<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 195 об.) Знаменания ко евреем епистолии [1] Бг~ословие Христово во славу отчу, и Благость над всеми со очищением земленых, отнелиже взыде во славу Небесную. [2] Яко не служебна есть слава Христова, но Божественна, и содетельна: темже не в нынешнем веце в нем слуги, но в будущую вселенную. [3] Яко воплотися за любовь, и за милость, и за приязнь сущую к нам, на спасение человеческое от смерти, за приязнь еже к нему. [4] Яко веровати достоит Христу, якоже моисеови вероваша, паче же к Богу, неже к человеку. [1] В немже, яко подобает боятися древних отпадений. [5] Учение, яко подобает тщатися на вечный покой. [6] Страшное суда паче словесе еже от всех, и Благое Благодати свидетельне, разве подобна страдавшему с нами человеку. [7] Запрещение, яко еще требующим учения. [1] В немже, проявление не преспеяние, яко не сущи власти вторей. [2] Утешение с похвалою. [8] Яко твердо есть обетование Божие, и истинно с заклинанием. [9] О мелхиседеце сущем во образ Христов, по имени, и граду, и житию, и Священию. [1] В немже, яко предчтется авраам. [10] Яко престанет аароне священие земленое: станет же (л. 196) Небесное Христово, из иного рода, не по плоти, и закону плотску. [11] Превзятие Божия завета, паче перваго очищения, истиною. [12] О крови Христове, в немже новый завет, яко се истинно очищение есть присно, не кровьми животных приносимо, имиже множицею бяше. [13] Свидетельство о очищении едином, и привождение к Богу. [1] В немже беждение о возращении веры. [14] Беждение возращения страшна, приближающагося суда. [15] Яко достоит добр начаток, на добру кончину привести. [16] О вере прославльшей древния. [17] О терпении и чистоте, поспешствующу Христу. [18] О целомудрии дондеже время есть исправления, не отпадем от него, якоже исав не обрете места покаяния. [19] Яко страшнее моисейских будущая, и больша тщания достойна нынешняя. [20] О братолюбии и страннолюбии. [1] В немже о целомудрии. [2] О доволе. [3] О подобии отцев. [21] Яко не подобает плотски жити по закону, но духовно Христу в добродетели. [22] Молитва к Богу о ввождении в добродетель, и смотрение. (л. 196 об.) Сказание ко евреем послания святаго апостола павла. (нл\дя) Сие посылает от италии. Вина же послания сия есть: понеже иудеи противляхуся законом и сеньми: сего ради апостол павел учитель языком быв, и в языки послан быв проповедати благовествование, и послания послав всем языком, пишет прочее и всем, иже от обрезания веровавшим евреем, сказательно послание сие о пришествии Христове: и о еже сени законней преставши уже. И первее убо сказует пророком, сего ради убо предпосланным бывшим им, да яже о Спасе возвестят, и по них сам приидет. Рабы же быти пророки и возвестители его пришествию. Самого же Христа Сына быти Божия, имже вся быша: и яко сему Сыну подобаше человеку быти, да жертвою телесе своего испразднит смерть. Не кровию бо тельчею, или козлею, но кровию Христовою хотяше быти спасение человеком. Сказует же, яко ничтоже совершил есть закон, но сень имеяше грядущих благ: и яко не почиша людие, но общ всем нам остася день покоища. Такоже сказует, яко архиерейска служба преложися от аарона во Христа, емуже образ бе мелхиседек, не сый от левиа: верою же оправданным бывшим отцем сказует, а не от дел закона. Таже паки о обычаех научив и сих, и похвалив их еже за Христа терпение, и завещав почитати пресвитеры, скончавает послание. (л. 197) Второе сказание. Сие еже ко евреем послание, по некиих видится, не быти павле, и склада для писменнаго, и за еже не предписати имя свое якоже во всех посланиих, и за еже глаголати: Како мы убежим о толиком нерадивше спасении? еже начало приемше глаголатися от Господа, от слышавших известися в нас, свидетельствующу Богу знамении и чудесы: еже убо пременену бывшу складу послания, явлена есть вина. Ко евреем бо списано бывше их беседою, последи же преведено бывше от луки, якоже нецыи глаголют: Инии же от климента, егоже и склад являет. А еже не предписати имя свое в послании, вина есть: понеже апостол языков бе павел, а не иудей, занеже десницу даде петру и апостолом общения, да сам убо с варнавою во языки, они же с петром во обрезание. Понеже убо общение проповеди слышавше беяху иже от иудеи веровавшии, яко отступлению от закона учит павел: влепоту пишет ко евреем, показати хотя согласие. Писа же к ним, предписати себе апостола в послании несть прилично. Свидетельствуется же и в прочих послание быти павле, в нихже пишет глаголя: и узам моим спострадасте: и от еже глаголати преизлишне молитися, да скорее вам устроюся. и от еже глаголати: познайте брата нашего тимофеа отпущена, с нимже аще скорее приидет увижу вас. Никтоже бо убо мню ин отпустил бы во служение тимофеа, точию павел, и сего скорее ожидая, свое им, якоже обычай ему, многажды с ним пришествие обещавает. И ина же многа сказуют нам его быти посланию, якоже и само прочитание предыдуще научит. (л. 197 об.) КО ЕВРЕЕМ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 303) [1] с\х 1 Многочастне{В субботу 1-ю поста. Сие же и в навечерии Рождества Христова.