<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 169 об.) Знаменания к солуняном епистолии, 1. [1] Похвала солуняном о достойных подвизаниих апостольских. [2] Желание его и радость о них и печаль, яко да совершатся. [3] Молитва к Богу о пришествии его к ним, и растении и утверждении их. [4] Поучение, яко целомудренно и праведно жити им всегда. [5] Учение, яко испразднися смерть, в явлении Христове. [6] Яко внезапу приидет Христос: темже подобает готовым быти всякою добродетелию и праведными делы. [7] Молитва о оСвящении Духа, и души и тела. (л. 170) Сказание к солуняном перваго послания святаго апостола павла. Сие посылает от афин, видев их прежде, и пожив у них. Вина же послания сия: апостол многи скорби претерпе в верии, и в филиппех, македонии, и в коринфе. ведый же елика пострада и в фессалоникии, и бояся, да не како слышавше фессалоникиане, елика пострада в предреченных градех, искушени будут от искушающаго сатаны, и соблазнятся. Еще же уведев, яко и о умирающих безмерно скорбят, посылает тимофеа к ним с посланием сим. И первее убо утверждает их в вере, яко не поколебатися им скорбей ради: и ничтоже странно пострадавшим мнети им от иудей, иже и Господа убиша. Христианом бо свойственно есть, еже скорби терпети к житии сем, глаголет. Многими же завещав им сице, якоже прияша от него, тако жительствовати, пишет прочее о умирающих, утешая их, и учя, не вельми скорбети: несть бо смерть погибель, но путь к воскреснию. Таже и о летех их учит, да безвестен день ведяще, выну готови бывают, и да ни единому внимают вещающему о нем: быти бо рече пришествию тако, яко оставшим и обретаемым в день он живым, не предварити востающия от мертвых, вкупе бо быти всех пременению учит. К сим же завещавая им лучшим бывати во обычаех, повелевает им всегда радоватися о уповании, и молитися и благодарити им всегда Господеви, и заклинает их прочитати послание сие пред всею братиею, и сице скончавает е. (л. 170 об.) К СОЛУНЯНОМ ПЕРВОЕ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 262) с\х 1 Павел*{В понедельник 23-я недели: Павел*} и силуан и тимофей, Церкви солунстей, о Бозе отце, и Господе Иисусе Христе: Благодать вам и мир от Бога отца нашего, и Господа Иисуса Христа. [1] 2 Благодарим Бога всегда о всех вас, поминание ваше творяще в молитвах наших: 3 Непрестанно поминающе ваше дело веры, и труд любве, и терпение упования Господа нашего Иисуса Христа, пред Богом и отцем нашим. 4 Ведяще братие возлюбленная, от Бога избрание ваше: 5 Яко благовествование наше не бысть к вам в слове точию, но и силою, и Духом святым, и во извещении мнозе: якоже и весте, какови быхом в вас, ради вас. Конец понедельнику. (за\ч 263) 6 И вы**{В вторник 23-я недели: Братие, вы**} подобницы бысте нам и Господу, приемше слово в скорби мнозе, с радостию Духа святаго: (л. 171) 7 Яко быти вам образ всем верующим в македонии и ахаии. 8 От вас бо промчеся слово Господне, не токмо в македонии и ахаии: но и во всяко место вера ваша, яже к Богу, изыде: яко не требовати нам глаголати что. 9 Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну: 10 И ждати Сына его с Небес, егоже воскреси из мертвых, Иисуса избавляющаго нас от гнева грядущаго. Конец вторнику. Глава вторая. (за\ч 264) с\х 1 Сами бо весте братие*{В среду 23-я недели: Братие, весте*} вход наш иже к вам, яко не вотще бысть: 2 Но предпострадавше и досаждени бывше, якоже весте, в филиппех, дерзнухом о Бозе нашем, глаголати к вам благовествование Божие со многим подвигом. 3 Утешение бо наше, не от прелести, ни от нечистоты, ни лестию: 4 Но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша. 5 Никогдаже бо в словеси ласкания быхом к вам, якоже весте, ниже виною лихоимания: Бог свидетель. 