<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 6) [гл\ва 1] СЛУЖБА ОБЩА праздником, и предпразднством и попразднством Господа нашего Иисуса Христа. Вечер, на Господи воззвах, стихиры, глас 6. Подобен: Гд\си, лазарев гроб: Гд\си, иже Божеством вся исполняяй, Благостию к человеком соединився, един от двою невидимь сый, прошед от честыя видимь бысть: зрака же плотскаго показуеши образ им\рк твоего: в няже пришедше покланяемся тебе Владыце, содетеля познавше молим тя: Благословен еси, Спасе, помилуй нас. [Дважды.] Гд\си, непостижимую смотрения твоего тайну, юже от века пронареченную, пришедый назнаменуеши, и то уверяя показал еси мирови Божественное им\рк твое, и исполнил еси всяческая радости, и обновил еси паки человеческое существо, Спасти хотя: Благословен еси, Боже, помилуй нас. [Дважды.] Гд\си, преславное сошествие твоего милосердия, в вышних живый в недрех отеческих, неописанно и непостижимо, и к земным пришед, виден был еси ныне: и почитаем праздник твой им\рк, да избавиши нас от страстей его (л. 6 об.) ради чтущих тя Владыку, ожививша ны умершия от грех: Благословен еси, Спасе, помилуй нас. [Дважды.] Гд\си, воплотився якоже восхотел еси, изволих нищету нашу и богатство Благосердия твоего показати, имже мя персть обожил еси. славим тя, человеколюбче, смотрения образ видевше им\рк твоего: сим невозбранно, еже во едем вход, Спасе, даруй рабом твоим, презря им вся согрешения. [Дважды.] Слава, и ныне, глас 8: Вл\дко человеколюбче, велика твоего смотрения глубина, в род и род твое Благодетельствуеши создание. недр отеческих не отступль: плотию человек явился еси на земли, прииде призывая всех к покаянию: Царю и Богу тебе покланяемся, яко погубляеши враги наша, и Спасаеши люди твоя изрядныя, празднующия честное им\рк твое. Прокимен дне. Исхода чтение [глава 24]. Рече Господь к моисею: взыди ко мне на гору, и стани тамо, и дам ти скрижали каменны, закон и заповеди, яже написах, взаконити людем. И востав моисей, и иисус предстояй ему, взыдоша на гору Божию, и старцем рече: безмолвствуйте тамо, дондеже возвратимся к вам. и се аарон и ор с вами: аще кому прилучится суд, да идут к ним. И взыде моисей на гору и покры облак гору, и сниде слава Божия на гору синайскую, и покры и облак шесть дней. И призва Господь моисеа в день седмый, из среды облака. Видение же славы Господни яко огнь паля на версе горы, прямо сынов Израилевых. И вниде моисей посреде облака, и взыде на гору: и бе тамо на горе четыредесять дней и четыредесять нощей. Втораго закона чтение [глава 4]. Рече моисей к людем: ныне слыши, Израилю, оправдания и судьбы, елика аз научу вас днесь творити, да живи (л. 7) будете. И сохраните, и сотворите, яко сия премудрость ваша, и разум пред всеми языки, елицы аще услышат оправдания сия, и рекут: сии людие мудри и художни, и язык великий сей, яко Господь Бог наш есть во всех, иже аще того призовем. И ныне внемлите себе весь дом Израилев, и сохраните души своя зело, и не забудите вся словеса, яже видеша очи ваши, и да не отступят от сердец ваших во вся дни живота вашего. И приведосте сыны ваша, и сыны сынов ваших в день, воньже стасте пред Господем Богом в хориве, в день воньже рече Господь ко мне: собери в Церквь люди, и да услышат глаголы моя, яко да навыкнут боятися мене во вся дни, елики поживут они на земли, и сыны своя да научат. И приступисте и стасте под горою, и гора горяще огнем даже до Небесе, тьма, сумрак и дым. И глагола Господь Бог к вам на горе от среды огня: глас словес его вы слышасте, и подобия не видесте, но глас. И возвести вам завет свой, иже завеща вам творити, и мне завеща Господь во время оно, научити вас оправданием и судьбам, творити вам та