыщаемь, доброты же зря премирныя, и света наполняемь, Пророче им\рк Богоглаголиве, вся чтущия тя верою поминай, сим душевное Спасение, разрешение же согрешений всем прося, Богоприятне. Слава, глас 1: Имиже воображается Бог, первыми свойствы, и существенными указании, сих славнии и честнии Пророцы причащением и Благодатию, второе по дару причащаются, просвещающу Господу угодники своя своею светлостию. И ныне, Богородичен воскресный: Се исполнися исаиино: [писан в конце книги сея.] Аще ли не праздник, глаголи сей Богородичен: Нб\сных чинов радование, на земли человеков крепкое предстательство, пречестая Дево, Спаси ны к тебе прибегающия: яко на тя упование по Бозе, Богородице, возложихом. КрестоБогородичен: Оружие пройде, _о Сыне, Дева глаголаше, на древе яко виде тебе обешена, мое сердце растерзается, Владыко, якоже древле прорече симеон: но воскресни и прослави, безсмертне, Матерь и рабу твою, молюся. (л. 42 об.) Тропарь во уставе. Аще ли несть устава, глаголи сей тропарь, глас 2: Пр\орока твоего им\рк память, Господи, празднующе, тем тя молим, Спаси души наша. Слава, и ныне, Богородичен, по гласу тропаря. На утрени, на Бог Господи, тропарь тойже. По 1-м стихословии седален, глас 3. Подобен: Красоте девства: Слова воплощение предуяснил еси Божественным Духом озаряемь, великий в Божественных Пророцех им\рк Богодухновенне. темже яко Пророка тя Священно уБлажаем, и торжествуем память твою днесь, согласно вопиюще ти, мудре: молися Христу Спасти души наша. [Дважды.] Слава, и ныне, Богородичен: Недомысленно и непостижно есть, Владычице Богорадованная, еже соделанное в тебе страшное Божие таинство: ибо необыменнаго заченши родила еси, плотию обложена от пречестых кровей твоих: егоже всегда, честая, яко Сына твоего моли, Спастися душам нашим. По 2-й кафисме седален, глас 3. Подобен: Бж~ественныя веры: Бж~ественный орган утешителев подглашаемь сего, Блаженне, Благодатию всегда ясно, Пророк был еси. возглашаеши бо безвестных явление, и озаряеши верою притекающия, им\рк славя: Христа Бога моли даровати нам велию милость, [Дважды.] Слава, и ныне, Богородичен: Пр\ороцы проповедаша, апостоли научиша, Мученцы исповедаша, и мы веровахом Богородицу тя воистинну сущую: тем и величаем Рождество твое неизреченное. (л. 43) По Хвалите имя Господне: Припев: Величаем тя, Пророче Божий им\рк, и чтем святую память твою: ты бо молиши за нас Христа Бога нашего. Псалом избранный: Бл~жен муж бояйся Господа: По полиелеи седален, глас 6. Подобен: Мл\срдия двери: Очистив от скверн ум, всемудре, зерцало Божественное соделал еси лучь приятно Божественнаго Духа: и ныне ко источнику радуяся отшел еси сияний, Пророче им\рк. [Дважды.] Слава, и ныне, Богородичен: Прежде век от отца без Матере рожденна, Сына и слова Божия, в последняя лета родила еси, воплотившагося от честых кровей твоих, Богородительнице, без мужа: егоже моли дароватися нам грехов оставлению прежде конца. Степенна, 1-й антифон 4-го гласа. Прокимен: Ты иерей во век по чину мелхиседекову. Стих: Рече Господь Господеви моему, седи одесную мене. Всякое дыхание: Таже евангелие [писано в конце книги сея.] По 50 _псалме. Слава: Мл~твами Пророка твоего им\рк, милостиве, очисти множества согрешений наших. И ныне: Мл~твами Богородицы: Таже, Помилуй мя, Боже: Стихира, глас 6: Пр\ороче проповедниче Христов: [писана на Господи воззвах, Слава.] Канон. Глас 6. Песнь 1. Ирмос: Яко по суху пешешествовав Израиль, по бездне стопами, гонителя фараона, видя потопляема, Богу победную песнь поим, вопияше. (л. 43 об.) Тя молим, Пророче, Божию Престолу предстояща, молити прилежно, просвещение даровати нам, верою честную поющим память твою. Орган Божественный явился еси, вмещающ Божественнаго Духа просвещений и даров, им\рк всемудре: тем радующеся вернии тя уБлажаем. Сп~сителя Богу Пророчески предстоя, ныне со дерзновением молися, свещательными лучами просвещати верою, Богодохновенне, тя Блажащия. Богородичен: Светлейшими зарями всю землю, возсиявшее солнце из святаго чрева твоего, озаряет, Владычице: имиже просвещшеся, тя Божию