<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 126 об.) Знаменания к коринфяном втораго послания. [1] Бл~годарение о Божией помощи, на нюже уповати. [2] О любви яже к ним, и о пощадении. [3] О еже им Божественней пользе. [4] О яже по Бозе Божественней службе. [5] О Божественней славе. [6] О телесном неможении. [7] О его Боголюбии. [8] О похвалении коринфян послушания. [9] Подвижение к поданию имений святым. [1] В немже о апостольстве титове. [10] Поведание своих трудов, и сущей на нем Благодати, да не приложатся коринфяне лестцем. [1] В немже противостязание его к ним. [2] О обличении их. [3] Сего ради болезненно, еже от Бога честно, полезно, самопытно. [4] О уготовании к его пришествию. (л. 127) Сказание к коринфяном втораго послания святаго апостола павла. Сие посылает от македонии, вина же посланию сия есть: Приемше коринфяне первое послание, умилишася о гресе приимшаго мачеху свою, и оскорбишася, яко презреша сицевое прегрешение. Такожде прельщахуся от неких творящих изветы, якоже приседети писмени законному, и неполезну мнети яже от Христа Благодать: и паче внимаху в лице хвалящимся. беяху же и о яже ко святым милостыни добре пекущеся. К сим убо пишет, и первее убо хвалит их отринувших беззаконновавшаго. Таже утешив их, и учит раскаявшагося онаго приимати. Учит же и о законе, разделяя писмя, и сказует, яко не подобает приимати точию писмя законное: но в самом писмени скрытый испытовати разум. не точию бо глаголы есть закон, но в глаголемых и ум Духа есть. Таже учит, яко Христу пришедшу, нов закон бысть: и не подобает по ветхому жити, но якоже в новей твари по всему обновлятися, и праздну прочее быти обрезанию. хвалит же их и о служении ко святым, и повелевает им наипаче умножити е. Укоряя же в лице хвалящихся, исчитает вся, елика пострада Христа ради: и видения же сказует, яже виде, и еже в рай и до третияго Небесе восхищение. Таже завещавает не согрешати, и согрешающим клятися. И сице со благодарением скончавает послание. (л. 127 об.) Иное сказание. Все слово есть в послании сем о себе, и о коринфянех, и о лживых апостолех. И от сея вины преходит в яже о Благодати Божией, и о добром жительстве, по добрей совести, и о подвизех Духовных: и о несребролюбии, и о подательней добродетели, и о лукавстве и гордости лживых апостолов. (л. 128) К КОРИНФЯНОМ ВТОРОЕ ПОСЛАНИЕ СВЯТАГО АПОСТОЛА ПАВЛА. Глава первая. (за\ч 167) с\х 1 Павел*{В четверток 10-я недели: Павел*} посланник Иисус Христов, волею Божиею: и тимофей брат, церкви Божией сущей в коринфе, со святыми всеми сущими во всей ахаии: 2 Благодать вам и мир от Бога отца нашего, и Господа Иисуса Христа. (за\ч) [1] 3 Бл~гословен**{Великим мучеником: Братие, Благословен**} Бог, и отец Господа нашего Иисуса Христа, отец щедрот и Бог всякия утехи: 4 Утешаяй нас о всякой скорби нашей, яко возмощи нам утешити сущия во всякой скорби, утешением, имже утешаемся сами от Бога. 5 Зане якоже избыточествуют страдания Христова в нас, тако Христом избыточествует и утешение наше. 6 Аще ли же скорбим, о вашем утешении, и спасении, действующемся в терпении техже страданий, яже и мы страждем: 7 И упование наше (л. 128 об.) известно о вас. аще ли утешаемся, о вашем утешении и спасении: ведяще, зане якоже общницы есте страстем нашим, такожде и утешению. Конец четвертку, и мучеником. (за\ч 168) 8 Не бо хощем вас, братие,*{В субботу 20-ю: Братие, не хощу вас*} не ведети о скорби нашей бывшей нам во асии, яко по премногу и паче силы отяготихомся, яко не надеятися нам и жити. 9 Но сами в себе осуждение смерти имехом, да не надеющеся будем на ся, но на Бога возставляющаго мертвыя: 10 Иже от толикия смерти избавил ны есть, и избавляет: наньже и уповахом, яко и еще избавит. 