<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 178 об.) Знаменания к тимофею епистолии первыя. [1] О наставлении в любовь Божию. [2] О избрании его во благовестие от гонительства, по Благодати Христове. [3] Повеление о вере и Благодати, совестне службе его, кроме напасти. [4] О молитве за вся и везде, беззлобиве и без смущения. [5] Яко не подобает жене учити. [6] Какову подобает быти епископу. [1] В немже о диаконех, мужех же и женах. [7] О Божии воплощении. [1] В немже о будущих ересех бесных. [8] В киих подобает обучатися благоверному проповеднику и учителю. [9] О прилежании его и церкви. [10] О приключении, како обретатися ко всякому. [11] О вдовицах, о времени, и образе, и строении. [12] О чести пресвитерстей. [13] О священии известне. [14] Яко ни единое дело таится. [15] О послушании раб. [16] На любители неправедных прибытков, и о лживых учителех. [17] Завещание крепко о чистом послушании. [18] Богатым наставление во истинную жизнь. (л. 179) Сказание к тимофею перваго послания святаго апостола павла. Сие посылает @от лаодикии@{По феофилакту: @ из лаодикии@}. Вина же послания сия есть: во ефесе нецыи иудейски живуще, начинаху инако учити, и прельщати простейших, изветом закона, сие же услышав апостол, велит тимофею тамо пребыти на исправление им. Пишет же послание сие, и первее убо воспоминает тимофею, ведущему юже во Христа веру: учя его о законе возбраняти глаголющим, не по правому учению, и запрещати им. ибо и сам вменеа и але_ксандра погрешивших о вере предал есть сатане, да накажутся не хулити. Сия воспомянув, прочее уставляет ему правила церковная о молитве, како, и где, и о коих подобает молитися: и о еже молчати в церкви женам, и паче учитися, а не учити им. О епископех и пресвитерех и диаконех, како и кацем быти подобает поставляемым. О сущих в церкви вдовицах, от коликих лет подобает им глаголатися, и каковым им быти подобает, и како им подобает внимати. И о еже целомудрити юнейших, и велети паче посягати, а не скверно жити. И о еже учити богатых, не высокомудрствовати, ниже уповати на богатство гиблющее. Сия разчинив, велит ему сия учити, и ктому воды не пити. Внимати же себе и учению, ведущу, яко будут времена, в нихже отступят нецыи от веры. Научив же чистым быти брашном, и завещав ему отвращатися спорливых взысканий, аки скверных, о нихже нецыи хвалящеся, преступиша веру праву, сице скончавает послание. (л. 179 об.) К ТИМОФЕЮ ПЕРВОЕ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 278) с\х 1 Павел посланник*{В понедельник 26 недели: Павел посланник*} Иисус Христов, по повелению Бога, Спаса нашего, и Господа Иисуса Христа, упования нашего: 2 Тимофею присному чаду в вере, Благодать, милость, мир, от Бога отца нашего, и Христа Иисуса Господа нашего. [1] 3 Якоже умолих тя пребыти во ефесе, идый в македонию, да завещаеши неким, не инако учити, 4 Ниже внимати баснем и родословием безконечным: яже стязания творят паче, нежели Божие строение, еже в вере. 5 Конец же завещания есть, любы от чиста сердца, и совести благи, и веры нелицемерныя, 6 Ихже нецыи погрешивше, уклонишася в суесловия: 7 Хотяще быти законоучители, не разумеюще ни яже глаголют, ни о нихже утверждают. Конец понедельнику. (л. 180) (за\ч 274) 8 Вемы же*{Во вторник 26 недели: Чадо тимофее, вемы*} яко добр закон есть, аще кто его законне творит, 9 Ведый сие, яко праведнику закон @не лежит@{@не положен@}, но беззаконным, и непокоривым, нечестивым же и грешником, неправедным, и скверным, отца и матере досадителем, мужеубийцам, 10 Блудником, мужеложником, разбойником, клеветником, скотоложником, лживым, клятвопреступником, и аще что ино здравому учению противится, 11 По благовестию славы блаженнаго Бога, еже мне уверено бысть. (за\ч 