<::лат>        OCR:

<::рус>        Библиотека святоотеческой литературы

<::лат>        http://orthlиb.ru

<::слав>

(л. 57)

ЖИТИЕ СВЯТАГО ЕВАНГЕЛИСТА МАРКА,

от святаго иеронима.

Марко, ученик и сказатель петров, 
просящим сущим в риме братиям, евангелие списа 
вкратце: еже и похвали петр, и церкви предаде, 
якоже пишет клим в шестом подызображении. 
Поминает сего марка и папиа, епискп иерапольский, 
и святый петр в конце перваго послания, именем 
вавилона рим гадательствует: целует [глаголя] вы 
в вавилоне соизбранная, и марко сын мой. Взем 
убо списанное им евангелие, во египет отиде: 
и во але_ксандрии первый Иисуса Христа проповедавый, 
церковь тамо собра, в сие учение же и благочестие 
и воздержание превозшедшую, якоже и иным 
христианом ревновати. филон же, иже иудеов 
глаголати зельнейший, видев во але_ксандрии первую 
церковь еще аки иудействующу, яко похваляяй 
его язык, книгу о возвращении але_ксандрян 
писа. И еже пишет лука, яко во иерусалиме 
вернии, вся обща имяху: сие и он 
але_ксандряном, марку научившу, обычаи быти 
глаголет. Умерый в лето нероново осмое, 
погребен бысть во але_ксандрии, аниану приемлющу.

ИНАКО ОТ СОБРАНИЯ ДОРОФЕА

мученика и тирскаго епископа.

Марко евангелист, и первый але_ксандрийский 
епископ, але_ксандряном и всей окрестной ея 
проповеда евангелие Господне, от египта и даже до 
пентаполя. При царстве траианове, во але_ксандрии 
уже прием за выю, и влекийся от нарицаемых 
вукола мест, до нарицаемых ангелов: тамо сожжен 
бысть огнем от идолонеистовных, месяца априллиа, 
и тамо погребен бысть в сущих вукола. (л. 57 об.)

ЕВАНГЕЛИЕ ОТ МАРКА.

Глава 1.

2: Иоанн креститель. 6: Одежда и пища его. 
9: Крещается Иисус. 12: Искушается. 14: 
Проповедует евангелие. 16: Призывает симона и 
андреа. 19: Иакова и иоанна. 21: Учит в 
сонмищах. 23: Изгоняет духа нечистаго. 30: Теща 
симонова огнежегома. 34: Исцеляет Иисус многия 
зле имущия. 40: И прокаженнаго.

Глава 2.

3: Разслабленный. 5: Оставление грехов. 14: 
Матфеево звание. 18: Пост, отемшуся жениху. 23: 
Ученицы класы терзают в субботы. 26: Хлебы 
предложения.

Глава 3.

1: Рука сухая. 6: Фарисеи со иродианы совет 
творят на Иисуса. 10: Касающиися Иисусу исцеляются. 
11: Дуси нечистии свидетельствуют, яко Иисус 
есть Сын Божий. 14: Дванадесять апостоли. 24: Царство 
на ся раздельшееся. 29: Хула на Духа святаго. 33: Кто 
Мати, и кто братия Иисусовы?

Глава 4.

3: Притча сеющаго. 14: И ино сказание ея. 
21: Светильник. 26: Семя верженное на землю. 31: 
Зерно горчично. 37: Буря ветренняя велия. 38: Иисус 
спя в корабли.

Глава 5.

2: Демонствуемый. 6: Демон виде Иисуса. 9: 
Легеон. 11: Стадо свиней велие. 13: Демоном 
вшедшим потопляхуся (л. 58) в мори. 22: Дщи 
иаирова. 25: Жена кровоточащая. 26: Врачеве. 34: 
Вера. 39: Смерть, сон. 41: Востает дщерь 
иаирова.

Глава 6.

2: Иисус безчествуемь во отечестве. 6: Неверие 
назореев. 7: Посылаются ученицы два два. 13: 
Изгоняют демоны, и помазуют елеем недужныя. 
14: Мнение иродово о Иисусе. 17: Иоанн 
креститель в темнице. 22: Иродиа плясавшая. 27: 
Иоанн обезглавивыйся. 29: И погребыйся. 1: 
Апостоли возвращшеся возвестиша Иисусу, елика 
сотвориша. 34: Учит Иисус в пустыни. 38: Пять 
хлебов, и две рыбе. 48: Ходит Иисус на мори. 
56: Прикасающиися одежде Иисусове исцеляются.

Глава 7.

2: Нечистыми руками ясти. 3: Фарисеев 
омовения различная. 7: Заповеди и предания 
человеков. 10: Почитати подобает, и не злословити 
родителей. 15: Отвнутрь исходящая суща сквернят 
человека. 24: Жена сирофиникисса. 32: Глухий 
гугнивый.

Глава 8.

5: Седмь хлебов. 11: Фарисеи ищут знамения 
от Небесе. 15: Квас фарисеов и иродов. 22: 
Слепый прозирает. 27: Мнение людей о Иисусе. 29: 
Апостолов исповедание. 31: Предрече Иисус свою 
смерть. 33: И запрещает петру. 35: Душу спасти и 
погубити. 38: Постыдетися Христа.

Глава 9.

2: Преображение Христово. 7: Подобает слушати 
Христа. 11: О илиине пришествии. 13: Иоанн 
есть во образ илии грядый. 17: Духа немаго 
ученицы изгнати не возмогоша. 25: Иисус же 
изгоняет. 23: Вся возможна верующему. 31: Предрече 
Иисус свою смерть. 34: Кто болий апостолов? 37: 
Отроча прияти во имя Иисусово. 42: О соблазнех. 
50: Соль и мир. (л. 58 об.)

Глава 10.

2: Аще достоит мужу жену отпустити? 13: 
Отрочата приносят Иисусу. 17: Богата некоего 
вопрошение, о еже живот вечный наследовати. 28: 
Апостоли вся оставиша ради Иисуса. 33: Предрече Иисус 
свою смерть. 35: Прошение сынов зеведеевых. 46: 
Вартимей слепый прозирает.

Глава 11.

1: Христос грядет во Иерусалим на осляти 
седя. 12: Алчет. 13: Смоковница неплодная. 15: 
Изгоняет продающия и купующия во святилищи. 23: 
Сила веры. 24: Молитва благоверна. 25: Оставляти 
подобает прегрешения брату. 27: Коею властию Иисус 
сотвори вся? 30: Крещение иоанново откуду?

Глава 12.

1: Притча винограда. 10: Камень краеугольный. 
14: Кинсон кесарев. 18: Саддукеи воскресению 
неверующии. 28: Первая заповедь. 30: Любовь Божия и 
ближняго. 35: Христос Сын Давидов. 38: Блюдение от 
книжников. 42: Вдовица нищая.

Глава 13.

2: О всегублении Иерусалима. 9: Изгонения 
верных. 10: Ев\глие проповестся всем языком. 
26: Суд последний. 33: Подобает бдети и 
молитися.

Глава 14.

1: Ищут архиереи лестию удержати Иисуса и 
убити. 3: Жена миро нарда вернаго многоценнаго 
возливающая на главу Христову. 12: Уготовляют 
ученицы пасху Иисусу. 22. Святую вечерю Господню. 41: 
Предается Иисус в руце грешников. 44: Иудино 
лобзание. 53: Отводится Иисус к каиафе. 66: 
Петрово отвержение.

Глава 15.

1: Иисус связан предается пилату. 11: Варавва 
разбойник отрешается. 15: Иисус же Спас 
осуждается. 16: Воини (л. 59) ругаются Иисусу. 17: 
Венец терновый. 21: Симон кириней. 27: Христос 
распинается посреди двою разбойнику. 32: Поношается. 
37: Издше. 46: Полагается во гробе от иосифа 
аримафеа.

Глава 16.

1: Христово воскресение. 9: Воскрес Иисус, 
первее является марии магдалини, и потом прочим. 
15: Посылает ученики в мир весь проповедати. 
19: Вознесение Христово на Небо. (л. 59 об.)

ЕЖЕ ОТ МАРКА СВЯТАГО ЕВАНГЕЛИА ГЛАВЫ.

[1] О беснующемся.

[2] О тещи петрове: в матфеи, 8: в луце, 9.

[3] О исцелевших от различных недуг: в 
матфеи, 9: в луце, 10.

[4] О прокаженнем: в матфеи, 6: в луце, 12.

[5] О разслабленнем: в матфеи, 13: и в 
луце, 13: во иоанне, 7.

[6] О левии мытари: в матфеи, 14: и в луце, 
14.

[7] О имущем суху руку: в матфеи, 21: в 
луце, 15.

[8] О избрании 12 апостол: в матфеи, 19: в 
луце, 16.

[9] О семени притча: в матфеи, 24: в луце, 
22.

[10] О запрещении вод: в матфеи, 11: в луце, 
23.

[11] О легеоне: в матфеи, 12: в луце, 24.

[12] О дщери архисинагогове: в матфеи, 15: 
в луце, 25.

[13] О кровоточивей: в матфеи, 16: в луце, 
26.

[14] О повелении апостолом: в матфеи, 19: в 
луце, 27.

[15] О иоанне и ироде: в матфеи, 25: в 
луце, 27 от полу.

[16] О пяти хлебех и двою рыбу: в матфеи, 
26: в луце, 28: во иоанне, 8.

[17] О морстем хождении: в матфеи, 27: во 
иоанне, 9.

[18] О преступлении заповеди Божия: в матфеи, 
28.

[19] О финикисаныни: в матфеи, 29.

[20] О гугнивем, и глусе.

[21] О седми хлебех: в матфеи, 31.

[22] О квасе фарисейстем: в матфеи, 32: в 
луце, 44.

[23] О слепце.

[24] О вопрошении кесарийстем: в матфеи, 33: в 
луце, 29. (л. 60)

[25] О преображении Иисусове: в матфеи, 34: в 
луце, 30.

[26] О злодеющемся на месяцы: в матфеи, 35: в 
луце, 31.

[27] О помышляющих, кто есть болий? в матфеи, 
37: в луце, 32.

[28] О вопрошших фарисеех о отпущении жен: в 
матфеи, 40.

[29] О вопрошшем богатем Иисуса: в матфеи, 41: 
в луце, 63.

[30] О сыну зеведеову: в матфеи, 43.

[31] О вартимеи слепце: в матфеи, 44: в 
луце, 64.

[32] О жребяти: в матфеи, 45: в луце, 68: 
во иоанне, 14.

[33] О изсохшей смоковнице: в матфеи, 47.

[34] О непомнении зла.

[35] О вопрошших Господа архиереех и 
книжницех: в матфеи, 48: в луце, 69.

[36] О винограде притча: в матфеи, 50: в луце, 
70.

[37] О вопрошших льстивне о кинсоне: в 
матфеи, 52: в луце, 71.

[38] О саддукеех: в матфеи, 53: в луце, 72.

[39] О книжнице: в матфеи, 54: в луце, 35.

[40] О вопрошении Господни: в матфеи, 55: в луце, 
73.

[41] О жене, две цате ввергшей: в луце, 
74.

[42] О кончине: в матфеи, 57: в луце, 75.

[43] О дни и часе: в матфеи, 58.

[44] О помазавшей Господа миром: в матфеи, 62: 
в луце, 21: во иоанне, 12.

[45] О пасце: в матфеи, 63: в луце, 76.

[46] О предании Господни: в матфеи, 64.

[47] О отметании петрове: в матфеи, 66: в 
луце, 78.

[48] О испрошении телесе Господня: в матфеи, 
68: в луце, 82: во иоанне, 18. (л. 60 об.)

ПРЕДИСЛОВИЕ ЕЖЕ ОТ МАРКА СВЯТАГО ЕВАНГЕЛИА.

Еже от марка святое евангелие, по десятих 
летех Христова вознесения, списано бысть в риме. 
Бе убо сей марко петру ученик же и 
последователь, егоже и сына своего именует 
петр, Духовнаго яве, яко нарицашеся иоанн, 
ане_псей же варнаве, но и павлу соисходен: обаче 
убо с петром пребываше множае, и в риме с 
ним сый. Молиша убо его иже в риме вернии, 
не точию без писания проповедати, но и писанием 
изложити тем, яже о Христе купли: едва 
убо повинувся списа. Петру же откровено бысть от 
Бога, яко марко списа благовестие: видев убо 
и извествовав, яко истинно, таже епископа 
его посла во египет, идеже и проповедав. В 
але_ксандрии же Церковь состави: к полуденней стране 
всех просвети. Есть же начертание евангелиа 
явственно, и ничтоже имущее покровенно: приблиз же 
по всем матфееви стичет сей евангелист, разве 
яко матфей пространнейше. И яко убо матфей 
еже по плоти рождение Господне, в начале поминает: 
сей же от пророка начат иоанна. Слыши убо что 
рече: Зачало евангелиа Иисуса Христа. (л. 61)

ОТ МАРКА СВЯТОЕ БЛАГОВЕСТВОВАНИЕ

Глава 1.