11 Поспешающим и вам по нас молитвою: да от мног лиц еже в нас дарование, многими благодарится @о вас@{в некоторых @о нас@}. Конец субботе. (за\ч 169) 12 Похваление бо наше**{В пяток 10-я недели: Братие, похваление наше**} сие есть, свидетельство совести нашея, яко в простоте и чистоте Божией, а не в мудрости плоти, но Благодатию Божиею жихом в мире, множае же у вас. 13 Не иная бо пишем вам, но яже чтете, и разумеваете: уповаю же, яко и до конца уразумеете: 14 Якоже и разуместе нас от части, яко похваление вам есмы, якоже и вы нам, в день Господа нашего Иисуса Христа. [2] 15 И сим упованием хотех к вам приити прежде, да вторую Благодать имате: (л. 129) 16 И вами проити в македонию, и паки от македонии приити к вам, и вами проводитися во иудею. 17 Сие же хотя, еда что убо легкотою деях? или яже совещаваю, по плоти совещаваю? да будет у мене еже ей, ей: и еже ни, ни. 18 Верен же Бог, яко слово наше, еже к вам, не бысть ей и ни. 19 Ибо Божий Сын Иисус Христос, иже у вас нами проповеданный, мною и силуаном и тимофеем, не бысть ей и ни: но в нем самом ей бысть. 20 Елика бо обетования Божия, в том ей, и в том аминь, Богу к славе нами. Конец пятку. (за\ч 170) 21 Извествуяй же нас*{Неделя 14: Братие, извествуяй нас*} с вами во Христа, и помазавый нас, Бог: 22 Иже и запечатлевый нас, и давый обручение Духа в сердца наша. 23 Аз же свидетеля Бога призываю на мою душу, яко щадя вас ктому не приидох в коринф: 24 Не яко обладаем вере вашей, но яко споспешницы есмы вашей радости: верою бо стоите. Глава вторая. с\х 1 Судих же в себе сие, не паки скорбию к вам приити. 2 Аще бо аз скорбь творю вам: то кто есть веселяяй мя, точию приемляй скорбь от мене? 3 Ибо писах вам сие истое, да не пришед скорбь на скорбь прииму, о (л. 129 об.) нихже подобаше ми радоватися, надеяся на вся вы: яко (за\ч 171) Моя радость*{В понедельник 11-я недели: Братие, моя радость*} всех вас есть. 4 От печали бо многия и туги сердца написах вам многими слезами, не яко да .оскорбитеся, но любовь да познаете, юже имам изобильно к вам. Конец недели. 5 Аще ли кто оскорбил мене, не мене оскорби, но от части, да не отягчу, всех вас. 6 Довольно бо таковому запрещение сие, еже от многих. 7 Темже сопротивное паче вам даровати и утешити, да не како многою скорбию пожерт будет таковый. 8 Темже молю вы, утвердите к нему любовь. 9 На сие бо и писах, да разумею искусство ваше, аще во всем послушливи есте. 10 Емуже аще что даруете, и аз ибо аз аще что даровах, емуже даровах, вас ради о лице Иисус Христове. [3] 11 Да не обидими будем от сатаны: не не разумеваем бо умышлений его. (пя\к) 12 Пришед же в троаду во благовестие Христово, и двери отверзене ми бывшей о Господе, 13 Не имех покоя духу моему, не обретшу ми тита брата моего: @но отрекся им@{@но целовав их@}, изыдох в македонию. (за\ч 172) 14 Бг~у же**{Во вторник 11-я недели: Братие, Богу**} благодарение, всегда победители нас творящему о Христе Иисусе, и воню разума его (л. 130) являющу нами во всяком месте. 15 Яко Христово благоухание есмы Богови, Конец понедельнику. в спасаемых, и в погибающих. 16 Овем убо воня смертная в смерть: овем же воня животная в живот. и к сим кто доволен? 17 Несмы бо, якоже мнози, нечисто проповедающии слово Божие: но яко от чистоты, но яко от Бога, пред Богом во Христе глаголем. Глава третия. с\х 1 Зачинаем ли паки яже нас самех извещавати вам? или требуем, якоже нецыи, извещавательных посланий к вам, или от вас известительных? 2 Послание бо наше вы есте, написаное в сердцах наших, знаемое и прочитаемое от всех человек. 3 Являеми, яко есте послание Христово, служеное нами, написано не чернилом, но Духом Бога жива: и на скрижалех каменных, но на скрижалех сердца плотяных. Конец вторнику. (за\ч 173) 4 Надеяние же таково*{В среду 11-я недели: Братие, надеяние таково* Сие же и святому убрусу.