Матерь почитаем. Песнь 3. Ирмос: Несть свят, якоже ты, Господи Боже мой, вознесый рог верных твоих, Блаже, и утвердивый нас на камени исповедания твоего. Вся видяй яко Бог, будущих знание, и хотящих быти ведение, тебе явленно проявляет Боголепно и показует, Блаженне досточудне. Вжилив, Блаженне, твой ум Благочестным дерзновением, Духу Божественному подклонил еси тебе, и был еси приятен тамо сущих Божественных дохновений. Вод таинственных река, из пучины происходя, даров Духа, Боговещателю, был еси. Богородичен: Се тя вси роди Блажат верою, безлетное слово плотию в лето рождшую преестественно, и Деву паки пребывшу. Седален, глас 6. Подобен: Мл\срдия двери: Очистив от скверн ум, всемудре, зерцало Божественное соделал еси, лучь приятно Божественнаго Духа: и ныне ко источнику радуяся отшел еси сияний, Пророче им\рк. Слава, и ныне, Богородичен: Преславную Божию Матерь, и святых ангел святейшую, немолчно (л. 44) воспоем сердцем и усты, Богородицу сию исповедающе, яко воистинну рождшую Бога воплощенна, и молящуюся непрестанно о душах наших. КрестоБогородичен: Нас ради распятаго, приидите вси воспоим, того бо виде Мариа на древе, и глаголаше: аще и распятие терпиши, ты еси Сын и Бог мой. Песнь 4. Ирмос: Хр\стос моя сила, Бог и Господь, честная Церковь Боголепно поет взывающи, от смысла чиста, о Господе празднующи. Всех Господь нам явися, по Пророчеству, Блаженне, твоему, вся призывая к познанию своему, и работы свободи. Бл~годатию озаряемь, провозгласил еси глаголя: под иго едино подклоняющимся работати, последующим вере и Господу служащим. Пр\орок сый, присно зарями светодательнаго блистания просвещаемь, просвети ны, Блаженне, любовию поющия тя. Богородичен: Мр~ие всечестая, страстей смущение моего помысла, и напастей бурю разори, безстрастия источник рождши, Мати Дево. Песнь 5. Ирмос: Бж~иим светом твоим, Блаже, утренюющих ти души любовию озари молюся, тя ведети, слове Божий, истиннаго Бога, от мрака греховнаго взывающа. От неправды к добродетели, и от страстей пленения мя, Блаженне, обрати, твоими мольбами, Пророче славне, и к свету Благочестия дел управи. Просветив твою душу добродетелей Благообразиями, угодну показал еси к сиянием Божественнаго Духа: от него же и Пророчества Благодатию обогатился еси. Пр\орок Божественный быв, чисто житие имея, и приятелище был еси святаго Духа: тем зрети сподобился еси невидимо разумеваемаго. (л. 44 об.) Богородичен: Возглашают Пророческая речения, пречестая, многими образы Рождество твое: ихже мы ныне сбытие зряще истинно Богородицу тя возвещаем. Песнь 6. Ирмос: Житейское море воздвизаемое зря напастей бурею, к тихому пристанищу твоему притек вопию ти: возведи от тли живот мой, многомилостиве. Приемь, славне, Духа зари, явлением яко зерцало Пророчествия Божественнаго сияния, миру облистал еси, яко сущая Пророчествуя будущая. Твой прииде Царь, радуйся, сионе, и красуйся видя, и мир просвети блистаньми своего Божества, и демонскую лесть посрами. Силою Духа Божественнаго зрел еси, Пророче, будущая, образы приемля Божественных явлений, яко в зерцале души светлостию. Богородичен: Плоти бренней соединися, иже из отца единородный, в ложеснах твоих един из двух пройде без тления, соблюд неврежденно честое девство твое, всепетая. Кондак во уставе. Аще ли несть устава глаголи сей кондак, глас 4. Подобен: Явился еси днесь: Просветившееся Духом честое твое сердце, Пророчества бысть светлейшаго приятелище: зриши бо яко настоящая далече сущая: сего ради тя почитаем, Пророче Блаженне, им\рк славне. Икос: Пр\орочествия Благодатию обогащься, будущих разуму Боголепно научился еси Духом, им\рк Богодохновенне, и предглаголеши всем Христово пришествие, и языков пребогате Божественное призвание. темже честную твою память празднуем, и любовию поем тя, и верно уБлажаем взывающе ти, славне: моли Христа Бога непрестанно о всех нас. (л. 35) Песнь 7. Ирмос: Росодательну убо пещь содела ангел Преподобным отроком, халдеи же опаляющее веление Божие, мучителя увеща вопити: Благословен еси, Боже отец наших. Возсия память твоя, Пророче, миру