<::рус> источник: Камень веры, Александра Мусорина <::лат> ооо.megalиnk.ru/~amuз <::слав> АКАФИСТ Кондаки и икосы похвальныя святому Благоверному великому князю але_ксандру невскому, во иноцех але_ксию. Кондак 1. Избранному воеводе земли российския, светлому украшению Церкве православныя, святому Благоверному великому князю але_ксандру невскому, похвальная восписующе, яко верою враги, видимыя же и невидимыя, победившему, и в вере своей, по речению ап\столову, добродетель, в добродетели же разум, в разуме же воздержание, в воздержании же терпение, в терпении же Благочестие, братолюбие и любовь явившему, со умилением и радостию возопиим: Радуйся, святый Благоверный великий княже але_ксандре. Икос 1. Со ангелы и всеми святыми предстоиши ныне Христу, Блаженне але_ксандре, моляся о любовию чтущих тя: темже, поминающе, яко измлада Христа возлюбив, к небесным Духом прилепился еси, безплотных подражав житию, ублажаем тя, вопиюще: Радуйся, отрасле пречестная корене Благочестиваго: радуйся, Благоверия предков наследниче. Радуйся, подражателю добродетелей отца Боголюбиваго: радуйся, кротости и Благочестия матерняго преемниче. Радуйся, вождю к Небесем стада своего Христолюбиваго: радуйся, в житии всех рабов Божиих друже и ревнителей Благочестия собеседниче. Радуйся, сопричастниче преподобных лика Богосветлаго: радуйся, веры Христовы непобедимый исповедниче. Радуйся, волею мучениче, сликовстуяй ныне сонму мучеников добропобедному: радуйся, действенный Христианскаго упования и любве всем нам проповедниче. Радуйся, ревнителю уставов и чина Церковнаго Благолепнаго: радуйся, верных чад Церкве и угодников Божиих сонаследниче. Радуйся, святый Благоверный великий княже але_ксандре. Кондак 2. Видевше лепоту лица и телеснаго возраста твоего, новоградстии людие радовахуся и славляху Бога, взирающа на тя: мы же, поминающе светлейшия паче солнца добродетели твоя, Блаженне але_ксандре, прославившему тя Господеви поим: аллилуиа. Икос 2. Разумел еси, Богомудре але_ксандре, яко преходит образ мира сего, едино же есть на потребу человеком, еже Благоугодити Господеви: сего ради измлада от любве к миру и яже в мире уклонился еси, вожделев же зде сущими стяжати небесная, яко верный раб Господу во всем житии неленостно послужил еси. темже вопием ти: Радуйся, подвижниче веры, угождение Богу паче всего предызбравый: радуйся, подобне аврааму во всем житии непорочне пред Богом поживый. Радуйся, исааково послушание показавый: радуйся, путем иаковля смиренномудрия ходивый. Радуйся, иосифову чистоту и целомудрие стяжавый: радуйся моисеову любовь к людем своим в себе явивый. Радуйся, якоже Самуил чиста себе от всякаго любостяжания соблюдавый: радуйся, кротостию Давидовою враги своя победивый. Радуйся, петровой пламенней вере поревновавый: радуйся, с павлом игу Христову себе поработивый. Радуйся, Богомудрие иоанново подвигом поучения в слове Божием снискавый: радуйся, многих святых добродетели в себе совокупивый. Радуйся, святый Благоверный великий княже але_ксандре. Кондак 3. Силою веры стяжал еси, Блаженне але_ксандре, высшее любомудрие, егоже ради, презирая плоть, прилежал еси о души безсмертней: темже ублажающе тя, яко стяжавша ныне безсмертие, вопием прославльшему тя Христу: аллилуиа. Икос 3. Имеяй всегда пред очами своими Господа, трезвенно пожил еси, Блаженне але_ксандре, и вся, яже творил еси, творя во славу Божию, угодил еси Богу, емуже предстоиши ныне с лики от века угодивших: темже, радуяся о тебе, зовем ти: Радуйся, подвижниче истиннаго трезвения: радуйся, любителю спасительнаго созерцания. Радуйся, наставниче наш в подвиге от мира удаления: радуйся, стяжателю совершеннаго дара