<::рус> источник: Алфавит Духовный, оцифровка Александра Акимова <::лат> http://ооо.зpиrиtalph.narod.ru/ <::слав> Часть 1 Глава шестая О еже предпочитати пост, и имети во всем воздержание. Пост и воздержание предпочтен ти буди, аще хощеши имети прав разум, и удобь победити вся страсти. Плотскими сладострастми не порабощайся, да не себе @восплащение@ {@мзду} сими приимеши: да не во тме безсловесия и мятежа изнуриши жизнь свою. [2] Обядения и пиянства зело блюдися: то бо есть начало и корень всякому греху, блуду же и нечистоте ходатай, и вечному томлению предуготовление: невоздержание бо приносит вся злая, имже прадед наш адам плачевне отпаде рая, и подпаде смерти. От обядения и пиянства тягота души, помрачение разума, востание плотския похоти, борба всегдашняя, бесу удобный приступ, Божественныя же любве отчуждение. [3] От обядения и пиянства не точию душе вред, но и телу нездравие: воздержание же и трезвение не точию душе польза, но и телу здравие, и легкость жизни. Обядение и пиянство не точию вечныя жизни, но и временныя лишает, и погубляет вкупе душу и тело, и весьма непотребна Богу и человеком быти творит. Сласть временная ходатайствует человеку горесть вечную, аще кто к ней безсловесно прилепляется: живот воздержателен и трезвенный, зде еще рай есть, растленный же и греховный, зде еще ад, и зельное души томление. [4] Буди побеждаяй, а не побеждаемь, обладаяй сластьми, а не они тобою, аще хощеши в вечном веце быти свободь: побеждающему, рече Господь, дам ясти от древа животнаго, сущаго посреде рая (Апокал. гл\ва 2). И паки: делайте не брашно гиблющее, но пребывающее в животе вечном. плоть бо не пользует ничтоже (Иоан. за\ч 2). Сего ради не зело в сем утешение свое полагай, еже зело на малое время дано ти есть, но в Бозе истинное взыскуй, еже с тобою пребудет во веки. [5] Безмерия и умаления во всем блюдися: меру праву и разумну во всем храни. воздержание всегда имей во всем, аще хощеши удобь обрести душевный покой: сопротивно же, никогдаже мира и покоя обрящеши. Аще и пребезмерно было бы сладко брашно, исполненно же яда смертоносна, веждь, яко не ял бы еси его, аще смерти не желал бы еси вкусити: ниже прикоснутися хотел бы еси сицевым. [6] Презирай чревное насыщение, да не узами страстными ят и связан будеши: претерпевай алчбу и жажду плотския сласти, да тяжести душевныя свободишися, и насытишися Божественныя пищи. Не претерпеваяй бо кто малыя алчбы, пострадати имать вящшая страстная бедствования: измери сласть тленную со тщетою, угодие плоти с тяжестию, утешение временное с душевною горестию, веждь, яко вящше сими прельщатися не восхощеши: сласть бо тленная, несть сласть, но горесть души: угодие плоти, несть угодие, но раздражение и тягота: утешение временное, несть утешение, но скорбь и печаль, ниже Царство Небесное, но того оттщетение. Несть бо, рече Царствие Небесное пища и питие, но правда и мир и радость о Дусе святе, глаголет апостол (Рим. за\ч 114). [7] Не прилагай сердца своего к земным сластем, временна бо и тленна суть. Не в питии и брашнах земных утешение свое полагай, но Небесных лучших в Бозе взыскуй. Обаче аще бы и всех брашен и питий изобильно днесь насладился еси, и пил бы еси, единако не подобает ти к сим прилагати сердца, не бо с тобою тамо во веки пребудут: земная бо вся временна суть, Небесная же точию едина вечна и непреложна. [8] Потецы умом своим от юна возраста, и воспомяни тобою уже отдревле изяденная и испиенная, возмниттися, яко ни единою ял еси и довольно пиял еси: но изждишася, яко никогдаже быша, и ни едино есть днесь оных памятствование и польза. Якоже бо тогда, сице и днесь, аще и всех брашен и питий насладишися, ничтоже вящше приимеши, точию вред, и за коимждо кратом исполнения сластей, тяжесть душе, и страстем поновление. сего ради не зде сими @восплащение@ {@мзду} себе имети хощи, но в Небесных все упование свое полагай. [9] Преобижай временныя сласти тленныя, да не вечнаго наслаждения оттщетишися, и жизнь вечную погубиши. несть бо ино ничтоже плотския сласти угождение, точию душевная тягота, и зельное совести томление: несть толико утешения, елико скорби: несть толико сладости, елико по сем тяжести: суетное сие утешение, емуже абие последует горесть и упечаление. [10] Елицы безсловесно поработишася обядением и пиянством, ничтоже преславно и памяти достойно в мире содеяша: но с настоящею жизнию, вечныя зле оттщетишася, и память свою от среды Благих истребиша: темже аще яси, не с пристрастием яждь, аще пиеши, не с прилежанием сердца пий: не зде бо ти есть совершение: прейдет бо сие все, и вскоре изменится.