якоже солнце, озаряющи Пророчества Благодатию твоею, согласно поющия верно: Благословен еси, Боже отец наших. Тучнейший облак ты явився, тучу Богоразумия нам возсиял еси, от Спасительных, Блаженне, источников, имиже просвещаемся вопити: Благословен еси, Боже отец наших. От Господа просвещени Пророцы, прорицают будущих разум, Богомудренно взывают слово, еже искони быти, емуже поем: Благословен Бог отец наших. Богородичен: Слово, древле еже быти подающее всем, Божественным хотением, воззвати восхотев человека честая, в твою вселися утробу, Благословенная, яже Бога плотию рождшая. Песнь 8. Ирмос: Из пламене Преподобным росу источил еси, и Праведнаго жертву водою попалил еси: вся бо твориши, Христе, токмо еже хотети, тя превозносим во вся веки. Возложен весь вседержителю, промышления образом тайно научился еси, строительно языки наказуя: тем тя поем, Пророче Богоглаголиве. Молебное пение Богу принеси о поющих тя, БогоБлаженне, и напастей разори смущение, да тя поем, Пророче Богоглаголиве. Яко огнь во тме седящим всем явился еси, Божественным светом Богомудренно озаряя поющия верно Господа во веки. Богородичен: Жизнодавца рождши Бога и Господа, смертное губительство неудержное, уставила еси, пречестая, сие умертвивши: тем тя поем во вся веки. (л. 45 об.) Песнь 9. Ирмос: Бг~а человеком невозможно видети, на негоже не смеют чини ангельстии взирати: тобою же, всечестая, явися человеком слово воплощенно, егоже величающе, с Небесными вои тя уБлажаем. На земли кротких ты вселился еси, идеже по кончине ангельския зриши светлости, им\рк всемудре, Пророче Божий, кроток быв сияя Благодатию. темже радующеся вернии тя уБлажаем. Твоих проречений, преславне, светло видяще бывшее сбытие, данней тебе Благодати чудимся, ума твоего чистоте, и души Боговидному удивляемся. Идеже ангельстии чини, и Пророк лицы и патриарх, и святых светлости, Пророче им\рк, вселився: и ныне с ними ликуя радостно, о нас молися ко Господу, Спастися верою хвалящим тя. Бг~ородичен:? якоже ты, никогдаже ина даровася от родов древних, БогоМати всенепорочная: ты бо едина всех несравненную имела еси святыню и чистоту: темже прияла еси Бога, в тебе воплощаема. Светилен Пророку: Радуются вси Пророцы, в радостный твой день веселящеся, Богомудре, радости твоея причащающеся, и Божественныя славы, с нимиже молися, и поющия тя Спасай. Богородичен: Кроплением, честая, щедрот твоих, души моея отмый скверну, и капли слез источати ми непрестанно сотвори, отроковице, страстей моих потоки изсушающи. На хвалитех стихиры, глас 8: Подобен: _О преславнаго чудесе! Бж~ественный дух излияся, * яко честный, им\рк, * Пророчествуя сказа * от него движимь, * на ны верующия, и таин Божественных * явление открывает, и Пророчествуют * иже действо его приемшии, * и Божественною зарею просвещаемии, * и Божественною Благодатию. [Дважды.] (л. 46) Бл~говещания исполнен, * дивный им\рк, * яко источник исходит * души напаяющий, * от дому твоего, Владыко, * и сладость нам искапа, * помышления ослаждающую, * весь высок быв Духом, * добродетелию возносимь к Божественней высоте. Пр\ороческим твоим дерзновением, * и разумным к Богу, им\рк, * приближением, * имже Небесная зриши видения, * о нас того умилостиви, * совершающих верою память твою, * разрешения прося прегрешений, славне, * и причастия Божественных наслаждений, * и велия милости. Слава, глас 4: В Господе радуяся Бозе Спасе твоем, Богоглаголиве славне, веселяся, и тамо сущаго сияния зарю приемь, и светом Богодельным мысленно просвещаемь, память твою всепразднственную верою совершающия, напастей же и бед твоими молитвами избави. И ныне, Богородичен: Избави нас от нужд наших Мати Христа Бога, рождшая всех творца, да вси зовем ти: радуйся, едино предстательство душ наших. КрестоБогородичен. Подобен: Яко добля: Умерщвляема видящи Христа, всечестая Владычице, * и умерщвляюща льстиваго, * яко Владыку плачущи * пояше, из утробы ея прошедша, * и долготерпению его чудящися взываше: * чадо любезнейшее, * не забуди рабы твоея, * не укосни, человеколюбче, * мое утешение.