<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 257) Преподобный отец наш исихий, иерусалимския церкве пресвитер, живяше при феодосии юнейшем, процветая в слове учения, скончася же около четыреста тридесять третияго лета. Из многих его писаний единое слово, на двесте три главы разделенное, здесь положено, яко потребнейшее и новоначальным в трезвении и внимании ума, и хранении сердца, паче всякаго иного полезнейшее: о коем и критик, [испытатель писаний] фотий, так говорит слово в слово, в чтении 198, стр. 267. И сверх всего вторая и двадесятая [глава сиречь] исихиа пресвитера, содержит то, в чем и всея книги заключается разум, потребнейший паче всего иного, подвизающимся в жизни для наследования небес. Имеет же оно и ясность, якоже возвещается: и по прочему таково, каковое бы благопотребно было мужам, не к подвигу точию словесному обратившимся, но всякий труд и тщание показавшим в деятельном подвиге. (с. 258) ИСИХИА ПРЕСВИТЕРА К феодулу слово душеполезное и Спасительное, о трезвении и добродетели, оглавительное. Начало просвещения души и истинный залог, главизны отвещательныя и молитвенныя. 1. Трезвение есть художество духовное, от страстных помыслов и словес, и лукавых дел, совершенно человека с помощию Божиею избавляющее, долговременне и усердне проходимое. Оно проходимо дарует твердое разумение непостижимаго Бога, елико постигнути возможно, и решение таин Божественных и сокровенных, и творит всякую заповедь Божию ветхаго и новаго завета, и подает всякое благо будущаго века. Собственне же оно есть чистота сердца, еже по величеству и доброте своей, или истиннее рещи, по нерадению нашему вельми оскудевает днесь в монасех, еже Христос ублажает глаголя: Блажени чистии сердцем, яко тии Бога узрят.{Матф. гл. 5 ст. 8.} Сицево убо суще, на мнозе купуется. Трезвение, в человеке закосневая, ко правому и Богоугодному житию наставник бывает. Оно и восхождение есть умозрения, и тричастность души праведно подвизати нас научает, и чувствия твердо блюсти, и главныя четыре добродетели в причастнике своем по всяк день возращати будет. (с. 259) 2. Великий законоположник моисей, паче же Дух святый, показуя непорочность и чистоту, и многовмещение, и высокотворность сея добродетели, и учя нас, како сию начинати и совершати подобает: внемли себе, глаголет, да не будет слово тайно в сердце твоем беззакония,{5 Моис. гл. 15, ст. 9.} словом тайным единомысленное представление именуя вещи некия лукавыя и Богоненавистныя, еже и прилогом нарицают отцы приносимым сердцу от диавола, емуже последуют помыслы наши, абие по представлении онаго уму, и страстне со оным разглагольствуюч. 3. Трезвение есть путь всякия добродетели и заповеди Божия, еже и сердечное безмолвие глаголется: и оноже самое не мечтательне совершаемо, хранение ума есть. 4. Не зрит света солнечнаго родившийся слепым: сице не ходящий в трезвении, не зрит богатно сияний вышния благодати, ниже свободится от лукавых и Богоненавистных дел, и словес, и помышлений. Сицевый не свободно при кончине своей тартарских прейдет князей. 5. Внимание есть сердечное непрестанное безмолвие от всякаго помысла, Христа Иисуса Сына Божия и Бога, присно, непрерывно и непрестанно единаго того точию призывающее, и воздышущее, и мужески противу врагов со оным ополчающееся, и тому исповедающееся, единому имеющему власть прощати согрешения, обемлющее часто Христа, чрез призывание единаго тайноведца сердец: от человек же сицевая душа всячески утаити покушается сладость свою, и внутренний подвиг, да не когда лукавый тайно введет злобу, и истребит доброе делание. 6. Трезвение есть твердое водружение помысла, и стояние его при двери сердца, иже приходящия помыслы татебныя зрит и слышит, что глаголют и что творят оныя убийцы, (с. 260) и кий есть образ начертанный и воздвигнутый от бесов, и покушающийся сам собою мечтательне прельстити ум. Сия бо люботрудне постигаема, искус умныя брани, вельми разумне нам, аще хощем, показуют. 7. Сугубый страх, и оставления от Бога, и наказательныя приключения искушений, раждают частое поучение вниманию во уме человека, покушающагося источник заградити злых помыслов и дел, егоже ради бывают и оставления и нечаемыя от Бога искушения, ко исправлению нашего жития, и наипаче вкусившим покой добра сего и нерадящим. Частота же раждает навыкновение, а сие естественную некую частоту трезвения, сия же видение брани по малу, судя по качеству своему, раждает: емуже последует непрестанная молитва Иисусова, и немечтательная сладостная тишина ума и состояние, от Иисуса соделоваемое. 8. Мысль стоящая и призывающая Христа на супостаты, и прибегающая к нему, якоже зверь некий, окруженный многими псы, и противуставший во твердыни, издалече умственне умственныя коварства невидимых врагов предвидит: и занеже присно молит миротворнаго Иисуса противу их, неуязвленна от них пребывает. 9.{Безстрастия, душевнаго просвещения и чистоты сердечныя.} Аще веси, и дано ти есть во утрии предстояти, и не точию зретися, но и зрети веси, еже глаголю: аще же ни, трезвися, и приимеши. 10. Составление морей есть многая вода: составление же и держава трезвения, воздержания и душевнаго глубокаго безмолвия, и бездна видений дивных и неизреченных, и разумнаго смирения: правоты и любве, есть совершенное трезвение, и Иисус Христова без помыслов молитва. И сие подобает творити тесно и часто, и не стужати си. 11. Не всяк глаголяй ми: Господи, Господи, внидет, рече, в царствие небесное, но творяй волю отца моего.{Матф. гл. 7, ст. 21.} Воля же отца (с. 261) его есть сия: любящии Господа ненавидите лукавая. С молитвою убо Иисус Христовою возненавидим и лукавыя помыслы. И сице сотворим волю Божию. 12. Всякия добродетели начертание, и образ роду человеческому, и воззвание от древняго падения, Владыка наш и Бог, воплотивыйся предложи нам, живописав все добродетельное свое во плоти житие, со всеми благими своими, яже нам показа, по крещении вшед в пустыню, с постом начинает умную брань, диаволу, яко к человеку простому, к нему приступльшу. И сицевою победою научи и нас неключимых, како подобает брань творити на духи лукавыя, сиречь во смирении, и посте, и молитве, и трезвении, не требуя сих яко Бог, и Бог богов. 13. Колицы же суть, по мнению моему, образы трезвения, могущии помалу очищати ум от страстных помыслов, назнаменати ти оныя простою речию и неиспещренною не обленюся. Не судих бо в случаех описания брани, в сем глаголе сокрыти пользу речениями, и наипаче от простейших. Ты же чадо тимофее, рече, внемли чтению.{1 Тим. гл. 4, ст. 13.} 14. Един убо образ трезвения есть, мечтание всегда блюсти, сиречь прилог. Зане не мощно сатане без мечтания помыслы творити, и показывати уму ко прельщению ложну. 15. Другий образ, имети сердце глубоко, молчащее выну, и безмолвствующее от всякаго помысла, и молитися. 16. Иный образ, призывати часто Господа Иисуса Христа на помощь во смирении. 17. Другий же образ есть, имети память смерти непрестанно в душе. 18. Сия вся делания, возлюбленне, лукавым помышлениям вместо вратарей возбраняют. А что инии, якоже (с. 262) творится, нивочтоже вменяют зрети к небеси и земли: сие, Богу дающу глагол, в другом месте совершеннее изложу. 19. Аще по малу вины страстей отсекше, в духовных упразднимся видениях, да не пребывше в оных, сие самое имуще дело, удобь паки ко плотским страстем возвращаемся, никакого иного оттуду безстрастия плода не получивше, разве помрачение всеконечное ума, и к чувственным вещем возвращение. 20. Подобает подвизающемуся внутрь, во всякое мгновение времене имети четыре сия: смирение, крайнее внимание, сопротивление и молитву. Смирение, яко с гордыми бесами противными имеет оно брань, да помощь Христову в руце сердца имать, зане Господь гордых ненавидит. Внимание же, да присно сердце свое творит ниединаго помысла имети, аще бы и благ являлся. Сопротивление же, да егда скоро уразумеет пришедшаго, абие со гневом противостанет лукавому. И отвещаю, глаголет, поношающим ми злая.{Псал. 118, ст. 42.} Не Богу ли повинется душа моя?{Псал. 61, ст. 2.} молитву же по сопротивлении абие да возопиет ко Христу с воздыханием безмолвным. И тогда сам подвизаяйся узрит врага разрушающася, или прогоняема покланяемым именем, Иисус, яко прах от ветра, или яко дым исчезающий с мечтанием его. 21. Не имеяй молитвы чистыя от помыслов, не имать оружия на брань, молитвы же, глаголю, присно действуемыя во внутренности души, да призыванием Христа, тайно ратуяй супостат поражается и опаляется. 22. Ты бо должен еси острым и напряженным ума оком зрети, дабы разумевати входящих: разумев же абие сопротивлением сокрушати главу змиеву. И вкупе паки с воздыханием возопий ко Христу, и приимеши тогда искус Божественнаго невидимаго заступления, и тогда узриши ясно правость сердца. (с. 263) 23. Якоже держай зерцало в руце, посреде многих стоя, и взирая в оное, видит свое лице, каково есть, видит других, приникших в тоежде зерцало: тако вникающий всегда в сердце свое, видит свое состояние в оном, видит же и черныя лица умных ефиопов. 24. Но не может ум победити мечтание бесовское собою токмо: да не надеется когдалибо сего. Коварни бо суще, и побежденными притворяются, отинуду тщеславием препиная. Призыванием же Иисуса Христа стати ти и ухитритися ниже на час терпят. 25. Виждь, да не возмечтаеши, по примеру древняго израиля, и предан будеши и ты мысленным врагом. Оный бо Богом всяческих от египтян избавлься, помощника себе умысли идола перстна. 