<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 12) [гл\ва 2] СЛУЖБА ОБЩА праздником Богородичным. Вечер, на Господи воззвах стихиры, глас 4. Подобен: Дал еси знамение: Бж\ственными детельми соблюдающи и покрывающи * от вражиих нахождений, любовию празднующия преславное твое им\рк, * зовущия ти: * ты еси крепость наша и утверждение, * и радование Боголепное един Сын твой и Бог наш, * емуже покланяющеся глаголем: * Иисусе всесильне, * Спаси души наша, яко милосерд. Днесь Священно собравшеся похвалим Богородицу: * пресвятая Дево, * многая твоя величия и чудес пучина: * ты бо еси нам святое ограждение * и похвала и слава * и источник исцеления * празднующих святое твое им\рк, * молимся глаголюще: * Иисусе всесильне, * Спаси души наша, яко милосерд. Бл~гочестивно, пречестая, * честными твоими молитвами * огради и сохрани * и страшны врагом и неработны яви, * творящия празднество твое им\рк, * да Сыну твоему зовем: * Иисусе всесильне, * Спаси нас, яко милосерд. Слава, и ныне, глас 6: Яко венцем пресветлым, пречестая Богородице, им\рк, Церковь Божия обложися, и светится радующися, днесь тайно ликует вопиющи тебе, Владычице: радуйся, диадимо честная и венче Божественныя славы. радуйся, Едина славы исполнение, и вечное веселие. радуйся, к тебе прибегающим пристанище, предстательнице и Спасение душ наших. Вход. Прокимен дне. (л. 12 об.) Бытия чтение. [Глава 28]. Изыде иаков от студенца клятвеннаго, и иде в харрань, И обрете место, и спа тамо. зайде бо солнце, и взят от камения места того, и положи возглавие себе, и спа на месте оном: и сон виде. И се лествица утверждена на земли, еяже глава досязаше до Небес, и ангели Божии восхождаху и низхождаху по ней. Господь же утверждашеся на ней, и рече: аз Бог авраамов отца твоего, и Бог исааков, не бойся: земля, идеже ты спиши на ней, тебе дам ю, и семени твоему. И будет семя твое яко песок земный, и распространится на море, и ливу, и север и на востоки, и возБлагословятся о тебе вся колена земная, и о семени твоем. И се аз с тобою сохраняяй тя на всяком пути, аможе аще пойдеши. и возвращу тя в землю сию, яко не имам тебе оставити, дондеже сотворити ми вся, елика глаголах тебе. И воста иаков от сна своего, и рече: яко есть Господь на месте сем, аз же не ведех. И убояся, и рече: яко страшно место сие, несть сие, но дом Божий, и сия врата Небесная. Пророчества иезекиилева чтение. [Главы 43 и 44]. Тако глаголет Господь: будет от дне осмаго и прочее, сотворят иереи на олтари всесожжения вашего, и яже Спасения вашего, и прииму вы, глаголет адонаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут, и не отверзутся, и никтоже пройдет сквозе их, яко Господь Бог Израилев пройдет ими, и будут затворена. Яко игумен сядет в них снести хлеб, по пути еламских врат внидет, и по пути его изыдет. И введе мя по пути врат святых сущих к северу, прямо храму, и видех, и се исполнь славы храм Господень. (л. 13) Притчей чтение. [Глава 9]. Премудрость созда себе дом, и утверди столпов седмь. Закла своя жертвенная, и раствори в чаши своей вино, и уготова свою трапезу. Посла своя рабы, созывающи с высоким проповеданием на чашу, глаголющи: Иже есть безумен, да уклонится ко мне. и требующим ума рече: Приидите, ядите мой хлеб, и пийте вино, еже растворих вам. Оставите безумие, и живи будете, и взыщите разума, да поживете и исправите разум в ведении. Наказуяй злыя, приимет себе безчестие: обличаяй