<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 786) Блаженнаго иоанна карпафийскаго, слово постническо и зело утешительно к побудившим и от индии иноком. Никогдаже да восхощеши паче инока, мирянина ублажити, имуща жену и дети, и радующася за еже благотворити мнозем и изобильно милостыню делати, и отнюд ниже от бесов искушатися, вменяя себе от онаго быти меньша во Благоугождении Божии. Ниже окаявай себе яко погибающь. Не глаголю бо, яко непорочно живеши, терпя во иноцех, но аще и зело грешен еси: скорбь души твоея и злострадание честнше есть у Бога, превосходящия житейскаго добродетели. Печаль твоя многая и жаление, и воздыхания, и сетование, и слезы, и мучительство совести, и недоумение помысла, и еже осуждатися мыслию, и рыдание, и плачь ума, и плачевопльствие сердца, и сокрушение, и смущение, и окаевание, и дряхлость и уничижение, сия вся и таковая, яже множицею случаются в железную пещь искушений ввергаемым, честнша и благоприятнша по превосхождению от благоугождения мирянинова. Внемли убо, да не подпадеши по речению глаголющаго Божественнаго писания от лица твоего: Яко что бо пользовахомся молитвенницы шедше пред Господем, и в дому его пребывающе присно? Яве же, яко всяк раб близ сый дому владыки, тогда и биения приемлет, и заушения, и укоризны{поречения.} и поношения: вне же (с. 787) сущии прочее далече суть от язв, яко чужди или таимичищни{прелюбодейчищни.}, или небрегоми. Что убо пользовахомся, глаголют? мы убо в скорбная впадающе душею же и телом, иже всегда молящиися же и поющии: тии же ни молящиися, ни бдящии радуются и веселятся, и благопоспешни суть, и благодушно производят житие. И якоже глаголет пророк: Се созидаются домы чужди, и мы блажим чуждих. И наводит глаголя: Сия рекоша раби Божии, имущии разум. Но обаче подобает ведети, яко ничтоже странно страждут оскорбляеми, и различно опечаляеми, яже Владыки своего терпяще многими искушеньми: слышаша бо его глаголюща во евангелиих: Аминь, аминь глаголю вам, восплачетеся и возрыдаете вы ближнии мои, а мир возрадуется{Иоан. гл. 16, ст. 20.}: еще мало, и посещу вы утешителем, и иждену уныние ваше, и возвеселю вы помыслы небеснаго жития, и упокоения, и слезами сладкими, ихже малы дни лишени бысте искушаеми: и воздам вам мзду{сосец} благодати моея, якоже матерь младенцу плачущему, и укреплю вы яже свыше силою, изнемогшия за еже внегда ратоватися: и услажду вы огорченныя, якоже глаголет иеремиа в плаче о тайнем своем иерусалиме: и узрю вы, и возрадуется сердце ваше тайным посещением, и скорбь ваша в радость преложится, и радости вашея никтоже возможет взяти{Иоан. гл. 22. }. Да не убо сомжим, ниже возслепотствуим, ублажающе паче нас мирян: но ведая различие истых сынов и прелюбодейчищ, паче возлюбим мнимое иноков злострадание же и зельное удручение, егоже конец в живот вечен сбывается и в неувядаемый славы Господни венец. Приимем мнящихся грешных постник, да не глаголю праведных злострадание. И еже приметатися в дому Божии, сиречь в чине работающих непрестанно Христови: а не жити в селениих грешничих, или сообращатися{пребывати.} с мирскими, аще и великия творят правды. Глаголет бо к тебе, _о иноче, (с. 788) отец твой небесный, прелюбяй тя, и оскорбляяй, и удручаяй тя различными искушениями: Добре веждь, иноче терпеливе, зане якоже чрез пророка глаголах: буду тебе наказатель{Осии гл. 5, ст. 2.}, и срящу тя на пути египетсте, скорбными тя обучая: и пути порочныя{укорныя.} загражду тернием моего промысла, бодый напастьми нечаянными и возбраняя, да не яже хощеши несмысленным сердцем, сия всяко и в дело производиши{Осии гл. 2, ст. 6. }. И загражду море страстей твоих, враты щедрот моих. И буду тебе яко панфирь, поядая тя помыслами поречения, и зазрения и раскаяния в совести неуведенных тобою{Тамже глава 13, ст. 7, 8, и след.}: сия же вся скорбная, величайшая есть благодать Божия. Не токмо же панфирь, но и остен тебе буду, помыслы умиления уязвляя тя, и болезнми сердечными. И не оскудеет болезнь от дому твоего, сиречь от души и тела добре и полезне стружемых Божиими сладкими воистинну и медоискапательными мучительствы. Конец же мучений и болезней и смятения и срама и страхов и отчаяваний приключатися обыкших, постничествовати предложившим, сих всех печальных конец: радость есть небесная, и наслаждение несказанно, и сладость неизглаголанна, и радование непрестанное. Сего бо ради оскорбих тя, глаголет, да напитаю тя манною разума, и гладом придавих тя, да благосотворю тебе напоследок, и в горнее царство введу тя. Тогда бо взыграете смиренши иноцы, якоже тельцы разрешенни от уз, от страстей плоти и от искушения врагов: и тогда поперете беззаконныя бесы, ныне вас попирающия, и будут яко пепел под ногама вашима. Аще бо благочестив и смиренномудр еси, не превозношаяся суетным дмением, ниже продерзая, но сокрушен сердцем, и вменяя себе неключима раба быти, и сокрушен духом: аще таков смиренномудр еси, лучше есть твое, _о иноче, прегрешение правды мирских, и нужднейши твоя скверны паче великаго (с. 789) житейских очищения. Что бо есть, егоже ради скорбиши? Всяко порок есть приключившийся. Но виждь некоего человека осмолившася рукама, малым елеем очистившася: много убо паче ты можеши очиститися милостию Божиею. Якоже бо тебе несть неудобно омыти твою ризу, тако много паче несть неудобно Господеви омыти тя от всякаго порока, аще и на всяк день, якоже подобно{вероятно.