26. Идола же перстна разумей немощный наш ум, иже, дондеже молит Иисуса Христа противу лукавых духов, удобь их отгоняет, и с хитростию художною побеждает невидимыя ратныя силы врага. Егда же он на себя безсмысленне всяко надеятися будет, якоже глаголемый быстрокрылатый разбивается. На Бога, глаголет, упова сердце мое и поможе ми: и процвете плоть моя: и кто разве Господа, возставит мя, и ополчится со мною на лукавнующия безчисленныя помыслы?{Псал. 27, ст. 7.} Надеяйся же на ся, а не на Бога, падет падением дивным. 27. Сердечнаго безмолвия сей образ, чин и пример да будет ти присно, аще хощеши подвизатися, малое животное, паук. Аще же ни, не безмолвствуеши еще, якоже подобает умом. Той убо малыя ловит мухи, ты же, аще тако, якоже и той душею трудяся безмолвствуеши, не престанеши присно убивати младенцы вавилонския, за которое убийство ублажаешися Духом святым чрез Давида.{Псал. 136, ст. 9.} 28. Якоже не мощно чермному морю на тверди явитися посреде звезд, и якоже не мощно человеку на земли обходящу (с. 264) не дыхати воздухом сим: тако не мощно очистити сердце наше от страстных помыслов, и отгнати умных врагов от него, без частаго призывания Иисуса Христа. 29. Аще со смиренномудрием и памятию смерти, и самоукорением, и сопротивлением, и призыванием Иисуса Христа труждающися всегда в сердце твоем, и тесным, но радостотворным и сладостным путем мысленным, по всяк день с сими оружиями шествуеши трезвенне: во видения святая святых внидеши, и просветишися таинствы глубокими от Христа, в немже сокровища премудрости и разума сокровенна, в немже живет всяко исполнение Божества телесне.{Колос. гл. 2, ст. 3.} Ощутиши бо по Иисусе, яко Дух святый вниде в душу твою, от негоже ум человечь просвещается зрети откровенным лицем. Никтоже глаголет Господа Иисуса, точию Духом святым,{1 Кор. гл. 12, ст. 3.} рече Господь, уверяя сиречь ищущаго таинственне его. 30. Обаче и сие ведети подобает любоученым, яко завистнии беси множицею и сокрывают и сокращают в нас умную брань, завидяще нам лютии, пользы ради, яже от брани, и разумения, и восхождения к Богу, да обезпечалившимся нам внезапу ум наш восхитят, и невнимательными некако к помыслом паки нас соделают. Конец бо им непрестающий и подвиг промышляется, отнюд не оставляти сердце наше внимательным, ведяще собираемое оттуду богатство душе. Но мы тогда, с воспоминанием Господа нашего Иисуса Христа, да простираемся на духовная видения, и брань паки на ум да восходит: точию по совету, да тако реку, самого Господа, и со смирением многим вся да творим. 31. Подобает убо нам, во общежитии пребывающим, добровольным изволением и бодрым сердцем всю волю свою отсекати пред настоятелем, и тако Богу вспомоществующу, благообуздываемы и сами некако бываем, и невольны. Хитрость (с. 265) же в сем имети подобает, да не желчию смущаемся и ярость нашу безсловесне и чрезестественне движим, и тако бездерзновенны на невидимую брань обрящемся. Обыкла бо есть воля наша, не отсекаема нами добровольне, гневатися на начинающих принужденне оную отсекати: и от сего убо ярость злящаяся подвигшися, погубляет разумение брани, еже едва кто со многим трудом стяжати возможе. Растлительна бо ярость есть естественно, аще на помыслы подвигнется бесовския, растлевает и погубляет их: аще же паки на человеки возмутится, растлевает и тако благия помыслы в нас. Ярость, аще случится, вижду, яко растлевает все помыслы, аще лукавыя, аще ли и правыя. Оружие бо от Бога, и лук нам дается, аще не удерживается во обоих. Хотя же и различне действует, но губительна есть. Аз бо вем и пса дерзка равно с волки растлевающа овцы. 32. Сице подобаше бегати дерзновения, яко яда аспидова, и отвращатися многоглаголаний, яко змий и порождений змииных, зело могущим сим скоро превести в совершенное забвение внутрения брани, низвести душу от высокия радости, яже от чистоты сердечныя. Противляется бо проклятое забвение вниманию, яко вода огню, и сильный враг оному по всяк день бывает. От забвения бо в нерадение приходим, от нерадения же в презрение и уныние, и безместныя похоти. И тако паки возвращаемся вспять, имже образом пес на свою блевотину. Бежим убо дерзновения, яко яда смертнаго. Злое же стяжание забвения, и яже от того исцеляет вельми опасное хранение ума, и частое призывание Господа нашего Иисуса Бога, без него бо не можем творити ничесоже. 33. Не вместительно, и не мощно со змием дружество имети, и в недрех его носити: ниже мощно телу всячески ласкати, угождати и любити оное, кроме потребных и нуждных, и вкупе прилежати добродетели небесной. Естественно бо тому греющаго уязвляти, а сему оскверняти (с. 266) сластьми угождающаго. В немже тело согрешает, за то ранами да мучится часто и безпощадно, яко раб беглец сладкаго вина упивыйся, да разумеет наказующаго господина, да не корчемствует, да разумеет госпожу нетленную тленный кал, раба и нетопырь. Даже до смерти да не уповаеши на плоть твою. Хотение бо, глаголет, плоти, вражда на Бога. Закону бо Божию не покаряется. И плоть похотствует на духа. Живущии же во плоти Богу угодити не могут: мы же несмы во плоти, но в дусе.{Римл. гл. 8, ст. 7 и 9.} 34. Мудрости есть дело, присно воздвизати яростную силу души к соплетению внутренния брани, и к самоукорению: целомудрия же, возбуждати словесную к трезвению совершенному и частому, и видению духовному: правды же, управляти желательную к добродетели и Богу: мужества же, пять чувств правити и содержати, да не оскверняется внутренний наш человек оными, сиречь сердце, и внешний, сиречь тело. 35. На Израили велелепота его,{Псал. 67, ст. 35.} на уме зрящем доброту славы самаго Бога, елико мощно, и сила его на облацех, в душах светозрачных, взирающих во утрии на седящаго одесную отца озаряющаго их: якоже солнце чистыя облака лучами озаряющее любезне показует я. 36. Согрешаяй един, глаголет Божественное писание, погубит благостыню многу,{Екклес. гл. 9, ст. 18.} и согрешаяй ум погубляет в предписанной главе показанное питие, и брашно безсмертное. 37. Несмы сам_псона сильнейшии, ни соломона премудрейшии, ни давида Божественнаго разумнейшии, ни паче верховнаго петра, Бога любящии. Да не надеемся убо на ся. Глаголет бо писание, надеяйся на себе, падет падением дивным. 38. Научимся от Христа смиренномудрию, от давида каятися, а от петра плакати о случающихся, но не отчаяватися по образу сам_псона, иуды и зело премудраго соломона. (с. 267) 39. Диавол, яко лев рыкая ходит иский кого поглотити, со своими силами. Да никогда убо сердечное всегдашнее внимание, и трезвение, и противоречие, и молитва ко Христу Иисусу Богу нашему оскудевают. Лучшия бо помощи, кроме Иисуса, не обрящеши во всей жизни твоей. Той бо един Господь весть, яко Бог, бесовския коварства, козни и лукавствия. 40. душа убо да уповает на Христа, и молит его, и отнюд да не страшится. Не едина бо борется, но со страшным Царем Иисусом Христом, творцем всех сущих безтелесных и телесных, видимых и невидимых. 41. Якоже бо дождь, елико множае на землю сходит, толико и землю умягчает: сице и землю сердца нашего имя Христово от нас призываемо радостотворит и веселит, елико частейше без помысл призывается. 42. Добро же и сие неискусным ведети, яко врагов безплотных и невидимых, зложелательных, мудрых на озлобление, скорых и легких, и искусобранных, леты от адама, и даже до ныне, ни единым иным образом не можем мы дебелые, и телом, и мудрованием к земле растущие, победити, разве непрестанным трезвением ума, и призыванием Иисуса Христа Бога и творца нашего. И неискусным в молитве Иисус Христовой, да будут сия увещанием, еже искусити и разумети доброе: искусным же деяние, и искушение, и покой благ, есть добрый образ и учитель. 43. Якоже отроча мало и нелукаво, мечтания творяща некоего зря, веселится, и последует мечтания творящему от беззлобия: сице и душа наша проста некако сущи и блага, тако от благаго Владыки своего создавшися, увеселяется прилогами диавола мечтательными, и прельщаема притекает к горшему, аки к добру: и сице мешает своя помыслы с мечтанием бесовскаго прилога. Аще случится жены благообразныя лице, или инное что от заповедей Христовых всяко запрещенное: желает, како бы ухитритися, дабы произвести в дело (с. 268) явльшуюся ей красоту: и тогда сложившися со диаволом к делу приводит, посредством тела, явльшееся ей беззаконие в помышлении, к осуждению своему. 44. Сия есть хитрость лукаваго, и сими стрелами уязвляет он всякую душу. И сего ради не безопасно: прежде многаго искушения браннаго ума, позволяти помыслом входити в сердце наше, в начале наипаче. Зане еще душа наша услаждается бесовскими прилогами, и веселится и последует им. Но подобает точию разумевати помыслы, и абие отсекати оныя в нахождении и прилоге. Егда же закоснев ум, в дивнем сем деле обучится и уразумеет, непрестанно будет навыкати брани, дабы истинно и разумевати оныя, и якоже пророк глаголет, удобь мощи ему удерживати малыя лисы: тогда ведомо может оставляти оныя и обличати. 45. Якоже не мощно по единому каналу и огню и воде проходити: сице не мощно в сердце греху внити, аще не толкнет первее во дверь сердца мечтанием лукаваго прилога. 