<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 149 об.) Знаменания ко ефесеем послания. [1] О избрании нашем Христом, и наказании, и совершении. [2] Молитва о разуме Благих, введеных в нас Христом. [3] О присвоении к Богу язык и иудей Христом. [4] О данней ему Божественней премудрости на просвещение язык, и обличение бесов. [5] Молитва о Церкви, в силу и любовь Божию. [6] Учение о любви соединительней, аще и дарования разделена суть ко общей пользе. [7] О целомудрии и правде, творящих нас Боговидны. [8] О еже жити нам достойно святыни, злобу обличающе не словесы, но Духом, исполнены _псалмы, а не вином. [9] Разчинение домашних служений, начальствуемым, и начальствующим. [10] Учение во образе ополчения, о еже по Христе силе. (л. 150) Сказание ко ефесеем послания святаго апостола павла. Сие посылает от рима, не у видев убо их, слышав же о них. Вина же послания сия есть: ефесяне веровавше в Господа нашего Иисуса Христа, искреннюю имеяху в него веру и во вся святыя любовь, и хотяху от павла утвердитися: уведев убо сие апостол, пишет к ним сие послание учительно. И первее убо сказует не нову быти, еже по нас таинству, но из начала, и прежде сложения мира, бывше сие благоволение Божие, яко Христу о нас страдати, и нам тем спастися. Таже о призвании язык беседует, да покажет их достойно веровавших: и являет, яко призвание наше бысть не человеком, но Иисус Христом, иже есть Сын Божий. Да и от того навыкнут, яко не человекослужителе быша веровавше во Христа, но истиннии Богочестивии. Сказует же и себе сего ради послана бывша, да проповедует евангелие: и яко и о них печашеся. Потом учительна словеса, мужем и женам, отцем и чадом, господем и рабом, полагает в послании: вкупе всех ополчевает на диавола, и бесов его, глаголя противу их быти нашей брани: и яко некий добр подвижник, вооружил всех словесы на бесовское злохитрие. И сице скончавает послание. (л. 150 об.) КО ЕФЕСЕЕМ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 216) [1] с\х 1 Павел посланник*{В четверток 16 недели: Павел посланник*} Иисус Христов, волею Божиею, святым сущим во ефесе, и верным о Христе Иисусе: 2 Благодать вам и мир, от Бога отца нашего, и Господа Иисуса Христа. 3 Благословен Бог и отец Господа нашего Иисуса Христа, благословивый нас всяцем Благословением Духовным, в Небесных о Христе. 4 Якоже избра нас в нем прежде сложения мира, быти нам святым и непорочным пред ним в любви. 5 Прежде нарек нас во усынение Иисус Христом в него, по благоволению хотения его, 6 В похвалу славы Благодати его, в нейже облагодати нас о возлюбленнем. 7 О немже (за\ч 217) Имамы избавление кровию его,**{В пяток 16-я недели: Братие, имамы избавление кровию Христовою,**} и оставление прегрешений, по богатству Благодати его: 8 Юже (л. 151) преумножил есть в нас, во всякой премудрости и разуме, 9 Сказав нам тайну воли своея, по Благоволению его, Конец четвертку. еже прежде положи в нем: 10 В смотрение исполнения времен, возглавити всяческая о Христе, яже на Небесех, и яже на земли в нем, 11 В немже и наследницы быхом, прежде наречени бывше, по прозрению Божию, вся действующаго по совету воли своея: 12 Яко быти нам в похваление славы его, прежде уповавшим во Христа. 