<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 140 об.) Знаменания к галатом послания. [1] По предписанию повесть, о своем преложении от жидовства по явлению. [2] О свидетельстве апостолов, и о житии верне. [3] О еже к кифе противоречии. [4] Яко верою оСвящение, а не законом. [5] Яко и авраам от веры оправдася, во образ нам. [6] Яко закон не оправдает, но обличает, и клятву возлагает, юже разрешает Христос. [7] Яко не от закона, но от обетования Благая. [8] Яко под судом быша иже в законе. [9] Яко свободною женою авраамлею, и искренним детищем пред_образившимся, не подобает нам порабощеным быти закону. [10] Яко звание наше не подлежит обрезанию и закону, за Христову страсть. [11] Подписание свободы, яже по Духу святому. [12] Отведение от привлачающих ко обрезанию. и подвижение к новому животу Духовному. (л. 141) Сказание к галатом послания святаго апостола павла. Сие посылает от рима, видев их уже и научив. Вина же послания сия: Научени бывше добре галате от апостола, и веровавше искренно во Христа, по отшествии апостолове прельстишася от неких, яко обрезатися. Сия убо уведав апостол, пишет к ним. И первее убо свидетельствует им, о нейже имеяху вере, и искреннем о Христе изволении: укоряет же, яко несмысленно содеявшим, и преложившимся. Таже повествует о законе и вере, яже по аврааму, и показует от закона же, и жен авраамовых, иносказательне толкуя их, до времене даным бывшим и сени и обрезанию, и испразднитися им прочее Христовым пришествием. И сице изяснив, завещавает прочее им ктому не внимати прельщающим я, но паче держатися веры, яже во Христа, и ведети, яко яже о Христе Благодать, упраждняет еже по плоти обрезание, и сице паки о обычаех научив и наказав, скончавает послание. (л. 141 об.) Ино предведение иоанна златоустаго Иже от иудей веровавшии, вкупе убо о предприятии иудейства хвалящеся, вкупе же и тщеславием пиянствующе, и хотяще сан учительный себе приложити, пришедше в язык галатский учаху их, яко подобает обрезатися, и субботы хранити и новомесячия, и не внимати павлу отемлющу их. Иже бо о петре, и иакове, и иоанне, не возбраняет, первии апостолом суще, и со Христом бывше, и воистинну не возбраняху: но не узаконяюще сие творяху, но немощи сходяще веровавших иудей. Павел же в языцех проповедуя, не требоваше таковаго схождения. Егда же во иудейстей стране бысть, тогда и той потребова схождения сего. Но прельстящии не глаголюще вины, ихже ради и сей и они схождаху, прельщаху простейших, глаголюще: яко не подобает внимати павлу: сей бо вчера и днесь явися, они же первии, и о петре: и сей убо ученик апостолов бысть, они же Христовы: и сей един, они же мнози, и столпи церкве. и лицемерием еще оклеветаху его, глаголюще, яко той сам отемляй обрезание, является потребовав сих инде: и инако убо вам, инако же иным проповедуя. Елма убо возжжен виде язык весь, и пожар лют возгореся в церкви галатийстей, и создание колеблемо беду приемлюще пасти. ово убо от ярости праведныя, ово же от печали содержимь, ибо и сие явил есть рек: яко убо хотел бы приити к вам ныне, и пременити глас мой, пишет послание сие ко всем сим отвещавая. И абие от предисловия противу оному (л. 142) простирается, имже прокоповающе его учительский сан, глаголаху: яко прочии убо Христовы, сей же апостолов бысть ученик. темже и сице начинает послание: Павел апостол, не от человек, ни человеком, но Иисусом Христом, и Богом и отцем. Сие чести ради яже ко отцу рекл есть, и слабости ради слышателей. Чесо же ради сие нигдеже инде приложил ко иным посылая: и овогда свое имя точию полагает, или двоих, или триех иных имена. Зде же множество цело положил: чесо ли убо ради, клеветаху бо его, яко един сия проповедует, и ново учение вводит в догматех: хотя же отяти сие злое мнение их, и показати, яко многи