бодрственнаго себе внимания. Радуйся, твердый противоборче всякаго безсловеснаго вожделения: радуйся, добрый подвижниче Благочестия, преуспевый в разуме и деянии. Радуйся, яко силою молитвы препобедил еси диавольския искушения: радуйся, яко себе от греха оградил еси последних воспоминанием. Радуйся, яко возлюбил еси душею еже о небесных помышление: радуйся, яко преуспел еси в неленостных, яже к Богу, молитвенных предстояниих. Радуйся, яко все житие свое освящал еси непрестанным имене Божия призыванием: радуйся, яко угождал еси Господеви всяким Благоугождением. Радуйся, святый Благоверный великий княже але_ксандре. Кондак 4. Бури искушений воздвигоша врази и противу тебе, Блаженне але_ксандре. ты же препобедил еси сия силою Благодати Христовы: темже ныне к тихому пристанищу притек, с лики искушенных в мире, победивших же мир, вопиеши Христу: аллилуиа. Икос 4. Слышав павла глаголаша: всяк подвизаяйся от всех воздержится, вся в уметы вменил еси, Блаженне але_ксандре, да Христа приобрящеши: подвигами же отвержения себе и ко Благим делом принуждения стяжал еси свободу славы чад Божиих: темже ублажающе тя, вопием ти таковая: Радуйся, образ отвержения себе нам показавый: радуйся, ношению Креста в последовании Христу нас научивый. Радуйся, плоть со страстьми и похотьми ея поправый: радуйся, житием твоим суету мира обличивый. Радуйся, всякое пристрастие земное от себе отгнавый: радуйся, разум свой в послушании веры пленивый. Радуйся, волею своею Благое иго заповедей Христовых подявый: радуйся, сердце свое от всякия страсти душевредныя чисто сохранивый. Радуйся, себе Богу всесовершенне предавый: радуйся, чрез житие свое Богу послуживый. Радуйся, совершением заповедей любовь к себе Божию стяжавый: радуйся, наследие царствия Благоугождением Богу улучивый. Радуйся, святый Благоверный великий княже але_ксандре. Кондак 5. Бг~отечною звездою прешел еси в мире, Блаженне але_ксандре, блистающь славою и добродетелию: темже ныне сияеши на небесех славою вечною с лики праведник, с нимиже выну воспеваеши Христу: аллилуиа. Икос 5. Видевше тя, Блаженне але_ксандре, николиже во бранех побеждаема, всегда же побеждающа, невернии единаго имене твоего устрашахуся: мы же, поминающе исполненное веры мужество твое, ублажаем тя, глаголюще: Радуйся, доблественный в защиту веры и Церкве воителю: радуйся, своея земли мужественный защитителю. Радуйся, наветов вражиих мудрый разорителю: радуйся, мира безпомощных сильный оградителю. Радуйся, воинства свейскаго не брегах невских славный победителю: радуйся, безопасности всея северныя страны земли российския охранителю. Радуйся, злых козней иноверия, подвигших чуждую рать не землю нашу, разрушителю: радуйся, законов правды Богоукрепляемый утвердителю. Радуйся, пскова, отечества святыя ольги свободителю: радуйся, ненавидевших мира умирителю. Радуйся, буйства неустроенныя в тыя дни Литвы укротителю: радуйся, во всех сих бранех Христолюбиваго воинства своего мудрый предводителю. Радуйся, святый Благоверный великий княже але_ксандре. Кондак 6. Проповедника кротости и терпения явил еси себе, Блаженне але_ксандре, последи преславных побед твоих: темже и стяжал еси сугубый венец от Царя Христа, емуже предстоиши ныне вопия: аллилуиа. Икос 6. Провозсиял еси Блаженне але_ксандре, паче мужества, терпением твоим, егоже стяжал еси, взирая на начальника веры и совершителя Иисуса, иже вместо предлежащия ему радости претерпе Крест: темже восхваляюще тя, усердно вопием: Радуйся, до конца в подвизех служения Богу претерпевый: радуйся, терпению Христову верно подражавый. Радуйся, силу заповеди Христовы, яже о любви ко врагом, премудре уразумевый: радуйся, и согрешшим