46. Первое, есть прилог: второе, сочетание, сиречь смешены бывают помыслы наши, и лукавых бесов: третие, сложение, какое подобает быти между обоими помыслами зле совещавающимися: четвертое же, есть чувственное деяние, сиречь грех. Аще бо внимает ум трезвенне, и противоречием и призыванием Господа Иисуса отгоняет прилог в нахождении: последующая за тем праздна пребывают. Ум бо лукавый, безплотен сый, не иначе может прельстити душу, точию мечтанием и помыслы. И о прилоге Давид глаголет: Воутрия избивах, и последующая.{Псал. 100, ст. 8.} О сложении же великий моисей глаголет: И не приложится им. 47. Ум уму невидимо ко брани соплетается, бесовский ум нашему. И сего ради потреба из глубины по всяк час (с. 269) вопити ко Христу дабы отгнал бесовский ум, победительная же нам даровал, яко человеколюбец. 48. Образ безмолвия сердечнаго да будет ти содержащий зерцало, и в него взирающий. И тогда узриши умне написуемая в сердце твоем лукавая и благая. 49. Блюди присно ни единаго помысла не имети в сердце твоем, ни безсловнаго, ниже благословнаго, да тако удобь познаваеши иноплеменники, сиречь египетския первенцы. 50. Коль блага, сладостна, светла и приятна, вседобра, яснозрачна и красна добродетель трезвение, от тебе, Христе, благоуправляемая, и от бодраго человеческаго ума во смирении многом проходимая! Простирает бо даже до моря и бездны видений рождие свое, и даже до рек таин сладостных и Божественных отрасли своя: и напаяет ум, давно сожженный нечестием от сланости помыслов лукавых духов, и от злоумнаго мудрования плоти, еже есть смерть. 51. Трезвение уподобися лествице иаковлевой, на нейже Бог пребывает, и ангели восходят. Истребляет бо из нас всякую злобу. Оно бо отсекает многословие, поношение и клевету, и вся чувственная злая поряду, не терпя за сия ниже на малое время лишатися своея сладости. 52. Сие же усердно, братия моя, да проходим: и во видениях того чистым помыслом о Христе Иисусе паряще, да возбуждаемся к созерцанию согрешений наших и жития прежняго, да воспоминанием грехов наших сокрушаеми и смиряеми, непрестанную имеем помощь от Иисуса Христа Бога нашего на невидимую брань. Лишившеся бо помощи Иисусовой гордостию, или тщеславием, или самолюбием, лишихомся чистоты сердечныя, еюже познает человек Бога. Первое бо бывает виною втораго, якоже обещание исполнения. 53. Ум, не леняйся о сокровеннем своем делании, с прочими благими, яже от всегдашняго хранения обрящет и пять чувств телесных праздны от внешних зол. Ибо (с. 270) добродетели своей трезвенно выну внемля, и помышлениями благими услаждатися желая, нетерпит крадомым быти от пяти чувств, вещественным и суетным помыслом в него входящим, но разумев их прелесть, внутрь себе вельми сокрывает их. 54. Пребывай в разуме, и не утрудишися во искушениях: отонудуже отходя терпи находящая. 55. Якоже зле питающимся пользует горькая пелынь: сице злонравным пользует злая страдати. 56. Аще не хощеши злострадати, ниже зло творити желай. Понеже сие оному непреступно последует. Еже бо сеет кто, то и пожнет. Волею убо злая сеюще, и неволею жнуще, правде Божией дивитися должны есмы. 57. Ослепляется ум от трех сих страстей: от сребролюбия, глаголю, тщеславия и сласти. 58. Разум и вера, совоспитанники естества нашего, не от чего иного, точию от оных притупишася. 59. Ярость и гнев, брани и убийства, и вся прочая злая поряду, от оных в человецех зело укрепишася. 60. Неведующий истины, ниже истинно веровати может: ведение бо по естеству предваряет веру. Ибо реченная в писании рекошася, не да разумеем точию, но да и сотворим оныя. 61. Начнем убо дело. Сице бо последовательне преспевающе обрящем, яко на Бога упование, и твердая вера, и разумение внутреннее, и избавление искушений, и даров подаяния, и исповедание сердечное, и слезы прилежны от молитвы верным приходят. Не точию же сия, но и находящих скорбей терпение, и искреннее ближнему оставление, и закона духовнаго познание, и правды Божия обретение, и Духа святаго наитие, и духовных сокровищ подаяние, и вся, елика обетова Бог подати верным человеком и зде, и в будущем веце. И вообще рещи: по образу Божию не можно душе явитися, (с. 271) аще не дарованием Божиим и верою, со многим смиренномудрием, и не с разсеянною молитвою в помысле человеку пребывающу. 62. Велие воистинну благо от искуса прияхом, еже присно призывати Господа Иисуса на мысленные супостаты хотящему сердце свое очистити. И виждь, како согласно слово, от искуса мною реченное, со свидетельствами писания. Готовися, глаголет оно, израилю, призывати имя Господа твоего. И апостол: Непрестанно молитеся.{1 Сол. гл. 5, ст. 17.} И Господь наш глаголет: Не можете творити без мене ничесоже. Пребываяй во мне, и аз в нем, той сотворит плод мног. И паки: Аще кто не пребудет во мне, извержется вон, якоже розга.{Иоан. гл. 15, ст. 5 и 6.} Велие благо молитва, и благ всех содержание, яко очищает сердце, в немже Бог является верным. 63. Вещь смиренномудрия, понеже высокотворна есть по естеству, и Боголюбезна, и потребительна всех почти в нас зол Богоненавистных, сих ради естественно есть не удобообретаема, и удобь обрящеши во едином человеце многих добродетелей делания некия частныя, взыскав же в нем вони смирения едва обрящеши. Сего ради потребно многое тщание, дабы стяжати сию вещь. Ибо нечистым и диавола нарицает писание: зане искони сию благую вещь смиренномудрия отрину, и гордость возлюби. Сего ради и нечистым духом во всем писании именуется. Зане кую нечистоту плотскую может соделати совсем безтелесный, и безплотный, и непостоянный, да нечистым от сего глаголется? Яве, яко за гордость наречеся нечистый, и из чистаго и светлаго ангела, мерзок явися. И нечист пред Господем всяк высокосердый. Первый бо, глаголет, грех есть гордость. Тако бо гордый фараон глагола: Бога твоего не вем, и израиля не отпущу.{Исх. гл. 5, ст. 2.} 64. Суть же многия действия ума могущия нам благий дар смиренномудрия снискати, аще не нерадим о спасении (с. 276) нашем: сиречь, воспоминание согрешений в словесех, и делех, и помышлении, и прочая многая к смиренномудрию служат, видением собираемая. Творит же смирение истинное и сие, чтобы ближних исправления по всяк час во уме обращати, и другия естественныя преимущества в себе возвеличивати и истязовати дела оных со своими. И сице егда видит ум свою худость, и колико отстоит он от совершенства братня, тогда землю и пепел человек себе быти помышляет, а не человека, но пса некоего, яко пред всеми сущими на земли словесными людьми во всем лишаема и недостаточествующа. 65. Глаголет, уста Христовы, столп церкви, великий отец наш василий: Велие пособие к тому, дабы не согрешати, еже не впадати и в предыдущий день в таяжде, еже разсуждати нам по исполнении дня в совести нашей самих себе, и яже о себе, что согрешихом, и что праведно сотворихом. Сие и иов творяше с собою, и со чады своими. Повседневная во словоистязательства повсечастне просвещают. 66. И другий паки из Божественных мудрец рече: Начало плодоносия есть цвет, а начало делания воздержание. Да воздержимся убо, и сие творим мерою и весом, якоже отцы поучают, и весь день дванадесяти часов во блюдении ума да проходим. Сице бо творяще, злобу нуждею некоею угасити и уменьшити возможем с Богом. Зане нуждею стяжавается добродетельное житие, егоже ради дается царствие небесное. 67. Путь к разуму есть безстрастие и смирение, без нихже никтоже узрит Господа. 68. Непрестанно труждающийся о внутреннем, целомудрствует: не точию же сие, но и зрит, и Богословствует, и молится. И сие есть, еже глаголет апостол: духом ходите, и похоти плотския не совершайте.{Галат. гл. 5, ст. 16.} (с. 277) 69. Духовным путем шествовати неведущий, о страстных помышлениях не творит попечения и исправления: но все упражднение имеет плотское, или обядается, или похотствует, или печалится, или гневается и памятозлобствует и отсюду ум помрачает, или безмерный подвиг употребляет, и смущает мысль. 70. Вещей житейских отрекшийся, сиречь жены и имения, и прочих, внешняго человека сотворил иноком, а не внутренняго еще, еже есть ум: отрекшийся же пристрастных помыслов, сей есть истинный инок, и внешняго человека удобь творит иноком, аще кто восхощет. Не малый же подвиг, внутренняго человека сотворити инока. 71. Кто убо есть в роде сем, иже совсем избавися пристрастных помыслов, и чистыя и невещественныя выну сподобися молитвы, еже есть знамение внутренняго инока. 72. Многия страсти в душах наших сокрыты: тогда же обличаются, егда вины являются. 73. Не все упражднение имей во обучении плоти, но предел постави оному посильный подвиг, и весь ум твой ко внутренним обрати: телесное бо обучение вмале есть полезно, а благочестие на все полезно есть.{1 Тим. гл. 4, ст. 8.} 74. От неборения страстей гордость прилучается, или винам отсекающимся, или бесом коварно отходящим. 75. Смирение и злострадание от всякаго греха свобождают человека, ово страсти душевныя, ово же телесныя пресекающе. Сего ради глаголет Господь: Блажени чистии сердцем, яко тии Бога узрят,{Матф. гл. 5, ст. 8.} его и сущия в нем сокровища, Егда любовию и воздержанием себя очистят: и толико множае, елико паче очищатися продолжают. 76. Созерцалище учения всякия добродетели, есть блюдение ума, якоже древний Давидов пример обрезание сердца предяви. (с. 274) 77. Якоже чувственно вредная зряще, повреждаемся, сице и зряще умом. 78. Якоже уязвивый сердце произрастения, все оное изсушает: сице и о сердце человека разумевай. В тот час внимати подобает, егда непраздни татие. 