имать общники учению сему, счинил есть себе братию, сказуя, яко яже пишет, и от разума их пишет. (л. 142 об.) К ГАЛАТОМ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 198) с\х 1 Павел апостол,*{В четверток 14-я недели: Павел апостол*} [ни от человек, ни человеком, но Иисус Христом и Богом отцем, воскресившим его из мертвых:] 2 И иже со мною вся братия, церквам галатийским. (за\ч 199) 3 Бл~годать вам**{В субботу 25: Братие, Благодать вам**} и мир от Бога отца, и Господа нашего Иисуса Христа: 4 Давшаго себе по гресех наших, яко да избавит ны от настоящаго века лукаваго по воли Бога и отца нашего: 5 Емуже слава во веки веков, аминь. 6 Чуждуся, яко тако скоро прелагаетеся, от звавшаго вы Благодатию Христовою, во ино Благовествование: 7 Еже несть ино, точию нецыи суть смущающии вы, и хотящии превратити Благовествование Христово. 8 Но и аще мы, или ангел с Небесе Благовестит вам паче, (л. 143) еже Благовестихом вам, анафема да будет. 9 Якоже предрекохом, и ныне паки глаголю: аще кто вам Благовестит паче еже приясте, анафема да будет. 10 Ныне бо человеки препираю или Бога? или ищу человеком угождати? аще бо бых еще человеком угождал, Христов раб не бых убо был. Преступи четвертку. Конец субботе. (за\ч 200) [1] 11 Сказую же вам братие,*{Неделя 20: Братие, сказую вам* Сие же и неделя по Рождестве Христове} Благовествование Благовещенное от мене, яко несть по человеку. 12 Ни бо аз от человека приях е, ниже научихся: но явлением Иисус Христовым. 13 Слышасте бо мое житие иногда в жидовстве, яко попремногу гоних церковь Божию, и разрушах ю: 14 И преспевах в жидовстве паче многих сверстник моих в роде моем, излиха ревнитель сый отеческих моих преданий. 15 Егда же благоволи Бог, избравый мя от чрева матере моея, и призвавый Благодатию своею, 16 Явити Сына своего во мне, да Благовествую его во языцех: абие не приложихся плоти и крови, 17 Ни взыдох во иерусалим к предним мене апостолом: но идох во аравию, и паки возвратихся в дамаск. 18 Потом же по триех летех взыдох во иерусалим соглядати петра, и пребых у него дний пятьнадесять. (л. 143 об.) 19 Иного же от апостол не видех, токмо иакова брата Господня. Конец недели. Чти четвертку. 20 А яже пишу вам, се пред Богом, яко не лгу. 21 Потом же приидох в страны сирския, и киликийския. 22 Бех же не знаемь лицем церквам иудейским, яже о Христе: 23 Точию же слышаще бяху, яко гоняй нас иногда, ныне благовествует веру, юже иногда разрушаше. 24 И славляху о мне Бога. Глава вторая. [2] с\х 1 Потом же по четыренадесяти летех, паки взыдох во иерусалим с варнавою, поем с собою и тита. 2 Взыдох же по откровению, и возложих им Благовествование, еже проповедую во языцех, наедине же мнимым, да не како вотще теку, или текох. 3 Но ни тит иже со мною, еллин сый, нужден бысть обрезатися: 4 И за прившедшую лжебратию, иже привнидоша соглядати свободы нашея, юже имамы о Христе Иисусе, да нас поработят. 5 Имже ни к часу повинухомся в покорение, да истина Благовестия пребудет в вас. Конец четвертку. (за\ч 201) 6 От мнящихся же*{В пяток 14-я недели: Братие, от мнящихся*} быти что, [якови некогда беша, ничтоже ми разнствует: лица Бог (л. 144) человеча не приемлет.] мне бо мнимии ничтоже привозложиша: 7 Но сопротивное, уразумевше, яко уверено ми бысть Благовестие необрезания, якоже петру обрезания. 8 [Ибо споспешествовавый петру в послание обрезания, поспешествова и мне во языки.] 9 И познавше Благодать данную ми, иаков, и кифа, и иоанн, мнимии столпи быти, десная даша мне и варнаве общения, да мы во языки, они же во обрезание: 10 Точию нищих да помнима, еже и потщахся сие истое сотворити. Конец пятку. (за\ч 202) [3] 11 Егда же прииде*{В понедельник 15-я недели: Братие, егда прииде*} петр во антиохию, в лице ему противу стах, яко зазорен бе. 12 Прежде бо даже не приити неким от иакова, с языки ядяше: егда же приидоша, опряташеся и отлучашеся, бояся сущих от обрезания. 