13 В немже и вы слышавше слово истины, Благовествование спасения нашего, в немже и веровавше знаменастеся Духом обетования святым: 14 Иже есть обручение наследия нашего, во избавление снабдения, в похвалу славы его. [2] 15 Сего ради и аз слышав вашу веру о Христе Иисусе, и любовь яже ко всем святым: (за\ч 218) 16 Не престаю благодаря*{В субботу 28-ю: Братие, не престаю благодаря*} о вас, поминание о вас творя, в молитвах моих: 17 Да Бог Господа нашего Иисуса Христа, отец славы, даст вам Духа премудрости и откровения, Конец пятку. в познание его: 18 Просвещенна очеса сердца вашего, яко уведети вам, кое есть упование звания его: и кое богатство славы достояния его во святых: 19 И кое преспеющее величество силы его в (л. 151 об.) нас, верующих по действу державы крепости его, 20 Юже содея о Христе, воскресив его от мертвых, и посаждь одесную себе на Небесных, 21 Превыше всякаго начальства, и власти, и силы, и Господьства, и всякаго имене именуемаго, не точию в веце сем, но и во грядущем. (за\ч 219) 22 И вся*{В понедельник 17-я недели: Братие, Бог и отец Господа нашего Иисуса Христа, вся*} покори под нозе его: и того даде главу выше всех Церкви, 23 Яже есть тело его, исполнение исполняющаго всяческая во всех. Конец субботе. Глава вторая. [3] с\х 1 И вас сущих прегрешеньми мертвых, и грехи вашими, 2 В нихже иногда ходисте, по веку мира сего, по князю власти воздушныя: духа иже ныне действует в сынех противления. 3 В нихже и мы вси жихом иногда, в похотех плоти нашея, творяще волю плоти и помышлений: и бехом естеством чада гнева, якоже и прочии. Конец понедельнику. (за\ч 220) 4 Бг~ же, богат сый**{Неделя 23: Братие, Бог богат сый**} в милости, за премногую любовь свою, еюже возлюби нас: 5 И сущих нас мертвых прегрешеньми, сооживи Христом: [Благодатию есте спасени:] 6 И с ним воскреси, и спосади (л. 152) на Небесных во Христе Иисусе: 7 Да явит в вецех грядущих презельное богатство Благодати своея, Благостынею на нас о Христе Иисусе. 8 Благодатию бо есте спасени чрез веру: [и сие не от вас, Божий дар:] 9 Не от дел, да никтоже похвалится. 10 Того бо есмы творение, создани о Христе Иисусе на дела благая, яже прежде уготова Бог, да в них ходим. Конец недели. (за\ч) 11 Темже поминайте,*{В субботу 29: Братие, поминайте,*} яко вы, иже иногда языцы во плоти, глаголемии необрезание, от рекомаго обрезания во плоти рукотвореннаго: 12 Яко бесте во время оно без Христа, отчуждени жития Израилева, и чужди от завет обетования, упования не имуще, и безбожни в мире. 13 Ныне же о Христе Иисусе, вы бывшии иногда далече, близ бысте кровию Христовою. Конец субботе. (за\ч 221) 14 Той бо есть**{Неделя 24: Братие, Христос есть**} мир наш, сотворивый обоя едино, и средостение ограды разоривый, вражду плотию своею, 15 Закон заповедей ученьми упразднив, да оба созиждет собою во единаго новаго человека, творя мир: 16 И примирит обоих во едином теле Богови Крестом, убив вражду на нем. 17 И пришед, Благовести мир вам, дальним (л. 152 об.) и ближним: 18 Зане тем имамы приведение обои во едином Дусе ко отцу. (за\ч 222) 19 Темже убо ктому*{Во вторник 17-я недели: Братие, ктому*} несте странни и пришельцы, но сожителе святым, и приснии Богу: 20 Наздани бывше на основании апостол и пророк, сущу краеугольну самому Иисусу Христу, (че\к) 21 О немже всяко создание составляемо растет в Церковь святую о Господе: 22 О немже и вы созидаетеся в жилище Божие Духом. Конец недели. Глава третия. [4] с\х 1 Сего ради аз павел, юзник Иисус Христов, о вас языцех похвалюся: 2 @Аще убо@{@понеже@} слышасте смотрение Благодати Божия данныя мне в вас, 3 Яко по откровению сказа ми ся тайна, якоже преднаписах вмале. 