79. Господь всякую заповедь должною показати хотя, сыноположение же своею кровию людем даровал, глаголет: Егда сотворите повеленная вам, глаголите, яко раби неключими есмы, и еже должни бехом сотворити, сотворихом.{Луки гл. 17, ст. 10.} Сего ради несть мзда делом царствие Небесное, но благодать Владычня, верным рабом уготованная. Не требует раб свободы, яко мзды, но благодарит, яко должник, и по благодати ожидает. 80. Христос умре за грехи наша, по писанию, и добре работающим ему свобождение дарует. Глаголет бо: Благий рабе и верный, о мале был еси верен, над многими тя поставлю: вниди в радость Господа твоего.{Матф. гл. 25, ст. 21.} Еще же раб несть верен, на высокоумие опирающийся, но послушанием заповедующему Христу верующий. 81. Иже Владыку чтит, творит повеленная от него: согрешивый же и преслушавый терпит, яко свояси находящая. Ученолюбив сый, буди и трудолюбив: высокий бо разум надмевает человека. 82. Нечаянно прилучающияся нам искушения смотрительне нас трудолюбивыми быти научают. 83. Свойствен звезде сущий при ней свет, благочестивому же и Богобоящемуся свойственна худость и смирение. Зане не иное что есть обявляющим и показующим знамение учеников Христовых, точию смиренномудрие и худый образ, и о сем повсюду вопиют четыре евангелиа. А иже не сице, сиречь, не смиренно живет, отпадает от части смирившаго себе даже (с. 275) до креста и смерти, и Божественных евангелий законоположника. 84. Жаждущии, глаголет, идите на воду:{Исаии гл. 55, ст. 1.} жаждущии Бога, идите с чистою мыслию. Обаче высокопарящему оною подобает зрети и к земли своея худости: никтоже бо смиреннаго вышший. Якоже бо свету не сущу, мрачна и темна вся: сице не сущу смиренномудрию, все наши тщания по Бозе суетны и безполезны. 85. Конец же слова, все слушай: Бога бойся, и заповеди его храни,{Еккл. 12, ст. 13.} и умственно и чувственно. Аще бо умственно понудиши себе хранити я, то помалу и чувственных трудов в них требовати будеши. Глаголет бо давид: Восхотех волю твою и закон твой сотворити посреде чрева моего.{Псал. 39, ст. 9.} 86. Аще не посреде чрева, сиречь, посреде сердца, сотворит человек волю Божию и закон: ниже внеуду удобь сие сотворити может. И речет к Богу нетрезвящийся и нерадивый, пути твоя ведети не хощу: конечно по лишению Божественнаго просвещения, емуже причащающийся не будет не извещен, но довольно тверд в Божественных вещех. 87. Якоже бо чувственная соль услаждает хлеб, и всякое варение и мясо несогнившим и целым сохраняет: сице и о умном хранении мысленныя сладости и дивнаго делания разумевай: услаждает бо абие и внутренняго и внешняго человека, и смрад лукавых помыслов отгоняет, и целыми нас во благих хранит. 88. От прилога многие бывают помыслы, от сих же лукавое чувственное деяние. Но иже со Иисусом первое абие погашает, последующих избегает, и разумением Божественным сладостным обогатится, имже Бога обрящет везде суща: и в сие зерцало умное зрящи просвещается всегда по подобию чистаго стекла и чувственнаго солнца. И тогда почиет (с. 276) ум, до последняго желания достигши от всякаго иного в нем видения. 89. Понеже всякий помысл мечтанием чувственных некиих вещей входит в сердце: тогда осиявает его блаженный свет Божества, егда совершенно от всех оных упразднится, и невоображен от сих будет. Зане светлость оная по лишению всех помышлений является в чистом уме. 90. Елико мысли крайне внемлеши, потолику с желанием Иисусу молитися будеши: и елико паки мысль леностне посещаеши, потолику и Иисуса удалишися. И якоже первое совершенне воздух мысленный просвещает: сице и уклонение от трезвения, и сладостнаго призывания Иисуса, навыче помрачати оный отвсюду, якоже быти по естеству вещи сицевой, якоже рекохом, а не инаковой. И сие искусом познаеши делом испытания, зане не бывает добродетель, и наипаче таковое светородное сладостное делание, аще не искусом изучается. 91. Частое призывание Иисуса с желанием некиим, исполненным сладости и радости, виновно бывает того, что воздух сердечный исполняется радости и тишины от крайняго внимания. Крайняго же очищения сердечнаго виновник есть Иисус Христос Сын Божий и Бог, всех благих виновник и творец. аз бо, глаголет, Бог творяй мир.{Исаии гл. 45, ст. 7.} 92. Душа благодетельствуема и услаждаема от Иисуса, с веселием некиим и любовию, исповеданием благодетелю хвалу воздает, благодарящи и призывающи с веселием творящаго ей мир, и посреде себе умственно зрящи его разрушающа мечтания лукавых духов. 93. И воззре, глаголет давид, умное око мое на умныя враги моя, и востающия на мя лукавнующия услышит ухо мое:{ Псал. 91, ст. 12. } и воздаяние грешных видех от Бога во мне (с. 277) бывающее. Мечтаниям же не сущим в сердце, в естественном положении ум состоит, готов сый движитися ко всякому видению сладостному, духовному и Боголюбезному. 94. Сице убо, якоже рех, трезвение и молитва Иисусова, навыкоша одно другое составляти крайнее внимание, частую молитву, молитва же паки крайнее в уме трезвение и внимание. 95. Добрый наставник есть и телу и душе незабвенная память смерти, и еже посреде вся прешедши умом, прозирати присно той одр, на немже душе разлучившейся имеем возлежати, и прочая. 96. Не можно, братие, сон прияти хотящему неуязвленным выну пребывати: но следует быти чемулибо из двух сих, или пасти или погибнути обнажившуся добродетелей, или выну уму стояти вооруженну. Ибо и враг присно стоит со своим ополчением. 97. Бывает исправление некое Божественное во уме нашем от непрестанныя памяти, и призывания Господа нашего Иисуса Христа, аще не нерадим о всегдашнем молении умом к нему, и частом трезвении, и поучаемом деле: но воистинну тоежде присное делание и такожде совершающе, да имамы призывание Иисуса Христа Господа нашего с раздежением сердца вопиюще, дабы прияти святое имя Иисусово. Учащение бо и в добродетели и злобе матерь есть навыкновения: сие же яко естество уже содержится. И в таковом состоянии быв ум, ищет супостаты, якоже пес звероловный зайца в чащах: но сей да пояст, а оный да истлит. 98. Егда убо, и елико прилучается умножитися в нас лукавым помыслом, призывание Господа нашего Иисуса Христа посреде оных употребим, и разрушающихся им абие тогда яко дым на воздухе узрим, якоже искус научи: и уму единому оставльшуся тогда, паки да начинаем непрестанное внимание и призывание. И елико о искушения сие ни постраждем, сице да творим. (с. 278) 99. Якоже бо невозможно нагому телом внити во брань, или преплыти великое море со одеждею, или жити не дыхающему: сице невозможно без смирения, и частаго ко Христу моления умной и сокровенной брани изучитися, и искусно сию отгоняти и низвергати. 100. Великодеятельный давид глаголет ко Господу: Державу мою к тебе сохраню.{Псал. 58, ст. 10.} Почему сохранение в нас державы сердечнаго и умнаго безмолвия, от негоже все раждаются добродетели, бывают от того, что получаем мы помощь от Господа, часто нами призываемаго, дающаго и заповеди, и отгоняющаго от нас скверное забвение, растлевающее наипаче сердечное безмолвие, якоже вода огнь. Темже, _о иноче, да не от лености уснеши в смерть: но Иисусовым именем бий супостаты и якоже премудрый некто глаголаше: Иисусово имя да прильпнет дыханию твоему, и тогда уразумееши пользу безмолвия. 101. Егда Божественных и пречистых таин Христа Бога и Царя нашего со страхом и трепетом сподобимся недостойнии: тогда наипаче трезвение и блюдение ума и опасение покажем, да потребит грехи наша, и малыя и великия скверны, огнь Божественный, сиречь тело Господа нашего Иисуса Христа. Входя бо в нас, лукавыя духи абие от сердца отгоняет, и прежде бывшия грехи нам прощает: и остается тогда ум без смущения от лукавых помыслов. И аще посем совершенно ум наш соблюдем, стоя во дверех сердца нашего: егда паки оных сподобимся, паче и паче Божественное тело просвещаеч ум, и светозрачным его творит. 102. Забвение погашати весть хранение ума, якоже вода погашает огнь. Частая же молитва Иисусова до конца оное изгоняет из сердца со трезвением крепким. Требует бо молитва трезвения, якоже светильник света свещнаго. (с. 279) 103. Болети{Трудитися.} подобает о хранении честных: честная же воистинну суть, хранящая нас от всякия злобы чувственныя и умственныя. Сия же суть хранение ума со призыванием Иисуса Христа, и зрети присно во глубину сердца, и безмолвствовати всегда мыслию, да сице реку, и от помыслов мнящихся правыми быти, и тщатися праздну быти от помыслов, да не утаятся татие: и аще и болим соблюдающе сердце, но близ утешение. 104. Навыче сердце непрестанно блюдущееся и не терпящее приимати виды, образы и мечтания мрачных и лукавых духов, мысли светозрачныя от себя раждати. Якоже бо угль раждает пламень: сице множае паче обитающий в сердце Бог от святаго крещения, аще обретает воздух сердца нашего чист от ветров лукавых, и от хранения ума соблюдаемь, возжизает ум наш к зрению, якоже пламень воск. 105. Подобает присно обращати во вместилищи сердца нашего имя Иисуса Христа, якоже молния обращается на воздухе тверди, дождю хотящу ити. Сие бо известно ведят искус ума и внутренния брани имущии. Якоже и в полку, сице умною бранию да воинствуем. Вопервых употребим внимание: потом уразумевше врага, помысл вложивша, словесы клятвенными от сердца со гневом его отгоним: третий чин есть, абие помолитися нань обращающе сердце со призыванием Иисуса Христа, да абие разрушится бесовское соние, да не последует мечтанию ум, якоже младенец, от некоего мечтаннотворца мечты творяща, прельщаемь. 