<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 353) Блаженнаго каллиста патриарха главы о молитве. 1. Аще хощеши уразумети истину, подражай примерне гуслеигрателю. Зане низу он подклоняет главу, и слух прилагая к пению, подвизает бряцало рукою. И купно струнам, художне соударяемым единым со другими, гусли песнь издают, и гуслеигратель веселится сладости ради медовныя. 2. Да будет ти, _о трудолюбивейше винограда делателю сие ясный пример, и не не веруй: трезвяся бо тамо, якоже гуслеигратель, во глубине сиречь сердца, удобне обрящеши искомое. Душа бо, рачением Божественным ята бывши совершенне, обратиться вспять не может. Прильпе бо, глаголет Божественный Давид, душа моя по тебе.{Псал. 62, ст. 9.} 3. Гусли разумевай ми быти сердце, возлюбленне: струны же, чувства: бряцало же мысль, яже словеством движет бряцало присно, еже есть память Бога. От неяже сладость некая неизреченна душе последует, и чистым умом на Божественный свет взирает. 4. Аще чувств телесных не смежим, то вода оная скачущая в нас не источится, юже Господь самаряныне оней дарова: ищущи бо чувственныя сея воды, животную обрете в себе внутрь текущу. Якоже бо сия земля по естеству имать воду, и абие произаивает: тако и земля сердца, по (с. 354) естеству имать сию скачущую и источающуся, аки отеческий свет, егоже адам преслушанием погубил есть. 5. Якоже вода чувственная от источника присно течет, тако и живая оная и играющая вода от души источается, яже и в души Богоноснаго мужа игнатиа всельшися, творяше глаголати его: несть во мне огня веществолюбива, но вода есть действующа и глаголюща. 6. Подобно есть сие блаженное, паче же и треблаженное, умное глаголю, трезвение души, воде скачущей, источающейся от глубины сердца. И вода убо, от источника истекающая, источник исполняет: скачущая же отонуду из сердца, и якоже рещи приснодвижне движима духом, всего внутренняго человека исполняет росы Божественныя и Духа: внешняго же огненна соделовает. 7. Ум очищен быв от внешних, и чувства совершенне повинув деятельною добродетелию, недвижимь пребывает, якоже небесная ось, яко к средоточию взирая, ко глубине сердца. И управляя главу, взирает туда аки вервь, имея свет мысли, почерпающий отонуду Божественная разумения, и повинуя вся чувства телесная. 8. Никтоже слыша от ненаученных тайнам, или требующих млека, да прикоснется таковых сущих возбраненных не во время. Таковых бо Божественнии отцы прежде времене взыскавших, яже требуют времене, и аки в пристанище безстрастия тщащихся внити не с приличностию, во изступлении ума возмнеша быти тако, а множае ничтоже. Невозможно бо есть неведущему писмен в книзе поучатися. 9. Подвигшееся подвигом в души от Божественнаго Духа, тихостным совершает сердце вопиющее: авва отче! но оно убо необразно есть, или и беззрачно: нас же преобразует зарею Божественнаго света и зракотворит, якоже подобает, с разжжением Божественнаго Духа. Но изменяет и пременяет, якоже един весть той, Божескою властию. (с. 355) 10. Ум, очищен быв трезвением, удобне помрачается, аще частою памятию Иисуса, не упраздняется всячески от внешних. Совокупивый же деятельность с видением, сиречь блюдением ума, шума не отрицается, звуков неясных или и сильных не отвращается. Уязвлена бо бывши душа Божественною любовию ко Христу,{Песнь песн. 2, ст. 5.} яко братаничу, сей последует. 11. Удержати плотския страсти и взыграния, или и с разумом упразднятися, по сему упразднитеся и разумейте,{Псал. 45, ст. 11.} в мире пребывающим подобает: изгладити же или потребити, невозможно есть. Пустынное же житие удобне искореняти весть тыя. 12. В текущей оной воде, ова быстрейшее имать движение, ова же тихое и коснейшее. Первейшая убо ниже возмутитися удобне может скораго ради движения. Аще ли же вмале и возмутилася бы, удобнее паки очищается, яко таковое имущая движение. Внегда же течение воды умалившися малейше будет: то не точию не возмущается, но почти и недвижна пребывает. Требует же некоего, якоже рещи, воз_очищения и движения. 13. На новоначальных, и нравоучимых, и деятельных, бес звуками неясными, или ясными находит: сущим же во видении мечтания некая творит, якоже мнится украшати и воздух сей, подобне свету: овогда же и аки огнь сия производит. да противное сею частию прельстит подвижника Христова. 14. Аще хощеши уразумети, како подобает молитися, взирай на конец внимания, или и молитвы, и не прельщайся. Сея бо конец, возлюбленне, умиление есть всегдашнее, сокрушение сердца, любы ко ближнему. Сопротивное же явственно есть помысл похоти, шептания клеветы, ненависть ко ближнему, и елика сим подобна.