4 *О немже*{*по елику*} можете чтуще разумети разум мой в тайне Христове: 5 Яже во инех родех не сказася сыном человеческим, якоже ныне открыся святым его ап\столом и пророком Духом святым: 6 Яко быти языком снаследником, и стелесником, и спричастником обетования его о Христе Иисусе, благовествованием: 7 Емуже бых служитель по дару Благодати Божия, данныя мне по действу силы его. Конец вторнику. (л. 153) (за\ч 223) 8 Мне*{В среду 17-я недели: Братие, мне*} меньшему всех святых дана бысть Благодать сия, во языцех благовестити неизследованное богатство Христово, 9 И просветити всех: что есть смотрение тайны сокровенныя от веков в Бозе, создавшем всяческая Иисус Христом. 10 Да скажется ныне началом и властем на Небесных церковию, многоразличная премудрость Божия, 11 По предложению век, яже сотвори о Христе Иисусе Господе нашем: 12 О немже имамы дерзновение, и приведение в надеянии, верою его. 13 Темже молю вы, не стужати си в скорбех моих яже о вас, яже есть слава ваша. [5] 14 Сего ради преклоняю колена моя ко отцу Господа нашего Иисуса Христа, 15 Из негоже всяко отечество на небесех и на земли именуется: 16 Да даст вам по богатству славы своея, силою утвердитися Духом его, во внутреннем человеце, 17 Вселитися Христу верою в сердца ваша, в любви вкоренени и основани: 18 Да возможете разумети со всеми святыми, что широта, и долгота, и глубина, и высота: 19 Разумети же преспеющую разум любовь Христову, да исполнитеся во всяко исполнение Божие. 20 Могущему же паче вся творити по преизбыточествию, ихже просим, или разумеем, по силе действуемей в нас: 21 Тому слава в церкви о Христе Иисусе, во вся роды века веков, аминь. Конец среде. (л. 154 об.) Глава четвертая. (за\ч 224) [6] с\х 1 Молю убо вы аз*{Неделя 25: Братие, молю вы аз*} юзник о Господе, достойно ходити звания, в неже звани бысте, 2 Со всяким смиреномудрием и кротостию, с долготерпением, терпяще другдруга любовию: 3 Тщащеся блюсти единение духа, в союзе мира. 4 Едино тело, един дух, якоже и звани бысте во едином уповании звания вашего. 5 Един Господь, едина вера, едино крещение: 6 Един Бог и отец всех, иже над всеми, и чрез всех, и во всех нас. Конец недели. (за\ч) 7 Единому же**{Неделя по просвещении: Братие, единому** Сие же и иерархом.} комуждо нас дадеся благодать по мере дарования Христова. 8 Темже глаголет: возшед на высоту, пленил еси плен, и даде даяния человеком. 9 А еже, взыде, что есть, аще не точию, яко и сниде прежде в дольнейшия страны земли? 10 Сшедый, той есть и возшедый превыше всех небес, да исполнит всяческая. 11 И той дал есть, овы убо апостолы, овы же пророки, овы же благовестники, овы же пастыри и учители, 12 К совершению святых, в дело служения, в созидание тела Христова: 13 Дондеже достигнем вси во единение веры, и познания Сына (л. 154) Божия, в мужа совершенна, в меру возраста исполнения Христова. Конец недели по просвещении, и иерархом. (за\ч 225) 14 Да не бываем*{В четверток 17 недели: Братие, да не бываем*} ктому младенцы, влающеся и скитающеся всяким ветром учения, во лжи человечестей, в коварстве козней льщения. 15 Истинствующе же в любви, да возрастим в него всяческая, иже есть глава Христос: 16 Из негоже все тело составляемо и счиневаемо приличне, всяцем осязанием подаяния по действу в мере единыя коеяждо части, возращение тела творит, в создание самаго себе любовию. (за\ч 226) [7] 17 Сие убо глаголю,**{В пяток 17 недели: Братие, сие глаголю,**} и послушествую о Господе, ктому не ходити вам, якоже и прочии языцы ходят, в суете ума их, 18 Помрачени смыслом, суще отчуждени от жизни Божия, за невежество сущее в них, за окаменение сердец их: 19 Иже в нечаяние вложшеся, предаша себе студодеянию, в делание всякия нечистоты в лихоимании. Конец четвертку. 