106. Потрудимся, якоже Давид, зовуще: Господи Иисусе Христе, да измолкнет гортань наша, и да не оставят умная очеса наша надеятися на Господа Бога нашего.{Псал. 68, ст. 4.} 107. Поминаем присно притчу неправеднаго судии, в нейже рече Господь: яко подобает нам всегда молитися, и не стужати си,{Луки гл. 18, ст. 1.} и пользу обрящем и отмщение. (с. 280) 108. Якоже взирающему на солнце, несть мощно зраку его не озаритися богатно: сице присно вникаяй в воздух сердечный, не может не просветитися. 109. Якоже не возможно настоящее житие продолжати без пищи и пития: сице не возможно без хранения ума и чистоты сердца, еже есть и глаголется трезвение, в духовное нечто и Богоугодное достигнути душе, или свободитися мысленнаго греха, аще и нудит кто себя страха ради мук не согрешати. 110. Обаче и удаляющиися действеннаго греха нуждею некоею, блажени пред Богом и ангелами и человеками, яко нуждницы Царствия Небеснаго обретаются. 111. Сие есть дивно умныя пользы, яже от безмолвия, яко умственная и трезвенная добродетель вся согрешения, во ум первее толкущая помыслами точию, дабы аще прияты будут мыслию, быти согрешениям чувственным и дебелым, отсекает во внутреннем нашем человеце, не попущая оным приити и произвестися в лукавыя дела силою и заступлением Господа нашего Иисуса Христа. 112. Образ внешняго и чувственнаго телеснаго обучения есть ветхий завет. Святое же евангелие еже есть новый завет, образ есть внимания, сиречь, чистоты сердца: и якоже ветхий не совершаше, ниже исполняше внутренняго человека ко благочестию. Ничтоже бо, глаголет апостол, совершил закон:{Евр. гл. 7, ст. 16.} но точию дебелая согрешения возбраняше. Отсещи бо и помыслы от сердца, и лукавая помышления, еже есть повеление евангелиа, вящше служит к чистоте душевной, нежели не возбранити изымати око и зуб ближняго, сице разумей и о телесной правде, и обучении, о посте, глаголю и воздержании, долулегании, стоянии, бдении и о прочих, яже телом бывают, и страстную часть телесе укрощают от (с. 281) деятельнаго греха. Добра суть и сия, яже рекох о ветхом завете: наставление бо суть внешнему нашему человеку, и хранитель от деятельных страстей: но не хранят от согрешений мысленных, сиречь, не возбраняют оныя, так чтобы избавити нас, с Божиею помощию, от зависти гнева и прочих. 113. Чистота же сердечная, сиречь блюдение ума и хранение еяже образ новый завет, аще, яко подобает, от нас хранится, все страсти и вся злая из сердца искореняющи отсекает, и вместо того вводит радость, благоупование, умиление, плачь, слезы, уразумение самих себя и грехов своих, память смерти, смирение истинное, любовь безконечную к Богу и человеком, и радость Божественную сердечную. 114. Якоже не мощно не пресецати сего воздуха по земли ходящему: сице не мощно нератуему быти всегда от бесов сердцу человеческому, или чтобы они тайно в оном не действовали, аще и многое имать телесное обучение. 115. Аще хощеши о Господе, не да покажешися точию иноком и благим и кротким, и с Богом всегда соединенным, но и воистинну хощеши быти таковым: добродетель внимания всею силою проходи, яже есть хранение и блюдение ума, и сердечное совершение сладкаго безмолвия, немечтательное блаженное души состояние, вещь не во мнозех обретаемая. 116. Добродетель бо внимания глаголется умное любомудрие. Проходи сию со многим трезвением и теплым усердием, с молитвою Иисусовою, со смирением, со благоразумием, и с молчанием чувственных устен и умных, с воздержанием брашен и пития, и всякия греховныя вещи. Продолжай сию путем мысленным с мудростию, и она тя научит, с помощию Божиею, тому, чего не веси, и возвестит, и просветит, и вразумит, и научит тому, чего прежде во ум прияти не могл еси, во тьме страстей ходя, и темных дел, и забвением и смущением бездны покрываемь. (с. 282) 117. Якоже удолия умножает пшеницу: сице добродетель внимания умножает в сердце всякое благо. Паче же Господь наш Иисус Христос сия подает ти: без негоже не можем творити ничесоже. И первее обрящеши ю лествицею, потом же книгою прочитываемою, таже предуспевая, обрящеши самый град иерусалим небесный, и Царя сил Христа израилева ясно умственно узриши со единосущным его отцем и покланяемым святым Духом. 118. Мечтанием лживым присно бесове приводят нас на согрешение. Ибо мечтанием сребролюбия и прибытка, окаяннаго иуду уготоваша предати Господа и Бога всех: лжею же ничтожнаго успокоения телеснаго и чести и прибытка и славы, во удавление его вовлекоша, и вечную смерть ему исходатайствоваша, совсем против мечтания своего прилога, глаголю, возмездивше ему коварнии. 119. Зри, како мечтанием и лжею, и тщетными обещаниями низвергают нас враги спасения нашего, и сам сатана сице с высоты, яко молния низвержеся, равным Богу возмечтався: сице паки и адама разлучи от Бога: Божественное достоинство представив ему: и сице всех согрешающих прельщати навыче лживый и коварный враг. 120. Огорчаеми бываем сердцем от яда помыслов лукавых, егда внимание и Иисусову молитву на мнозе оставляем, от забвения нерадяще. Услаждаеми же паки бываем чувствием, и сладостию некою блаженныя радости, егда предреченная твердо и усердно в делателищи мысленном прилежно, любовию Божественною совершаем. Тогда бо не за иное что в сердечном безмолвии ходити готови бываем, точию за сладкое онаго в душе чувствие и веселие. 121. Художество художеств, и хитрость хитростей есть ухищрение злодейственных помыслов. Превосходный убо есть образ и искусство, зрети о Господе мечтание прилога их, и хранити мысль, якоже храним чувственное око, и остро (с. 283) оным видим грядущаго поразити оное наитием, и елико можно, всякий сучец отражаем от него. 122. Якоже не родит снег пламене, или вода огня, или терн смоквы: сице не свободится сердце всякаго человека от бесовских помыслов, и словес и дел, не очистив внутренняя, не совокупив трезвения с молитвою Иисусовою, не исправив смирения и душевнаго безмолвия, не поспешая, и не путешествуя со многим усердием. Но подобает невнимательной душе ко всякому благому и совершенному разуму безплодною быти, яко мску безплодному, в нейже несть разумения духовныя мудрости. Воистинну сладкая есть вещь мир душевный, и имя Иисусово, и истощание помыслов страстных. 123. Егда зле совещает душа с телом, тогда оба созидает град тщеславия, и столп гордости, и обитающия в них нечестивыя помыслы. Господь же страхом геенны согласие их возмущает и разделяет, понуждая владычицу душу чуждая и противная телу глаголати и мудрствовати, от коего страха и разделение прилучается: Зане мудрование плотское, вражда на Бога есть, и закону Божию не покаряется.{Рим. гл. 8, ст.7.} 124. Повседневная наша дела подобает весити по всяк час, и внимати, и легкими, елико возможно, творити: оныя надлежит в вечер покаянием, аще хощем со Христом злобу победити: и разумевати подобает, аще по Бозе совершаем вся чувственная и видимая наша дела пред Богом, и для Бога единаго, да не от чувственных безсловесне крадомы бываем. 125. Аще по всяк день приобретаем, с помощию Божиею, от трезвения нашего, не должны есмы безразсудно обращатися, и погублятися от многих опасных бесед: но паче презирати подобает суетная, за любезное и сладкое приобретение, и красоту оныя добродетели. (с. 284) 126. Праведно, якоже создася по естеству от Бога, должны мы подвизати тречастие души: ярость на внешняго нашего человека, и на змия сатану. Гневайтеся, глаголет, на грех: сиречь, гневайтеся на самих себе, и на диавола, да не к Богу согрешаете. Желание подвизати подобает к Богу и добродетели: словесность же над обоими сими с премудростию и хитростию поставим учреждати, учити, мучити и начальствовати, якоже царь начальствует над рабами. И егда поставим разум обладателем сих, тогда по Бозе сими разум наш управляет, аще и востают на него страсти: глаголет бо брат Господень: Аще кто в слове не согрешает, сей совершен муж, силен обуздати и все тело,{Иаков. гл. 3, ст. 2.} и прочая. Занеже истину рещи, всякое беззаконие и грех от сих триех совершается, и всякая добродетель и правда от оных триех составляется. 127. Тогда ум помрачается и неплодным пребывает, егда или словеса мирская глаголати будет, или в мысль приимши беседовати будет с ними, или в чувственном чемлибо тело со умом суетно упразднится, или суете инок себе предаст. Абие бо и скоро погубляет теплоту, умиление, и о Бозе дерзновение, и разум. Елико бо внимаем уму, толико просвещаемся, и елико не внимаем, толико помрачаемся. 128. Кто по всяк день блюдение и безмолвие ума гонит и ищет, сей удобно презирает чувственное все, да не всуе трудится. Аще ли же презирает свою совесть, горько уснет смертию забвения: о чем молится Божественный Давид, сиречь, дабы не уснути.{Псал. 12, ст. 4.} Глаголет же и апостол: ведущему добро творити, и не творящему, грех ему есть.{Иаков. гл. 4, ст. 17.} 129. Приходит же ум от лености в свой паки чин и трезвение, аще абие прилежание имети будет, и аще действенность ума нашего теплым тщанием возставим. (с. 285) 130. Не предварит жерновный осел круга, в немже привязан есть: ниже ум предварит в совершеннотворной добродетели, не исправив внутренняя своя. Ослепевает бо всегда внутреннима очима, кто не может зрети добродетель и светосияющаго Иисуса. 