280) 12 И благодарю**{Октовриа 2: Чадо тимофее, благодарю**} укрепляющаго мя Христа Иисуса Господа нашего: яко верна мя непщева, положив мя в службу, [2] 13 Бывша мя иногда хульника, и гонителя, и досадителя: но помилован бых, яко не ведый сотворих в неверствии: 14 Упреумножися же благодать Господа нашего Иисуса Христа, с верою, и любовию яже о Христе Иисусе. Конец вторнику. (за\ч) 15 Верно слово***{Неделя 31: Чадо тимофее, верно слово***} и всякаго приятия достойно: яко Христос Иисус прииде в мир грешники спасти, от нихже первый есмь аз. 16 Но сего ради помилован бых, да о мне первом покажет Иисус Христос все долготерпение, за образ хотящих веровати ему в жизнь вечную. 17 Царю же (л. 180 об.) веков, нетленному, невидимому, единому премудрому Богу, честь и слава во веки веков. аминь. Конец недели, и святому. (за\ч 281) [3] 18 Сие же завещание предаю ти, чадо тимофее,*{В среду 26 недели: Чадо тимофее, сие завещание предаю тебе*} по бывших на тя прежде пророчествиих, да воинствуеши в них доброе воинство, 19 Имея веру, и Благую совесть, юже нецыи отринувше, от веры отпадоша. 20 От нихже есть вменей, и але_ксандр, ихже предах сатане, яко да накажутся не хулити. Преступи среде. Глава вторая. (за\ч 282) [4] с\х 1 Молю убо**{Септемвриа 1: Чадо тимофее, молю**} прежде всех творити молитвы, моления, прошения, Благодарения за вся человеки: 2 За Царя, и за вся иже во власти суть: да тихое и безмолвное житие поживем, во всяком Благочестии и чистоте. 3 Сие бо добро и приятно пред Спасителем нашим Богом, 4 Иже всем человеком хощет спастися, и в разум истины приити. 5 Един бо есть Бог, и един ходатай Бога и человеков, человек Христос Иисус: 6 Давый себе избавление за всех, свидетельство времены своими. 7 В неже поставлен бых аз (л. 181) проповедник и апостол: [истину глаголю о Христе, не лгу,] учитель языков в вере и истине. Конец новому лету. Чти среде: 8 Хощу убо, да молитвы творят мужие на всяком месте, воздеюще преподобныя руки без гнева и размышления. 9 Такожде и жены во украшении лепотном, со стыдением и целомудрием, да украшают себе, не в плетениих, ни златом или бисером, или ризами многоценными: 10 Но [еже подобает женам, обещавающимся благочестию] делесы благими. 11 Жена в безмолвии да учится со всяким покорением. 12 Жене же учити не повелеваю, ни владети мужем, но быти в безмолвии. 13 Адам бо прежде создан бысть, потом же ева. 14 И адам не прельстися, жена же прельстившися, в преступлении бысть. 15 Спасется же @чадородия ради@{@чрез чадородие@}, аще пребудет в вере, и любви, и во святыни с целомудрием. Конец среде. Глава третия. (за\ч 283) [6] с\х 1 Верно*{В четверток 26 недели: Чадо тимофее, верно*} слово, аще кто епископства хощет, добра дела желает. 2 Подобает же епискпу быти непорочну, единыя жены мужу, трезвену, целомудру, Благоговейну, честну, страннолюбиву, учительну, 3 Не пиянице, не бийце, не (л. 181 об.) сварливу, не мшелоимцу, но кротку, не завистливу, не сребролюбцу: 4 Свой дом добре правящу, чада имущу в послушании со всякою @чистотою@{@честностию@}. 5 [Аще же кто своего дому не умеет правити, како о Церкви Божией прилежати возможет?] 6 Не новокрещенну, да не разгордевся в суд впадет и в сеть диаволю. 7 Подобает же ему и свидетельство добро имети от внешних, да не в поношение впадет, и в сеть неприязнену. [1] Диаконом такожде *чистым*{*честным*}, не двоязычным, не вину многу внимающим, не скверностяжательным: 9 Имущим таинство веры в чистей совести. (че\к) 10 И сии убо да искушаются прежде, потом же да служат непорочни суще. 11 Женам такожде **чистым**{**честным**}, не клеветивым, не навадницам, трезвенным, верным о всем. 12 Диакони да бывают единыя жены мужи, чада добре заступающе, и своя домы. 13 Ибо служившии добре, степень себе добр снискают, и многое дерзновение в вере, яже о Христе Иисусе. Конец четвертку. (за\ч 284) 14 Сия*{В субботу пред просвещением: Чадо тимофее, сия*} пишу тебе, уповая приити к тебе скоро: 15 Аще же замедлю, да увеси како подобает в дому Божии жити, яже есть Церковь Бога жива, столп и утверждение истины. 