(пн\де) (за\ч 1) 1 Зачало{Неделя пред 
просвещением. Сие же и на 3-м часе в навечерии 
Богоявления.} евангелиа Иисуса Христа Сына Божия. 2 
Якоже есть писано во пророцех: се аз посылаю 
ангела моего пред лицем твоим, иже уготовит 
путь твой пред тобою. 3 Глас вопиющаго в пустыни: 
уготовайте путь Господень, правы творите стези его. 
4 Бысть иоанн крестяй в пустыни, и проповедая 
крещение покаяния, во отпущение грехов. 5 И 
исхождаше к нему вся иудейская страна, и 
иерусалимляне, и крещахуся вси во иордане реце 
от него, исповедающе грехи своя. 6 Бе же иоанн 
оболчен власы вельблужди, и пояс усмен о 
чреслех его: и ядый акриды и мед дивий. 7 
И проповедаше глаголя: грядет креплий мене во 
след мене, емуже несмь достоин, (л. 61 об.) 
преклонься, разрешити ремень сапог его. 8 Аз 
убо крестих вы в воде: той же крестит вы 
Духом святым.

Конец недели, и 3-му часу.

(за\ч 2) 9 И бысть во онех днех, 
прииде Иисус*{Понедельник 12 недели: Во 
время оно прииде Иисус* Сие и на 6-м часе в 
навечерии Богоявления, и на Богоявление на 
утрени.} от назарета галилейскаго, и крестися от 
иоанна во иордане. 10 И абие восходя от воды, 
виде разводящася Небеса, и Дух яко голубь, сходящ 
нань. 11 И глас бысть с Небесе: ты еси Сын мой 
возлюбленный, о немже Благоволих.

Конец Богоявлению на утрени.

12 И абие Дух изведе его в пустыню. 13 И 
бе ту в пустыни дней четыредесять, искушаемь 
сатаною, и бе со зверьми: и ангели служаху ему. 
14 По предании же иоаннове, прииде Иисус в 
галилею, проповедая евангелие Царствия Божия, 15 И 
глаголя: яко исполнися время, и приближися Царствие 
Божие: покайтеся и веруйте во евангелие.

Конец понедельнику, и 6-му часу.

(за\ч 3) 16 Ходя же**{Вторник 12 
недели: Во время оно, ходя Иисус**} при мори 
галилейстем, виде симона и андреа брата того 
симона, вметающа мрежи (л. 62) в море, [беста бо 
рыбаря:] 17 И рече има Иисус: приидита во след 
мене, и сотворю вас быти ловца человеком. 18 И 
абие оставльша мрежи своя, по нем идоста. 19 И 
прешед мало оттуду, узре иакова зеведеова, и 
иоанна брата его, и та в корабли строяща мрежа. 
20 И абие воззва я: и оставльша отца своего 
зеведеа в корабли с наемники, по нем идоста. 21 И 
внидоша в капернаум: и абие в субботы вшед в 
сонмище, учаше. 22 И дивляхуся о учении его: 
бе бо учя их яко власть имый, и не яко 
книжницы.

Конец вторнику.

(за\ч 4) [1] 23 И бе в сонмищи их 
человек*{Среда 12 недели: Во время оно, 
человек некий бе в сонмищи иудейсте*} в 
дусе нечисте, и воззва, 24 Глаголя: остави, что 
нам и тебе, Иисусе назорянине? пришел еси 
погубити нас? вем тя, кто еси, святый Божий. 25 
И запрети ему Иисус, глаголя: умолчи, и изыди 
из него. 26 И стрясе его дух нечистый, и 
возопи гласом великим, и изыде из него. 27 И 
ужасошася вси, якоже стязатися им к себе, 
глаголющим: что есть сие? и что учение новое 
сие, яко по области и духовом нечистым велит, 
и послушают его? 28 Изыде же слух его абие 
во всю страну галилейску.

Конец среде. (л. 62 об.)

(за\ч 5) [2] 29 И абие из сонмища 
исходяще, приидоша*{Четверток 12 недели: Во 
время оно, прииде Иисус*} в дом симонов и 
андреов со иаковом и иоанном. 30 Теща же 
симонова лежаше, огнем жегома: и абие глаголаша 
ему о ней. 31 И приступль воздвиже ю, ем за 
руку ея: и остави ю огнь абие, и служаше 
им. [3] 32 Позде же бывшу, егда захождаше 
солнце, приношаху к нему вся недужныя, и бесныя. 
33 И бе весь град собрался к дверем. 34 И 
исцели многи зле страждущия различными недуги: и 
бесы многи изгна, и не оставляше глаголати бесы, 
яко ведяху его Христа суща.

(за\ч 6) 35 И утро нощи сущи зело, 
востав изыде, и иде**{Суббота 2 поста: Во 
время оно, иде Иисус**} в пусто место, и ту 
молитву деяше.

Конец четвертку.

36 И гнаша его симон и иже с ним, и 
обретше его, 37 Глаголаша ему: яко вси тебе 
ищут. 38 И глагола им: идем в ближния веси 
и грады, да и ту проповем: на сие бо изыдох. 39 
И бе проповедая на сонмищах их, во всей галилеи: 
и бесы изгоня. 40 И прииде к нему прокажен, моля 
его, и на колену припадая пред ним, и глаголя 
ему: яко аще хощеши, можеши мя очистити. 41 
Иисус же милосердовав, простер руку, косну его, и 
глагола ему: хощу, очистися. 42 И рекшу ему, 
абие отиде от него прокажение, и чист бысть. 43 
И запрещ (л. 63) ему, и абие изгна его. 44 
И глагола ему: блюди, никомуже ничесоже рцы: но 
шед покажися иерееви, и принеси за очищение твое, 
яже повеле моисей, во свидетельство им.

Конец субботе.

45 Он же изшед начат проповедати много, и 
проносити слово: якоже ктому не мощи ему яве 
во град внити, но вне в пустых местех бе: и 
прихождаху к нему отвсюду.

Глава 2.

(за\ч 7) 1 И вниде паки в 
капернаум*{Неделя 2 поста: Во время оно, 
вниде Иисус в капернаум*} по днех, и слышано 
бысть, яко в дому есть. 2 И абие собрашася 
мнози, якоже ктому не вмещатися ни при дверех: и 
глаголаше им слово. [5] 3 И приидоша к нему, 
носяще разслабленна [жилами], носима четырми. 4 И не 
могущим приближитися к нему народа ради, открыша 
покров идеже бе: и прокопавше свесиша одр, на 
немже разслабленный лежаше. 5 Видев же Иисус веру 
их, глагола разслабленному: чадо, отпущаются тебе 
греси твои. 6 Бяху же нецыи от книжник ту 
седяще, и помышляюще в сердцах своих: 7 Что сей 
тако глаголет хулы? кто может оставляти грехи, 
токмо един Бог? 8 И абие разумев Иисус Духом 
своим, (л. 63 об.) яко тако тии помышляют в 
себе, рече им: что сия помышляете в сердцах 
ваших? 9 Что есть удобее рещи разслабленному: 
отпущаются тебе греси? или рещи: востани, и 
возми одр твой и ходи? 10 Но да увесте, 
яко власть имать Сын человеческий на земли 
отпущати грехи, [глагола разслабленному:] 11 Тебе 
глаголю, востани, и возми одр твой, и иди в 
дом твой. 12 И воста абие, и взем одр 
изыде пред всеми, яко дивитися всем, и 
славити Бога, глаголющим: яко николиже тако 
видехом.

Конец недели.

(за\ч 8) [6] 13 И изыде паки к морю: 
и весь народ идяше к нему, и учаше их. 14 
И мимогрядый*{Суббота 3 поста: Во время 
оно, мимогрядый Иисус*} виде левию алфеова, 
седяща на мытнице, и глагола ему: по мне гряди. 
и востав в след его иде. 15 И бысть 
возлежащу ему в дому его, и мнози мытари и 
грешницы возлежаху со Иисусом, и со ученики его: 
бяху бо мнози, и по нем идоша. 16 И книжницы и 
фарисее, видевше его ядуща с мытари и 
грешники, глаголаху учеником его: что яко с 
мытари и грешники яст и пиет? 17 И слышав 
Иисус глагола им: не требуют здравии врача, но 
болящии: не приидох призвати праведники, но грешники 
на покаяние.

Конец субботе. (л. 64)

(за\ч 9) 18 И бяху ученицы иоанновы 
и фарисейстии постящеся: и приидоша, и глаголаша 
ему:*{Пяток 12 недели: Во время оно, 
бяху ученицы иоанновы и фарисейстии постящеся, и 
приидоша и глаголаша Иисусу*} почто ученицы 
иоанновы и фарисейстии постятся, а твои ученицы 
не постятся? 19 И рече им Иисус: еда могут 
сынове брачнии, дондеже жених с ними есть, 
поститися? елико время с собою имут жениха, не 
могут поститися. 20 Приидут же дние, егда 
отимется от них жених, и тогда постятся в тыя 
дни. 21 И никтоже приложения плата небелена 
пришивает к ризе ветсе: аще ли же ни, @возмет 
конец его новое от ветхаго, и горши дира 
будет@{@отторгнет приставление его новое [нечто] 
от ветхаго, и горша дира будет@}. 22 И никтоже 
вливает вина нова в мехи ветхи: аще ли же ни, 
просадит вино новое мехи, и вино пролиется, и 
меси погибнут: но вино новое в мехи новы влияти * 
*{*подобает*}.

Конец пятку.

(за\ч 10) 23 И бысть мимоходити 
ему**{Суббота 1 поста: Во время оно, 
идяше Иисус**} в субботы сквозе сеяния, и 
начаша ученицы его путь творити, востерзающе 
класы. 24 И фарисее глаголаху ему: виждь, что 
творят в субботы, еже не достоит? 25 И той 
глаголаше им: несте ли николиже чли, что сотвори 
Давид, егда требование име, и взалка сам, и 
иже с ним? 26 Како вниде в дом Божий при 
авиафаре архиереи, и хлебы предложения снеде, 
ихже (л. 64 об.) не достояше ясти, токмо 
иереем, и даде и сущим с ним? 27 И глаголаше 
им: суббота человека ради бысть, а не человек 
субботы ради. 28 Темже Господь есть Сын 
человеческий и субботе.

Глава 3.

[7] 1 И вниде паки в сонмище: и бе тамо 
человек суху имый руку. 2 И назираху его, аще 
в субботы исцелит его, да нань возглаголют. 3 
И глагола человеку суху имущему руку: стани 
посреде. 4 И глагола им: достоит ли в субботы 
добро творити, или зло творити? душу спасти, или 
погубити? они же молчаху. 5 И воззрев на них со 
гневом, скорбя о окаменении сердец их, глагола 
человеку: простри руку твою. и простре: и 
утвердися рука его цела, яко другая.

Конец субботе.

(за\ч 11) 6 И изшедше фарисее, абие со 
иродианы совет творяху нань,*{Понедельник 
13 недели: Во время оно, совет сотвориша 
фарисее на Иисуса со иродианы,*} како его 
погубят. 7 Иисус же отиде со ученики своими к 
морю: и мног народ от галилеи по нем иде, и от 
иудеи, 8 И от иерусалима, и от идумеи, и со 
онаго полу иордана, и от тира и сидона, 
множество многое: слышавше елика творяше, [и] 
приидоша к нему. 9 И рече (л. 65) учеником 
своим, да корабль будет у него, народа ради, да 
не стужают ему. 10 Многи бо исцели, якоже 
нападати @ем@{@на него@}, да ему прикоснутся, 
елицы имеяху раны. 11 И дуси нечистии, егда 
видяху его, припадаху к нему и зваху, глаголюще: 
яко ты еси Сын Божий. 12 И много прещаше им, 
да не явленна его сотворят.

Конец понедельнику.

(за\ч 12) [8] 13 И взыде*{Вторник 
13 недели: Во время оно, взыде Иисус*} 
на гору, и призва ихже хотяше сам: и приидоша к 
нему. 14 И сотвори дванадесяте, да будут с ним, 
и да посылает их проповедати, 15 И имети 
власть целити недуги, и изгонити бесы. 16 И 
нарече симону имя, петр: 17 И иакова зеведеова, 
и иоанна брата иаковля: и нарече има имена 
воанергес, еже есть сына громова. 18 И 
андреа, и филиппа, и варфоломеа, и матфеа, и фому, 
и иакова алфеова, и фаддеа, и симона кананита: 
19 И иуду искариотскаго, иже и предаде его.

Конец вторнику.