131. Свирепый и жестокий конь скачет приятно, всадника восприимши: ум же веселием возвеселится во свете Господни, входя во утрии, свобождаемь от помыслов, и пойдет от силы деятельныя любомудрия умнаго, сам на себя взирая, к силе неизреченной, зрящей неизреченныя добродетели, и егда глубину высоких, безконечных и Божественных помышлений в сердце приимет, тогда явится его сердцу, елико возможно, Бог богов. Удивився же ум, прославляет любезне Бога видимаго и видящаго, который и по сему и по тому Спасает сице на него взирающаго. 132. Глубину высоку узрит разумно исправляемое безмолвие сердечное, и дивная от Бога услышит ухо безмолвнаго ума. 133. Путник долгим, и неудобопроходимым и трудным путем шествовати начавый, и заблуждения бояся на возвращении, знамения некая, и путеводителей в путешествии своем поставляет, яже доставляют ему удобное возвращение в дом. Трезвенне же путешествующий муж поставляет словеса, тогож самаго и он бояся. 134. Но путнику возвращение, отнюдуже изыде, бывает виною радости: трезвеннику же возвращение вспять есть погибель словесныя души и знамение отступления Богоугодных дел и словес и помышлений, и будет имети во время смертоноснаго сна душевнаго помыслы, яко жало возбуждающия то напоминанием многаго помрачения, и уныния, от нерадения с ним случившагося. 135. В скорби, и во отчаяние, и в безнадеждие впадшим нам подобает творити в себе, якоже творяше давид: сиречь, (с. 286) изливати сердце наше к Богу, и молитву, и скорбь нашу якоже есть, Господеви возвещати. Исповедаемся Богу, яко могущему премудро нас управити, и скорбь, аще полезна, сотворити легкою, и избавити нас от пагубныя и тленныя печали. 136. Ярость бо на человека чрезестественно движимая, и печаль не по Бозе, и уныниа, растлевают такожде благия и разумныя помыслы, ихже Господь исповеданием расточая, радость водворяет. 137. Помыслы же вшедшия в сердце и не хотящим нам укрепившияся, и стоящия истребляти навыче Иисусова молитва с трезвением, из глубины помышления сердечнаго. 138. Облегчение же и радость, бывше в печали от многих безсловесных помыслов, обрящем егда укоряти будем себя истинно и безпристрастно, и возвещати вся Господу, якоже человеку: и всячески от обою сею обрящем покой. 139. Во образ ума законоположник моисей приемлется от отец, иже Бога видит в купине, и лицем прославляется, и Богом фараону от Бога богов поставляется, и египет ранит, и Израиля изводит, и закон полагает: яже не собственно взятая, но по духу, суть действия и преимущества ума. 140. Образ же внешняго человека есть аарон, брат онаго законоположника. Да обвиниши убо с яростию, якоже моисей согрешившаго аарона, и мы вводяще глаголем: что неправдова тебе Израиль, яко потщася отставити их от Господа Бога живаго и вседержителя.{Исход. гл. 32, ст. 21.} 141. Показа нам Господь, сверх всех других благ, и сие, егда хотяше воскресити лазаря от мертвых, еже удерживати запрещением женоподобную немощь души, и жестокий нрав утверждающий, еже весть, глаголю же, яко самоукорение от самолюбия, тщеславия и гордости душу избавляет. (с. 287) 142. Якоже без великаго корабля морскую пучину прейти не можно: сице не можно отгнати прилог лукаваго помысла без призывания Иисуса Христа. 143. Противоречие обуздывати, призывание же навыче отгоняти от сердца помыслы. Прилогу бо вообразившуся мечтанием чувственныя вещи в душе, якоже мечтанием лица оскорбившаго нас, или мечтанием красоты женския, или злата, или сребра, едино по единому из сих, аще будет в сердце нашем, абие обличаются помыслы памятозлобия, блуда и сребролюбия, мечтание произведшии в сердце. И аще искусен ум наш, и наказан есть, навыче блюдению ума, и зрети чисто и ясно лестныя мечтания и прелести лукавых: абие, удобь в нахождении противоречием и молитвою Иисус Христовою, Угашает разжженныя стрелы диавола, не попущая пристрастному мечтанию пойти вкупе с ним, и помышлениям нашим сообразитися сонию пристрастно, или собеседовати любовно, или многомыслие, или сложение сотворити: от чего последуют по нужде некоей, яко за днем нощь, лукавыя дела. 144. Аще же неискусен есть ум наш в бодрости трезвения, абие мешается с явльшимся ему мечтанием пристрастно, яково бы то ни было, и разглагольствует, вопрошеша неправедныя принимая, и дая ответы: и тогда смешаны бывают наши помыслы с бесовским мечтанием, еже еще паче растет и множится, да любезно, и красно, и угодно является прельщаемому и крадомому уму. И тоежде страждет тогда ум, якоже аще явится пес на равнем месте некоем, идеже и агнцы некии будут, суще незлобиви, и к явившемуся им часто притекают, яко к своей матери, ничего от приближения ко псам не приобретающе, разве точию нечистоту и зловоние восприемлюще. Сицевым образом и наши помышления притекают ненаказанно ко всем бесовским мечтаниям во уме: и смесившихся их, якоже (с. 288) рекох, можно видети обоих совещавающихся превратити Илиополь, якоже агамемнон и менелай. Сице бо и сии советуются, чему подобает быти, дабы посредством тела в дело привести явльшееся им от прелести бесовскаго прилога красным и приятным. И сице прочее зиждутся внутри согрешения душевная: нужда же належит тогда и вне извести сущая во внутренности сердца. 145. Удобная некая и незлобивая вещь есть ум, удобь последующая мечтаниям, и от беззаконных мечтаний неудободержимая, аще не имать самодержца страстем помысла, возбраняюща его всегда и обуздывающа. 146. Видение и разум суть наставники совершеннаго жития, и ходатаи навыкоша быти: зане смысл вознесшийся сими, в презрение приходит страстей, и иных чувственных и приятных вещей житейских, яко худых. 147. Житие внимательное, о Христе Иисусе исправляемо, раждает видение и разумение: раждает и восхождения Божественная, и помышления премудрая, сопрягшися с супругою, смирением, якоже глаголет Божественный пророк исаиа, яко терпящии Господа изменятся силою, окрылатеют и возлетят о Господе. 148. Жестоко и прискорбно человеком является, душевно безмолвствовати от всякаго помысла. И воистинну есть дело трудное и болезненное. Не единым бо прискорбно ненаученным брани, безтелесное в телесном доле заключати и заграждати, но и искус приимшим сущия внутрь невещественныя брани. А иже Господа Иисуса всегдашнею молитвою в персех содержит, не утрудится последуя ему, по слову пророка, и дне человеча таковый не пожелает,{Иерем. гл. 17, ст. 16.} за красоту и приятность, и сладость Иисусову: и врагов своих, нечестивых бесов окрест скитающихся не постыдится, глаголя им во вратех сердца,{Псал. 126, ст. 5.} и Иисусом вспять отгоняя. (с. 289) 149. Возлетевши душа по смерти на воздух во двери небесныя, с собою и в себе имущи Христа, ниже тамо врагов своих усрамится, но дерзновенно, якоже ныне, и тогда возглаголет к ним во вратех. Точию до исхода своего да не ослабевает вопити ко Господу Иисусу Христу Сыну Божию день и нощь: и той сотворит отмщение вскоре,{Луки гл. 18, ст. 8.} по неложному его и Божественному обещанию, якоже рече о судии неправеднем: ей, глаголю вам, сотворит и в настоящей жизни, и по исходе души от тела. 150. По умному морю плавая, уповай на Иисуса. Глаголет бо внутри, в сердце твоем таинственне сие: Не бойся отроча мой, иакове, малый израилю, черве: аз защищаю тя.{Исаии гл. 41, ст. 14.} Аще убо Бог по нас, кий лукавый на ны? иже ублажи чистых сердцем, и закон положи, яко в чистыя сердца сладкий Иисус, и единый чистый, входити Божески, и в оных обитати хощет. Темже да не престанем, по слову Божественнаго павла, обучати ум ко благочестию.{1 Тимоф. гл. 4, ст. 7.} Воистинну бо благочестие праведно речеся исторгающим из корене семена лукаваго. Сие благочестие есть оная стезя слова, сиречь, путь словесности, или путь помысла, по еллинскому же аттическому наречию: <::греч> и$ одо_с <::слав> путь, <::греч> оимо_с <::слав> и <::греч> келевфо_с, <::слав> глаголется, еже есть помысл. 151. О множестве мира насладится{Псал. 36, ст. 11.} по слову Давидову, иже не приемлет лица человеча, судя неправду в сердце своем, сиречь образы не приемлет лукавых духов, и чрез оныя образы помышляя о грехе и зле, судя и разсуждая в земли своего сердца, праведная на грех пременяя. Людьми бо и бесов велицыи и разумнии отцы в некоторых писаниях своих нарекоша за словесность: яковоже есть и евангельское слово, идеже глаголет Господь, яко враг человек сие сотвори, и во (с. 290) пшеницу вмеша плевелы.{Матф. гл. 13, ст 28.} Не можно скоро отрещися от творящих лукавое: сего ради и потребляемся от помыслов. 152. Со вниманием ума наченшии жити, аще сопряжем с трезвением смирение, и соединим с противоречием молитву, путем мысленным добре шествовати будем, яко со свещею светлою, с покланяемым именем Иисуса Христа, дом сердца нашего метуще и отребляюще от лукавствия, украшающе и очищающе. Аще же на трезвение точию наше и внимание надеятися будем, скоро от враг низриновени бывше, испровергшеся падем: и сице низвергнут нас льстивии и коварнейшии, и во мрежах лукавых их помыслов множае увязнем, или и заклани будем удобь от тех, твердаго копия не имуще, Иисус Христова имене. Единый бо честный мечь сей, вельми часто обращаемый в единообразном сердце, весть обращати и посецати их, и опаляти и поядати, яко огнь тростие. 153. Дело непрестаннаго трезвения или польза душевная, и велие приобретение есть, зрети абие образующияся мечтания помыслов во уме: противоречия же обличати, и являти покушающийся внити помысл на воздух ума нашего мечтанием чувственныя некия вещи. Угашающее же и разрушающее абие сопротивных всякое умышление, всякое слово, всякое мечтание, всякое подобие, всякое явление лукавое, есть призывание Господа. Ибо и мы сами во уме зрим державное побеждение их от Иисуса великаго Бога нашего, и отмщение за нас смиренных, и худых и непотребных. 