противу тебе избавленным тобою людем любовь истинную показавый. Радуйся, во искушении от народа своего хитрость лукаваго прозревый: радуйся, мирным отбытием своим из земли своея, злобу врага поправый. Радуйся, и во всем житии своем ухищрения сатаны проразумевый: радуйся, злое Благим, по ап\столу выну препобеждавый. Радуйся, паки, в годину скорби, в помощь оскорбившему тя новуграду предуспевый: радуйся, сего ради пламенную любовь от народа своего себе снискавый. Радуйся, Божия посещения болезни и лишения во упованием терпевый: радуйся,сего ради светлый венец от Господа стяжавый. Радуйся, святый Благоверный великий княже але_ксандре. Кондак 7. Хотяй провозсияти тебе всеми добродетельми, Блаженне але_ксандре, Владыка Христос призвал есть тебе к служению людем своим во дни посещения: ты же притяжал еси к терпению смирение, егоже ради ныне превознесен еси, предстоя Богу с песнию: аллилуиа. Икос 7. Дивно бе видети, како непобедимый воитель смиренно преклоняет главу свою пред неверными, их же посла Господь на люди своя ради грех их: дивно же есть и воспомянути непобедимое смирение твое, Блаженне але_ксандре, имже и Господеви Благоугодил еси, и люди своя спасл еси: темже Благодарно вопием ти: Радуйся, подражателю Господня смирения: радуйся, учителю подобающаго Богопоставленным властем почитания. Радуйся, противоборче всякаго превозношения: радуйся, подвижниче истиннаго послушания. Радуйся, всем нам образе вернаго Богу служения: радуйся, начальствующим наставниче в Богоприятном людем предстоянии. Радуйся, подвластных руководителю в Богозаповеданном предержащим властем повиновении: радуйся, яко многажды ради Блага людей своих путьшествовал еси к безбожным, ни во чтоже вменяя яже от них испытания. Радуйся, яко не устрашился еси, призвав Бога, приити к батыеви, исполняя его веление: радуйся, яко многащи воспринимал еси не себе страшный ответ о неразумных народа своего востаниих. Радуйся, яко оградил еси люди твоя от зловреднаго с неверными общения: радуйся, яко мудре оградил еси в земли своей отеческия доблести и предания. Радуйся, святый Благоверный великий княже але_ксандре. Кондак 8. Странническое житие прешел еси на земли, Блаженне але_ксандре, не ведый покоя в трудех своих, и не имый зде пребывающаго града, но грядущаго взыскуй: сего ради ныне, Блаженне, вселился еси в вечных обителех, выну поя Бога: аллилуиа. Икос 8. Всею душею послужив Господу, и всем житием своим Благоугодив ему, прославился еси Благочестием, егоже ради и исповедник явился еси веры Христовы, Блаженне але_ксандре: поминающе убо подвиг исповедничества твоего, вопием ти: Радуйся, злобы неверных не устрашивыйся: радуйся, твари паче создавшего не послуживый. Радуйся, солнцу и огню в стане безбожных не поклонивыйся: радуйся, веру свою во искушении сохранивый. Радуйся, велению безбожному не покоривыйся: радуйся, твердым проповедником веры пред неверными себе явивый. Радуйся, с сугубою славою, по исповедании своем, во всем житии верным вере отцев пребывый. Радуйся, от лести иноверия премудре уклонивыйся: радуйся, лукавство проповедников лжеверия яве обличивый. Радуйся, твердым защитником правоверия явивыйся: радуйся, лжесловесие врагов православия словом здравым препобедивый. Радуйся, святый Благоверный великий княже але_ксандре. Кондак 9. Всего себе повинув Богу, яко раб Благий и верный послужил еси ему, Блаженне але_ксандре, паче сверстник твоих для земли своея потрудився: темже и внити сподобился еси в радость Господа своего, емуже предстоиши ныне со ангелы поя: аллилуиа. Икос 9. Витийствующий язык не возмогл бы восхвалити дела твоя, Блаженне але_ксандре, яже совершил еси, полагая по братии