<::лат> OCR: <::рус> Библиотека святоотеческой литературы <::лат> http://orthlиb.ru <::слав> (л. 2 об.) Избрание святых седмидесяти ап\стол, дорофеа епискпа тирска, мужа древня и Богоносна, и мученика бывша во время ликиниа и константина царей. Сей предреченный и совершенный муж писания различна остави нам, греческа же и римска: занеже обема языкома извыкл бе, и совершен в разуме. По умертвии же диоклитиана и ликиниа, дойде своего жилища, и бе правитель тирския церкве до иулиана мучителя: занеже не яве, но тай своими князи иулиан убиваше Христианы. Паки дорофей дойде удска града, в немже и ят быв иулиановыми князи, и многи раны прием в велицей старости, Христова ради исповедания, мучением скончася, сый лет ста седми. Сей святый дорофей о седмидесятих апостолех и ученицех Христовых глаголет: от нихже множайшии епискпи в различных языцех быша: инии же в службах слова, ихже Божественный павел в посланиих целуя поминает: по воскресении бо из мертвых Господа Бога и Спаса нашего Иисуса Христа, по мнозех летех всех их обрет и написа, ихже имена суть сия: (л. 3) [1] Иаков брат Господень, первый епискп иерусалиму, иже самем Господем поставлен, древом белильным главу ему сокрушиша, и скончася. [2] Клеопа, иже и симеон брат Господень, быв вторый епископ иерусалиму: иже виде Господа по воскреснии, дометианом царем распят скончася. [3] Фаддей, иже донесе епистолию авгарю во едес: сей исцели ему недуг. [4] Ананиа, иже крестивый святаго апостола павла, в дамасце бысть епископ. [5] Стефан первомученик, от иудей камением побиен, скончася. [6] Филипп, един от седми, иже Крестивый симона волхва, и каженика кандакиина, в тралии асийстей бысть епискп. [7] Прохор, и той един от седми же, в никомидии вифиний святей бысть епископ. [8] Никанор, един от седми, в тойже день умре, воньже и святый стефан, с двема тысящама веровавшими во Христа. [9] Тимон, един от седми, во острове аравсте бысть епископ, сожжен еллины скончася. [10] Пармена, и той един от седми, иже пред очима апостол умре во своей службе. [11] Николай, и той един от седми, в самарии бысть епискп: но от веры уклонися с симоном. [12] Варнава, иже с павлом послужи слову, и в мире Христа проповеда, в медиолане бысть епископ. [13] Марко евангелист, петром апостолом во але_ксандрии поставлен бысть епископ. [14] Сила, иже с павлом слово проповедав, в коринфе бысть епископ. [15] Лука, иже с павлом по вселенней слово проповеда, в солуне бысть епископ. Лука убо евангелист бяше родом от антиохии сирския, шед в фиву македонскую при (л. 3 об.) траиане царе, врачуяй: написа же первее святое евангелие к феофилу некоему игемону, веровавшу во Христа. и паки по летех мнозех страстей Господних, повелевшу святому апостолу петру, изложити ему деяния святых апостол, и посем изложи святый лука деяния святых апостол, к семуже феофилу. и сия совершив, с миром душу свою Господеви отдаде: и тако почи в фиве. святыя же мощи его от фивы пренесены быша в церковь святых апостол, и под святою трапезою положени. [16] Силуан, иже с павлом слово проповеда, в солуне бысть епископ. [17] Крисп, егоже апостол поминает в тимофееве втором послании, в халкидоне галилейстем бысть епископ. [18] Епенет, егоже апостол в римстей епистолии поминает, в карфагене бысть епископ. [19]Андроник, егоже апостол в римстей епистолии поминает, в паноне бысть епископ. [20] Амплий, егоже апостол в римстей епистолии поминает, на удсе бысть епископ. [21] Урван, егоже апостол в римстей епистолии поминает, в македонии бысть епископ. [22] Стахий, егоже апостол в римстей епистолии поминает, андрей апостол понтское море преплавая, и дошед агрикополя, епископа его в византии устрои. [23] Апеллий, егоже апостол в римстей епистолии поминает, во ираклии бысть епископ. [24] Фигелл, во ефесе бысть епископ: последи же симоново учение прият. [25] Ермоген, в мегаре фрачестей бысть епископ. [26] Димас, егоже