<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 247) Последующая суть от жития преподобнаго отца нашего ма_ксима, именуемаго ка_псокаливи. Сретив Божественный григорий синаит святаго ма_ксима, и собеседуя с ним, между прочим глагола ему и сие: Молю тя, отче мой честнейший, рцы ми: держиши ли умную молитву? Он же поник осклабися, и рече: не сокрыю от тебе, честный отче, еже бысть о мне чудо БогоМатере. Аз от юности моея велию имех веру к гп\сже моей БогоМатери, молихся ей со слезами, да даст ми благодать сию умныя молитвы, и некогда со слезами во храм ея пришед по обычаю, тепле молях ю о сем. Приступль же и Божественное зрака ея начертание лобызати со страхом, абие ощутих теплоту в перси моя и сердце впадшу, не опаляющую внутренняя, паче же услаждающую и орошающую, и к умилению душу мою движущую. Оттоле убо, отче, сердце мое начат в молитве внутрьуду поучатися, и ум в памяти Иисуса моего и БогоМатере услаждатися, и непрестанно сего имети, и никогдаже оскуде молитва сия от сердца моего: прости ми. И Божественный григорий глаголет, рцы ми: бысть ли ти святе, молитве сей, Господи Иисусе Христе, и прочая, от тебе совершаемей, изменение Божественное, или изступление когда, или ин некий плод молитвы и святаго Духа? Божественный же ма_ксим рече: сего ради, отче, отхождах, в пустынно место, и безмолвия присно желах, да плод молитвы явленнейший и богатый обрящу, иже есть Божественное рачение, и восхищение ума ко Господу. И святый григорий глаголет: молю тя, отче, рцы ми: имаши ли (с. 248) сия, яже глагола? И Божественный ма_ксим паки поник осклабися, и глагола: даждь ми ясти, рече, и не испытуй прелести. Тогда глаголет ему Божественный григорий: _о да бых и аз в такову прелесть впал, святе, но молю тя, рцы ми ясне: во время молитвы, внегда ум восхитится к Богу, что зрит умныма очима, может ли тогда сердцем возводити молитву? И святый ма_ксим отвеща: никакоже. Егда бо благодать Духа святаго приидет в молитве, и удержит ум, тогда престает молитва: зане ум обладаемь есть пришествием святаго Духа, и не может простирати силы своея, но бывает празден, и покаряетея точию Духу святому, аможе изводит Дух, или в невещественный воздух Божественнаго и неизреченнаго света, или в другое зрение изступительно и несказанно или в Божественную беседу возводит ум: сиречь утешитель Дух святый, коемуждо по достоинству самовластно, якоже хощет, подает утешение. И сие, еже глаголю, мощно видети ясно во пророцех и апостолех, сподобившихся зрети толикая видения, аще и человецы ругашася, и яко прельстившихся и упившихся вменяху. И исаиа убо глаголет: видех Господа на престоле высоце и превознесенне, {Исаиа гл. 6, ст. 1.} и серафими окрест его предстоящия. Стефан же первомученик зряше Небеса отверста, и Сына человеческаго одесную стояща Бога, {Деян. гл. 7, ст. 56.} и прочая. Сицевым образом и днесь раби Христовы сподобляются зрети видения различна, имже нецыи не веруют, и никакоже оныя приемлют за истину, но за прелесть, и видящих оныя мнят прельстившимся. И чуждуся вельми, како ослепленнии душею не веруют древле пред_обетованной иоилем благодати Духа, яко от лица Божия рече: Излию от Духа моего на всяку плоть, и прорекут: {Деян. гл. 2, ст. 28.} юже присно Христос и ныне подает, и будет подавати даже до скончания, по обетованию своему всем верным рабом своим. Сия убо благодать внегда в ком (с. 249) будет, не показует ему обычная, ниже чувственная мира сего: но тайнонаучает тем, яже первее не виде никогдаже, ниже вообрази. Тогда тайнонаучается ум таинствам высоким и сокровенным, яже, по Божественному павлу, не может видети око человече, ниже ум постигнути собою. {1 Кор. гл. 2, ст. 9.} И да познаеши, како видит оная ум наш, внемли, еже ти реку: воск, лежащь далече от огня, есть жесток, и руками обемлемь, но вержен во огнь истопляется, и огнем возжигается, и возгарает, и бывает весь свет, и сице совершается весь во пламени сем, и не мощно не истопитися во пламени, и не быти якоже воде. Сице и ум человечь, быв един кроме соединения с Господем, разсуждает, елика суть силы его: егда же присоединится огню Божества и Духу святому, тогда обладаемь бывает весь от Божественнаго онаго света, и бывает весь свет, и во пламени всесвятаго Духа воспаляется, и исполняется Божественнаго разума, и не мощно во пламени оном Божества мыслити о своих, и о тех, яже хощет. Тогда глаголет ему Божественный григорий: суть же и ина сим подобная действа прелести. И великий оный ма_ксим отвеща: яко ина знамения суть прелести, ина же благодати. Лукавый бо прелести дух близ пришед, ум сливает, и свиреповиден соделовает, ожесточает сердце и помрачает, творит боязнь и страх, и возношение, свирепит очи, мозг смущает, трепет творит во всем телеси, показует мечтательне во очесех свет несветел и нечист, но красен, ум творит изступителен и бесовствен, и побуждает языком произносити глаголы нелепыя и хульныя. И иже видит сего духа прелести, ярится множицею и гневается, благовония в нем смирения или молитвы, или слезы истинныя никакоже обретается: но присно хвалится своими добродетелями, и тщеславствует и лукавым страстем безстрашне (с. 250) присно приобщается: и наконец изступает совершенно из ума, и приходит к совершенной погибели. Сея же прелести да избавимся мы твоими ко Господу молитвами. Благодати же знамения суть сия: пришед Дух святый, собирает ум внимателен и смирен сей содевая, память смерти: и грехов своих, и вечнаго мучения имети внегда творит, душу благоумиленну и плачущу, и очи его кротости и слез исполняет. И елико приближается человеку, толико усмиряет душу, и утешает святыми страстьми Господа нашего Иисуса Христа, и безмерным человеколюбием его, и высокая и непрелестная видения подает уму: первее, непостижимою силою Божиею, яко той единым словом сотвори вся сущая от не сущаго, во еже быти. Второе, безмерною силою вся содержащею и управляющею и промышляющею. Третие, непостижимою пресвятою Троицею, и неизследимою пучиною Божия существа, и прочая. И тогда ум восхищается Божественным оным светом, и просвещается просвещением Божественнаго разума, и сердце тихообразно бывает, точащее Божественнаго Духа плоды: радость, мир, долготерпение, благость, милосердие, {Галат. гл. 5, ст. 22.} и вся содержащее Христоподражательное Божественное смирение: и приемлет душа его веселие неизреченно. Слышав сия святый григорий синаит бысть во изступлении, и удивися тем, яже глагола Божественный ма_ксим, и не ктому именоваше его человека, но ангела земна.