же нечестиваго опорочит себе. обличения бо нечестивому раны ему. Не обличай злых, да не возненавидят тебе: обличай премудра, и возлюбит тя. Даждь премудрому вину, и премудрший будет: сказуй Праведному, и приложит приимати. Начало премудрости страх Господень, и совет святых разум. Разумети бо закон помысла есть Благаго: сим бо образом многое поживеши время, и приложатся тебе лета живота. На стиховне стихиры, глас 3: Приидите, вси концы земли, честное им\рк Божия Матере уБлажим: ибо руце к Сыну воздеющи молится, темже святым им\рк ея мир оживлен бысть: _псалмы и пеньми и песньми духовными, со всеми святыми празднуем светло. Стих: Приведутся Царю девы в след ея: и искренния ея приведутся тебе. Вельми добротою украси тя Бог, яко в человецех свет на руку твоею, яже едина во свете его, упование Христианом, помощница сущим в нуждах и скорбех, и пристанище в пучине труждающимся: моли избавитися от напастей, любовию поющим им\рк твое всечестное. Стих: Слыши, дщи, и виждь, и приклони ухо твое. Всечестное твое им\рк, пресвятая Дево честая, ангел множество на Небесех, и человеческий род на земли Блажит: яко Мати бысть творца всех Христа Бога. того молящи за ны не престай (л. 13 об.) молим тя, иже на тя с Богом упование возложихом, Богородице препетая и неискусобрачная. Слава, и ныне, глас 2: Мысли очистивше и ум, со ангелы и мы торжествуем светло, начинающе Давидскую песнь отроковице невесте всех Царя Христа Бога нашего: воскресни, Господи, глаголюще, в покой твой, ты, и кивот святыни твоея, якоже палату красну сию украсил еси, и причел еси ю граду твоему, Владыко, строити и покрывати от сопостатных поган державною силою, тоя молитвами. Тропарь празднику, во уставе. Аще ли несть устава, глаголи сей тропарь, глас 4: К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши: потщися, погибаем от множества прегрешений: не отврати твоя рабы тщи, тя бо и едину надежду имамы. Слава, и ныне: Не умолчим никогда, Богородице, силы твоя глаголати недостойнии: аще бо ты не бы предстояла молящи, кто бы нас избавил от толиких бед? кто же бы сохранил до ныне свободны? не отступим, Владычице, от тебе, твоя бо рабы Спасаеши присно от всяких лютых. На утрени, на Бог Господь: тропарь дважды. Слава, и ныне: Не умолчим никогда: единожды. По 1-й кафисме седален, глас 4. Подобен: Явился еси днесь: Зарями просия всемирная радость им\рк твоего, Дево Мати Марие: на земли просвети мысли любовию поющих тя. Слава, и ныне: тойже. (л. 14) По 2-й кафисме седален, глас 4. Подобен: Удивися: Дв~а Мариа Богородица воистинну, яко облак светлый нам возсия. ктому адам не осуждается, и ева от уз свободися, сего ради и мы зовем, вопиюще с дерзновением единей честей: пресвятая Дево, моли Сына твоего, подати грехов оставление. Слава, и ныне, тойже. По Хвалите имя Господне: Припев: Песнь всяку духовную принесем Богородице. Псалом избранный: Помяни, Господи, Давида, и всю кротость его: По полиелеи седален, глас 1. Подобен: Агг~льския силы: Дв~ческаго твоего чрева красен клас явлься, израстила бо еси мирови жизнь, сего ради силы Небесныя вопиют тебе, Богородице, славяще честное твое празднество, пречестая: слава им\рк твоему: слава девству твоему, Мати безневестная. Слава, и ныне: тойже. Степенна, 1-й антифон 4-го гласа. Прокимен, глас 4: Помяну имя твое во всяком роде и роде. Стих: Отрыгну сердце мое слово Благо, глаголю аз дела моя Цареви. Всякое дыхание: Ев\глие писано