<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 157 об.) Знаменания к филипписием послания. [1] О добродетели филипписиев, и молитва о совершении. [2] Поведание подвижнаго его учения и усердия. [3] Учение о еже по Бозе единомыслии, и Божественней жизни. [4] О тимофеи и епафродите, ихже посла к ним. [5] О Духовнем жительстве, еже есть подражательство смерти Христовы. [6] Поучения особная неким, и всем обща. [7] Бл~годарение в посланнем ему требовании. (л. 158) Сказание к филипписием послания святаго апостола павла. Сие посылает от рима, видев их, вкупе же и научив, вина же послания сия: Пославшим филипписием служение павлу, и и неким обходящим и растлевающим слухи незлобивейших, виною сени законныя и обрезания, и глаголющих, кроме сих не мощи оправдатися. Уведев апостол, пишет к филипписием: и первее убо хвалит их веру, и сказует себе поминати их. Таже поведует, яко ят бысть в риме, и отвеща, и яко нецыи тяжцы ему быша во узах, зависть нань движуще. Потом повелевает им другдруга любити, сказуя Спасово человеколюбие, яко Бог сый, человек бысть нас ради. Таже о обрезании, и о ветхом законе сказав, являет праздно бывше прочее обрезание, своею притчею извествуя их, и глаголя: яко сия вся вмених тщету за Христа. Темже и учащих еще о обрезании, и хотящих прельстити их укорив, и рек враги Христовы быти я: Благодарит филипписиев, о еже к нему даянии общения. И научив паки их во обычаех, скончавает послание. (л. 158 об.) К ФИЛИППИСИЕМ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 235) с\х 1 Павел*{В понедельник 19-я недели: Павел*} и тимофей, раби Иисус Христовы, всем святым о Христе Иисусе, сущим в филиппех, с епискпы и диаконы: 2 Благодать вам и мир от Бога отца нашего, и Господа Иисуса Христа. [1] 3 Благодарю Бога моего о всей памяти вашей, 4 Всегда во всякой молитве моей за всех вас, с радостию молитву мою творя. 5 О общении вашем в благовествование, от перваго дне даже и до ныне: 6 Надеявся на сие истое, яко начный дело благо в вас, совершит е, даже до дне Иисус Христова. 7 Якоже есть праведно мне сие мудрствовати о всех вас, за еже имети ми в сердце вас, во узах моих, и во ответе, и извещении благовестия, сообщники ми благодати всех вас сущих. Конец понедельнику. (л. 159) (за\ч 236) 8 Свидетель бо ми*{Вторник 19-я недели: Братие, свидетель ми*} есть Бог, яко люблю всех вас, @по милости Иисус Христове@{@утробою Иисус Христовою@}. 9 И о сем молюся, да любовь ваша еще паче и паче избыточествует в разуме, и во всяком чувствии. 10 Во еже искушати вам лучшая, да будете чисти, и непреткновенни в день Христов, 11 Исполнени плодов правды Иисус Христом, в славу и похвалу Божию. (за\ч 237) [2] 12 Разумети же хощу вам братие,**{В среду 19-я недели: Братие, разумети вам хощу**} яко яже о мне, паче во успех Благовествования приидоша. 13 Яко узам моим явленным о Христе бывшим во всем судищи, и в прочиих всех. 14 И множайшим братиям о Господе, надеявшимся о узах моих, паче дерзати без страха слово Божие глаголати. Конец вторнику. 15 Нецыи убо по зависти и ревности, друзии же и за благоволение, Христа проповедают. 16 Ови убо от рвения Христа возвещают нечисте, мняще печаль нанести узам моим: 17 Ови же от любве, ведяще яко *во ответе благовествования лежу*{*во ответ благовествования учинен есмь*}. 18 Что убо? обаче всяцем образом, аще **виною**{**лицемерием**}, аще истиною, Христос проповедаемь есть: и о сем радуюся, но и возрадуюся. 19 Вем бо, яко сие сбудется ми во спасение вашею молитвою, и подаянием Духа Иисус Христова, 20 По чаянию и упованию моему. Конец среде. (л. 159 об.) (за\ч 238) Яко ни о едином же*{В четверток 19-я недели: Братие, ни о едином*} постыжуся, но во всяком дерзновении, якоже всегда, и ныне возвеличится Христос в теле моем, аще животом, аще ли смертию. 