<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 18) [гл\ва 3] СЛУЖБА ОБЩА честному и животворящему Кресту. На Господи воззвах, стихиры, глас 4. Подобен: Званный свыше: Днесь радуется верных множество безчисленное: * является бо Небесный Крест концем, * осиявает твердь светом неприступным, * воздух озаряет, * и земли лице украшает, * поет Божественными песньми Церковь Христова и служит, * почитающи Крест Божественный и пречудный. * егоже силою укрепляеми, * Владыце приступим зовуще: * умири мир, * и просвети души наша. Да радуется тварь и играет: * днесь бо облиста Крест в концех с Небесе, * земная просвещая, и совокуплены показа расточенныя. * днесь ликует с лики ангельскими человецы: * ибо бранящее средоградие, * Крестом разорено, * во едино вся яве совокупи. * тем предсияя паче солнца, * всю тварь просвещает Благодатию, * и уясняет, и Спасает верно * того чтущия. Паче солнечныя зари, * хотяй мирови якоже честен, * Царя Христа скипетр, * кончину показати, * Крест Божественный: * сей предсияет ясно в концех. * сей возведе из ада род человечь: * ада вельми пленив, * врага низложив, * демонов гордыню до конца погуби, * ныне же проявляет воскресение Спасово, * и Спасает зовущия: * умири мир, и просвети души наша. Слава, и ныне, глас 8: Егоже древле моисей прообразовав собою, амалика низложив победи: и Давид песнопевец подножию твоему, (л. 18 об.) вопия, кланятися повелеваше. честному Кресту твоему, Христе Боже, днесь грешнии кланяемся, устнами недостойными, тя изволившаго пригвоздитися на нем, воспевающе молимся: Господи, с разбойником Царствия твоего сподоби нас. Вход. Прокимен дне. Чтения 3. Исхода чтение. [Главы 15 и 16.] Поят моисей сыны Израилевы от моря чермнаго, и веде тыя в пустыню сур: и идяху три дни в пустыни, и не обретаху воды, да быша пили. Приидоша же в мерру, и не можаху пити воды из мерры, горька бо бе: сего ради наречеся имя месту тому горесть. И роптаху людие на моисеа, глаголюще: что пием? Возопи же моисей ко Господу, и показа ему Господь древо: и вложи тое в воду, и сладка бысть вода. Тамо положи ему Бог оправдания и суды, и тамо искушаше его, и рече: Аще слухом услышиши глас Господа Бога твоего, и угодная пред ним сотвориши: и внушиши заповеди его, и сохраниши вся оправдания его: всяку болезнь, юже наведох египтяном, не наведу на тя: аз бо есмь Господь исцеляяй тя. И приидоша во елим, и бяху тамо дванадесять источников вод, и седмьдесят стеблий финиковых: и ополчишася тамо при водах. И воздвигошася от елима, и прииде весь сонм сынов Израилевых в пустыню син, яже есть между елимом и между синою. Притчей чтение. [Глава 3.] Сыне, не пренебрегай наказания Господня, ниже ослабевай от него обличаемый: егоже бо любит Господь, наказует: биет же всякаго сына, егоже приемлет. Блажен человек, иже обрете премудрость: и смертен, иже уведе разум. Лучше бо сию куповати, нежели злата и сребра сокровища. Честнейшая же есть камений многоценных, не сопротивляется ей ничтоже лукавое, Благоразумна есть всем любящим ю: всякое же честное недостойно ея есть. (л. 19) Долгота бо жития, и лета жизни в деснице ея: В шуйце же ея богатство и слава: из уст ея исходит правда, закон же и милость на языце носит. Путие ея, путие добры, и вся стези ея с миром. Древо живота есть всем держащимся ея, и восклоняющимся на ню, яко на Господа, тверда. Пророчества исаиина чтение. [Глава 60.] Сия глаголет Господь: отверзутся врата твоя, Иерусалиме, выну день и нощь, и не затворятся, еже ввести к тебе силу языков, и цари их ведомыя. Языцы бо и царие, иже тебе не поработают, погибнут: и языцы запустением запустеют. И слава ливанова к тебе приидет, в кипарисе, и певке, и кедре вкупе, прославити место святое мое, и место ног моих