<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 163 об.) Знаменания к колоссаем послания. [1] Похвала о колоссаех, познавших Бога верою. [2] Молитва о них в премудрость действенну, в силу терпения с похвалою, познанием чистоты. [3] О еже во Христе твари, и возсоздании по снятию Божию. [4] О приведении язык, Христовым телом и страстию веры ради. [5] Учение званным страстьми его во предстание Богу. [6] О еже не прельщатися человеческою философиею, имущим премудрость Христову. [7] Яко еже к Богу соединение противу закона есть, во еже со Христом жити. [8] Яко плотскаго закона образи плотским потребни, а не Духовным, силою Божиею живущим. [9] Учение очищения святыни, человеколюбия, пения, похвальна жития. [10] О еже к присным единодушии, и к чужым, мудренно и смотреливно. (л. 164) Сказание к колоссаем послания святаго апостола павла. (нл\дя) Сие посылает от рима, не видев убо их, слышав же о них. Вина же послания сия: Колоссаев хотеша нецыи прельстити еллинскими хитрословии, от веры яже во Христа, и о законных брашнех, и обрезании. Сия убо уведев апостол, пишет послание сие к ним аки учительное. И первее убо благодарит Бога, и сказует от тмы пришедших их к свету истины: и яко Христос, в негоже вероваша, образ есть Божий и слово, имже вся быша. И яко подобаше ему содетелю сущу, быти ему перворождену твари, и первенцу от мертвых, да обоя совокупит, и оживотворит всяческая. Повелевает же им пребывати в вере, сказуя, яко сам павел служитель есть евангелию, емуже научишася. Таже и о законе, и яже по нем брашнех, и о днех, и о летех повествует, и показует упразднившимся древним, и обрезанию: и советует им не прельщатися от ухишряющих и соблазняющих их. И прочее завещав и в том родителем и чадом, мужем же и женам, господем же и рабом, и к прочим обычаем наказав их, скончавает послание. Завещавает же им, да егда прочтено будет у них послание сие, сотворят да прочтено будет и в Церкви лаодикийстей, и еже от лаодикии, у них да прочтено будет. (л. 164 об.) К КОЛОССАЕМ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 249) с\х 1 Павел*{Во вторник 21 недели: Павел*} апостол Иисус Христов, волею Божиею, и тимофей брат, 2 Сущим в колоссаех святым, и верным братиям о Христе Иисусе: Преступи вторнику. (за\ч) [1] 3 Бл~годать вам**{В субботу 31 недели: Братие, Благодать вам**} и мир от Бога отца нашего, и Господа Иисуса Христа, благодарим Бога и отца Господа нашего Иисуса Христа, всегда о вас молящеся: 4 Слышавше веру вашу, яже о Христе Иисусе, и любовь юже имате ко всем святым: 5 За упование отложенное вам на небесех, еже прежде слышасте в словеси истины Благовествования, 6 Сущаго в вас, якоже и во всем мире: и есть плодоносно и (л. 165) растимо, якоже и в вас, от негоже дне слышасте, и разуместе Благодать Божию во истине. Конец субботе. Чти вторнику: 7 Якоже и уведесте от епафраса возлюбленнаго сработника нашего, иже есть верен о вас служитель Христов, 8 Иже и яви нам вашу любовь в Дусе. [2] 9 Сего ради и мы от негоже дне слышахом, не престаем о вас молящеся, и просяще, да исполнитеся в разуме воли его, во всякой премудрости и разуме духовнем: 10 Яко ходити вам достойне Богу, во всяком угождении, и всяком деле блазе плодоносяще, и возрастающе в разуме Божии, 11 Всякою силою возмогающе, по державе славы его во всяком терпении и долготерпении с радостию. Конец вторнику. (за\ч 250) [3] 12 Благодаряще*{Неделя 28: Братие, благодаряще*} Бога и отца, призвавшаго вас в причастие наследия святых во свете: 13 Иже избави нас от власти темныя, и престави в Царство Сына любве своея: 14 О немже имамы избавление кровию его, и оставление грехов: 15 Иже есть образ Бога невидимаго, перворожден всея твари. 16 Яко о нем создана быша всяческая, яже на небеси, и яже на земли, видимая, и невидимая: аще престоли, аще Господьствия, аще начала, аще власти, всяческая тем и о нем создашася. 17 И той есть прежде всех, и всяческая о нем состоятся. (л. 165 об.) (за\ч Сына) 18 И той есть*{В среду 21 на недели: Братие, Христос есть*} глава телу церкве, иже есть начаток, перворожден из мертвых, яко да будет во всех той первенствуя. Конец недели. 19 Яко в нем благоизволи всему исполнению вселитися. 