(за\ч 13) 20 И приидоша**{Среда 13 
недели: Во время оно, прииде Иисус**} в 
дом, и собрася паки народ, яко не мощи им ни 
хлеба ясти. 21 И слышавше иже бяху у него, 
изыдоша, да имут его: глаголаху бо, яко 
неистов есть. 22 И книжницы, иже от иерусалима 
низшедшии, глаголаху: яко (л. 65 об.) веелзевула 
имать, и яко о князе бесовстем изгонит 
бесы. 23 И призвав их, в притчах глаголаше 
им: како может сатана сатану изгонити? 24 И 
аще Царство на ся разделится, не может стати Царство 
то. 25 И аще дом на ся разделится, не может 
стати дом той. 26 И аще сатана воста на ся сам, 
и разделися: не может стати, но конец имать. 27 
Никтоже может сосуды крепкаго, вшед в дом его, 
расхитити, аще не первее крепкаго свяжет, и тогда 
дом его расхитит.

Конец среде.

(за\ч 14) 28 *{Четверток 13 недели: 
Рече Господь:*} Аминь глаголю вам: яко вся 
отпустятся согрешения сыном человеческим, и 
хуления, елика аще восхулят. 29 А иже 
восхулит на Духа святаго, не имать отпущения во 
веки, но повинен есть вечному суду: 30 Зане 
глаголаху: духа нечистаго имать. 31 Приидоша убо 
Мати и братия его, и вне стояще, послаша к нему 
зовуще его. 32 И седяше народ о нем: реша же 
ему: се Мати твоя, и братия твоя, и сестры твоя, 
вне ищут тебе. 33 И отвеща им, глаголя: кто 
есть Мати моя, или братия моя? 34 И соглядав 
окрест себе седящия, глагола: се Мати моя, и 
братия моя: 35 Иже бо аще сотворит волю Божию, 
сей брат мой, и сестра моя, и Мати ми есть.

Конец четвертку. (л. 66)

Глава 4.

(за\ч 15) 1 И паки начат*{Пяток 
13 недели: Во время оно, начат Иисус*} 
учити при мори: и собрася к нему народ мног, 
якоже самому влезшу в корабль седети в мори, и 
весь народ при мори на земли бяше. 2 И учаше 
их притчами много, и глаголаше им во учении 
своем: [9] 3 Слышите, се изыде сеяй сеяти. 4 И 
бысть егда сеяше, ово паде на пути: и приидоша 
птицы, и позобаша е. 5 Другое же паде на камени, 
идеже не имяше земли многи: и абие прозябе, зане 
не имяше глубины земныя. 6 Солнцу же возсиявшу 
присвяде, и зане не имяше корене, изсше. 7 И 
другое паде в тернии, и взыде терние, и подави 
е, и плода не даст. 8 И другое паде на земли 
добрей, и даяше плод восходящ и растущ: и 
приплодоваше на тридесять, и на шестьдесят, и на сто. 
9 И глаголаше: имеяй уши слышати, да слышит.

Конец пятку.

(за\ч 16) 10 Егда же бысть един, 
вопросиша его иже бяху с ним со 
обеманадесяте**{Понедельник 14 недели: Во 
время оно, приступиша ученицы ко Иисусу на 
едине, и вопросиша его**} о притчи. 11 И 
глаголаше им: вам [есть] дано ведати тайны 
Царствия Божия, онем же внешним, в притчах вся 
бывают. 12 Да видяще видят, и не узрят: и (л. 
66 об.) слышаще слышат, и не разумеют: да не 
когда обратятся, и оставятся им греси. 13 И 
глагола им: не весте ли притчи сея? и како вся 
притчи разумеете? 14 Сеяй, слово сеет. 15 Сии 
же суть, иже на пути, идеже сеется слово: и 
егда услышат, абие приидет сатана, и отимет 
слово сеянное в сердцах их. 16 И сии суть 
такожде, иже на каменных сеемии: иже егда 
услышат слово абие с радостию приемлют е. 
17 И не имут корения в себе, но привременни 
суть: таже бывши печали, или гонению словесе ради, 
абие соблажняются. 18 А сии суть, иже в тернии 
сеемии: слышащии слово. 19 И печали века сего, и 
лесть богатства, и о прочих похотию входяще 
подавляют слово, и безплодно бывает. 20 И сии 
суть, иже на земли добрей сеяннии, иже слышат 
слово, и приемлют: и плодствуют на тридесять, и на 
шестьдесят, и на сто. 21 И глаголаше им: еда 
светильник @приходит@{@вжигают@}, да под спудом 
положат его, или под одром? не да ли на 
свещнице положен будет? 22 Несть бо тайно, еже 
не явится: ниже бысть потаено, но да приидет в 
явление. 23 Аще кто имать уши слышати, да 
слышит.

Конец понедельнику.

(вто\р) (за\ч 17) 24 И глаголаше 
им:*{Вторник 14 недели: Рече Господь своим 
учеником.*} блюдите, что слышите: в нюже 
меру мерите, возмерится вам, и (л. 67) 
приложится вам слышащим. 25 Иже бо аще имать, 
дастся ему: а иже не имать, и еже имать, 
отимется от него. 26 И глаголаше: тако есть [и] 
Царствие Божие, якоже человек вметает семя в 
землю, 27 И спит, и востает нощию, и днию, и 
семя прозябает и растет, якоже не весть он. 
28 В себе бо земля плодит прежде траву, потом 
клас, таже исполняет пшеницу в класе. 29 Егда 
же созреет плод, абие послет серп, яко наста 
жатва. 30 И глаголаше: чесому уподобим Царствие 
Божие? или коей притчи приложим е? 31 Яко 
зерно горушично, еже егда всеяно будет в 
земли, мнее всех семен есть земных. 32 И 
егда всеяно будет, возрастет, и будет боле 
всех зелий, и сотворит ветви велия, яко мощи 
под сению его птицам Небесным витати. 33 И 
таковыми притчами многими глаголаше им слово, 
якоже можаху слышати: 34 Без притчи же не 
глаголаше им словесе, особь же учеником своим 
сказаше вся.

Конец вторнику.

(за\ч 18) 35 И глагола им в той день 
вечеру бывшу:*{Среда 14 недели: Рече Господь 
своим учеником:*} прейдем на он пол. 36 
И отпущше народы, пояша его, якоже бе в 
корабли: и инии же корабли бяху с ним. [10] 37 И 
бысть буря ветрена велика: волны же вливахуся в 
корабль, яко уже погружатися ему. 38 И бе 
сам на корме, на (л. 67 об.) возглавнице спя. и 
возбудиша его, и глаголаша ему: учителю, не 
радиши ли, яко погибаем? 39 И востав запрети 
ветру, и рече морю: молчи, престани. и улеже 
ветр, и бысть тишина велия. 40 И рече им: что 
тако страшливи есте? како не имате веру? 41 И 
убояшася страхом велиим, и глаголаху друг ко 
другу: кто убо сей есть, яко и ветр и 
море послушают его?

Конец среде.

Глава 5.

(за\ч 19) 1 И приидоша*{Четверток 
14 недели: Во время оно, прииде Иисус*} на 
он пол моря во страну гадаринскую. 2 И излезшу 
ему из корабля, абие срете его от гроб 
человек в дусе нечисте: 3 Иже жилище имяше во 
гробех, и ни веригами никтоже можаше его связати: 
4 Зане ему многажды путы, и ужи [железны] 
связану сущу, и растерзатися от него ужем 
[железным], и путом сокрушатися: и никтоже можаше 
его @умучити@{@укротити@}. 5 И выну нощь и 
день во гробех, и в горах бе вопия, и толкийся 
камением. 6 Узрев же Иисуса издалеча, тече, и 
поклонися ему. 7 И возопив гласом велиим, рече: 
что мне и тебе Иисусе, Сыне Бога вышняго? заклинаю 
тя Богом, не мучи мене. [11] 8 Глаголаше бо ему: 
изыди душе нечистый от человека. 9 И вопрошаше 
его: что ти есть имя, и отвеща глаголя: 
легеон имя мне, яко (л. 68) мнози есмы. 10 
И молиша его много, да не послет их вне 
страны. 11 Бе же ту при горе стадо свиное велие 
пасомо. 12 И молиша его вси беси глаголюще: 
посли ны во свиния, да в ня внидем. 13 И повеле 
им абие Иисус: и изшедше дуси нечистии внидоша 
во свиния: и устремися стадо по брегу в море: 
бяху же яко две тысящи, и утопаху в мори: 14 
Пасущии же свиния бежаша, и возвестиша во граде, и 
в селех: и изыдоша видети, что есть бывшее? 
15 И приидоша ко Иисусови, и видеша бесновавшагося 
седяща, и оболчена, и смысляща, имевшаго легеон: 
и убояшася. 16 Поведаша же им видевшии, како 
бысть бесному, и о свиниях. 17 И начаша молити 
его, отити от предел их. 18 И влезшу ему 
в корабль, моляше его бесновавыйся, да бы был с 
ним. 19 Иисус же не даст ему, но рече ему: 
иди в дом твой ко твоим, и возвести им, 
елика ти Господь сотвори, и помилова тя. 20 И иде, 
и нача проповедати в десяти градех, елика 
сотвори ему Иисус. и вси дивляхуся.

Конец четвертку.

(за\ч 20) [12] 21 И прешедшу Иисусу в 
корабли паки на он пол, собрася народ мног @о 
нем@{@к нему@}, и бе при мори. 22 И се 
прииде*{Пяток 14 недели: Во время оно, 
прииде ко Иисусу*} един от архисинагог, 
именем иаир: и видев его, паде при ногу 
его. 23 И моляше его (л. 68 об.) много, 
глаголя: яко дщи моя на кончине есть, да пришед 
возложиши на ню руце, яко да спасется, и жива 
будет. 24 И иде с ним:

(за\ч 21) И по нем*{Понедельник 
15 недели: Во время оно, по Иисусе*} идяху 
народи мнози, и угнетаху его.

Преступи пятку.

[13] 25 И жена некая сущи в точении крове 
лет дванадесяте: 26 И много пострадавши от мног 
врачев, и издавши своя вся, и ни единыя пользы 
обретши, но паче в горшее пришедши: 27 Слышавши о 
Иисусе, пришедши в народе созади, прикоснуся ризе 
его. 28 Глаголаше бо: яко аще прикоснуся ризам 
его, спасена буду. 29 И абие изсякну источник 
крове ея: @и разуме@{@и ощути@} телом, яко 
исцеле от раны. 30 И абие Иисус разуме в себе 
силу изшедшую от него, и обращся в народе, 
глаголаше: кто прикоснуся ризам моим? 31 И 
глаголаху ему ученицы его: видиши народ 
угнетающ тя, и глаголеши: кто ся прикосну мне? 
32 И обглядаше видети сотворшую сие. 33 Жена же 
убоявшися и трепещущи, ведящи еже бысть ей, 
прииде и припаде к нему, и рече ему всю истину. 
34 Он же рече ей: дщи, вера твоя спасе тя. 
иди в мире, и буди цела от раны твоея.

Конец понедельнику.

35 Еще ему глаголющу, (л. 69)

Чти пятку:

и приидоша от архисинагога, глаголюще: яко 
дщи твоя умре, что еще движеши учителя? 36 
Иисус же абие слышав слово глаголемое, глагола 
архисинагогови: не бойся, токмо веруй. 37 И не 
остави по себе ни единаго ити, токмо петра, и 
иакова, и иоанна брата иаковля. 38 И прииде в 
дом архисинагогов, и виде молву, плачущияся и 
кричащия много. 39 И вшед глагола им: что 
молвите и плачетеся? отроковица несть умерла, но 
спит. 40 И ругахуся ему: он же изгнав вся, 
поят отца отроковицы и матерь, и иже беху с 
ним, и вниде идеже бе отроковица лежащи. 41 И 
ем за руку отроковицу, глагола ей: талифа 
куми: еже есть сказаемо, девице, [тебе глаголю] 
востани. 42 И абие воста девица, и хождаше: бе 
бо лет двоюнадесяте: и ужасошася ужасом 
велиим. 43 И запрети им много, да никтоже 
увесть сего. и рече: дадите ей ясти.

Глава 6.

(за\ч 22) 1 И изыде оттуду, и 
прииде*{Вторник 15 недели: Во время оно, 
прииде Иисус*} во отечествие свое: и по нем 
идоша ученицы его.

Конец пятку.

2 И бывши субботе начат на сонмищи учити, и 
мнози слышащии дивляхуся, глаголюще: откуду (л. 69 
об.) сему сия? и что премудрость даная ему, и 
силы таковы рукама его бывают? 3 Не сей ли есть 
тектон, Сын Мариин, брат же иакову, и иосии, и 
иуде, и симону? и не сестры ли его зде суть в 
нас? и блажняхуся о нем. 4 Глаголаше же им 
Иисус: яко несть пророк без чести, токмо во 
отечествии своем, и в сродстве, и в дому 
своем. 5 И не можаше ту ни единыя силы 
сотворити, токмо мало недужных, возложь руце, 
исцели. 6 И дивляшеся за неверствие их: и 
обхождаше веси окрест, учя.

(за\ч 23) 7 И призва*{Среда 15 
недели: Во время оно, призва Иисус*} 
обанадесяте, и начат их посылати два два: и 
даяше им власть над духи нечистыми.