154. Мнози не разумевают, яко все помыслы не иное что суть, точию мечтания едина чувственных и мирских вещей. Аще же укосним в молитве трезвенно, свобождает молитва мысль от всякаго вещественнаго мечтания лукавых помыслов: извещает же ей и словеса брани супостатов, и велие есть приобретение молитвы и трезвения. Обаче очима (с. 291) твоима смотриши, и воздаяние грешников умственных, умственно и сам узриши и уразумееши,{Псал. 90, ст. 8.} глаголет Божественный давид песнопевец. 155. Воспоминаим смерть, аще возможно, непрестанно: от коея памяти отложение попечений и всех сует в нас раждается, хранение ума, и непрестанная молитва. Безпристрастие тела, есть омерзение греха: и почти всякая добродетель, обитающая в нас, аще подобает рещи истину, от сего проистекает. Темже яко свое дыхание, аще возможно, сию вещь да употребляем. 156. Сердце, устранившееся от мечтаний конечне, помышления родит посреде себе радостная, Божественная и таинственная, имже образом играют рыбы, и погружаются делфины, утихающу морю: и веется море тонким ветром, бездна же сердечная Духом святым. И понеже, глаголет, есте сынове, посла Бог Духа Сына своего в сердца ваша, вопиюща: авва отче!{Галат. гл. 4, ст. 3.} 157. Усумнится и недоумеет всяк монах духовное дело прияти прежде трезвения ума, или не ведящи доброты онаго, или ведящи, но по нерадению не могущи. От недоумения же безсомнительно свободится возшедши на умное блюдение, еже есть и глаголется мысленное любомудрие ума, яко обрете путь, о немже рече Господь: аз есмь путь, и истина и живот.{Иоан. гл. 14, ст. 6.} 158. Паки недоумеет, зря бездну помыслов, и множество младенцев вавилонских. Но и сие недоумение разрешает Христос, аще крепостию мысленною всегда на нем стоим. Вся же младенцы вавилонския о камень сей разбивающе,{Псал. 136, ст. 9.} отражаем, исполняюще, по глаголу, желание наше от них. Иже бо хранит заповедь, не увесть глагола лукавна.{Еккл. гл. 8, ст. 5.} Без мене бо, рече Христос, не можете творити ничесоже.{Иоан. гл. 15, ст. 5.} (с. 292) 159. Сей есть истинный и сущий инок, иже трезвение исправляет: и сей истинный трезвенник, иже в сердце есть инок. 160. Продолжается житие человеческое обходящи по годинам, месяцам, неделям, и дням, и часам, и минутам. С сими убо подобает нам продолжати и добродетельная деяния, глаголю же трезвение, и молитву, и сладость сердечную в приятном безмолвии до исхода нашего. 161. Найдет на нас час смерти, приидет, и убегнути не можно. И, _о когдаб князь мира и воздуха, грядущий тогда, обрел беззакония наша мала и худа, да не обличит поистинне! и тогда восплачемся безполезно. Раб бо, глаголет, ведевый волю господина своего, и не сотворив, биен будет много.{Луки гл. 12, ст. 47.} 162. Горе, глаголет, погубльшим сердце! и что сотворят, егда посетит Господь?{Сирах. гл. 2, ст. 14.} темже подвизаимся, братие. 163. Простым и безстрастнейшим помыслам последуют страстные, якоже обретохом от многолетнаго искуса и наблюдения: и первые входом бывают вторым, сиречь безпристрастные пристрастным. 164. Воистинну надвое подобает разделятися человеку, произволением и помышлением премудрым раздиратися подобает, якоже рекох, и врагом самому себе неизменным подобает быти поистинне. Яково убо расположение имать некто всегда к человеку, люте зело и многажды оскорбившему и неправдовавшему: сицево или много паче и нам к себе, аще хощем исправити великую и первую заповедь, сиречь, житие Христово, блаженное смирение, во плоти Божию жизнь. Темже, глаголет апостол: кто мя избавит от тела смерти сея?{Рим. гл. 7, ст. 24.} закону бо Божию не покаряется. Показуя же, яко покорити тело воли Божией в нашей власти есть, глаголет: Аще (с. 293) бо быхом себе разсуждали, не быхом осуждени были:{1 Кор. гл. 11, ст. 31.} судими же от Господа наказуемся. 165. Начало плодоносия есть цвет: начало же блюдения ума, есть воздержание брашен и пития, и всех помысл отриновение и оставление, и безмолвие сердечное. 166. О Христе Иисусе укрепляемым, и трезвением твердостне тещи наченшим, первее является нам во уме яко свеща, держимая от нас рукою ума, и путеводительствующая нас на стези мысленныя. Потом яко луна всесветлая во тверди сердечней обращающаяся: таже является нам яко солнце, Иисус, правдою сияющий, сиречь, показующий себе, и всесветлый свет свой видений. 167. Сия убо открывает Иисус тайно, уму пребывающему в заповеди его, глаголющей: И обрежите жестокосердие ваше.{Второз. гл. 10, ст. 16.} И якоже речено есть, помышлениям дивным научает человека тщательное трезвение: Божество бо нелицеприемно. Темже глаголет Господь: слышите мене, и разумейте, иже бо имать, дастся ему, и преизбудет: а иже не имать, и еже мнится имети, возмется от него.{Матф. гл. 13, ст. 12.} И любящим Бога вся поспешествуют во благое.{Рим. гл. 8, ст. 28.} Много убо паче тому добродетели поспешествовати будут. 168. Не будет шествовати корабль многия поприща без воды: и блюдение ума нимало не продолжится без трезвения со смирением, и молитвою Иисус Христовою всегдашнею. 169. Храмины основание есть камение: сея же добродетели основание и верх, есть святое и покланяемое имя Господа нашего Иисуса Христа. Удобь кораблекрушение учинит неискусный кормчий во время волнения, корабельников отгнав, весла же и кормило в пучину поверг, сам же спя: удобее же погубится душа от бесов, о трезвении нерадящая, и еже призывати имя Иисус Христово в начинающихся прилогах. (с. 294) 170. Еже вемы, пишуще глаголем, и еже видехом оным путем проходяще, свидетельствуем вам, аще прияти глаголемая восхощете, яко сам Господи рече: Аще кто не пребудет во мне, извержется вон, яко розга, и собирают ю, и во огнь влагают, и сгарает.{Иоан. гл. 15, ст. 6.} А иже пребывает во мне: и аз в нем. Якоже бо не мощно возсияти солнцу без света: сице не мощно очиститися сердцу от скверных губительных помыслов, кроме молитвы Иисусова имене. Аще ли же истинно сие, якоже зрю, да соединим имя Иисусово своему дыханию. Ово бо есть свет, те же тьма: и ово есть Бог и Владыка, те же раби бесом. 171. Светородным и молниеродным и светоиспущательным и огненосным хранение ума свойственно и достоименно да нарицается. Преимуществует бо, истинно рещи, безконечныя телесныя многия добродетели. Сего убо ради честными именами нарицати подобает сию добродетель, раждающагося ради от нея светозрачнаго света: юже возлюбивше грешницы и непотребнии, мерзкии и неразумнии, несмысленнии и неправеднии, праведны, благопотребны, чисты, святы и смысленны о Иисусе Христе быти могут: и не точию сие, но и тайная видети: и Богословствовати, и бывше прозрительни к пречистому и безпредельному свету сему преплывают, и касаются его неизреченными прикосновениями, и с ним живут и пребывают, зане вкусиша, яко благ Господь, якоже исполнятися яве в сих первоангелах сему Божественнаго Давида слову: Обаче праведнии исповедятся имени твоему, и вселятся правии с лицем твоим.{Псал. 139, ст. 14.} Воистинну бо сии единии истинно призывают и исповедуются Богу, с нимже и любят беседовати выну любящии его. 172. Горе внутреннему от внешняго! зело бо оскорбится внутренний человек от внешних чувств: и оскорбившися раны причиняти будет внешним чувствам. Соделавый, яже суть в писании, уже уразуме, яже суть в видении. (с. 295) 173. Аще внутренний наш человек трезвится, по слову отцев, силен есть сохранити и внешняго. Обаче мы, и злоделателие беси, вообще содеваем грехи, и оные помыслами точию или мечтательными живонаписаниями из_ображают во уме грех, якоже хотят: мы же и помыслами внутрь, и делами вне. Дебелости бо телесныя не имуще беси, помыслами точию, лукавством и лестию, и себе и нам муку доставляют. Аще бо дебелости телесныя не быша лишени были беззаконнии, ниже делами бы грешити преставали, произволение к нечестию готово присно имуще. 174. Молитва же единомысленная разбивает и в прах обращает прельщения их. Призываемый бо нами Иисус Бог и Божий Сын, часто и неленостно, отнюд не позволяет сим ни начало входа, еже и прилогом нарицается: ни образ показати уму в зерцале мысленном, ни словеса некая глаголати сердцу. Образ же бесовский не входяй в сердце, и помыслов, якоже рехом, имети не будет: зане помыслами с душею беседовати и изучати злобе тайно, обычай им есть. 175. Всегдашнею убо молитвою очищается воздух мысленный от мрачных облак, и от ветр лукавых духов. Очищаему же сердечному воздуху, не возможно не сияти в нем Божественному свету Иисусову. Аще же тщеславием, гордостию и высокомыслием надмеваемся и возносимся к непостижимым, безпомощнии от Иисуса обретаемся: зане ненавидит Христос сицевая, сый показатель смирения. 176. Держимся убо молитвы и смирения, сих двух, яже со трезвением противу бесов вооружаются, якоже мечь пламенен. Мощно бо нам сице творящим, по всяк день и час, сердечно, таинственно и весело праздновати. 