прославлю. И пойдут к тебе боящеся сынове смиривших тя, и прогневавших тя, и поклонятся следом ног твоих вси прогневавшии тя, и наречешися град Господень, сион святаго Израилева. За еже быти тебе оставлену и возненавидену, и не бе помогаяй тебе, и положу тя в радость вечную, веселие родом родов. И изссеши млеко языков, и богатство царей снеси, и разумееши, яко аз Господь Спасаяй тя, и избавляяй тя Бог Израилев. На стиховне стихиры, глас 2. Подобен: Доме евфрафов: Водою Боготворною, * и кровию твоею, слове, * светло Церковь украшается, * яко невеста, * Креста славу поющи. Стих. Возносите Господа Бога нашего, и покланяйтеся подножию ногу его, яко свято есть. Копие со Крестом, * гвоздие и иная, * имиже живоносное * Христово пригвоздися тело, * возносяще поклонимся. Стих. Бог же Царь наш прежде века, содела Спасение посреде земли. Егда амалика * моисей побеждаше: * на высоту руце имея * Крестоявленно, * образоваше Христову страсть пречестую. (л. 19 об.) Слава, и ныне, глас 1: Прообразуя Крест твой, Христе, патриарх иаков, внуком Благословение даруя, на главах пременены руки сотвори. егоже, Спасе, мы днесь возносяще, взываем: даруй православным Христианом победы, яко константину одоление. Ныне отпущаеши: Трисвятое, И по Оч~е наш. Тропарь: Сп~си, Господи, люди твоя: И отпуст. На утрени, на Бог Господь, тропарь тойже, трижды. По 1-й кафисме седален, глас 6: Токмо водрузися древо, Христе, Креста твоего, основания поколебашася смерти, Господи: егоже бо пожре желанием ад, отпусти трепетом. явил еси нам Спасение твое, святый, и славословим тя, Сыне Божий: помилуй нас. Слава, и ныне, тойже. По 2-й кафисме седален, глас 6: Днесь Пророческое исполнися слово: се бо покланяемся на место, идеже стоясте нозе твои Господи: и древо Спасения приемше, греховных страстей свободу получихом, молитвами Богородицы, едине человеколюбче. Слава, и ныне, тойже. По Хвалите имя Господне: Припев: Величаем тя, живодавче Христе, и чтем Крест твой святый, имже нас спасл еси от работы вражия. Псалом избранный. Суди, Господи, обидящия мя, побори борющия мя. По полиелеи Седален, глас 8. Подобен: Повеленное тайно: В раи мя прежде древо обнажи, о вкушении враг принося умерщвление: Креста же древо живота одеяние человеком (л. 20) нося, водрузися на земли, и мир весь исполнися всякия радости, тоже зряще возвышаема, Богу верою людие согласно возопиим: исполнь славы дом твой. Слава, и ныне, тойже. Степенна, 1-й антифон 4-го гласа. Прокимен, глас 4: Видеша вси концы земли Спасение Бога нашего. Стих: Воспойте Господеви песнь нову. Всякое дыхание: Ев\глие писано в конце книги сея. По 50-м _псалме стихира, глас 6: Кр\сте Христов, Христиан упование, заблуждших наставниче, обуреваемых пристанище, в бранех победа, вселенныя утверждение, недужных врачу, мертвых воскресение, помилуй нас. Канон честному и животворящему Кресту. [Творение григориа синаита.] Ирмосы по дважды: тропари на 12. Глас 4. Песнь 1. Ирмос: Отверзу уста моя: Кр\сте всесильне, апостолов похвала, Преподобных утверждение, и верных знамение, и иерархов и Мученков слава, победа и утверждение всех хвалящих тя. Кр\сте всечестный, четвероконечная сила, апостолов Благолепие, и Мученков крепость, немощных здравие показался еси, мертвых воскресение, падающих воздвижение. Кр\сте, ты ми сила буди, крепость и держава, избавитель и предратник на борющия мя, щит и хранитель, победа и утверждение мое, присно соблюдая мя и покрывая. Богородичен: На Кресте, всенепорочная, твоего Сына яко узрела еси, оружие скорбное утробу твою растерза: и восклицала еси рыдающи в болезни: но абие прославила еси Креста силу. Катавасиа: Кр\ст начертав моисей. Песнь 3. Ирмос: Твоя песнословцы, Богородице. (л. 20 об.) Кр\сте, Преподобных