<::лат>        OCR:

<::рус>        Библиотека святоотеческой литературы

<::лат>        http://orthlиb.ru

<::слав>

СВЯЩЕННОЕ ЕВАНГЕЛИЕ

<::рус>Издание Московской Патриархии<::слав> #ацп~д

По Благословению Святейшаго Патриарха Московскаго и 
всея Руси Пимена

(л. 1)

ЖИТИЕ СВЯТАГО ЕВАНГЕЛИСТА МАТФЕА,

от софрониа.

Матфей, иже и левий, апостол от мытарей, во 
иудеи первый веровавших ради от обрезания, 
евангелие Христово писмены и глаголы еврейскими 
сочини, неведомому по сих во еллинское сие 
преложшу: еврейское же даже до днесь есть в 
книгохранительнице кесарийской, от памфила мученика 
тщательно устроившейся. Мне же от назореов, в 
верии сирийстей сие употребивших, воля подадеся 
сего преписания: имже есть известно ведати, 
яко идеже бы евангелист или от лица своего, 
или от лица Господа нашего Иисуса Христа и Спаса, 
свидетельства употребил древних писаний, не 
последовати воли седмидесят толковников, но 
еврейской: от нихже два суть она: Из египта 
воззвах Сына моего: и, Яко назорей наречется. (л. 
1 об.)

СВЯТОЕ ЕВАНГЕЛИЕ ОТ МАТФЕА.

Глава 1.

Подложение.

Сечение. 1: Яко Иисус есть мессиа, Спас по 
обещанию отцем быв. 18: О Христове рождении.

Глава 2.

1: Волсви, начаток языков, рождшагося Царя 
иудеов ищут. 9: И звездою предводящею 
обретают. 11: И покланяются ему, дары 
приносяще. 3: Иродово коварство. 16: И 
детоубиение. 13: Иосифово со отрочатем, и Мариею 
бежание во египет. 19: И возвращение в землю 
Израилеву. 22: И отшествие в пределы галилейския.

Глава 3.

1: Иоаннова проповедь. 4: Одежда и пища. 5: 
Крещение. 8: Плоды покаяния. 10: Секира при корени 
лежит. 12: Лопата и плевы. 13: Христос 
крестивыйся.

Глава 4.

1: Христос искусивыйся. 4: Писанием диавола 
искусителя побеждает. 11: Ангели ему служат. 
12 и 17: Проповедует покаяние. 18: Звание петра 
и андреа. 21: Иакова, и иоанна. 23: Проповедует 
евангелие, и исцеляет немощныя.

Глава 5.

3: Нецыи блаженнии. 13: Апостоли, соль земли. 
14: И свет мира. 14: Град верху горы лежащ. 
15: Светильник. 16: Дела добрая. 21: Что еже 
убити? 23: Яко требе есть примиритися брату. 
27: Прелюбодейство. 29: Око (л. 2) или десница 
соблажняющая. 31: Отпущение. 33: Еже весьма не 
каятися. 43: Любовь и врагов.

Глава 6.

1: Милостыня. 5: Молитися. 14: Оставляти 
брату. 16: Пост. 19: Сокровищствовати. 24: Бог, и 
маммона. 33: Подобает искати первее Царствия Божия, 
и правды его.

Глава 7.

1: Не судити ближняго. 6: Не давати святая псом. 
13: Врата тесная и широкая. 15: Подобает 
внимати от лжепророков. 18: Плоды древ. 24: 
Созидаяй на камени. 26: И на песце.

Глава 8.

2: Прокаженный очистивыйся. 5: Вера 
стоначальника. 11: Языков звание. 14: Теща 
петрова огнежегома. 19: Книжник Иисусу последовати 
хотяй. 24: Трус велий в мори. 28: Два 
демонствуемии. 31: Демони в стадо свиней отшедшии.

Глава 9.

2: Разслабленный исцелевший. 5: Грехов 
оставление. 9: Звание матфеа. 10: Грешницы и 
мытари со Иисусом возлежат. 17: Вино новое. 18: 
Дщерь начальника воскресшая. 20: Кровоточащая. 28: Два 
слепца верующии воспрозирают. 32: Демонствуемый, 
глухий. 33: Жатва и делатели.

Глава 10.

1: Дарование исцелений. 3: Апостоли, и их 
имена. 5: Посылаются проповедати евангелие. 13: 
Мир. 14: Оттрясение праха. 16: Скорбь. 22: 
Терпение до конца. 23: Гонение и бежание. 28: От 
киих подобает боятися, и не боятися. 29: Два 
врабия. 30: Власы главы. 32: Исповедание о Христе 
пред человеки. 34: Мир, мечь. 35: Разлучение. 
37: Любление рождших, и чад. 38: Крест. 39: 
Погубити душу. 40: Приемлющии Христа.

Глава 11.

2: Иоанн посылает два ученика. 7: 
Свидетельство Христово (л. 2 об.) о иоанне. 13: 
Закон и пророцы. 18: Христос и иоанн. 21: 
Хоразин, вифсаида, капернаум. 25: Откровение 
евангелиа, младенцем бывшее. 28: Звание труждающихся 
и обремененных.

Глава 12.

1: Ученицы класы терзающе. 7. Милость, жертва. 
10: Рука сухая. 12: В субботах добро подобает 
творити. 22: Демонствуемый, слепый и глухий. 25: 
Царство раздельшееся на ся. 31: На Дух хула. 33: 
Древо доброе и гнилое. 34: Рождения ехиднов. 41: 
Ниневитяне. 42: Царица южская. 48: Кто Мати, и кто 
братия Христовы?

Глава 13.

3: Притча сеющаго. 11, 34: Чесо ради в 
притчах глаголаше Иисус? 18: Притчи иноглаголание. 
24: Притча плевел. 26: И иноглаголание ея. 31: 
Притча зерна горчична. 33: Кваса. 44: Сокровища 
сокровеннаго. 45: Бисера многоценнаго. 47: Невода. 
54: Назореи о Иисусе соблажняющиися.

Глава 14.

1: Иродова слава о Иисусе. 3: Иоанн 
Креститель чесо ради в темницу всадися? 10: 
Обезглавляется. 13: Отходит Иисус в пусто место. 
15: О пяти хлебех, и двою рыбу. 23: Молитва 
Иисусова. 24: Корабль апостолов обуреваемь от волн. 
28: Петр маловерный. 36: Касаются омете ризы 
Иисусовы.

Глава 15.

3: Предание отец. 12: Соблазн. 13: Сад 
искореняемый. 14: Слепии слепцев наставницы. 
18: Сердце. 22: Жена хананеа. 26: Хлеб чад: 
пси. 28: Велия вера хананеи. 32: Хлеби седмь и 
мало рыбиц. 36: Благодарение.

Глава 16.

4: Знамение ионы пророка. 6: Квас фарисеов и 
саддукеов. 12: Учение их. 13: Слава 
человеков о Сыне человечестем. 17: Вера, 
дарование Божие. 19: Ключи Царства Небеснаго. (л. 3) 
21: Предрече Иисус смерть свою. 24: Отврещися себе, 
и взяти Крест. 25: Погубити и спасти душу.

Глава 17.

1: Преображение Иисусово. 5: Сына Божия подобает 
слушати. 10: Илиа кто? 17: Неверие учеников. 
20: Сила веры. 21: Молитва и пост. 23: Предрече 
Христос свою смерть. 24: Дань дает.

Глава 18.

1: Кто болий во Царствии Небеснем? 5: Прияти 
отроча. 6: Соблазнити. 7: Соблазны. 10: Ангели 
отрочат. 12: Овца погибшая. 15: Обличити 
брата согрешившаго. 21: Коликощи подобает оставляти 
брату? 23: Царь совопрошаяся о слове с рабы 
своими.

Глава 19.

3: Отпустити жену. 7: Дати книгу 
отпустительную. 12: Скопцы. 13: Отрочата Иисусу 
принесшаяся. 17: Един Бог Благ: подобает 
соблюсти заповеди. 21: Совершен. 23: Яко неудобь 
богатый внидет в Царство Небесное. 26: У Бога вся 
возможна суть. 27: Вся оставити, и последовати 
Христу.

Глава 20.

1: Домовладыка умздивый делатели в виноград. 
15: Око лукаво. 17: Предрече Иисус смерть свою. 
20: Прошение матере о сынех зеведеевых. 22: Чаша 
и крещение. 28: Служение Сына человеча. 30: Два 
слепца.

Глава 21.

1: Христос вседый на осля, во иерусалим 
грядет. 12: Измещет из храма продающия и 
купующия. 13: Дом молитвы. 19: Смоковница 
изсохшая. 25: Крещение иоанново. 28: Кто творяй 
волю Божию. 32: Мытари и блудники. 33: Виноград 
Божий. 38: Делатели неправеднии, сына домовладыки 
убивше. 42: Камень краеугольный. (л. 3 об.)

Глава 22.

2: Брацы сына царева. 9: Языков звание. 11: 
Одежда брачная. 16: Кинсон кесарев. 23: 
Совзыскание саддукеов и Иисуса о воскресении 
мертвых. 32: Бог, Бог живых. 36: Заповедь 
великая. 37: Любовь Божия. 39: И ближняго. 41: 
Совзыскание Иисуса и фарисеов о Христе, чий есть 
Сын?

Глава 23.

2: Книжницы учащии люди по закону моисеову, 
кии? 3, до 33: Виды лицемерия фарисеов. 5: 
хранилища, ометы. 6: Первовозлежания. 7: Целования. 
8: Един наставник нас Христос. 11: Иных 
слуга. 13: Заключающии Царство Небесное. 14: Поядающии 
домы вдовиц. 15: Обходящии море и сушу, еже 
сотворити единаго пришельца. 16: Клятися. 23: 
Одесятствующии зелия. 25: Очищающии внешняя. 27: 
Гроби повапленнии. 29: Гробы пророков украшающии. 
33: Рождения ехиднов. 37: Кокош и птенцы.

Глава 24.

2: Разорение храма. 3: Знамение пришествия 
Христова. 12: Беззаконие умножившееся. 24: 
Лжехристи и лжепророцы. 29: Знамение скончания века. 
31: Ангели трубящии. 32: Смоковница. 37: Дни ноевы. 
42: Подобает бодрствовати. 45: Раб верный. 48: 
Раб злый. 51: Разсечется.

Глава 25.

1: Десять дев. 13: Подобает бодрствовати. 
14: Таланты рабом преданныя. 24: Раб лукавый и 
ленивый. 31: Кий последний суд. 34: Одесную 
благословеннии. 41: Ошуюю проклятии.

Глава 26.

3: Совещание иудеов, да Иисуса удержат 
лестию. 7: Алавастр мира многоценнаго. 14: Иуда 
предаяй Иисуса, приемлет тридесять сребреники. 26: 
Таинство святыя вечери. 34 и 69: Петр отвергается 
Господа. 38: Иисус печален до смерти. (л. 4) 47: 
Лобзанием предается. 57: К каиафе отводится. 64: 
Яко Христос есть, исповедует. 67: 
Поруговается и досаждается. 75: Петрово покаяние.

Глава 27.

2: Предается Иисус пилату связан. 5: Иуда 
предатель удавися. 19: Жена пилатова. 20: Варавву 
просящим иудеом отпущает пилат. 24: Руце 
умывает. 29: Иисус тернием венчается. 32: 
Симон кириней. 35: Распинается Иисус. 38: И с 
ним два разбойника. 39: Досаждается. 50: Оставляет 
Дух. 51: Чудеса умершу Иисусу бывшая. 57: Иосиф 
от аримафеа. 59: Погребается Иисус. 63: Гроб 
Иисусов запечатовается с кустодиею.

Глава 28.

1: Жены зрят гроб Иисусов. 2: Ангел. 9: 
Иисус явивыйся женам. 12: Лжа старцов. 18: 
Посылаются ученицы проповедати. (л. 4 об.)

ВЕДОМО БУДИ, ЯКО ЧЕТЫРЕ СУТЬ ЕВАНГЕЛИА,

и ниже множае сих, ниже умаленее.

Понеже четыре обдержнии духове, и четыре 
евангелиа, всюду дышуще нетление, и животне 
возгревающе человеки: от нихже яве есть, яко 
седяй на херувимех явлься человеком, якоже 
рече Давид, даде нам четверообразно евангелие. Ибо 
херувими четыре лица имут, и лица их образы 
смотрения Сына Божия. Ибо подобное льву, дельное и 
царское, и владычнее начертает. Подобное же тельцу, 
священнослужебное и священническое являет. 
Человековидное же, воплощение написует. Подобное же 
орлу, нашествие святаго Духа являет. (л. 5)

СКАЗАНИЕ,

приемлющее всего лета число евангельское, и 
евангелистом приятие, откуду начинают, и до где 
стают.

Ведомо да есть, яко чтется ряд от иоанна 
святаго евангелиа в неделях седмих, считаемых от 
великия недели пасхи, разве некоих трех дней. 
От матфеа же святое евангелие чтется от понедельника 
по 50-це, яже есть святаго Духа, до пятка по 
воздвижении Креста, обходится же в седмицех 
седминадесятих: ихже убо единунадесять неделю, 
имать от матфеа на всяк день чтомое евангелие. От 
седмиц же двоюнадесять, еже от марка евангелие в 
пятих днех показуя, яко в субботы и недели, 
паки матфей чтется, до скончания седмыянадесять 
седмицы. И убо седмьнадесять седмиц, суббот и 
недель токмо имут, за еже малижды читатися 
седмьнадесятим седмицам матфеевым: но аще будет 
внутрь пасхи. Аще бо вне пасха будет, никакоже, 
сиречь, хощет читатися и сия седмаянадесять 
седмица: возвращайся вспять, и отнюдуже хощеши, чти 
пять дней. Аще бо за еже не снизитися пасце, не 
достанет и в луце суббот и недель: и чтется 
тамо сия неделя матфеева, яже есть ханааныня, 
прежде закхеевы. От луки же святое евангелие чтется, 
от начала в понедельник, по воздвижении Креста: 
исполнь во всех седмицах двунадесятих: от начала 
же 13 седмицы, чтется от марка в пять дний: в 
субботу же и неделю паки лука. От марка же святое 
евангелие, убо убо чтется посреде матфеа и 
луки, прочее же во святую четыредесятницу, в субботы и 
недели. (л. 5 об.)

БУДИ ЖЕ ВЕДОМО,

яко начинается на святую пасху иоанн, зачало 
1:

В начале бе слово: и тако держи ряд до 
недели пятьдесятныя. И начинается матфей, в 
понедельник 8, зачало 75, и вторник, зачало 10: 
и тако держи ряд до недели 11. И начинается 
марко, в понедельник 12 недели, зачало 2: Прииде 
Иисус от назарета: и тако держи ряд до недели 
17. сия неделя 17 чтется в марке напреди, в 
неделях лукиных, понедельник 17 недели, зачало 
48: и тако держи ряд до 17 недели. И начинается 
лука в понедельник по воздвижении, зачало 10: 
Ирод четвертовластник: и тако держи ряд до 
недели 12: а понедельник 13 недели, прейди в 
марка, на зачало 33: и тако держи ряд, даже до 
субботы мясопустныя.

Гд\си Иисусе Христе, Сыне единородный 
безначальнаго твоего отца, рекл еси пречистыми 
твоими усты: яко без мене не можете творити 
ничтоже. Господи мой Господи, верою обем в души моей 
и сердце тобою реченная, припадаю твоей благости, 
помози ми грешному, сие желанное мною начен о 
тебе самом, и навершити. Сицевыя ради надежды 
прочитати должно есть святое евангелие на кийждо 
день. Глаголет Христос: огнь приидох воврещи на 
землю. Снедателен же сей вещи лукаваго естества, 
иже и вжещися вскоре хощет, сиречь, евангельское 
проповедание, еже образом огня очищает и 
погубляет согрешения верующих. (л. 6)

ЕЖЕ ОТ МАТФЕА СВЯТАГО ЕВАНГЕЛИА ГЛАВЫ.

[1] О волсвех.

[2] О избиенных отрочищех.

[3] Первый иоанн проповеда Царство Небесное: в 
луце, 5.

[4] Начало учения Спасителева.

[5] О блаженных: в луце, 17.

[6] О прокаженнем: в марке, 4: в луце, 12.

[7] О сотнице: в луце, 18: во иоанне, 6.

[8] О тещи петрове: в марке, 2: в луце, 9.

[9] О исцелевших от различных недуг: в 
марке, 3: в луце, 10.

[10] О неповеленнем в след ити: в луце, 
33.

[11] О запрещении водам: в марке, 10: в 
луце, 23.

[12] О двоих беснующихся: в марке, 11: в 
луце, 24.

[13] О трудоватем: в марке, 5: в луце, 
13: во иоанне, 7.

[14] О матфеи мытари: в марке, 6: в луце, 
14.

[15] О дщери архисинагогове: в марке, 12: 
в луце, 25.

[16] О кровоточивей: в марке, 13: в луце, 
26.

[17] О двоих слепцех.

[18] О беснующемся.

[19] О послании дванадесятих: в марке, 8 и 
14: в луце, 16 и 27.

[20] О посланных от иоанна: в луце, 20.

[21] О имущем суху руку, в марке, 7: в 
луце, 15.

[22] О бесном и немом слепом: в луце, 
39.

[23] О просящих знамения: в луце, 41.

[24] О притчах: в марке, 9: в луце, 22 и 
42.

[25] О иоанне, и ироде: в марке, 15. (л. 
6 об.)

[26] О пяти хлебех, и двою рыбу: в марке, 
16: в луце, 28: во иоанне, 8.

[27] О морстем хождении: в марке, 17: во 
иоанне, 9.

[28] О преступлении заповеди Божия: в марке, 
18.

[29] О хананеи: в марке, 19.

[30] О исцелевших народех.

[31] О седмих хлебех: в марке, 21.

[32] О квасе фарисейстем: в марке, 22: в 
луце, 44.

[33] О кесарийстем вопрошении: в марке, 24: в 
луце, 29.

[34] О преображении Иисусове: в марке, 25: в 
луце, 30.

[35] О беснующемся на новы месяцы: в марке, 
26: в луце, 31.

[36] О просящих дидрахма.

[37] О помышляющих, кто есть болий? в марке, 
27: в луце, 32.

[38] О сте овец притча.

[39] О должнем тмою талант.

[40] О вопрошающих, аще лепо есть отпущати 
жены? в марке, 28.

[41] О вопрошшем богатем Иисуса: в марке, 29: 
в луце, 63.

[42] О наятых делателех.

[43] О сыну зеведеову: в марке, 30.

[44] О двою слепцу: в марке, 31: в луце, 
64.

[45] О осляте и жребце: в марке, 32: в 
луце, 68: во иоанне, 14.

[46] О слепых и хромых.

[47] О изсохшей смоковнице: в марке, 33.

[48] О вопрошших Господа архиерей и старец: в 
марке, 35: в луце, 69.

[49] О двою сыну притча.

[50] О винограде притча: в марке, 36: в луце, 
70.

[51] О званных на браки: в луце, 54.

[52] О вопрошении о кинсоне: в марке 37: в 
луце, 71.

[53] О саддукеех: в марке, 38: в луце, 72. 
(л. 7)

[54] О законнике: в марке, 39: в луце, 35.

[55] О вопрошении Иисусове, како Сын Давидов 
есть Христос? в марке, 40: в луце, 73.

[56] О окаянии книжник и фарисей: в луце, 
43.

[57] О кончине: в марке, 42: в луце, 75.

[58] О дни и часе: в марке, 43.

[59] О десятих девах.

[60] О приемших таланты.

[61] О пришествии Христове.

[62] О помазавшей Господа миром: в марке, 44: 
в луце, 21: во иоанне, 12.

[63] О уготовании пасхи: в марке, 45: в 
луце, 76.

[64] О образе тайнем: в марке, 46.

[65] О предании Иисусове: в марке, 46.

[66] О отметании петрове: в марке, 47: к 
луце, 78.

[67] О раскаянии иудине.

[68] О испрошении телесе Господня: в марке, 
48: в луце, 82: во иоанне, 18. (л. 7 об.)

Феофилакта архиеп\скпа болгарскаго

ПРЕДИСЛОВИЕ,

ЕЖЕ ОТ МАТФЕА СВЯТАГО ЕВАНГЕЛИА.