13 И лицемеришася с ним и прочии иудеи, яко и варнаве пристати лицемерству их. 14 Но егда видех, яко не право ходят ко истине Благовествования, рекох петру пред всеми: аще ты иудей сый, язычески а не иудейски живеши, почто языки нудиши иудейски жительствовати? 15 Мы естеством иудеи, а не от язык грешницы. (за\ч 203) 16 Уведевше же,**{Неделя 21: Братие, уведевше** Сие же и по воздвижении неделя.} яко не оправдится человек от дел закона, но токмо верою Иисус Христовою, (л. 144 об.) и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть. Конец понедельнику. 17 Аще ли ищуще оправдитися о Христе, обретохомся и сами грешницы: Христос убо греху ли служитель? да не будет. 18 Аще бо яже разорих, сия паки созидаю, преступника себе представляю. 19 Аз бо законом закону умрох, да Богови жив буду: Христови сраспяхся. (вто\р) 20 Живу же не ктому аз, но живет во мне Христос: а еже ныне живу во плоти, верою живу Сына Божия, возлюбившаго мене, и предавшаго себе по мне. Конец недели. (за\ч 204) 21 Не отметаю*{Во вторник 15-я недели: Братие, не отметаю*} Благодати Божия: аще бо законом правда, убо Христос туне умре. Глава третия. [4] с\х 1 _О несмысленнии галате, кто вы прельстил есть не покоритися истине, имже пред очима Иисус Христос преднаписан бысть, в вас распят? 2 Сие едино хощу уведети от вас, от дел ли закона Духа приясте, или от слуха веры? 3 Тако ли несмысленни есте: наченше Духом, ныне плотию скончаваете? 4 Толика пострадасте туне, аще же и туне. 5 Подаяй убо вам Духа, и (л. 145) действуяй силы в вас, от дел ли закона, или от слуха веры? 6 Якоже авраам верова Богу, и вменися ему в правду. 7 Разумейте убо, яко сущии от веры, сии суть сынове авраамли. Конец вторнику. (за\ч 205) 8 Предувидевше бо*{В субботу 26: и в субботу пред Рождеством Христовым: Братие, предувидевше*} писание, яко от веры оправдает языки Бог, прежде Благовествова аврааму: яко Благословятся о тебе вси языцы. 9 Темже сущии от веры благословятся с верным авраамом. [6] 10 Елицы бо от дел закона суть, под клятвою суть: писано бо есть: проклят всяк, иже не пребудет во всех писанных в книзе законней, яко творити я. 11 А яко в законе никтоже оправдается от Бога, яве, яко праведный от веры жив будет. 12 Закон же несть от веры: но сотворивый та человек жив будет в них. Конец субботе пред Рождеством Христовым. Чти субботе великой, на утрени: (за\ч 206) 13 Хр\стос ны искупил есть от клятвы законныя, быв по нас клятва: писано бо есть: проклят всяк висяй на древе. 14 Да в языцех Благословение авраамле будет о Христе Иисусе, да обетование Духа приимем верою. Конец субботе великой, на утрени. (за\ч 207) 15 Братие, [по человеку глаголю,]**{В среду 15-я недели: Братие, по человеку глаголю**} обаче человеку предутвержденна завета никтоже отметает, или (л. 145 об.) приповелевает. [7] 16 Аврааму же речени быша обеты, и семени его: не глаголет же, и семенем, яко о мнозех, но яко о едином, и семени твоему, иже есть Христос. 17 Сие же глаголю, завета предутвержденна от Бога во Христа, иже по летех четыриста и тридесятих бывый закон не отметает, во еже разорити обетование. 18 Аще бо от закона наследие, не ктому уже от обетования: аврааму же обетованием дарова Бог. 19 Что убо закон? преступления ради приложися, дондеже приидет семя, емуже обетовася, вчинен ангелы рукою ходатая. 20 Ходатай же единаго несть: Бог же един есть. 21 Закон ли убо противу обетованием Божиим? да не будет: аще бо дан бысть закон могий оживити, воистинну от закона бы была правда. 22 Но затвори писание вся под грехом, да обетование от веры Иисус Христовы дастся верующим. Конец среде. (за\ч 208) 23 Прежде же*{В четверток 15 недели: Братие, прежде* Сие же и преподобным женам.