} и многообразне древле Бог глаголавый отцем во пророцех, 2 В последок дний сих глагола нам в Сыне, егоже положи наследника всем, имже и веки сотвори. 3 Иже сый сияние славы, и образ впостаси его: нося же всяческая глаголом силы своея, собою очищение сотворив грехов наших, седе одесную престола величествия на высоких. 4 Толико лучший быв ангел, елико преславнее паче их наследствова имя. [2] 5 Кому бо рече когда от ангел: Сын мой еси ты, аз днесь родих тя? и паки: аз буду ему во отца, и той будет мне в Сына? 6 Егда же паки вводит первороднаго во вселенную, глаголет: и да поклонятся ему вси ангели Божии. 7 И ко ангелом (л. 198) убо глаголет: творяй ангелы своя Духи, и слуги своя огнь палящь. 8 К Сыну же: престол твой Боже, в век века: жезл правости, жезл царствия твоего. 9 Возлюбил еси правду, и возненавидел еси беззаконие: сего ради помаза тя Боже, Бог твой, елеем радости, паче причастник твоих. (за\ч 304) 10 И паки: в начале ты Господи*{Неделя вторая поста: В начале ты Господи*} землю основал еси, и дела руку твоею суть Небеса: 11 Та погибнут, ты же пребываеши, и вся якоже риза обетшают: 12 И яко одежду свиеши их, и изменятся: ты же тойжде еси, и лета твоя не оскудеют. Конец субботе, и навечерию. 13 Кому же от ангел рече когда: седи одесную мене, дондеже положу враги твоя подножие ног твоих? 14 Не вси ли суть служебнии дуси, в служение посылаеми за хотящих наследовати спасение? Глава вторая. с\х 1 Сего ради подобает нам лишшее внимати слышанным, да не когда отпаднем. (за\ч 305) 2 Аще бо**{Ноемвриа 8, архангелом: Братие, аще**} глаголанное ангелы слово бысть известно, и всяко преступление и ослушание праведное прият мздовоздаяние: 3 Како мы убежим о (л. 198 об.) толицем нерадивше спасении? еже зачало приемше глаголатися от Господа, слышавшими в нас известися. Конец недели. 4 Сосвидетельствующу Богу, знаменьми же и чудесы, и различными силами, и Духа святаго разделеньми, по своей ему воли. 5 Не ангелом бо покори Бог вселенную грядущую, о нейже глаголем. 6 Засвидетельствова же негде некто, глаголя: что есть человек, яко помниши его? или Сын человеческий, яко посещаеши и? 7 Умалил еси его малым нечим от ангел: славою и честию венчал еси его, и поставил еси его над делы руку твоею: 8 Вся покорил еси под нозе его. внегда же покорити ему всяческая, ничтоже остави ему непокорено: ныне же не у видим ему всяческая покорена. [3] 9 А умаленаго малым чим от ангел видим Иисуса, за приятие смерти, славою и честию венчанна: яко да Благодатию Божиею за всех вкусит смерти. 10 Подобаше бо ему, егоже ради всяческая, и имже всяческая, приведшу многи сыны в славу, начальника спасения их страданьми совершити. Конец безплотным. (за\ч 306) 11 И святяй бо*{На Благовещение, и на собор Богородицы: Братие, святяй* Сие же и в великий пяток, на 6-м часе.} и оСвящаемии, от единаго вси: еяже ради вины не стыдится братию нарицати их, глаголя: 12 Возвещу имя твое братии моей, посреде (л. 199) Церкве воспою тя. 13 И паки: аз буду надеяся нань. и паки: се аз и дети, яже ми дал есть Бог. 14 Понеже убо дети приобщишася плоти и крови, и той приискренне приобщися техже, да смертию упразднит имущаго державу смерти, сиречь, диавола: 15 И избавит сих, елицы страхом смерти чрез все житие повинни беша работе. 16 Не от ангел убо @когда@{@воистинну@} приемлет, но от семене авраамова приемлет: 17 Отнюдуже должен бе по всему подобитися братии, да милостив будет и верен первоСвященник в тех, яже к Богу, во еже очистити грехи людския. 18 В немже бо пострада сам искушен быв, может и искушаемым помощи. Конец празднику Богородицы, и 6-му часу. Глава третия. (за\ч 307) [4] с\х 1 Темже братие святая,*{На оСвящение Церкве: Братие святая,*} звания Небеснаго причастницы, разумейте посланника и святителя исповедания нашего Иисуса Христа, 2 Верна суща сотворшему его, якоже и моисей во всем дому его. 3 Множайшей бо славе сей паче моисеа сподобися, елико множайшую честь имать паче дому, сотворивый его. 4 Всяк бо дом созидается от некоего: а сотворивый всяческая, Бог. Конец оСвящению. (л. 199 об.) (за\ч 308) 5 И моисей убо верен бе*{В понедельник 29-я недели: Братие, моисей верен бе*} во всем дому его, якоже слуга, во свидетельство глаголатися имевшим: 6 Христос же якоже Сын в дому своем: егоже дом мы есмы, аще убо дерзновение и похвалу упования, даже до конца известно удержим. [1] 7 Темже якоже глаголет Дух святый: днесь, аще глас его услышите, 8 Не ожесточите сердец ваших, якоже в прогневании, по дни искушения в пустыни: 9 Идеже искусиша мя отцы ваши, искусиша мя и видеша дела моя четыредесять лет. 10 Сего ради негодовах рода того, и рех: присно блудят сердцем: тии же не познаша путей моих. 11 Яко кляхся во гневе моем, аще внидут в покой мой. Преступи понедельнику. (за\ч 309) 12 Блюдите братие,**{В субботу 2-ю поста: Братие, блюдите**} да не когда будет в некоем от вас сердце лукаво, исполнено неверия, во еже отступити от Бога жива. 13 Но утешайте себе на всяк день, дондеже днесь нарицается: да не ожесточится некто от вас лестию греховною. 