6 Ни ищуще от человек славы, ни от вас, ни от инех: 7 Могуще в тяготе быти, якоже Христовы ап\столи, но (л. 171 об.) быхом тиси посреде вас, якоже доилица греет своя чада: 8 Тако желающе вас, благоволихом подати вам не точию благовествование Божие, но и души своя: занеже возлюблени бысте нам. Конец среде. (за\ч 265) 9 Помните бо братие*{В четверток 23-я недели: Братие, помните*} труд наш, и подвиг: нощь бо и день делающе, яко не отяготити ни единаго от вас, проповедахом вам Благовествование Божие. 10 Вы свидетели, и Бог, яко преподобно и праведно и непорочно вам верующим быхом: 11 Якоже весте, зане единаго когождо вас, якоже отец чада своя, 12 Моляще и утешающе вас, и свидетельствующе вам ходити достойно Богу, призвавшему вы во свое Царство и славу. 13 Сего ради и мы Благодарим Бога непрестанно, яко приемше слово слышания Божия от нас, приясте не аки слово человеческо, но [якоже есть воистинну] слово Божие, еже и действуется в вас верующих. (за\ч 266) 14 Вы бо подобницы бысте братие,**{В пяток 23-я недели: Братие, вы подобницы бысте**} Церквам Божиим сущим во иудеи, о Христе Иисусе. Конец четвертку. зане таяжде и вы пострадасте от своих сплеменник, якоже и тии от иудей: 15 И убивших Господа Иисуса, и его пророки, и нас изгнавших, и Богу (л. 172) неугодивших, и всем человеком противящихся: 16 И возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца. [2] 17 Мы же братие осиротевше от вас ко времени часа, лицем а не сердцем, лишше тщахомся лице ваше видети многим желанием. 18 Темже хотехом приити к вам, аз убо павел единою и дважды, и возбрани нам сатана. 19 Кто бо нам упование, или радость, или венец похваления, не и вы ли пред Господем нашим Иисус Христом, во пришествии его? Конец пятку. (за\ч 267) Вы бо есте*{В понедельник 24-я недели: Братие, вы есте*} слава наша и радость. Глава третия. с\х 1 Темже уже не терпяще, благоволихом остатися во афинех едини. 2 И послахом тимофеа брата нашего, и служителя Божия, и споспешника нашего во благовестии Христове, утвердити вас и утешити о вере вашей: 3 Яко ни единому смущатися в скорбех сих: сами бо весте, яко на сие истое @лежим@{@учинени есмы@}. Ибо егда у вас бехом, предрекохом вам, яко имамы скорбети, еже и бысть, и весте. 5 Сего ради и аз ктому не терпя, послах разумети (л. 172 об.) веру вашу, да не како искусил вы будет искушаяй, и вотще будет труд наш. 6 Ныне же пришедшу тимофею к нам от вас, и благовестившу нам веру вашу и любовь, и яко имате память о нас благу, всегда желающе нас видети, якоже и мы вас. 7 Сего ради утешихомся братие о вас, во всякой скорби и нужде нашей, вашею верою. 8 Яко мы ныне живи есмы, аще вы стоите о Господе. Конец понедельнику. (за\ч 268) 9 Кое бо Благодарение*{Вторник 24 недели: Братие, кое благодарение*} Богу можем воздати о вас, о всякой радости, еюже радуемся вас ради, пред Богом нашим? 10 Нощь и день преизлиха молящеся видети лице ваше, и совершити лишение веры вашея. [3] 11 Сам же Бог и отец наш и Господь наш Иисус Христос, да исправит путь наш к вам. 12 Вас же Господь да умножит, и да избыточествит любовию друг ко другу, и ко всем, якоже и мы к вам: 13 Во еже утвердити сердца ваша непорочна в святыни, пред Богом и отцем нашим, в пришествие Господа нашего Иисуса Христа со всеми святыми его. аминь. Конец вторнику. Глава четвертая. (за\ч 269) с\х 1 Темже убо братие, просим вы**{В среду 24 недели: Братие, просим вы**} и молим о Христе Иисусе: да якоже приясте от нас, како подобает вам ходити и угождати (л. 173) Богови, такожде и ходите, да избыточествуете паче: (вто\р) 2 Весте бо какова повеления дахом вам, Господем Иисусом. 3 Сия бо есть воля Божия, святость ваша, хранити себе самех от блуда: 4 И ведети комуждо от вас свой сосуд стяжавати во святыни и чести: 5 А не в страсти похотней, якоже и языцы не ведящии Бога. 6 И еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам, и засвидетельствовахом. 