} пришествия веры, под законом стрегоми бехом, затворени в хотящую веру открытися. 24 Темже закон пестун нам бысть во Христа, да от веры оправдимся. 25 Пришедши же вере, уже не под пестуном есмы. 26 Вси бо вы сынове Божии есте верою о Христе Иисусе: 27 Елицы бо во Христа Крестистеся, во Христа облекостеся. 28 Несть (л. 146) иудей, ни еллин: несть раб, ни свободь: несть мужеский пол, ни женский: вси бо вы едино есте о Христе Иисусе. 29 Аще ли вы Христовы: убо авраамле семя есте, и по обетованию наследницы. Конец святым женам. Глава четвертая. [8] с\х 1 Глаголю же, в нелико время наследник млад есть, ничимже лучший есть раба, Господь сый всех: 2 Но под повелители и приставники есть, даже до нарока отча. 3 Такоже и мы, егда бехом млади, под стихиами бехом мира порабощени. (за\ч 209) 4 Егда же*{На Рождество Христово: Братие, егда*} прииде кончина лета, посла Бог Сына своего единороднаго, раждаемаго от жены, бываема под законом: 5 Да подзаконныя искупит, да всыновление восприимем. Конец четвертку. 6 Да яко есте Сынове, посла Бог Духа Сына своего в сердца ваша, вопиюща: авва, отче. 7 Темже уже неси раб, но Сын: аще ли же Сын, и наследник Божий Иисус Христом. Конец празднику. (л. 146 об.) (за\ч 210) 8 Но тогда убо не ведуще Бога,*{В пяток 15 недели: Братие, неведуще Бога* Сие же и о болящих.} служисте не по естеству сущим богом: 9 Ныне же познавше Бога, паче же познани бывше от Бога, како возвращаетеся паки на немощныя и худыя стихии, имже @свыше@{вспять} паки служити хощете? 10 Дни смотряете, и месяцы, и времена, и лета. 11 Боюся о вас, еда како всуе трудихся в вас. 12 Будите якоже аз, зане и аз якоже вы: братие, молю вы, ничимже мене обидесте. 13 Весте же, яко за немощь плоти Благовестих вам первее. 14 И искушения моего еже во плоти моей не уничижисте, ни оплевасте, но якоже ангела Божия приясте мя, яко Христа Иисуса. Конец о болящих. 15 Кое убо бяше Блаженство ваше, свидетельствую бо вам, яко аще бы было мощно, очеса ваша извертевше, дали бысте ми. 16 Темже враг вам бых, истину вам глаголя. 17 Ревнуют по вам не добре, но отлучити вас хотят, да им ревнуете. 18 Добро же еже ревновати всегда в добром, и не точию, внегда приходити ми к вам. 19 Чадца моя, имиже паки болезную, дондеже вообразится Христос в вас. 20 Хотех же приити к вам ныне, и изменити глас мой: яко не домышляюся о вас. 21 Глаголите ми, иже под законом хотящии быти, закона ли не слушаете? Конец пятку. (л. 147) 22 Писано бо есть: яко (за\ч) Авраам*{Септемвриа 9, святому иоакиму и анне: Братие, авраам*} два сына име: единаго от рабы, а другаго от свободныя. 23 Но иже от рабы, по плоти родися, а иже от свободныя, по обетованию: 24 Яже еста иносказаема. сия бо еста два завета: един убо от горы синайския, в работу раждаяй, яже есть агарь. 25 Агарь бо, сина гора есть во аравии: прилагается же нынешнему Иерусалиму, работает же с чады своими. 26 А вышний Иерусалим, свободь есть, иже есть мати всем нам. 27 Писано бо есть: возвеселися неплоды не раждающая, расторгни и возопи не болящая, яко многа чада пустыя паче, нежели имущия мужа. (за\ч 211) 28 Мы же братие, по исааку**{В понедельник 16 недели: Братие, мы по исааку**} обетования чада есмы. 29 Но якоже тогда по плоти родивыйся, гоняше Духовнаго: тако и ныне. 30 Но что глаголет писание? изжени рабу и сына ея: не имать бо наследовати сын рабынин, с сыном свободныя. 31 Темже братие, несмы рабынина чада, но свободныя. Конец святым. Глава пятая. с\х 1 Свободою убо, еюже Христос нас свободи, стойте, и не паки под игом работы держитеся. [10] 2 Се аз павел глаголю вам: яко (л. 147 об.) аще обрезаетеся, Христос вас ничтоже пользует. 3 Свидетельствую же паки всякому человеку обрезающемуся, яко должен есть весь закон творити. 4 Упразднистеся от Христа, иже законом оправдаетеся: от благодати отпадосте. 