14 Причастницы бо быхом Христу, аще убо начаток состава, даже до конца известен удержим. 15 Внегда глаголет: днесь, аще глас его услышите, не ожесточите сердец ваших, якоже в (л. 200) прогневании. 16 Нецыи бо слышавше, прогневаша: но не вси изшедшии из египта с моисеом. Конец субботе. Чти понедельнику: (пн\де) 17 Коих же негодова четыредесять лет? не согрешивших ли, ихже кости падоша в пустыни? 18 Которым же клялся не внити в покоище его? яве, яко противльшимся. 19 И видим, яко не возмогоша внити за неверствие. Конец понедельнику. Глава четвертая. (за\ч 310) [5] с\х 1 Да убоимся убо, да не когда оставлену обетованию*{Во вторник 29-я недели: Братие, убоимся, да не когда оставлену обетованию Божию*} внити в покой его, явится кто от вас лишився. 2 Ибо есмы Благовествовани, якоже и они: но не пользова онех слово слуха, нерастворенное верою слышавших. 3 Входим бо в покой веровавшии, якоже рече: яко кляхся во гневе моем, аще внидут в покой мой: аще и делом от сложения мира бывшим. 4 Рече бо негде о седмом сице: и почи Бог в день седмый от всех дел своих: 5 И о сем паки: аще внидут в покой мой. 6 Понеже убо @лишени нецыи@{@остается некиим@} внити в него, и иже прежде благовествовани быша, не внидоша за непослушание: 7 Паки некий уставляет день, днесь, в Давиде глаголя, по толицех летех, якоже прежде (л. 200 об.) глаголася: днесь, аще глас его услышите, не ожесточите сердец ваших. 8 Аще бо бы онех Иисус упокоил, не бы о ином дни глаголал по сих. 9 Убо оставлено есть и еще субботство людем Божиим. 10 Вшедый бо в покой его, и той почи от дел своих, якоже и от своих Бог. 11 Потщимся убо внити во оный покой, да не кто в туже притчу противления впадет. [6] 12 Живо бо слово Божие, и действенно, и острейше паче всякаго меча обоюду остра, и проходящее даже до разделения души же и духа, членов же и мозгов, и судительно помышлением и мыслем сердечным. 13 И несть тварь неявлена пред ним: вся же нага и обявленна пред очима его, к немуже нам слово. Конец вторнику. (за\ч 311) 14 Имуще убо*{Неделя 3-я поста: Братие, имуще*} архиереа велика, прошедшаго Небеса, Иисуса Сына Божия, да держимся исповедания. 15 Не имамы бо архиереа не могуща спострадати немощем нашим: но искушена по всяческим по подобию, разве греха. 16 Да приступаем убо с дерзновением к престолу благодати, яко да приимем милость, и благодать обрящем во благовременну помощь. Глава пятая. с\х 1 Всяк бо первосвященник от человек приемлемь, за человеки поставляется на службы, яже к Богу, да приносит дары же и (л. 201) жертвы о гресех. 2 Спострадати могий невежствующим и заблуждающим: понеже и той немощию обложен есть. 3 И сего ради должен есть якоже о людех, такоже и о себе приносити за грехи. (за\ч) 4 Никтоже сам*{Обще святителем: Братие, никтоже сам*} о себе приемлет честь, но званный от Бога, якоже и аарон: 5 Тако и Христос, не себе прослави быти первоСвященника, но глаголавый к нему: Сын мой еси ты, аз днесь родих тя. 6 Якоже и инде глаголет: ты еси Священник во век по чину мелхиседекову: Конец недели. 7 Иже во днех плоти своея, моления же и молитвы к могущему спасти его от смерти, с воплем крепким и со слезами принес, и услышан быв от благоговеинства. 8 Аще бо и Сын бяше, обаче навыче, отонудуже пострада, послушанию: 9 И совершився, бысть всем послушающим его виновен, спасения вечнаго. 10 Наречен от Бога первоСвященник по чину мелхиседекову. Конец святителем. (за\ч 312) [7] 11 О немже**{В среду 29 недели: Братие, о мелхиседеце**} многое нам слово, и неудобь сказаемое глаголати, понеже немощни бысте слухи. 12 Ибо должни суще быти учители лета ради, паки требуете учитися, кая писмена начала словес Божиих, и бысте требующе млека, а не крепкия (л. 201 об.) пищи. 13 Всяк бо причащаяйся млека, неискусен слова правды: младенец бо есть. 14 Совершенных же есть твердая пища, имущих чувствия обучена долгим учением, в разсуждение добра же и зла. Глава шестая. с\х 1 Темже оставльше начала Христова слово, на совершение ведемся: не паки основание покаяния полагающе от мертвых дел, и веры в Бога, 2 Крещений, учения, возложения же рук, воскресения же мертвых, и суда вечнаго. 3 И сие сотворим, аще Бог повелит. [1] 4 Не возможно бо просвещенных единою, и вкусивших дара небеснаго, и причастников бывших Духа святаго, 5 И добраго вкусивших Божия глагола, и силы грядущаго века, 6 И отпадших, паки обновляти в покаяние, второе распинающе Сына Божия себе и обличающе. 