20 И тем примирити всяческая к себе, умиротворив кровию Креста его чрез него, аще земная, аще ли небесная. [4] 21 И вас иногда сущих очужденых, и врагов помышленьми в делех лукавых, 22 Ныне же примири в теле плоти его смертию его, представити вас святы, и непорочны и неповинны пред собою. 23 Аще убо пребываете в вере основани и тверди, и неподвижими от упования благовествования, еже слышасте, проповеданое всей твари поднебесней, емуже бых аз павел служитель. Конец среде. (за\ч Сынв) [5] 24 Ныне радуюся**{В четверток 21 недели: Братие, ныне радуюся**} во страданиих моих о вас, яко исполняю лишение скорбей Христовых во плоти моей, за тело его, еже есть церковь: 25 Ейже бых аз служитель, по смотрению Божию данному мне в вас, исполнити слово Божие: 26 Тайну сокровенную от век и от родов, ныне же явися святым его. 27 Имже восхоте Бог сказати, кое богатство славы тайны сея во языцех, иже (л. 166) есть Христос в вас, упование славы: 28 Егоже мы проповедуем, наказующе всякаго человека, и учаще всякой премудрости: да представим всякаго человека совершенна о Христе Иисусе: 29 В немже и труждаюся и подвизаюся по действу его, действуемому во мне силою. Конец четвертку. Глава вторая. (за\ч Сынг) с\х 1 Хощу убо вас*{В пяток 21 недели: Братие, хощу вас*} ведети, колик подвиг имам о вас, и о сущих в лаодикии, и во иераполи, и елицы не видеша лица моего во плоти, [6] 2 Да утешатся сердца их, снемшихся в любви, и во всяком богатстве извещения разума, в познание тайны Бога и отца, и Христа: 3 В немже суть вся сокровища премудрости, и разума сокровенна. 4 Сие же глаголю, да никтоже вас прельстит в словопрении. 5 Аще бо и плотию отстою, но духом с вами есмь, радуяся, и видя ваш чин, и утверждение вашея веры яже во Христа. 6 Якоже убо приясте Христа Иисуса Господа, такоже в нем ходите, 7 Укоренени, и наздани в нем, и извествовани верою, якоже научистеся, избыточествующе в ней благодарением. Конец пятку. (за\ч Сынд) 8 Братие, блюдитеся,**{На обрезание Господне: Братие, блюдитеся,**} да никтоже вас будет прельщая философиею, и тщетною лестию, по (л. 166 об.) преданию человеческому, по стихиам мира, а не по Христе: 9 Яко в том живет всяко исполнение Божества телесне: 10 И да будете в нем исполнени, иже есть глава всякому началу и власти: [7] 11 О немже и обрезани бысте обрезанием нерукотворенным, в совлечении тела греховнаго плоти, во обрезании Христове, 12 Спогребшеся ему крещением: о немже и совостасте верою, действом Бога, воскресившаго его из мертвых. Конец обрезанию. (за\ч Сыне) 13 И вас мертвы сущя в прегрешениих и в необрезании плоти вашея, сооживил есть с ним,*{В понедельник 22 недели: Братие, Бог вы мертвы сущя в прегрешениих, и в необрезании плоти вашея, сооживил есть со Христом,*} даровав нам вся прегрешения: 14 Истребив еже на нас рукописание ученьми, еже бе сопротивно нам, и то взят от среды, пригвоздив е на Кресте: 5 Совлек начала и власти, изведе в позор дерзновением, @из_обличив их в себе@{@победив их на нем@}. [8] 16 Да никтоже убо вас осуждает о ядении, или о питии, или о части праздника, или о новомесячиих, или о субботах: 17 Яже суть стень грядущих, тело же Христово. 18 Никтоже вас да прельщает изволенным ему смиреномудрием, и службою ангельскою, *яже не уведе учя, без ума*{*яже не уведе [в тех] ходя, всуе*} дмяся от ума плоти своея: 19 И не держя главы, из неяже все тело, составы и соузы подаемо, и снемлемо, растит возращение Божие. (л. 167) (за\ч Сынз) 20 Аще убо умросте*{Во вторник 22-я недели: Братие, аще умросте*} со Христом от стихий мира почто аки живуще в мире стязаетеся? Конец понедельнику. 21 Не коснися, ниже вкуси, ни осяжи: 22 Яже суть вся во истление употреблением, по заповедем и учением человеческим: 23 Яже суть слово убо имуще премудрости, в самовольней службе, и смиреномудрии, и непощадении тела, не в чести коей к сытости плоти. Глава третия. с\х 1 Аще убо воскреснусте со Христом, вышних ищите, идеже есть Христос одесную Бога седя: 2 Горняя мудрствуйте, а не земная. 3 Умросте бо, и живот ваш сокровен есть со Христом в Бозе. Конец вторнику. (за\ч Сынз) [9] 4 Егда же**{Неделя 29-я: Братие, егда** Сие же и неделя праоц~ем.} Христос явится живот ваш, тогда и вы с ним явитеся в славе. 