на земли. Глагола Господь к вам на горе в хориве, от среды огня. Втораго закона чтение [глава 5]. Собра моисей вся люди Израильтеския, и рече к ним: слыши, Израилю, всех оправданий моих, и судеб моих, елико аз глаголю во уши ваша: во дни тыя научитеся им, и сохранити я и сотворити. Господь Бог завеща вам завет в хориве: Не единым отцем вашим завеща Господь завет сей, но и вам. Лицем к лицу глагола Господь в хориве из среды огня на горе: Аз же стоях между Господем и вами во время оно, возвестити вам глаголы Господни, глаголя: Аз есмь Бог твой, изведый тя из земли египетския, из дому работы, не суть бози ини разве мене: аз бо есмь Господь Бог твой ревнитель, творя милость тысящами любящим мя, и хранящим заповеди моя. И (л. 7 об.) бысть яко услышасте глас посреди огня, и гора горяще огнем, и приступисте ко мне вси, и рекосте: Се показа Господь Бог наш нам славу свою, и глас слышахом посреди огня: в день он видехом, яко возглаголет Господь Бог к человеку, и жив будет. И ныне да не умрем, яко погубит ны огнь великий сей, аще приложим послушати глас Господа Бога нашего еще, и умрем. Кая бо плоть, или кто слыша глас Бога глаголюща посреди огня, и жив будет: И слыша Господь Бог глас словес глаголющих ко мне, и рех к ним: и заповеди и оправдания и суды, елико заповеда вам Господь Бог, да убоитеся всех оправданий его, да милостив будет, и умножитеся на земли. Слыши, Израилю, Господь Бог ваш, Господь един есть: и возлюбиши Господа Бога твоего от всего помышления твоего, и от всего сердца твоего, и от всея души твоея, и от всея крепости твоея, и того убоишися, и тому единому послужиши, и к нему прилепишися, и именем его кленешися, и угодная ему сотвориши: да добро тебе будет. На стиховне стихиры, глас 2. Подобен: Доме евфрафов: Прииде просвещение, * Благодать явися, * и избавление наста, * мир просветися: * людие радости исполнитеся. Стих: Бог от юга приидет и святый от горы приосененныя чащи. Пойте отечествия язык, * хвалу и славу возсылающе * Христу Богу, * усердно поспешшеся, * славяще им\рк сего. Стих: Господи, услышах слух твой, и убояхся. Слово отчее, имже вся быша, * безстрастно и неизреченно, * впостась зрится едина, * от двою естеству, * прииде Спасти человечество. Слава, и ныне, глас 8: Гд\си, исполнити хотя яже повелел еси от века, от всея твари служители тайны твоея приял еси: от ангел гавриила: от человек Деву: от Небес звезду: от земли гору: от пустыни (л. 8) ясли, от вод иордан, в немже беззакония всех потребил еси, Спасе наш, слава тебе. Тропарь настоящаго праздника. Аще ли несть, глаголи тропарь, глас 2: Пречестому твоему образу: На утрени, на Бог Господь, тропарь тойже, трижды. По 1-й кафисме, седален, глас 1. Подобен: Гроб твой: Бл~годать твоя, Спасе, на нас излияся, видиму бывшу ти, непостижиме, и прелести тьма угасе: тем во свете лица твоего стопы наша направи, да в заповедех твоих ходяще, тебе сподобимся узрети, свете неприступный. Слава, и ныне, тойже. По 2-й кафисме, седален, глас 5. Подобен: Собезначальное: Собезначальный Сын отцу и превечный, и невидимый существом, и неосязаемый, под летом быв, за милость неизреченную, описаныя плоти твоея, Владыко, нам остави сладкое из_ображение им\рк на Спасение душ наших. Слава, и ныне, тойже. Величание настоящему празднику. По полиелеи седален, глас 4. Подобен: Вознесыйся: Не ктому сетование на лице адамове, во адама оболкшуся иже того создавшему, и лица подобием себе всем являющу и к любви подвижущу Благочестивых составления, единогласно воспевати: слава, Владыко человеколюбче крайнему схождению твоему. Слава, и ныне, тойже. (л. 8 об.) Степенна, 4-го гласа, 1-й антифон. Прокимен: Гд\си, во свете лица твоего пойдем, и