Иже убо прежде закона, они Божественнии 
мужие не писаньми и книгами просвещахуся, но чист 
имуще смысл, Духа сиянием просвещахуся, и тако 
Божия ведяху хотения, самому оному беседующу 
тем усты ко устом. Таков бе ное, авраам, 
и исаак и иаков, и моисей. Понеже изнемогоша 
человецы, и недостойни быша просвещатися и 
учитися от святаго Духа, даде человеколюбец Бог 
писания, да поне сими воспоминают того хотения. 
Сице и Христос апостолом убо самоличне беседова, 
и Духа благодать учителя тем посла. И понеже по сих 
хотяху ереси прозябнути, и обычаи наши растлити, 
благоволи написатися благовестиям, да от сих 
учими истине, не прельщаемся от ложных ересей, 
ниже всеконечне растлятся обычаи наши. Четыре же 
Благовестия даде нам прикладно, зане соборным и 
верховным четырем добродетелем от сих учими 
есмы, мужеству, мудрости, правде и целомудрию. 
Мужеству, егда глаголет Господь: не бойтеся от 
убивающих тело, души же не могущих убити. 
Мудрости же, егда поучает: будите мудри яко 
змия, и цели яко голуби. Правде же, егда 
учит: якоже хощете да творят вам человецы, и 
вы творите им такожде. Целомудрию, якоже егда 
отричет: воззревый на жену, ко еже вожделети ту, 
уже прелюбодеял ю (л. 8) есть в сердце 
своем. Инако же суть четыри Благовестия: яко да 
явит, яко четыре сия обдержат, сиречь, 
предания, заповеди, прещения, обетования. И 
веровавшим убо преданием, и заповеди не 
хранящим, будущими претяще муками: хранящим же 
вечная обещавающе благая. Благовестие же 
глаголется: зане вестит нам вещи благи и добры 
имущя, сиречь, оставление грехов, правду, восход 
на Небеса, сыноположение Божие, наследие вечных 
благ, и свобождение от мук. Вестит же, яко 
благоудобне сия прияхом: еда бо трудихомся мы о 
стяжании сих благ? или от своих исправлений сия 
прияхом? но благодатию и человеколюбием Божиим 
толиких благ сподобихомся. Четыри убо суть 
евангелисты: от сих же убо два, матфей и 
иоанн, бяху от лика дванадесяти: два же, марко и 
лука, от седмидесятих: бе же убо марко 
последователь и ученик петру, лука же павлу. 
Матфей же убо первее всех написа евангелие 
еврейским языком, ко иже от еврей 
веровавшим, по осмих летех Господня вознесения: 
преложи же сие иоанн от еврейска языка на 
еллинский, якоже глаголют. Марко же, по десятих 
летех Христова вознесения, от петра научився. Лука 
же по пятинадесятих летех. Иоанн же 
Богословеснейший по тридесятих и дву. Глаголют бо, 
яко по смерти онех, взыскавшу ему, принесены 
быша три благовестия, да видит сия и судит, аще 
истинне списана суть. Он же видев та, истины 
благодать преуказа, елика они оставиша, той 
понаполни: и елика сокращенне реша, сей 
распростре во своем благовестии: темже и от 
Богословия начат: понеже бо друзии не воспомянуша 
превечное бытие Бога слова, той Богослови сия: да не 
возмнится Божие слово прост человек быти, сиречь 
кроме Божества. Матфей о плотнем точию бытии 
Христове беседует: ко евреом бо писание, имже 
довольно бе навыкнути, яко от авраама (л. 8 об.) 
и Давида родися Христос. Почивает убо иудей, 
егда слышит, яко от Давида есть Христос. Но 
глаголеши ми, яко не довле ли един 
благовестник? слыши, яко довляше убо: но да 
покажется паче истина, сего ради попустишася четыре 
написати. Егда бо видиши сих четырех, не 
сшедшихся, ниже седших друг со другом, но иного 
инде суща, таже написавших о техже, яко от 
единех уст: не убо ли удивишися 
благовестию истины, и речеши, яко от Духа свята 
глаголаху? И не глаголи, яко не единогласуют во 
всем: виждь бо, в киих не единогласуют? еда 
ов убо рече, яко родися Христос: ов же 
глаголет, ни? или яко ов убо, воскресе 
Христос: ов же ни? не буди то: в нужднейших бо 
и истиннейших не разликуют. И аще в нужднейших 
и истиннейших не разликуют, что дивишися, аще в 
меньших мнятся разликовати? за сие бо паче 
истинствуют, яко аще по всему единогласовали 
быша, вознепщеватися хотяше, яко сседоша 
другдругу, и ссоветовавшеся написаша, елика 
написаша: ныне же елика остави сей, понаполни 
он: и елика сему избысть, написа другий: и 
сего ради мнятся в некиих разликовати: и сия 
убо сице. Начнем же уже начало книги сице: 
Книга родства Иисуса Христа Сына Давидова. (л. 9)

ОТ МАТФЕА СВЯТОЕ БЛАГОВЕСТВОВАНИЕ

Глава 1.

(пн\де) (за\ч 1) 1 Книга{Неделя 
пред Рождеством Христовым святых отец.} родства 
Иисуса Христа, Сына Давидова, Сына авраамля. 2 Авраам 
роди исаака. исаак же роди иакова. иаков же 
роди иуду, и братию его. 3 Иуда же роди фареса 
и зара от фамары. фарес же роди есрома. есром 
же роди арама. 4 Арам же роди аминадава. 
аминадав же роди наассона. наассон же роди салмона. 
5 Салмон же роди вооза от рахавы. вооз же роди 
овида от руфы. овид же роди иессеа. 6 Иессей же 
роди Давида Царя. Давид же Царь роди соломона от 
уриины. 7 Соломон же роди ровоама. ровоам же 
роди авиа. авиа же роди аса. 8 Аса же роди 
иосафата. иосафат же роди иорама. иорам же роди 
озию. 9 Озиа же роди иоафама. иоафам же роди 
ахаза. ахаз же роди езекию. 10 Езекиа же роди 
манассию. манассиа же роди амона. (л. 9 об.) амон 
же роди иосию. 11 @Иосиа же роди иехонию, и 
братию его, в преселение вавилонское@{с\х 11 в 
нек. греч.: @ Иосиа же роди иоакима, и братию 
его, иоаким же роди иехонию в преселение 
вавилонское@}. 12 По преселении же вавилонстем, 
иехониа роди салафииля. салафииль же роди зоровавеля. 
13 Зоровавель же роди авиуда. авиуд же роди 
елиакима. елиаким же роди азора. 14 Азор же 
роди садока. садок же роди ахима. ахим же роди 
елиуда. 15 Елиуд же роди елеазара. елеазар 
же роди матфана. матфан же роди иакова. 16 Иаков 
же роди иосифа, мужа Мариина, из неяже родися 
Иисус, глаголемый Христос. 17 Всех же родов от 
авраама до Давида, родове четыренадесяте, и от Давида до 
преселения вавилонскаго, родове четыренадесяте, и от 
преселения вавилонскаго до Христа, родове 
четыренадесяте.

(за\ч 2) 18 Ии~с Христово 
Рождество*{На утрени Рождества Христова: Ии~с 
Христово Рождество* Сие же и на 1-м часе в 
навечерии Рождества Христова.} сице бе: обрученней 
убо бывши Матери его Марии иосифови, прежде даже 
не снитися има, обретеся имущи во чреве от Духа 
свята. 19 Иосиф же муж ея праведен сый и не 
хотя ея обличити, восхоте тай пустити ю. 20 Сия 
же ему помыслившу, се ангел Господень во сне явися 
ему, глаголя: иосифе сыне Давидов, не убойся 
прияти мариам жены твоея: рождшее бо ся в ней от 
Духа есть свята. 21 Родит же Сына, и наречеши имя 
ему Иисус, той бо спасет люди своя от грех 
их. 22 Сие же все бысть, да сбудется реченное от 
Господа пророком, глаголющим: 23 Се Дева во чреве 
приимет, и родит Сына, и нарекут имя ему 
еммануил, еже есть сказаемо, с нами (л. 10) 
Бог. 24 Востав же иосиф от сна, сотвори якоже 
повеле ему ангел Господень: и прият жену свою, 
25 И не знаяше ея, дондеже роди Сына своего 
первенца, и нарече имя ему Иисус.

Конец недели, и утрени, и 1-му часу.

Глава 2.

(за\ч 3) [1] 1 Ии~су же*{На литургии 
Рождества Христова: Ии~су* Сие же и на 6-м часе, 
в навечерии Рождества Христова.} рождшуся в вифлееме 
иудейстем, во дни ирода царя, се волсви от 
восток приидоша во иерусалим, 2 Глаголюще: где 
есть рождейся Царь иудейский? видехом бо звезду 
его на востоце, и приидохом поклонитися ему. 3 
Слышав же ирод царь, смутися, и вся иерусалима с 
ним. 4 И собрав вся первосвященники, и книжники 
людския, вопрошаше от них: где Христос раждается? 
5 Они же рекоша ему: в вифлееме иудейстем. 
тако бо писано есть пророком: 6 И ты вифлееме 
земле иудова, ничимже меньши еси во владыках 
иудовых: из тебе бо изыдет вождь, иже 
упасет люди моя Израиля. 7 Тогда ирод тай 
призва волхвы, и испытоваше от них время 
явльшияся звезды. 8 И послав их в вифлеем, 
рече: шедше испытайте известно о отрочати: 
егда же обрящете, возвестите ми, яко да и аз 
шед поклонюся ему. 9 Они же послушавше царя, 
идоша. и се звезда, юже видеша на востоце, 
идяше пред ними, (л. 10 об.) дондеже пришедши ста 
верху, идеже бе отроча. 10 Видевше же звезду, 
возрадовашася радостию велиею зело. 11 И пришедше 
в храмину, видеша отроча с Мариею Материю его, и 
падше поклонишася ему: и отверзше сокровища своя, 
принесоша ему дары: злато, и ливан, и смирну. 
12 И весть приемше во сне, не возвратитися ко 
ироду, иным путем отидоша во страну свою.

Конец литургии, и 6-му часу.

(за\ч 4) 13 Отшедшим же им,*{На 
9-м часе в навечерии Рождества Христова: Отшедшим 
волхвом,* Сие же декемвриа в 26 день, и неделя 
по Рождестве Христове, и святым младенцем.} се 
ангел Господень во сне явися иосифу, глаголя: 
востав поими отроча и Матерь его, и бежи во 
египет, и буди тамо, дондеже реку ти: хощет бо 
ирод искати отрочате, да погубит е. 14 Он 
же востав, поят отроча и Матерь его нощию, и 
отиде во египет. 15 И бе тамо до умертвия 
иродова, да сбудется реченное от Господа пророком 
глаголющим: от египта воззвах Сына моего. [2] 16 
Тогда ирод видев, яко поруган бысть от 
волхвов, разгневася зело, и послав изби вся 
дети сущия в вифлееме, и во всех пределех 
его, от двою лету и нижайше, по времени, еже 
известно испыта от волхвов. 17 Тогда сбыстся 
реченное иеремием пророком, глаголющим: 18 Глас 
(л. 11) в раме слышан бысть, плачь, и рыдание, и 
вопль мног: рахиль плачущися чад своих, и не 
хотяше утешитися, яко не суть. 19 Умершу же 
ироду, се ангел Господень во сне явися иосифу во 
египте, 20 Глаголя: востав поими отроча и Матерь 
его, и иди в землю Израилеву, изомроша бо ищущии 
душу отрочате. 21 Он же востав, поят отроча 
и Матерь его, и прииде в землю Израилеву. 22 Слышав 
же, яко архелай царствует во иудеи, вместо 
ирода отца своего, убояся тамо ити: весть же 
прием во сне, отиде в пределы галилейския. 23 И 
пришед вселися во граде нарицаемем назарет: яко 
да сбудется реченное пророки, яко назорей наречется.

Конец недели, и младенцем, и 9-му часу.

Глава 3.

(за\ч 5) 1 Во дни же оны*{Суббота 
пред просвещением: Во время оно,* Сие и на 
1-м часе в навечерии святаго Богоявления.} прииде 
иоанн Креститель, проповедая в пустыни иудейстей, 
2 И глаголя: покайтеся, приближи бо ся Царствие 
Небесное. 3 Сей бо есть реченный исаием пророком, 
глаголющим: глас вопиющаго в пустыни, уготовайте 
путь Господень, правы творите стези его. 4 Сам же 
иоанн имяше ризу свою от влас вельблуждь, и 
пояс усмен о чреслех своих: снедь же его 
бе пружие и мед дивий. 5 Тогда исхождаше к 
нему иерусалима, и вся иудеа, и вся страна 
иорданская: 6 И крещахуся во (л. 11 об.) 
иордане от него, исповедающе грехи своя. 7 
Видев же [иоанн] многи фарисеи и саддукеи грядущя 
на крещение его, рече им: рождения ехиднова, 
кто сказа вам бежати от будущаго гнева? 8 
Сотворите убо плод достоин покаяния. 9 И не 
начинайте глаголати в себе: отца имамы авраама. 
глаголю бо вам, яко может Бог от камения сего 
воздвигнути чада аврааму. 10 Уже бо и секира при 
корени древа лежит: всяко убо древо, еже не 
творит плода добра, посекаемо бывает, и во огнь 
вметаемо. 11 Аз убо крещаю вы водою в 
покаяние: грядый же по мне, креплий мене есть, 
емуже несмь достоин сапоги понести. той вы 
Крестит Духом святым@@{@и огнем@[луки 3, ст. 
16].}.

Конец субботе, и 1-му часу.

12 Емуже лопата в руце его, и потребит 
гумно свое, и соберет пшеницу свою в житницу, 
плевы же сожжет огнем негасающим.

(за\ч 6) 13 Тогда приходит*{На 
святое Богоявление, на литургии: Во время оно, 
прииде* Сие и на 9-м часе, в навечерии святаго 
Богоявления.} Иисус от галилеи на иордан ко 
иоанну, Креститися от него. 14 Иоанн же 
возбраняше ему, глаголя: аз требую тобою 
Креститися, и ты ли грядеши ко мне? 15 Отвещав 
же Иисус рече к нему: остави ныне, тако бо подобно 
есть нам исполнити всяку правду. тогда остави 
его. 16 И Крестився Иисус взыде абие от воды: 
и се отверзошася (л. 12) ему Небеса, и виде Духа 
Божия сходяща яко голубя, и грядуща на него. 17 И 
се глас с Небесе глаголя: сей есть Сын мой 
возлюбленный, о немже благоволих.

Конец Богоявлению, и 9-му часу.

Глава 4.

(за\ч 7) 1 Тогда Иисус возведен 
бысть*{Суббота по просвещении: Во время оно, 
возведен бысть Иисус*} Духом в пустыню, 
искуситися от диавола. 2 И постився дний 
четыридесять, и нощий четыридесять, последи взалка. 
3 И приступль к нему искуситель, рече: аще Сын 
еси Божий, рцы, яко да камение сие хлебы будут. 
4 Он же отвещав рече: писано есть, не о 
хлебе едином жив будет человек, но о всяком 
глаголе исходящем изоуст Божиих. 5 Тогда поят 
его диавол во святый град, и постави его на 
криле церковнем, 6 И глагола ему: аще Сын 
еси Божий, верзися низу. писано бо есть: яко 
ангелом своим заповесть о тебе сохранити тя, и 
на руках возмут тя, да не когда преткнеши о 
камень ногу твою. 7 Рече же ему Иисус: паки 
писано есть: не искусиши Господа Бога твоего. 8 Паки 
поят его диавол на гору высоку зело, и показа 
ему вся царствия мира, и славу их. 9 И глагола 
ему: сия вся тебе дам, аще пад поклониши ми 
ся. 10 Тогда глагола ему Иисус: иди за мною 
сатано. (л. 12 об.) писано бо есть: Господу Богу 
твоему поклонишися, и тому единому послужиши. 11 
Тогда остави его диавол, и се ангели 
приступиша, и служаху ему.

Конец субботе по просвещении.

(за\ч 8) 12 Слышав же*{Неделя по 
просвещении: Во время оно, слышав*} Иисус, 
яко иоанн предан бысть, отиде в галилею. 13 
И оставль назарет, пришед вселися в капернаум в 
поморие, в пределех завулоних и неффалимлих. 14 
Да сбудется реченное исаием пророком, глаголющим: 
15 Земля завулоня, и земля неффалимля, путь моря 
об он пол иордана, галилеа язык. 16 
Людие седящии во тме, видеша свет велий, и 
седящим в стране и сени смертней, свет возсия 
им. 17 Оттоле начат Иисус проповедати, и 
глаголати: покайтеся, приближися бо Царство Небесное.

Конец недели по просвещении.

(за\ч 9) [4] 18 Ходя же**{Неделя 
2-я по всех святых: Во время оно, ходя 
Иисус**} при мори галилейстем, виде два брата, 
симона глаголемаго петра, и андреа брата его, 
вметающа мрежи в море, беста бо рыбаря. 19 И 
глагола има: грядита по мне, и сотворю вы ловца 
человеком. 20 Она же абие оставльша мрежи, по 
нем идоста. 21 И пришед оттуду, виде ина два 
брата, иакова зеведеева и иоанна брата его, в 
корабли с зеведеом отцем ею, завязующа мрежи 
своя, (л. 13) и воззва я. 22 Она же абие 
оставльша корабль и отца своего, по нем идоста. 
23 И прохождаше всю галилею Иисус, учя на 
сонмищах их, и проповедая евангелие Царствия, 
исцеляя всяк недуг, и всяку язю в людех.

Конец недели.

24 И изыде слух его по всей сирии: и 
приведоша к нему вся болящия различными недуги, и 
страстьми одержимы, и бесны, и месячныя, и 
разслабленныя [жилами], и исцели их.

(за\ч 10) 25 И по нем*{Вторник 1 
недели: Во время оно, по Иисусе* Сие и 
преподобным.} идоша народи мнози от галилеи и 
десяти град, и от Иерусалима, и иудеи, и со 
онаго полу иордана.

Глава 5.

1 Узрев же народы, взыде на гору: и 
седшу ему приступиша к нему ученицы его. 2 И 
отверз уста своя, учаше их, глаголя: [5] 
3 Блажени нищии Духом: яко тех есть Царствие 
Небесное. 4 Блажени плачущии: яко тии утешатся. 
5 Блажени кротцыи: яко тии наследят землю. 6 
Блажени алчущии и жаждущии правды: яко тии 
насытятся. 7 Блажени милостивии: яко тии помиловани 
будут. 8 Блажени чистии сердцем: яко тии Бога 
узрят. 9 Блажени миротворцы: яко тии Сынове 
Божии нарекутся. 10 Блажени (л. 13 об.) изгнани 
правды ради: яко тех есть Царствие Небесное. 11 
Блажени есте, егда поносят вам, и ижденут, и 
рекут всяк зол глагол на вы лжуще, мене ради: 
12 Радуйтеся, и веселитеся, яко мзда ваша многа 
на Небесех.

Конец преподобным.

тако бо изгнаша пророки, иже [беша] прежде 
вас. 13 Вы есте соль земли: аще же соль 
обуяет, чим осолится? нивочтоже будет ктому, 
точию да изсыпана будет вон, и попираема человеки.

Конец вторнику.

(за\ч 11) 14 *{Святителем обще: 
Рече Господь своим учеником:*} Вы есте 
свет мира: не может град укрытися верху горы 
стоя. 15 Ниже вжигают светильника, и поставляют 
его под спудом, но на свещнице, и светит 
всем, иже в храмине [суть]. 16 Тако да 
просветится свет ваш пред человеки, яко да 
видят ваша добрая дела: и прославят отца 
вашего, иже на Небесех. 17 [Да] не мните, яко 
приидох разорити закон, или пророки: не приидох 
разорити, но исполнити. 18 Аминь бо глаголю вам: 
дондеже прейдет Небо и земля, иота едина, или 
едина черта не прейдет от закона, дондеже вся 
будут. 19 Иже аще разорит едину заповедей 
сих малых, и научит тако человеки, мний 
наречется (л. 14) в Царствии Небеснем: а иже 
сотворит и научит, сей велий наречется в Царствии 
Небеснем.

Конец святителем.

(за\ч 12) 20 Глаголю бо вам:*{Среда 
1 недели: Рече Господь своим учеником:*} 
яко аще не избудет правда ваша паче книжник и 
фарисей, не внидете в Царствие Небесное. 21 Слышасте, 
яко речено бысть древним: не убиеши: иже [бо] 
аще убиет, повинен есть суду. 22 Аз же 
глаголю вам: яко всяк гневаяйся на брата своего 
всуе, повинен есть суду: иже бо аще речет 
брату своему, рака, повинен есть сонмищу: а иже 
речет, уроде, повинен есть геенне огненней. 
23 Аще убо принесеши дар твой ко олтарю, и 
ту помянеши, яко брат твой имать нечто на тя: 
24 Остави ту дар твой пред олтарем, и шед 
прежде смирися с братом твоим, и тогда пришед 
принеси дар твой. 25 Буди увещаваяся с 
соперником твоим скоро, дондеже еси на пути с 
ним: да не предаст тебе соперник судии, и судия 
тя предаст слузе, и в темницу ввержен будеши. 26 
Аминь глаголю тебе: не изыдеши оттуду, дондеже 
воздаси последний кодрант.

Конец среде.

(за\ч 13) 27 **{Четверток 1 недели: 
Рече Господь:**} Слышасте, яко речено бысть 
древним: не прелюбы сотвориши. 28 Аз же глаголю 
вам: яко всяк иже воззрит на жену, ко еже 
вожделети (л. 14 об.) ей, уже любодействова с 
нею в сердце своем. 29 Аще же око твое десное 
соблажняет тя, изми е, и верзи от себе: уне 
бо ти есть, да погибнет един от уд твоих, 
а не все тело твое ввержено будет в геенну 
огненную. 30 И аще десная твоя рука соблажняет 
тя, усецы ю, и верзи от себе: уне бо ти 
есть да погибнет един от уд твоих, а не 
все тело твое ввержено будет в геенну. 31 Речено 
же бысть: яко иже аще пустит жену свою, да 
даст ей книгу распустную. 32 Аз же глаголю 
вам: яко всяк отпущаяй жену свою, разве 
словесе любодейнаго, творит ю прелюбодействовати. 
и иже пущеницу поймет, прелюбодействует.