} имамы Христом к Богу: 5 Не яко довольни есмы от себе помыслити что, яко о себе, но довольство наше от Бога. 6 Иже и удоволи нас служители быти нову завету, не писмене, но Духу: писмя бо убивает, а Дух (л. 130 об.) животворит. [4] 7 Аще ли служение смерти писмены образовано в каменех, бысть в славу, яко не мощи взирати сыном Израилевым на лице моисеово славы ради лица его престающия: 8 Како не множае паче служение Духа будет в славе? 9 Аще бо служение осуждения, слава: много паче избыточествует служение правды в славе. 10 Ибо не прославися прославленное в части сей, за превосходящую славу. 11 Аще бо престающее, славою: много паче пребывающее, в славе. Конец среде, и убрусу. (за\ч 174) 12 Имуще убо*{В субботу 21-ю: Братие, имуще*} таково упование, многим дерзновением действуем: 13 И не якоже моисей полагаше покрывало на лице своем, за еже не мощи взирати сыном Израилевым на конец престающаго: 14 Но ослепишася помышления их: даже бо до сего дне, тожде покрывало во чтении ветхаго завета пребывает неоткровено, зане о Христе престает. 15 Но даже до днесь, внегда чтется моисей, покрывало на сердце их лежит: 16 Внегда же обратятся ко Господу, взимается покрывало. 17 Господь же Дух есть: а идеже Дух Господень, ту свобода. 18 Мы же вси откровенным лицем славу Господню взирающе, в тойже образ преобразуемся от славы в славу, якоже от Господня Духа. Конец субботе. (л. 131) Глава четвертая. (за\ч 175) [5] с\х 1 Сего ради имуще*{В четверток 11-я недели: Братие, имуще*} служение сие, якоже помиловани быхом, не стужаем си. 2 Но отрекохомся тайных срама, не в лукавствии ходяще, ни льстяще словесе Божия, но явлением истины, представляюще себе ко всякой совести человечестей, пред Богом. 3 Аще ли же есть покровено Благовествование наше, в гибнущих есть покровено: 4 В нихже бог века сего ослепи разумы неверных, во еже не возсияти им свету Благовествования славы Христовы, иже есть образ Бога невидимаго. 5 Не себе бо проповедаем, но Христа Иисуса, Господа: себе же самех, рабы вам Иисуса [Господа] ради. (за\ч 176) 6 Яко Бог**{Неделя 15: Братие, Бог** Сие же и Преподобным.} рекий из тмы свету возсияти, иже возсия в сердцах наших, к просвещению разума славы Божия, о лице Иисус Христове. Конец четвертку. [6] 7 Имамы же сокровище сие в скудельных сосудех, да премножество силы будет Божия, а не от нас. 8 Во всем скорбяще, но не стужающе си: не чаеми, но не отчаяваеми: 9 Гоними, но не оставляеми: низлагаеми, но не погибающе. 10 Всегда мертвость Господа Иисуса в теле носяще, да и живот Иисусов в теле нашем явится. 11 Присно бо мы живии в (л. 131 об.) смерть предаемся Иисуса ради, да и живот Иисусов явится в мертвенней плоти нашей. 12 Темже смерть убо в нас действует, а живот в вас. (за\ч 177) 13 Имуще же*{В пяток 11-я недели: Братие, имуще*} тойже Дух веры, по писанному: веровах, темже возглаголах, и мы веруем, темже и глаголем: 14 Ведяще, яко воздвигий Господа Иисуса, и нас со Иисусом воздвигнет, и предпоставит с вами. 15 Вся бо вас ради, да благодать умножившаяся, множайшими Благодарении избыточествит в славу Божию. Конец недели, и преподобным. 16 Темже не стужаем си: но аще и внешний наш человек тлеет, но внутренний обновляется по вся дни. 17 Еже бо ныне легкое печали нашея, по преумножению в преспеяние, тяготу вечныя славы соделовает нам. 18 Не смотряющим нам видимых, но невидимых: видимая бо временна, невидимая же вечна. Конец пятку. Глава пятая. (за\ч 178) с\х 1 Вемы бо,**{В субботу 22-ю: Братие, вемы** Сие же в среду усопшим.} яко аще земная наша храмина тела разорится, создание от Бога имамы храмину нерукотворену, вечну на Небесех. 2 Ибо о сем воздыхаем, в жилище наше Небесное (л. 132) облещися желающе: 3 Аще и облекшеся, не нази обрящемся. 4 Ибо сущии в теле сем, воздыхаем отягчаеми: понеже не хощем совлещися, но пооблещися: да пожерто будет мертвенное животом. 5 Сотворивый же нас в сие истое Бог, иже и даде нам обручение Духа. 6 Дерзающе убо всегда, и ведяще, яко живуще в теле, отходим от Господа: 7 [Верою бо ходим, а не видением.] 