в конце книги сея. По 50-м _псалме стихира, глас 6: Днесь Небесная врата отверзаются, и дверь Божественная предгрядет. днесь радости Благодать начинается, являющи мирови им\рк Божия Матере: еюже земная с Небесными совокупляются, во Спасение душам нашим. Канон пресвятей Богородице, глас 8. Ирмосы по дважды: тропари на 12. Песнь 1. Ирмос: Воду прошед яко сушу, и египетскаго зла избежав, Израильтянин вопияше: избавителю и Богу нашему поим. (л. 14 об.) Бж~иею силою Благочестно укрепи мя, радостно пети им\рк твое, пречестая, заступление граду твоему и всем людем твоим державу неразрушиму, пресвятая, и стаду твоему утверждение. Бл~гостыню и милость почерпаем твоими молитвами: ты бо Бога сильнаго родила еси, Спасающаго вся Благоверныя молением твоим, пренепорочная. егоже ради тя уБлажаем вси, Владычице. Твое Божественное им\рк празднующе, пречестая Богородице, тобою Спасение нетленно даровася, и неразрушимо веселие и надежда, покров и держава, и душам нашим прибежище. Под твой кров притекаем, Владычице, людие твои, пренепорочная, помощница буди нам рабом твоим, и Спасению прошение подающи, любовию поющим тя. Катавасиа: Отверзу уста моя: Песнь 3. Ирмос: Нб\снаго круга верхотворче Господи, и Церкве зиждителю, ты мене утверди в любви твоей желаний краю, верных утверждение, едине человеколюбче. Верою сердца обновим им\рк святыя Богородицы, всем подавая верою просящим избавления, от враг видимых и невидимых нас соблюди, пречестая. ОСвящаеши Благочестно, верно притекающих ко храму твоему, и припадающих любовию им\рк твоему: избави нас от всяких бед, и милостива сотвори нам Сына твоего и Бога нашего. Из тебе Божию слову воплощшуся, и дом сотвори себе во святем чреве твоем, и изволи родитися, якоже восхоте, и дарова нам день видети твоего им\рк, тоже любовию празднующе, молимся ти. Радостными душами, и в веселии сердца приимше ум к твоему честному и Божественному им\рк и вси вернии (л. 15) молим тя, Богородице, яко пречестому Сыну твоему млеко подала еси, иже нас питавый милостию своею. Седален, глас 4: Цр~ковь твоя светло празднует твоего славнаго им\рк, и вси вернии, поюще зовем ти прилежно, честая Дево: вся верныя укрепи на вражия силу, и советы беззаконных разори, и живот наш направи, творити Божественную волю Сына твоего. Слава, и ныне, тойже. Песнь 4. Ирмос: Услышах, Господи, смотрения твоего таинство, разумех дела твоя, и прославих твое Божество. Ты убо, Дево честая, к свету незаходимому пришедши помяни нас, молящи Сына твоего и Бога нашего, твое честное им\рк празднующих, подати грехов оставление. Якоже солнце светозарное, ибо преходящи сияет, и твой Божественный праздник лучи испущает: страстей же мглу от нас отгоняя, дарует душам нашим очищение, и от бед свобождение. Ныне мрак злобный потребися, и солнечный и душевный свет возсия, всенепорочныя Божия Матере, праздник честнаго им\рк, егоже Благочестно празднуем. Прибежище великое и похвала, пречестая и пренепорочная Мати всепетая: ты кивот умныя святыни, ты целеб источник неисчерпаемый, чтущим твое честное им\рк. Песнь 5. Ирмос: Вскую мя отринул еси от лица твоего, свете незаходимый, и покрыла мя есть чуждая тьма окаяннаго, но обрати мя, и к свету заповедей твоих пути моя направи, молюся. Исполняется святыни всяческая, к тебе прибегающим и прощение, вернии, приемлюще, празднуем твое честное им\рк, в немже молим тя, подати нам Благодать и милость в день судный. (л. 15 