5 Умертвите убо уды ваша, яже на земли, блуд, нечистоту, страсть, похоть злую, и лихоимание, еже есть идолослужение: 6 Ихже ради грядет гнев Божий на сыны противления, 7 В нихже и вы иногда ходисте, егда живясте в них. 8 Ныне же отложите и вы та вся: гнев, ярость, злобу, хуление, срамословие (л. 157 об.) от уст ваших. 9 Не лжите другдругу, совлекшеся ветхаго человека с деяньми его: 10 И облекшеся в новаго обновляемаго в разум, по образу создавшаго его: 11 Идеже несть еллин, ни иудей: обрезание, и необрезание: варвар, и скиф: раб, и свободь: но всяческая, и во всех Христос. Конец недели. (за\ч Сыни) 12 Облецытеся убо*{Неделя 30-я: Братие, облецытеся убо* Сие же и преподобным.} [якоже избраннии Божии, святи, и возлюбленни,] во утробы щедрот, Благость, смиреномудрие, кротость, и долготерпение: 13 Приемлюще другдруга, и прощающе себе, аще кто на кого имать поречение: якоже и Христос простил есть вам, тако и вы. 14 Над всеми же сими стяжите любовь, яже есть соуз совершенства. 15 И мир Божий да водворяется в сердцах ваших, воньже и звани бысте во едином теле: и благодарни бывайте. [10] (пн\де) 16 Слово Христово да вселяется в вас богатно, во всякой премудрости, учаще и вразумляюще себе самех во _псалмех, и пениих и песнех духовных, о благодати поюще в сердцах ваших Господеви. Конец недели, и преподобным. (за\ч Сынф) 17 И все еже**{В среду 22-я недели: Братие, все еже**} аще что творите словом, или делом, вся во имя Господа Иисуса Христа, благодаряще Бога и отца тем. 18 Жены, повинуйтеся своим (л. 168) мужем, якоже подобает о Господе. 19 Мужие, любите жены ваша, и не огорчайтеся к ним. 20 Чада, послушайте родителей своих во всем: сие бо угодно есть Господеви. 21 Оц~ы, не раздражайте чад ваших, да не унывают. 22 Раби, послушайте по всему плотских господий ваших, не пред очима точию работающе аки человекоугодницы, но в простоте сердца, боящеся Бога. 23 И всяко, еже аще что творите, от души делайте, якоже Господу, а не человеком: 24 Ведяще, яко от Господа приимете воздаяние достояния: Господу бо Христу работаете. 24 А обидяй, восприимет еже обиде, и несть лица обиновения. Глава четвертая. с\х 1 Господие, правду и уравнение рабом подавайте, ведяще, яко и вы имате Господа на Небесех. Конец среде. (за\ч 260) 2 В молитве*{В четверток 22-я недели: Братие, в молитве*} терпите, бодрствующе в ней со Благодарением. 3 Молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь, 4 Да явлю ю, якоже подобает ми глаголати. (за\ч) 5 В премудрости**{Луке евангелисту: Братие, в премудрости**} ходите ко внешним, время искупующе. 6 Слово ваше да бывает всегда во (л. 168 об.) благодати, солию растворено, ведети, како подобает вам единому комуждо отвещавати. 7 А яже о мне, вся скажет вам тихик возлюбленный брат, и верен служитель, и сработник о Господе. 8 Егоже послах к вам на се истое, яко да разумеет яже о вас, и утешит сердца ваша, 9 Со онисимом верным, и возлюбленным братом нашим, иже есть от вас: вся вам скажут яже зде. Конец четвертку. Преступи луке. (за\ч 261) 10 Целует*{В пяток 22-я недели: Братие, целует*} вы аристарх спленник мой, и марко ане_псей варнавин, о немже приясте заповеди: аще же приидет к вам, приимите его: 11 И иисус нареченный иуст, сущии от обрезания: сии едини споспешницы во Царство Божие, иже быша ми утешение. 12 Целует вы епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всякой воли Божией. 13 Свидетельствую бо о нем, яко имать ревность многу, и болезнь о вас, и о сущих в лаодикии, и во иераполи. Чти луке: 14 Целует вы лука врачь возлюбленный, и димас. Преступи луке. 15 Целуйте братию сущую в лаодикии, и нимфана, и домашнюю его Церковь. 16 И егда прочтется послание сие от вас, сотворите, да и в лаодикийстей Церкви (л. 169) прочтено будет, и написанное от лаодикии, да и вы прочтете. 17 И рцыте архиппу: блюди служение, еже приял еси о Господе, да довершиши е. Чти луке: 18 Целование моею рукою павлею. поминайте моя узы. Благодать со всеми вами. аминь. Конец пятку, и луке. Конец послания, еже к колоссаем: написано бысть от рима, тихиком и онисимом: имать в себе главы, 4: зачал Церковных, 13: стихов, 95: знаменаний черных, 3: без червленых.