Конец четвертку.

(за\ч 14) 33 Паки*{Пяток 1 
недели: Рече Господь:*} слышасте, яко речено 
бысть древним: не во лжу кленешися, воздаси же Господеви 
клятвы твоя. 34 Аз же глаголю вам, не клятися 
всяко: ни Небом, яко престол есть Божий: 35 Ни 
землею, яко подножие есть ногама его: ни 
иерусалимом, яко град есть великаго Царя. 36 
Ниже главою твоею кленися, яко не можеши власа 
единаго бела или черна сотворити. 37 Буди же 
слово ваше, ей, ей: ни, ни: лишше же сею, от 
неприязни есть. 38 Слышасте, яко речено бысть: 
око за око, и зуб за зуб. 39 Аз же глаголю 
вам, не противитися злу: но аще тя кто ударит 
в десную твою ланиту, обрати ему и другую. 40 И 
(л. 15) хотящему судитися с тобою, и ризу твою 
взяти, отпусти ему и срачицу. 41 И аще кто тя 
поймет по силе поприще едино, иди с ним два.

Конец пятку.

(за\ч 15) 42 *{Суббота 1 по 50-це: 
Рече Господь:*} Просящему у тебе, дай: и 
хотящаго от тебе заяти, не отврати. 43 Слышасте, 
яко речено есть: возлюбиши искренняго твоего, и 
возненавидиши врага твоего. 44 Аз же глаголю вам: 
любите враги ваша: Благословите кленущия вы: добро 
творите ненавидящим вас: и молитеся за творящих 
вам напасть, и изгонящия вы. 45 Яко да будете 
сынове отца вашего, иже есть на Небесех: яко 
солнце свое сияет на злыя и Благия, и дождит на 
праведныя, и на неправедныя. 46 Аще бо любите 
любящих вас, кую мзду имате? не и мытари ли тожде 
творят? 47 И аще целуете други ваша токмо, что 
лишше творите? не и язычницы ли такожде творят? 48 
Будите убо вы совершени, якоже отец ваш 
Небесный совершен есть.

Конец субботе по 50-це.

Глава 6.

(за\ч 16) 1 **{Суббота сыропустная: 
Рече Господь:**} Внемлите милостыни вашея не 
творити пред человеки, да видими будете ими: аще 
ли же ни, мзды не имате от отца вашего, (л. 15 
об.) иже есть на Небесех. 2 Егда убо 
твориши милостыню, не воструби пред собою, якоже 
лицемери творят в сонмищах и в стогнах, яко да 
прославятся от человек: аминь глаголю вам, 
восприемлют мзду свою. 3 Тебе же творящу милостыню, 
да не увесть шуйца твоя, что творит десница 
твоя. 4 Яко да будет милостыня твоя втайне: и 
отец твой видяй втайне, той воздаст тебе яве. 
5 И егда молишися, не буди якоже лицемери, 
яко любят в сонмищах, и в стогнах путий стояще 
молитися, яко да явятся человеком. аминь 
глаголю вам, яко восприемлют мзду свою. 6 Ты же 
егда молишися, вниди в клеть твою, и затворив 
двери твоя, помолися отцу твоему иже втайне: и 
отец твой, видяй втайне, воздаст тебе яве. 7 
Молящеся же, не лишше глаголите, якоже язычницы: 8 
Мнят бо, яко во многоглаголании своем услышани 
будут. 8 Не подобитеся убо им: весть бо отец 
ваш, ихже требуете, прежде прошения вашего. 9 Сице 
убо молитеся вы: Оч~е наш, иже еси на 
Небесех, да святится имя твое: 10 Да приидет 
Царствие твое: да будет воля твоя, яко на Небеси и 
на земли. 11 Хлеб наш насущный даждь нам днесь: 
12 И остави нам долги наша, яко и мы 
оставляем должником нашим. 13 И не введи нас в 
напасть, но избави нас от лукаваго: яко твое 
есть Царствие и сила и слава во веки, аминь.

Конец субботе. (л. 16)

(за\ч 17) 14 Аще бо*{Неделя 
сыропустная: Рече Господь: аще*} отпущаете 
человеком согрешения их, отпустит и вам 
отец ваш Небесный. 15 Аще ли не отпущаете 
человеком согрешения их, ни отец ваш 
отпустит вам согрешений ваших. 16 Егда же 
поститеся, не будите якоже лицемери сетующе: 
помрачают бо лица своя, яко да явятся человеком 
постящеся. аминь глаголю вам, яко восприемлют 
мзду свою. 17 Ты же постяся, помажи главу твою, и 
лице твое умый: 18 Яко да не явишися 
человеком постяся, но отцу твоему иже втайне: и 
отец твой, видяй втайне, воздаст тебе яве. 
19 Не скрывайте себе сокровищ на земли, идеже 
червь и тля тлит, и идеже татие подкопывают и 
крадут. 20 Скрывайте же себе сокровище на Небеси, 
идеже ни червь ни тля тлит, и идеже татие не 
подкопывают, ни крадут. 21 Идеже бо есть 
сокровище ваше, ту будет и сердце ваше.

Конец недели сыропустной.

(за\ч 18) 22 **{Неделя 3: Рече 
Господь:**} Светильник телу есть око. аще 
убо будет око твое просто все тело твое 
светло будет. 23 Аще ли око твое лукаво будет, 
все тело твое темно будет. аще убо свет, 
иже в тебе, тма есть, то тма кольми? 24 
Никтоже может двема господинома работати: любо 
единаго возлюбит, а другаго возненавидит: или 
единаго держится, (л. 16 об.) о друзем же 
нерадети начнет. не можете Богу работати, и мамоне. 
25 Сего ради глаголю вам: не пецытеся душею вашею, 
что ясте, или что пиете, ни телом вашим во что 
облечетеся. не душа ли больши есть пищи, и тело 
одежди? 26 Воззрите на птицы Небесныя, яко не 
сеют, ни жнут, ни собирают в житницы, и отец 
ваш Небесный питает их: не вы ли паче лучши их 
есте? 27 Кто же от вас пекийся, может приложити 
возрасту своему лакоть един? 28 И о одежди что 
печетеся? смотрите крин сельных, како растут? не 
труждаются, ни прядут. 29 Глаголю же вам, яко ни 
соломон во всей славе своей облечеся, яко 
един от сих. 30 Аще же сено сельное днесь 
суще, и утре в пещь вметаемо, Бог тако 
одевает, не много ли паче вас маловери?

(за\ч 19) 31 Не пецытеся 
убо,*{Понедельник 2 недели: Рече Господь: 
не пецытеся,*} глаголюще, что ямы, или что 
пием, или чим одеждемся? 32 Всех бо сих 
языцы ищут: весть бо отец ваш Небесный, яко 
требуете сих всех. 33 Ищите же прежде Царствия 
Божия, и правды его, и сия вся приложатся вам.

Конец недели.

34 Не пецытеся убо на утрей, утрений бо 
собою печется: довлеет дневи @злоба@{@попечение@} 
его.

Преступи понедельнику. (л. 17)

Глава 7.

(за\ч 20) 1 *{Суббота 2, по всех 
святых: Рече Господь:*} Не судите, да не судими 
будете. 2 Имже бо судом судите, судят вам: и в 
нюже меру мерите, возмерится вам. 3 Что же 
видиши сучец, иже во оце брата твоего, бервна 
же, еже есть во оце твоем, не чуеши? 4 Или 
како речеши брату твоему: остави, да изму сучец 
из очесе твоего, и се бервно во оце твоем? 
5 Лицемере, изми первее бервно из очесе 
твоего, и тогда узриши изяти сучец из 
очесе брата твоего. 6 Не дадите святая псом, ни 
пометайте бисер ваших пред свиниями, да не 
поперут их ногами своими, и вращшеся расторгнут 
вы.

(за\ч) 7 **{На всякое прошение: Рече 
Господь:**} Просите, и дастся вам: ищите, и 
обрящете: толцыте, и отверзется вам. 8 Всяк бо 
просяй приемлет, и ищяй обретает, и толкущему 
отверзется.

Конец субботе. Чти понедельнику:

9 Или кто есть от вас человек, егоже 
аще воспросит сын его хлеба, еда камень 
подаст ему? 10 Или аще рыбы просит, еда 
змию подаст ему? 11 Аще убо вы, лукави 
суще, умеете даяния блага даяти чадом вашим: 
кольми паче отец ваш Небесный даст блага просящим 
у него.

Конец понедельнику. (л. 17 об.)

(за\ч 21) 12 Вся 
убо*{Преподобным отцем: Рече Господь: 
вся*} елика аще хощете да творят вам 
человецы, тако и вы творите им: се бо есть 
закон и пророцы. 13 Внидите узкими враты, яко 
пространная врата, и широкий путь вводяй в пагубу, 
и мнози суть входящии им. 14 Что узкая врата, 
и тесный путь вводяй в живот, и мало их 
есть, иже обретают его?

(за\ч 22) 15 Внемлите же**{Вторник 
2 недели: Рече Господь: внемлите**} от лживых 
пророк, иже приходят к вам во одеждах 
овчих, внутрь же суть волцы хищницы. 16 От плод 
их познаете их. еда обемлют от терния 
грозды, или от репия смоквы? 17 Тако всяко древо 
доброе, плоды добры творит: а злое древо, плоды 
злы творит. 18 Не может древо добро плоды злы 
творити: ни древо зло плоды добры творити. (вто\р) 
19 Всяко убо древо, еже не творит плода 
добра, посекают е, и во огнь вметают. 20 
Темже убо от плод их познаете их.

(за\ч 23) 21 ***{Среда 2 недели: Рече 
Господь:***} Не всяк глаголяй ми: Господи Господи, 
внидет в Царствие Небесное, но творяй волю отца 
моего, иже есть на Небесех.

Конец вторнику, и преподобным.

22 Мнози рекут мне во он день: Господи Господи, 
не в твое ли имя пророчествовахом, и твоим 
именем бесы изгонихом, и твоим именем (л. 
18) силы многи сотворихом? 23 И тогда исповем 
им, яко николиже знах вас: отидите от мене 
делающии беззаконие.

Конец среде.

(за\ч 24) 24 Всяк убо,*{Суббота 
3 недели: Рече Господь: всяк,*} иже слышит 
словеса моя сия, и творит я, уподоблю его 
мужу мудру, иже созда храмину свою на камени. 25 
И сниде дождь, и приидоша реки, и возвеяша 
ветри, и нападоша на храмину ту, и не падеся: 
основана бо бе на камени. 26 И всяк слышай 
словеса моя сия, и не творя их, уподобится мужу 
уродиву, иже созда храмину свою на песце. 27 И 
сниде дождь, и приидоша реки, и возвеяша ветри, 
и опрошася храмине той, и падеся: и бе 
разрушение ея велие. 28 И бысть, егда сконча 
Иисус словеса сия, дивляхуся народи о учении 
его. 29 Бе бо учя их яко власть имея, и 
не яко книжницы [и фарисее].

Глава 8.

[6] 1 Сшедшу же ему с горы, в след 
его идяху народи мнози. 2 И се прокажен 
пришед, кланяшеся ему, глаголя: Господи, аще хощеши, 
можеши мя очистити. 3 И простер руку Иисус, 
коснуся ему, глаголя: хощу, очистися. и абие 
очистися ему проказа. 4 И глагола ему Иисус: 
виждь, никомуже повеждь: но шед покажися (л. 18 
об.) иереови, и принеси дар, иже повеле в 
законе моисей, во свидетельство им.

Конец субботе.

(за\ч 25) [7] 5 Вшедшу же 
ему**{Неделя 4: Во время оно, вшедшу 
Иисусу*} в капернаум, приступи к нему сотник 
моля его, 6 И глаголя: Господи, отрок мой лежит 
в дому ослаблен, люте стражда. 7 И глагола ему 
Иисус: аз пришед исцелю его. 8 И отвещав 
сотник, рече ему: Господи, несмь достоин да под 
кров мой внидеши, но токмо рцы слово, и 
исцелеет отрок мой. 9 Ибо аз человек 
есмь под властию, имый под собою воины. и 
глаголю сему: иди, и идет. и другому: прииди, и 
приидет. и рабу моему: сотвори сие, и сотворит. 
10 Слышав же Иисус, удивися, и рече грядущим по 
нем: аминь глаголю вам, ни во Израили толики веры 
обретох. 11 Глаголю же вам: яко мнози от 
восток и запад приидут, и возлягут со авраамом, 
и исааком, и иаковом во Царствии Небеснем. 12 
Сынове же Царствия изгнани будут во тму кромешнюю: 
ту будет плачь и скрежет зубом. 13 И рече 
Иисус сотнику: иди, и якоже веровал еси, буди 
тебе. и исцеле отрок его в той час.

Конец недели.

(за\ч 26) [8] 14 И пришед 
Иисус**{Суббота 4 недели: Во время оно, 
пришед Иисус**} в дом петров, виде тещу 
его лежащу, и огнем жегому. 15 И прикоснуся 
(л. 19) руце ея, и остави ю огнь: и воста, 
и служаше ему. [9] 16 Позде же бывшу, приведоша 
к нему бесны многи, и изгна духи словом, и вся 
болящия исцели. 17 Да сбудется реченное исаием 
пророком, глаголющим: той недуги наша прият, и 
болезни понесе. 18 Видев же Иисус многи народы 
окрест себе, повеле ити на он пол. [10] 19 
И приступль един книжник, рече ему: учителю, 
иду по тебе, аможе аще идеши. 20 Глагола ему 
Иисус: лиси язвины имут, и птицы Небесныя гнезда: 
Сын же человеческий не имать где главы подклонити. 
21 Другий же от учениик его рече ему: Господи, 
повели ми прежде ити, и погребсти отца моего. 22 
Иисус же рече ему: гряди по мне, и остави 
мертвых погребсти своя мертвецы.

(за\ч 27) 23 И влезшу 
ему*{Четверток 2 недели: Во время оно, 
влезшу Иисусу* Сие и октовриа 26.} в корабль, 
по нем идоша ученицы его.

Конец субботе.

[11] 24 И се трус велик бысть в мори, 
якоже кораблю покрыватися волнами: той же спаше. 
25 И пришедше ученицы его, возбудиша его, 
глаголюще: Господи, спаси ны, погибаем. 26 И глагола 
им: что страшливи есте маловери? тогда востав 
запрети ветром и морю, и бысть тишина велия. 27 
Человецы же чудишася, глаголюще: кто есть сей, 
яко и ветри и море послушают его?

Конец четвертку. (л. 19 об.)

(за\ч 28) [12] 28 И пришедшу ему на 
он пол,*{Неделя 5: Во время оно, 
пришедшу Иисусу*} в страну гергесинскую, сретоста 
его два бесна от гроб исходяща, люта зело, 
яко не мощи никому минути путем тем. 29 И се 
возописта, глаголюще: что нам и тебе Иисусе Сыне 
Божий? пришел еси семо прежде времене мучити 
нас. 30 Бяше же далече от нею стадо свиний много 
пасомо. 31 Беси же моляху его глаголюще: аще 
изгониши ны, повели нам ити в стадо свиное. 32 
И рече им: идите. они же изшедше идоша в 
стадо свиное: и се [абие] устремися стадо все по 
брегу в море, и утопоша в водах. 33 Пасущии же 
бежаша, и шедше во град возвестиша вся, и о 
бесною. 34 И се весь град изыде в сретение 
Иисусови: и видевше его, молиша, яко да бы 
прешел от предел их.

Глава 9.

(за\ч 29) 1 И влез**{Неделя 6: 
Во время оно, влез Иисус**} в корабль, 
прейде, и прииде во свой град.

Конец недели.

[13] 2 И се принесоша ему разслабленна 
[жилами], на одре лежаща. и видев Иисус веру 
их, рече разслабленному: дерзай чадо, отпущаются 
ти греси твои. 3 И се нецыи от книжник реша в 
себе: сей хулит. 4 И видев Иисус помышления 
их, рече: (л. 20) вскую вы мыслите лукавая в 
сердцах своих? 5 Что бо есть удобее рещи: 
отпущаются ти греси? или рещи: востани и ходи? 6 
Но да увесте, яко власть имать Сын 
человеческий на земли отпущати грехи [тогда глагола 
разслабленному:] востани, возми твой одр, и иди 
в дом твой. 7 И востав взем одр свой, и 
иде в дом свой. 8 Видевше же народи чудишася, и 
прославиша Бога, давшаго власть таковую человеком.

Конец недели.

(за\ч 30) [14] 9 И преходя Иисус 
оттуду,*{Суббота 5 недели: Во время оно, 
преходя Иисус* Сие и ноемвриа в 16 день.} 
виде человека седяща на мытнице, матфеа глаголема, 
и глагола ему: по мне гряди. и востав по нем 
иде. 10 И бысть ему возлежащу в дому, и се 
мнози мытари и грешницы пришедше возлежаху со 
Иисусом, и со ученики его. 19 И видевше 
фарисее, глаголаху учеником его: почто с 
мытари и грешники учитель ваш яст и пиет? 
12 Иисус же слышав, рече им: не требуют здравии 
врача, но болящии. 13 Шедше же научитеся, что 
есть: милости хощу, а не жертвы. не приидох бо 
призвати праведники, но грешники на покаяние.

Конец субботе.

(за\ч 31) 14 Тогда приступиша к 
нему**{Пяток 2 недели: Во время оно, 
приступиша ко Иисусу**} ученицы иоанновы, 
глаголюще: почто мы и фарисеи постимся много, (л. 20 
об.) ученицы же твои не постятся? 15 И рече 
им Иисус: еда могут сынове брачнии плакати, 
донелико время с ними есть жених? приидут же 
дние, егда отимется от них жених, и тогда 
постятся. 16 Никтоже бо приставляет приставления 
плата небелена ризе ветсе: @возмет бо кончину 
свою от ризы, и горша дира будет@{@отторгнет бо 
приставление его от ризы [нечто], и горша дира 
будет@}. 17 Ниже вливают вина нова в мехи 
ветхи. аще ли же ни, то просадятся меси, и вино 
пролиется, и меси погибнут: но вливают вино ново 
в мехи новы, и обое соблюдется.

Конец пятку.

(за\ч 32) [15] 18 Сия ему глаголющу 
к ним, се князь некий пришед*{Суббота 6 
недели: Во время оно, князь некий пришед ко 
Иисусу,*} кланяшеся ему, глаголя, яко дщи моя 
ныне умре: но пришед возложи на ню руку твою, и 
оживет. 19 И востав Иисус по нем иде, и 
ученицы его. [16] 20 И се жена кровоточива 
дванадесяте лет, приступльши созади, прикоснуся 
воскрилию ризы его. 21 Глаголаше бо в себе: аще 
токмо прикоснуся ризе его, спасена буду. 22 Иисус 
же обращся, и видев ю, рече: дерзай дщи, вера 
твоя спасе тя. и спасена бысть жена от часа того. 
23 И пришед Иисус в дом княжь, и виде сопца и 
народ молвящ, 24 Глагола им: отидите, не умре 
бо девица, но спит. и ругахуся ему. 25 Егда же 
изгнан бысть народ, вшед (л. 21) ят ю за 
руку: и воста девица. 26 И изыде весть сия по 
всей земли той.

Конец субботе.

(за\ч 33) [17] 27 И преходящу 
оттуду*{Неделя 7: Во время оно, 
преходящу*} Иисусови, по нем идоста два слепца, 
зовуща и глаголюща: помилуй ны Иисусе Сыне Давидов. 28 
Пришедшу же ему в дом, приступиста к нему 
слепца, и глагола има Иисус: веруета ли, яко 
могу сие сотворити? глаголаста ему: ей Господи. 29 
Тогда прикоснуся очию их, глаголя: по вере ваю 
буди вама. 30 И отверзостася очи има: и запрети 
има Иисус, глаголя: блюдита, да никтоже увесть. 
31 Она же изшедша, прослависта его по всей земли 
той. [18] 32 Тема же исходящема, се приведоша к 
нему человека нема, беснуема. 33 И изгнану 
бесу, проглагола немый: и дивишася народи, 
глаголюще, яко николиже явися тако во Израили. 34 
Фарисее же глаголаху: о князе бесовстем изгонит 
бесы. 35 И прохождаше Иисус грады вся и веси, 
учя на сонмищах их, и проповедая евангелие 
Царствия, и целя всяк недуг, и всяку язю в 
людех.

Конец недели.

(за\ч 34) 36 Видев 
же**{Понедельник 3 недели: Во время оно, 
видев Иисус**} народы, милосердова о них, 
яко бяху смятени, и отвержени яко овцы не (л. 
21 об.) имущия пастыря. 37 Тогда глагола 
учеником своим: жатва убо многа, делателей же 
мало. 38 Молитеся убо Господину жатвы, яко да 
изведет делатели на жатву свою.

Глава 10.

(за\ч) 1 И призва*{Ноемвриа, и 
иулиа 1, святым врачем: Во время оно, призва 
Иисус*} обанадесять ученики своя, даде им 
власть на дусех нечистых, яко да изгонят их, 
и целити всяк недуг, и всяку болезнь.

Преступи святым врачем.