об.) Украсилася еси девства чистотою, рождшая краснаго Сына твоего и Бога нашего: украси твой праздник честнаго им\рк, и Священнический чин возвесели, и люди твоя от всяких бед свободи. Яко другий рай всем познавается, стяжавый посреде Благоухания цвет, твой честный праздник, Божиим Благоуханием верных сердца исполняет, иже любовию чтущих тя, пренепорочная Владычице. Облак была еси, Дево, дождю Божию, пренепорочная Владычице, воду Спасительную испущающи, землю грехми изсохшую напоивши, приводящи плод творению добродетели: сего ради уБлажаем тя. Песнь 6. Ирмос: Очисти мя, Спасе, многа бо беззакония моя, и из глубины зол возведи, молюся: к тебе бо возопих, и услыши мя, Боже Спасения моего. Прежде всех век сущаго, яко отроча родила еси, и наша сердца обновила еси, многими грехи обетшавшая: и обновление приими нашего пения, приносящее твоему празднику, Богородице присноДево. Цр~ковь твоя святая, и дивна вправду есть, еже твое пречестое им\рк в ней Благочестно празднуем, и всем сердечная подаваеши исцеления, Блажащим тя, пречестая, и от всяких бед соблюди рабы твоя. Душа всяка веселится, сошедшеся в Церковь твою, и твой празднуем праздник поюще, Дево Богородице, честное им\рк твое, яко солнце светящееся, и света сияющее Божия Духа Благодатию, и нас озари, и просвети сердца наша, Дево Мати Владычице. Поем пречестое твое им\рк, и чтим непорочное твое зачатие, и Рождество твое, Богоневесто отроковице: славят же с нами ангельстии чинове, и всех святых ликове. (л. 16) Таже кондак прилучившагося праздника. Аще ли несть, глаголи сей кондак, глас 1: Честное жилище бывшее неизреченнаго естества Божественнаго, выше слова, и паче ума, и грешным еси споручница, подаваеши Благодать и исцеление, яко Мати всех Царствующаго: моли Сына твоего, получити нам милость в день судный. Ин кондак, глас 6: Не имамы иныя помощи, не имамы иныя надежды, разве тебе, Владычице: ты нам помози, на тебе надеемся, и тобою хвалимся: твои бо есмы раби, да не постыдимся. Икос: К Богородице вопием любовию: радуйся, граде Господень. радуйся, скиптре Давидов. радуйся, палато одушевленная. радуйся, ручко Божественныя манны. радуйся, неопалимая купино. радуйся, свещниче златый, радуйся, свеще неугасимая. радуйся, горо Божия приосененная. радуйся, огненосный Престоле, радуйся, лествице и дверь Небесная. радуйся, жезле ааронов невлажно прозябый, радуйся, всех Спасающи от всяких бед и скорбей, и моли, пречестая, Сына твоего получити нам милость в день судный. Песнь 7. Ирмос: Бж~ия снисхождения огнь устыдеся в вавилоне иногда, сего ради отроцы в пещи радованною ногою, яко во цветнице ликующе, пояху: Благословен еси, Боже отец наших. Цр~ица всех пришедши, Небесный кров на славу нам устави, своего праздника Божественнаго им\рк, имже Спасаемся от невидимых враг нахождения, к Сыну твоему вопиюще: Благословен Бог отец наших. Рж\ством твоим, Госпоже Богородице Дево, и всеми твоими праздники, круг лета венчася: и ныне украси день честнаго, им\рк твоего, Благодать источающи, мы же вси вернии во храм твой притекающе. (л. 16 об.) Вся силы Небесныя восхваляют рождшую Господа, и роди человечестии прославляют ю, явльшую нам день честнаго своего им\рк, прибежище наше, надежда и покров, и ограждение, от вражиих нахождений. Бл~годатный облаче, окропи нас свыше росою Благодати и милости твоея, чтущих день праздника твоего славнаго, им\рк, тоже поет и славит всяка душа радующися: