<::лат> OCR: <::рус> Библиотека святоотеческой литературы <::лат> http://orthlиb.ru <::слав> (с. 212) Тогожде другия главы. 1. Всяк крестивыйся во Христа должен есть доспети всех о Христе превозращений: предприял бо есть сих силу, и посредством заповедей обрести сия, и навыкнути может. Зачатие убо есть, обручение духа: рождение же действо радования: крещение же, чистительная духовнаго огня сила: преображение же, Божественнаго света видение: распятие же, еже от всех умерщвление: погребение, хранение в сердце Божественнаго рачения: воскресение, животворное души востание: вознесение же, еже к Богу изступление и восхищение ума. Не обретший же сия и не ощутивший, младенец еще есть и телом и духом, аще и сед есть, и деятельным от всех почитается. 2. Страсти Христовы животворное имут умерщвление в терпящих вся, аще во состраждем и спрославимся. Страсти же сластей смертотворное умерщвление имут в действующих оныя. Страстей бо Христовых вольное страдание, распятия есть распятие, и умерщвления умерщвление. 3. Страдати о Христе есть, еже терпети имущая приключатися. Зависть бо неповинным к пользе есть: обличение же ко обращению, наказание Господне отверзает нам ушеса повинным сущим: темже и венец терпящим обещал есть Господь во век века. Слава тебе, Боже наш, слава тебе! Троице святая, всех ради слава тебе. О страстнем изменении. 4. Уныние, неудобопреоборимая сущи страсть ослабляет тело, ослабляему же телу, ослабляется и душа: обоим же (с. 113) разслабевшим, изменяют сладострастием растворение телесное: сладострастие же движет похотение: похотение, раждежение: раждежение, востание: востание движет память: память, мечтание: мечтание, прилог: прилог, сочетание: сочетание, сосложение: сосложение же творит деяние или телом, или многообразными прикосновеньми. И тако человек побежден быв падает. О блазем изменении. 5. Терпение во всяком деле раждает мужество: мужество же, усердие: усердие же, пождание: пождание, протяжение: протяжение дела, сиречь приложение утоляет неудержание телесное, и похоти сладострастия укрощает: похотение же движет желание: желание, любовь: любы, ревность: ревность теплоту: теплота, возбуждение: возбуждение, тщание: тщание, молитву: молитва, безмолвие: безмолвие раждает умозрение: умозрение, разум: разум, постижение таинств: конец же таинств, Богословие: плод же Богословия, совершенная любы: любви же, смирение: смирения, безстрастие: безстрастия, прозрение, и пророчество, и предуведение. Не бо имать кто совершенныя отсюду добродетели, ниже единою умаляет злобы, но помалу возращаемей добродетели, помалу и злоба в не сущее приходит.