16 И исповедуемо велия есть Благочестия тайна: Бог явися во плоти, оправдася в Дусе, показася ангелом, проповедан (л. 182) бысть во языцех, веровася в мире, вознесеся во славе. Глава четвертая. [1] с\х 1 Дх~ же явственне глаголет: яко в последняя времена отступят нецыи от веры, внемлюще духовом лестьчим, и учением бесовским, 2 В лицемерии лжесловесник, сожженных своею совестию: 3 Возбраняющих женитися, удалятися от брашен, яже Бог сотвори в снедение со Благодарением верным, и познавшим истину. (за\ч 285) 4 Зане всякое*{В пяток 26 недели: Чадо тимофее, всякое*} создание Божие добро, и ничтоже отметно, со Благодарением приемлемо: 5 Освящается бо словом Божиим и молитвою. Конец субботе. 6 Сия вся сказуя братии, добр будеши служитель Иисуса Христа, питаемь словесы веры, и добрым учением, емуже последовал еси. [8] 7 Скверных же и бабиих басней отрицайся: обучай же себе ко Благочестию. 8 Телесное бо обучение вмале есть полезно: а благочестие на все полезно есть, обетование имеюще живота нынешняго, и грядущаго. Преступи пятку. (за\ч) 9 Верно слово,**{Неделя 32: Чадо тимофее, верно слово**} и всякаго приятия достойно. 10 На сие бо и труждаемся, и поношаеми есмы, (л. 182 об.) яко уповахом на Бога жива, иже есть Спаситель всем человеком, паче же верным. 11 Завещавай сия и учи. [9] 12 Никтоже о юности твоей да нерадит: но образ буди верным: словом, житием, любовию, Духом, верою, чистотою. 13 Дондеже прииду, внемли чтению, утешению, учению. 14 Не неради о своем даровании живущем в тебе, еже дано тебе бысть пророчеством, с возложением руку священничества. 15 В сих поучайся, в сих пребывай, [в сих разумевай,] да предспеяние твое явлено будет во всех. Конец недели. Чти пятку: 16 Внимай себе и учению, и пребывай в них: сия бо творя и сам спасешися, и послушающии тебе. Конец пятку. Глава пятая. (за\ч) [10] с\х 1 Старцу*{В понедельник 27 недели: Чадо тимофее, старцу*} не твори пакости, но утешай@{@старца не укоряй, но умоляй@} якоже отца: юноши, якоже братию: 2 Старицы якоже матери: юныя, якоже сестры, со всякою чистотою. 3 Вдовицы чти, сущия истинныя вдовицы. 4 Аще ли кая вдовица чада, или внучата имать, да учатся прежде свой дом благочестивно устроити, и взаем воздаяти родителем, сие бо есть благоугодно пред Богом. 5 А сущая истинная (л. 183) вдовица и уединена, упова на Бога, и пребывает в молитвах и молениих день и нощь. 6 Питающаяся же пространно, жива умерла. 7 И сия завещавай, да непорочни будут. 8 Аще же кто о своих, паче же о @присных@{@домашних@} не промышляет, веры отверглся есть, и невернаго горши есть. 9 Вдовица же да причитается не меньши лет шестидесятих, бывши единому мужу жена, 10 В делех добрых свидетельствуема, аще чада воспитала есть, аще святых нозе умы, аще странныя прият, аще *скорбным утешение бысть*{*скорбных снабде*}, аще всякому делу Благу последовала есть. Конец понедельнику. (за\ч 286) 11 Юных же*{Во вторник 27-я недели: Чадо тимофее, юных*} вдовиц отрицайся: егда бо разсвирепеют **о Христе**{**противу Христа**}, посягати хотят, 12 Имущя грех, яко первыя веры отвергошася. 13 Купно же и праздны, учатся обходити домы, не точию же праздны, но и блядивы и ***оплазивы***{***любопытны***}, глаголющия яже не подобает: 14 Хощу убо юным вдовицам посягати, чада раждати, дом строити, ниедины же вины даяти противному хулы ради. 15 Се убо некия развратишася в след сатаны. 