7 Не призва бо нас Бог на нечистоту, но во святость. [4] 8 Темже убо отметаяй, не человека отметает, но Бога, давшаго Дух свой святый в нас. 9 О братолюбии же, не требуете, да пишется к вам: сами бо вы Богом учени есте, еже любити другдруга: 10 Ибо творите то ко всей братии, сущей во всей македонии. молим же вы братие, избыточествовати паче, 11 И любезно прилежати еже безмолвствовати, и деяти своя, и делати своими руками, якоже повелехом вам: 12 Да ходите Благообразно ко внешним, и ни единаго же требовати. Конец среде. (за\ч 270) [5] 13 Не хощу же вас братие*{Сие же мертвым: Братие, не хощу вас*} неведети о умерших, да не скорбите, якоже и прочии не имущии упования. 14 Аще бо веруем, яко Иисус умре и воскресе, тако и Бог умершия о Иисусе (л. 173 об.) приведет с ним. 15 Сие бо вам глаголем словом Господним: яко мы живущии оставшии в пришествие Господне, не имамы предварити умерших. 16 Яко сам Господь в повелении, во гласе архангелове, и в трубе Божии снидет с Небесе, и мертвии о Христе воскреснут первее. 17 Потом же мы живущии оставшии, купно с ними восхищени будем на облацех, в сретение Господне на воздусе: и тако всегда с Господем будем. Конец мертвым. 18 Темже утешайте другдруга в словесех сих. Глава пятая. (за\ч 271) [6] с\х 1 А о летех и о временех братие,*{В четверток 24 недели: Братие, о летех и о временех*} не требе есть вам писати. 2 Сами бо вы известно весте, яко день Господень, якоже тать в нощи, тако приидет. 3 Егда бо рекут мир и утверждение, тогда внезапу нападет на них всегубительство, якоже и болезнь во чреве имущей: и не имут избежати. 4 Вы же братие, несте во тме, да день вас якоже тать постигнет. 5 Вси бо вы сынове света есте, и сынове дне: несмы нощи, ниже тмы. 6 Темже убо да не спим якоже и прочии, но да бодрствуим и трезвимся: 7 Спящии бо, в нощи спят, и упивающиися, в нощи упиваются. 8 Мы же сынове (л. 174) суще дне, да трезвимся, оболкшеся в броню веры и любве, и шлем упования спасения. Конец четвертку. (за\ч 272) 9 Яко не положи*{В пяток 24 недели: Братие, не положи*} нас Бог в гнев, но в получение спасения, Господем нашим Иисус Христом, 10 Умершим за нас: да аще бдим, аще ли спим, купно с ним и оживем. 11 Сего ради утешайте другдруга, и созидайте койждо ближняго, якоже и творите. 12 Молим же вы братие, знайте труждающихся у вас, и настоятелей ваших о Господе, и наказующих вы. 13 И имейте я по преизлиха в любви, за дело их мирствуйте в себе. Преступи пятку. (за\ч 273) 14 Молим же вы братие,**{Суббота 32: Братие, молим вы,**} вразумляйте безчинныя, утешайте малодушныя, заступайте немощныя, долготерпите ко всем. 15 Блюдите, да никтоже зла за зло кому воздаст: но всегда доброе гоните, и друг ко другу, и ко всем. 16 Всегда радуйтеся: 17 Непрестанно молитеся. 18 О всем благодарите: сия бо есть воля Божия о Христе Иисусе в вас. 19 Духа не угашайте: 20 Пророчествия не уничижайте: 21 Вся же искушающе, добрая держите. 22 @От всякия вещи злыя@{@от всякаго вида злаго@} отгребайтеся. 23 Сам же Бог мира да освятит вы, всесовершены о всем: и всесовершен ваш Дух, и душа, и тело непорочно, в пришествие Господа нашего Иисуса Христа да сохранится. Конец субботе. (л. 174 об.) Чти пятку: 24 Верен призвавый вас, иже и сотворит. 25 Братие, молитеся и о нас. 26 Целуйте братию всю лобзанием святым. 27 Заклинаю вы Господем, прочести послание сие пред всею святою братиею. 28 Благодать Господа нашего Иисуса Христа с вами. аминь. Конец пятку. Конец перваго послания, еже к фессалоником: написано бысть от афин: имать в себе глав, 5: зачал Церковных, 12: стихов, 89: знаменаний черных, 7: без червленых.