8 Дерзаем же, и благоволим паче отити от тела, и внити ко Господу. 9 Темже и тщимся, аще входяще, аще отходяще, благоугодни ему быти. (за\ч 179) 10 Всем бо явитися нам*{В понедельник 12-я недели: Братие, всем нам явитися*} подобает пред судищем Христовым Конец субботе, и мертвым. да приимет кождо яже с телом содела, или блага, или зла. 11 Ведуще убо страх Господень, человеки увещаваем, Богови же явлени быхом: уповаем же, яко и в совестех ваших явлени есмы. 12 Не паки бо себе хвалим пред вами, но вину даем вам похвалению по нас, да имате к хвалящимся в лице, а не в сердцы. 13 Аще бо изумихомся, Богови: аще ли целомудрствуем, вам. 14 Ибо любы Божия содержит нас суждьших сие: яко аще един за всех умре, то убо вси умроша. (л. 132 об.) (за\ч 180) 15 Хр\стос же*{Во вторник 12 недели: Братие, Христос*} за вся умре, да живущии не ктому себе живут: но умершему за них и воскресшему. Конец понедельнику. 16 Темже и мы от ныне ни единаго вемы по плоти: аще же и разумехом по плоти Христа, но ныне ктому не разумеем. 17 Темже аще кая о Христе, нова тварь: древняя мимоидоша, се быша вся нова. 18 Всяческая же от Бога, примирившаго нас себе Иисус Христом, и давшаго нам служение примирения. 19 Зане Бог бе во Христе мир примиряя себе, не вменяя им согрешений их: и положив в нас слово примирения. 20 По Христе убо @молим@{@посольствуем@}, яко Богу молящу нами: молимся убо по Христе, примиритеся с Богом. 21 Не ведевшаго бо греха, по нас грех сотвори, да мы будем правда Божия о нем. Конец вторнику. Глава шестая. (за\ч 181) с\х 1 Поспешствующе же и молим,**{Неделя 16: Братие, поспешствующе молим,** Сие же и мученицам.} не вотще Благодать Божию прияти вам. 2 Глаголет бо: во время приятно послушах тебе, и в день спасения помогох ти. се ныне время Благоприятно, се ныне день спасения: 3 Ни едино ни в чемже дающе претыкание, да служение безпорочно будет. 4 Но во (л. 133) всем представляюще себе якоже Божия слуги, в терпении мнозе, в скорбех, в бедах, в теснотах, 5 В ранах, в темницах, в нестроениих, в трудех, во бдениих, в пощениих, 6 Во очищении, в разуме, в долготерпении, в благости, в Дусе святе, в любви нелицемерне, 7 В словеси истины, в силе Божией: оружии правды, десными и шуими. 8 Славою, и безчестием: гаждением, и благохвалением: яко лестцы, и истинни: 9 Яко незнаеми, и познаваеми: яко умирающе, и се живи есмы: яко наказуеми, а не умерщвляеми: 10 Яко скорбяще, присно же радующеся: яко нищи, а многих богатяще: яко ничтоже имуще, а вся содержаще. Конец недели, и мученицам. (за\ч 182) 11 Уста наша*{В среду 12 недели: Братие, уста наша*} отверзошася к вам коринфяне, сердце наше распространися. 12 Не тесно вмещаетеся в нас, утесняетеся же во утробах ваших. 13 Тожде возмездие [якоже чадом глаголю,] распространитеся и вы. 14 @Не бывайте удобь преложни ко иному ярму, якоже невернии@{@не бывайте преложни ко иному ярму неверных@}: кое бо причастие правде к беззаконию? или кое общение свету ко тме? 15 Кое же согласие Христови с велиаром? или кая часть верну с неверным? 16 Или кое сложение Церкви Божией со идолы? (за\ч) Вы бо есте**{Неделя 17: Братие, вы есте**} Церкви Бога жива, якоже рече Бог: Конец среде. (л. 133 об.) яко вселюся в них и похожду, и буду им Бог, и тии будут мне людие. 17 Темже изыдите от среды их, и отлучитеся, глаголет Господь, и нечистоте не прикасайтеся: и аз прииму вы. 18 И буду вам во отца, и вы будете мне в сыны и дщери, глаголет Господь вседержитель. Глава седмая. с\х 1 Сицева убо имуще обетования, _о возлюбленнии, (за\ч 183) Очистим*{Четверток 12 недели: Братие, очистим*} себе от всякия скверны плоти и Духа, творяще святыню в страсе Божии. Конец недели. [8] 2 Вместите ны: ни единаго обидехом, ни единаго истлихом, ни единаго лихоимствовахом. (су\б) 3 Не на осуждение глаголи: прежде бо рех, яко в сердцах наших есте, во еже умрети с вами и сожити. 