<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 185) Знаменания к тимофею епистолии вторыя. [1] Похвала о вере тимофееве, и подвизание к терпению, яко подобает благодарити. [1] В немже и сам рече: претерпя стражду. [2] О приличне подаянии Божественных догмат. [3] О непопеченне житии, в житии сем, и неболезненней пищи. [4] О яже во Христа вере, и терпении о надежди жизни. [5] О правом учении, и чистом житии. [6] Проречение о злобе человечестей, множащися лестне обличаеме. [7] Подвизание своего подобия от противнаго льстивым в послушание Господне. [8] О развращенных, имже противна творит тимофеа. [9] О своем от тела разрешении. (л. 185 об.) Сказание к тимофею втораго послания святаго апостола павла. Сие посылает паки от рима. Вина же послания сия: шедшим с павлом оставльшим его, и хотя апостол приити к нему тимофеа, пишет послание сие. И первее убо сказует себе поминати его Благоговеинства, и веры прародителей его. Таже сказует, якоже сущии от асии, от нихже есть фигелл и ермоген, отвратишася его, зряще его вериги: онисифора же хвалит пришедша в рим, и пребывша с ним. Завещавает же ему отрицатися буих стязаний, за еже от них раждатися сваром. ибо вменей же и филит тако превратившеся преступиша истину, глаголюще: воскресение уже бывше, и неких развращают. Паче же повелевает ему внимати себе и учению, и ведети, яко в последняя времена будут человецы самолюбцы, и сластолюбцы паче, нежели Боголюбцы, и предвидяшу сия утверждати иных, да никтоже о них прельстится. И во обычаех и известии учения многими подвиг его, и сказав времени разрешению его настояти, и хотяща мучитися и свидетельствовати, повелевает ему приити к нему скоро, и принести @фелон@{@ризу@} и книги: и завещавает ему блюстися але_ксандра ковача, яко многа зла показавша ему. И сице скончавает послание. (л. 186) К ТИМОФЕЮ ВТОРОЕ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 290) с\х 1 Павел апостол*{В пяток 27-я недели: Павел апостол*} Иисус Христов, волею Божиею, по обетованию жизни, яже о Христе Иисусе: 2 Тимофею возлюбленному чаду Благодать, милость, мир, от Бога отца и Христа Иисуса Господа нашего. Преступи пятку. (за\ч) [1] 3 Бл~годарю Бога,**{Святому апостолу тимофею: Чадо тимофее, благодарю Бога,**} емуже служу от прародителей чистою совестию, яко непрестанную имам о тебе память в молитвах моих, день и нощь: 4 Желая видети тя, поминая слезы твоя, да радости исполнюся: 5 Воспоминание приемля о сущей в тебе нелицемерней вере, яже вселися прежде в бабу твою лоиду, и в матерь твою евникию: (л. 186 об.) известен же есмь, яко и в тебе. 6 Еяже ради вины воспоминаю тебе, возгревати дар Божий, живущий в тебе возложением руку моею. 7 Не бо даде нам Бог Дух страха, но силы и любве и целомудрия. Чти пятку: (за\ч 291) (пя\к) 8 Не постыдися убо*{Ноемвриа 28, и исповедником: Чадо тимофее, не постыдися*} @страстию@{@свидетельством@} Господа нашего Иисуса Христа, ни мною юзником его: но спостражди Благовествованию Христову, по силе Бога, 9 Спасшаго нас, и призвавшаго званием святым, не по делом нашим, но по своему *благоволению*{*предложению*}, и Благодати данней нам о Христе Иисусе, Конец апостолу. прежде лет вечных: 10 Явльшися же ныне просвещением Спасителя нашего Иисуса Христа, разрушившаго убо смерть, и возсиявшаго жизнь и нетление благовествованием: 11 В неже поставлен бых аз проповедник и апостол, и учитель языков. [1] 12 Еяже ради вины и сия стражду, но не стыждуся: вем бо, емуже веровах, и известихся, яко силен есть предание мое сохранити в день он. 13 Образ имей здравых словес, ихже от мене слышал еси в вере и любви, яже о Христе Иисусе. 