<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 67 об.) Знаменания петровы епистолии вторыя. [1] О звании и вернем деле, и извествованном уповании будущих благ. [2] Повеление на воспоминание учения по отшествии его, и како на горе фаворстей глас Божий услыша о Сыне. [3] Проречение явления Богомерзских еретик, и нечестия их, и будущия муки. [4] Паки проречение о злобе еретик. [1] В немже, яко внезапу приидет Христос, на конец века сего. [2] Яко подобает готовитися всем добрыми детельми. (л. 68) Сказание втораго соборнаго послания петрова. И сие паки тойже петр посылает веровавшим уже иудеем и языком. есть же послание, воспоминание первых: ведый бо скорое свое быти, еже от плоти распряжение, потщался всем воспомянути, о нихже научишася учениих. И первее убо сказует о вере, являя от пророк ю предвозвещенну бывшу: и яко пророчества, яже о Спасе Иисусе, не суть человеческа, но от Бога глаголашася. Потом же завещавает, не внимати прельщающим, глаголя: яко будет и тем погибель, якоже и преступльших аггел бысть. Предвозвещает же в послании, яко будут дние, в нихже лестцы ходити имут, и будут прельщати неких глаголюще: яко всуе глаголется от нас второе пришествие Христово быти: за еже всегда глаголется, а не бысть еще. от сих убо зельне завещавает отметатися, учя не пренемогати во временех: все бо вкупе время яко ничтоже есть пред Господем: за еже и един день яко тысяща лет быти, и тысяща лет яко день един. Быти же вскоре дню Господню извествует и показует, и повелевает готовым быти всем в той делы благими, и любити яже от павла апостола писанная, и не внимати клевещущим я: зане и вся Божественная писания клевещут. Воспомянув же и научив всех предведети вещи, завещавает не отпадати истинныя веры. И тако скончавает послание. (л. 68 об.) СОБОРНОЕ ПОСЛАНИЕ ВТОРОЕ ТОГОЖДЕ СВЯТАГО АПОСТОЛА ПЕТРА. Глава первая. (за\ч 64) [1] с\х 1 Симон петр,*{В пяток 33-я недели: Симон петр,*} раб и посланник Иисус Христов, равночестную с нами получившим веру, в правде Бога нашего и Спаса Иисуса Христа: 2 Благодать вам и мир да умножится в познании Бога и Христа Иисуса Господа нашего: 3 Яко вся нам Божественныя силы его, яже к животу и благочестию, подана, @разумом@{@познанием@} призвавшаго нас славою и добродетелию. 4 Имиже честная нам и великая обетования даровашася, яко да сих ради будете Божественнаго причастницы естества, отбегше яже в мире похотныя тли. 5 И самое же сие тщание все привнесше, подадите в вере вашей добродетель, в добродетели же разум, 6 В разуме же воздержание, в воздержании же терпение, в терпении же Благочестие: 7 Во Благочестии же братолюбие (л. 69) в братолюбии же любовь. 8 Сим бо сущим в вас, и множащимся, не праздных, ниже безплодных сотворят вы, в Господа нашего Иисуса Христа познание. 9 Емуже бо несть сих, слеп есть, мжай, забвение прием чищения древних своих грехов. (за\ч 65) 10 Темже паче братие, потщитеся известно*{Августа 6, на преображение Господне: Братие, потщитеся известно*} ваше звание и избрание творити. Конец пятку. [2] сия бо творяще, не имате согрешити никогдаже. 11 Сице бо обильно приподастся вам вход в вечное Царство Господа нашего и Спаса Иисуса Христа. 12 Его ради не обленюся воспоминати присно вам о сих, аще и ведите, и утверждени есте в настоящей истине. 13 Праведно бо мню, донележе есмь в сем телеси, возставляти вас воспоминанием: 14 Ведый, яко скоро есть отложение телесе моего, якоже и Господь наш Иисус Христос сказа мне. 15 Потщуся же и всегда имети вас по моем исходе, еже о сих память творити. 16 Не ухищренным бо баснем последовавше, сказахом вам силу и пришествие Господа нашего Иисуса Христа, но самовидцы бывше величествию онаго. 17 Прием бо от Бога отца честь и славу, гласу пришедшу к нему такову от велелепныя славы: сей есть Сын мой возлюбленный, о немже аз благоизволих. 18 И сей глас мы слышахом с Небесе сшедш, с ним суще на горе (л. 69 об.) святей. 19 И имамы известнейшее пророческое слово, емуже внимающе якоже светилу сияющу в темнем месте, добре творите, дондеже день озарит, и денница возсияет в сердцах ваших. Конец преображению. (за\ч 66) [3] 20 Сие*{В понедельник 34 недели: Возлюбленнии, сие*} прежде ведуще, яко всяко пророчество книжное, по своему сказанию не бывает. 21 Ни бо волею бысть когда человеком Пророчество, но от святаго Духа просвещаеми глаголаша святии Божии человецы. Глава вторая. с\х 1 Быша же и лживии пророцы в людех, якоже и в вас будут лживии учители, иже внесут ереси погибели, и искупльшаго их Владыки отметающеся, приводяще себе скору погибель: 2 И мнози последствуют их нечистотам, имиже путь истинный похулится. 