4 Много ми дерзновение к вам, многа ми похвала по вас: исполнихся утехи, преизбыточествую радостию о всякой печали нашей. 5 Ибо пришедшим нам в македонию, ни единаго име покоя плоть наша, но во всем скорбяще: внеуду брани, внутрьуду боязни. 6 Но утешаяй смиренныя, утеши нас Бог пришествием титовым. 7 Не токмо же пришествием его, но и утешением, имже утешися о вас, поведая нам ваше желание, ваше рыдание, вашу ревность по мне: яко (л. 134) ми паче возрадоватися. 8 Яко аще и оскорбих вас посланием, не раскаюся, аще и раскаял бых ся. вижу бо, яко послание оно, аще и в час, оскорби вас. 9 Ныне радуюся, не яко скорбни бысте, но яко оскорбистеся в покаяние: оскорбесте бо по Бозе, да ни о едином оттщетитеся от нас. (за\ч 184) 10 Печаль бо, яже*{Пяток 12 недели: Братие, печаль яже*} по Бозе, покаяние нераскаянно во спасение соделовает: Конец четвертку. а сего мира печаль, смерть соделовает. 11 Се бо сие самое, еже по Бозе оскорбитися вам, колико содела в вас тщание, но ответ, но негодование, но страх, но вожделение, но ревность, но отмщение: во всем представисте себе чисты быти в вещи. 12 Аще бо и писах вам, не обидевшаго ради ниже обидимаго ради: но за еже явитися в вас тщанию нашему, еже о вас пред Богом. 13 Сего ради утешихомся о утешении вашем: лишше же паче возрадовахомся о радости титове, яко покоися Дух его от всех вас. 14 Яко аще что ему о вас похвалихся, не посрамихся: но яко вся воистинну глаголахом вам, тако и похваление наше еже к титу, истинно бысть. 15 И утроба его излиха в вас есть, воспоминающу всех вас послушание, яко со страхом и трепетом приясте его. 16 Радуюся убо, яко во всем дерзаю в вас. Конец пятку. (л. 134 об.) Глава осмая. (за\ч 185) [9] с\х 1 Сказуем же вам, братие, благодать Божию,*{Суббота 23: Братие, сказую вам благодать Божию,*} данную в Церквах македонских: 2 Яко во мнозем искушении скорбей, избыток радости их, и яже во глубине нищета их, избыточествова в богатство простоты их. 3 Яко по силе их [свидетельствую,] и паче силы, доброхотни: 4 Со многим молением моляще нас, Благодать и общение служения, еже во святых, прияти нам. 5 И не якоже надеяхомся, но себе вдаша первее Господеви, и нам волею Божиею. Конец субботе. 6 Во еже умолити нам тита, да якоже прежде начат, такожде и скончает в вас и Благодать сию. (за\ч 186) 7 Но якоже во всем**{Понедельник 13-я недели: Братие, яко во всем**} избыточествуете верою, и словом, и разумом, и всяцем тщанием, и любовию яже от вас к нам, да и в сей Благодати избыточествуете. 8 Не по повелению глаголю, но за иных тщание, и вашея любве истинное искушая. 9 Весте бо Благодать Господа нашего Иисуса Христа, яко вас ради обнища богат сый, да вы нищетою его обогатитеся. 10 И совет даю о сем: се бо вам есть на пользу, иже не точию еже творити, (л. 135) но и еже хотети прежде начасте от прешедшаго лета. 11 Ныне же и еже творити скончайте: да якоже бысть усердие хотети, тако да будет и исполнити, от еже имети. 12 Аще бо усердие предлежит, по елику аще кто имать, Благоприятен есть, а не по елику не имать. 13 Не бо да иным убо отрада, вам же скорбь: но от изравнения. 14 В нынешнее время, ваше избыточествие, во онех лишение, да и онех избыток будет в ваше лишение: яко да будет равенство. 15 Якоже есть писано: @иже многое, не преумножил есть, и иже малое, не умалил@{@не преизбыточествова иже много: и иже мало не мнее прият@}. Конец понедельнику. (за\ч 187) [1] 16 Благодарение же*{Вторник 13-я недели: Братие, Благодарение*} Богови, давшему тожде тщание о вас в сердце титово: 17 Яко моление убо прият, тщаливейший же сый, своею волею изыде к вам. 18 Послахом же с ним и брата, егоже похвала во евангелии по всем Церквам. 19 Не точию же, но и освящся от Церквей с нами ходити, со благодатию сею служимою нами, к самого Господа славе, и усердию вашему: 20 Блюдущеся того да не кто нас поречет во обилии сем, служимем нами: 21 Промышляюще добрая, не токмо пред Богом, но и пред человеки. 