2 Дванадесятих же апостолов имена суть сия: 
первый симон, иже нарицается петр, и андрей 
брат его: иаков зеведеев, и иоанн брат 
его: 3 Филипп, и варфоломей: фома, и матфей 
мытарь: иаков алфеев, и леввей, нареченный 
фаддей: 4 Симон кананит, и иуда искариотский, 
иже и предаде его.

Чти врачем:

[19] 5 Сия обанадесять посла Иисус, заповеда 
им, глаголя: на путь язык не идите, и во град 
самарянский не внидите. 6 Идите же паче ко овцам 
погибшим дому Израилева. 7 Ходяще же проповедуйте, 
глаголюще: яко приближися Царствие Небесное. 8 Болящия 
исцеляйте, прокаженныя очищайте, (л. 22) мертвыя 
воскрешайте, бесы изгоняйте: туне приясте, туне 
дадите.

Конец понедельнику, и врачем.

(за\ч 35) 9 *{Вторник 3 недели: 
Рече Господь своим учеником*} Не стяжите 
злата, ни сребра, ни меди при поясех ваших: 10 Ни 
пиры на пути, ни двою ризу, ни сапог, ни жезл, 
достоин бо есть делатель мзды своея. 11 Воньже 
аще [колиждо] град или весь внидете, испытайте, 
кто в нем достоин есть: и ту пребудите, дондеже 
изыдете. 12 Входяще же в дом, целуйте его 
[глаголюще: мир дому сему]: 13 И аще убо 
будет дом достоин, приидет мир ваш нань: аще 
ли же не будет достоин, мир ваш к вам 
возвратится. 14 И иже аще не приимет вас, ниже 
послушает словес ваших, исходяще из дому, или 
из града того, оттрясите прах ног ваших. 15 
Аминь глаголю вам: отраднее будет земли 
содомстей и гоморрстей в день судный, неже граду 
тому.

Конец вторнику.

(за\ч 36) 16 **{Среда 3 недели: Рече 
Господь своим учеником:** Сие и мучеником.} Се 
аз посылаю вас яко овцы посреде волков: 
будите убо мудри яко змия, и цели яко 
голубие. 17 Внемлите же от человек: предадят бо вы 
на сонмы, и на соборищах их биют вас. 18 И (л. 
22 об.) пред владыки же и цари ведени будете мене 
ради, во свидетельство им и языком. 19 Егда 
же предают вы, не пецытеся, како или что 
возглаголете: даст бо ся вам в той час что 
возглаголете. 20 Не вы бо будете глаголющии, но Дух 
отца вашего глаголяй в вас. 21 Предаст же брат 
брата на смерть, и отец чадо: и востанут чада на 
родителей, и убиют их. 22 И будете ненавидими 
всеми имене моего ради. претерпевый же до конца, 
той спасен будет.

Конец среде и мучеником.

(за\ч 37) 23 Егда же*{Четверток 3 
недели: Рече Господь своим учеником: егда*} 
гонят вы во граде сем, бегайте в другий. аминь 
бо глаголю вам: не имате скончати грады Израилевы, 
дондеже приидет Сын человеческий. 24 Несть ученик 
над учителем своим, ниже раб над господином 
своим. 25 Довлеет ученику, да будет яко 
820ь его, и раб, яко господь его. аще 
господина дому веельзевула нарекоша, кольми паче 
домашния его. 26 Не убойтеся убо их: 
ничтоже бо есть покровено, еже не открыется: и 
тайно, еже не уведено будет. 27 Еже глаголю 
вам во тме, рцыте во свете: и еже во уши 
слышите, проповедите на кровех. 28 И не убойтеся 
от убивающих тело, душу же не могущих убити: 
убойтеся же паче могущаго и душу и тело погубити 
в геенне. 29 Не две ли птице (л. 23) ценитеся 
единому ассарию? и ни едина от нею падет на 
земли без отца вашего. 30 Вам же и власи главнии 
вси изочтени суть. 31 Не убойтеся убо: 
мнозех птиц лучши есте вы.

Конец четвертку.

(за\ч 38) 32 Всяк убо*{Неделя 1 
всех святых: Рече Господь своим учеником: 
всяк* Сие и в пяток 3 недели.} иже 
исповесть мя пред человеки, исповем его и 
аз пред отцем моим, иже на Небесех. 33 А 
иже отвержется мене пред человеки, отвергуся 
его и аз пред отцем моим, иже на Небесех.

Преступи всем святым.

34 Не мните, яко приидох воврещи мир на 
землю: не приидох бо воврещи мир, но мечь. 35 
Приидох бо разлучити человека на отца своего, и 
дщерь на матерь свою, и невесту на свекровь свою. 
36 И врази человеку домашнии его.

Преступи пятку. Чти всем святым:

(за\ч 39) 37 **{Суббота 7, и суббота 
пред воздвижением: Рече Господь:**} Иже 
любит отца или матерь паче мене, несть мене 
достоин: и иже любит сына или дщерь паче мене, 
несть мене достоин. 38 И иже не приимет Креста 
своего, и в след мене грядет, несть мене 
достоин.

Прейди всем святым, в зачало 79: [Тогда 
отвещав петр:] (л. 23 об.)

39 Обретый душу свою, погубит ю: а иже 
погубит душу свою мене ради, обрящет ю. 40 Иже 
вас приемлет, мене приемлет: и иже приемлет 
мене, приемлет пославшаго мя. 41 Приемляй пророка во 
имя пророче, мзду пророчу приимет: и приемляй 
праведника во имя праведниче, мзду праведничу 
приимет. 42 И иже аще напоит единаго от 
малых сих чашу студены воды, токмо во имя 
ученика, аминь глаголю вам, не погубит мзды 
своея.

Чти пятку:

Глава 11.

1 И бысть, егда соверши Иисус, заповедая 
обеманадесяте ученикома своима, прейде оттуду 
учити, и проповедати во градех их.

Конец пятку и субботе 7, и пред 
воздвижением.

(за\ч 40) [20] 2 Иоанн же 
слышав*{Понедельник 4 недели: Во время 
оно, слышав иоанн* Сие и на обретение главы 
предтечевы, на литургии.} во узилищи дела 
Христова, посла два от учениик своих, 3 Рече 
ему: ты ли еси грядый, или иного чаем? 4 И 
отвещав Иисус рече им: шедша возвестита 
иоаннови, яже слышита и видита. 5 Слепии 
прозирают, и хромии ходят: прокаженнии очищаются, 
и глусии слышат: мертвии востают, и нищии 
благовествуют. 6 И блажен есть, иже аще не 
соблазнится о мне. 7 Тема же исходящема, начат 
Иисус народом (л. 24) глаголати о иоанне: чесо 
изыдосте в пустыню видети? трость ли ветром 
колеблему? 8 Но чесо изыдосте видети? человека ли 
в мякки ризы облеченна? се иже мяккая носящии, в 
домех цр\ских суть. 9 Но чесо изыдосте видети? 
пророка ли? ей глаголю вам, и лишше пророка. 10 
Сей бо есть, о немже есть писано: се аз 
посылаю ангела моего пред лицем твоим, иже 
уготовит путь твой пред тобою. 11 Аминь 
глаголю вам, не воста в рожденных женами болий 
иоанна Крестителя: мний же во Царствии Небеснем, болий 
его есть. 12 От дней же иоанна Крестителя 
доселе, Царствие Небесное @нудится@{@с нуждею 
восприемлется@}, и нуждницы восхищают е. 13 Вси 
бо пророцы и закон до иоанна прорекоша. 14 И аще 
хощете прияти, той есть илиа хотяй приити. 15 
Имеяй уши слышати, да слышит.

Конец понедельнику, и иоанну.

(за\ч 41) 16 Кому же*{Вторник 4 
недели: Рече Господь: кому*} уподоблю род 
сей? подобен есть детем, седящим на торжищах, 
и возглашающим другом своим, 17 И глаголющим: 
пискахом вам, и не плясасте: плакахом вам, и не 
рыдасте. 18 Прииде бо иоанн, ни ядый, ни пия, и 
глаголют: беса имать. 19 Прииде Сын человеческий, 
ядый и пияй, и глаголют: се человек ядца и 
винопийца, мытарем друг и грешником. и 
оправдися премудрость от чад своих. (л. 24 об.)

(за\ч 42) 20 Тогда начат*{Среда 4 
недели: Во время оно, начат*} Иисус поношати 
градовом, в нихже быша множайшия силы его, зане 
не покаяшася.

Конец вторнику.

21 Горе тебе хоразине, горе тебе вифсаидо: 
яко аще в тире и сидоне быша силы были бывшия 
в вас, древле убо во вретищи и пепеле покаялися 
быша. 22 Обаче глаголю вам: тиру и сидону 
отраднее будет в день судный, неже вам. 23 И 
ты капернауме, иже до Небес вознесыйся, до ада 
снидеши: зане аще в содомех быша силы были 
бывшия в тебе, пребыли убо быша до днешняго дне. 
24 Обаче глаголю вам, яко земли содомстей 
отраднее будет в день судный, неже тебе. 25 В 
то время отвещав Иисус, рече: исповедаю ти ся 
отче, Господи Небесе и земли, яко утаил еси 
сия от премудрых и разумных, и открыл еси та 
младенцем. 26 Ей, отче, яко тако бысть 
Благоволение пред тобою.

Конец среде.

(за\ч 43) 27 **{Четверток 4 недели: 
Рече Господь своим учеником:**} Вся мне 
предана суть отцем моим, и никтоже знает Сына, 
токмо отец: ни отца кто знает, токмо Сын, и 
емуже аще волит Сын открыти. 28 Приидите ко 
мне вси труждающиися и обремененнии, и аз 
упокою вы. 29 Возмите иго мое на себе, (л. 
25) и научитеся от мене, яко кроток есмь и 
смирен сердцем, и обрящете покой душам вашим. 30 
Иго бо мое благо, и бремя мое легко есть.

Конец четвертку.

Глава 12.

(за\ч 44) 1 В то время*{Пяток 4 
недели: Во время оно,*} иде Иисус в субботы 
сквозе сеяния: ученицы же его взалкашася, и 
начаша востерзати класы, и ясти. 2 Фарисее же 
видевше, реша ему: се ученицы твои творят, 
егоже не достоит творити в субботу. 3 Он же 
рече им: несте ли чли, что сотвори Давид, егда 
взалка сам и сущии с ним? 4 Како вниде в храм 
Божий, и хлебы предложения снеде, ихже не достойно 
бе ему ясти, ни сущим с ним, токмо иереем 
единым? 5 Или несте чли в законе, яко в 
субботы Священницы в церкви субботы сквернят, и 
неповинни суть? 6 Глаголю же вам, яко церкве 
боле есть зде. 7 Аще ли бысте ведали что 
есть, милости хощу, а не жертвы: николиже убо 
бысте осуждали неповинных. 8 Господь бо есть и 
субботы Сын человеческий.

Конец пятку.

(за\ч 45) [21] 9 И прешед оттуду, 
прииде на сонмище их.**{Понедельник 5 
недели: Во время оно, прииде Иисус на сонмище 
иудейское,**} 10 И се человек бе ту, руку 
имый суху, и (л. 25 об.) вопросиша его 
глаголюще: аще достоит в субботы целити? да на 
него возглаголют. 11 Он же рече им: кто есть 
от вас человек, иже имать овча едино, и 
аще впадется в субботы в яму, не имет ли е, 
и измет? 12 Кольми убо лучше есть человек 
овчате? темже достоит в субботы добро творити. 
13 Тогда глагола человеку, простри руку твою. и 
простре: и утвердися цела яко другая.

Конец понедельнику.

(за\ч 46) 14 Фарисее же шедше, совет 
сотвориша на него, како да его*{Вторник 5 
недели: Во время оно, совет сотвориша фарисее 
на Иисуса, како его*} погубят: Иисус же 
разумев отиде оттуду.

(за\ч) 15 И по нем**{Суббота по 
Рождестве Христове: Во время оно, по Иисусе**} 
идоша народи мнози: и исцели их всех. 16 И 
запрети им, да не яве его творят.

Преступи вторнику.

17 Яко да сбудется реченное исаием пророком, 
глаголющим: 18 Се отрок мой, егоже изволих: 
возлюбленный мой, нань же благоволи душа моя: положу 
дух мой на нем, и суд языком возвестит. 19 
Не преречет, ни возопиет, ниже услышит кто на 
распутиих гласа его. 20 Трости сокрушенны не 
преломит, и лена внемшася не (л. 26) угасит, 
дондеже изведет в победу суд. 21 И на имя 
его языцы уповают.

Конец субботе.

Чти вторнику:

[22] 22 Тогда приведоша к нему беснующася, 
слепа и нема: и исцели его яко слепому и 
немому глаголати и глядати. 23 И дивляхуся вси 
народи глаголюще: еда сей есть Христос, Сын 
Давидов? 24 Фарисее же слышавше, реша: сей не 
изгонит бесы, токмо о веельзевуле князе 
бесовстем. 25 Ведый же Иисус мысли их, рече 
им: всякое Царство, раздельшееся на ся, запустеет: 
и всяк град или дом, разделивыйся на ся, не 
станет. 26 И аще сатана сатану изгонит, на ся 
разделился есть, како убо станет Царство его? 
27 И аще аз о веельзевуле изгоню бесы, сынове 
ваши о ком изгонят? сего ради тии вам будут 
судии. 28 Аще ли же аз о Дусе Божии изгоню 
бесы, убо постиже на вас Царствие Божие. 29 Или 
како может кто внити в дом крепкаго, и сосуды 
его расхитити, аще не первее свяжет крепкаго, и 
тогда дом его расхитит?

(за\ч 47) 30 *{Суббота 8 недели: Рече 
Господь:*} Иже несть со мною, на мя есть: и 
иже не собирает со мною, расточает.

Конец вторнику. (л. 26 об.)

31 Сего ради глаголю вам, всяк грех и хула 
отпустится человеком: а яже на Духа хула, не 
отпустится человеком. 32 И иже аще речет слово 
на Сына человеческаго, отпустится ему: а иже 
речет на Духа святаго, не отпустится ему, ни в сий 
век, ни в будущий. 33 Или сотворите древо добро 
и плод его добр: или сотворите древо зло, и 
плод его зол: от плода бо древо познано будет. 
34 Порождения ехиднова, како можете добро 
глаголати, зли суще? от избытка бо сердца уста 
глаголют. 35 Благий человек, от благаго 
сокровища, износит Благая: и лукавый человек, от 
лукаваго сокровища, износит лукавая. 36 Глаголю же 
вам, яко всяко слово праздное, еже аще рекут 
человецы, воздадят о нем слово в день судный. 37 
От словес бо своих оправдишися, и от словес 
своих осудишися.

Конец субботе.

(за\ч 48) [23] (ср\де) 38 Тогда 
отвещаша*{Среда 5 недели: Во время оно, 
приступиша ко Иисусу*} нецыи от книжник и 
фарисей, глаголюще: учителю, хощем от тебе 
знамение видети. 39 Он же отвещав рече им: 
род лукав и прелюбодей знамения ищет, и 
знамение не дастся ему, токмо знамение ионы 
пророка. 40 Якоже бо бе иона во чреве китове 
три дни и три нощи: тако будет и Сын человеческий 
в сердцы земли, три дни и три нощи. 41 Мужие 
ниневитстии (л. 27) востанут на суд с родом сим, 
и осудят и: яко покаяшася проповедию иониною, 
и се боле ионы зде. 42 Царица южская востанет 
на суд с родом сим, и осудит и: яко прииде 
от конец земли слышати премудрость соломонову, и 
се боле соломона зде. 43 Егда же нечистый дух 
изыдет от человека, преходит сквозе безводная 
места, ищя покоя, и не обретает. 44 Тогда 
речет: возвращуся в дом мой, отнюдуже изыдох: и 
пришед обрящет празден, пометен и украшен. 
45 Тогда идет, и поймет с собою седмь иных 
духов лютейших себе, и вшедше живут ту: и 
будут последняя человеку тому горша первых. тако 
будет и роду сему лукавому.

Конец среде.

(за\ч 49) 46 Еще же ему 
глаголющу*{Четверток 5 недели: Во время 
оно, глаголющу Иисусу*} к народом, се Мати 
его, и братия его стояху вне, ищуще глаголати 
ему. 47 Рече же некий ему: се Мати твоя, и 
братия твоя вне стоят, хотяще глаголати тебе. 48 
Он же отвещав рече ко глаголющему ему: кто 
есть Мати моя? и кто суть братия моя? 49 И 
простер руку свою на ученики своя, рече: се Мати 
моя, и братия моя: иже бо аще сотворит волю 
отца моего, иже есть на Небесех, той брат 
мой, и сестра, и мати ми есть. (л. 27 об.)

Глава 13.

1 В день же той изшед Иисус из дому 
седяше при мори. 2 И собрашася к нему народи 
мнози, якоже ему в корабль влезти, и сести, и 
весь народ на брезе стояше. 3 И глагола им 
притчами много,

Конец четвертку.

глаголя:

(за\ч 50) [24] *{Пяток 5 недели: 
Рече Господь притчу сию:*} Се изыде сеяй да 
сеет. 4 И сеющу ему, ова падоша при пути: и 
приидоша птицы, и позобаша я. 5 Другая же падоша 
на каменных, идеже не имеяше земли многи: и 
абие прозябоша, зане не имеяше глубины земли. 6 
Солнцу же возсиявшу присвянуша, и зане не имеяху 
корения, изсхоша. 7 Другая же падоша в тернии, и 
взыде терние, и подави их. 8 Другая же падоша на 
земли добрей, и даяху плод: ово убо сто, 
ово же шестьдесят, ово же тридесять. 9 Имеяй 
уши слышати, да слышит.

Конец пятку.

(за\ч 51) 10 И приступивше ученицы 
[его] рекоша ему: почто притчами глаголеши 
им?**{Понедельник 6 недели: Во время 
оно, приступивше ко Иисусу ученицы его рекоша: 
почто притчами глаголеши к народом?**} 11 Он 
же отвещав (л. 28) рече им: яко вам дано 
есть разумети тайны Царствия Небеснаго: онем же не 
дано есть. 12 Иже бо имать, дастся ему, и 
преизбудет ему: а иже не имать, и еже имать, 
возмется от него. 13 Сего ради в притчах 
глаголю им: яко видяще не видят, и слышаще не 
слышат, ни разумеют. 14 И сбывается в них 
пророчество исаиино, глаголющее: слухом услышите, 
и не имате разумети: и зряще узрите, и не 
имате видети. 15 Отолсте бо сердце людей сих, 
и ушима тяжко слышаша, и очи свои смежиша, да 
не когда узрят очима, и ушима услышат, и 
сердцем уразумеют, и обратятся, и исцелю 
их. 16 Ваша же Блаженна очеса, яко видят: и 
уши ваши, яко слышат. 17 Аминь бо глаголю 
вам, яко мнози пророцы и праведницы вожделеша 
видети, яже видите, и не видеша: и слышати, 
яже слышите, и не слышаша. 18 Вы же услышите 
притчу сеющаго. 19 Всякому слышащему слово Царствия, 
и не разумевающу, приходит лукавый, и восхищает 
всеянное в сердце его: сие есть, [иже] при 
пути сеянное. 20 А на камени сеянное, сие есть, 
слышай слово, и абие с радостию приемлет е: 21 
Не имать же корене в себе, но привременен есть, 
бывши же печали или гонению словесе ради, абие 
соблажняется. 22 А сеянное в тернии, се есть, 
слышай слово, и печаль века сего, и лесть 
богатства, подавляет слово, и без плода бывает. 
23 А сеянное на добрей земли, се есть, слышай 
слово и разумевая: иже убо плод (л. 28 об.) 
приносит, и творит, ово сто, ово же 
шестьдесят, ово тридесять.

Конец понедельнику.

(за\ч 52) 24 Ину притчу предложи 
им,*{Вторник 6 недели: Рече Господь притчу 
сию:* Сие и ангелом.} глаголя: уподобися 
Царствие Небесное человеку сеявшу доброе семя на 
селе своем. 25 Спящим же человеком, прииде 
враг его, и всея плевелы посреде пшеницы, и 
отиде. 26 Егда же прозябе трава, и плод сотвори, 
тогда явишася и плевелие. 27 Пришедше же раби 
Господина, реша ему: Господи, не доброе ли семя сеял 
еси на селе [твоем]? откуду убо имать 
плевелы? 28 Он же рече им: враг человек сие 
сотвори. раби же реша ему: хощеши ли убо, да 
шедше исплевем я? 29 Он же рече [им]: ни, да 
не когда восторгающе плевелы, восторгнете купно с 
ними [и] пшеницу. 30 Оставите расти обое купно до 
жатвы: и во время жатвы реку жателем: соберите 
первее плевелы, и свяжите их в снопы, яко 
сожещи я, а пшеницу соберите в житницу мою.

Конец вторнику.

Преступи ангелом.

(за\ч 53) 31 Ину притчу предложи им, 
глаголя:**{Среда 6 недели: Рече Господь притчу 
сию:**} подобно есть Царствие Небесное зерну 
горушичну, еже взем (л. 29) человек всея на 
селе своем. 32 Еже малейше убо есть от 
всех семен: егда же возрастет, более [всех] 
зелий есть, и бывает древо: яко приити птицам 
Небесным, и витати на ветвех его. 33 Ину притчу 
глагола им: подобно есть Царствие Небесное квасу, 
иже вземши жена скры в мучных сатех три, 
дондеже вскисоша вся. 34 Сия вся глагола Иисус в 
притчах народом, и без притчи ничесоже глаголаше 
к ним. 35 Яко да сбудется реченное пророком 
глаголющим: отверзу в притчах уста моя, 
отрыгну сокровенная от сложения мира. 36 Тогда 
оставль народы, прииде в дом Иисус.