душу свою: смиренно убо поминающе сицевая исправления твоя, умиленную песнь приносим ти, глаголюще: Радуйся, братолюбия Христианскаго приискренний ревнителю: радуйся, моисеовы и павловы любви ко братии подражателю. Радуйся, заповедей Христовых, яже о любви, верный исполнителю: радуйся, и всех нас в любви к присным дивный наставниче. Радуйся, примером своим паче слова явивыйся стязающихся о наследии братий своих примирителю: радуйся, о благе народа уседно в житии своем пекийся. Радуйся, общаго мира во днех своих устроителю: радуйся, изгнаннаго страхом нашествий татарских народа своего собирателю. Радуйся, безпомощных присный защитителю: радуйся, нищих и алчущих питателю. Радуйся, сирых сильный покровителю: радуйся, и ныне всех скорбящих и нуждающихся мощный пред Господем предстателю. Радуйся, святый Благоверный великий княже але_ксандре. Кондак 10. Спасти хотя душу свою, ведый же, яко не имущему любве к Богу никиими же подвигами и добродетельми улучити спасение возможно есть, стяжал еси венец добродетелей, яже есть любовь к Богу. емуже предстоя ныне радостно вопиеши: аллилуиа. Икос 10. Царя небеснаго возлюбив от всего сердца твоего и от всея души твоея и всею мыслею твоею, пренесл еси ему, Блаженне але_ксандре, последи многоразличных приношений веры и усердия, себе самаго в жертву живу, святу, Благоугодну: темже ублажающе тя, вопием ти: Радуйся, в житии всеми Богоугодными делы Господеви послуживый: радуйся, обетами иночества святое житие свое увенчавый. Радуйся, многи храмы Божии, безбожными разоренныя, основавый: радуйся, к просиянию подвигов постничества обители святыя создавый. Радуйся, подвизающихся в Благочестии измлада ради Бога возлюбивый: радуйся, ангельский образ и себе чистою душею предызбравый. Радуйся, в конец жития своего всего себе Богу освятивый: радуйся, приятием схимы, с новым именем але_ксиа, всесовершенне себе Богу предавый. Радуйся, обетом девства чистоту сердца своего явивый: радуйся, обетом нестяжания высоту духа своего показавый. Радуйся, обетом послушания всецелое служение свое единому Богу во веки утвердивый: радуйся, к венцем мудраго и Благаго князя мзду инока притяжавый. Радуйся, святый Благоверный великий княже але_ксандре. Кондак 11. Пение погребальное слезами растворяшеся у гроба твоего, Блаженне але_ксандре: людие твои плакахуся о тебе, солнце земли русския, в полудни зашедшем, и рыдания прерываху умиленную песнь их к Богу: аллилуиа. Икос 11. Свет славы Небесныя осия тя вскоре, Блаженне але_ксандре, утешая плачущия люди твоя: темже видяще при гробе твоем знамения и чудеса, сынове российстии достойне призываху тя, яко в молитвах предстателя: мы же, поминающе скорое заступление твое, вопием ти: Радуйся, угодниче Божий, в самом погребении от Бога получивый прославление: радуйся, скорый предстателю наш, егоже призываху отцы наши в нуждех и озлоблениих. Радуйся, в борьбе с татарами явивый князю димитрию донскому вспоможение: радуйся, исходатаивый Царю иоанну на казанцы одоление. Радуйся, всем подающий многоразличныя исцеления: радуйся, слепым возвращаяй молитвою твоею зрение. Радуйся, хромым, припадающим к гробу твоему даруяй хождение: радуйся, разслабленных врачуяй неможение. Радуйся, одержимым от бесов подаваяй свобождение: радуйся, безнадежных оживляяй надеждою спасения. Радуйся, в погубльших разум возставляяй разумение: радуйся, присно источаяй от гроба своего многообразныя чудотворения. Радуйся, святый Благоверный великий княже але_ксандре. Кондак 12. Бл~годать познавше живущую в нетленных мощех твоих, людие владимирстии с любовию прихождаху ко святей раце твоей, радостно лобызающе ю, славляху о тебе Бога, прославляющаго