22 Послахом же с ними и брата нашего, егоже искусихом во многих *многащи встанлива*{*многажды тщательна*} суща, ныне же **зело (л. 135 об.) встанливейша**{**множае тщательнейша**}, надеянием многим еже в вас. 23 Аще ли же о тите, общник мне, и в вас поспешник: аще ли братия наша, и посланницы Церквей, слава Христова. 24 Показание убо любве вашея, и нашего хваления о вас, в них покажите, в лице Церквей. Глава девятая. с\х 1 О службе бо яже ко святым, лишше ми есть писати вам. 2 Вем бо усердие ваше, имже о вас хвалюся македоняном, яко ахаиа приготовися от мимошедшаго лета, и яже от вас ревность, раздражи множайших. 3 Послах же братию, да не похваление наше, еже о вас, испразднится в части сей: но да [якоже глаголах] приготовани будете. 4 Да не како аще приидут со мною македоняне, и обрящут вы не приготованых, постыдимся мы, [да не глаголем вы] в части сей похваления. 5 Потребно убо умыслих умолити братию, да прежде приидут к вам, и предуготовят прежде возвещенное Благословение ваше, сие готово быти, тако якоже Благословение, а не яко лихоимство. Конец вторнику. (за\ч 188) 6 Се же глаголю: сеяй скудостию,*{Неделя 18: Братие, сеяй скудостию,*} скудостию и пожнет: а сеяй о Благословении, о (л. 136) Благословении и пожнет. 7 Кождо якоже изволение имать сердцем не от скорби, ни от нужды: доброхотна бо дателя любит Бог. 8 Силен же Бог всяку Благодать из_обиловати в вас, да о всем всегда всяко довольство имуще, избыточествуете во всяко дело благо. 9 Якоже есть писано: расточи, даде убогим: правда его пребывает во веки. 10 Даяй же семя сеющему, и хлеб в снедь да подаст, и умножит семя ваше, и да возрастит жита правды вашея. 11 Да о всем богатящеся во всяку простоту, яже содевает нами благодарение Богу. Конец недели. (за\ч 189) 12 Яко работа*{Среда 13-я недели: Братие, работа*} сего служения, не токмо есть исполняющая лишения святых, но и избыточествующая многими благодареньми Богови. 13 Искушением служения сего, славяще Бога в покорении исповедания вашего, в Благовествование Христово, и простоте сообщения к ним, и ко всем. 14 И тех молитвою по вас, возжелеющим вас, за премногую Благодать Божию на вас. 15 Благодарение же Богови о неисповедимем его даре. Глава десятая. [10] с\х 1 Сам же аз павел молю вы кротостию и тихостию Христовою, иже на лице убо смирен в вас, не сый же у вас дерзаю в (л. 136 об.) вас. 2 Молю же еже не сый ту дерзати надеянием, имже помышляю смети на некия непщующия нас, яко по плоти ходящих. 3 Во плоти бо ходяще, не по плоти воинствуем: 4 Оружия бо воинства нашего не плотская, но сильна Богови, на разорение твердем, помышления низлагающе, 5 И всяко возношение взымающееся на разум Божий, и пленяюще всяк разум в послушание Христово. 6 И готово имуще отмстити всяко преслушание, егда исполнится ваше послушание. 7 Яже ли пред лицем, зрите? (за\ч 190) Аще кто*{Четверток 13-я недели: Братие, аще кто*} надеется себе Христова быти, да помышляет паки от себе, зане якоже он Христов, такожде и мы Христовы. Конец среде. 8 Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся. [1] 9 Но да не явлюся яко страша вас посланьми. 10 Яко послания убо, рече, тяжки и крепки, а пришествие тела немощно, и слово уничиженно. (нл\дя) 11 Сие да помышляет таковый, яко яцы же есмы словом посланий, отстояще: таковии и ту суще есмы делом. 12 Не смеем бо @судити@{@присовокупляти@}, или прикладовати себе иным, хвалящим себе самех: но сами в себе себе измеряюще, и прилагающе себе, себе не разумевают. 13 Мы же не (л. 137) в безмерная похвалимся: но по мере правила, егоже раздели нам Бог меру, достизати даже и до вас. 14 Не яко бо не досяжуще до вас, паче простираем себе: даже бо и до вас достигохом Благовестием Христовым. 15 Не в безмерная хвалящеся, ниже в чуждих трудех, упование же имуще, растущей вере вашей, в вас величатися по правилу нашему из_обильно. 