Конец среде.

Чти ангелом:

(за\ч 54) И*{Четверток 6 недели: Во 
время оно, пришедшу Иисусу в дом,*} приступиша 
к нему ученицы его, глаголюще: скажи нам притчу 
плевел сельных. 37 Он же отвещав рече им: 
сеявый доброе семя, есть Сын человеческий: 38 А 
село, есть мир. доброе же семя, сии суть сынове 
Царствия: а плевелы, суть сынове неприязненнии, 39 А 
враг всеявый их, есть диавол. а жатва, 
кончина века есть: а жатели, ангели суть. 40 
Якоже убо собирают плевелы, и огнем 
сожигают, тако будет в скончание века сего. 41 
Послет Сын человеческий ангелы своя, и (л. 29 
об.) соберут от Царствия его вся соблазны, и 
творящия беззаконие: 42 И ввергут их в пещь 
огненну: ту будет плачь и скрежет зубом. 43 
Тогда праведницы просветятся яко солнце в Царствии 
отца их. имеяй уши слышати, да слышит.

Конец четвертку, и ангелом.

(за\ч 55) 44 Паки*{Пяток 6 
недели: Рече Господь притчу сию:* Сие и октовриа 
3, святому дионисию.} подобно есть Царствие Небесное 
сокровищу сокровену на селе, еже обрет человек 
скры. и от радости его идет и вся, елика 
имать, продает, и купует село то. 45 Паки 
подобно есть Царствие Небесное человеку купцу, ищущу 
добрыя бисеры: 46 Иже обрет един многоценен 
бисер, шед продаде вся, елика имяше, и купи 
его. 47 Паки подобно есть Царствие Небесное неводу 
ввержену в море, и от всякаго рода собравшу: 48 
Иже егда исполнися, извлекоша и на край, и 
седше избраша добрыя в сосуды, а злыя извергоша 
вон. 49 Тако будет в скончание века: изыдут 
ангели, и отлучат злыя от среды праведных: 50 И 
ввергут их в пещь огненную, ту будет плачь и 
скрежет зубом. 51 Глагола им Иисус: разуместе ли 
сия вся? глаголаша ему: ей Господи. 52 Он же 
рече им: сего ради всяк книжник, научився 
Царствию Небесному, подобен есть человеку домовиту, 
иже износит от сокровища своего новая и ветхая. 
(л. 30)

(за\ч 56) 53 И бысть, егда сконча Иисус 
притчи сия, прейде оттуду. 54 И пришед во 
отечествие свое, учаше их*{Понедельник 
7 недели: Во время оно, прииде Иисус во 
отечествие свое, и учаше народы*} на сонмищи 
их,

Конец пятку и святому.

яко дивитися им, и глаголати: откуду сему 
премудрость сия, и силы? 55 Не сей ли есть 
тектонов Сын? не Мати ли его нарицается мариам, и 
братия его, иаков, и иосий, и симон, и иуда? 
56 И сестры его не вся ли в нас суть? откуду 
убо сему сия вся? 57 И блажняхуся о нем. Иисус 
же рече им: несть пророк без чести токмо во 
отечествии своем, и в дому своем: 58 И не сотвори 
ту силы многи, за неверство их.

Конец понедельнику.

Глава 14.

(за\ч 57) [25] 1 Во то время услышав 
ирод четвертовластник слух Иисусов, 2 И 
рече**{Вторник 7 недели: Во время оно, 
услышав ирод четвертовластник слух Иисусов, 
рече** Сие и на усекновение главы иоанна, на 
утрени.} отроком своим: сей есть иоанн 
Креститель, той воскресе от мертвых, и сего ради 
силы деются о нем. 3 Ирод бо ем иоанна, 
связа его, и всади в темницу, иродиады ради жены 
филиппа (л. 30 об.) брата своего. 4 Глаголаше бо 
ему иоанн: не достоит ти имети ея. 5 И 
хотяше его убити, убояся народа: зане яко 
пророка его имеяху. 6 Дни же бывшу рождества 
иродова, пляса дщи иродиадина посреде, и угоди 
иродови. 7 Темже и с клятвою изрече ей дати, 
егоже аще воспросит. 8 Она же наваждена материю 
своею, даждь ми, рече, зде на блюде главу иоанна 
крестителя. 9 И печален бысть царь: клятвы же ради, 
и за возлежащих с ним, повеле дати ей. 10 И 
послав усекну иоанна в темнице. 11 И 
принесоша главу его на блюде, и даша девице: и 
отнесе матери своей. 12 И приступльше ученицы 
его, взяша тело его, и погребоша е: и 
пришедше возвестиша Иисусови. 13 И слышав Иисус, 
отиде оттуду в корабли, в пусто место 
@един@{@особь@}. и слышавше народи, по нем 
идоша пеши от градов.

Конец вторнику, и усекновению.

(за\ч 58) 14 И изшед Иисус 
виде*{Неделя 8: Во время оно, виде 
Иисус*} мног народ, и милосердова о них, и 
исцели недужныя их. 15 Позде же бывшу, 
приступиша к нему ученицы его, глаголюще: пусто 
есть место, и час уже мину: отпусти народы, 
да шедше в веси, купят брашна себе. 16 Иисус же 
рече им: не требуют отити, дадите им вы 
ясти. [26] 17 Они же глаголаша ему: не имамы 
зде токмо пять хлеб и две рыбе. 18 Он же 
(л. 31) рече: принесите ми их семо. 19 И 
повелев народом возлещи на траве, и прием пять 
хлеб и обе рыбе, воззрев на Небо, Благослови: 
и преломив даде учеником хлебы, ученицы же 
народом. 20 И ядоша вси, и насытишася: и взяша 
избытки укрух, дванадесять коша исполнь. 21 
Ядущих же бе мужей яко пять тысящ, разве 
жен и детей.

(за\ч 59) 22 И абие*{Неделя 9: 
Во время оно,*} понуди Иисус ученики своя 
влезти в корабль, и @варити его на оном 
полу@{@предыти ему на он пол@}, дондеже 
отпустит народы.

Конец недели 8.

23 И отпустив народы, взыде на гору един 
помолитися. позде же бывшу, един бе ту. 24 
Корабль же бе посреде моря, влаяся волнами: бе бо 
противен ветр. [27] 25 В четвертую же стражу 
нощи, иде к ним Иисус, ходя по морю. 26 И 
видевше его ученицы по морю ходяща, смутишася, 
глаголюще, яко призрак есть: и от страха 
возопиша. 27 Абие же рече им Иисус, глаголя: 
дерзайте, аз есмь, не бойтеся. 28 Отвещав же 
петр рече: Господи, аще ты еси, повели ми приити к 
тебе по водам. 29 Он же рече: прииди. и 
излез из корабля петр, хождаше по водам, 
приити ко Иисусови. 30 Видя же ветр крепок, 
убояся, и начен утопати, возопи, глаголя: 
Господи, спаси мя. (л. 31 об.) 31 И абие Иисус 
простер руку, ят его, и глагола ему: 
маловере, почто усумнелся еси? 32 И влезшема 
има в корабль, преста ветр. 33 Сущии же в 
корабли, пришедше поклонишася ему, глаголюще: 
воистинну Божий Сын еси. 34 И прешедше приидоша в 
землю геннисарефскую.

Конец недели.

(за\ч 60) 35 И познавше его мужие 
места того,*{Среда 7 недели: Во время 
оно, познавше Иисуса мужие земли геннисарефски,*} 
послаша во всю страну ту: и принесоша к нему вся 
болящия. 36 И моляху его, да токмо прикоснутся 
вскрилию ризы его: и елицы прикоснушася, спасени 
быша.

Глава 15.

[28] 1 Тогда приступиша ко Иисусови, иже от 
иерусалима книжницы и фарисее, глаголюще: 2 Почто 
ученицы твои преступают предание старец? не 
умывают бо рук своих, егда хлеб ядят. 3 
Он же отвещав рече им: почто и вы 
преступаете заповедь Божию за предание ваше? 4 Бог бо 
заповеда, глаголя: чти отца и матерь: и иже 
злословит отца или матерь, смертию да умрет. 
5 Вы же глаголете: иже аще речет отцу, или 
матери: дар, еже аще от мене пользовался еси. 
6 И да не почтит отца своего, или матере @ 
@{@своея@}: и (л. 32) разористе заповедь Божию за 
предание ваше. 7 Лицемери, добре пророчествова о 
вас исаиа, глаголя: 8 Приближаются мне людие сии 
усты своими, и устнами чтут мя: сердце же 
их далече отстоит от мене. 9 Всуе же чтут мя, 
учаще учением, заповедем человеческим. 10 
И призвав народы, рече им: слышите, и разумейте: 
11 Не входящее во уста сквернит человека: но 
исходящее изоуст, то сквернит человека.

Конец среде.

(за\ч 61) 12 Тогда 
приступльше*{Четверток 7 недели: Во время 
оно, приступльше ко Иисусу*} ученицы его, 
реша ему: веси ли, яко фарисее слышавше слово, 
соблазнишася? 13 Он же отвещав рече: всяк 
сад, егоже не насади отец мой небесный, 
искоренится. 13 Оставите их: вожди суть слепи 
слепцем: слепец же слепца аще водит, оба в 
яму впадетася. 15 Отвещав же петр, рече 
ему: скажи нам притчу сию. 16 Иисус же рече 
[им]: @единаче@{@еще@} ли и вы без разума 
есте? 17 Не у ли разумеваете, яко всяко, 
еже входит во уста, во чрево вмещается, и 
афедроном исходит? 18 Исходящая же изоуст, от 
сердца исходят, и та сквернят человека. 19 От 
сердца бо исходят помышления злая, убийства, 
прелюбодеяния, любодеяния, татьбы, лжесвидетельства, 
хулы. 20 Сия суть сквернящая человека: а еже 
неумовенныма рукама ясти, не сквернит человека. (л. 
32 об.)

(за\ч 62) 21 И изшед оттуду Иисус, 
отиде*{Неделя 17: Во время оно, вниде 
Иисус*} во страны тирския и сидонския.

Конец четвертку.

[29] 22 И се жена хананейска от предел тех 
изшедши, возопи к нему, глаголющи: помилуй мя Господи, 
Сыне Давидов: дщи моя зле беснуется. 23 Он же не 
отвеща ей словесе. и приступльше ученицы 
его, моляху его глаголюще: отпусти ю, яко 
вопиет в след нас. 24 Он же отвещав, рече: 
несмь послан, токмо ко овцам погибшим дому 
Израилева. 25 Она же пришедши поклонися ему, 
глаголющи: Господи, помози ми. 26 Он же отвещав, 
рече: несть добро отяти хлеба чадом, и поврещи 
псом. 27 Она же рече: ей Господи: ибо и пси 
ядят от крупиц падающих от трапезы господей 
своих. 28 Тогда отвещав Иисус, рече ей: _о 
жено, велия вера твоя! буди тебе, якоже хощеши. 
и исцеле дщи ея от того часа.

Конец недели.

(за\ч 63) [30] 29 И прешед оттуду 
Иисус, прииде**{В пяток 7 недели: Во время 
оно, прииде Иисус**} на море галилейское: и 
возшед на гору, седе ту. 30 И приступиша к нему 
народи мнози, имуще с собою хромыя, слепыя, 
немыя, бедныя, и ины многи: и привергоша их к 
ногама Иисусовыма, и исцели их. 31 Якоже 
народом дивитися видящим (л. 33) немыя глаголющя, 
бедныя здравы, хромыя ходящя, и слепыя видящя, и 
славляху Бога Израилева.

Конец пятку.

(за\ч 64) [31] 32 Ии~с же 
призвав*{Суббота 9 недели: Во время оно, 
призвав Иисус*} ученики своя, рече [им]: 
милосердую о народе [сем], яко уже дни три 
приседят мне, и не имут чесо ясти: и 
отпустити их не ядша не хощу, да не како 
ослабеют на пути. 33 И глаголаша ему ученицы 
его: откуду нам в пустыни хлеби толицы, яко 
да насытится толик народ? 34 И глагола им Иисус: 
колико хлебы имате? они же реша: седмь, и мало 
рыбиц. 35 И повеле народом возлещи на земли. 36 
И прием седмь хлебы и рыбы, хвалу воздав 
преломи, и даде учеником своим, ученицы же 
народом. 37 И ядоша вси, и насытишася: и взяша 
избытки укрух, седмь кошниц исполнь. 38 
Ядших же бяше четыре тысящи мужей, разве жен и 
детей. 39 И отпустив народы, влезе в корабль, и 
прииде в пределы магдалински.

Конец субботе.

Глава 16.

(за\ч 65) 1 И приступиша к 
нему**{Понедельник 8 недели: Во время 
оно, приступиша ко Иисусу**} фарисее и саддукее 
искушающе вопросиша его, знамение с небесе 
показати им. 2 Он же отвещав рече (л. 33 
об.) им: вечеру бывшу, глаголете, ведро: чермнует 
бо ся небо. 3 И утру, днесь зима: чермнует бо ся 
дряселуя небо. лицемери, лице убо Небесе 
умеете разсуждати, знамений же временом не можете 
искусити. 4 Род лукав и прелюбодейный знамения 
ищет: и знамение не дастся ему, токмо знамение 
ионы пророка. и оставль их, отиде. 5 И 
прешедше ученицы его на он пол, забыша хлебы 
взяти.

(за\ч 66) 6 Ии~с же рече 
им:*{Вторник 8 недели: Рече Господь своим 
учеником:*} внемлите и блюдитеся от кваса 
фарисейска и саддукейска.

Конец понедельнику.

7 Они же помышляху в себе, глаголюще: яко 
хлебы не взяхом. [32] 8 Разумев же Иисус рече 
им: что мыслите в себе, маловери, яко хлебы 
не взясте? 9 Не у ли разумеете, ниже помните, 
пять хлебы пятим тысящам, и колико кош взясте? 
10 Ни ли седмь хлебы четырем тысящам, и колико 
кошниц взясте? 11 Како не разумеете, яко не о 
хлебех рех вам внимати, [но] от кваса 
фарисейска и саддукейска? 12 Тогда разумеша, яко 
не рече хранитися от кваса хлебнаго, но от учения 
фарисейска и саддукейска.

Конец вторнику.

(за\ч 67) 13 Пришед же**{Иуниа 
29, на литургии: Во время оно, пришед** Сие и 
на оСвящение Церкве.} Иисус во страны кесарии 
филипповы, вопрошаше ученики своя, глаголя: кого мя 
(л. 34) глаголют человецы быти, Сына человеческаго? 
[33] 14 Они же реша: ови убо иоанна 
крестителя, инии же илию, друзии же иеремию, или 
единаго от пророк. 15 Глагола им Иисус: вы же 
кого мя глаголете быти? 16 Отвещав же симон 
петр рече: ты еси Христос, Сын Бога живаго. 17 
И отвещав Иисус рече ему: блажен еси симоне 
вар иона, яко плоть и кровь не яви тебе, но 
отец мой иже на Небесех. 18 И аз же тебе 
глаголю, яко ты еси петр, и на сем камени 
созижду Церковь мою, и врата адова не одолеют 
ей.

Конец Священию.

19 И дам ти ключи Царства Небеснаго: и еже 
аще свяжеши на земли, будет связано на Небесех: и 
еже аще разрешиши на земли, будет разрешено на 
небесех.

Конец апостолом.

(за\ч 68) 20 Тогда*{Среда 8 
недели: Во время оно,*} запрети Иисус 
учеником своим, да никомуже рекут, яко сей 
есть Иисус Христос. 21 Оттоле начат Иисус 
сказовати учеником своим, яко подобает ему 
ити во иерусалим, и много пострадати от старец 
и архиерей и книжник, и убиену быти, и третий 
день востати. 22 И поем его петр, начат 
пререцати ему, глаголя: милосерд ты Господи, не имать 
быти тебе сие. 23 Он же (л. 34 об.) обращся 
рече петрови: иди за мною сатано, соблазн ми 
еси: яко не мыслиши, яже [суть] Божия, но 
человеческая.

(за\ч 69) 24 Тогда Иисус рече 
учеником своим:*{Четверток 8 недели: 
Рече Господь своим учеником:*} аще кто 
хощет по мне ити, да отвержется себе, и возмет 
Крест свой, и по мне грядет.

Конец среде.

25 Иже бо аще хощет душу свою спасти, 
погубит ю: и иже аще погубит душу свою мене 
ради, обрящет ю. 26 Кая бо польза человеку, аще 
мир весь приобрящет, душу же свою оттщетит? или 
что даст человек измену за душу свою? 27 Приити 
бо имать Сын человеческий во славе отца своего, 
со ангелы своими: и тогда воздаст комуждо по 
деянием его. 28 Аминь глаголю вам, [яко] 
суть нецыи от зде стоящих, иже не имут вкусити 
смерти, дондеже видят Сына человеческаго грядуща во 
Царствии своем.

Конец четвертку.

Глава 17.

(за\ч 70) [34] 1 И по днех 
шестих,**{Преображению на литургии: Во время 
оно,**} поят Иисус петра и иакова и иоанна 
брата его, и возведе их на гору высоку едины. 
2 И преобразися пред ними: и просветися лице 
его яко солнце: ризы (л. 35) же его быша 
белы яко свет. 3 И се явистася им моисей 
и илиа, с ним глаголюща. 4 Отвещав же петр 
рече [ко] Иисусови: Господи, добро есть нам зде 
быти: аще хощеши, сотворим зде три сени, тебе 
едину, и моисеови едину, и едину илии. 5 
Еще [же] ему глаголющу, се облак светел 
осени их: и се глас из облака глаголя: сей 
есть Сын мой возлюбленный, о немже благоволих: 
того послушайте. 6 И слышавше ученицы, падоша 
ницы, и убояшася зело. 7 И приступль Иисус, 
прикоснуся их, и рече: востаните, и не бойтеся. 8 
Возведше же очи свои, никогоже видеша, токмо Иисуса 
единаго. 9 И сходящим им с горы, заповеда 
им Иисус, глаголя: никомуже поведите видения, 
дондеже Сын человеческий из мертвых воскреснет.

Конец преображению.

(за\ч 71) 10 И вопросиша 
его*{Пяток 8 недели: Во время оно, 
вопросиша Иисуса*} ученицы его, глаголюще: что 
убо книжницы глаголют, яко илии подобает 
приити прежде? 11 Иисус же отвещав рече им: 
илиа убо приидет прежде, и устроит вся. 12 
Глаголю же вам, яко илиа уже прииде: и не 
познаша его, но сотвориша о нем, елика 
восхотеша. тако и Сын человеческий имать 
пострадати от них. 13 Тогда разумеша ученицы, 
яко о иоанне крестители рече им.

(за\ч 72) [35] 14 И пришедшим им к 
народу, приступи к нему человек,**{Неделя 
10: Во время оно, человек некий приступи ко 
Иисусу**} кланяяся ему, 15 И глаголя: Господи, 
(л. 35 об.) помилуй сына моего, яко на новы 
месяцы беснуется, и зле страждет: множицею бо 
падает во огнь, и множицею в воду. 16 И 
приведох его ко учеником твоим, и не возмогоша 
его исцелити. 17 Отвещав же Иисус рече: _о 
роде неверный, и развращенный, доколе буду с вами? 
доколе терплю вас? приведите ми его семо. 18 
И запрети ему Иисус: и изыде из него бес, и 
исцеле отрок от часа того.

Конец пятку.

19 Тогда приступльше ученицы Иисусови 
единому, реша: почто мы не возмогохом изгнати 
его? 20 Иисус же рече им: за неверствие ваше. 
аминь бо глаголю вам: аще имате веру яко 
зерно горушно, речете горе сей, прейди отсюду 
тамо, и прейдет: и ничтоже невозможно будет вам. 
21 Сей же род не исходит, токмо молитвою и 
постом. 22 Живущим же им в галилеи, рече им 
Иисус: предан имать быти Сын человеческий в руце 
человеком: 23 И убиют его, и третий день 
востанет.

Конец недели.

и скорбни быша зело.

(за\ч 73) [36] 24 Пришедшим же им в 
капернаум,*{Суббота 10 недели: Во время 
оно,*} приступиша приемлющии дидрахма к петрови, 
и реша: учитель ваш не даст ли дидрахма? 25 
Глагола, ей. и (л. 36) егда вниде в дом, 
предвари его Иисус, глаголя: что ти мнится, симоне? 
царие земстии от киих приемлют дани, или кинсон? 
от своих ли сынов, или от чужих? 26 Глагола 
ему петр: от чужих. рече ему Иисус: убо 
свободни суть сынове. 27 Но да не соблазним их, 
шед в море верзи удицу, и иже прежде имеши 
рыбу, возми: и отверз уста ей, обрящеши 
статир: той взем даждь им за мя и за ся.

Глава 18.

(за\ч 74) [37] 1 В той 
час*{Понедельник 9 недели: Во время 
оно,*} приступиша ученицы ко Иисусу, глаголюще: 
кто убо болий есть в Царствии Небеснем? 2 И 
призвав Иисус отроча, постави е посреде их, 
3 И рече: аминь глаголю вам, аще не обратитеся, 
и будете яко дети, не внидете в Царство Небесное. 4 
Иже бо смирится яко отроча сие, той есть 
болий во Царствии Небеснем.