о имени твоем возрадуемся во веки. Стих: Видеша вси концы земли Спасение Бога нашего. Ев\глие прилучившемуся празднику. По 50-м _псалме, стихира, глас 8: Гд\си, исполнити хотя: [писана на стиховне вечера. Слава.] Канон, глас 4: ирмос по дважды, тропари же на 12. Песнь 1. Ирмос: Наставльшему древле Израиля, бежащаго от работы фараоновы, и в пустыни питавшему, поим избавителю Богу нашему: яко прославися. В нарочитый день праздника нашего отверзем уста, человецы, и уясним язык, явление Божественное, им\рк, Христа Бога нашего светло поюще: яко прославися. Свет превечный, отча исполняя словеса, хотя сказасти свою Благодать, образ рабий приим нас ради, явися образом Божественнаго им\рк своего, светом облистая нас. Приидите, вси, Христово им\рк верою празднуем, и разумно пение предлагающе Божественное, славим и возопием согласно: Христос прииде темным на обновление. поем ему, яко прославися. Богородичен: Явление днесь Боговочеловечнаго Рождества, воистинну познахом тобою, всечестая: и чтущии тя сподоблени быхом видети им\рк Сына твоего, егоже моли Спасти нас от всякия беды. Катавасиа, настоящаго праздника, ирмосы, или сия: Бж~ественным покровен, медленоязычный мраком, извитийствова Богописанный закон: тину бо оттряс очесе умнаго, видит сущаго, и научается Духа разуму, хваля Божественными песньми. Песнь 3. Ирмос: Не мудростию, и силою и богатством хвалимся, но тобою отчею впостасною мудростию, Христе: несть бо свят, паче тебе, человеколюбче. (л. 9) Вл\дко сый по существу, соединився рабом плотию, и виден был еси, нам детельствуя различное Спасение, Христе, еже ныне прославляем им\рк твое: яко несть свят паче тебе, человеколюбче. Людие твои, Христе, иже в тя верою просвещени, Божественный твой праздник им\рк сотворяют светло: тоже чтуще от бед избавляемся, и Царствию Небесному, Спасе, сподоби нас. Животе впостасный, ныне вкушь смерти плотию, еюже живот источил еси мертвым, востанием твоим, Христе, и твоим им\рк, яко живота ходатая даровал еси нам. Богородичен: Сп~сение из тебе прежде в мире возсия плотию, ныне же верных тобою, Богомати, живот явися, светоносное Христово им\рк, егоже ради, Богородице, моли Сына твоего, избавити нас от бед и вечнаго мучения. Катавасиа: Разверзе утробы нечадствовавшия узы, досаду же неудоботерпиму Благочадствующия, едина молитва Пророчицы древле анны, носящия Дух сокрушен, к сильному и Богу разумов. Седален, глас 4. Подобен: Вознесыйся на Крест: Молим тя, Владыко милостиве Спасе, избави нас от всех видимых и невидимых враг, и иноплеменных нахождений, и всяких бед и смущения, празднующих верою и любовию Божественное им\рк, егоже ради сподоби нас получити вечных Благих наслаждение. Слава, и ныне, тойже. Песнь 4. Ирмос: Неизследный Божий совет, еже от Девы воплощения тебе вышняго, Пророк аввакум усмотряя, зовяше: слава силе твоей Господи. Светоподобный Божественный праздник, плотию приближшагося человеком, прииде к новоизбранному Израилю, и просвещает днесь всего мира концы им\рк своим: слава силе твоей Господи. (л. 9 об.) Бг~овидения славы древле твоих знамений сподобися моисей, просияв: новый же Израиль лицем ныне к лицу, ясно тя избавителя зрит: слава силе твоей, Господи. Видите чудная вси людие, духовно ныне возвеселитеся, Христово поюще им\рк, иже на земли явльшагося человеком на Спасение: слава силе твоей, Господи. Богородичен: Пречистая Богородице, Спаси ны к тебе прибегающия, и празднующия Сына твоего Божественное им\рк и всегда моли его, грехов прощение даровати нам. Катавасиа: Цр~ю царей, яковый от яковаго един, слове, произшедый от отца безвиновнаго, равномощнаго твоего Духа апостолом истинно послал еси, яко Благодетеля, поющим: слава державе