} есть, приключается от нужды искушений. Внегда бо глаголати тебе: согреших Господеви! ответ дается: отпущаются греси твои. Аз есмь изглаждаяй, и не помяну. Елико бо отстоят востоцы от запад, удалил от тебе грехи твоя{Псал. 102, ст. 12.}. И якоже щедрит отец сыны, аз ущедряю тебе: точию ты да не отступиши, ниже отскочиши избравшаго тя, во еже пети и молитися. Но прилепися к нему во всем животе твоем, или дерзновением чистым, или безстудием благочестивым и крепким тому исповедаяся, и той тя очистит своим манием. Яже бо Бог хотением своим очищает, ниже сам петр верховный осквернити возможет, или осудити: речеся бо к нему: Яже Бог очистил есть, ты не скверни{Деян. гл. 10, ст. 15.}. Аще бо Бог есть, иже своим человеколюбием оправдивый нас, кто есть осуждаяй ны{Римл. гл. 8, ст. 34.}? Призывающим бо нам имя Господа нашего Иисуса Христа, Удобь очищается совесть наша. И ничтоже разделяет между нами же и пророки, и прочиими святыми: не бо положил есть нас Бог во гнев, но в снабдение, Господем нашим Иисус Христом умершим за ны. Да аще бодрствуем в добродетелех, аще спим по некоему обстоянию, якоже подобно{вероятно.} есть в некиих умалениих, вкупе со Христом живи будем, к нему взирающе с великими стенании, и плачущеся непрестанно, и того воздышуще. Облецемся убо в броню веры, и восприимем шлем, надежду спасения, да не обрящут привхода стрелы отчаяния и безнадеждия. Но ты глаголеши яко гневаюся, егда вижду ничимже (с. 790) искушаемых мирян, и люте распыхаюся. Но веждь, возлюбленне, яко потребы не имать сатана искушати самоискушаемых, и присно на дольняя влекомых житейскими вещьми. Веждь же и сие, яко искушаемым почести отлагаются и венцы: не бо не пекущимся о Бозе, и взнак лежащим и храплющим миряном. Но аз, глаголеши, много зело искушаемь есмь, и лядвия моя наполняются поруганий, якоже глаголет пророк, и страдание есть и слячение, и несть во плотех исцеления и прилежания о костех: но убо близ великий томимых врачь присутствует, понесый немощи, наша, и язвою своею исцеливый нас и исцеляяй: присутствует и ныне, наложив спасительныя лечбы: Аз бо, глаголет, поразих оставлением, аз и исцелю: убо да не убоишися: егда бо гнев ярости моея уканет, паки исцелю. Якоже бо не забудет жена, еже помиловати исчадия чрева своего, тако ниже аз забуду тебе, глаголет Господь{Исаии гл. 49, ст. 15.}. Аще бо утробы птицы изливаются к птенцем ея, и на всяк час посещает я, и приглашается к ним, и пищу усты тем подавает: много паче щедроты моя изливаются на создания моя, и много множае утробы моя на тя изливаются, и посещаю тя отай, и беседую к тебе во уме, и пищу мысли влагаю, зинувшей яко малой ластовице: пищу бо тебе подаю страха лучшаго, и пищу желания небесна, и пищу воздыханий утешения, и пищу умиления, и пищу песнопения, и пищу разума глубочайша, и пищу Божественных некиих таин: сия глаголя тебе Владыка твой и отец, обличаю и заступаю. Сия убо Господь нам присно беседует помышлении: аз же вем, яко превзыдох меру, многа писав, но вы подвигосте мя сие сотворити: распространих же слово утверждения ради бедствующих от малодушия пасти. Занеже обретошася, якоже писасте ми, у вас сущих во индии нецыи от братий паче чаяния, зело (с. 791) отягченни искушении, и отрицающеся и жития и пребывания иноков, глаголюще быти то утесненно и тьмобедственно: и яко яве мирских убо ублажиша, порекоша же (и) день, в оньже образ прияша. Сего ради и аз понудихся должайшее сотворити настоящее слово, и гладкими глаголы, якоже мощи и невежде и не книжному глаголемая разумети. Сего ради многа написах, да прочее не ктому мирянина, но самех себе точию ублажают иноцы, иже без всякаго прекословия лучши суть диадимы на главе носящих, и светлейши, и славнейши, яко Богу присно приседяще. Аз же сия написав, молю вашу любовь, память мою в молитвах всегда творити, якоже сподобитися мне окаянному Благодати Господни, на добрейший и благий конец определити настоящую жизнь. Оц~ же щедрот и Бог всякия утехи подаст вам утешение вечно, и упование благо{2 Кор. гл. 1, ст. 3 и 4.} о Христе Иисусе Господе нашем, емуже слава и держава, во веки веков, аминь.