Конец субботе.

5 И иже аще приимет отроча таково во имя 
мое, мене приемлет. 6 А иже аще соблазнит 
единаго малых сих верующих в мя, уне есть 
ему, да обесится жернов осельский на выи его, 
и потонет в пучине морстей. 7 Горе миру от 
соблазн: нужда бо есть приити соблазном. обаче 
горе человеку тому, имже соблазн приходит. (л. 36 
об.) 8 Аще ли рука твоя, или нога твоя 
соблажняет тя, отсецы ю, и верзи от себе: 
добрейше ти есть внити в живот хрому или 
@бедну@{@без руки@}, нежели две руце, и две 
нозе имущу, ввержену быти во огнь вечный. 9 И 
аще око твое соблажняет тя, изми е, и 
верзи от себе: добрейше ти есть со единем 
оком в живот внити, неже две оце имущу, 
ввержену быти в геенну огненную.

(за\ч 75) 10 *{Понедельник святаго 
Духа: Рече Господь:*} Блюдите, да не презрите 
единаго [от] малых сих: глаголю бо вам, яко 
ангели их на Небесех выну видят лице отца 
моего Небеснаго. 11 Прииде бо Сын человеческий 
взыскати и спасти погибшаго.

Конец понедельнику 9-му.

[38] 12 Что вам мнится: аще будет некоему 
человеку сто овец, и заблудит едина от них: 
не оставит ли девятьдесят и девять в горах, и 
шед ищет заблуждшия? 13 И аще 
*будет*{*приключится*} обрести ю, аминь глаголю 
вам, яко радуется о ней паче, неже о 
девятидесятих и девяти незаблуждших. 14 Тако 
несть воля пред отцем вашим Небесным, да 
погибнет един от малых сих. 15 Аще же 
согрешит к тебе брат твой, иди и обличи его 
между тобою и тем единем. аще тебе 
послушает, приобрел еси брата твоего. 16 Аще 
ли тебе не послушает, пойми с собою паки единаго 
(л. 37) или два, да при устех двою или триех 
свидетелей станет всяк глагол. 17 Аще же не 
послушает их, повеждь церкви: аще же и церковь 
преслушает, буди тебе якоже язычник и мытарь.

(за\ч 76) 18 Аминь бо*{Вторник 9 
недели: Рече Господь своим учеником: аминь*} 
глаголю вам: елика аще свяжете на земли, будут 
связана на Небеси: и елика аще разрешите на земли, 
будут разрешена на небесех. 19 Паки аминь 
глаголю вам: яко аще два от вас совещаета на 
земли о всякой вещи, еже аще просита, будет 
има от отца моего иже на небесех. 20 Идеже бо 
еста два или трие собрани во имя мое, ту есмь 
посреде их.

Конец понедельнику святаго Духа.

21 Тогда приступль к нему петр рече: Господи, 
коль краты аще согрешит в мя брат мой, и 
отпущу ли ему до седмь крат? 22 Глагола ему 
Иисус: не глаголю тебе до седмь крат, но до 
седмьдесят крат седмерицею.

Преступи вторнику.

(за\ч 77) [39] 23 Сего 
ради**{Неделя 11: Рече Господь притчу 
сию:**} уподобися Царствие Небесное человеку царю, 
иже восхоте стязатися о словеси с рабы своими. 24 
Наченшу же ему стязатися, приведоша ему единаго 
должника тмою талант. 25 Не имущу же ему 
воздати, повеле и Господь его продати, и жену (л. 
37 об.) его, и чада, и вся елика имеяше, и 
отдати. 26 Пад убо раб [той] кланяшеся ему, 
глаголя: Господи, потерпи на мне, и вся ти воздам. 
27 Милосердовав же Господь раба того, прости его, и 
долг отпусти ему. 28 Изшед же раб той, 
обрете единаго клеврет своих, иже [бе] 
должен ему стом пенязь, и ем его давляше, 
глаголя: отдаждь ми, имже [ми] еси должен. 29 
Пад убо клеврет его на нозе его, моляше 
его, глаголя: потерпи на мне, и вся воздам ти. 
30 Он же не хотяше: но вед всади его в темницу, 
дондеже воздаст должное. 31 Видевше же клеврети 
его бывшая, сжалиша си зело и пришедше сказаша 
Господину своему вся бывшая. 32 Тогда призвав его 
Господин его, глагола ему: рабе лукавый, весь 
долг он отпустих тебе, понеже умоли мя: 33 
Не подобаше ли и тебе помиловати клеврета твоего, 
якоже и аз тя помиловах? 34 И прогневався 
Господь его, предаде его мучителем, дондеже 
воздаст весь долг свой. 35 Тако и отец мой 
Небесный сотворит вам, аще не отпустите кождо брату 
своему от сердец ваших прегрешения их.

Конец недели. Чти вторнику:

Глава 19.

(че\к) 1 И бысть егда сконча Иисус 
словеса сия, прейде от галилеи, и прииде в пределы 
иудейския об он пол иордана. 2 И по нем 
идоша народи мнози, и исцели их ту. (л. 38)

Преступи паки вторнику.

(за\ч 78) [40] 3 И приступиша к 
нему*{Суббота 11: Во время оно, приступиша 
ко Иисусу*} фарисее искушающе его, и глаголаша 
ему: аще достоит человеку пустити жену свою по 
всякой вине? 4 Он же отвещав, рече им: 
несте ли чли, яко сотворивый искони, мужеский 
пол и женский сотворил я [есть]? 5 И рече: 
сего ради оставит человек отца [своего] и 
матерь, и прилепится [к] жене своей, и будета 
оба в плоть едину: 6 Якоже ктому неста два, 
но плоть едина. еже убо Бог сочета, человек 
да не разлучает. 7 Глаголаша ему: что убо 
моисей заповеда дати книгу распустную, и отпустити 
ю? 8 Глагола им: яко моисей по жестосердию 
вашему повеле вам пустити жены ваша, из начала 
же не бысть тако. 9 Глаголю же вам, яко иже аще 
пустит жену свою, разве словесе прелюбодейна, и 
оженится иною, прелюбы творит: и женяйся 
пущеницею, прелюбы деет. 10 Глаголаша ему 
ученицы его: аще тако есть вина человеку с 
женою, лучше [есть] не женитися. 11 Он же рече 
им: не вси вмещают словесе сего, но имже дано 
[есть]. 12 Суть бо скопцы, иже из чрева 
матерня родишася тако: и суть скопцы, иже скопишася 
от человек: и суть скопцы, иже исказиша сами 
себе Царствия ради Небеснаго. могий вместити, да 
вместит.

Конец субботе. (л. 38 об.)

Чти вторнику:

13 Тогда приведоша к нему дети, да руце 
возложит на них, и помолится: ученицы же запретиша 
им. 14 Иисус же рече [им]: оставите детей, и 
не возбраняйте им приити ко мне: таковых бо есть 
Царство Небесное. 15 И возложь на них руце, отиде 
оттуду.

Конец вторнику.

(за\ч 79) [41] 16 И се, един 
[некий] приступль рече ему:*{Неделя 12: 
Во время оно, юноша некий приступи ко Иисусу, 
кланяяся ему и глаголя:*} учителю Благий, 
что благо сотворю, да имам живот вечный? 17 
Он же рече ему: что мя глаголеши Блага? никтоже 
Благ, токмо един Бог. аще ли хощеши внити в 
живот, соблюди заповеди. 18 Глагола ему: кия? 
Иисус же рече: еже не убиеши, не прелюбы 
сотвориши, не украдеши, не лжесвидетельствуеши. 19 
Чти отца и матерь, и возлюбиши искренняго твоего 
яко сам себе. 20 Глагола ему юноша: вся сия 
сохраних от юности моея, что есмь еще не 
докончал? 21 Рече ему Иисус: аще хощеши 
совершен быти, иди, продаждь имение твое и даждь 
нищим, и имети имаши сокровище на небеси: и 
гряди в след мене. 22 Слышав же юноша слово, 
отиде скорбя: бе бо имея стяжания многа. 23 
Иисус же рече учеником своим: аминь глаголю 
вам, яко неудобь богатый внидет в Царствие 
Небесное. 24 Паки же глаголю вам: яко удобее 
есть (л. 39) вельбуду сквозе иглины уши 
проити, неже богату в царствие Божие внити. 25 
Слышавше же ученицы его, дивляхуся зело, 
глаголюще: кто убо может спасен быти? 26 
Воззрев же Иисус рече им: от человек сие не 
возможно есть, от Бога же вся возможна.

Конец 12 недели.

Чти всех святых недели:

27 Тогда отвещав петр рече ему: се мы 
оставихом вся, и в след тебе идохом, что 
убо будет нам? 28 Иисус же рече им: аминь 
глаголю вам, яко вы шедшии по мне, в пакибытие, 
егда сядет Сын человеческий на престоле славы 
своея, сядете и вы на двоюнадесяте престолу, судяще 
обеманадесяте коленома Израилевома. 29 И всяк иже 
оставит дом, или братию, или сестры, или 
отца, или матерь, или жену, или чада, или 
села, имене моего ради, сторицею приимет, и 
живот вечный наследит. 30 Мнози же будут перви, 
последнии: и последни, первии.

Конец недели всех святых.

Глава 20.

(за\ч 80) [42] 1 Подобно бо 
есть*{Среда 9 недели: Рече Господь притчу 
сию: уподобися*} Царствие Небесное человеку 
домовиту, иже изыде @купно@{@зело@} утро наяти 
делатели в виноград свой. 2 И совещав (л. 39 
об.) с делатели по пенязю на день, посла их в 
виноград свой. 3 И изшед в третий час, виде 
ины стоящя на торжищи праздны. 4 И тем рече: 
идите и вы в виноград мой, и еже будет 
правда, дам вам. они же идоша. 5 Паки же 
изшед в шестый, и девятый час, сотвори такоже. 6 
Во единый же надесять час изшед, обрете другия 
стоящя праздны, и глагола им: что зде стоите 
весь день праздны? 7 Глаголаша ему, яко никтоже 
нас наят. и глагола им: идите и вы в 
виноград [мой], и еже будет праведно, приимете. 
8 Вечеру же бывшу, глагола Господин винограда к 
приставнику своему: призови делатели, и даждь им 
мзду, начен от последних до первых. 9 И пришедше 
иже во единыйнадесять час, прияша по пенязю. 10 
Пришедше же первии мняху вящше прияти: и прияша и 
тии по пенязю. 11 Приемше же роптаху на Господина, 
12 Глаголюще: яко сии последнии един час 
сотвориша, и равны нам сотворил их еси, 
понесшим тяготу дне, и вар. 13 Он же 
отвещав рече единому их: друже, не обижу 
тебе: не по пенязю ли совеща со мною? 14 Возми 
твое, и иди: хощу же и сему последнему дати 
якоже и тебе. 15 Или несть ми леть 
сотворити еже хощу во своих ми? аще око твое 
лукаво есть, яко аз Благ есмь? 16 Тако 
будут последнии, перви: и первии, последни: мнози 
бо суть звани, мало же избранных.

Конец среде и мучеником. (л. 40)

(за\ч 81) 17 И восходя*{Четверток 
9 недели: Во время оно, восходя*} Иисус во 
Иерусалим, поят обанадесять ученика 
@едины@{@особь@} на путь, и рече им: 18 Се 
восходим во Иерусалим, и Сын человеческий предан 
будет архиереем, и книжником, и осудят его 
на смерть: 19 И предадят его языком на 
поругание и биение и пропятие, и в третий день 
воскреснет. [43] 20 Тогда приступи к нему Мати сыну 
зеведеову с сынома своима, кланяющися и просящи 
нечто от него. 21 Он же рече ей: чесо хощеши? 
глагола ему: рцы, да сядета сия оба сына моя, 
един одесную тебе, и един ошуюю тебе во 
Царствии твоем. 22 Отвещав же Иисус, рече: не 
вестася чесо просита. можета ли пити чашу, юже 
аз имам пити? или крещением, имже аз 
крещаюся, Креститися? глаголаста ему: можева. 23 И 
глагола има: чашу убо мою испиета, и 
крещением, имже аз крещаюся, Креститася: а еже 
сести одесную мене, и ошуюю мене, несть мое 
дати, но имже уготовася от отца моего. 24 И 
слышавше десять негодоваша о обою брату. 25 Иисус 
же призвав их, рече: весте, яко князи язык 
господствуют ими, и велицыи обладают ими. 26 Не 
тако же будет в вас: но иже аще хощет в вас 
вящший быти, да будет вам слуга. 27 И иже аще 
хощет в вас быти первый, буди вам раб. 28 
Якоже Сын человеческий не прииде да послужат ему, 
(л. 40 об.) но послужити, и дати душу свою 
избавление за многих.

Конец четвертку.

(за\ч 82) [44] 29 И исходящу 
ему*{Суббота 12 недели: Во время оно, 
исходящу Иисусу*} от иерихона, по нем иде 
народ мног. 30 И се два слепца седяща при пути, 
слышавша, яко Иисус мимоходит, возописта глаголюща: 
помилуй ны Господи, Сыне Давидов. 31 Народ же запрети 
има да умолчита. она же паче вопияста, 
глаголюща: помилуй ны Господи, Сыне Давидов. 32 И 
востав Иисус возгласи я, и рече: что хощета да 
сотворю вама? 33 Глаголаста ему: Господи, да 
отверзетеся очи наю. 34 Милосердовав же Иисус, 
прикоснуся очию има: и абие прозреста има 
очи, и по нем идоста.

Конец субботе.

Глава 21.

(за\ч 83) [45] 1 И егда 
приближишася**{В неделю цветную, на утрени: 
Во время оно, егда приближися Иисус**} во 
иерусалим, и приидоша в вифсфагию к горе 
елеонстей: тогда Иисус посла два ученика, 2 
Глаголя има: идита в весь яже прямо вама, и 
абие обрящета осля привязано, и жребя с ним: 
отрешивша приведита ми. 3 И аще вама кто речет 
что, речета, яко Господь ею требует: абие же 
послет я. 4 Сие же все бысть, да сбудется реченное 
пророком, (л. 41) глаголющим: 5 Рцыте дщери 
сионове, се Царь твой грядет тебе кроток, и 
всед на осля и жребя, сына подяремнича. 6 
Шедша же ученика, и сотворша, якоже повеле има 
Иисус, 7 Приведоста осля и жребя, и возложиша 
верху ею ризы своя, и вседе верху их. 8 
Множайшии же народи постилаху ризы своя по пути: 
друзии же резаху ветви от древ, и постилаху по 
пути. 9 Народи же предходящии [ему] и 
вследствующии, зваху глаголюще: осанна Сыну Давидову, 
Благословен грядый во имя Господне: осанна в вышних. 
10 И вшедшу ему во Иерусалим, потрясеся весь 
град, глаголя: кто есть сей? 11 Народи же 
глаголаху: сей есть Иисус пророк, иже от 
назарета галилейска.

Преступи недели.

(за\ч 83) 12 И вниде*{Пяток 9 
недели: Во время оно, вниде*} Иисус в Церковь 
Божию, и изгна вся продающия, и купующия в церкви, 
и трапезы торжником испроверже, и седалища 
продающих голуби. 13 И глагола им: писано 
есть, храм мой, храм молитвы наречется: вы же 
сотвористе и вертеп разбойником. [46] И приступиша 
к нему хромии и слепии в Церкви: и исцели их.

Преступи пятку.

Чти недели цветной:

15 Видевше же архиерее и книжницы чудеса 
яже (л. 41 об.) сотвори, и отроки зовущя в 
Церкви, и глаголющя: осанна Сыну Давидову, негодоваша. 
16 И реша ему: слышиши ли, что сии глаголют? 
Иисус же рече им: ей. несте ли чли николиже, 
яко изоуст младенец и ссущих свершил еси 
хвалу?

Чти пятку:

17 И оставль их, изыде вон из града в 
вифанию, и водворися ту.

Конец недели цветной.

(за\ч 84) [47] 18 Утру же 
возвращся*{Понедельник 10 недели: Во время 
оно, возвращся Иисус* Сие же во святый и великий 
понедельник на утрени до зачала 88 без 
преступки.} во град, взалка. 19 И узрев 
смоковницу едину при пути, прииде к ней, и ничтоже 
обрете на ней, токмо листвие едино, и глагола 
ей: да николиже от тебе плода будет во веки. и 
абие изсше смоковница. 20 И видевше ученицы 
дивишася, глаголюще: како абие изсше смоковница?

Конец пятку.

21 Отвещав же Иисус рече им: аминь глаголю 
вам: аще имате веру, и не усумнитеся, не токмо 
смоковничное сотворите: но аще и горе сей речете: 
двигнися и верзися в море, будет. 22 И вся, 
елика аще воспросите в молитве верующе, 
приимете.

Конец понедельнику. (л. 42)

(за\ч 85) [48] 23 И пришедшу ему в 
церковь, приступиша к нему учащу*{Вторник 
10 недели: Во время оно, учащу Иисусу, 
приступиша к нему*} архиерее и старцы людстии, 
глаголюще: коею властию сия твориши? и кто ти даде 
власть сию? 24 Отвещав же Иисус, рече им: 
вопрошу вы и аз слово едино, еже аще речете 
мне, и аз вам реку, коею властию сия творю. 
25 Крещение иоанново откуду бе: с небесе ли, 
или от человек? они же помышляху в себе, 
глаголюще: аще речем, с небесе: речет нам, почто 
убо не веровасте ему? 26 Аще ли речем, от 
человек: боимся народа, вси бо имут иоанна яко 
пророка. 27 И отвещавше Иисусови реша: не вемы. 
рече им и той: ни аз вам глаголю, коею властию 
сия творю.

Конец вторнику.

(за\ч 86) [49] 28 Что же ся вам 
мнит?**{Среда 10 недели: Рече Господь притчу 
сию:**} человек некий имяше два сына, и 
пришед к первому рече: чадо, иди днесь делай в 
винограде моем. 29 Он же отвещав рече: не 
хощу. последи же раскаявся иде. 30 И приступль к 
другому, рече такоже. он же отвещав рече: аз 
Господи иду. и не иде. 31 Кий от обою сотвори 
волю отчу! глаголаша ему: первый. глагола им 
Иисус: аминь глаголю вам, яко мытари, и 
любодейцы варяют вы в Царствии Божии. 32 Прииде бо 
к вам иоанн креститель путем (л. 42 об.) 
праведным, и не веровасте ему: мытари же и 
любодейцы вероваша ему. вы же видевше не 
раскаястеся последи, веровати ему.

Конец среде.

(за\ч 87) [50] 33 Ину притчу 
слышите:*{Неделя 13: Рече Господь притчу 
сию:* Сие же и первомученику стефану.} человек 
некий бе домовит, иже насади виноград, и 
оплотом огради его, и ископа в нем точило, и 
созда столп, и вдаст и делателем: и отиде. 
34 Егда же приближися время плодов, посла рабы 
своя к делателем, прияти плоды его. 35 И 
емше делателе рабы его, оваго убо биша, 
оваго же убиша, оваго же камением побиша. 36 
Паки посла ины рабы множайша первых: и сотвориша 
им такоже. 37 Последи же посла к ним Сына 
своего, глаголя: усрамятся Сына моего. 38 
Делателе же видевше Сына, реша в себе: сей 
есть наследник, приидите, убием его, и 
удержим достояние его. 39 И емше его, 
изведоша вон из винограда, и убиша. 40 Егда 
убо приидет Господин винограда, что сотворит 
делателем тем? 41 Глаголаша ему: злых зле 
погубит их, и виноград предаст иным 
делателем, иже воздадят ему плоды во времена 
своя. 41 Глагола им Иисус: несте ли чли николиже 
в писаниих: камень, егоже @не в ряду 
сотвориша@{@не брегоша@} (л. 43) зиждущии, сей бысть 
во главу угла, от Господа бысть сей, и есть дивна 
во очию вашею.

Конец недели и святому.

(за\ч 88) 43 Сего ради глаголю 
вам,*{Четверток 10 недели: Рече Господь ко 
пришедшим к нему иудеем:*} яко отимется от 
вас Царствие Божие, и дастся языку творящему плоды 
его.

Конец великаго понедельника на утрени.

44 И падый на камени сем, сокрушится: а на 
немже падет, сотрыет и. 45 И слышавше архиерее 
и фарисее притчи его, разумеша, яко о них 
глаголет. 46 И ищуще его яти, убояшася 
народа: понеже яко пророка его имеяху.

Конец четвертку.

Глава 22.