7 Земля бо пившая сходящий на ню множицею дождь, и раждающая былия добрая оным, имиже и делаема бывает, приемлет благословение от Бога: 8 А износящая терния и волчец, непотребна есть, и клятвы близ, еяже кончина пожжение. Конец среде. (за\ч 313) [2] 9 Надеем же ся*{В субботу 4-ю поста: Братие, надеемся*} о вас возлюбленнии, лучших, и придержащихся спасения, аще и тако глаголем. 10 Не обидлив бо Бог, забыти дела вашего, (л. 202) и труда любве, юже показасте во имя его, послуживше святым и служаще. 11 Желаем же коегождо вас являти тоже тщание, ко извещению упования даже до конца, 12 Да не лениви будете, но подражатели наследствующих обетования верою и долготерпением. Конец субботе. (за\ч 314) [8] 13 Аврааму бо*{Неделя 4-я поста: Братие, аврааму*} обетовая Бог, понеже ни единем имяше большим клятися, клятся собою, 14 Глаголя: воистинну Благословствуя Благословлю тя, и множя умножу тя. 15 И тако долготерпев, получи обетование. 16 Человецы убо большим кленутся, и всякому их прекословию кончина во извещение, клятва есть. 17 В немже лишше хотя Бог показати наследником обетования непреложное совета своего, ходатайствова клятвою. 18 Яко да двема вещма непреложныма, в неюже не возможно солгати Богу, крепкое утешение имамы прибегшии, ятися за предлежащее упование, 19 Еже аки котву имамы души тверду же и известну, и входящую во внутреннее завесы. (вто\р) 20 Идеже Предтеча о нас вниде Иисус, по чину мелхиседекову, первоСвященник быв во веки. Конец недели. (л. 202 об.) Глава седмая. (за\ч 315) [9] с\х 1 Сей бо мелхиседек*{В четверток 29 недели: Братие, мелхиседек*} Царь салимский, священник Бога вышняго, срете авраама возвращшася от сеча царей, и благослови его: 2 Емуже и десятину от всех отдели авраам. первее убо сказуется Царь правды, потом же Царь салимский, еже есть Царь мира: 3 Без отца, без матере, без причта рода, ни начала днем, ни животу конца имея: уподоблен же Сыну Божию, пребывает Священник выну. [1] 4 Видите же елик сей, емуже и десятину дал есть авраам патриарх от избранных. 5 И приемлющии убо священство от сынов левиин, заповедь имут одесятствовати люди по закону, сиречь, братию свою, аще и от чресл авраамовых изшедшую. 6 Не причитаемый же родом от них, одесятствова авраама, и имущаго обетования благослови. Конец четвертку. (за\ч 316) 7 Без всякаго же**{На сретение Господне: Братие, без всякаго**} прекословия, меньшее от большаго благословляется. 8 И зде убо десятины человецы умирающии приемлют, тамо же свидетельствуемый, яко жив есть. 9 И да сице реку: авраамом и левий приемляй десятины, десятины дал есть. 10 Еще бо в чреслех отчиих бяше, егда срете его мелхиседек. [10] 11 Аще убо (л. 203) совершенство левитским священством было, [людие бо на нем взаконени быша:] кая еще потреба, по чину мелхиседекову иному востати Священнику, а не по чину ааронову глаголатися? 12 Прелагаему убо Священству, по нужди и закону пременение бывает. 13 О немже бо глаголются сия: колену иному причастися, от негоже никтоже приступи ко олтарю. 14 Яве бо, яко от колена иудова возсия Господь наш: о немже колене моисей о Священстве ничесоже глагола. 15 И лишше еще яве есть, яко по подобию мелхиседекову востанет Священник ин, 16 Иже не по закону заповеди плотския бысть, но по силе живота неразрушаемаго. 17 Свидетельствует бо: яко ты еси Священник во век по чину мелхиседекову. Конец сретению. (за\ч 317) 18 Отлагание убо*{В пяток 29-я недели: Братие, отлагайте*} бывает прежде бывшия заповеди, за немощное ея и неполезное. 19 Ничтоже бо совершил есть закон: привведение же есть лучшему упованию, имже приближаемся к Богу. 20 И по елику не без клятвы, они бо без клятвы суть Священницы бывшии: 21 Сей же с клятвою, чрез глаголющаго к нему: клятся Господь и не раскается, ты еси Священник во век по чину мелхиседекову. 22 По толику лучшаго завета бысть испоручник Иисус. 23 И они множайши суть Священницы бывше, зане смертию возбранени суть пребывати: 24 Сей же, (л. 203 об.) за еже пребывати ему во веки, непреступное имать Священство. 25 Темже и спасти до конца может приходящих чрез него к Богу, всегда жив сый, во еже ходатайствовати о них. Конец пятку. (за\ч 318) 26 Таков бо нам*{Святителем: Братие, таков нам*} подобаше архиерей, преподобен, незлобив, безсквернен, отлучен от грешник, и вышше Небес быв: 27 Иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, себе принес. 28 Закон бо человеки поставляет первоСвященники, имущия немощь: слово же клятвенное, еже по законе, Сына во веки совершенна. Глава осмая. с\х 1 Глава же о глаголемых, такова имамы первосвященника, иже седе одесную Престола величествия на Небесех: 2 Святым служитель, и скинии истинней, юже водрузи Господь, а не человек. Конец святителем. (за\ч) 3 Всяк бо**{Павлу исповеднику и иным: Братие, всяк**} первоСвященник, во еже приносити дары же и жертвы, поставляемь бывает: темже потреба имети что и сему, еже принесет. 