апостол в тимофееве епистолии второй поминает, яко фигелл и ермоген противистася учению Божию: а димас возлюби нынешний век, (л. 4) в солуне иерей бысть идолом, о нихже апостол иоанн пишет: от нас изыдоша, но не быша от нас. [27] Аполлос, егоже апостол поминает, в смирне бысть епископ, прежде святаго поликарпа. [28] Аристовул, егоже апостол в римстей епистолии поминает, во вритании бысть епископ. [29] Наркисс, егоже апостол в римстей епистолии поминает, во афине бысть епископ. [30] Иродион, егоже апостол в римстей епистолии поминает, в патре бысть епископ. [31] Агав, егоже деяния апостольская поминают, иже и дар пророческий прият. [32] Руф, егоже апостол в римстей епистолии поминает, в фиве бысть епископ. [33] Асигкрит, егоже апостол в римстей епистолии поминает, во аркане бысть епископ. [34] Флегонт, егоже апостол к колоссаем в епистолии поминает, в маратоне бысть епископ. [35] Ермин, егоже апостол в римстей епистолии поминает, в далматии бысть епископ. [36] Патров, егоже апостол в римстей епистолии поминает, в потиоле бысть епископ. [37] Ерма, егоже апостол в римстей епистолии поминает, в филиппополи бысть епископ. [38] Лин, егоже апостол в римстей епистолии поминает, по святом петре апостоле, в риме бысть епископ. [39] Гаий, егоже апостол поминает в римстей епистолии, по тимофеи апостоле во ефесе бысть епископ. [40] Филолог, егоже апостол поминает, андреем апостолом в синопии поставлен бысть епископ. [41] Родион, егоже апостол поминает, сей в риме со святым апостолом петром, нероном усекновена быста. (л. 4 об.) [42] Лукий, егоже апостол поминает в римстей епистолии, в лаодикии сирстей бысть епископ. [43] Иасон, егоже апостол в римстей епистолии поминает, в тарсе бысть епископ. [44] Сосипатр, егоже апостол поминает в римстей епистолии, во иконии бысть епископ. [45] Тертий, написавый к римляном послание, вторый епискп бысть во иконии. [46] Ераст, егоже апостол поминает, иконом бысть иерусалимския церкве: потом панеаду бысть епископ. [47] Апполлос, егоже апостол к коринфяном поминает, в кесарии бысть епископ. [48] Кифа, во иконии бысть епископ. [49] Софен, егоже апостол поминает, в колофоне бысть епископ. [50] Тихик, егоже апостол поминает, и той в колофоне бысть епископ. [51] Епафродит, егоже апостол поминает, во андриакии бысть епископ. [52] Кесарь, егоже апостол поминает, в драчии бысть епископ. [53] Марко, сыновец варнавль, егоже апостол поминает, в аполониаде бысть епископ. [54] Иисус, рекомый иуст, егоже апостол поминает в деяниих, в елевферополи бысть епископ. [55] Арфема, егоже апостол поминает, в листре бысть епископ. [56] Климент, егоже апостол поминая, глаголет: и с климентом, и с прочими поспешники моими, в средце бысть епископ. [57] Онисифор, егоже апостол поминает, в киринии бысть епископ. [58] Тихик, егоже апостол поминает, в халкидоне вифинии первый бысть епископ. (л. 5) [59] Куарт, егоже апостол поминает, в вифуте бысть епископ. [60] Карп, егоже апостол поминает, в бере фрачестем бысть епископ. [61] Евод, иже по святем петре, во антиохии бысть епископ. [62] Аристарх, егоже апостол поминает, во амасии сирстей бысть епископ. [63] Марко, нарицаемый иоанн, егоже лука в деяниих поминает, в библе бысть епископ. [64] Зина законник, егоже апостол поминает, в диосполе бысть епископ. [65] Филимон, к немуже апостол павел написа епистолию, в газе бысть епископ. [66] Аристарх другий, [67] Пуд, [68] Трофим: сии трие во всех гонениих, со апостолом павлом спострадаша: на конец в риме от нерона царя усекновени быша. [69] Онисим, скончася в потиоле, тертилом епархом римским. [70] Фуртунат. Сии вси быша епископи во языцех: о нихже сей святый и треблаженный епископ дорофей тирския церкве бывый написа, и предаде церкви, в память святых апостол. о нихже и павел писаше, глаголя: иже прежде нас быша о Господе. семуже никтоже не неверуй: сущее убо се бысть.