Конец вторнику.

8 И заповеда им, да ничесоже возмут на 
путь, токмо жезл един: ни пиры, ни хлеба, ни при 
поясе меди: 9 Но обувени в сандалия: и не 
облачитися в две ризе. 10 И глаголаше им: 
идеже аще внидете в дом, ту пребывайте, дондеже 
изыдете оттуду. 11 И елицы аще не приимут вы, 
ниже послушают вас, исходяще оттуду, оттрясите 
прах, иже под ногами вашими, во свидетельство 
им. аминь глаголю вам: отраднее будет содомом 
и гоморром в день судный, неже граду тому. 12 И 
изшедше проповедаху, да покаются: 13 И (л. 70) 
бесы многи изгоняху, и мазаху маслом многи 
недужныя, и исцелеваху.

Конец среде.

(за\ч 24) [15] 14 И услыша царь 
ирод,*{Августа 29, на усекновение 
предтечи, на литургии: Во время оно, слыша ирод 
царь слух Иисусов*} [яве бо бысть имя 
его,] и глаголаше: яко иоанн крестяй от 
мертвых воста, и сего ради силы деются о нем. 
15 Инии глаголаху, яко илиа есть, инии же 
глаголаху, яко пророк есть, или яко един 
от пророк. 16 Слышав же ирод рече: яко 
егоже аз усекнух иоанна, той есть: той 
воста от мертвых. 17 Той бо ирод послав ят 
иоанна, и связа его в темнице, иродиады ради, 
жены филиппа брата своего, яко оженися ею. 18 
Глаголаше бо иоанн иродови: не достоит тебе 
имети жену [филиппа] брата твоего. 19 Иродиа же 
гневашеся на него, и хотяше его убити. и не 
можаше. 20 Ирод бо бояшеся иоанна, ведый его 
мужа праведна и свята, и соблюдаше его: и послушав 
его, многа творяше, и в сладость его послушаше. 
21 И приключшуся дни @потребну@{@удобну@}, егда 
ирод рождеству своему вечерю творяше князем 
своим, и тысящником, и старейшинам галилейским: 
22 И вшедши дщерь тоя иродиады, и плясавши, и 
угождши иродови, и возлежащим с ним, рече царь 
девице: проси у мене, еже аще хощеши, и дам 
ти. 23 И клятся ей: яко аще (л. 70 об.) 
попросиши у мене, дам ти, и до полцарствия моего. 
24 Она же изшедши рече матери своей: чесо прошу? 
она же рече: главу иоанна крестителя. 25 И 
вшедши абие со тщанием к царю, проси глаголющи: 
хощу, да ми даси @от него@{@абие@} на блюде главу 
иоанна крестителя. 26 И прискорбен быв царь, 
клятвы же ради, и за возлежащих с ним, не восхоте 
отрещися ея. 27 И абие послав царь спекулатора, 
повеле принести главу его. он же шед 
усекну его в темнице. 28 И принесе главу 
его на блюде, и даде ю девице: и девица даде 
ю матери своей. 29 И слышавше ученицы его 
приидоша, и взяша труп его, и положиша его во 
гробе.

(за\ч 25) 30 И собрашася*{Четверток 
15 недели: Во время оно, собрашася*} апостоли 
ко Иисусу, и возвестиша ему вся: и елика 
сотвориша, и научиша.

Конец усекновению.

31 И рече им: приидите вы сами в пусто 
место *едини*{*особь*}, и почийте мало. бяху бо 
приходящии, и отходящии мнози: и ни ясти им бе 
когда. 32 И идоша в пусто место кораблем 
едини. 33 И видеша их идущя, и познаша их 
мнози: и пеши от всех градов стицахуся тамо, и 
предвариша их, и снидошася к нему. 34 И изшед, 
виде Иисус народ мног, и милосердова о них: 
зане бяху яко овцы не имущия пастыря: и начат 
их учити много. [16] 35 И уже часу многу 
бывшу, (л. 71) приступльше к нему ученицы его, 
глаголаша: яко пусто есть место, и уже час 
мног. 36 Отпусти их, да шедше во окрестных 
селех и весех, купят себе хлебы, не имут бо 
чесо ясти. 37 Он же отвещав рече им: 
дадите им вы ясти. и глаголаша ему: да шедше 
купим двема стома пенязь хлебы, и дамы им 
ясти. 38 Он же рече им: колико хлебы имате? 
идите и видите. и уведевше, глаголаша: пять 
[хлеб], и две рыбе. 39 И повеле им посадити 
вся @на споды, на споды@{@во округ@}, на траве 
зелене. 40 И возлегоша *на лехи, на лехи*{*на 
кучи*}, по сту и по пятидесят. 41 И прием пять 
хлеб и две рыбе, воззрев на Небо, благослови, и 
преломи хлебы: и даяше учеником своим, да 
предлагают пред ними: и обе рыбе раздели 
всем. 42 И ядоша вси, и насытишася. 43 И взяша 
укрухи дванадесяте коша исполнь: и от рыбу. 44 
Бяше же ядших хлебы, яко пять тысящ мужей.

(за\ч 26) 45 И абие понуди*{Пяток 
15 недели: Во время оно, понуди Иисус*} 
ученики своя внити в корабль, и 
@варити@{@предварити@} его на оном полу к 
вифсаиде, дондеже сам отпустит народы.

Конец четвертку.

[17] 46 *И отрекся им*{*И отпустив я*}, 
иде в гору помолитися. 47 И вечеру бывшу, бе 
корабль посреде моря, и сам един на земли. 48 
И виде их страждущих в плавании, [бе бо ветр 
противен им:] и о (л. 71 об.) четвертей стражи 
нощней прииде к ним, по морю ходяй: и хотяше 
минути их. 49 Они же видевше его ходяща по 
морю, мняху призрак быти: и возопиша. 50 Вси бо 
его видеша, и смутишася. и абие глагола с ними, 
и рече им: дерзайте, аз есмь, не бойтеся. 51 
И вниде к ним в корабль, и улеже ветр: и 
зело излиха в себе ужасахуся, и дивляхуся. 52 
Не разумеша бо о хлебех: бе бо сердце их 
окаменено. 53 И прешедше приидоша в землю 
генисаретску: и присташа.

Конец пятку.

(за\ч 27) 54 И изшедшим им из 
корабля, абие познаша его.*{Понедельник 16 
недели: Во время оно, изшедшу Иисусови из 
корабля, познаша его мужие земли генисаретски:*} 
55 Обтекше всю страну ту, начаша на одрех 
приносити болящия, идеже слышаху, яко ту есть. 
56 И аможе аще вхождаше в веси, или во грады, 
или села, на распутиях полагаху недужныя: и моляху 
его, да поне воскрилию ризы его прикоснутся: и 
елицы аще прикасахуся ему, спасахуся.

Глава 7.

1 И собрашася к нему фарисее, и нецыи от 
книжник, пришедшии от иерусалима: 2 И видевше 
некия от ученик его нечистыми руками, сиречь 
неумовенными, ядущих хлебы: ругахуся. 3 Фарисее 
бо и вси иудее, аще не @трыюще@{@до лакот@} (л. 
72) умыют рук, не ядят, держаще предания 
старец. 4 И от торжища аще не покуплются, не 
ядят. и ина многа суть, яже прияша держати, 
погружения сткляницам, и чваном, и котлом, и 
одром.

(за\ч 28) [18] 5 Потом же вопрошаху 
его*{Вторник 16 недели: Во время оно, 
вопрошаху Иисуса*} фарисее и книжницы: почто 
ученицы твои не ходят по преданию старец, но 
неумовенными руками ядят хлеб? 6 Он же 
отвещав рече им: яко добре пророчествова 
исаиа о вас лицемерех, якоже есть писано: 
сии людие устнами мя чтут, сердце же их далече 
отстоит от мене. 7 Всуе же чтут мя, учаще 
учением, заповедем человеческим. 8 Оставльше 
бо заповедь Божию, держите предания человеческая:

Конец понедельнику.

@крещения@{@омовения@} чваном и сткляницам, и 
ина подобна такова многа творите. 9 И глаголаше 
им: добре отметаете заповедь Божию, да предание 
ваше соблюдете. 10 Моисей бо рече: чти отца 
твоего и матерь твою, и иже злословит отца или 
матерь, смертию да умрет. 11 Вы же глаголете: 
аще речет человек отцу или матери, корван, 
[еже есть дар,] *иже аще*{*имже бы*} 
пользовался еси от мене. 12 И не ктому 
оставляете его ничесоже сотворити отцу своему 
или матери своей, 13 Преступающе слово Божие 
преданием вашим, еже предасте: и подобна такова 
многа творите. (л.72 об.)

(за\ч 29) 14 И призвав*{Среда 16 
недели: Во время оно, призвав Иисус*} весь 
народ, глаголаше им: послушайте мене вси, и 
разумейте. 15 Ничесоже есть внеуду человека 
входимо вонь, еже может осквернити его: но 
исходящая от него, та суть сквернящая человека. 
16 Аще кто имать уши слышати, да слышит.

Конец вторнику.

17 И егда вниде в дом от народа, вопрошаху 
его ученицы его о притчи. 18 И глагола 
им: тако ли и вы неразумливи есте? не разумеете 
ли, яко все [еже] извну входимое в человека, не 
может осквернити его? 19 Яко не входит ему 
в сердце, но во чрево, и афедроном исходит, 
истребляя вся брашна. 20 Глаголаше же, яко 
исходящее от человека, то сквернит человека. 21 
Изутрьуду бо от сердца человеческа помышления 
злая исходят: прелюбодеяния, любодеяния, 
убийства, 22 Татьбы, лихоимства, [обиды,] 
лукавствия, лесть, студодеяния, око лукаво, хула, 
гордыня, безумство. 23 Вся сия злая изутрь 
исходят, и сквернят человека.

(ср\де) (за\ч 30) 24 И оттуду востав 
иде**{Четверток 16 недели: Во время оно, 
прииде Иисус**} в пределы тирски и сидонски:

Конец среде.

и вшед в дом, никогоже хотяше, да бы его 
чул: и не може утаитися. [19] 25 Слышавши бо 
жена (л. 73) о нем, еяже дщи имяше дух 
нечист, пришедши припаде к ногама его: 26 [Жена 
же бе еллинска, сирофиникисса родом:] и моляше 
его, да беса изженет из дщере ея. 27 Иисус 
же рече ей: остави, да первее насытятся чада: 
несть бо добро отяти хлеба чадом, и поврещи 
псом. 28 Она же отвещавши, глагола ему: ей 
Господи, ибо [и] пси под трапезою ядят от крупиц 
детей. 29 И рече ей: за сие слово иди, изыде 
бес из дщере твоея. 30 И шедши в дом свой, 
обрете беса изшедша, и дщерь лежащу на одре.

Конец четвертку.

(за\ч 31) [20] 31 И паки 
изшед*{Суббота 4 поста: Во время оно, 
изшед*} Иисус от предел тирских и 
сидонских, прииде на море галилейско, между пределы 
декапольски. 32 И приведоша к нему глуха и гугнива, 
и моляху его, да возложит нань руку. 33 И поем 
его от народа @единаго@{@особь@}, вложи персты 
своя во уши его: и плюнув, косну его в 
язык. 34 И воззрев на небо, воздохну, и глагола 
ему: еффафа, еже есть, разверзися. 35 И 
абие разверзостася слуха его, и разрешися уза 
языка его, и глаголаше право. 36 И запрети им, 
да никомуже поведят. елико же им той запрещаше, 
паче излиха проповедаху. 37 И преизлиха дивляхуся, 
глаголюще: добре все творит, и глухия творит 
слышати, и немыя глаголати.

Конец субботе. (л. 73 об.)

Глава 8.

(за\ч 32) [21] 1 В тыя дни*{Пяток 
16 недели: Во время оно,*} зело многу 
народу сущу, и не имущем чесо ясти, призвав 
Иисус ученики своя, глагола им: 3 Милосердую о 
народе, яко уже три дни приседят мне, и не 
имут чесо ясти: 3 И аще отпущу их не ядша 
в домы своя, ослабеют на пути: мнози бо от них 
издалеча пришли [суть]. 4 И отвещаша ему 
ученицы его: откуду сих возможет кто зде 
насытити хлеба в пустыни? 5 И вопроси их: 
колико имате хлебы? они же реша: седмь. 6 И 
повеле народу возлещи на земли: и прием седмь 
хлебы, хвалу воздав, преломи, и даяше учеником 
своим, да предлагают: и предложиша пред народом. 
7 И имяху рыбиц мало: и [сия] благословив, рече 
предложити и тыя. 8 Ядоша же и насытишася: и 
взяша избытки укрух, седмь кошниц: 9 [Бяху же 
ядших яко четыре тысящи:] и отпусти их. 10 
И абие влез в корабль со ученики своими, 
прииде во страны далмануфански.

Конец пятку.