20 Вы же не тако познасте Христа. 21 ~@Аще убо@{@понеже@} слышасте его и о нем научистеся, якоже есть истина о Иисусе: 22 Отложити вам по первому житию (л. 154 об.) ветхаго человека, тлеющаго в похотех прелестных: 23 Обновлятися же духом ума вашего: 24 И облещися в новаго человека, созданнаго по Богу в правде, и в преподобии истины. (за\ч 227) 25 Темже отложше лжу,*{В понедельник 18 недели: Братие, отложше лжу*} глаголите истину кийждо ко искреннему своему: Конец пятку. зане есмы другдругу удове. 26 Гневайтеся, и не согрешайте: солнце да не зайдет в гневе вашем: 27 Ниже дадите места диаволу. 28 Крадый, ктому да не крадет: но паче да труждается делая своима рукама благое, да имать подаяти требующему. 29 Всяко слово гнило да не исходит из уст ваших: но точию еже есть благо, к созданию веры, да даст благодать слышащим. 30 И не оскорбляйте Духа святаго Божия, о немже знаменастеся в день избавления. 31 Всяка горесть, и гнев, и ярость, и кличь, и хула, да возмется от вас со всякою злобою. 32 Бывайте же друг ко другу блази, милосерди, прощающе другдругу, якоже и Бог во Христе простил есть вам. Конец понедельнику. Глава пятая. (за\ч 228) с\х 1 Бывайте убо**{В субботу 30: Братие, бывайте**} подражатели Богу, якоже чада возлюбленная: 2 И ходите в любви якоже и Христос возлюбил есть нас, и предаде (л. 155) себе за ны приношение и жертву Богу, в воню благоухания. [8] 3 Блуд же, и всяка нечистота, и лихоимство, ниже да именуется в вас, якоже подобает святым: 4 И сквернословие, и буесловие, и кощуны, и яже неподобная, но паче Благодарение. 5 Сие бо да есте ведуще, яко всяк блудник, или нечист, или лихоимец, иже есть идолослужитель, не имать достояния в Царствии Христа и Бога. 6 Никтоже вас да льстит суетными словесы: сих бо ради грядет гнев Божий на сыны непокоривыя. 7 Не бывайте убо сопричастницы сим. 8 Бесте бо иногда тма, ныне же свет о Господе. Конец субботе. (за\ч 229) 9 Якоже чада*{Неделя 26: Братие, яко чада* Сие же и в понедельник святаго Духа.} света ходите: [Плод бо Духовный есть во всякой Благостыни и правде и истине:] 10 Искушающе, что есть благоугодно Богови. 11 И не приобщайтеся к делом неплодным тмы, паче же и обличайте. 12 Бываемая бо отай от них, срамно есть и глаголати. 13 Вся же обличаемая, от света являются: все бо являемое свет есть. 14 Сего ради глаголет: востани спяй, и воскресни от мертвых, и осветит тя Христос. 15 Блюдите убо, како опасно ходите, не якоже немудри, но якоже премудри: 16 Искупующе время, яко дние лукави суть. 17 Сего ради не бывайте несмысленни, но разумевающе, что есть воля Божия. 18 И не упивайтеся (л. 155 об.) вином, в немже есть блуд: но паче исполняйтеся Духом, 19 Глаголюще себе во _псалмех и пениих, и песнех Духовных, воспевающе и поюще в сердцах ваших Господеви. Конец недели, и понедельнику 50-му. (за\ч 230) [9] 20 Бл~годаряще*{Во вторник 18-я недели: Братие, Благодаряще*} всегда о всех, о имени Господа нашего Иисуса Христа, Богу и отцу: 21 Повинующеся другдругу в страсе Божии. 22 Жены, своим мужем повинуйтеся, якоже Господу: 23 Зане муж глава есть жены, якоже и Христос глава Церкве, и той есть Спаситель тела. 24 Но якоже Церковь повинуется Христу, такожде и жены своим мужем во всем. (за\ч 231) 25 Мужие, любите**{В среду 18-я недели: Братие, любите**} своя жены, якоже и Христос возлюби Церковь, и себе предаде за ню: 26 Да освятит ю, очистив банею водною в глаголе. Конец вторнику. 