3 И @в преумножении льстивых словес@{@в лихоимстве льстивыми словесы@} вас уловят: ихже суд искони не коснит, и погибель их не дремлет. 4 Аще бо Бог аггелов согрешивших не пощаде, но пленицами мрака связав предаде на суд мучимы блюсти: 5 И перваго мира не пощаде, но осмаго ноа правды проповедника сохрани, потоп миру нечествовавших наведе. 6 И грады содомския и гоморрския сжег, разорением осуди, образ (л. 70) хотящим нечествовати положив. 7 И праведнаго лота обидима от беззаконных в нечистоте сожития избави: 8 Видением бо и слухом Праведный живый в них, день от дне душу праведну беззаконными делы мучаше. (за\ч 67) 9 Весть Господь*{Во вторник 34-я недели: Возлюбленнии, весть Господь*} благочестивыя от напасти избавляти, неправедники же на день судный мучимы блюсти. Конец понедельнику. 10 Наипаче же во след плотския похоти сквернения ходящия, и о Господьстве нерадящия, продерзателе себе угодницы, славы не трепещут хуляще: 11 Идеже ангели крепостию и силою больши суще, @не терпят на ся от Господа укоризнена суда@{@не произносят на ня пред Господем укоризнена суда@}. 12 Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют, 13 Приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами, 14 Очи имуще исполнь блудодеяния, и непрестаемаго греха, прельщающе души неутверждены, сердце научено лихоимству имуще, клятвы чада: 15 Оставльше правый путь, заблудиша, последовавше пути валаамову восорова, иже мзду неправедну возлюби. 16 Обличение же име своего беззакония: подяремник безгласен, человеческим (л. 70 об.) гласом провещавш, возбрани Пророка безумие. 17 Сии суть источницы безводни, облацы и мглы от ветр преносими, имже мрак темный во веки блюдется. 18 Прегордая бо суеты вещающе, прельщают в скверны плотския похоти, отбегающе их отнюд живущих во льсти, 19 Свободу им обещавающе, сами раби суще тления: имже бо кто побежден бывает, сему и работен есть. 20 Аще бо отбегше скверн мира, @в разум@{@познанием@} Господа и Спаса нашего Иисуса Христа, сими же паки сплетшеся побеждаеми бывают: быша же им последняя горша первых. 21 Лучше бо бе им не познати пути правды, нежели познавшим возвратитися вспять от преданныя им святыя заповеди. 22 Случися бо им истинная притча: пес возвращся на свою блевотину, и свиния омывшися, в кал тинный. Конец вторнику. Глава третия. (за\ч 68) (че\к) с\х 1 Сие уже, возлюбленнии, второе*{В среду 34-я недели: Возлюбленнии, сие уже второе*} вам пишу послание, в нихже возбуждаю воспоминанием ваш чистый смысл: 2 Помянути прежде реченныя глаголы от святых пророк, и апостол ваших и заповедей Господа и Спаса. 3 Сие прежде ведяще, яко [4] приидут в последния дни ругателе, по своих (л. 71) похотех ходяще, 4 И глаголюще: где есть обетование пришествия его? отнележе бо отцы успоша, вся тако пребывают от начала создания. 5 Таится бо им сие хотящим, яко Небеса беша исперва, и земля от воды, @и водою@{@и посреде воды@} составлена, Божиим словом: 6 Имиже тогдашний мир, водою потоплен быв, погибе. 7 А нынешняя Небеса и земля темже словом сокровена суть, огню блюдома на день суда, и погибели нечестивых человек. 8 Едино же сие да не утаится вас возлюбленнии, яко един день пред Господем яко тысяща лет, и тысяща лет яко день един. 9 Не коснит Господь обетования, якоже нецыи коснение мнят: но долготерпит на нас, не хотя да кто погибнет, но да вси в покаяние приидут. [1] 10 Приидет же день Господень яко тать в нощи, воньже Небеса убо с шумом *мимо идут*{*мимо пойдут*}, стихии же сжигаемы разорятся, земля же и яже на ней дела сгорят. 11 Сим убо всем разоряемым, кацем подобает быти вам, во святых пребываниих и благочестиих? 12 Чающим и скорее быти желающим пришествия Божияго дне, егоже ради Небеса жегома разорятся, и стихии опаляеми растаются. 13 Нова же Небесе, и новы земли по обетованию его чаем, в нихже правда живет. [2] 14 Темже возлюбленнии, сих чающе, потщитеся нескверни и непорочни тому обрестися в мире: 15 И Господа нашего долготерпение, спасение непщуйте: якоже и возлюбленный наш брат павел, по данней ему премудрости (л. 71 об.) написа вам. 16 Якоже и во всех своих посланиих, глаголя в них о сих: в нихже суть неудобь разумна некая, яже ненаучени и неутверждени развращают, якоже и прочая писания, к своей погибели им. 17 Вы же убо возлюбленнии, предведяще хранитеся, да не лестию беззаконных сведени бывше, отпадете своего утверждения: 18 Но да растете во Благодати и разуме Господа нашего и Спаса Иисуса Христа. тому слава, и ныне, и в день века. аминь. Конец среде. Конец втораго послания святаго ап\стола петра, имущаго в себе главы 3: зачал Церковных 5: стихов 61: знаменаний черных 4: последующих же им червленых 2.