(за\ч 33) 11 И изыдоша фарисеи, и 
начаша стязатися с ним,**{Понедельник 30 
недели: Во время оно, изыдоша фарисеи, и начаша 
стязатися со Иисусом,**} ищуще от него знамения 
с небесе, искушающе (л. 74) его. 12 И 
воздохнув Духом своим, глагола: что род сей 
знамения ищет? аминь глаголю вам: аще дастся 
роду сему знамение. 13 И оставль их, влез 
паки в корабль, [и] иде на он пол. 14 И 
забыша ученицы его взяти хлебы, и разве 
единаго хлеба не имяху с собою в корабли. 15 
И прещаше им, глаголя: зрите, блюдитеся от кваса 
фарисейска, и от кваса иродова. 16 И помышляху, 
друг ко другу глаголюще: яко хлебы не имамы. 17 
И разумев Иисус глагола им: что помышляете, 
яко хлебы не имате? не у ли чуете, ниже 
разумеете? еще ли окаменено сердце ваше имате? 
18 Очи имуще, не видите: и уши имуще, не 
слышите: и не помните ли, 19 Егда пять хлебы 
преломих в пять тысящ, колико кош исполнь 
укрух приясте? глаголаша ему, дванадесять. 20 
Егда же седмь в четыре тысящи, колико кошниц 
исполнения укрух взясте? они же реша, седмь. 
21 И глагола им: како не разумеете?

Конец понедельнику.

(за\ч 34) [24] 22 И прииде*{Вторник 
30 недели: Во время оно, прииде Иисус*} в 
вифсаиду: и приведоша к нему слепа, и моляху 
его, да его коснет. 23 И ем за руку 
слепаго, изведе его вон из веси: и плюнув на 
очи его, и возложь руце нань, вопрошаше его: 
аще что видит? 24 И воззрев глаголаше: вижу 
человеки яко древие ходящя. 25 Потом же паки (л. 
74 об.) возложи руце на очи его, и сотвори 
его прозрети: и @утворися@{@исцеле@}, и 
узре светло все. 26 И посла его в дом 
его, глаголя: ни в весь вниди, ни повеждь кому в 
веси.

Конец вторнику.

(за\ч 35) [24] 27 И изыде*{Суббота 
5 поста: Во время оно, изыде*} Иисус и 
ученицы его в веси кесарии филипповы: и на 
пути вопрошаше ученики своя, глаголя им: кого мя 
глаголют человецы быти? 28 Они же отвещаша: 
иоанна Крестителя, и инии илию, друзии же 
единаго от пророк. 29 И той глагола им: вы же 
кого мя глаголете быти? отвещав же петр глагола 
ему: ты еси Христос.

(за\ч 36) 30 И запрети им,**{Среда 
30 недели: Во время оно, запрети Иисус 
учеником своим,**} да никомуже глаголют о 
нем. 31 И начат учити их, яко подобает 
Сыну человеческому много пострадати, и искушену быти 
от старец и архиерей, и книжник: и убиену 
быти, и в{<::рус>В оригинале предлог потерян, 
восстановлен по иным источникам. Прим. <::лат> 
оrthlиb<::слав>} третий день воскреснути.

Конец субботе.

32 И не обинуяся слово глаголаше: и прием 
его петр, начат претити ему. 33 Он же 
обращся, и воззрев на ученики своя, запрети 
петрови, глаголя: иди за мною сатано, яко не 
мыслиши яже [суть] Божия, но яже человеческа. 34 
И призвав народы со ученики своими, рече им: 
(л. 75)

(за\ч 37) *{Неделя 3 поста: Рече 
Господь* Сие же и неделя по воздвижении.} Иже 
хощет по мне ити, да отвержется себе, и возмет 
Крест свой, и по мне грядет.

Конец среде.

35 Иже бо аще хощет душу свою спасти, 
погубит ю: а иже погубит душу свою мене ради и 
евангелиа, той спасет ю. 36 Кая бо польза человеку, 
аще приобрящет мир весь, и оттщетит душу свою? 
37 Или что даст человек измену на души своей? 
38 Иже бо аще постыдится мене, и моих словес, в 
роде сем прелюбодейнем и грешнем, и Сын 
человеческий постыдится его, егда приидет во 
славе отца своего со ангелы святыми.

Глава 9.

1 И глаголаше им: аминь глаголю вам: 
яко суть нецыи от зде стоящих, иже не имут 
вкусити смерти, дондеже видят Царствие Божие пришедшее 
в силе.

Конец недели.

(за\ч 38) [25] 2 И по шести 
днех**{На преображение на угрени: Во время 
оно,**} поят Иисус петра, и иакова, и 
иоанна, и возведе их на гору высоку особь 
едины: и преобразися пред ними. 3 И ризы его 
быша блещащяся, белы зело яко снег, яцех 
(л. 75 об.) же не может белильник убелити на 
земли. 4 И явися им илиа с моисеем, и 
беста со Иисусом глаголюще. 5 И отвещав петр 
глагола Иисусови: равви, добро есть нам зде быти: 
и сотворим кровы три, тебе един, и моисееви 
един, и илии един. 6 Не ведяше бо что рещи: 
бяху бо пристрашни. 7 И бысть облак осеняя 
их, и прииде глас из облака, глаголя: сей 
есть Сын мой возлюбленный, того послушайте. 8 И 
внезапу воззревше, ктому никогоже видеша, токмо 
Иисуса единаго с собою. 9 Сходящим же им с горы 
запрети им, да никомуже поведят яже видеша, 
токмо егда Сын человеческий из мертвых 
воскреснет.

Конец преображению.

(за\ч 39) 10 И слово удержаша в 
себе,*{Четверток 30 недели: Во время оно, 
удержаша в себе ученицы слово Иисусово,*} 
стязающеся: что есть, еже из мертвых 
воскреснути? 11 И вопрошаху его, глаголюще: како 
глаголют книжницы, яко илии подобает приити 
прежде? 12 Он же отвещав рече им: илиа 
убо пришед прежде, устроит вся: и како 
есть писано о Сыне человечестем, да много 
постраждет, и уничижен будет? 13 Но глаголю 
вам, яко и илиа прииде, [и сотвориша ему 
елика хотеша,] якоже есть писано о нем. 14 
И пришед ко учеником, виде народ мног @о 
них@{@окрест их@}, и книжники стязающяся с 
ними. 15 И (л. 76) абие весь народ видев 
его, ужасеся: и пририщуще целоваху его. 16 
И вопроси книжники: что стязаетеся @к себе@{@с 
ними@}?

Конец четвертку.

(за\ч 40) [26] 17 И отвещав един от 
народа, рече:*{Неделя 4 поста: Во время 
оно, человек некий прииде ко Иисусови, кланяяся 
ему, и глаголя:*} учителю, приведох сына 
моего к тебе, имуща духа нема. 18 И идеже 
колиждо имет его, разбивает его, и пены 
тещит, и скрежещет зубы своими, и оцепеневает, 
и рех учеником твоим, да изженут его, и не 
возмогоша. 19 Он же отвещав ему глагола: _о 
роде неверен, доколе в вас буду? доколе терплю 
вы? приведите его ко мне. 20 И приведоша его к 
нему: и видев его, абие дух стрясе его: и 
пад на земли, валяшеся пены тещя. 21 И вопроси 
отца его: колико лет есть, отнележе сие 
бысть ему? он же рече, издетска. 22 И 
многажды во огнь вверже его, и в воды, да 
погубит его: но аще что можеши, помози нам, 
милосердовав о нас. 23 Иисус же рече ему: еже 
аще что можеши веровати, вся возможна верующему. 
24 И абие возопив отец отрочате, со слезами 
глаголаше: верую Господи, помози моему неверию. 25 
Видев же Иисус, яко срищется народ, запрети духу 
нечистому, глаголя ему: душе немый и глухий, аз 
ти повелеваю, изыди из него, и ктому не вниди в 
него. 26 И (л. 76 об.) возопив, и много пружався, 
изыде: и бысть яко мертв, якоже мнозем 
глаголати, яко умре. 27 Иисус же ем его за 
руку, воздвиже его: и воста. 28 И вшедшу ему в 
дом, ученицы его вопрошаху его единаго: 
яко мы не возмогохом изгнати его? 29 И рече 
им: сей род ничимже может изыти, токмо молитвою 
и постом. 30 И оттуду изшедше, идяху сквозе 
галилею: и не хотяше, да кто увесть. 31 Учаше 
бо ученики своя, и глаголаше им: яко Сын 
человеческий предан будет в руце человечесте, и 
убиют его: и убиен быв, в третий день 
воскреснет.

Конец недели.

32 Они же не разумеваху глагола, и бояхуся 
его вопросити.

(за\ч 41) [27] 33 И прииде*{Пяток 
30 недели: Во время оно, прииде Иисус и 
ученицы его* Сие и игнатию Богоносцу.} в 
капернаум: и в дому быв, вопрошаше их, что на 
пути в себе помышлясте, 34 Они же молчаху: друг 
ко другу бо стязашася на пути, кто есть болий? 35 
И сед пригласи обанадесяте, и глагола им: аще 
кто хощет старей быти, да будет всех меньший, и 
всем слуга. 36 И приим отроча, постави е 
посреде их, и обем е, рече им: 37 Иже 
аще едино таковых отрочат приимет во имя 
мое, мене приемлет: (л. 77) и иже мене приемлет, 
не мене приемлет, но пославшаго мя. 38 Отвеща 
ему иоанн, глаголя: учителю, видехом некоего 
именем твоим изгоняща бесы, иже не ходит по 
нас: и возбранихом ему, яко не последует 
нам. 39 Иисус же рече, не браните ему: никтоже бо 
есть, иже сотворит силу о имени моем, и 
возможет вскоре злословити мя. 40 Иже бо несть на 
вы, по вас есть. 41 Иже бо аще напоит вы, 
чашу воды во имя мое, яко Христовы есте: аминь 
глаголю вам, не погубит мзды своея.

Конец пятку, и святому.

(за\ч 42) 42 И иже*{Понедельник 
31 недели: Рече Господь: иже*} аще соблазнит 
единаго от малых сих верующих в мя, добрее 
есть ему паче, аще облежит камень жерновный о 
выи его, и ввержен будет в море. 43 И аще 
соблажняет тя рука твоя, отсецы ю: добре ти 
есть @беднику@{@без руки@} в живот внити, неже 
обе руце имущу внити в геенну, во огнь 
неугасающий: 44 Идеже червь их не умирает, и 
огнь не угасает. 45 И аще нога твоя 
соблажняет тя, отсецы ю: добре ти есть внити 
в живот хрому, неже две нозе имущу, ввержену 
быти в геенну, во огнь неугасающий: 46 Идеже 
червь их не умирает, и огнь не угасает. 
47 И аще око твое соблажняет тя, исткни е: 
добре ти есть со единем оком внити в (л. 
77 об.) Царствие Божие, неже две оце имущу 
ввержену быти в геенну огненную: 48 Идеже червь 
их не умирает, и огнь не угасает. 49 
Всяк бо огнем осолится: и всяка жертва солию 
осолится. 50 Добро соль: аще же соль не слана 
будет, чим осолится? имейте соль в себе, и 
мир имейте между собою.

Глава 10.

1 И оттуду воста прейде в пределы 
иудейския, @ @{@чрез страну яже@} об он пол 
иордана. и снидошася паки народи к нему, и яко 
обычай име, паки учаше их.

Конец понедельнику.

(за\ч 43) 2 И приступльше фарисее 
вопросиша его:*{Вторник 31 недели: Во 
время оно, приступльше фарисее вопросиша Иисуса:*} 
аще достоит мужу жену пустити? искушающе его. 3 
Он же отвещав рече им: что вам заповеда 
моисей? [28] 4 Они же реша: моисей повеле 
книгу распустную написати, и пустити. 5 И 
отвещав Иисус рече им: по жестосердию вашему 
написа вам заповедь сию. 6 От зачала же создания, 
мужа и жену сотворил я есть Бог. 7 Сего ради 
оставит человек отца своего и матерь, 8 И 
прилепится к жене своей, и будета оба в плоть 
едину. темже уже неста два, но плоть едина. 
9 Еже убо Бог (л. 78) сочета, человек да не 
разлучает. 10 И в дому паки ученицы его о 
сем вопросиша его. 11 И глагола им:

(за\ч 44) Иже*{Среда 31 недели: 
Рече Господь: иже*} аще пустит жену свою, и 
оженится иною, прелюбы творит на ню. 12 И аще 
жена пустит мужа @ @{@своего@}, и посягнет за 
иного, прелюбы творит.

Конец вторнику.

13 И приношаху к нему дети, да коснется их: 
ученицы же прещаху приносящим. 14 Видев же 
Иисус, негодова, и рече им: оставите детей 
приходити ко мне, и не браните им: тацех бо 
есть Царствие Божие. 15 Аминь глаголю вам: иже 
аще не приимет Царствия Божия яко отроча, не 
имать внити в не. 16 И обем их, возложь 
руце на них, благословляше их.

Конец среде.