5 Мы бо Духом от веры, упования правды ждем. 6 О Христе бо Иисусе ни обрезание что может, ни необрезание, но вера любовию поспешествуема. 7 Течасте добре, кто вам возбрани не покарятися истине? 8 Препрение не от призвавшаго вы. 9 Мал квас все смешение квасит. 10 Аз надеюся о вас о Господе, яко ничтоже ино разумети будете: смущаяй же вас, понесет грех, иже аще есть. Конец понедельнику. (за\ч 212) 11 Аз же братие, аще*{Во вторник 16 недели: Братие, аще*} обрезание еще проповедую, почто еще гонимь есмь? убо упразднися соблазн Креста. 12 _О дабы отсечени были развращающии вас. [11] 13 Вы бо на свободу звани бысте братие: точию да не свобода ваша в вину плоти, но любовию работайте другдругу. 14 Ибо весь закон во едином словеси исполняется: во еже возлюбиши ближняго твоего якоже себе. 15 Аще же другдруга угрызаете и снедаете, блюдитеся, да не друг от друга истреблени будете. 16 Глаголю же: Духом ходите, и похоти плотския не совершайте: 17 Плоть бо похотствует на духа, дух же на плоть: сия же (л. 148) другдругу противитася, да не яже хощете, сия творите. 18 Аще ли духом водими есте, несте под законом. 19 Явлена же суть дела плотская яже суть: прелюбодеяние, блуд, нечистота, студодеяние, 20 Идолослужение, чародеяния, вражды, рвения, завиды, ярости, разжжения, распри, соблазны, ереси, 21 Зависти, убийства, пиянства, безчинны кличи, и подобная сим: яже предглаголю вам, и предрекох, яко таковая творящии Царствия Божия не наследят. Конец вторнику. (за\ч 213) 22 Плод же*{В субботу 27-ю: Братие, плод* Сие же и преподобным.} Духовный есть: любы, радость, мир, долготерпение, благодать, милосердие, вера, 23 Кротость, воздержание: на таковых несть закона. 24 А иже Христовы суть, плоть распяша со страстьми и похотьми. 25 Аще живем Духом, Духом и да ходим. 26 Не бываим тщеславни, другдруга раздражающе, другдругу завидяще. Глава шестая. с\х 1 Братие, аще и впадет человек в некое прегрешение, вы Духовнии исправляйте таковаго Духом кротости: блюдый себе, да не и ты искушен будеши. (л. 148 об.) (за\ч 214) 2 Другдруга*{В среду 16-я недели: Братие, другдруга*} тяготы носите, и тако исполните закон Христов. Конец субботе, и Преподобным. 3 Аще бо кто мнит себе быти что, ничтоже сый, умом льстит себе. 4 Дело же свое да искушает койждо, и тогда в себе точию хваление да имать, а не во ином. 5 Койждо бо свое бремя понесет. 6 Да общается же учяйся словеси учащему, во всех Благих. 7 Не льститеся, Бог поругаемь не бывает: еже бо аще сеет человек, тожде и пожнет. 8 Яко сеяй в плоть свою, от плоти пожнет истление: а сеяй в Дух, от Духа пожнет живот вечный. 9 Доброе же творяще, да не стужаем си: во время бо свое пожнем не ослабеюще. 10 Темже убо, дондеже время имамы, да делаим Благое ко всем, паче же к присным в вере. Конец среде. (за\ч 215) [12] 11 Видите,**{Неделя 22: Братие, видите**} колицеми книгами писах вам моею рукою. 12 Елицы хотят хвалитися по плоти, сии нудят вы обрезатися, точию да не Крестом Христовым гонятся. 13 Ни бо обрезающиися сами закон хранят: но хотят вам обрезоватися, да в вашей плоти похвалятся. (за\ч) 14 Мне же***{В великий пяток, на 1-м часе: Братие, мне***} да не будет хвалитися, токмо о Кресте Господа нашего Иисуса Христа, имже мне мир (л. 149) распяся, и аз миру. 15 О Христе бо Иисусе, ни обрезание что может, ни необрезание, но нова тварь. 16 И елицы правилом сим жительствуют, мир на них и милость, и на Израили Божии. 17 Прочее, труды да никтоже ми дает: аз бо язвы Господа Иисуса на теле моем ношу. 18 Благодать Господа нашего Иисуса Христа, со Духом вашим братие. аминь. Конец недели, и перваго часа. Конец послания, еже к галатом: написася от рима тихиком: имать в себе глав, 6: зачал Церковных, 19: стихов, 149: знаменаний черных, 12: без червленых.