твоей, Господи. Песнь 5. Ирмос: От света пресекий первородный свет, яко во свете дела поют тя, Христе, содетеля, во свете твоем пути наша направи. Восплещем днесь руками, и воскликнем гласом хваление Господеви: се бо прииде и явися воистинну, вся просвещая верныя Божественным им\рк, пречистыя плоти своея. Просветишася днесь православных собори, еретическая же ополчения посрамишася, видяще покланяемо Христово им\рк, образом плотским избавителя преложшася. Прииде убо торжество, и великая тайна от лица Господня свет возсия мирови, Благоустроенный праздник Божественнаго им\рк Господня: имже бо даровася пленным всем мир и веселие. Богородичен: Облацы свыше да кропят сладость земленым, твоим ходатайством, пресвятая Дево. ущедрив мир Сын твой и Бог наш, днесь, воздвиже рог Христианский: днесь Спасение верным, Божественным им\рк своим дарова. Катавасиа: Решительное очищение грехов, огнедохновенную приимите Духа росу, _о чада светообразная, церковная! ныне от сиона бо изыде закон, языкоогнеобразная Духа Благодать. (л. 10) Песнь 6. Ирмос: Бж~ественное сие и всечестное совершающе празднество, Богомудрии, БогоМатере, приидите руками восплещим, от нея рождшагося Бога славим. Возсия живот мертвым, и свет уже слепым пришествова, и люте немощным врачевство отверзеся: и всем Спасение приближися, светоносным им\рк Христовым. Да празднствует всяк разум, ныне ясно видя невещественный праздник Божественнаго им\рк, иже просвещение источает покланяющимся ему. Гд\си, видяще тя, Небеса поведают славу твою, Иисусе Христе, вся верныя твоя созывают воспевати Божественное им\рк твое, грядущих к познанию истиннаго покаяния. Богородичен: Бж~ия Мати, явися странам знамение, и знаемое Спасение, честая Дево, светом Сына твоего честнаго им\рк, тоже моли Спасти нас поминающих тя, и избави бед и поганых нахождения, молитвами твоими. Катавасиа: Очищение нам, Христе, и Спасение, Владыко, возсиял еси от Девы: да яко Пророка от зверя морскаго персей иону, от тли исхитиши всего адама, всеродна падшаго. Кондак праздника. Аще ли несть, глаголи сей кондак, глас 2: Неизреченнаго и Божественнаго твоего к человеком смотрения, неописанное слово отчее, и образ неписанный и Богописанный, победителен ведяще неложнаго твоего воплощения, почитаем того лобызающе. Икос: Уверяя и человеком Господь вочеловечения своего тайну, сам описуется Богомужным своим образом, и первообразное убо посаждает на Престоле отчи, покланятися от безплотных ангел: подобию же первообразнаго и нам дарова покланятися. егоже обымающе душею и сердцем, почитаем того лобызающе. Песнь 7. Ирмос: Авраамстии иногда в вавилоне отроцы пещный пламень попраша, песньми взывающе: отец наших Боже, Благословен еси. (л. 10 об.) Всяк град и страна срадуется, празднуя верно с новым сионом, Царь во его славы Христос пришел есть образом честнаго праздника своего им\рк, и Спасая покланяющихся ему и вопиющих: отец наших Боже, Благословен еси. Бг~огласных Пророк речение исполнися Божественными писаньми: ныне бо видехом сбытие им\рк Христовым просвещается мир, и светозарным сиянием Спасает поющих: отец наших Боже, Благословен еси. Богородичен: Веселятся с земными Небесная, и срадуется всех святых множество, богатии и убозии празднуем. се убо уготова просвещение нам Христос, из_ображение праздника своего, Благодетельное подобие, еже прият от Девы. Катавасиа: Согласная возшуме органская песнь, почитати златосотворенный бездушный истукан: утешителева же светоносная благодать почествует, еже вопити: Троице единая, равносильная, безначальная, Благословенна еси. Песнь 8. Ирмос: В вавилоне отроцы Божественною распалаеми ревностию, мучителя и пламене прещение мужески попраша, и