<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 175) Знаменания 2 епистолии к солуняном. [1] Похвала солуняном о вере и любви и терпении. [2] О общей кончине, и о антихристе, иже тогда послан будет на обличение иудеем не веровавшим Христу. [3] Бл~годарение к Богу о призвании их. [1] В немже беждение пребывания, и молитва ко Господу Иисусу Христу о утверждении их. [4] Завещание, яко да молятся о нем, да слово евангельское течет. [1] В немже молитва о них в любовь Божию. [5] Моление делания, и отлучение злоделатель. [6] Моление о мире, иже от Бога. (л. 175 об.) Сказание к солуняном втораго послания святаго апостола павла. Сие посылает от рима, вина же послания сия: нецыи от фессалоникии праздни и безчинни, обходяще братию прельщаху, яко уже пришествию Господню наставшу. Прельщаху же слышащих, яко апостолу сказующу сие, и от Духа слышавше. Сия убо уведев апостол, пишет послание сие. И первее убо хвалит веру их растящу, и яко о них хваляшеся доблественне терпящих скорби за Христа. Утешает же их, яко отмщению хотящу быти им от Бога на обидящия их. Таже о пришествии Господни учит, не послушати им ни единому, ниже смущатися, ниже Духом, ниже аки самому списавшу, ниже отнюд мнети наставшее пришествие его. Не прежде бо быти ему, аще не отступление прежде приидет, и потом антихрист сын погибельный, егоже пришествие в знамениих и чудесех ложных, по действу сатанину быти сказует. Таже завещав им стояти доблественне, и держати предание, имже научени быша от него. Повелевает ни едино сообщение имети с ходящими безчинно, но отгнати их: быти бо рече лукавым, и льстивым, сказа сицевых. Отнюд же повелевает не послушающаго словес его, сего из Церкве изгнати. И прочее помолься о мире их, скончавает послание, целование своею рукою написав, еже знамению быти всякаго послания сказует. (л. 176) К СОЛУНЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 274) [1] с\х 1 Павел и силуан*{Понедельник 25-я недели: Павел и силуан*} и тимофей, Церкви солунстей, о Бозе отце нашем, и Господе Иисусе Христе: 2 Благодать вам и мир, от Бога отца нашего, и Господа Иисуса Христа. 3 Благодарити должни есмы Бога всегда о вас братие, якоже достойно есть, яко превозрастает вера ваша, и множится любовь единаго коегождо всех вас друг ко другу: 4 Яко самем нам хвалитися о вас в Церквах Божиих, о терпении вашем, и вере, во всех гонениих ваших и скорбех, ихже приемлете: 5 Показание праведнаго суда Божия, во еже сподобитися вам Царствия Божия, егоже ради и страждете. 6 Аще убо праведно у Бога, воздати скорбь оскорбляющим вас: 7 А вам оскорбляемым отраду с нами, во откровении Господа Иисуса с Небесе, со ангелы силы своея, 8 Во огни пламенне (л. 176 об.) дающаго отмщение неведущим Бога, и не послушающим благовествования Господа нашего Иисуса Христа. 9 Иже муку приимут, погибель вечную, от лица Господня, и от славы крепости его: 10 Егда приидет прославитися во святых своих, и дивен быти во всех веровавших. (за\ч) Яко уверися*{Во вторник 25-я недели: Братие, уверися*} свидетельство наше в вас в день он. Конец понедельнику. 