(че\к) (за\ч 45) [29] 17 И исходящу 
ему**{Четверток 31 недели: Во время оно, 
исходящу Иисусови**} на путь, притек некий, и 
поклонься на колену ему, вопрошаше его: учителю 
благий, что сотворю, да живот вечный наследствую? 
18 Иисус же рече ему: что мя глаголеши блага? 
никтоже благ токмо един Бог. 19 Заповеди 
веси: не прелюбы сотвориши. не убий. не укради. 
не лжесвидетельствуй. не обиди. чти отца твоего и 
матерь. 20 Он же отвещав рече (л. 78 об.) 
ему: учителю, сия вся сохраних от юности 
моея. 21 Иисус же воззрев нань, возлюби его, и 
рече ему: единаго еси не докончал: иди, 
елика имаши продаждь, и даждь нищим, и имети 
имаши сокровище на небеси: и прииди, и ходи в 
след мене, взем Крест. 22 Он же дряхл быв о 
словеси @ @{@сем@}, отиде скорбя: бе бо имея 
стяжания многа. 23 И воззрев Иисус, глагола 
учеником своим:

(за\ч 46) *{Пяток 31 недели: Рече 
Господь:*} Како неудобь имущии богатство в Царствие 
Божие внидут? 24 Ученицы же ужасахуся о 
словесех его. Иисус же паки отвещав глагола 
им: чада, како неудобь уповающим на богатство в 
Царствие Божие внити? 25 Удобее бо есть вельбуду 
сквозе иглине уши проити, неже богату в 
Царствие Божие внити. 26 Они же излиха дивляхуся, 
глаголюще к себе: то кто может спасен быти? 27 
Воззрев же на них Иисус глагола: от человек не 
возможно, но не от Бога: вся бо возможна суть от Бога.

Конец четвертку.

28 Начат же петр глаголати ему: се мы 
оставихом вся, и в след тебе идохом. 29 
Отвещав же Иисус рече: аминь глаголю вам, 
никтоже есть иже оставил есть дом, или 
братию, или сестры, или отца, или матерь, или 
жену: или чада, или села, мене ради, и евангелиа 
ради: 30 Аще не приимет сторицею ныне во время 
сие, домов, и братий, (л. 79) и сестр, и отца, 
и матере, и чад, и сел, по изгнании, и в век 
грядущий живот вечный. 31 Мнози же будут первии 
последни, и последнии перви. 32 Бяху же на пути 
восходяще во иерусалим, и бе варяя их Иисус, и 
ужасахуся, и во след идуще бояхуся.

Конец пятку.

(за\ч 47) И поем паки*{Неделя 5 
поста: Во время оно, поят Иисус*} 
обанадесять, начат им глаголати яже хотяху 
ему быти: 33 Яко се восходим во иерусалим, и 
Сын человеческий предан будет архиереом и 
книжником: и осудят его на смерть, и предадят 
его языком. 34 И поругаются ему, и уязвят 
его, и оплюют его, и убиют его, и в 
третий день воскреснет. [30] 35 И пред ним 
приидоста иаков и иоанн, сына зеведеева, 
глаголюща: учителю, хощева да еже аще просива, 
сотвориши нама. 36 Он же рече има: что хощета да 
сотворю вама? 37 Она же реста ему: даждь нам, 
да един одесную тебе, и един ошуюю тебе 
сядева во славе твоей. 38 Иисус же рече има: не 
вестася чесо просита. можета ли пити чашу, юже 
аз пию, и крещением, имже аз крещаюся, 
креститися? 39 Она же реста ему, можева. Иисус 
же рече има: чашу убо, юже аз пию, испиета, 
и крещением, имже аз крещаюся, креститася: 40 А 
еже сести одесную мене и ошуюю, несть мне 
дати, но имже (л. 79 об.) уготовано есть. 41 
И слышавше десять, начаша негодовати о иакове и 
иоанне. 42 Иисус же призвав их, глагола им: 
весте, яко мнящиися владети языки, соодолевают 
им, и велицыи их обладают ими. 43 Не тако же 
будет в вас: но иже аще хощет в вас вящший 
быти, да будет вам слуга. 44 И иже аще хощет 
в вас быти старей, да будет всем раб. 45 
Ибо Сын человечь не прииде, да послужат ему: но 
да послужит, и дати Душу свою избавление за многи.

Конец недели.

(за\ч 48) [31] 46 И приидоша во иерихон: 
и исходящу ему*{Понедельник 17 и 32 
недели: Во время оно, исходящу Иисусови*} от 
иерихона, учеником его и народу многу, сын 
тимеов вартимей слепый седяше при пути прося. 47 
И слышав яко Иисус назорянин есть, начат 
звати и глаголати: Сыне Давидов Иисусе, помилуй мя. 48 
И прещаху ему мнози, да умолчит. он же 
множае паче зваше: Сыне Давидов, помилуй мя. 49 И 
став Иисус рече его возгласити. и возгласиша 
слепца, глаголюще ему: дерзай, востани: зовет тя. 
50 Он же отверг ризы своя, востав прииде ко 
Иисусови. 51 И отвещав глагола ему Иисус: что 
хощеши, да сотворю тебе? слепый же глагола ему: 
учителю, да прозрю. 52 Иисус же рече ему: иди, 
вера твоя спасе тя. и абие прозре. и по Иисусе 
иде в путь.

Конец понедельнику. (л. 80)

Глава 11.

(за\ч 49) [32] 1 И егда приближися во 
иерусалим,*{Понедельник мясопустныя недели: Во 
время оно, приближися Иисус во иерусалим, и 
прииде*} в вифсфагию и вифанию к горе 
елеонстей, посла два от ученик своих. 2 И 
глагола им: идита в весь, яже есть прямо 
вама: и абие входяща в ню обрящета жребя 
привязано, на неже никтоже от человек вседе: 
отрешша е приведита. 3 И аще кто вама речет: 
что творита сие, рцыта, яко Господь требует е, и 
абие послет е семо. 4 Идоста же, и обретоста 
жребя привязано при дверех вне на распутии, и 
отрешиста е. 5 И нецыи от стоящих ту 
глаголаху има: что деета отрешающа жребя? 6 
Она же реста им, якоже заповеда има Иисус: 
и оставиша я. 7 И приведоста жребя ко Иисусови: 
возложиша на не ризы своя: и вседе на не. 8 Мнози 
же ризы своя постлаша по пути: друзии же ваиа резаху 
от древия, и постилаху по пути. 9 И предходящии и 
в след грядущии вопияху, глаголюще: осанна, 
благословен грядый во имя Господне. 10 Благословено 
грядущее царство во имя Господне отца нашего Давида: 
осанна в вышних.

(за\ч 50) 11 И вниде во иерусалим 
Иисус,**{Вторник 17 и 32 недели: Во время 
оно, вниде Иисус во Иерусалим**} и в Церковь, 
и соглядав вся: позде уже сущу часу, изыде в 
вифанию со обеманадесяте.

Конец понедельнику. (л. 80 об.)

[33] 12 И наутрия изшедшим им от вифании, 
взалка. 13 И видев смоковницу издалеча, имущу 
листвие, прииде аще убо что обрящет на ней: и 
пришед к ней, ничесоже обрете, токмо листвие: не 
у бо бе время смоквам. 14 И отвещав Иисус 
рече ей: да не ктому от тебе во веки никтоже 
плода снесть: и слышаху ученицы его. 15 И 
приидоша паки во иерусалим: и вшед Иисус в 
церковь, начат изгонити продающия и купующия в 
церкви, и трапезы торжником, и седалища продающих 
голуби испроверже. 16 И не даяше, да кто мимонесет 
сосуд сквозе церковь. 17 И учаше глаголя им: 
несть ли писано, яко храм мой, храм молитвы 
наречется всем языком? вы же сотвористе его 
вертеп разбойником. 18 И слышаша книжницы, и 
архиерее, и искаху, како его погубят: бояху бо 
ся его, яко весь народ дивляшеся о учении 
его. 19 И яко позде бысть, исхождаше вон 
из града. 20 И утро мимоходяще, видеша 
смоковницу изсохшу из корения. 21 И воспомянув 
петр глагола ему: равви, виждь смоковницу, юже 
проклят, усше. 22 И отвещав Иисус, глагола 
им:

(за\ч 51) *{Среда 17 и 32 недели: 
Рече Господь своим учеником:*} Имейте 
веру Божию. 23 Аминь бо глаголю вам, яко иже 
аще речет горе сей, двигнися, и верзися в море: 
и не размыслит в сердце своем, но веру имет, 
яко еже глаголет, бывает: будет ему, еже 
аще речет.

Конец вторнику. (л. 81)

24 Сего ради глаголю вам: вся елика аще 
молящеся просите, веруйте, яко приемлете: и будет 
вам. [34] 25 И егда стоите молящеся, отпущайте, 
аще что имате на кого: да и отец ваш, иже 
есть на Небесех, отпустит вам согрешения ваша. 
26 Аще ли же вы не отпущаете, ни отец ваш, иже 
есть на Небесех, отпустит вам согрешений 
ваших.

Конец среде.

(за\ч 52) [35] 27 И приидоша 
паки*{Четверток 17 и 32 недели: Во время 
оно, прииде Иисус*} во иерусалим: и в церкви 
ходящу ему, приидоша к нему архиерее, и 
книжницы, и старцы, 28 И глаголаша ему: коею 
областию сия твориши? и кто ти область сию 
даде, да сия твориши? 29 Иисус же отвещав, рече 
им: вопрошу вы и аз слово едино, и 
отвещайте ми, и реку вам, коею областию сия 
творю. 30 Крещение иоанново с небесе ли бе, или 
от человек? отвещайте ми. 31 И мысляху в себе, 
глаголюще: аще речем, с небесе: речет: почто 
убо не веровасте ему? 32 Но аще речем: от 
человек, бояхуся людей. вси бо имеяху иоанна, 
яко воистинну пророк бе. 33 И отвещавше 
глаголаша Иисусови: не вемы. и отвещав Иисус 
глагола им: ни аз глаголю вам, коею областию 
сия творю.

Конец четвертку. (л. 81 об.)

Глава 12.

(за\ч 53) [36] 1 И начат им в 
притчах глаголати:*{Пяток 17 и 32 недели: 
Рече Господь притчу сию:*} виноград насади 
человек, и огради оплотом и ископа точило, и 
созда столп, и предаде его 
@тяжателем@{@делателем@}: и отиде. 2 И посла к 
тяжателем во время раба, да от тяжатель приимет 
от плода винограда. 3 Они же емше его биша, и 
послаша тощь. 4 И паки посла к ним другаго раба, 
и того камением бивше пробиша главу ему, и 
послаша безчестна. 5 И паки иного посла, и того 
убиша: и многи ины, овы убо биюще, овы же 
убивающе. 6 Еще убо единаго Сына име 
возлюбленнаго своего, посла и того к ним последи, 
глаголя: яко усрамятся сына моего. 7 Они же 
тяжателе реша к себе: яко сей есть 
наследник, приидите, убием его, и наше будет 
наследствие. 8 И емше его убиша, и 
извергоша его вон из винограда. 9 Что убо 
сотворит Господь винограда? приидет и погубит 
тяжатели, и даст виноград инем. 10 Ни писания ли 
сего чли есте: камень егоже не в ряду сотвориша 
зиждущии, сей бысть во главу угла? 11 От Господа 
бысть сей: и есть дивна во очию нашею. 12 И 
искаху его яти, и убояшася народа, разумеша 
бо, яко к ним притчу рече: и оставльше его 
отидоша.

Конец пятку. (л. 82)

(за\ч 54) [37] 13 И послаша к 
нему*{Понедельник 33 недели: Во время 
оно, послаша ко Иисусу архиерее и старцы 
иудейстии*} некия от фарисей, и иродиан, да 
его обольстят словом. 14 Они же пришедше 
глаголаша ему: учителю, вемы, яко истинен 
еси, и нерадиши ни о комже: не зриши бо на лице 
человеков, но воистинну пути Божию учиши. достоит 
ли кинсон кесареви дати, или ни? дамы ли, или не 
дамы? 15 Он же ведый их лицемерие, рече 
им: что мя искушаете? принесите ми пенязь, да 
вижу. 16 Они же принесоша. и глагола им: чий 
образ сий и написание? они же реша ему: 
кесарев. 17 И отвещав Иисус рече им: 
воздадите кесарева кесареви, и Божия Богови. и 
чудишася о нем.

Конец понедельнику.