16 Аще кто верен, или верна, имать вдовицы, да довлит их, яко да не тяготится Церковь, да сущих истинных вдовиц удоволит. 17 Прилежащии же добре пресвитеры сугубыя чести да сподобляются, паче же труждающиися в слове и (л. 183 об.) учении. 18 Глаголет бо писание: вола молотяща не обротиши, и достоин делатель мзды своея. 19 На пресвитера хулы не приемли, разве при двою или триех свидетелех. 20 Согрешающих же пред всеми и обличай, да и прочии страх имут. 21 Засвидетельствую пред Богом, и Господем Иисус Христом, и избранными его ангелы, да сия сохраниши без лицемерия, ничесоже творя по уклонению. Конец вторнику. (за\ч 287) [13] 22 Руки скоро*{В среду 27-я недели: Чадо тимофее, руки скоро*} не возлагай ни на когоже, ниже приобщайся чужым грехом, себе чиста соблюдай. 23 Ктому не пий воды, но мало вина приемли, стомаха ради твоего, и частых твоих недугов. [14] 24 Неких же человек греси явлени суть, предваряюще на суд, неким же и последствуют. 25 Такоже и добрая дела явлена суть, и сущая инако утаитися не могут. Глава шестая. [15] с\х 1 Елицы суть под игом раби, своя господы всякия чести да сподобляют, да имя Божие не хулится и учение. 2 Имущии же верны господы, да не нерадят о них, понеже братия суть: но паче да работают, зане верни суть, и возлюбленни, иже благодать восприемлющии, сия учи, и моли. 16 Аще ли кто инако учит, и не (л. 184) приступает к здравым словесем Господа нашего Иисуса Христа, и учению еже по благоверию, 4 Разгордевся ничтоже ведый, но недугуяй о стязаниих, и словопрениих: от нихже бывает зависть, рвение, хулы, непщевания лукава. 5 Беседы злыя растленных человеков умом, и лишенных истины, непщующих приобретение быти Благочестие, отступай от таковых. 6 Есть же снискание велие, благочестие с довольством. 7 Ничтоже бо внесохом в мир сей, яве, яко ниже изнести что можем: 8 Имеюще же пищу и одеяние, сими довольни будем: 9 А хотящии богатитися, впадают в напасти и сети, и в похоти многи, несмысленны, и вреждающия, яже погружают человеки во всегубительство и погибель. 10 Корень бо всем злым, сребролюбие есть: егоже нецыи желающе, заблудиша от веры, и себе пригвоздиша болезнем многим. [17] 11 Ты же, _о человече Божий! сих бегай. Конец среде. (за\ч 288) Гони же правду,*{В субботу по Рождестве Христове: Чадо тимофее, гони правду,*} благочестие, веру, любовь, терпение, кротость. 12 Подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание пред многими свидетели. 13 Завещаваю ти пред Богом оживляющим всяческая, и Христом Иисусом, свидетельствовавшим при понтийстем (л. 184 об.) пилате доброе исповедание: 14 Соблюсти тебе заповедь нескверну, и незазорну, даже до явления Господа нашего Иисуса Христа. 15 Еже во своя времена явит Блаженный, и един сильный, Царь царствующих, и Господь господствующих: 16 Един имеяй безсмертие, и во свете живый неприступнем, егоже никтоже видел есть от человек, ниже видети может, емуже честь и держава вечная. аминь. Конец субботе. (за\ч 289) [18 ] 17 Богатым*{В четверток 27-я недели: Чадо тимофее, богатым*} в нынешнем веце запрещай не высокомудрствовати, ниже уповати на богатство погибающее, но на Бога жива, дающаго нам вся обильно в наслаждение: 18 Благое делати, богатитися в делех добрых, благоподатливым быти, общительным. 19 Сокровищующе себе основание добро в будущее, да приимут вечную жизнь. 20 _О тимофее! предание сохрани, уклоняяся скверных суесловий, и прекословий лжеименнаго разума. 21 О немже нецыи хвалящеся, о вере погрешиша. Благодать с тобою. аминь. Конец четвертку. Конец перваго послания, еже к тимофею: написано бысть от лаодикии, яже есть митрополиа фригии пакатианийския: имать в себе глав, 6: зачал Церковных, 14: стихов 113: знаменаний черных, 18: последующих же им червленых два.