4 Аще бы убо был на земли, не бы был Священник, сущим Священником приносящим по (л. 204) закону дары: 5 Иже образу и стени служат Небесных, якоже глаголано бысть моисею, хотящу сотворити скинию: виждь бо, рече, сотвориши вся по образу показанному ти на горе. 6 Ныне же лучшее улучи служение, по елику и лучшаго завета есть ходатай, иже на лучшая обетования взаконися. Конец исповедником. (за\ч 319) [11] 7 Аще бо бы первый он*{В понедельник 30-я недели: Братие, аще бы первый закон*} непорочен был, не бы второму искалося место. 8 Укоряя бо их, глаголет: се дние грядут, глаголет Господь, и совершу на дом Израилев, и на дом иудов завет нов: 9 Не по завету, егоже сотворих отцем их в день, воньже емшу ми их за руку, извести их от земли египетския: зане тии не пребыша в завете моем, и аз не радих о них, глаголет Господь. 10 Яко сей завет, егоже завещаю дому Израилеву, по онех днех, глаголет Господь, дая законы моя в мысли их, и на сердцах их напишу их: и буду им Бог, и тии будут мне людие. 11 И не имать научити кождо искренняго своего, и кождо брата своего, глаголя: познай Господа: яко вси уведят мя от мала даже и до велика их. 12 Зане милостив буду неправдам их, и грехов их, и беззаконий их не имам помянути ктому. 13 Внегда же глаголет, нов, (л. 204 об.) обветши перваго: а обветшающее и состареющееся, близ есть истления. Конец понедельнику. Глава девятая. (за\ч 320) с\х 1 Имеяше бо*{На вход Богородицы: Братие, имеяше*} @первая скиниа@{@первый [завет]@} оправдания службы, святое же людское. 2 Скиниа бо сооружена бысть первая, в нейже светильник, и трапеза, и предложение хлебов, яже глаголется святая. 3 По вторей же завесе скиниа глаголемая, святая святых, 4 Злату имущи кадильницу, и ковчег завета окован всюду златом, в немже стамна злата имущая манну, и жезл ааронов прозябший, и скрижали завета. 5 Превышше же его херувими славы, осеняющии *олтарь*{*очистилище*}: о нихже несть ныне глаголати подробну. 6 Сим же тако устроеным, в первую убо скинию выну вхождаху Священницы, службы совершающе: (ср\де) 7 Во вторую же единою в лето един архиерей, не без крове, юже приносит за себе, и о людских невежествиих. Конец празднику Богородицы. (за\ч 321) 8 Се являющу**{Во вторник 1-я недели: Братие, се являющу**} Духу святому, яко не у явися святых путь, еще первей скинии имущей стояние. 9 Яже притча во время настоящее утвердися, в неже дарове и жертвы приносятся, не могущия по совести совершити служащаго: 10 Точию в (л. 205) брашнах и питиях, и различных омовениих, и оправданиих плоти, даже до времене исправления надлежащая. Преступи вторнику. (за\ч) [12] 11 Хр\стос же пришед,*{Неделя 5 поста: Братие, Христос пришед* Сие же и симеону Богоприимцу.} архиерей грядущих благ, большею и совершеннейшею скиниею нерукотворенною, сиречь, не сея твари: 12 Ни кровию козлею, ни тельчею, но своею кровию вниде единою во святая, вечное искупление обретый. 13 Аще бо кровь козлия и тельчая, и пепел юнчий кропящий оскверненыя, освящает к плотней чистоте: 14 Кольми паче кровь Христова, иже Духом святым себе принесе непорочна Богу, очистит совесть нашу от мертвых дел, во еже служити нам Богу живу и истинну. Конец недели. Чти вторнику: 15 И сего ради новому завету ходатай есть, да яко смерти бывши, во искупление преступлений, бывших в первом завете, обетование вечнаго наследия приимут званнии. 16 Идеже бо завет, смерти нужно есть носитися завещающаго. 17 Завет бо в мертвых известен есть: понеже ничесоже может, егда жив есть завещаваяй. 18 Темже ни первый без крове @обновлен@{@утвержден@} бысть. 19 Реченней бо всякой заповеди по закону от моисеа всем людем, прием кровь козлию и тельчую с водою и волною червленою, и вссопом, самыя (л. 205 об.) же тыя книги, и вся люди покропи, 20 Глаголя: сия кровь завета, егоже завеща к вам Бог: 21 И скинию же и вся сосуды служебныя, кровию такоже покропи. 22 И @отнюд кровию вся@{@едва не вся кровию@} очищаются по закону, и без кровопролития не бывает оставление. 23 Нужда убо бяше образом Небесных сими очищатися: самем же Небесным, лучшими жертвами паче сих. Конец вторнику. (за\ч 322) 24 Не в рукотворенная бо*{В субботу 5-ю поста: Братие, не в рукотворенная*} святая вниде Христос, противообразная истинных: но в самое Небо, ныне да явится лицу Божию о нас. 25 Ни да многащи приносит себе, якоже первоСвященник входит во святая [святых], по вся лета с кровию чуждею: 26 Понеже подобаше бы ему множицею страдати от сложения мира, ныне же единою в кончину веков, во отметание греха, жертвою своею явися. 27 И якоже *лежит*{*определено есть*} человеком единою умрети, потом же суд: 28 Тако и Христос единою принесеся, во еже вознести многих грехи: второе без греха явится ждущим его во спасение. Конец субботе. Глава десятая. (за\ч 323) с\х 1 Сень бо**{В среду 30 недели: Братие, сень*} имый закон грядущих благ, а не самый образ вещей, на всякое лето темиже жертвами, ихже приносят выну, (л. 206) никогдаже может приступающих совершити. 