<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 79) Знаменания иоанновы епистолии вторыя. [1] О проглашении, о первем житии в любви Божией, верою благочестною, и неприложну гресе. [1] В немже, яко не подобает еретика в дом приимати, или целовати о гресе. [2] О обещании пришествия его, и о уповании на пользу. Сказание втораго соборнаго послания святаго иоанна Богослова. (су\б) Сие яко старец пишет господыни и чадом ея. непщевание же посланию сие есть: Видя чада ея добре ходяща в вере, и многи лестцы обходящих, и глаголющих не быти пришествию Христову во плоти: пишет послание сие, и первее убо хвалит чада ея. Таже учя не нову быти еже по нам таинству, паки пишет о любви, и да пребывают во учении преданнем им от него. И прочее учит антихристу быти, глаголющему, не пришедша Христа во плоти. Завещавает же, яко таковых ни единаго приимати в дом, ниже глаголати таковым, радоватися. И сице скончавает послание. (л. 79 об.) СОБОРНОЕ ПОСЛАНИЕ ВТОРОЕ СВЯТАГО АПОСТОЛА ИОАННА БОГОСЛОВА. Глава первая. (за\ч 75) [1] с\х 1 Старец*{Пяток 35-я недели: Старец*} избранней господыне, и чадом ея, ихже аз люблю воистинну: и не аз точию, но и вси разумевшии истину: 2 За истину пребывающую в нас, и с нами будет во веки. 3 Да будет с вами Благодать, милость, мир от Бога отца, и от Господа Иисуса Христа Сына отча, во истине и любви. 4 Возрадовахся зело, яко обретох от чад твоих ходящя во истине, якоже заповедь прияхом от отца. 5 И ныне молю тя, госпоже, не яко заповедь пишу тебе нову, но юже имамы исперва, да любим другдруга. 6 И сия есть любы, да ходим по заповедем его. сия есть заповедь, якоже слышасте исперва, да в ней ходите. 7 Зане мнози лестцы внидоша в мир, не исповедающе Иисуса Христа пришедша во плоти: сей есть льстец и антихрист. 8 Блюдите себе, да не (л. 80) погубите яже деласте добрая, но да мзду совершенну восприимете. 9 Всяк преступаяй, и не пребываяй во учении Христове, Бога не имать: пребываяй же во учении Христове, сей и отца и Сына имать. [1] 10 Аще кто приходит к вам, и сего учения не приносит, не приемлите его в дом, и радоватися ему не глаголите. 11 Глаголяй бо ему радоватися, сообщается делом его злым. [2] 12 Многа имех писати вам, и не восхотех хартиею и чернилом: но надеюся приити к вам, и усты ко устом глаголати, да радость ваша будет исполнена. 13 Целуют тя чада сестры твоея избранныя. аминь. Конец пятку. Конец соборнаго послания иоаннова втораго, имущаго в себе главу 1: зачало Церковное 1: стихов 13: знаменаний черных 2: последующее им червленое 1.