14 Доброе завещание соблюди, Духом святым живущим в нас. [2] 15 Веси ли сие, яко отвратишася от мене вси иже от асии, от нихже есть (л. 187) фигелл и ермоген? 16 Да даст же милость Господь онисифорову дому, яко многажды мя упокои и вериг моих не постыдеся: 17 Но пришед в рим, тощнее взыска мя и обрете. 18 Да даст ему Господь обрести милость от Господа в день он: и елико во ефесе послужи ми, добрее ты веси. Конец пятку, и исповедником. Глава вторая. (за\ч 292) с\х 1 Ты убо чадо мое, возмогай*{Мучеником: Чадо тимофее, возмогай*} о благодати, яже о Христе Иисусе: 2 И яже слышал еси от мене многими свидетели, сия предаждь верным человеком, иже довольни будут и иных научити. 3 Ты убо злопостражди яко добр воин Иисус Христов. 4 Никтоже бо воин бывая обязуется куплями житейскими, да воеводе угоден будет. 5 Аще же и @постраждет@{@подвизается@} кто, не венчается, аще не законно *мучен будет*{*будет подвизатися*}. 6 Труждающемуся делателю прежде подобает от плода вкусити. [3] 7 Разумей яже глаголю: да даст убо тебе Господь разум о всем. 8 Поминай Господа Иисуса Христа воставшаго от мертвых, от семене Давидова, по Благовествованию моему: 9 В немже злостражду даже до уз, яко злодей: но слово Божие не вяжется. 10 Сего ради вся терплю избранных ради, да и тии спасение улучат еже о Христе Иисусе, со славою вечною. Конец мучеником. (л. 187 об.) (за\ч 293) [4] 11 Верно слово: аще бо с ним*{В субботу 33-я недели: Чадо тимофее, верно слово: аще бо со Христом*} умрохом, то с ним и оживем. 12 Аще терпим, с ним и воцаримся: аще отвержемся, и той отвержется нас: 13 Аще не веруем, он верен пребывает: отрещи бо ся себе не может. 14 Сия воспоминай засвидетельствуя пред Господем, не словопретися, ни на куюже потребу, на разорение слышащих. 15 Потщися себе искусна поставити пред Богом, делателя непостыдна, право правяща слово истины. 16 Скверных же тщегласий отметайся, наипаче бо преспеют в нечестие: 17 И слово их яко гаггрена жир обрящет, от нихже есть вменей и филит, 18 Иже о истине погрешиста, глаголюще: яко воскресение уже бысть, и возмущают некоторых веру. 19 Твердое убо основание Божие стоит, имущее печать сию: позна Господь сущия его, и да отступит от неправды всяк именуяй имя Господне. Конец субботе. (за\ч 294) 20 В велицем же дому,**{В понедельник 28-я недели: Чадо тимофее, в велицем дому**} не точию сосуди злати и сребряни суть, но и древяни, и глиняни: и ови убо в честь, ови же не в честь. 21 Аще же кто очистит себе от сих, будет сосуд в честь освящен, и благопотребен Владыце, на (л. 188) всякое дело Благое уготован. [5] 22 Похотей юных бегли: держися же правды, веры, любве, мира, со всеми призывающими Господа от чистаго сердца. 23 Буих же и ненаказанных стязаний отрицайся, ведый, яко раждают свары. 24 Рабу же Господню не подобает сваритися, но тиху быти ко всем, учительну, незлобиву, 25 С кротостию наказующу противныя: еда како даст им Бог покаяние в разум истины: 26 И возникнут от диавольския сети, живи уловлени от него в свою его волю. Конец понедельнику. Глава третия. (за\ч 295) [6] с\х 1 Сие же веждь,*{В субботу 34: Чадо тимофее, сие веждь,*} яко в последняя дни настанут времена люта: 2 Будут бо человецы самолюбцы, сребролюбцы, величавы, горды, хульницы, родителем противящиися, неблагодарни, неправедни, нелюбовни, 3 Непримирительни, продерзиви, возносливи, прелагатае, клеветницы, невоздержницы, некротцыи, неблаголюбцы, 4 Предателе, нагли, напыщени, сластолюбцы паче, нежели Боголюбцы: 5 Имущии образ Благочестия, силы же его отвергшиися, и сих отвращайся. 