(за\ч 89) [51] 1 И отвещав Иисус, паки 
рече им в притчах, глаголя:**{Неделя 14: 
Рече Господь притчу сию:**} 2 Уподобися Царствие 
Небесное человеку Царю, иже сотвори браки Сыну своему. 
3 И посла рабы своя, призвати званныя на браки: и 
не хотяху приити. 4 Паки посла ины рабы, глаголя: 
рцыте званным, се обед мой уготовах, юнцы 
мои и упитанная исколена, и вся готова: 
приидите на браки. 5 Они же небрегше отидоша, 
ов (л. 43 об.) убо на село свое, ов же на 
купли своя. 6 Прочии же емше рабы его, досадиша 
им, и убиша их. 7 И слышав царь той 
разгневася, и послав воя своя, и погуби убийцы 
оны, и град их зажже. 8 Тогда глагола рабом 
своим: брак убо готов есть, званнии же не 
быша достойни. 9 Идите убо на исходища путей, и 
елицех аще обрящете, призовите на браки. 10 И 
изшедше раби они на распутия, собраша всех 
елицех обретоша, злыя же и добрыя: и исполнися 
брак возлежащих. 11 Вшед же Царь видети 
возлежащих, виде ту человека не оболчена во 
одеяние брачное: 12 И глагола ему: друже, како 
вшел еси семо, не имый одеяния брачна? он 
же умолча. 13 Тогда рече Царь слугам: связавше 
ему руце и нозе, возмите его, и вверзите во 
тму кромешнюю: ту будет плачь и скрежет зубом. 
14 Мнози бо суть звани, мало же избранных.

Конец недели.

(за\ч 90) [52] 15 Тогда шедше фарисее, 
совет приемше, яко да обольстят его словом. 
16 И посылают*{Суббота 13 недели: Во 
время оно, совет приемше вси фарисее на Иисуса, 
яко да обольстят его словом, посылают* Сие 
же во святый и великий вторник на утрени, до зачала 
96 без преступки.} к нему ученики своя с 
иродианы, глаголюще: учителю, вемы, яко 
истинен еси, и пути Божию воистинну (л. 44) 
учиши, и нерадиши ни о комже: не зриши бо на лице 
человеком. 17 Рцы убо нам, что ти ся мнит? 
достойно ли есть дати кинсон кесареви, или ни? 
18 Разумев же Иисус лукавство их, рече: что мя 
искушаете лицемери? 19 Покажите ми златицу 
кинсонную. они же принесоша ему пенязь. 20 И 
глагола им: чий образ сей и написание? 21 И 
глаголаша ему: кесарев. тогда глагола им: 
воздадите убо кесарева кесареви, и Божия Богови. 
22 И слышавше дивишася: и оставльше его отидоша.

Конец субботе.

(за\ч 91) [53] 23 В той день приступиша 
к нему*{Пяток 10 недели: Во время оно, 
приступиша ко Иисусу*} саддукее, иже глаголют не 
быти воскресению, и вопросиша его, 24 Глаголюще: 
учителю, моисей рече: аще кто умрет не имый 
чад, да поймет брат его жену его, и 
воскресит семя брата своего. 25 Беша же в нас 
седмь братия, и первый оженься умре: и не имый 
семене, остави жену свою брату своему. 26 Такожде 
же и вторый, и третий, даже до седмаго. 27 Последи 
же всех умре и жена. 28 В воскрешение убо, 
котораго от седмих будет жена? вси бо имеша ю. 
29 Отвещав же Иисус рече им: прельщаетеся, не 
ведуще писания, ни силы Божия. 30 В воскресение бо ни 
женятся, ни посягают: но яко ангели Божии на Небеси 
суть. 31 О воскресении же мертвых несте ли чли 
реченнаго вам Богом, глаголющим: 32 Аз (л. 44 
об.) есмь Бог авраамов, и Бог исааков, и Бог 
иаковль, несть Бог, Бог мертвых, но Бог живых? 
33 И слышавше народи, дивляхуся о учении его.

Конец пятку.

(за\ч 92) [54] 34 Фарисее же слышавше, 
яко посрами саддукеи, собрашася вкупе. 35 И 
вопроси един от них законоучитель,*{Неделя 
15: Во время оно, законник некий приступи ко 
Иисусу*} искушая его, и глаголя: 36 Учителю, 
кая заповедь больши есть в законе? 37 Иисус же 
рече ему: возлюбиши Господа Бога твоего всем 
сердцем твоим, и всею душею твоею, и всею мыслию 
твоею. 38 Сия есть первая и большая заповедь. 39 
Вторая же подобна ей: возлюбиши искренняго твоего, 
яко сам себе. 40 В сию обою заповедию весь 
закон и пророцы висят. [55] 41 Собраном же 
фарисеом, вопроси их Иисус, 42 Глаголя: что ся 
вам мнит о Христе, чий есть Сын? глаголаша 
ему: Давидов. 43 Глагола им: како убо Давид 
Духом Господа его нарицает, глаголя: [_пса\л 109] 44 
Рече Господь Господеви моему, седи одесную мене, дондеже 
положу враги твоя подножие ногама твоима. 45 Аще 
убо Давид нарицает его Господа, како Сын ему 
есть? 46 И никтоже можаше отвещати ему 
словесе: ниже смея кто от того дне вопросити его 
ктому.

Конец недели. (л. 45)

Глава 23.

(за\ч 93) 1 Тогда Иисус 
глагола*{Суббота 14 недели: Во время оно, 
глагола Иисус*} к народом и учеником своим, 
2 Глаголя: на моисеове седалищи седоша книжницы и 
фарисее. 3 Вся убо, елика аще рекут вам 
блюсти, соблюдайте и творите: по делом же их не 
творите, глаголют бо, и не творят. 4 Связуют бо 
бремена тяжка и бедне носима, и возлагают на 
плеща человеческа, перстом же своим не хотят 
двигнути их. 5 Вся же дела своя творят, да 
видими будут человеки: разширяют же хранилища своя, 
и величают воскрилия риз своих. 6 Любят же 
преждевозлегания на вечерях, и преждеседания на 
сонмищах, 7 И целования на торжищах, и зватися от 
человек: учителю, учителю. 8 Вы же не 
нарицайтеся учители: един бо есть ваш 
учитель, Христос, вси же вы братия есте. 9 И 
отца не зовите себе на земли: един бо есть 
отец ваш, иже на Небесех. 10 Ниже нарицайтеся 
наставницы: един бо есть наставник ваш 
Христос. 11 Болий же в вас, да будет вам слуга. 
12 Иже бо вознесется, смирится: и смиряяйся, 
вознесется.

Конец субботе.

(за\ч 94) [56] 13 Горе 
же**{Понедельник 11 недели: Рече Господь ко 
пришедшим к нему иудеом: горе**} вам книжницы 
и фарисее лицемери, яко снедаете домы вдовиц, 
и @виною далече (л. 45 об.) молитвы творяще@{@и 
лицемерно на долзе молитвы творите@}: сего ради 
лишшее приимете осуждение. 14 Горе вам книжницы и 
фарисее лицемери, яко затворяете Царствие Небесное 
пред человеки: вы бо не входите, ни входящих 
оставляете внити. 15 Горе вам книжницы и 
фарисее лицемери, яко преходите море и сушу, 
сотворити единаго пришельца: и егда будет, 
творите его сына геенны сугубейша вас. 16 Горе 
вам вожди слепии, глаголюще: иже аще кленется 
церковию, ничесоже есть: а иже кленется златом 
церковным, должен есть. 17 Буи и слепии, кое 
бо боле есть? злато ли, или церковь святящая 
злато? 18 И иже аще кленется олтарем, ничесоже 
есть: а иже кленется даром, иже верху его, 
должен есть. 19 Буи и слепии, что бо боле? 
дар ли, или олтарь святяй дар? 20 Иже убо 
кленется олтарем, кленется им, и сущим верху 
его. 21 И иже кленется Церковию, кленется ею, и 
живущим в ней. 22 И кленыйся небесем, кленется 
Престолом Божиим, и седящим на нем.

Конец понедельнику.

(за\ч 95) 23 *{Вторник 11 недели: 
Рече Господь ко пришедшим к нему иудеом:*} 
Горе вам книжницы и фарисее лицемери, яко 
одесятствуете мятву, и копр, и кимин: и 
остависте вящшая закону, суд, и милость, и веру. 
сия же подобаше творити, и онех не (л. 46) 
оставляти. 24 Вожди слепии, оцеждающии комары, 
вельблуды же пожирающе. 25 Горе вам книжницы и 
фарисее лицемери, яко очищаете внешнее сткляницы 
и блюда: внутрьюду же суть полни хищения и неправды. 
26 Фарисее слепый, очисти прежде внутреннее 
сткляницы и блюда, да будет и внешнее има чисто. 
27 Горе вам книжницы и фарисее лицемери, яко 
подобитеся гробом повапленым, иже внеюду убо 
являются красны, внутрьюду же полни суть костей 
мертвых, и всякия нечистоты. 28 Тако и вы, внеюду 
убо являетеся человеком праведни: внутрьюду же 
есте полни лицемерия и беззакония.

Конец вторнику.

(за\ч 96) 29 *{Среда 11 недели: Рече 
Господь ко пришедшим к нему иудеом:*} Горе 
вам книжницы и фарисее лицемери, яко зиждете 
гробы пророческия, и красите раки праведных, 30 И 
глаголете: аще быхом были во дни отец наших, 
не быхом убо общницы им были в крови 
пророк. 31 Темже сами свидетельствуете себе, 
яко сынове есте избивших пророки. 32 И вы 
исполните меру отец ваших. 33 Змия, 
порождения ехиднова, како убежите от суда 
огня геенскаго? 34 Сего ради се аз послю к 
вам пророки, и премудры, и книжники: и от них 
убиете и распнете, и от них биете на сонмищах 
ваших, и изженете (л. 46 об.) от града во град. 
35 Яко да приидет на вы всяка кровь праведна, 
проливаемая на земли, от крове авеля праведнаго, до 
крове захарии сына варахиина, егоже убисте между 
церковию и олтарем. 36 Аминь глаголю вам: яко 
приидут вся сия на род сей. 37 Иерусалиме, 
иерусалиме избивый пророки, и камением побиваяй 
посланныя к нему, колькраты восхотех собрати чада 
твоя, якоже собирает кокош птенцы своя под 
криле, и не восхотесте! 38 Се оставляется вам 
дом ваш пуст. 39 Глаголю бо вам, яко не имате 
мене видети отселе, дондеже речете: Благословен 
грядый во имя Господне.

Конец среде, и вторнику великому, на 
утрени.

Глава 24.

(за\ч 97) 1 И изшед Иисус, идяше от 
церкве: и приступиша к нему*{Суббота 15 
недели: Во время оно, приступиша ко Иисусу*} 
ученицы его, показати ему здания церковная. 2 
Иисус же рече им: не видите ли вся сия? аминь 
глаголю вам, не имать остати зде камень на 
камени, иже не разорится.

(за\ч 98) [57] 3 Седящу же 
ему**{Во святый и великий понедельник, на 
литургии: Во время оно, седящу Иисусу**} на 
горе елеонстей, приступиша к нему ученицы, 
наедине глаголюще: рцы нам, когда сия будут? и 
что есть знамение твоего пришествия, и кончина 
века? 4 И отвещав Иисус, рече им: блюдите, да 
никтоже вас прельстит. 5 Мнози (л. 47) бо приидут 
во имя мое, глаголюще: аз есмь Христос, и 
многи прельстят: 6 Услышати же имате брани, и 
слышания бранем, зрите, не ужасайтеся: подобает 
бо всем сим быти, но не тогда есть кончина. 7 
Востанет бо язык на язык, и Царство на Царство: 
и будут глади, и пагубы, и труси по местом: 8 
Вся же сия, начало болезнем. 9 Тогда предадят вы 
в скорби, и убиют вы: и будете ненавидими 
всеми языки имене моего ради. 10 И тогда 
соблазнятся мнози, и друг друга предадят, и 
возненавидит друг друга: 11 И мнози лжепророцы 
востанут, и прельстят многия: 12 И за умножение 
беззакония, изсякнет любы многих.

(за\ч 99) 13 Претерпевый 
же*{Четверток 11 недели: Рече Господь своим 
учеником: претерпевый*} до конца, той 
спасется.

Конец субботе.

14 И проповестся сие евангелие Царствия по всей 
вселенней, во свидетельство всем языком: и 
тогда приидет кончина. 15 Егда убо узрите 
мерзость запустения, реченную даниилом пророком, 
стоящу на месте святе: иже чтет, да разумеет: 
16 Тогда сущии во иудеи, да бежат на горы. 17 И 
иже на крове, да не сходит взяти яже в дому 
его: 18 И иже на селе, да не возвратится вспять 
взяти риз своих. 19 Горе же непраздным, и 
доящим в тыя дни. 20 Молитеся же, да не будет 
бегство (л. 47 об.) ваше зиме, ни в субботу. 21 
Будет бо тогда скорбь велия, якова же несть была 
от начала мира доселе, ниже имать быти. 22 И 
аще не быша прекратилися дние оны, не бы убо 
спаслася всяка плоть: избранных же ради прекратятся 
дние оны. 23 Тогда аще кто речет вам: се зде 
Христос, или онде, не имите веры. 24 Востанут 
бо лжехристи и лжепророцы, и дадят знамения велия 
и чудеса: якоже прельстити, аще возможно, и 
избранныя. 25 Се прежде рех вам. 26 Аще 
убо рекут вам, се в пустыни есть, не 
изыдите: се в сокровищах, не имите веры.

(за\ч 100) (пя\к) 27 Якоже 
бо*{Пяток 11 недели: Рече Господь своим 
учеником: якоже*} молния исходит от 
восток и является до запад: тако будет 
пришествие Сына человеческаго. 28 Идеже бо аще 
будет труп, тамо соберутся орли.

Конец четвертку.

29 Абие же по скорби дний тех солнце 
померкнет, и луна не даст света своего, и звезды 
спаднут с небесе, и силы небесныя подвигнутся. 30 
И тогда явится знамение Сына человеческаго на 
Небеси: и тогда восплачутся вся колена земная, и 
узрят Сына человеческаго, грядуща на облацех 
небесных с силою и славою многою. 31 И послет 
ангелы своя с трубным гласом велиим, и соберут 
избранныя его от четырех ветр, от конец Небес 
до конец (л. 48) их. 32 От смоковницы же 
научитеся притчи: егда уже веия ея будут 
млада и листвие прозябнет, ведите, яко близ 
есть жатва. 33 Тако и вы, егда видите сия вся, 
ведите, яко близ есть при дверех.

Преступи пятку.

(за\ч 101) 34 *{Суббота 16 недели: 
Рече Господь своим учеником:*} Аминь 
глаголю вам: не мимоидет род сей, дондеже вся сия 
будут. 35 Небо и земля мимоидет: словеса же моя 
не мимоидут.

Конец понедельника великаго, на литургии.

(за\ч 102) [58] 36 О дни же том и 
часе**{Во святый и великий вторник, на 
литургии: Рече Господь своим учеником: о дни и 
часе пришествия Сына человеческаго**} никтоже 
весть, ни ангели Небеснии, токмо отец мой един. 
37 Якоже бо бысть во дни ноевы: тако будет и 
пришествие Сына человеческаго. 38 Якоже бо беху во 
дни прежде потопа, ядуще и пиюще, женящеся и 
посягающе, до негоже дне вниде ное в ковчег: 39 И 
не уведеша, дондеже прииде вода, и взят вся: 
тако будет и пришествие Сына человеческаго. 40 Тогда 
два будета на селе: един поемлется, а другий 
оставляется, 41 Две мелюще в жерновах: едина 
поемлется, и едина оставляется.

Чти пятку:

(за\ч 103) 42 ***{Септемвриа 30: Рече 
Господь своим учеником:***} Бдите убо, 
яко не весте, в кий час Господь ваш приидет. 43 
Сие же ведите, яко аще бы (л. 48 об.) ведал 
дому владыка, в кую стражу тать приидет, бдел 
убо бы, и не бы дал подкопати храма своего. 44 
Сего ради и вы будите готови, яко воньже час не 
мните, Сын человеческий приидет.

Конец субботе.

45 Кто убо есть верный раб и мудрый, 
егоже поставит Господин его над домом своим, 
еже даяти им пищу во время их? 46 Блажен 
раб той, егоже пришед Господин его обрящет 
тако творяща. 47 Аминь глаголю вам, яко над 
всем имением своим поставит его.

Конец святому.

48 Аще ли же речет злый раб той в сердцы 
своем, коснит Господин мой приити: 49 И начнет 
бити клевреты своя, ясти же и пити с пияницами: 50 
Приидет Господин раба того в день, воньже не чает, 
и в час, воньже не весть. 51 И протешет его 
полма, и часть его с неверными положит: ту 
будет плачь и скрежет зубом.

Конец пятку.

Глава 25.

(за\ч 104) [59] 1 Тогда 
уподобися*{Суббота 17 недели: Рече Господь 
притчу сию: уподобися* Сие и святей 
первомученице фекле, и иным Мученцам.} Царствие 
Небесное десятим девам, яже прияша светильники 
своя, и изыдоша в сретение жениху. 2 Пять же бе 
(л. 49) от них мудры, и пять юродивы. 3 Юродивыя 
же приемше светильники своя, не взяша с собою 
елеа. 4 Мудрыя же прияша елей в сосудех, со 
светильники своими. 5 Коснящу же жениху, 
воздремашася вся, и спаху. 6 Полунощи же вопль 
бысть: се жених грядет, исходите в сретение 
его. 7 Тогда воставше вся девы тыя, и 
украсиша светильники своя. 8 Юродивыя же мудрым 
реша: дадите нам от елеа вашего, яко 
светильницы наши угасают. 9 Отвещаша же мудрыя, 
глаголюще: еда како не достанет нам и вам: 
идите же паче к продающим, и купите себе. 10 
Идущим же им купити, прииде жених, и готовыя 
внидоша с ним на браки: и затворены быша двери. 
11 Последи же приидоша и прочия девы, глаголюще: 
Господи, Господи, отверзи нам. 12 Он же отвещав, 
рече им: аминь глаголю вам, не вем вас. 13 
Бдите убо, яко не весте дне, ни часа, воньже 
Сын человеческий приидет.

Конец субботе.

(за\ч 105) [60] 14 Якоже 
бо*{Неделя 16: Рече Господь притчу сию*} 
человек некий отходя призва своя рабы, и предаде 
им имение свое. 15 И овому убо даде пять 
талант, овому же два, овому же един, комуждо 
противу силы его: и отиде абие. 16 Шед же 
приемый пять талант, дела в них, и сотвори 
другия пять талант. 17 Такожде (л. 49 об.) и иже 
два, приобрете и той другая два. 18 Приемый же 
един, шед вкопа его в землю, и скры сребро 
Господина своего. 19 По мнозе же времени прииде 
Господин раб тех, и стязася с ними о словеси. 20 
И приступль пять талант приемый, принесе другия 
пять талант, глаголя: Господи, пять талант ми еси 
предал, се другия пять талант приобретох ими. 
21 Рече же ему Господь его: добрый рабе, Благий и 
верный, о мале был еси верен, над многими 
тя поставлю: вниди в радость Господа твоего. 22 
Приступль же и иже два таланта приемый, рече: Господи, 
два таланта ми еси предал, се другая два таланта 
приобретох има. 23 Рече же ему Господь его: 
добрый рабе, благий и верный, о мале ми был 
еси верен, над многими тя поставлю: вниди в 
радость Господа твоего. 24 Приступль же и приемый 
един талант, рече: Господи, ведях тя, яко 
жесток еси человек: жнеши, идеже не сеял 
еси, и собираеши, юдуже не расточил еси: 25 И 
убоявся шед скрых талант твой в земли, и се 
имаши твое. 26 Отвещав же Господь его, рече 
ему: лукавый рабе и ленивый, ведяше, яко жну, 
идеже не сеях, и собираю, юдуже не расточих: 27 
Подобаше убо тебе вдати сребро мое торжником, и 
пришед аз взял бых свое с лихвою. 28 Возмите 
убо от него талант, и дадите имущему десять 
талант. 29 Имущему бо везде дано будет, и 
преизбудет: от неимущаго же, и еже мнится имея, 
взято будет от него. 30 И неключимаго раба вверзите 
во тму кромешнюю: (л. 50) ту будет плачь и скрежет 
зубом. сия глаголя возгласи: имеяй уши слышати, 
да слышит.

Конец недели.

(за\ч 106) [61] 31 Егда 
же*{Неделя мясопустная: Рече Господь: 
егда*} приидет Сын человеческий в славе 
своей, и вси святии ангели с ним, тогда сядет на 
Престоле славы своея: 32 И соберутся пред ним 
вси языцы, и разлучит их друг от друга, 
якоже пастырь разлучает овцы от козлищ. 33 И 
поставит овцы одесную себе, а козлища ошуюю. 34 
Тогда речет Царь сущим одесную его: приидите 
благословеннии отца моего, наследуйте уготованное 
вам Царствие от сложения мира. 35 Взалкахся бо, и 
дасте ми ясти: возжадахся, и напоисте мя: странен 
бех, и введосте мене: 36 Наг, и одеясте мя: 
болен, и посетисте мене: в темнице бех, и 
приидосте ко мне. 37 Тогда отвещают ему 
праведницы, глаголюще: Господи, когда тя видехом 
алчуща, и напитахом? или жаждуща, и напоихом? 38 
Когда же тя видехом странна, и введохом? или 
нага, и одеяхом? 39 Когда же тя видехом боляща, 
или в темнице, и приидохом к тебе? 40 И 
отвещав Царь речет им: аминь глаголю вам, 
понеже сотвористе единому сих братий моих 
меньших, мне сотвористе. 41 Тогда речет и сущим 
ошуюю его: идите от мене проклятии ко огнь 
вечный, уготованный диаволу и аггелом его. 42 
Взалкахся бо, и не дасте ми ясти: возжадахся, (л. 50 
об.) и не напоисте мене. 43 Странен бех, и не 
введосте мене: наг, и не одеясте мене: болен, и 
в темнице, и не посетисте мене. 44 Тогда 
отвещают ему и тии, глаголюще: Господи, когда тя 
видехом алчуща, или жаждуща, или странна, или 
нага, или больна, или в темнице, и не послужихом 
тебе? 45 Тогда отвещает им, глаголя: аминь 
глаголю вам, понеже не сотвористе единому сих 
меньших, ни мне сотвористе. 46 И идут сии в 
муку вечную, праведницы же в живот вечный.

