<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 5 об.) О чудесех святых апостол, яже суть в деяниих. [1] Петр и иоанн исцелиста именем Господним рожденнаго хрома, седящаго пред красными дверьми. [2] Петр ананию и сапфиру жену его обличи, украдша от обетования Божия, и быста абие мертва. [3] Петр во иоппии умершую тавифу воскреси молитвою. [4] Петр сходящ сосуд с Небесе всякаго животна виде. [5] Петрова стень приходящи на недужныя, уврачеваше их. [6] Петр хранимь связан в темнице, и ангелом испущен бысть, стрегущим воином. и ирод червьми ядомь издше. [7] Стефан творяше чудеса и знамения велия. [8] Филипп найде скопца чтуща исаию пророка, и крести его. [9] Тойже филипп в самарии многи духи изгна, и хромии и разслабленнии исцелишася от него. [10] Павел, приближаяся к дамаску, виде видение, и абие бысть Благовестник. [11] Павел в листрех хрома рождена исцели во имя Господне. [12] Павел видением в македонию зван бысть. [13] Павел жену, имущую дух зол, очисти в филипписиех. [14] Павлу и силе вверженым в темницу, и забиенома ногама ею в кладе, в полунощи трус бысть, и разрешишася узы их. [15] Потом павлим от убрусца недужныя и бесныя исцелевахуся. [16] Павел евтиха в троаде, со оконца спадша и умерша воздвиже, глаголя: душа его в нем есть. (л. 6) [17] В кипре острове запрети павел волхву еллиме, и бысть абие слеп. [18] Егда пловяше павел, в рим грядый, пострада же сам и сущии с ним в корабли, дний и нощий четыренадесять, всем чающим умрети. представ же Господь рече павлу: яко тебе ради даю всем живот, и спасени быша. [19] Изшедшу павлу от корабля, ехидна угрызну и, и вси мняху, яко умрети ему: егда же пребысть без вреда, мняху его яко Бога суща. [20] Отца поплиева во отоце, водным трудом боляща исцели павел, и ины многи недужныя.