2 Понеже престали бы быти приносимы, ни едину ктому имущим совесть о гресех, служащим единою очищенным. 3 Но в них воспоминание грехов на коеждо лето бывает. 4 Не возможно бо крови юнчей и козлей отпущати грехи. [13] 5 Темже входя в мир глаголет: жертвы и приношения не восхотел еси, тело же совершил ми еси: 6 Всесожжений, @и@{@такожде@} о гресе не благоволил еси. 7 Тогда рех: се иду, [в главизне книжней написася о мне,] еже сотворити волю твою, Боже. 8 Выше глаголя: яко жертвы и приношения, и всесожжений *и*{*такожде*} о гресех не восхотел еси, ниже Благоволил еси [яже по закону приносятся]. 9 Тогда рече: се иду сотворити волю твою Боже: отемлет первое, да второе поставит, 10 О нейже воли освящени есмы, принесением тела Иисус Христова единою. 11 И всяк убо Священник стоит на всяк день служя, и тыя же множицею принося жертвы, яже никогдаже могут отяти грехов: 12 Он же едину о гресех принес жертву, всегда седит одесную Бога. 13 Прочее ожидая, дондеже положатся врази его подножие ногама его. 14 Единем бо приношением совершил есть во веки оСвящаемых. [1] 15 Свидетельствует же нам и Дух святый, по реченному прежде: 16 Сей завет, егоже завещаю к ним, по днех онех, глаголет Господь, дая законы моя на сердца их, и в помышлениих их напишу их. 17 Таже (л. 206 об.) глаголет Господь: и грехов их, и беззаконий их не имам помянути ктому. 18 А идеже отпущение сих, ктому несть приношения о гресех. Конец среде. (за\ч 324) [14] 19 Имуще убо дерзновение братие,*{В пяток великий на 9-м часе: Братие, имуще дерзновение*} входити во святая кровию Иисус Христовою, путем новым и живым, 20 Егоже обновил есть нам завесою, сиречь, плотию своею: 21 И иереа велика над домом Божиим, 22 Да приступаем со истинным сердцем, во извещении веры, окроплени сердца от совести лукавыя, и измовени телеса водою чистою, 23 Да держим исповедание упования неуклонное: верен бо есть обещавый. 24 И да разумеваем другдруга в поощрении любве, и добрых дел, 25 Не оставляюще собрания своего, якоже есть неким обычай, но [другдруга] подвизающе: и толико паче, елико видите приближающся день [судный]. 26 Волею бо согрешающим нам по приятии разума истины, ктому о гресех не обретается жертва: 27 Страшно же некое чаяние суда, и огня ревность, поясти хотящаго сопротивныя. 28 Отверглся кто закона моисеова, без милосердия при двою или триех свидетелех умирает: 29 Колико, мните, горшия сподобится муки, иже Сына Божия поправый, и кровь заветную скверну возмнив, в нейже освятися, и Духа Благодати укоривый? 30 Вемы бо (л. 207) рекшаго: мне отмщение, аз воздам, глаголет Господь. и паки: яко судит Господь людем своим. 31 Страшно есть еже впасти в руце Бога живаго. Конец пятку великому. (за\ч 325) [15] (че\к) 32 Воспоминайте же*{В субботу 3-ю поста: Братие, воспоминайте* Сие же и преподобномучеником.} первыя дни ваша, в нихже просветившеся, @многия страсти претерпесте@{@мног подвиг подясте@} страданий: 33 Ово убо, поношеньми и скорбьми позор бывше: ово же общницы бывше живущим тако. 34 Ибо юзам моим спострадасте, и разграбление имений ваших с радостию приясте, ведяще имети себе имение на Небесех пребывающее и лучшее. (за\ч 326) 35 Не отлагайте убо**{В четверток 30-я недели: Братие, не отлагайте**} дерзновения вашего, еже имать мздовоздаяние велико. 36 Терпения бо имате потребу, да волю Божию сотворше, приимете обетование. 37 И еще бо мало елико елико, грядый приидет, и не укоснит: 38 А праведный от веры жив будет. Конец субботе, и святым. и аще обинется, не Благоволит душа моя о нем. 39 Мы же [братие] несмы обиновения в погибель, но веры в снабдение души. (л. 207 об.) Глава перваянадесять. [16] с\х 1 Есть же вера, уповаемых извещение, вещей обличение невидимых. 2 В сей бо свидетельствовани быша древнии. 3 Верою разумеваем совершитися веком глаголом Божиим, во еже от неявляемых видимым быти. 4 Верою множайшую жертву авель, паче каина принесе Богу, еюже свидетельствован бысть быти праведник, свидетельствующу о дарех его Богу: и тою умерый, еще глаголет. 6 Верою енох преложен бысть не видети смерти, и не обреташеся, зане преложи его Бог: прежде бо преложения его свидетельствован бысть, яко угоди Богу: 6 Без веры же не возможно угодити Богу: веровати же подобает приходящему к Богу, яко есть, и взыскающим его мздовоздатель бывает. 7 Верою ответ приим ное, о нихже не у бе видев, и убоявся, сотвори ковчег во спасение дому своего: еюже осуди [весь] мир, и яже по вере правды бысть наследник. Конец четвертку. (за\ч 327) 8 Верою*{В пяток 30-я недели: Братие, верою*} зовом авраам, послуша изыти на место, еже хотяше прияти в наследие: и изыде, не ведый камо грядет. Преступи пятку. (л. 208) (за\ч 328) 9 Верою прииде*{Неделя пред Рождеством Христовым, святых отец: Братие, верою прииде*} авраам на землю обетования, якоже на чужду, в кровы вселися, со исааком и иаковом, снаследникома обетования тогожде. 