16 Во еже и в дальших вас [странах] благовестити, не чужим правилом в готовая похвалитися. 17 Хваляйся же, о Господе да хвалится. 18 Не хваляй бо себе сей искусен: но егоже Бог восхваляет. Конец четвертку. Глава перваянадесять. (за\ч 191) [2] с\х 1 _О да бысте мало*{Суббота 24: Братие, _о да бысте мало*} потерпели безумию моему, но и потерпите мя. 2 Ревную бо о вас Божиею ревностию: обручих бо вас единому мужу, Деву чисту представити, Христови. 3 Боюся же, да не како якоже змия еву прельсти лукавством своим, тако истлеют и разумы ваша от простоты яже о Христе. 4 Аще бо грядый инаго Иисуса проповедает, егоже не проповедахом, или духа инаго приемлете, егоже не приясте, или Благовествование ино, еже не приясте, добре бысте потерпели. (л. 137 об.) (за\ч 192) 5 Непщую бо*{Пяток 13 недели: Братие, непщую*} ничимже лишитися предних апостол. 6 Аще бо и невежда словом, но не разумом, @но везде явльшеся о всем в вас@{@но во всем явленны есмы во всех к вам@}. Конец субботе. 7 Или грех сотворих, себе смиряя, да вы вознесетеся, яко туне Божие Благовествование благовестих вам? 8 От иных церквей уим, приим оброк к вашему служению, и пришед к вам, и в скудости быв, не стужих ни единому. 9 Скудость бо мою исполниша братия пришедше от македонии: и во всем без стужения вам себе соблюдох, и соблюду. 10 Есть истина Христова во мне, яко похваление сие не заградится о мне в странах ахайстех. 11 Почто? зане не люблю ли вас? Бог весть. а еже творю, и сотворю, 12 Да отсеку вину, хотящим вины: да, о немже хвалятся, обрящутся якоже и мы. 13 Таковии бо лживи апостоли, делатели льстивии, преобразующеся во апостолы Христовы. 14 И не дивно: сам бо сатана преобразуется во ангела светла. 15 Не велие убо, аще и служителие его преобразуются яко служители правды, имже кончина будет по делом их. 16 Паки глаголю, да никтоже мнит мя безумна быти: аще ли ни, поне яко безумна приимите мя, да и аз мало что похвалюся. 17 А еже глаголю, не глаголю по Господе, но яко в безумии, в сей части похвалы. 18 Понеже (л. 138) мнози хвалятся по плоти, и аз похвалюся: 19 Любезно бо приемлете безумныя, мудри суще. 20 Приемлете бо, аще кто вас порабощает, аще кто поядает, аще кто не влепоту @проторит@{@отемлет@}, аще кто по лицу биет вы, аще кто величается. 22 По досаждению, глаголю, зане яко мы изнемогохом. Конец пятку. (за\ч 193) [3] О немже*{Иуниа 29, святым ап\столом: Братие, о немже*} аще дерзает кто, [несмысленно глаголю:] дерзаю и аз: 22 Евреи ли суть? и аз: Израильте ли суть? и аз: семя авраамле ли суть? и аз: 23 Служителие ли Христовы суть? [не в мудрости глаголю,] паче аз: в трудех множае, в ранах преболе, в темницах излиха, в смертех многащи. 24 От иудей пятькраты четыридесять, разве единыя, приях. 25 Трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих. 26 В путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии. 27 В труде и подвизе, во бдениих множицею, во алчбе и жажди, и в пощениих многащи, в зиме и наготе. 28 Кроме внешних, нападение еже по вся дни, и попечение всех Церквей. 29 Кто изнемогает, и не изнемогаю? кто соблазняется, и аз не (л. 138 об.) разжизаюся? 30 Аще хвалитися ми подобает, яже о немощи моей похвалюся. (за\ч 194) 31 Бог*{Неделя 19: Братие, Бог*} и отец Господа нашего Иисуса Христа весть, сый благословен во веки, яко не лгу. 32 В дамасце языческий князь арефы царя стрежаше дамаск град, яти мя хотя: и оконцем в кошнице свешен бых по стене, и избегох из руку его. Глава втораянадесять. с\х 1 Похвалитися же не пользует ми: прииду бо в видения и откровения Господня. 2 Вем человека о Христе, прежде лет четыринадесяти: [аще в теле, не вем, аще ли кроме тела, не вем: Бог весть:] восхищена бывша таковаго до третияго Небесе. 3 И вем такова человека, [аще в теле, или кроме тела, не вем: Бог весть:] 4 Яко восхищен бысть в рай, и слыша неизреченны глаголы, ихже не леть есть человеку глаголати. 