<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 80 об.) Знаменания иоанновы епистолии 3-я. [1] Молитва о совершении, и о похвале, и о исповедании, и о страннолюбии братии Христа ради. [1] В немже о развращении льсти, и братоненавидении. [2] О димитрии, емуже свидетельствует о добродетели. [3] О пришествии к ним вскоре на пользу. Сказание иоаннова третияго послания. Есть послание сие о страннолюбии. И первее убо хвалит гаиа, свидетельствуема от всех о страннолюбии: и молит его в таковом изволении пребывати, и приимати и провождати братию. Паки же принос его хвалит. Укоряет же диотрефиса, яко ни сам дает нищим, но и иным возбраняет, и много блудяща. Таковых же глаголет чуждих быти от истины, и не ведети Бога. Димитриа же приимати, свидетельствуя его добрая дела. (л. 81) СОБОРНОЕ ПОСЛАНИЕ ТРЕТИЕ СВЯТАГО АПОСТОЛА ИОАННА БОГОСЛОВА. Глава первая. (за\ч 76) [1] с\х 1 Старец*{В понедельник сырный: Старец*} гаиеви возлюбленному, егоже аз люблю воистинну. 2 Возлюбленне, паче всех молюся о тебе, спеятися тебе, здравствовати, якоже спеется ти душа. 3 Возрадовахся зело пришедшим братиям, и свидетельствующим твою истину, якоже ты во истине ходиши. 4 Больши сея не имам радости, да слышу моя чада во истине ходящя. 5 Возлюбленне, верно твориши, еже аще делаеши в братию, и в странныя: 6 Иже свидетельствоваша о твоей любви пред Церковию, ихже предпослав достойно Богу, добре твориши. 7 О имени бо его изыдоша, ничтоже приемлюще от язык. 8 Мы убо должни есмы приимати таковых, да поспешницы будем истине. [1] 9 Писах (л. 81 об.) Церкви: но первстволюбец их диотрефис не приемлет нас. 10 Сего ради аще прииду, воспомяну ему дела, яже творит, словесы лукавыми укоряя нас: и недоволен бывая о сих, ни сам приемлет братию, и хотящим возбраняет, и от Церкве изгонит. 11 Возлюбленне, не уподобляйся злому, но Благому. Благотворяй от Бога есть: а злотворяй, не виде Бога. [2] 12 Димитриеви свидетельствовася от всех, и от самыя истины: и мы же свидетельствуем, и весте, яко свидетельство наше истинно есть. [3] 13 Многа имех писати, но не хощу чернилом и тростию писати тебе. 14 Уповаю же абие видети тя, и усты ко устом глаголати. 15 Мир тебе. целуют тя друзи: целуй други по имени. аминь. Конец понедельнику сырному. Конец послания иоаннова третияго, имущаго в себе главу 1: Церковное зачало 1: стихов 15: знаменаний черных 3: последующее же им червленое 1.