10 Ждаше бо основания имущаго града, емуже художник и содетель Бог. Преступи отцем. Чти пятку: 11 Верою и сама сарра неплоды, силу во удержание семене прият, и паче времене возраста роди, понеже верна непщева обетовавшаго. 12 Темже и от единаго родишася, да еще умерщвленнаго, якоже звезды Небесныя множеством, и яко песок вскрай моря безчисленный. 13 По вере умроша сии вси, не приемше обетований, но издалеча видевше я, и целовавше: и исповедавше, яко страннии и пришельцы суть на земли. 14 Ибо таковая глаголющии являются, яко отечествия взыскуют. 15 И аще бы убо оно помнили, из негоже изыдоша, имели бы время возвратитися: 16 Ныне же лучшаго желают, сиречь Небеснаго. темже не стыдится сими Бог, Бог нарицатися их: уготова бо им град. Конец пятку. Чти недели святых отец: (за\ч 329) 17 Верою**{В понедельник 31-я недели: Братие, верою**} приведе авраам исаака, искушаемь: и единороднаго приношаше, обетования приемый. 18 К немуже глаголано бысть: яко о исааце наречет ти ся семя. 19 Помыслив, яко и из (л. 208 об.) мертвых воскресити силен есть Бог: темже того и в притчи прият. 20 Верою о грядущих Благослови исаак иакова, и исава. 21 Верою, иаков умирая, коегождо сына иосифова Благослови, и поклонися на верх жезла его. 22 Верою, иосиф умирая, о исхождении сынов Израилевых памятствова, и о костех своих заповеда. 23 Верою моисей родився, сокровен бысть три месяцы от отец своих: зане видеша красно отроча, и не убояшася повеления царева. Преступи понедельнику и отцем. (за\ч) 24 Верою*{Неделя первая поста, православия: Братие, верою*} моисей велик быв, отвержеся нарицатися сын дщере фараоновы: 25 Паче же изволи страдати с людьми Божиими, нежели имети временную греха сладость: 26 Большее богатство вменив египетских сокровищ, поношение Христова: взираше бо на мздовоздаяние. Преступи недели первой поста. Чти пн\дльнику: 27 Верою остави египет, не убоявся ярости царевы: невидимаго бо, яко видя терпяше. 28 Верою сотвори пасху и пролитие крове, да не, погубляяй перворожденная, коснется их. 29 Верою преидоша чермное море, аки по сусе земли: егоже искушение приемше египтяне, истопишася. 30 Верою стены иерихонския падоша, обхождением седмих дней. 31 Верою раав блудница не погибе с (л. 209) сопротивльшимися, приимши @сходники@{@соглядателей@} с миром, и иным путем изведши. Конец понедельнику. Чти недели первой поста, и отцем: 32 И что еще глаголю? не достанет бо ми повествующу лета, о гедеоне, вараце же и сам_псоне, и иеффаи: о Давиде же, и самуиле, и о [других] пророцех: (за\ч 330) 33 Иже верою*{Неделя всем святым: Братие, святии вси верою*} победиша царствия, содеяша правду, получиша обетования, заградиша уста львов: 34 Угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чужих. 35 Прияша жены от воскресения мертвыя своя: инии же избиени быша, не приемше избавления, да лучшее воскресение улучат: 36 Друзии же руганием и ранами искушение прияша, еще же и уз и темниц. 37 Камением побиени быша, претрени быша, искушени быша, убийством меча умроша: проидоша в милотех, и в козиях кожах, лишени, скорбяще, озлоблени: 38 Ихже не бе достоин [весь] мир, в пустынях скитающеся, и в горах, и в вертепах, и в пропастех земных. 39 И сии вси послушествовани бывше верою, не прияша обетования: 40 Богу лучшее что о нас предзревшу, да не без нас совершенство приимут. Конец святым отцем. (л. 209 об.) Глава втораянадесять. (за\ч 331) [17] с\х 1 Темже убо и мы, толик*{Марта 9, святых великоМученк 40: Братие, толик*} имуще облежащ нас облак свидетелей, @гордость всяку@{@бремя всякое@} отложше, и удобь обстоятельный грех, терпением да течем на предлежащий нам подвиг: 2 Взирающе на начальника веры, и совершителя Иисуса, Конец всем святым, и православию. иже вместо предлежащия ему радости, претерпе Крест, о срамоте нерадив, одесную же престола Божия седе. 3 Помыслите убо таковое пострадавшаго от грешник на себе прекословие, да не стужаете си, душами своими ослабляеми. 4 Не у до крове стасте, противу греха подвизающеся, 5 И забысте утешение, еже вам яко сыном глаголет: Сыне мой, не пренемогай наказанием Господним, ниже ослабей от него обличаемь. (за\ч) 6 Егоже бо любит Господь,**{А сие трусу: Братие, егоже любит Господь,**} наказует: биет же всякаго сына, егоже приемлет. 7 Аще наказание терпите, якоже сыновом обретается вам Бог. который бо есть сын, егоже не наказует отец? 8 Аще же без наказания есте, емуже причастницы быша вси, убо прелюбодейчищи есте, а не сынове. 9 К сим, плоти нашей отца имехом наказателя, и срамляхомся: не много ли (л. 210) паче повинемся отцу духовом, и живи будем? 