посреде огня ввержени орошаеми пояху: Благословите, вся дела Господня, Господа. Совершен сый по существу Бог, и человек виден бысть совершен, Спасая по обоему своя воистинну свойства, яко Бог плотское уверяя Божественное им\рк, емуже покланяющеся поем: Благословите, вся дела Господня, Господа. Вознеси рог, Божий слове, исповедающих тя Бога и человека, и славящих им\рк твое, имже живот вечный всем даровал еси верным, и разруши поганская шатания твоея ненавидящих Божественныя силы. Светится новый закон, и Церковь украшается: славы бо твоея Божественныя свет возсиял еси, Христе Боже, светоподобное лице твое явил им\рк твоим, на Спасение людем твоим, тебе вопиющим: Благословите, вся дела Господня, Господа. (л. 11) Богородичен: Падшим возстание, унывающим радование, и заблуждшим наставнице, болящим исцеление, и всем Христианом Спасение, соблюди нас, Госпоже Богородице, чтущих им\рк Сына твоего: моли его, избавити нас иноплеменных нахождений. Катавасиа: Разрешает узы, и орошает пламень, трисветлый Богоначалия образ, поют отроцы: Благословит же единаго Спаса и вседетеля, яко Благодетеля, сотвореная всяческая тварь. Песнь 9. Ирмос: Рж\ство твое нетленно явися, Бог из боку твоею пройде, яко плотоносец явися на земли, и с человеки поживе. тя, Богородице, тем вси величаем. Поем Богу песнь Благодарную, изволившему богатство превеликое подати нам: крепкое во бранех утверждение Божественныя плоти своея им\рк, тоже чтуще вернии, тебе величаем. _О паче ума чудес твоих, Господи, ихже сотворил еси нам на тя надеющимся, яко бо име им\рк, неизречено и страшно всем показав из_ображение: егоже чтущия избави от всякаго гнева и падения. _О слово Божие, мудрость и сила, и образ отечь! _о Боже разумеваемый! твоего праздника им\рк светлое торжество нас сподоби совершити, во свете добрых дел, духовно величающих. Богородичен: Воистинну высота твоя тайны Божия пречистая, и глубина неизреченная премудрости Божия: яко бо несказанно из тебе родися вышний, и невидимый видимь бысть, плотским своим им\рк, мы же вернии покланяющеся ему, тя величаем. Катавасиа: Радуйся, Царице, Матеродевственная славо: всяка бо удобообращательная Благоглаголивая уста витийствовати не могут, тебе пети достойно: изумевает же ум всяк твое Рождество разумети. темже тя согласно славим. (л. 11 об.) Светилен. Подобен: Жены, услышите: Таинство превеликое и ангелом несказанное, отчим Благоволением, и Духа святаго действием, Пророчеством совершения исполнишася: слово безначальное начало приим, яко человек от Девы родися, на Спасенpие мира и человеком на избавление. [Трижды.] На хвалитех стихиры, глас 1. Подобен: Нб\сных чинов: Приидите, вси, * Христово им\рк верно празднуем, * и разумно пение предлагаем, * глаголюще Божественное славословие, * возопием согласно: * прииде Христос, Спасение земным и обновление. [Дважды.] Приидите празднственными песньми, * и мысленною правостию, Христово им\рк славим: * отцу бо и Духу святому сей равночестен, * за милосердие свое оболкся * в наше смешение. * егоже несказанно со ангелы празднуем. В кимвалех усты возгласим, * и в песнех воскликнем, * Христово им\рк показася. * Пророческая проповедания конец прияша: * егоже бо рекоша плотию к человеком явитися, * на Спасение нам и на обновление. Слава, и ныне, глас 1. Самогласен: Приидите празднуим, людие, Христово им\рк, вперим ум и чувства, и узрим от Девы честыя плоть приимшаго, совершенна Сына суща, тогоже в Божестве и человечестве, темже зовем: святый Боже, отче безначальный: святый крепкий, Сыне воплощейся: святый безсмертный, утешителю Душе, Троице святая, слава тебе. Славословие великое. И отпуст. На литургии, Блаженна от канона, песнь 3-я и 6-я.