(за\ч 55) [38] 18 И приидоша саддукее 
к нему,**{Вторник 33 недели: Во время 
оно, приидоша саддукее ко Иисусу,**} иже 
глаголют воскресению не быти, и вопросиша его, 
глаголюще: 19 Учителю, моисей написа нам: яко 
аще кому брат умрет, и оставит жену, а чад 
не оставит, да поймет брат его жену его, и 
воскресит семя брату своему. 20 Седмь братий бе: 
и первый поят жену, и умирая не остави семене. 
21 И вторый поят ю, и умре: и ни той остави 
семене, и третий такожде. 22 И пояша ю седмь, и 
не оставиша семене: последи же всех умре и 
жена. 23 В воскрешение, егда воскреснут, которому 
их будет жена? седмь бо (л. 82 об.) имеша ю 
жену. 24 И отвещав Иисус рече им: не сего ли 
ради прельщаетеся, не ведуще писания, ни силы Божия? 
25 Егда бо из мертвых воскреснут, ни женятся, 
ни посягают: но суть яко ангели на небесех. 26 
О мертвых же, яко востают, несте ли чли в 
книгах моисеовых, при купине, яко рече ему 
Бог, глаголя: аз Бог авраамов, и Бог исааков, 
и Бог иаковль. 27 Несть Бог мертвых, но Бог 
живых. вы убо мнози прельщаетеся.

Конец вторнику.

(за\ч 56) [39] 28 И приступль един от 
книжник, слышав их стязающяся,*{Среда 33 
недели: Во время оно, приступль ко Иисусу един 
от книжник, и слышав саддукеи стязающяся с 
ним,*} и видев, яко добре отвеща им, 
вопроси его: кая есть первая всех заповедий? 
29 Иисус же отвеща ему: яко первейши всех 
заповедий: слыши Израилю, Господь Бог ваш, Господь един 
есть. 30 И возлюбиши Господа Бога твоего всем 
сердцем твоим, и всею душею твоею, и всем 
умом твоим, и всею крепостию твоею: сия есть 
первая заповедь. и вторая подобна ей: 31 
Возлюбиши ближняго своего яко сам себе. больши 
сею ина заповедь несть. 32 И рече ему 
книжник: добре учителю, воистинну рече, яко 
един есть Бог, и несть ин разве его. 33 
И еже любити его всем сердцем, и всем 
разумом, и всею душею, и всею крепостию: и еже 
любити ближняго яко себе, боле есть всех (л. 
83) всесожжений и жертв. 34 Иисус же видев, яко 
смысленно отвеща, рече ему: не далече еси от 
Царствия Божия. и никтоже смеяше ктому его 
вопросити. 35 И отвещав Иисус глаголаше, [учя 
в церкви:] како глаголют книжницы, яко Христос 
Сын есть Давидов? 36 Той бо Давид рече Духом 
святым: глагола Господь Господеви моему: седи одесную 
мене, дондеже положу враги твоя подножие ногама 
твоима. 37 Сам убо Давид глаголет его Господа: и 
откуду Сын ему есть? и мног народ послушаше 
его в сладость.

Конец среде.

(за\ч 57) 38 И глаголаше им во учении 
своем:*{Четверток 33 недели: Рече Господь 
своим учеником*} блюдитеся от книжник, 
хотящих в одеяниих ходити, и целования на 
торжищах: 39 И преждеседания на сонмищах, и 
первовозлежания на вечерях: 40 Поядающе домы вдовиц, 
и непщеванием далече молящеся, сии приимут лишшее 
осуждение. 41 И сед Иисус прямо сокровищному 
хранилищу, зряше, како народ мещет медь в 
сокровищное хранилище: и мнози богатии вметаху многа. 
42 И пришедши едина вдовица убога, вверже 
лепте две, еже есть кодрант. 43 И призвав 
ученики своя, рече им: аминь глаголю вам, 
яко вдовица сия убогая множае всех вверже 
вметающих в сокровищное хранилище. 44 Вси бо от 
избытка своего ввергоша, сия же от лишения своего, 
вся елика имеяше вверже, все житие свое.

Конец четвертку. (л. 83 об.)

Глава 13.

(за\ч 58) 1 И исходящу 
ему*{Пяток 33 недели: Во время оно, 
исходящу Иисусови*} от церкве, глагола ему 
един от ученик его: учителю, виждь каково 
камение, и какова здания. 2 И отвещав Иисус рече 
ему: видиши ли сия велика здания? не имать остати 
зде камень на камени, иже не разорится. [42] 3 И 
седящу ему на горе елеонстей прямо церкве, 
вопрошаху его единаго петр, и иаков, и 
иоанн, и андрей: 4 Рцы нам, когда сия будут? 
и кое [будет] знамение, егда имут вся сия 
скончатися? 5 Иисус же отвещав им, начат 
глаголати: блюдитеся, да не кто вас прельстит. 6 
Мнози бо приидут во имя мое, глаголюще, яко аз 
есмь: и многи прельстят. 7 Егда же услышите 
брани, и слышания бранем, не ужасайтеся: 
подобает бо быти, но не у кончина. 8 Востанет бо 
язык на язык, и Царство на Царство: и будут 
труси по местам, и будут глади и мятежи, начало 
болезнем сия.

Конец пятку.

(за\ч 59) 9 Блюдитеся 
же**{Понедельник 34 нл\ди: Рече Господь своим 
учеником: блюдитеся**} вы сами: предадят бо 
вы в сонмища, и на соборищах биени будете, и пред 
воеводами и цари ведени будете мене ради, во 
свидетельство им. 10 И во всех языцех 
подобает (л. 84) прежде проповедатися евангелию. 11 
Егда же поведут вы предающе, не прежде пецытеся, 
что возглаголете, ни поучайтеся: но еже аще дастся 
вам в той час, се глаголите: не вы бо будете 
глаголющии, но Дух святый. 12 Предаст же брат брата 
на смерть, и отец чадо: и востанут чада на 
родители, и убиют их. 13 И будете ненавидими 
всеми имене моего ради: претерпевый же до конца, 
сей спасен будет.

Конец понедельнику.

(за\ч 60) 14 Егда же*{Вторник 34 
недели: Рече Господь своим учеником: егда*} 
узрите мерзость запустения, реченную даниилом 
пророком, стоящу идеже не подобает, [чтый да 
разумеет:] тогда сущии во иудеи да бежат на горы. 
15 И иже на крове, да не слазит в дом, ни да 
внидет взяти чесо от дому своего. 16 И иже на 
селе сый, да не возвратится вспять взяти ризу свою. 
17 Горе же непраздным и доящим в тыя дни. 18 
Молитеся же, да не будет бежество ваше зиме. 19 
Будут бо дни тии скорбь, якова не бысть такова от 
начала создания, еже созда Бог, до ныне, и не 
будет. 20 И аще не бы Господь прекратил дний, не бы 
убо спаслася всяка плоть: но избранных ради, 
ихже избра, прекратит дни. 21 Тогда аще кто 
речет вам: се зде Христос, или се онде: не 
имите веры. 22 Востанут бо лжехристи и лжепророцы, 
и дадят знамения и чудеса еже прельстити, аще 
(л. 84 об.) возможно, и избранныя: 23 Вы же 
блюдитеся: се прежде рех вам вся.

Конец вторнику.

(за\ч 61) 24 Но*{Среда 34 недели: 
Рече Господь своим учеником:*} в тыя дни по 
скорби той солнце померкнет, и луна не даст света 
своего. 25 И звезды будут с Небесе спадающе, и 
силы яже на Небесех, подвижутся. 26 И тогда 
узрят Сына человеческаго грядуща на облацех, с 
силою и славою многою. 27 И тогда послет ангелы 
своя, и соберет избранныя своя от четырех ветр, 
от конца земли до конца неба. 28 От смоковницы же 
научитеся притчи: егда уже ветвие ея будет 
младо, и изращает листвие, ведите, яко близ 
есть жатва. 29 Тако и вы, егда сия видите 
бывающа, ведите, яко близ есть при дверех. 30 
Аминь глаголю вам, яко не имать прейти род 
сей, дондеже вся сия будут.

(за\ч 62) **{Четверток 34 недели: 
Рече Господь своим учеником:**} Небо и земля 
прейдет, словеса же моя не прейдут.

Конец среде.

[43] 32 О дни же том, или о часе, никтоже 
весть, ни ангели, иже суть на Небесех, ни Сын, 
токмо отец. 33 Блюдите, бдите, и молитеся: не 
весте бо когда время будет. 34 Якоже человек 
отходя оставль дом свой, и дав рабом своим 
власть, и (л. 85) комуждо дело свое: и вратарю 
повеле, да бдит. 35 Бдите убо, [не весте бо 
когда Господь дому приидет: вечер, или полунощи, 
или в петлоглашение, или утро.] 36 Да не 
пришед внезапу, обрящет вы спящя. 37 А яже 
вам глаголю, всем глаголю: бдите.

Глава 14.

1 Бе же пасха, и опресноцы по двою днию. 
и искаху архиерее и книжницы, како его лестию 
емше убиют. 2 Глаголаху же: [но] не в праздник, 
@еда@{@да не@} како молва будет людска.

Конец четвертку.

(за\ч 63) [44] 3 И сущу 
ему*{Пяток 34 недели: Во время оно, 
сущу Иисусови*} в вифании, в дому симона 
прокаженнаго, возлежащу ему, прииде жена имущи 
алавастр мира нарднаго пистикия многоценны: и 
сокрушши алавастр, возливаше ему на главу. 4 Бяху 
же нецыи негодующе в себе, и глаголюще: во что 
гибель сия мирная бысть? 5 Можаше бо сие продано 
быти вящше трех сот пенязь, и датися нищим: и 
прещаху ей. 6 Иисус же рече: оставите ю, что 
ей труды даете? добро дело содела о мне. 7 
Всегда бо нищия имате с собою, и егда хощете, 
можете им добро творити: мене же не всегда имате. 
8 Еже *име*{*возможе*} сия, сотвори: предвари 
помазати мое тело на погребение. 9 Аминь глаголю 
вам: идеже аще проповестся евангелие сие во всем 
мире, и еже сотвори сия, глаголано будет в 
память ея.

Конец пятку. (л. 85 об.)

(за\ч 64) 10 И*{Вторник мясопустныя 
недели: Во время оно,*} иуда искариотский, 
един от обоюнадесяте, иде ко архиереем, да 
предаст его им. 11 Они же слышавше 
возрадовашася, и обещаша ему сребреники дати. и 
искаше, како его в подобно время предаст. 12 И 
в первый день опреснок, егда пасху жряху, 
глаголаша ему ученицы его: где хощеши, шедше 
уготоваем, да яси пасху? 13 И посла два от 
ученик своих, и глагола им: идита во град, 
и срящет вас человек, в скудельнице воду нося: 
по нем идита. 14 И идеже аще внидет, рцыта 
господину дому, яко учитель глаголет: где 
есть витальница, идеже пасху со ученики моими 
снем? 15 И той вама покажет горницу велию 
постлану, готову: ту уготовайта нам. 16 И 
изыдоста ученика его, и приидоста во град, и 
обретоста якоже рече има: и уготоваста пасху. 
17 И вечеру бывшу прииде со обеманадесяте: 18 И 
возлежащим им, и ядущим, рече Иисус: аминь 
глаголю вам, яко един от вас предаст мя, 
ядый со мною. 19 Они же начаша скорбети, и 
глаголати ему един по единому: еда аз? и 
другий, еда аз? 20 Он же отвещав рече им: 
един от обоюнадесяте, омочивый со мною в 
солило. 21 Сын убо человеческий идет, якоже 
есть писано о нем: горе же человеку тому, имже 
Сын человеческий предастся. добрее было бы ему, 
аще не бы родился человек той. 22 И ядущим 
им, прием Иисус хлеб, и благословив (л. 86) 
преломи, и даде им, и рече: приимите, ядите: 
сие есть тело мое. 23 И приим чашу, хвалу 
воздав даде им: и пиша от нея вси. 24 И рече 
им: сия есть кровь моя новаго завета, за многи 
изливаема. 25 Аминь глаголю вам, яко ктому не 
имам пити от плода лознаго, до дне того, егда 
е пию ново во Царствии Божии. 26 И воспевше 
изыдоша в гору елеонскую. 27 И глагола им 
Иисус, яко вси соблазнитеся о мне в нощь сию. 
писано бо есть: поражу пастыря, и разыдутся овцы. 
28 Но потом егда воскресну, варяю вы в галилеи. 
29 Петр же рече ему: и аще вси соблазнятся, но 
не аз. 30 И глагола ему Иисус: аминь глаголю 
тебе, яко ты днесь в нощь сию, прежде даже 
вторицею петел не возгласит, трикраты отвержешися 
мене. 31 Он же множае глаголаше паче: аще же ми 
есть с тобою и умрети, не отвергуся тебе: 
такожде и вси глаголаху. 32 И приидоша в весь, 
ейже имя гефсиманиа, и глагола учеником 
своим: седите зде, дондеже шед помолюся. 33 И 
поят петра, и иакова, и иоанна с собою: и 
начат ужасатися и тужити. 34 И глагола им: 
прискорбна есть душа моя до смерти: будите зде, и 
бдите. 35 И прешед мало, паде на земли: и 
моляшеся, да аще возможно есть, да мимоидет от 
него час. 36 И глаголаше: авва отче, вся 
возможна тебе, мимонеси от мене чашу сию: но не 
еже аз хощу, но еже ты. 37 И прииде, и 
обрете их спящя, и глагола петрови: симоне, 
спиши ли? не возможе единаго часа побдети. 38 
Бдите, и молитеся, да не (л. 86 об.) внидете в 
напасть: Дух бо бодр, плоть же немощна. 39 И паки 
шед помолися, тожде слово рек. 40 И возвращся 
обрете я паки спящя, [бяху бо очеса им 
тяготна,] и не ведяху, что быша ему отвещали. 
41 И прииде третицею, и глагола им: спите прочее, 
и почивайте. приспе конец, прииде час: се 
предается Сын человеческий в руки грешником. 42 
Востаните идем, се предаяй мя приближися.