оружие, обоюдный мечь Христов, верных удобрение, болящих исцеление и заступление, и воздвижение умерших, всечестне. Кр\сте, основание Благочестия, бесом показался еси губитель, Церквам Благолепие, нечестивым погибель, врагом посрамление в день судный. Кр\сте живоносный, ты ми буди крепость, и победа, и щит, и стена нератуема, бесов отгнание, и помыслов погашение, и ума моего сохранение. Богородичен: Распятие поносное, Дево Владычице, твой Сын претерпе, и смерть неподобную: но вознесся, низверже противныя вражия силы, яко безсмертен. Катавасиа: Жезл во образ: Седален, глас 8. Подобен: Повеленное тайно: Проображаше тайно древле иисус навин Креста образ, егда руце простре Крестовидно, Спасе мой, и ста солнце, дондеже враги низложи противостоящия ти Богу: ныне же зайде, на Кресте тя зря, дондеже державу смертную разрушив, весь мир совоздвигл еси. Слава, и ныне, тойже. Песнь 4. Ирмос: Седяй в славе, на Престоле Божества: Четвероконечный сый мир, и яко триобоюдный мечь, начала тмы сечеши, нами воображаемь, Кресте, оружие великое Христово, и непобедимое победительство всесильное. Твоя высота, живоносне Кресте, воздушнаго князя биет: и глубина всея бездны закалает змия, широту паки воображает, низлагая мирскаго князя крепостию твоею. Вознесся сопривлекл еси падшия, воздвигл еси естество земное, Престолу Божию прославился еси. Кресте, высото великая, мирский мосте, душу мою от страстей глубины вознеси вскоре. (л. 21) Богородичен: Крестообразно, пречестая, отроковице Богородице, длани твоя распростерши к воздвиженому на Кресте, и молитвы, Дево, ныне принеси, за всех верно молящихся тебе. Катавасиа: Услышах, Господи, смотрения твоего таинство: Песнь 5. Ирмос: Ужасошася всяческая о Божественней славе: Кр\сте, Небесная лествице святыни, степенем наставниче, Христова высота и слава еси, Божий образ назнаменателен миру, невидимому же и видимому, единочестне. Кр\сте, образе неисписанный силою, оСвящение водам, очищение воздуху оСвящение и просвещение всяком, мужества знамение, и Христов скипетр непреложный показался еси, противныя в землю попирая. Кр\сте всесильне, злочестивыя низложи враги, ненавидящия и хулящия тя безумно: языки попали, и угаси шатания их. _о Кресте всесвятый и Христоносный, сохрани нас державою твоею. Богородичен: Всех Царице Владычице, скипетром Рождества твоего разруши, Дево, востание хулящих Крестную силу, даждь нам крепость и очищение, победу и помощь. Катавасиа: _О треБлаженное древо: Песнь 6. Ирмос: Бж~ественное сие и всечестное: Кр\ст всех воскресение, Крест падших исправление, страстей умерщвление, и плоти пригвождение, Крест душам слава, и свет вечный. Кр\ст врагов губитель, Крест злочестивых язва и пленение, и верных держава, Благочестивых хранитель и бесов отгонитель. Кр\ст страстей пагуба, Крест помыслов отгнание, Крест сокрушение языческое искусительно, и духовом показася ловительство. Кр\ст воздвижется, и падают духов воздушных чинове: (л. 21 об.) Крест снизходит, и нечестивии вси ужасаются, яко молния видяще Крестную силу. Катавасиа: Воднаго зверя: Кондак, глас 4. Подобен: Вознесыйся на Крест волею, тезоименитому твоему новому жительству, щедроты твоя даруй, Христе Боже. возвесели нас силою твоею, победы дая нам на сопостаты, пособие имущим твое оружие мира <-> непобедимую победу. Икос: Иже до третияго Небесе восхищен бысть в рай, и глаголы слышав неизреченныя и Божественныя, ихже не леть языки [человеческими] глаголати, что галатом пишет, яко рачителие писаний прочтосте и познасте: мне, глаголет, хвалитися да не будет, токмо во едином Кресте Господни, на немже страдав уби страсти. того убо и мы известно держим, Крест Господень, хвалу вси: есть ко нам Спасительное сие древо, оружие