5 О таковем похвалюся, о себе же не похвалюся, токмо о немощех моих. 6 Аще бо восхощу похвалитися, не буду безумен, истину бо реку: щажду же, да не како кто вознепщует о мне паче, еже видит мя, или слышит что от мене. 7 И за премногая откровения да не превозношуся, дадеся ми пакостник плоти аггел сатанин, да ми пакости деет, да не превозношуся. 8 О сем трикраты Господа молих, да и (л. 139) отступит от мене. 9 И рече ми: довлеет ти Благодать моя: сила бо моя в немощи совершается. сладце убо похвалюся паче в немощех моих, да вселится в мя сила Христова. Конец недели, и ап\столом. (за\ч 195) 10 Темже Благоволю*{Понедельник 14 недели: Братие, благоволю*} в немощех, в досаждениих, в бедах, во изгнаниих, в теснотах по Христе: егда бо немощствую, тогда силен есмь. 11 Бых несмыслен хваляся: вы мя понудисте. аз бо должен бех от вас хвалимь бывати: ничимже бо лишихся первейших апостол, аще и ничтоже есмь. 12 Знамения бо апостолова содеяшася в вас во всяком терпении, в знамениих и чудесех и силах. 13 Что бо есть, егоже лишистеся паче прочих Церквей, аще точию яко аз сам не стужих вам? дадите ми неправду сию. 14 Се третие готов есмь приити к вам, и не стужу вам: не ищу бо ваших, но вас. не должна бо суть чада родителем снискати имения но родители чадом. 15 Аз же в сладость иждиву и иждивен буду по душах ваших: аще и излишше вас любя, меньши любимь есмь. 16 Буди же аз не отягчих вас: но коварен сый, лестию вас приях. 17 Еда коим от посланных к вам лихоимствовах вас? 18 Умолих тита, и с ним послах брата: еда лихоимствова чим вас тит? (л. 139 об.) не темже ли Духом ходихом? не теми же ли стопами? 19 Паки ли мните, яко ответ вам творим? пред Богом о Христе глаголем: вся же возлюбленнии, о вашем создании [и утверждении]. Конец понедельнику. (за\ч 196) [4] 20 Боюся же, еда*{Во вторник 14 недели: Братие, боюся, еда*} како пришед не яцех же хощу, обрящу вас: и аз обрящуся вам, якова же не хощете: да не како [будут] рвения, зависти, ярости, рети, клеветы, шептания, кичения, нестроения. 21 Да не паки пришедша мя смирит Бог мой у вас, и восплачуся многих прежде согрешших, и не покаявшихся о нечистоте, и блужении, и студоложствии, яже содеяша. Глава третиянадесять. с\х 1 Третицею се гряду к вам: при устех двою или триех свидетелей станет всяк глагол. (пн\де) 2 Прежде рех, и предглаголю, яко у вас быв второе, и не сый ныне пишу, прежде согрешшим и прочим всем: яко аще прииду паки, не пощажу. Конец вторнику. (за\ч 197) 3 Понеже**{В среду 14 недели: Братие, понеже**} искушения ищете глаголющаго во мне Христа, иже в вас не изнемогает, но может в вас. 4 Ибо аще и распят бысть от немощи, но жив есть от силы Божия: ибо и мы (л. 140) немощствуем в нем, но живи будем с ним от силы Божия в вас. 5 Себе искушайте, аще есте в вере, себе искушайте: или не знаете себе, яко Иисус Христос в вас есть, аще точию чим неискусни есте? 6 Уповаю же, яко разумети имате, яко мы несмы неискусни. 7 Молимся же к Богу, не сотворити вам ни единаго зла: не яко да мы искусни явимся, но да вы доброе сотворите, мы же яко неискусни будем. 8 Ничтоже бо можем на истину, но по истине. 9 Радуемся же, егда мы немощствуем, вы же сильни бываете: се бо и молимся о вашем совершении. 10 Сего ради не сый у вас сия пишу, да пришед, не безщадно сотворю по власти, юже Господь дал ми есть в создание, а не на разорение. 11 Прочее же братие, радуйтеся, совершайтеся, утешайтеся, тожде мудрствуйте, мир имейте: и Бог любве и мира будет с вами. 12 Целуйте другдруга лобзанием святым: целуют вы святии вси. 13 Благодать Господа нашего Иисуса Христа, и любы Бога [и отца] и общение святаго Духа со всеми вами. аминь. Конец среде. Конец втораго послания к коринфяном, еже написася от филипписии, титом и лукою: имать в себе глав 13: зачал Церковных, 32: стихов, Сынз: знаменаний черных, 10: последующих же им червленых, 5.