6 От сих бо суть поныряющии в домы, и пленяюще женишца отягощены грехами, водимы похотьми различными, 7 Всегда учащяся, и николиже в разум (л. 188 об.) истины приити могущя. 8 Якоже ианний и иамврий противистася моисею, такожде и сии противляются истине, человецы растленни умом, и неискусни о вере: 9 Но не преуспеют более: безумие бо их явлено будет всем, якоже и онех бысть. Конец субботе. (за\ч 296) 10 Ты же*{Неделя 33, о мытари и фарисеи: Чадо тимофее,*} последовал еси моему учению, житию, привету, вере, долготерпению, любви, терпению, 11 Изгнанием, страданием, якова ми быша во антиохии, и во иконии, и в листрех: якова изгнания приях, и от всех мя избавил есть Господь. 12 И вси же хотящии благочестно жити о Христе Иисусе, гоними будут. 13 Лукавии же человецы, и чародеи преуспеют на горшее, прельщающе и прельщаеми. 14 Ты же пребывай, в нихже научен еси, и яже вверена суть тебе, ведый, от кого научился еси. 15 И яко из млада Священная писания умееши, могущая тя умудрити во спасение, верою, яже о Христе Иисусе. Конец недели. (за\ч 297) 16 Всяко**{Во вторник 28 недели: Чадо тимофее, всяко**} писание Богодухновенно и полезно есть ко учению, ко обличению, ко исправлению, к наказанию еже в правде: 17 Да совершен будет Божий человек, на всякое дело Благое уготован. (л. 189) Глава четвертая. [8] с\х 1 Засвидетельствую же аз пред Богом, и Господем нашим Иисус Христом, хотящим судити живым и мертвым, в явлении его, и Царствии его. 2 Проповедуй слово, настой благовременне, и безвременне, обличи, запрети, умоли, со всяким долготерпением и учением. 3 Будет бо время, егда здраваго учения не послушают: но по своих похотех изберут себе учители, чешеми слухом. 4 И от истины слух отвратят, и к баснем уклонятся. Конец вторнику. (за\ч 298) [9] 5 Ты же трезвися*{Неделя пред просвещением: Чадо тимофее, трезвися*} о всем, злопостражди, дело сотвори Благовестника: служение твое известно сотвори. 6 Аз бо уже жрен бываю, и время моего отшествия наста. 7 Подвигом добрым подвизахся, течение скончах, веру соблюдох: 8 Прочее убо соблюдается ми венец правды, егоже воздаст ми Господь в день он, Праведный судия: не токмо же мне, но и всем возлюбльшим явление его. Конец недели. (за\ч 299) 9 Потщися**{В среду 28 недели: Чадо тимофее, потщися**} скоро приити ко мне: 10 Димас бо мене остави, возлюбив нынешний век, и иде в солунь: крискент в галатию, тит в далматию. 11 Лука един есть со мною. марка поем (л. 189 об.) приведи с собою: есть бо ми благопотребен в службу. 12 Тихика же послах во ефес. 13 Фелон, егоже оставих в троаде у карпа, грядый принеси, и книги, паче же кожаныя. 14 Але_ксандр ковачь многа ми зла сотвори, да воздаст ему Господь по делом его: 15 От негоже и ты себе блюди, зело бо противится словесем нашим. 16 В первый мой ответ никтоже бысть со мною, но вси мя оставиша: да не вменится им. 17 Господь же мне предста, и укрепи мя, да мною проповедание известно будет, и услышат вси языцы: и избавлен бых от уст львов. 18 И избавит мя Господь от всякаго дела лукава, и спасет во Царствие свое Небесное: емуже слава во веки веков, аминь. 19 Целуй прискиллу и акилу, и онисифоров дом. 20 Ераст оста в коринфе, трофима же оставих в милите боляща. 21 Потщися прежде зимы приити. целуют тя еввул, и пуд, и лин, и клавдиа, и братия вся. 22 Господь Иисус Христос со Духом твоим: Благодать с вами. аминь. Конец среде. Конец втораго послания, еже к тимофею ефесския Церкве епискпу прежде Священну. Написано бысть от рима, егда второе ста павел пред нероном кесарем римским: имать в себе главы, 4: зачал Церковных, 10: стихов, 83: знаменаний черных, 9: последующее же червленое, 1.