11 За еже и молимся всегда о вас, да вы сподобит знанию Бог наш, и исполнит всяко Благоволение благости, и дело веры в силе: 12 Яко да прославится имя Господа нашего Иисуса Христа в вас, и вы в нем, по Благодати Бога нашего и Господа Иисуса Христа. Глава вторая. (за\ч 275) [2] с\х 1 Молим же вы братие,**{В среду 25 недели: Братие, молим вы,**} о пришествии Господа нашего Иисуса Христа, и нашем собрании о нем, 2 Не скоро подвизатися вам от ума, ни ужасатися, ниже Духом, ниже словом, ни посланием аки от нас посланным, яко уже настоит день Христов. Конец вторнику. (л. 177) 3 Да никтоже вас прельстит ни по единому же образу: яко аще не приидет отступление прежде, и открыется человек беззакония, сын погибели, 4 Противник, и превозносяйся паче всякаго глаголемаго бога или чтилища: якоже ему сести в Церкви Божией аки богу, показующу себе яко бог есть. 5 Не помните ли, яко еще живый у вас, сия глаголах вам? 6 И ныне одержащее весте, во еже явитися ему в свое ему время. 7 Тайна бо уже деется беззакония, точию держяй ныне, дондеже от среды будет: 8 И тогда явится беззаконник, егоже Господь Иисус убиет Духом уст своих, и упразднит явлением пришествия своего: 9 Егоже есть пришествие по действу сатанину, во всякой силе, и знамениих и чудесех ложных: 10 И во всякой льсти неправды в погибающих, зане любве истины не прияша во еже спастися им. 11 И сего ради послет им Бог действо льсти, во еже веровати им лжи: 12 Да суд приимут вси неверовавшии истине, но благоволивше в неправде. Конец среде. (за\ч 276) [3] 13 Вы же должни*{В четверток 25-я недели: Братие, мы должни*} есмы благодарити Бога всегда о вас, братие возлюбленная от Господа: яко избрал есть вас Бог от начала во спасение, во святыни Духа и веры истины: 14 В неже призва вас (л. 177 об.) Благовествованием нашим, в получение славы Господа нашего Иисуса Христа. [1] 15 Темже убо братие, стойте, и держите предания, имже научистеся, или словом, или посланием нашим. 16 Сам же Господь наш Иисус Христос, и Бог и отец наш, возлюбивый нас, и давый утешение вечно, и упование благо в Благодати: 17 Да утешит сердца ваша, и да утвердит @ @{@вас@} во всяком слове и деле блазе. Глава третия. [4] с\х 1 Прочее же молитеся о нас братие, да слово Господне течет и славится, якоже и в вас: 2 И да избавимся от злых и лукавых человек: не всех бо есть вера. (ср\де) 3 Верен есть Господь, иже утвердит вы, и сохранит от лукаваго. 4 Уповаем же на Господа о вас, яко яже повелеваем вам, и творите, и сотворите. [1] 5 Господь же да исправит сердца ваша в любовь Божию, и в терпение Христово. Конец четвертку. (за\ч 277) [5] 6 Повелеваем же вам братие*{Пяток 25-я недели: Братие, повелеваем вам*} о имени Господа нашего Иисуса Христа, отлучатися вам от всякаго брата, безчинно ходяща, а не по преданию, еже прияша от нас. 7 Сами бо весте, како лепо есть вам подобитися нам, яко не безчинновахом у вас, 8 Ни туне хлеб ядохом у кого: но в труде и подвизе, нощь и день делающе, да не (л. 178) отягчим никогоже от вас. 9 Не яко не имамы власти, но яко да себе образ дамы вам, во еже уподобитися нам. 10 Ибо егда бехом у вас, сие завещавахом вам: яко аще не хощет кто делати, ниже да яст. 11 Слышим бо некия безчинно ходящия у вас, ничтоже делающия, но лукавно обходящия. 12 Таковым запрещаем, и молим о Господе нашем Иисусе Христе, да с безмолвием делающе свой хлеб ядят. 13 Вы же братие, не стужайте си доброе творяще. 14 Аще ли же кто не послушает словесе нашего, посланием сего назнаменуйте, и не примешайтеся ему, да посрамится. 15 И не аки врага имейте его, но наказуйте якоже брата. 16 Сам же Господь мира, да даст вам мир всегда, во всяком образе. Господь со всеми вами. 17 Целование моею рукою павлею, еже есть знамение, во всяком послании, сице пишу: 18 Благодать Господа нашего Иисуса Христа со всеми вами. аминь. Конец пятку. Конец втораго послания, еже к фессалоником: написано бысть от афин: имать в себе главы, 3: зачал Церковных, 5: стихов 43: знаменаний черных, 6: последующих же им червленых 2.