Конец вторнику.

(за\ч 65) 43 И абие еще ему 
глаголющу,*{Среда мясопустныя недели: Во время 
оно, глаголющу Иисусови ко учеником своим,*} 
прииде иуда един сый от обоюнадесяти, и с 
ним народ мног со оружием и дрекольми, от 
архиерей и книжник и старец. 44 Даде же предаяй 
его знамение им, глаголя: егоже аще лобжу, 
той есть: имите его, и ведите его сохранно. 
45 И пришед, абие приступль к нему, глагола 
ему: равви, равви: и облобыза его. 46 Они же 
возложиша руце свои на него, и яша его. 47 
Един же некто от стоящих извлек нож, удари 
раба архиереова, и уреза ему ухо. 48 И 
отвещав Иисус рече им: яко на разбойника ли 
изыдосте со оружием и дрекольми, яти мя? 49 По 
вся дни бех при вас в Церкви учя, и не ясте 
мене: но да сбудется писание. 50 И оставльше его, 
вси бежаша. 51 И един некто юноша иде по 
нем, одеян в плащаницу по нагу: и яша того 
@юношу@{@юноши@}. 52 Он (л. 87) же оставль 
плащаницу, наг бежа от них. 53 И ведоша Иисуса ко 
архиерею: и снидошася к нему вси архиерее, и 
книжницы, и старцы. 54 И петр издалеча в след 
его иде, до внутрь во двор архиереов: и бе 
седя со слугами, и греяся @при свещи@{@при 
огни@}. 55 Архиерее же и весь сонм искаху на 
Иисуса свидетельства, да умертвят его: и не 
обретаху. 56 Мнози бо лжесвидетельствоваху на него, 
и равна свидетельства не бяху. 57 И нецыи 
воставше лжесвидетельствоваху на него, глаголюще, 58 
Яко мы слышахом его глаголюща: яко аз 
разорю церковь сию рукотвореную, и треми деньми ину 
нерукотворену созижду. 59 И ни тако равно бе 
свидетельство их. 60 И востав архиерей 
посреде, вопроси Иисуса, глаголя: не отвещаваеши ли 
ничесоже, что сии на тя свидетельствуют? 61 Он 
же молчаше, и ничтоже отвещаваше. паки архиерей 
вопроси его, и глагола ему: ты ли еси 
Христос, Сын Благословеннаго? 62 Иисус же рече, 
аз есмь: и узрите Сына человеческаго одесную 
седяща силы, и грядуща со облаки Небесными. 63 
Архиерей же растерзав ризы своя, глагола: что еще 
требуем свидетелей? 64 Слышасте хулу, что вам 
мнится? они же вси осудиша его быти повинна 
смерти. 65 И начаша нецыи плювати нань, и 
прикрывати лице его, и мучити его, и глаголати 
ему: прорцы. и слуги по ланитома его бияху. [47] 
66 И сущу петрови во дворе низу, прииде едина 
от рабынь архиереовых: 67 И видевши петра 
греющася, воззревши на него, глагола: и ты с 
назарянином Иисусом (л. 87 об.) бе. 68 Он же 
отвержеся, глаголя: не вем, ниже знаю, что ты 
глаголеши. и изыде вон на преддворие: и алектор 
возгласи: 69 И рабыня видевши его паки, начат 
глаголати предстоящим: яко сей от них есть. 70 
Он же паки отметашеся. и помале паки предстоящии 
глаголаху петрови: воистинну от них еси, ибо 
галилеанин еси, и беседа твоя подобится. 71 
Он же нача ротитися и клятися, яко не вем 
человека сего, егоже вы глаголете. 72 И второе 
алектор возгласи. и помяну петр глагол, еже 
рече ему Иисус: яко прежде даже петел не 
возгласит двакраты, отвержешися мене трикраты, и 
начен плакашеся.

Глава 15.

(за\ч 66) 1 И абие 
наутрия,*{Четверток мясопустныя недели: Во 
время оно,*} совет сотвориша архиерее со 
старцы и книжники, и весь сонм, связавше Иисуса 
ведоша, и предаша его пилату.

Конец среде.

2 И вопроси его пилат: ты ли еси Царь 
иудейский? он же отвещав рече ему: ты 
глаголеши. 3 И глаголаху на него архиерее много. 4 
Пилат же паки вопроси его, глаголя: не 
отвещаваеши ли ничтоже? виждь, колико на тя 
свидетельствуют. 5 Иисус же ктому ничтоже отвеща, 
яко дивитися пилату. 6 На всяк же праздник 
отпущаше им единаго (л. 88) связня, егоже 
прошаху. 7 Бе же нарицаемый варавва, с ковники 
своими связан, иже в кове убийство сотвориша. 
8 И возопив народ, нача просити, якоже всегда 
творяше им. 9 Пилат же отвеща им, глаголя: 
хощете ли, пущу вам Царя иудейска? 10 Ведяше бо, 
яко зависти ради предаша его архиерее. 11 
Архиерее же помануша народу, да паче варавву пустит 
им. 12 Пилат же отвещав, паки рече им: что 
убо хощете сотворю, егоже глаголете Царя 
иудейска? 13 Они же паки возопиша, глаголюще: 
пропни его. 14 Пилат же глаголаше им: что бо 
зло сотвори? они же излиха вопияху: пропни его. 
15 Пилат же хотя народу хотение сотворити, пусти 
им варавву: и предаде Иисуса, бив, да пропнут 
его.

Конец четвертку.

(за\ч 67) 16 Воини же ведоша 
его*{Ев\глие 6, святых страстей, непреступно: 
Во время оно, воини ведоша Иисуса:* Сие и на 3 
часе непреступно. И ризе Господни на литургии.} 
внутрь двора, еже есть претор, и созваша всю 
спиру: 17 И облекоша его в препряду, и 
возложиша на него сплетше тернов венец: 18 И 
начаша целовати его, [и глаголати:] радуйся Царю 
иудейский. 19 И бияху его по главе тростию, и 
плюваху на него, и прегибающе колена, покланяхуся 
ему. 20 И егда поругашася ему, совлекоша с 
него препряду, и облекоша его в ризы своя: (л. 
88 об.) и изведоша его, да пропнут его. 21 И 
задеша мимоходящу некоему симону киринею, [грядущу 
с села, отцу але_ксандрову и руфову,] да возмет 
Крест его.

(за\ч 68) 22 *{Пяток мясопустныя 
недели: Во время оно, воини поемше Иисуса, ведоша 
да его распнут:*} И приведоша его на голгофу 
место: еже есть сказаемо, лобное место.

Преступи пятку.

23 И даяху ему пити есмирнисмено вино: 
он же не прият. 24 И распеншии его разделиша 
ризы его, метающе жребий о них, кто что 
возмет.

Чти пятку:

25 Бе же час третий, и распяша его.

Преступи паки пятку.

26 И бе написание вины его написано: Царь 
иудейск. 27 И с ним распяша два разбойника, 
единаго одесную, и единаго ошуюю его. 28 И 
сбыстся писание еже глаголет: и со беззаконными 
вменися. 29 И мимоходящии хуляху его, покивающе 
главами своими, и глаголюще: уа, разоряяй Церковь, 
и треми деньми созидаяй, 30 Спасися сам, и сниди с 
Креста. 31 Такоже и архиерее ругающеся друг ко 
другу с книжники, глаголаху: ины спасе, себе ли не 
может спасти? 32 Христос Царь Израилев да снидет 
ныне с Креста, да видим и веру имем ему.

Конец 6-му евангелию страстному, и ризе 
Господни.

и распятая с ним поношаста ему. (л. 89)

Чти пятку:

33 Бывшу же часу шестому, тма бысть по всей 
земли до часа девятаго. 34 И в час девятый возопи 
Иисус гласом велиим, глаголя: елои елои, лима 
савахфани? еже есть сказаемо: Боже мой, Боже мой, 
почто мя оставил еси? 35 И нецыи от 
предстоящих слышавше, глаголаху: се илию гласит. 
36 Тек же един, и наполнив губу оцта, и 
возложь на трость, напояше его, глаголя: оставите, 
да видим, аще приидет илиа сняти его. 37 Иисус 
же пущь глас велий, издше. 38 И завеса церковная 
раздрася на двое, свыше до низу. 39 Видев же 
сотник стояй прямо ему, яко тако возопив 
издше, рече: воистинну человек сей, Сын бе Божий. 
40 Бяху же и жены издалеча зряще, в нихже бе 
мариа магдалина, и мариа иакова малаго, и иосии 
мати, и саломиа: 41 Яже и егда бе в галилеи, 
хождаху по нем, и служаху ему: и ины многия, 
яже взыдоша с ним во иерусалим.

Конец пятку мясопустному, и 3-му часу.

42 И уже позде бывшу, [понеже бе пяток, 
еже есть к субботе:]

(за\ч 69) [48] 43 *{Ев\глие 10 святых 
страстей: Во время оно,* Сие же и неделя 3 по 
пасце мироносицам.} Прииде иосиф, иже от 
аримафеа, Благообразен советник, иже и той бе 
чая Царствия Божия, дерзнув вниде к пилату, и проси 
тело Иисусово. (л. 89 об.) 44 Пилат же дивися, аще 
уже умре: и призвав сотника, вопроси его: 
аще уже умре? 45 И уведев от сотника, 
даде тело иосифови. 46 И купив плащаницу, и 
снем его, обвит плащаницею, и положи его во 
гроб, иже бе изсечен от камене: и привали 
камень над двери гроба. 47 Мариа же магдалина, и 
мариа иосиева, зрясте, где его полагаху.

Конец 10-му страстному.

Глава 16.

(за\ч 70) 1 И минувши*{Ев\глие 2 
воскресное: Во время оно, минувши*} субботе, 
мариа магдалина, и мариа иаковля и саломиа, купиша 
ароматы, да пришедше помажут Иисуса. 2 И зело 
заутра во едину от суббот приидоша на гроб, 
возсиявшу солнцу. 3 И глаголаху к себе: кто 
отвалит нам камень от дверий гроба? 4 [И 
воззревше видеша, яко отвален бе камень:] бе 
бо велий зело. 5 И влезше во гроб, видеша 
юношу седяща в десных, одеяна во одежду белу, 
и ужасошася. 6 Он же глагола им: не 
ужасайтеся. Иисуса ищете назарянина распятаго: 
воста, несть зде: се место, идеже положиша 
его. 7 Но идите, рцыте учеником его, и 
петрови, яко варяет вы в галилеи: тамо его 
видите, якоже рече вам. 8 И изшедше бежаша от 
гроба. @имяше@{@одержаше@} же их трепет и 
ужас. и никомуже ничтоже реша, бояху бо ся.

Конец 2-му воскресному, и мироносицам. (л. 
90)

(за\ч 71) 9 Воскрес же*{Ев\глие 3 
воскресно: Во время оно, воскрес* Сие и на 
утрени вознесения Христова.} Иисус заутра, в 
первую субботу, явися прежде марии магдалини, из 
неяже изгна седмь бесов. 10 Она же шедши 
возвести с ним бывшим, плачущимся и рыдающим. 
11 И они слышавше, яко жив есть, и виден 
бысть от нея, не яша веры. 12 По сих же двема 
от них грядущема явися инем образом, 
идущема на село. 13 И та шедша возвестиста 
прочим: и ни тема веры яша. 14 Последи же 
возлежащим им единомунадесяте явися, и поноси 
неверствию их, и жестосердию, яко видевшим 
его воставша не яша веры. 15 И рече им: 
шедше в мир весь, проповедите евангелие всей твари. 
16 Иже веру имет и крестится, спасен будет: 
а иже не имет веры, осужден будет. 17 
Знамения же веровавшим сия последуют: именем 
моим бесы ижденут, языки возглаголют новы: 18 
Змия возмут: аще и что смертно испиют, не 
вредит их: на недужныя руки возложат, и здрави 
будут. 19 Господь же убо по глаголании его к 
ним, вознесеся на Небо, и седе одесную Бога. 20 
Они же изшедше проповедаша всюду, Господу 
поспешствующу, и слово утвержающу последствующими 
знаменьми, аминь.

Конец 3-му евангелию воскресному, и вознесению, 
и от марка святому евангелию, еже издадеся по летех 
десятих Христова вознесения. глав 16, стихов 
678.