<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 82) Знаменания иудины епистолии [1] О внимании веры Христовы, за наитие нечестивых, и любодейц муж. [1] В немже о будущей муце их, по подобию древних им, грешников же и любодеев. [2] Окаяние их о льсти и нечестии, и нечистоте, и хуле, и сотворения лицемерия на лесть, дара мнение. [3] О утвержденых в вере, о милостыни же и щадении искренняго на спасение во святыню. [4] Молитва о них во святыню, и дерзновение чисто, со славословием Божиим. (л. 82 об.) Сказание иудина соборнаго послания. Сие послание пишет веровавшим уже, иудеем же и языком. Вина же послания есть сия: Лестцем неким явльшимся, и учащим неповинну быти греху, и отметающимся Господа: нужду име писати и укрепити братию. и первее убо молит их подвизатися, и пребывати в преданней им вере. Таже обличает, и отгоняет их якоже лестцы, и повелевает верным, ни едино имети сообщение с таковыми. И да ведят, яко не довлеет ко спасению, еже призваным быти точию, аще недостойне званию ходим. Ибо и древния люди извед от египта Господь, и не пребывших в Божественном законе, погуби: и аггелов же несохранших своего чина не пощаде. Подобает убо от таковых отлучатися: зане и михаил архангел не претерпе хулы диаволи: быти же глаголет погибели их, якоже и содомлян. Таже наказует о нравех: и помолився о них, утверждению в вере дароватися им от Господа, скончавает послание. (л. 83) СОБОРНОЕ ПОСЛАНИЕ ИУДИНО. Глава первая. (за\ч 77) [1] с\х 1 Иуда Иисусу Христу*{Во вторник сырный: Иуда Иисусу Христу*} раб, брат же иакову, сущим о Бозе отце освященным, Иисус Христом соблюденным званным: 2 Милость вам, и мир, и любы да умножится. 3 Возлюбленнии, всяко тщание творя писати вам о общем спасении вашем, нужда ми бысть писати вам, моля подвизатися о преданней вере святым единою. 4 Привнидоша бо нецыи человецы [древле предуставленнии на сие осуждение,] нечестивии, Бога нашего Благодать прелагающии в скверну, и единаго Владыки Бога, и Господа нашего Иисуса Христа отметающиися. [1] 5 Воспомянути же вам хощу, ведущим и вам единою сие, яко Господь люди от земли египетския спасе, последи неверовавшия погуби. 6 Аггелы же не соблюдшия своего начальства, но оставльшия свое жилище, на суд великаго дне, узами вечными под мраком соблюде. 7 Якоже содома и гоморра, и (л. 83 об.) окрестныя их грады, подобным их образом преблудивша, и ходивша в след плоти иныя, предлежат в показание, огня вечнаго суд подемше. 8 Такожде убо и сии сония видяще, плоть убо сквернят, Господьства же отметаются, славы же хуляще [не трепещут]. 9 Михаил же архангел, егда со диаволом @разсуждая@{@препираяся@} глаголаше о моисеове телеси, не смеяше суда навести хульна, но рече: да запретит тебе Господь. 10 Сии же елика убо не ведят, хулят: елика же по естеству яко безсловесная животная ведят, в сих *сквернятся*{*растлеваются*}. Конец вторнику. (за\ч 78) [2] 11 Горе им,*{В четверток сырный: Горе им,*} яко в путь каинов ходиша, и в лесть валаамовы мзды пролияшася, и в пререкании корреове погибоша. 12 Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена: 13 Волны свирепыя моря, воспеняюще своя стыдения: звезды прелестныя, имже мрак тмы во веки блюдется. 14 Пророчествова же и о сих седмый от адама енох, глаголя: се приидет Господь во тмах святых [ангел] своих, 15 Сотворити суд о всех, и из_обличити всех нечестивых о всех делех нечестия их, имиже нечествоваша, и о всех жестоких словесех их, ихже глаголаша нань грешницы нечестивии. 16 Сии суть (л. 84) ропотницы, укорители, часть порочна, в похотех своих ходяще, нечестием и законопреступлением: и уста их глаголют прегордая, чудящеся лицам пользы ради. 17 Вы же возлюбленнии, поминайте глаголы преждереченныя от апостол Господа нашего Иисуса Христа. 18 Зане глаголаху вам, яко в последнее время будут ругатели, по своих похотех ходяще и нечестиих. 19 Сии суть отделяюще себе от единости веры, и суть @телесни@{@душевни@}, Духа не имуще. 20 Вы же возлюбленнии, святою вашею верою назидающе себе, Духом святым, и молящеся, 21 Сами себе в любви Божией соблюдайте, ждуще милости Господа нашего Иисуса Христа, в жизнь вечную. 22 И овех убо милуйте разсуждающе: 23 Овех же страхом спасайте, от огня восхищающе: обличайте же с боязнию, ненавидяще и яже от плоти оскверненую ризу. 24 Могущему же сохранити вы без греха, и без скверны, и поставити пред славою своею непорочны в радости, 25 Единому премудрому Богу и Спасу нашему, [Иисусом Христом Господем нашим] слава и величие, держава и власть, прежде всего века, и ныне, и во вся веки. аминь. Конец четвертку сырному. Конец послания иудина, имущаго в себе главу 1: зачал Церковных 2: стихов 25: знаменаний черных 4: последующее же им червленое 1.