мира, непобедимая победа. Песнь 7. Ирмос: Не послужиша твари Богомудрии: Нераздельную Троицу и неслиянну, естество единством Богословим, отца нерожденна, и рожденна Сына, и святаго исходительнаго Божественнаго Духа песньми поюще: Благословен Бог отец наших. Незаходительными молниями твоими, триипостасне, наша озари умныя очи, доброту твою, трисветне, пресущественную зрети, яже человеком неведомая и неприступная ангелом. Лучами света твоего падшую мою душу возведи от глубины, Благий Боже, препетый и всесильный, поползшася от света благодатнаго, и во тму воглубльшуюся. Богородичен: Кр\стообразно простерши руце, честая, к распростершему свои руце на древе Крестнем, и вознесшему естество наше, и умертвившему враждебныя полки, молящи не престай. (л. 22) Катавасиа: Безумное веление мучителя: Песнь 8. Ирмос: Отроки Благочестивыя в пещи: Высота Христовых страстей, и лук и оружие и мечь, оружие непостыдное, и сила непобедимая, Христово подножие, и победительство на враги: знамения Царствия, скипетр верных, показался еси, Кресте победоносне. Воздвигл еси наше падшее естество, Христом распеншимся и совозставил: высото Божественная, глубино низглаголанная, Христово ты еси знамение, Кресте пребогате, и широта безмерная, и знамение непостижимыя Троицы, жизноносче. Устнами, душею же и сердцем Крест Господень лобызающе, приидите ныне вознесем вси и возвеличим, покланяющеся рцем вкупе песнь пречестую, вопиюще: радуйся, великое богатство, Кресте, Церковное украшение. Древо жизни и Спасения, древо безсмертия, древо разума, древо трилюбезное: нетленное и неизнуряемое, Крест трисоставный, честное древо: Троицы бо носит триипостасныя образ. Катавасиа: Бл~гословите, отроцы: Песнь 9. Ирмос: Всяк земнородный да взыграется Духом: Кто слышана сотворит, якоже пишет, действия твоя, миролюбезный Кресте, силы и чудеса, умерших востание, и мир весь совознесл еси, вознесыйся к Богу многожелаемый. Утверждение верных Крест треБлаженный, знамение и похвала, древо всесильное, Крест Христов великий и совершенный, апостолов похвала, Преподобных утверждение, и Мученков крепость, победа и похвала. Радуйся, Кресте, образе неописанный и многоименитый, древо требогатное, страшное же и всеБлаженное: радуйся, Кресте всесвятый и всесильный, радуйся, хранителя жизни нашея, Господень Кресте многопетый. (л. 22 об.) Кр\сте честный, хранитель души и телу буди ми, образом своим бесы низлагая, враги отгоняя, страсти упражняя, и Благословение даруя ми, и жизнь и силу, содействием святаго Духа, и честными пречестыя мольбами. Катавасиа: Таин еси, Богородице, рай: Светилен. Кр\ст, хранитель всея вселенныя: Крест, красота Церкве: Крест, верных утверждение: Крест, ангелов слава, и демонов язва. [Трижды.] На хвалитех стихиры, глас 1: Подобен: Нб\сных чинов радование: Нб\сная шествия, * Крест честный готовит всем, * тому покланяющимся верою несумненною: * и ликом невещественных сил, * иже на нем пригвоздивыйся, * сочетает любовию поющия того. Кланяющеся верою Кресту честному, * на нем распеншагося воспоем Владыку: * того мановением, устне вкупе и душу очищающе, * и сиянии сего мысленными уяснимся, * хваляще его. Горесть древле услаждая моисей, * избави Израиля, * образ Креста написуя: * мы же сего, вси вернии, * тайно и Божественно воображающе в сердцах наших, * всегда Спасаемся державою его. Слава, и ныне, глас 4. Пособивый, Господи, кроткому Давиду покорити иноплеменника, оружием Креста низложи враги наша, покажи, Благоутробне, на нас древния милости твоя: и да разумеют воистинну, яко ты еси Бог, и на тя надеющиися побеждаем, молящиися обычно пречестей твоей Матери, дароватися нам велией милости. Славословие великое. И отпуст. На литургии Блаженна от канона, песнь 3-я и 6-я.