21 Мне бо еже жити Христос: и еже умрети, приобретение есть. 22 Аще ли еже жити ми телом, сие ми плод дела, и что изволю, не вем. 23 Обдержимь же есмь от обою, желание имый разрешитися, и со Христом быти, много паче лучше: 24 А еже пребывати во плоти, нужднейше есть вас ради. 25 И сие известне вем, яко буду, и спребуду вам всем в ваш успех, и радость веры. 26 Яко да похвала ваша избыточествует о Христе Иисусе во мне, моим пришествием паки к вам. (за\ч 239) 27 Точию достойне**{В пяток 19-я недели: Братие, достойне**} благовествованию Христову жительствуйте, Конец четвертку. [3] да аще пришед и видев вас, аще и не сый у вас, услышу яже о вас, яко истиною стоите во едином Дусе, и единодушне сподвизающеся, по вере благовествования волею, 28 И не колеблющеся ни о едином же от сопротивных: еже тем убо есть явление погибели, вам же спасения, и сие от Бога. 29 Яко вам даровася еже о Христе, не (л. 160) токмо еже в него веровати, но и еже по нем страдати: 30 Тойже подвиг имуще, яков же во мне видесте, и ныне слышите о мне. Глава вторая. с\х 1 Аще убо кое утешение о Христе, или аще кая утеха любве, аще кое общение Духа, аще кое милосердие и щедроты: 2 Исполните мою радость да тожде мудрствуете, туже любовь имуще, единодушни, единомудренни: 3 Ничтоже по рвению, или тщеславию, но смиреномудрием другдруга честию больша себе творяще. 4 Не своих си кийждо, но и дружних кийждо смотряйте. Конец пятку. (за\ч 240) 5 Сие бо*{Богородице: Братие, сие*} да мудрствуется в вас, еже и во Христе Иисусе, 6 Иже во образе Божии сый, не восхищением непщева быти равен Богу. 7 Но себе @умалил@{@истощил @}, зрак раба приим, в подобии человечестем быв и образом обретеся якоже человек. 8 Смирил себе, послушлив быв даже до смерти, смерти же Крестныя. 9 Темже и Бог его превознесе, и дарова ему имя, еже паче всякаго имене: 10 Да о имени Иисусове всяко колено поклонится, Небесных, и земных, и преисподних: 11 И всяк язык исповесть яко Господь Иисус Христос, в славу Бога отца. Конец празднику Богородицы. (л. 160 об.) (за\ч 241) 12 Темже возлюбленнии мои, якоже*{В понедельник 20-я недели: Братие, якоже*} всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте. (су\б) Бог бо есть действуяй в вас, и еже хотети и еже деяти о благоволении. 14 Вся творите без роптания и размышления, 15 Да будете непорочни и цели, и чада Божия непорочна, посреде рода строптива и развращена: в нихже являетеся якоже светила в мире, 16 Слово животно предержаще, в похвалу мне в день Христов. Конец понедельнику. (за\ч 242) [4] Яко не вотще**{Во вторник 20-я недели: Братие, не вотще**} текох, ни вотще трудихся. 17 Но аще и жрен бываю, о жертве и службе веры вашея радуюся, и срадуюся всем вам: 18 Такожде и вы радуйтеся, и срадуйте ми ся. 19 Уповаю же о Господе Иисусе, тимофеа вскоре послати к вам, да и аз благодушствую, уведев яже о вас: 20 Ни единаго бо имам равнодушна, иже приснее о вас попечется: 21 Вси бо своих си ищут, а не яже Христа Иисуса. 22 Искусство же его знаете, зане, якоже отцу чадо, со мною поработал в благовестии. 23 Сего же убо уповаю послати абие, по внегда увем яже о мне. Конец вторнику. (л. 161) (за\ч 243) 24 Надеюся же о Господе,*{В среду 20-я недели: Братие, надеюся о Господе*} яко и сам скоро прииду к вам. 30 Потребнее же возмнех, епафродита брата, и споспешника и своинника моего, вашего же посланника, и служителя потребе моей, послати к вам. 26 Понеже желанием желаше видети всех вас: и тужаше, зане слышасте, яко боле. 27 Ибо боле близ смерти: но Бог помилова его, не его же токмо, но и мене, да не скорбь на скорбь прииму. 28 Скорее убо послах его, да видевше его паки, возрадуетеся, и аз безпечален пребуду. 29 Приимите убо его о Господе со всякою радостию, и таковыя честны имейте: 30 Зане за дело Христово даже до смерти приближися: @понудив себе вседушно@{@презрев душу свою@}, да исполнит ваше лишение, еже к моей службе. Конец среде. Глава третия. (за\ч 244) [5] с\х 1 Прочее же братия моя, радуйтеся о Господе:**{В четверток 20-я недели: Братие, радуйтеся о Господе**} таяжде бо писати вам мне убо неленостно, вам же твердо. 2 Блюдитеся от псов, блюдитеся от злых делателей, блюдитеся от сечения неверных. 3 Мы бо есмы обрезание, иже Духом Богу служим, и хвалимся о Христе Иисусе, а не в плоти надеемся. 4 Ибо и аз имею надеяние во плоти: (л. 161 об.) аще кто ин мнит надеятися во плоти, аз паче. 5 Обрезан осмодневно, от рода Израилева, колена вениаминова, евреин от еврей: по закону фарисей, 6 По ревности гоних Церковь Божию, по правде законней быв непорочен. 