Благословена ты в женах, и Благословен плод чрева твоего. Песнь 8. Ирмос: Безначальнаго Царя славы, егоже трепещут Небесныя силы, пойте, Священницы, людие, превозносите во вся веки. Цр~ица еси всех едина Богу Богородительнице честая, святый Престол и палата Христа Бога: егоже моли о чтущих твое честное им\рк, подати грехов оставление. Руками святыми истинно понесла еси, в тебе воплотившагося Господа, на земли преславная: и ныне возшла еси превыше Небес, и оставльши человеком пресветлый день честнаго им\рк твоего, воньже славим поюще: Господа пойте, и превозносите его во веки. Бж~ественнии играйте Пророцы, чтуще Девы Богородицы честное им\рк: та бо исполни всех речения, вами сказуемаго рождши Христа всех Царя, тоже превозносим во веки. Падшим востание, унывающим радование, заблуждшим наставнице, болящим посещение и исцеление, и всем Христианом Спасение: соблюди нас, Госпоже, вопиющих, и чтущих твое им\рк, и избави нас от иноплеменных нахождения. Песнь 9. Ирмос: Устрашися всяк слух неизреченна Божия снисхождения, яко вышний волею сниде даже и до плоти, от Девческаго чрева быв человек. темже пречестую Богородицу вернии величаем. Преславная глаголашася о тебе граде Божий, и присно Царствующаго Небесными и земными, от тебе рождшагося, и от земли (л. 17) тя на Небо возведша, емуже непрестанно молися о чтущих честное им\рк, с нимже тя величаем. Безплотных чинове, патриарх собор, и апостол Божественный состав, Пророческий лик, и Мученичестии полцы, святителей и Преподобных отец лики, и вси святии, веселитеся с нами, празднующе Божия Матере им\рк и величающе. Всяческая освятила еси Рождеством твоим, пречестая Дево, и явила еси большее просвещение, пречестный день им\рк твоего: егоже празднующе, тебе величаем. Вознеси рог православных Христиан, Богородительнице пречестая: невоеваны соблюди грады твоя, и вся страны Христианския сохрани, в нихже великое твое имя и многославное величается, и верно славится от всех, Владычице честая. Светилен. Подобен: Жены услышите: Адаме, обновися, и ево, веселися, Пророцы со апостолы и Мученки ликовствуйте, и Преподобнии со святители, веселитеся: ибо радость и веселие, ангелом же и человеком пречестыя им\рк Богородицы Марии. [Трижды.] На Хвалитех стихиры, глас 1: Источник света, и поток светлости неистощимый, приносит праздник им\рк твоего: убо моли, Богородице, неразумия тьмы избавити мя, и страстей душевных же и телесных, и в будущем веце безконечныя муки избави нас, [Дважды.] Источника премудрости Благия, разума же пучину и Благодати: тем тя бездну впостасная Божия премудрость, Богородице, показа праздник им\рк из тебе плотию рождейся. егоже ради каплю ми премудрости твоея и разума подаждь, и к жизни настави мя. (л. 17 об.) Начало тайных Христовых чудес, Владычице, страшну видевше главизну, честное исполнение честнаго твоего образа праздник им\рк и Божественных чудес, почитаем и покланяемся: от болезней и скорбей посети, наставнице, и будущаго, Богородице, избави нас мучения. Слава, и ныне, глас 8: Бц\ду Марию вси воспоим: радуйся, Мати Божия, радуйся, лествице одушевленная и разумная. радуйся, купино неопалимая. радуйся, стамно всесвятая. радуйся, цвете веры. радуйся, жезле прозябший, радуйся, златая кадильнице. радуйся, горо Божия присенная Дево. радуйся, разрешение первыя евы. радуйся, Престоле Божий. радуйся, многомилостивная красото. радуйся, Владычице. Славословие великое, и отпуст.