Конец недели мясопустной.

Глава 26.

(за\ч 107) 1 И бысть, егда сконча Иисус 
вся словеса сия, рече учеником своим:*{Во 
святый и великий четверток, на литургии: Рече Господь 
своим учеником:*} 2 Весте, яко по двою 
дню пасха будет, и Сын человеческий предан будет 
на пропятие.

Конец вторнику великому.

3 Тогда собрашася архиерее, и книжницы и 
старцы людстии, во двор архиереов, глаголемаго 
каиафы: 4 И совещаша, да Иисуса лестию имут, и 
убиют. 5 Глаголаху же: но не в праздник, да не 
молва будет в людех.

(за\ч 108) [62] 6 Ии~су же**{В 
среду великую, на литургии: Во время оно, 
Иисусу**} бывшу в вифании, в дому симона 
прокаженнаго, 7 Приступи к нему жена, сткляницу (л. 
51) мира имущи многоценнаго, и возливаше на главу 
его, возлежащу. 8 Видевше же ученицы его, 
негодоваша, глаголюще. чесо ради гибель сия бысть? 9 
Можаше бо сие миро продано быти на мнозе, и датися 
нищим. 10 Разумев же Иисус рече им: что 
труждаете жену? дело бо добро содела о мне. 11 
Всегда бо нищия имате с собою: мене же не всегда 
имате. 12 Возлиявши бо сия миро сие на тело мое, 
на погребение мя сотвори. 13 Аминь глаголю вам: 
идеже аще проповедано будет евангелие сие во 
всем мире, речется, и еже сотвори сия, в память 
ея. 14 Тогда шед един от обоюнадесяте, 
глаголемый иуда искариотский, ко архиереом, 15 
Рече: что ми хощете дати, и аз вам предам 
его? они же поставиша ему тридесять сребреник. 
16 И оттоле искаше подобна времене, да его 
предаст.

Конец великой среде.

[63] 17 В первый же день опресночный 
приступиша ученицы Иисусови, глаголюще ему: где 
хощещи, уготоваем ти ясти пасху? 18 Он же 
рече: идите во град ко онсице, и рцыте ему: 
учитель глаголет, время мое близ есть, у 
тебе сотворю пасху со ученики моими. 19 И 
сотвориша ученицы, якоже повеле им Иисус: и 
уготоваша пасху. 20 Вечеру же бывшу возлежаше со 
обеманадесяте ученикома.

Прейди четвертку великому, во иоанне зачало 
44: [Ведый же Иисус:] (л. 41 об.)

И паки чти зде:

[64] 21 И ядущим им рече: аминь глаголю 
вам, яко един от вас предаст мя. 22 И 
скорбяще зело, начаша глаголати ему един кийждо 
их: еда аз есмь, Господи? 23 Он же 
отвещав рече: омочивый со мною в солило руку, 
той мя предаст. 24 Сын же человеческий идет, 
якоже есть писано о нем. горе же человеку 
тому, имже Сын человеческий предастся: добро бы было 
ему, аще не бы родился человек той. 25 
Отвещав же иуда предаяй его, рече: еда аз 
есмь, равви? глагола ему: ты рече. 26 Ядущим 
же им, прием Иисус хлеб, и благословив преломи, 
и даяше учеником, и рече: приимите, ядите, сие 
есть тело мое. 27 И прием чашу, хвалу воздав, 
даде им, глаголя: пийте от нея вси. 28 Сия бо 
есть кровь моя новаго завета, яже за многия 
изливаема, во оставление грехов. 29 Глаголю же 
вам: яко не имам пити от ныне от сего плода 
лознаго, до дне того, егда и пию с вами ново во 
Царствии отца моего. 30 И воспевше, изыдоша в 
гору елеонску. 31 Тогда глагола им Иисус: вси 
вы соблазнитеся о мне в нощь сию. писано бо 
есть: поражу пастыря, и разыдутся овцы стада. 32 
По воскресении же моем, варяю вы в галилеи. 33 
Отвещав же петр рече ему: аще и вси 
соблазнятся о тебе, аз никогдаже соблажнюся. 34 
Рече ему Иисус: аминь глаголю тебе, яко в сию 
нощь, прежде даже алектор не возгласит, трикраты 
отвержешися мене. 35 Глагола ему (л. 52) петр: 
аще ми есть и умрети с тобою, не отвергуся 
тебе. такожде и вси ученицы реша. 36 Тогда 
прииде с ними Иисус в весь нарицаемую гефсиманиа, и 
глагола учеником: седите ту, дондеже шед 
помолюся тамо. 37 И поем петра и оба сына 
зеведеова, начат скорбети и тужити. 38 Тогда 
глагола им Иисус: прискорбна есть душа моя до 
смерти: пождите зде, и бдите со мною. 39 И прешед 
мало, паде на лице своем, моляся, и глаголя: 
отче мой, аще возможно есть, да мимоидет от 
мене чаша сия: обаче не якоже аз хощу, но 
якоже ты.

Стани зде паки четвертку великому, и пойми в 
луце, зачало 109: [Явися же ему ангел с 
небесе:]

И паки чти зде:

40 И пришед ко учеником, и обрете их 
спящя, и глагола петрови: тако ли не возмогосте 
единаго часа побдети со мною? 41 Бдите и 
молитеся, да не внидете в напасть: дух бо бодр, 
плоть же немощна. 42 Паки вторицею шед помолися, 
глаголя: отче мой, аще не может сия чаша мимоити 
от мене, аще не пию ея, буди воля твоя. 43 И 
пришед обрете их паки спящя, беста бо им 
очи отяготене. 44 И оставль их, шед паки 
помолися третицею, тожде слово рек. 45 Тогда 
прииде ко учеником своим, и глагола им: спите 
прочее, и почивайте: се приближися час, и Сын 
человеческий предается в руки грешников. 46 
Востаните, идем: се приближися предаяй мя. [65] 
47 И еще (л. 52 об.) ему глаголющу, се иуда 
един от обоюнадесяте прииде, и с ним народ 
мног, со оружием и дрекольми, от архиерей и 
старец людских. 48 Предаяй же его, даде им 
знамение, глаголя: егоже аще лобжу, той есть, 
имите его. 49 И абие приступль ко Иисусови, рече: 
радуйся равви, и облобыза его. 50 Иисус же рече 
ему: @друже, твори на неже еси пришел@{@друже, 
на сие ли пришел еси?@}. тогда приступльше 
возложиша руце на Иисуса, и яша его. 51 И се 
един от сущих со Иисусом, простер руку, извлече 
нож свой: и удари раба архиереова, и уреза 
ему ухо. 52 Тогда глагола ему Иисус: возврати 
нож твой в место его: вси бо приемшии нож 
ножем погибнут: 53 Или мнится ти, яко не могу 
ныне умолити отца моего, и представит ми 
вящше или дванадесяте легеона ангел? 54 Како же 
убо сбудутся писания, яко тако подобает быти? 
55 В той час рече Иисус народом: яко на 
разбойника ли изыдосте со оружием и дрекольми, 
яти мя? по вся дни при вас седех учя в 
Церкви, и не ясте мене. 56 Се же все бысть, да 
сбудутся писания пророческая. тогда ученицы вси 
оставльше его, бежаша.

(за\ч 109) 57 Воини же*{Ев\глие 3 
святых страстей: Во время оно, воини*} емше 
Иисуса ведоша к каиафе архиереови, идеже книжницы 
и старцы собрашася. 58 Петр же идяше по нем 
издалеча, до двора архиереова: и вшед внутрь, 
седяше со слугами, видети кончину. 59 Архиерее же 
и старцы, и сонм (л. 53) весь, искаху 
лжесвидетельства на Иисуса, яко да убиют его, 
60 И не обретаху: и многим лжесвидетелем 
приступльшим, не обретоша. послежде же приступиша 
два лжесвидетеля, 61 Реста: сей рече, могу 
разорити Церковь Божию, и треми деньми создати ю. 
62 И востав архиерей, рече ему: ничесоже ли 
отвещаваеши, что сии на тя свидетельствуют. 63 
Иисус же молчаше. и отвещав архиерей, рече ему: 
заклинаю тя Богом живым, да речеши нам, аще ты 
еси Христос Сын Божий? 64 Глагола ему Иисус: 
ты рече. обаче глаголю вам: отселе узрите 
Сына человеческаго седяща одесную силы, и грядуща 
на облацех Небесных. 65 Тогда архиерей растерза 
ризы своя, глаголя: яко хулу глагола, что еще 
требуем свидетелей? се ныне слышасте хулу его: 
66 Что ся вам мнит? они же отвещавше, реша: 
повинен есть смерти. 67 Тогда заплеваша лице 
его, и @пакости ему деяху@{@и по ланитома бияху 
его@}, овии же *за ланиту удариша*{*заушаху 
его*}, 68 Глаголюще: прорцы нам Христе, кто 
есть ударей тя? [66] 69 Петр же вне 
седяше во дворе, и приступи к нему едина рабыня, 
глаголющи: и ты бе со Иисусом галилейским. 70 
Он же отвержеся пред всеми, глаголя: не вем, 
что глаголеши. 71 Изшедшу же ему ко вратом, 
узре его другая, и глагола им ту: и сей 
бе со Иисусом назореом. 72 И паки отвержеся с 
клятвою: яко не знаю человека. 73 По мале же 
приступивше стоящии, реша петрови: воистинну и ты 
от них еси: ибо беседа твоя яве тя творит. 
74 Тогда начат (л. 53 об.) ротитися и клятися, 
яко не знаю человека. и абие петел возгласи. 
75 И помяну петр глагол Иисусов, реченный ему: 
яко прежде даже петел не возгласит, трикраты 
отвержешися мене, и изшед вон плакася горько.

Конец 3-му страстному.

Глава 27.

(за\ч 110) 1 Утру же*{В пяток 
великий на 1-м часе: Во время оно, утру*} 
бывшу, совет**{В пяток великий, вечер: Во 
время оно, совет**} сотвориша вси архиерее 
и старцы людстии на Иисуса, яко убити его. 2 
И связавше его ведоша, и предаша его понтийскому 
пилату игемону.

Конец четвертку великому на литургии.

(за\ч 111) [67] 3 Тогда видев иуда 
предавый его,***{Ев\глие 5, святых страстей: 
Во время оно, видев иуда предавый 
Иисуса,***} яко осудиша его, раскаявся 
возврати тридесять сребреники архиереем и 
старцем, 4 Глаголя: согреших, предав кровь 
неповинную. они же реша: что есть нам? ты 
узриши. 5 И поверг сребреники в Церкви, отиде, 
и шед удавися. 6 Архиерее же приемше 
сребреники, реша: недостойно есть вложити их в 
корвану, понеже цена крове есть. 7 Совет же 
сотворше, купиша ими село скудельниче, в погребание 
странным. 8 Темже наречеся село то, село крове, до 
сего дне. 9 Тогда сбыстся реченное иеремием 
пророком, глаголющим: и прияша тридесять (л. 54) 
сребреник, цену цененнаго, егоже цениша от 
сынов Израилев: 10 И даша я на селе скудельничи, 
якоже сказа мне Господь. 11 Иисус же ста пред 
игемоном, и вопроси его игемон, глаголя: ты ли 
еси Царь иудейский? Иисус же рече ему: ты 
глаголеши. 12 И егда нань глаголаху архиерее и 
старцы, ничесоже отвещаваше. 13 Тогда глагола 
ему пилат: не слышиши ли, колико на тя 
свидетельствуют? 14 И не отвеща ему ни к 
единому глаголу: яко дивитися игемону зело. 
15 На всяк же праздник обычай бе игемону 
отпущати единаго народу связня, егоже хотяху. 
16 Имяху же тогда связана нарочита, глаголемаго 
варавву. 17 Собранным же им, рече им пилат: 
кого хощете от обою отпущу вам, варавву ли, или 
Иисуса глаголемаго Христа? 18 Ведяше бо, яко 
зависти ради предаша его. 19 Седящу же ему на 
судищи, посла к нему жена его, глаголющи: ничтоже 
тебе, и праведнику тому, много бо пострадах днесь 
во сне его ради. 20 Архиерее же и старцы 
наустиша народы, да испросят варавву: Иисуса же 
погубят. 21 Отвещав же игемон, рече им: кого 
хощете от обою отпущу вам? они же реша: 
варавву. 22 Глагола им пилат: что убо сотворю 
Иисусу, глаголемому Христу? глаголаша ему вси: да 
распят будет. 23 Игемон же рече: кое убо зло 
сотвори? они же излиха вопияху, глаголюще: да 
пропят будет. 24 Видев же пилат, яко ничтоже 
успевает, но паче молва бывает, прием воду, 
умы руце пред народом, глаголя: неповинен (л. 
54 об.) есмь от крове праведнаго сего, вы 
узрите. 25 И отвещавше вси людие, реша: кровь 
его на нас, и на чадех наших. 26 Тогда 
отпусти им варавву: Иисуса же бив, предаде им, 
да его пропнут.

(за\ч 112) 27 Тогда воини игемоновы 
приемше*{В поклонение честнаго древа: Во время 
оно, воини поемше* Сие же и ризе Господни на 
утрени.} Иисуса на судище, собраша нань все 
множество воин. 28 И совлекше его, одеяша его 
хламидою червленою. 29 И сплетше венец от терния, 
возложиша на главу его, и трость в десницу его: 
и поклоньшеся на колену пред ним, ругахуся ему, 
глаголюще: радуйся Царю иудейский. 30 И плюнувше 
нань, прияша трость, и бияху по главе его. 31 И 
егда поругашася ему, совлекоша с него багряницу: 
и облекоша его в ризы его, и ведоша его на 
пропятие. 32 Исходяще же обретоша человека 
киринейска, именем симона: и сему задеша понести 
Крест его.

Конец 5-му страстному, и поклонению, и ризе 
Господни.

(за\ч 113) 33 И пришедше на место 
нарицаемое голгофа, еже есть глаголемо краниево 
место: 34 Даша ему**{Ев\глие 7 святых 
страстей: Во время оно, пришедше воини на место 
нарищаемое голгофа, еже есть краниево место, и 
даша Иисусу**} пити оцет с желчию смешен, и 
вкуш не хотяше пити. 35 Распеншии же его 
разделиша ризы его, вергше жребия: 36 И седяще 
стрежаху его ту. 37 И возложиша верху главы его 
вину его написану: сей есть (л. 55) Иисус Царь 
иудейский. 38 Тогда распяша с ним два разбойника: 
единаго одесную, и единаго ошуюю.

Прейди пятку великому вечер, в луце, зачало 
111: [Един же от обешеною:]

И паки зде чти:

39 Мимоходящии же хуляху его, покивающе главами 
своими, 40 И глаголюще: разоряяй Церковь, и треми 
деньми созидаяй, спасися сам: аще Сын еси Божий, 
сниди со Креста. 41 Такожде же и архиерее ругающеся 
с книжники, и старцы, и фарисеи, глаголаху: 42 
Иныя спасе, себе ли не может спасти? аще Царь 
Израилев есть, да снидет ныне со Креста, и 
веруем в него: 43 Упова на Бога: да избавит 
ныне его, аще хощет ему: рече бо, яко Божий 
есмь Сын. 44 Тожде же и разбойника распятая с 
ним поношаста ему. 45 От шестаго же часа тма 
бысть по всей земли, до часа девятаго. 46 О девятом 
же часе возопи Иисус гласом велиим, глаголя: или, 
или, лима савахфани? еже есть, Боже мой, Боже 
мой, вскую мя еси оставил? 47 Нецыи же от ту 
стоящих слышавше, глаголаху: яко илию глашает 
сей. 48 И абие тек един от них, и прием 
губу, исполнив же оцта, и вонзе на трость, 
напаяше его. 49 Прочии же глаголаху: остави, да 
видим, аще приидет илиа спасти его. 50 Иисус же 
паки возопив гласом велиим, испусти Дух. 51 И 
се завеса Церковная раздрася на двое, с вышняго 
края до нижняго: и земля потрясеся, и камение 
распадеся: 52 И гроби отверзошася, и многа телеса 
усопших святых восташа: (л. 55 об.) 53 И 
изшедше из гроб по воскресении его, внидоша во 
святый град, и явишася мнозем. 54 Сотник же и 
иже с ним стрегущии Иисуса, видевше трус и 
бывшая, убояшася зело, глаголюще: воистинну Божий 
Сын бе сей.

Конец 7-му страстному евангелию.

Прейди пятку великому вечер, во иоанне, 
зачало 61: [Иудее же:]

И паки чти зде:

55 Бяху же ту и жены многи издалеча зряще, 
яже идоша по Иисусе от галилеи, служаще ему. 56 
В нихже бе мариа магдалина и мариа иаковля, и 
иосии мати, и мати сыну зеведеову.

Конец пятку, 1-му часу.

[68] 57 Позде же бывшу, прииде человек 
богат от аримафеа, именем иосиф: иже и той 
учися у Иисуса. 58 Сей приступль к пилату, 
проси телесе Иисусова: тогда пилат повеле дати 
тело. 59 И прием тело иосиф, обвит е 
плащаницею чистою: 60 И положи е в новем 
своем гробе, иже изсече в камени: и возвалив 
камень велий над двери гроба, отиде. 61 Бе же 
ту мариа магдалина, и другая мариа, седяще прямо 
гроба.

Конец пятку великому, вечер.

(за\ч 114) 62 Во утрий же 
день,*{Ев\глие 12 святых страстей: Во 
утрий день,* Сие же и в великую субботу на 
утрени.} иже есть по пятце, собрашася 
архиерее и фарисее к пилату: 63 Глаголюще: 
господи, помянухом, яко льстец он рече еще 
(л. 56) сый жив: по триех днех востану. 64 
Повели убо утвердити гроб до третияго дне: да 
не како пришедше ученицы его нощию, украдут 
его, и рекут людем: воста от мертвых, и будет 
последняя лесть горша первыя. 65 Рече же им 
пилат: имате кустодию, идите, утвердите, якоже 
весте. 66 Они же шедше утвердиша гроб, 
знаменавше камень с кустодиею.

Конец 12 страстному евангелию, и субботе 
великой на утрени.

Глава 28.

(за\ч 115) 1 @В вечер же*{В 
субботу великую на литургии: В вечер*} 
субботный@{@По вечери же субботнем@}, свитающи во 
едину от суббот, прииде мариа магдалина, и другая 
мариа, видети гроб. 2 И се трус бысть велий: 
ангел бо Господень сшед с небесе, приступль отвали 
камень от дверий гроба, и седяше на нем. 3 Бе же 
зрак его яко молния, и одеяние его бело 
яко снег. 4 От страха же его сотрясошася 
стрегущии, и быша яко мертви. 5 Отвещав же 
ангел рече женам: не бойтеся вы, вем бо яко 
Иисуса распятаго ищете. 6 Несть зде, воста бо, 
якоже рече: приидите, видите место, идеже лежа 
Господь. 7 И скоро шедше рцыте учеником его, 
яко воста от мертвых. и се варяет вы в 
галилеи: тамо его узрите. се рех вам. 8 И 
изшедше скоро от гроба, со страхом и радостию 
велиею текосте возвестити учеником его. 
якоже идясте (л. 56 об.) возвестити учеником 
его, 9 И се Иисус срете я, глаголя: радуйтеся. 
оне же приступльше, ястеся за нозе его, и 
поклонистеся ему. 10 Тогда глагола има Иисус: не 
бойтеся, идите, возвестите братии моей, да идут в 
галилею, и ту мя видят. 11 Идущема же има, се 
нецыи от кустодиа пришедше во град, возвестиша 
архиереом вся бывшая. 12 И собравшеся со старцы 
совет сотвориша, сребреники довольны даша воином, 
13 Глаголюще: рцыте, яко ученицы его нощию 
пришедше украдоша его, нам спящим. 14 И аще 
сие услышано будет у игемона, мы утолим 
его, и вас безпечальны сотворим. 15 Они же 
приемше сребреники, сотвориша, якоже научени быша: 
и промчеся слово сие во иудеех, даже до сего дне.

(за\ч 116) 16 Единии же 
надесяте*{Ев\глие воскресное 1: Во время 
оно, единиинадесять*} ученицы идоша в 
галилею, в гору, аможе повеле им Иисус: 17 И 
видевше его поклонишася ему: ови же 
усумнешася. 18 И приступль Иисус рече им, 
глаголя: дадеся ми всяка власть на Небеси и на земли. 
19 Шедше научите вся языки, крестяще их во имя 
отца, и Сына, и святаго Духа: 20 Учаще их 
блюсти вся, елика заповедах вам. и се аз с 
вами есмь во вся дни, до скончания века, аминь.

Конец субботе великой, и 1-му воскресному.