<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 193 об.) Знаменания к филимону епистолии. [1] Похваление к филимону, и благодарение о нем. [2] Устроение онисима убогаго раба, и моление о нем спасену бывшу верою. Сказание к филимону послания святаго апостола павла Сие посылает от рима. Вина же послания сия: онисим раб филимонов бежа, и приступль ко апостолу, научен бысть от него, и бысть ему потребен в служение. О сем убо пишет к филимону, приказывая ему онисима, да прилежит о нем искренно: и не мнети его ктому аки раба, но якоже брата. Завещавает же ему и обитель приготовити ему, да аще тамо пойдет, обрящет где пребудет. И тако скончавает послание. Ведомо же да будет, яко сей онисим свидетельству сподобися, сиречь мучению, в римстем граде: тертиллу убо область держащу, голеней сокрушение, и мечное претерпе мучение. (л. 194) К ФИЛИМОНУ ПОСЛАНИЕ СВЯТАГО АПОСТОЛА ПАВЛА. Глава первая. (за\ч) с\х 1 Павел{Месяца ноемвриа 22. На память святаго апостола филимона.} юзник Иисус Христов и тимофей брат филимону возлюбленному и споспешнику нашему, 2 И апфии сестре возлюбленней, и архиппу совоинственнику нашему, и домашней твоей Церкви: 3 Благодать вам и мир от Бога отца нашего, и Господа Иисуса Христа. [1] 4 Благодарю Бога моего, всегда память о тебе творя в молитвах моих, 5 Слышав любовь твою и веру, юже имаши ко Господу Иисусу, и ко всем святым: 6 Яко да общение твоея веры действенно будет, в разуме всякаго блага еже в вас, о Христе Иисусе. 7 Радость (л. 194 об.) бо имам многу, и утешение о любви твоей, яко утробы святых почиша тобою, брате. 8 Сего ради многое дерзновение имея во Христе повелевати тебе, еже потребно есть: 9 Любве же ради паче молю, таков сый, якоже павел старец, ныне же и юзник Иисуса Христа: [2] 10 Молю тя о моем чаде, егоже родих во узах моих онисима: 11 Иногда тебе непотребнаго, ныне же тебе и мне Благопотребна: 12 Егоже возпослах ти, ты же его, сиречь мои утробу, приими. 13 Егоже аз хотех у себе держати, да в тебе место послужит ми во узах благовествования. 14 Без твоея же воли ничтоже восхотех сотворити: да не аки по нужди Благое твое будет, но по воли. 15 Негли бо ради сего разлучися на час, да вечна того приимеши: 16 Не ктому аки раба, но выше раба, брата возлюбленна, паче же мне, кольми же паче тебе, и по плоти, и о Господе. 17 Аще убо имаши мене общника, приими сего якоже мене. 18 Аще же в чесом обиде тебе, или должен есть, мне сие вмени. 19 Аз павел написах рукою моею, аз воздам: да не реку тебе, яко и сам себе ми еси должен. 20 Ей, брате, аз @да получу, еже прошу у тебе@{@да пользуюся тобою@} о Господе: упокой мою утробу о Господе. 21 Надеявся послушанию твоему написах тебе, ведый, яко и паче еже глаголю, сотвориши. 22 Купно же и уготови ми обитель: уповаю бо, яко молитвами вашими дарован буду вам. 23 Целует тя епафрас спленник мой, о Христе (л. 195) Иисусе: 24 Марко, аристарх, димас, лука, споспешницы мои. 25 Благодать Господа нашего Иисуса Христа со Духом вашим. аминь. Конец послания, еже к филимону и апфии, Господином онисимовым, и архиппу диакону колоссайския Церкве: написано бысть от рима, чрез онисима раба: имать в себе главу, 1: стихов, 25: знаменаний черных, 2: без червленых.