27 Да представит ю себе славну Церковь, не имущу скверны, или порока, или нечто от таковых: но да есть свята и непорочна. 28 Тако должни суть мужие любити своя жены, яко своя телеса: любяй бо свою жену, себе самаго любит. 29 Никтоже бо когда свою плоть возненавиде: но питает, и греет ю, якоже и Господь Церковь. 30 Зане уди есмы тела его, от плоти его, и от костей его. 31 Сего ради (л. 156) оставит человек отца своего и матерь, и прилепится к жене своей, и будета два в плоть едину. 32 Тайна сия велика есть: аз же глаголю во Христа, и во Церковь. (за\ч 232) 33 Обаче и вы, по единому кийждо*{В четверток 18-я недели: Братие, по единому кийждо вас*} свою жену сице да любит, якоже и себе: Конец среде. а жена да боится своего мужа. Глава шестая. (пя\к) с\х 1 Чада, послушайте своих родителей о Господе: сие бо есть праведно. 2 Чти отца твоего и матерь, [яже есть заповедь первая во обетовании:] 3 Да Благо ти будет, и будеши долголетен на земли. 4 И отцы, не раздражайте чад своих, но воспитовайте их в наказании и учении Господни. 5 Раби, послушайте господий своих по плоти, со страхом и трепетом, в простоте сердца вашего, якоже и Христа: 6 Не пред очима точию работающе, яко человекоугодницы, но якоже раби Христовы, творяще волю Божию от души, 7 Со Благоразумием служаще якоже Господу, а не яко человеком: 8 Ведяще, яко кождо, еже аще сотворит Благое, сие приимет от Господа, аще раб, аще свободь. 9 И господие таяжде творите к ним, (л. 156 об.) послабляюще им прещения: ведуще, яко и вам самем и тем Господь есть на Небесех, и обиновения лица несть у него. Конец четвертку. (за\ч 233) [10] 10 Прочее же братие моя, возмогайте во Господе,*{Неделя 27: Братие, возмогайте о Господе,* Сие же и в субботу по просвещении.} и в державе крепости его: 11 Облецытеся во вся оружия Божия, яко возмощи вам стати противу кознем диавольским. 12 Яко несть наша брань @к@{@противу@} крови и плоти: но к началом и ко властем, и к миродержителем тмы века сего, к духовом злобы поднебесным. 13 Сего ради приимите вся оружия Божия, да возможете противитися в день лют, и вся содеявше стати. 14 Станите убо препоясани чресла ваша истиною, и оболкшеся в броня правды, 15 И обувше нозе во уготование Благовествования мира: 17 Над всеми же восприимше щит веры: в немже возможете вся стрелы лукаваго разжженныя угасити. И шлем спасения восприимите, и мечь Духовный, иже есть глагол Божий. Конец недели. (за\ч 234) 18 Всякою**{В пяток 18-я недели: Братие, всякою**} молитвою и молением, молящеся на всякое время Духом: и в сие истое бдяще во всяком терпении и молитве, о всех святых, 19 И о мне, да дастся ми слово во отверзение уст (л. 157) моих, с дерзновением сказати тайну благовествования: 20 О немже посольствую во узах, да в нем дерзаю, якоже подобает ми глаголати. 21 Да увесте же и вы яже о мне, что делаю: вся скажет вам тихик возлюбленный брат, и верен служитель о Господе: 22 Егоже послах к вам на сие истое, да увесте яже о нас, и да утешит сердца ваша. 23 Мир братии, и любовь с верою, от Бога отца и Господа Иисуса Христа. 24 Благодать со всеми любящими Господа нашего Иисуса Христа в неистлении. аминь. Конец пятку. Конец послания еже ко ефесеем: написано бысть от рима тихиком: имать в себе глав, 6: зачал Церковных, 20: стихов 155: знаменаний черных, 10: без червленых.