10 Они бо в мало дней, якоже годе им бе, наказоваху нас, а сей на пользу, да причастимся святыни его. Конец 40 мучеником. (пя\к) 11 Всякое бо наказание в настоящее время не мнится радость быти, но печаль: последи же плод мирен наученым тем воздает правды. [18] 12 Темже ослабленныя руки, и ослабленная колена исправите. 13 И стези правы сотворите ногами вашими: да не хромое совратится, но паче да исцелеет. Преступи трусу. (за\ч 332) 14 Мир имейте*{Егда огня запаление: Братие, мир имейте*} и святыню со всеми, ихже кроме никтоже узрит Господа. 15 Смотряюще, да никтоже лишится от благодати Божия: да не кий корень горести выспрь прозябаяй, пакость сотворит, и тем осквернятся мнози. 16 Да не кто блудодей, или сквернитель, якоже исав, иже за ядь едину отдал есть первородство свое. 17 Весте же, яко и потом похотев наследовати благословение, отвержен бысть: покаяния бо места не обрете, аще и со слезами поискал его. [19] 18 Не приступисте бо к горе осязаемей, и разгоревшемуся огню, и облаку, и сумраку, и буре, 19 И трубному звуку, и гласу (л. 210 об.) глагол, егоже слышавшии отрекошася, да не приложится им слово. 20 [Не терпяху бо повелевающаго, аще и зверь прикоснется горе, камением побиен будет. 21 И тако страшно бе видимое, моисей рече: пристрашен есмь и трепетен.] 22 Но приступисте к сионстей горе, и ко граду Бога живаго, Иерусалиму Небесному, и тмам ангелов, 23 Торжеству, и Церкви первородных на Небесех написанных, и судии всех Богу, и духом праведник совершенных, 24 И к ходатаю завета новаго Иисусу, и крови кропления, лучше глаголющей, нежели авелева. Конец запалению. Чти трусу: (за\ч 333) 25 Блюдите же,*{Во вторник 31-я недели: Братие, блюдите*} да не отречетеся глаголющаго: аще бо не избежаша они, отрекшиися Пророчествующаго на земли, множае паче мы отрицающиися Небеснаго: 26 Егоже глас землю тогда поколеба, ныне же обетова глаголя: еще единою аз потрясу не токмо землею, но и Небом. Преступи вторнику, на конец послания сего. 27 А еже, еще единою: сказует колеблемых преложение, аки сотворенных, да пребудут яже суть не подвижимая. Конец трусу. (л. 211) (за\ч) 28 Темже Царство*{В субботу 6-ю поста, цветоносную: Братие, Царство*} непоколебимо приемлюще, имамы Благодать, еюже служим благоугодно Богу, с благоговением и страхом: 29 Ибо Бог наш, огнь поядаяй есть. Глава третиянадесять. [20] с\х 1 Братолюбие да пребывает. 2 Страннолюбия не забывайте: тем бо не ведяще нецыи странноприяша ангелы. 3 Поминайте юзники, аки с ними связани: озлобляемыя, аки и сами суще в теле. [1] 4 Честна женитва во всех, и ложе нескверно: блудником же и прелюбодеем судит Бог. [2] 5 Не сребролюбцы нравом, довольни сущими. той бо рече: не имам тебе оставити, ниже имам от тебе отступити, 6 Яко дерзающим нам глаголати: Господь мне помощник, и не убоюся, что сотворит мне человек. (за\ч 334) [3] 7 Поминайте**{Месяца иулиа в 16 день, память соборов: Братие, поминайте**} наставники ваша, иже глаголаша вам слово Божие: ихже взирающе на скончание жительства, подражайте вере их. 8 Иисус Христос, вчера и днесь, тойже и во веки. Конец субботе цветной. [21] 9 В научения странна и различна не прилагайтеся: добро бо Благодатию утвержати сердца, а не (л. 211 об.) брашны, от нихже не прияша пользы ходившии в них. 10 Имамы же олтарь, от негоже не имут власти ясти служащии сени. 11 Ихже бо кровь животных вносится во святая за грехи первоСвященником, сих телеса сжигаются вне стана. 12 Темже Иисус, да освятит люди своею кровию, вне врат пострадати изволил. 13 Темже убо да исходим к нему вне стана, поношение его носяще. 14 Не имамы бо зде пребывающаго града, но грядущаго взыскуем. 15 Тем убо приносим жертву хваления выну Богу, сиречь плод устен исповедающихся имени его. 16 Благотворения же и общения не забывайте: таковыми бо жертвами благоугождается Бог. Конец собором. (за\ч 335) 17 Повинуйтеся*{Святителем: Братие, повинуйтеся*} наставником вашим и покаряйтеся: тии бо бдят о душах ваших, яко слово воздати хотяще, да с радостию сие творят, а не воздыхающе: несть бо полезно вам сие. [22] 18 Молитеся о нас, уповаем бо, яко добру совесть имамы во всем, добре хотяще жити. 19 Лишше же молю, сие творите, да вскоре @устроюся вам@{@возвращуся к вам@}. 20 Бог же мира возведый из мертвых пастыря овцам великаго, кровию завета вечнаго, Господа нашего Иисуса Христа: 21 Да совершит вы во всяком деле блазе, сотворити волю его, творя (л. 212) в вас Благоугодное пред ним, Иисус Христом: емуже слава во веки веков, аминь. Конец святителем. Чти вторнику: 22 Молю же вы братие, приимите слово утешения: ибо в мале написав послах вам. 23 Знайте брата нашего отпущена тимофеа: с нимже [аще скорее приидет,] узрю вас. 24 Целуйте вся наставники ваша, и вся святыя. целуют вы иже от италии сущии. 25 Благодать со всеми вами. аминь. Конец вторнику. Конец послания, еже ко евреем. Написано бысть от италии тимофеем: имать в себе глав 13: зачал Церковных 34: стихов 303: знаменаний черных 22: последующих же им червленых 8.