7 Но яже ми бяху приобретения, сия вмених Христа ради тщету. 8 Но убо вменяю вся тщету быти, за превосходящее разума Христа Иисуса Господа моего. (за\ч 245) Егоже ради всех*{В пяток 20-я недели: Братие, всех*} оттщетихся, и вменяю вся уметы быти, да Христа приобрящу. Конец четвертку. 9 И обрящуся в нем, не имый моея правды, яже от закона, но яже верою Иисус Христовою, сущею от Бога правду в вере, 10 @Яко@{@еже@} разумети его, и силу воскресения его, и сообщение страстей его, сообразуяся смерти его, 11 Аще како достигну в воскресение мертвых. 12 Не зане уже достигох, или уже совершихся: гоню же, аще и постигну, о немже и постижен бых от Христа Иисуса. 13 Братие, аз себе не у помышляю достигша: едино же, задняя убо забывая, в предняя же простираяся, 14 *Со усердием гоню*{*к намеренному теку*}, к почести вышняго звания Божия о Христе Иисусе. 15 Елицы убо совершенни, сие да мудрствуим: и еже аще ино что мыслите, и сие Бог вам открыет, 16 Обаче в неже достигохом (л. 162) тоже мудрствовати, и темже правилом жительствовати. 17 Подобни ми бывайте братие, и смотряйте тако ходящия, якоже имате образ нас. 18 Мнози бо ходят, ихже многажды глаголах вам, ныне же и плачя глаголю, враги Креста Христова: 19 Имже кончина, погибель: имже бог, чрево, и слава в студе их: иже земная мудрствуют. Конец пятку. (за\ч 246) 20 Наше бо житие*{Священномучеником: Братие, наше житие*} на Небесех есть, отонудуже и Спасителя ждем, Господа нашего Иисуса Христа: 21 Иже преобразит тело смирения нашего, яко быти сему сообразну телу славы его, по действу еже возмогати ему, и покорити себе всяческая. Глава четвертая. [6] с\х 1 Темже братие моя возлюбленная и вожделенная, радосте и венче мой, тако стойте о Господе возлюбленнии. 2 Еводию молю, и синтихию молю, тожде мудрствовати о Господе. 3 Ей, молю и тебе супружниче присный, споспешствуй им, яже во благовествовании сподвизашася со мною, и с климентом, и с прочими споспешники моими, ихже имена в книгах животных. Конец священномучеником. (л. 162 об.) (за\ч 247) 4 Радуйтеся*{Неделя цветная: Братие, радуйтеся*} всегда о Господе: и паки реку, радуйтеся. 5 Кротость ваша разумна да будет всем человеком. Господь близ. 6 Ни о чемже пецытеся, но во всем молитвою и молением со Благодарением, прошения ваша да сказуются к Богу. 7 И мир Божий превосходяй всяк ум, да соблюдет сердца ваша и разумения ваша, о Христе Иисусе. 8 Прочее же братие моя, елика суть истинна, елика честна, елика праведна, елика пречиста, елика прелюбезна, елика доброхвальна, аще кая добродетель, и аще кая похвала, сия помышляйте. 9 Имже и научистеся, и приясте, и слышасте, и видесте во мне, сия творите, и Бог мира будет с вами. Конец недели цветной. (за\ч 248) [7] 10 Возрадовахся же**{В понедельник 21 недели: Братие, возрадовахся**} о Господе вельми, яко уже когда воспомянусте пещися о мне: понеже и печастеся, но @не погодным@{@не удобным@} временем обдержастеся. 11 Не яко по скудости глаголю: аз бо навыкох, в нихже есмь, доволен быти. 12 Вем и смиритися, вем и избыточествовати: во всем и во всех навыкох, и насыщатися, и алкати, и избыточествовати, и лишатися. 13 Вся могу о укрепляющем мя Иисусе Христе. 14 Обаче добре (л. 163) сотвористе сприобщившеся печали моей. 15 Весте же и вы филипписиане, яко в начале благовествования, егда изыдох от македонии, ни едина ми Церковь общевася в слово даяния и приятия, точию вы едини. 16 Яко и в солунь, и единою и дващи в требование мое посласте ми. 17 Не яко ищу даяния, но ищу плода множащагося @в слово ваше@{@в пользу вашу@}. 18 Приях же вся, и избыточествую: исполнихся, прием от епафродита посланная от вас, воню Благоухания, жертву приятну, Благоугодну Богу. 19 Бог же мой да исполнит всякое требование ваше, по богатству своему, в славе о Христе Господе. 20 Богу же и отцу нашему слава во веки веков, аминь. 21 Целуйте всякаго свята о Христе Иисусе: целуют вы сущая со мною братия. 22 Целуют вы святии вси, паче же иже от кесарева дому. 23 Благодать Господа нашего Иисуса Христа со всеми вами. аминь. Конец понедельнику. Конец послания, еже к филипписием: написася от рима епафродитом: имать в себе главы 4: зачал Церковных 14: стихов 104: знаменаний черных 7: без червленых.