177. Осмь суть помыслы всероднии злобе, в нихже содержится всякий помысл, и от нихже все рождение приемлют, якоже от юноны и юпитера всякий бес мерзкий, бог данаев по баснословиям их: все приходят ко двери сердца, и обретше (с. 296) ум нестрегомь, един по единому входят во свое время. Кийждо же от осми помыслов взошед в сердце, множество скверных помыслов вводит: и сице ум помрачивше, увещаниями призывает тело к творению скверных дел. 178. Иже убо главу блюдет змиеву, и противоречием яростновидным яростныя употребляя глаголы, аки пястию биет тело, сей отражает брань. Сотерши бо главу, избегает многих лукавых помыслов и злых дел. И тогда пребывает неволнуема мысль, Богу приемлющу бодрствование ея в помыслех, и дарующу ей ведети, како подобает победити враги, и како подобает очищати помалу сердце от помыслов, оскверняющих внутренняго человека, якоже глаголет Господь Иисус: от сердца исходят помышления лукавая, прелюбодеяния, любодеяния, и та суть сквернящая человека.{Матф. гл. 15, ст. 19.} 179. Сице убо может душа о Господе стати во своем благообразии, и красоте, и правоте, якоже исперва от Бога создана бысть, вельми добра и права, якоже глаголет великий раб Господень антоний: душе ум по естеству имущий добродетель составляется. И паки рече: ибо что душа есть права, сие есть то, что ум ея пребывает по естеству, якоже создася. И потом абие рече: очистим мысль. Аз бо верую, яко очистившися она отвсюду, и по естеству стоящи, может, прозорлива будучи: множае и далечае бесы зрети, имея открывающа ей Господа. Сице глаголет славный антоний, якоже сказует великий афанасий во антониеве житии. 180. Всяк помысл мечтание во уме чувственныя вещи творит. Ум бо сый ассирии, не иначе прельщати может, аще не употребит чувственныя наша и обычная. 181. Якоже не мощно нам гнатися по воздуху за птицами крылатыми, сущим человеком, или возлетати, якоже и они: сего не имущу естеству нашему: сице не мощно безплотныя (с. 297) помыслы бесовския победити, или вельми тща возводити умное око к Богу, кроме молитвы трезвенныя и частыя: аще ли ни, на землю зриши. 182. Аще убо воистинну облещи в студ помыслы хощеши, и безмолвствовати благодушно и удобно трезвитися сердцем: Иисусова молитва да прильпнет твоему дыханию, и в малых днех узриши сие совершающееся. 183. Якоже не мощно на воздусе письмена писати, подобает бо оныя на некоем веществе начертывати, яко да цела хранятся: сице к честному трезвению нашему молитву Иисус Христову совокупим, да вседобрая добродетель трезвения цела с ним пребывает, и чрез него нам соблюдается во век неотемлема. 184. Возложи на Господа дела твоя, и обрящеши, глаголет, благодать, да не речено будет и о нас пророком: близ еси ты, Господи, уст их, далече же от утроб их.{Иерем. 12, ст. 2.} Никтоже ин сердце твое крепко умирит от страстей, аще не сам Иисус Христос, далече разстоящая собравый. 185. Подобно обоя душу помрачают, и беседы помыслов в уме, и внешняя глаголания и празднословия. Подобает же отвращающимся повреждения ума, обоя, любящая празднословити, сиречь и помыслы: и человеки оскорбляти, за благословнейшую вину по Бозе, да не помрачаемь ум разслабит трезвение. Ибо от забвения помрачаеми, ум погубляем. 186. Соблюдающий со всяким тщанием чистоту сердца, имети будет учителя законоположника сея Христа, тайно сказующа ему волю свою. Сие являя Давид глаголет: услышу, что речет о мне Господь Бог:{Псал. 84, ст. 9.} воззрение же ума на себя самаго во умной брани показуя, и заступное защищение Божие, глаголаше: и речет человек: аще есть плод праведнику.{Псал. 57, ст. 12.} (с. 298) Потом от состязания совет обоими приятый являя, глаголет: убо есть Бог судяй им,{Псал. 57, ст. 12.} лукавым бесовом, на земли сердца нашего. И инде глаголет: приступит человек, и сердце глубоко,{Псал. 63, ст. 7.} и вознесется Бог. И тогда раны их, яко стрелы младенцев нам вменятся. 187. В мудрости присно ходим наказаннии сердцем,{Псал. 89, ст. 12.} по слову священнопевца, Христом Иисусом, оною Бога отца силою, и мудростию Божиею всегда дышуще. Аще же от обстояния некоего ослабевше, обленимся во умном деянии, в последующее утро паки чресла умная добре стягнем, и крепце паки дела коснемся, ведяще яко несть нам оправдательнаго ответа, разумевшим доброе, аще не сотворим оное. 188. Якоже болезнотворная брашна, вверженная недавно в тело, смущают оное: ядый же абие почувствовавши вред, скорее от некоего яду изблевавши сия, невредим пребывает: сице и ум, егда лукавыя приим помыслы, проглотит оныя, почувствует же горесть их, молитвою Иисусовою из глубины сердца происходящею, удобь сих изблевывает, и совершенно извергает, якоже учение о Бозе, и искус учением, сице разумети предлежащее предаде трезвящимся. 189. В дыхание твое и в ноздри, соедини трезвение, и Иисусово имя, или поучение смерти незабвенное и смирение. Обоя бо ведят пользовати вельми. 190. Рече Господь: научитеся от мене, яко кроток есмь и смирен сердцем, и обрящете покой душам вашим.{Матф. гл. 11, ст. 29.} 191. Рече Господь: иже смирится яко отроча сие,{Матф. гл. 18, ст. 4.} вознесется, возносяйся же смирится. От мене, глаголет, научитеся. Зриши ли, яко научение есть смирение? ибо заповедь его живот вечный есть: сей же есть смирение. Несмиренный убо от живота отпадает и в противном состоянии обрящется. (с. 299) 192. Аще всякая добродетель душею и телом зиждется, душа же и тело имиже добродетель якоже рекох, составляется, создание Божие суть: то како не беснуемся мы крайне, чуждыми украшениями души и тела превозносящеся и тщеславящеся: и на гордость, яко на тростяный жезл утверждающеся, и преимуществующаго безпредельным величием Бога нашего, на верх главы нашея наводяще страшнейшим за велие наше беззаконие и безумие: Господь бо гордым противится:{Иаков. гл. 4, ст. 6.} и вместо того, чтобы подражати Господу во смирении, со врагом Господним, гордым бесом имеем дружество, от тщеславнаго и гордаго мудрования. Сего бо ради глаголаше апостол: что бо имаши, егоже неси приял?{1 Кор. гл. 4, ст. 7.} еда ты сам себе созда? аще же тело и душу, от нихже, и в нихже, и имиже всякая добродетель составляется, от Бога приял еси: что хвалишися, яко не приемь? Господь бо сия дарова тебе. 193. Очищение же сердца, от негоже и смирение, и всяко благо в нас обретается сходящее свыше, совершенно не иное что есть, аще не сие еже отнюд не позволяти помыслом приникающим внити в душу. 194. Хранение бо ума с помощию Божиею, и единым Богом в душе укосневшее, мудрость подает уму в подвигах по Бозе. Не малое такожде довольствие причастнику своему подает ко устроению дел и словес, в суде благоприятнем по Господе. 195. Сказуемая о иерее в ветхом завете прообразования бяху чистаго сердца, да и мы внемлем сердечной скрижали, еда како почернела есть от греха, да слезами и покаянием, и молитвою очистим. Удобная бо вещь некая есть ум, и от беззаконных помыслов неудободержимая, равно и злым и благим мечтаниям мысленным удобь последующая. (с. 300) 196. Блажен воистинну, иже сице прилепися молитве Иисусовой мыслию, и гласит его непрестанно в сердце, якоже воздух присоединяется телесам нашим, или пламень свеще. И проходя солнце над землею, творит день: святое же и честное имя Господа Иисуса, во уме сияя непрестанно, раждает безчисленныя солнцевидныя помышления. 197. Расшедшимся облакам, воздух показуется чистым: мечтания же страстей, от солнца правды Иисуса Христа разсеявшеся, световидныя и звездовидныя помышления раждати в сердце всячески навыкоша, воздуху онаго от Иисуса просветившуся. Глаголет бо екклесиаст: надеющиися на Господа уразумеют истину, и вернии в любви пребудут ему.{Премудр. Сол. гл. 3, ст. 9.} 198. Рече некто от святых: памятозлобствуя памятозлобствуй на бесы, и враждуя враждуй на твое тело выну. Льстивый друг есть плоть, и угождаема паче брань творит. И абие вражду стяжи к телу и брань со чревом. 199. В задних словесех в первой и второй сотнице, дела священнаго безмолвия ума описахом не возделание нашея точию мысли, но якоже и Богомудрых отцев Божественная словеса учат нас о чистоте ума. Ныне же мало рекше, дабы показати приобретение блюдения ума глаголати престанем. 200. Прииди убо, последуй ми для достижения Блаженнаго блюдения ума, кто бы ты ни был любяй Духом дни видети благи, и о Господе научу тя видимому деланию и житию умных сил. Не насытятся бо ангели поюще творца, ниже ум чисто оным ревнуя. И якоже невещественнии не пекутся о пищи: сице ниже сии вещественнии о ней пекутся, аще на небо безмолвия ума взыдут. 201. Якоже убо вышния силы не пекутся о богатстве, или стяжании: сице и душевное зрение очистившии, и навыкшии (с. 301) добродетели, не попекутся о озлоблении лукавых духов. И якоже онем явен богатый успех к Богу: сице и сим явно вожделение к Богу и любовь, взирание к Божеству и восхождение. Притом же вожделенно и ненасытно на восхождение простирающеся, от Божественнаго вкушения и дивныя любве не остановятся, дондеже серафимов достигнут: ниже почиют от трезвения ума и вожделеннаго возвышения, дондеже ангели будут, о Христе Иисусе где нашем. 202. Несть яда, паче яда аспида и василиска: и несть злобы, паче злобы самолюбия. Исчадия же самолюбия змии летающия, имееши сия: похвальбы в сердце, самоугодие, чревобесие, блуд, тщеславие, зависть, и верх всем гордость, яже совлекати весть не человеки точию, но и ангелы с небес, и мраком вместо света облекати. 203. Сия ти приносим, феодуле, достоименитый в безмолвии, аще и в деле солгахом. Но может быть приносим не все, а еже Бог подаде, во отце, и Сыне, и святем Дусе хвалимый и славимый от всего словеснаго естества, ангелов и человеков, и всея твари, юже неизреченная Троица, единый Бог созда. Егоже светлое царствие да улучим и мы, молитвами пречистыя Богородицы, и преподобных отец наших емуже Богу непостижимому слава вечная, аминь.