святыя своя, со умилением вопиюще ему: аллилуиа. Икос 12 Поюще добродетели и чудеса твоя, радостию сретаху и провождаху отцы наша святыя мощи твоя, преселяхуся на новое место покоища в святаго петра граде: мы ныне, радующеся о небесней славе твоей и обитании нетленных мощей твоих в граде нашем, со онеми вопием ти: Радуйся, российский иосифе, преселивыйся на новое место упокоения: радуйся, всех концев земли российския покровителю. Радуйся, петрова града Благонадежное утверждение: радуйся, града нашего небесный защитителю. Радуйся, северныя столицы неоцененное украшение: радуйся, славо и утверждение тезоименитыя тебе обители. Радуйся, подаваяй молитвами твоими здравие же и спасение: радуйся, всех обитателей града нашего Богомудрый учителю. Радуйся, иноком, яко инок, преподаваяй полезное примером жизни своея наставление: радуйся, мирским людем, яко в мире потрудивыйся, к добродетелем общежития руководителю. Радуйся, нетлением своим подаваяй всем нам надежду воскресения: радуйся, всех нас в напастех и скорбех поборниче, хранителю и свободителю. Радуйся, святый Благоверный великий княже але_ксандре. Кондак 13. _О, святый Благоверный великий княже але_ксандре! от Благоговейных сердец приносимую ти, аще и недостойную, хвалебную песнь сию, приими от нас яко усердную жертву сердец, любящих тя и ублажающих святую память твою. Охраняй всех нас молитвами твоими: огради ходатайствы твоими град твой, и вся люди земли российския, да тихое и безмолвное житие пожив в нынешнем веце, блаженство вечное наследуем, и купно с тобою и всеми святыми выну сподобимся воспевати Богу: аллилуиа, аллилуиа, аллилуиа. Молитва святому Благоверному великому князю але_ксандру невскому Скорый помощниче всех усердно к тебе прибегающих, и теплый наш пред Господем предстателю, святый Благоверный великий княже але_ксандре! Призри милостивно на ны недостойныя, многими беззаконии непотребны себе сотворшия, к раце мощей твоих ныне притекающия и из глубины сердца к тебе взывающия: ты в житии своем ревнитель и защитник православныя веры был еси, и нас в ней теплыми твоими к Богу молитвами непоколебими утверди. Ты великое возложеное на тя служение тщательно проводил еси, и нас твоею помощию пребывати коегождо, в неже призван есть, настави. Ты победил полки супостатов, от пределов Российских отгнал еси и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчаный на небесех царствуеши, исходатайствуй и нам, смиренно молим тя, житие тихое и безмятежное, и к вечному царствию шествие неуклонное твоим предстательством устрой нам. Предстоя же со всеми святыми престолу Божию, молися о всех православных Христианах, да сохранит их Господь Бог своею благодатию в мире, здравии, долгоденствии и всяком благополучии в долайшая лета, да присно славим и Благословим Бога, в Троице святей славимаго, отца и Сына и святаго Духа, ныне и присно и во веки веков. Аминь. Тропарь, глас 4, новембрий 23. Яко Благочестиваго корене пречестная отрасль был еси блаженне але_ксандре: яви бо тя Христос, яко некое Божественное сокровище российстей земли, новаго чудотворца преславна и Богприятна. и днесь сошедшеся в память твою верою и любовию, во _псалмех и пениих радующеся славим Господа, давшаго тебе Благодать исцелений. егоже моли спасти град сей, и державу сродник твоих Богоугодней быти, и сыновом российским спастися. Тропарь, глас 4, август 30. Познай свою братию российский иосифе, не в египте, на Небеси царствующий, Благоверный княже але_ксандре, и приими моления их, умножая жита людем плодоносием земли твоея, грады владычествия твоего ограждая молением, и наследником твоим, благоверным людем нашим, на сопротивныя споборствуя.